You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
1067 . Öñinden su bigi akmazlayıncı<br />
Yüzümi göricek bakmazlayıncı<br />
1068. Kulına zulm idici pâdişâhum<br />
Sa'âdet menba'ı devletlü şâhum<br />
1069 . Du'âlar kıluram her subh u şâmı<br />
Kabûl it şâh ben kuldan peyâmı<br />
1070 . Du'âdan soñra iy yâr-ı güzînüm<br />
Sebebsüz nâz idici nâzenînüm<br />
1071 . Yiter nâz-ıla bizden bî-niyâz ol<br />
Ko nâzı çıkma dilden bî-niyâz ol<br />
1072 . Ki sen cân-ıla buşdugınca dîdâr<br />
Olardan saña cân-ıla hırîdâr<br />
1073 . N' ola nâz eyledükçe bilseñ i'zâz<br />
Ki olur nâzenînden nâzenîn nâz<br />
1074. Disem ger nâzı ko şâhum revâdur<br />
Ki haddan aşdugı nâzuñ cefâdur<br />
1075. Gamuñla bunca müddetdür harîfem<br />
Cefâya tâkatum yokdur za'îfem<br />
1076 . Unıdup meyl kılduguñ cefâdur<br />
Yañılup rahm kılduguñ riyâdur<br />
1077 . Belî sen kendü perdeñ açmayu gör<br />
K' açılsa perdesi bagrın delerdür<br />
1078 . Tutupdur gûşe-i halvetde 'uzlet<br />
Anuñ-çun âb-ı hayvân buldı 'izzet<br />
1079 . Olurdı kıymeti taşa berâber<br />
Görinse her göze bakdukça gevher<br />
1080 . Hatâ didüm ko keşf olsun cemâluñ<br />
Görinsün halka bu rây-ı kemâluñ<br />
1081. Dil ü cânı yüzüñüñ âfitâbı<br />
Münevver eylesün götür nikâbı<br />
1082 . Cihân bigi olup i'zâz içinde<br />
Ola cân bigi 'izz ü nâz içinde<br />
1083 . Gerek 'ârif olan ahvâlı bile<br />
74