Gramatika e gjuhës shqipe - Mileniumi i Tretë

• Folja, në pjesën e nënrenditur përcaktore mund të
jetë në mënyrën dëftore dhe lidhore:
Lexova një libër që flet për historinë e Murit Kinez.
Kërkoj një libër që të tregojë historinë e ndërtimit të
Murit Kinez.
• Kur paraprijësi është një përemër, pjesa e
nënrenditur lidhet me kryesoren vetëm me përemrin
lidhor që:
Ai që të thotë gjithmonë të vërtetën, të do të mirën.
• Kur paraprijësi është një përemër dëftor, para pjesës
së nënrenditur përcaktore nuk vihet presje:
Ai që po flet me Agronin është mësuesi i Mirës.
• Në raste të rralla pjesa e nënrenditur përcaktore
mund të lidhet me paraprijësin edhe me lidhëzat se,
që.