Po Dibrës! Jo Skavicës! - Lexo librin (pdf) - Gazeta Kritika

12 Abdurahim Ashiku
Nga vinin? Kush i hidhte?
Vinin nga Uji i Ftohtë, siç quhej atëherë dhe siç quhet edhe
sot. Një naftësjellës i kohës së mesit të viteve tridhjetë merrte
nga Kuçova naftën për ta përcjellë me benzinatat në drejtime
të ndryshme ashtu si dekovili merrte serën nga Selenica për ta
përcjellë në të njëjtat rrugë. Teknika dhe teknologjia e ngarkimit të
këtyre prodhimeve të tokës shqiptare i përshtateshin kohës. Ishte
kjo arsyeja që bregu i bukur i Ujit të Ftohtë nuk ishte plazh, nuk
frekuentohej nga vlonjatët që e kishin në derë të shtëpisë, ashtu
siç nuk frekuentohet ( po bëj një kapërcim në kohë e hapësirë )
bregdeti i Pireut apo ai i pjesës lindore të Salaminës, Megarës,
Elefsinës, etj. në Greqi. Prania në brigjet e detit e ndotësve organikë
dhe veçanërisht ata me burim nafte (veprim i ndërgjegjshëm) ashtu
si edhe prania e tyre në raste aksidentale (të papërgjegjshme e të
pandërgjegjshme) çon në shkatërrime ekologjike të cilat ushtrojnë
një peshë të pa matshme mbi njerëzit dhe qeniet e gjalla.
Erdhi një kohë që Vlorës ia hoqën këtë “çiban“. Lindi aso kohe
Plazhi i Ri dhe ndërtimet e bukura për kohën, ndërtime që zunë
vendin e kasolleve të ngritura me ngut nga mërgata çame...
Vlora është përsëri përballë një “çibani“. Bregdetit të saj janë
hedhë themelet e një kompleksi të madh nafte e gazi dhe të një
strukture të gjerë termocentralesh.
Vlora, në thelb, përjeton dilemat e ekzistencës së saj. Bukuria
i jep asaj vlerat e një vendi turistik të shkallës së parë. Afërsia me
brigjet e Italisë i jep asaj vlerat e vendit ekonomik të shkallës së
parë në lidhjen me Italinë dhe me vendet e tjera të Evropës. Nga
Vlora, që në kohën e pushtimit turk dhe të Ismail Qemalit kalonte
kablli telegrafi k që lidhte Lindjen me Perëndimin. Prerja e tij nga
anijet greke (siç kumtohet historikisht) në vitin 1912, preu edhe
lidhjen e Lindjes me Perëndimin në këtë linjë komunikimi.
A duhet të kalojë linja e re e gazit dhe e naftës nëpër Vlorë
drejt Italisë kur distanca tokësore midis këtyre dy pikave është
më e shkurtra?
A duhet që Vlorës si alternativë e vetme t’i jepet që energjinë
NJERËZ QË I DUA - 4