MOSEBETSI WA MOYA O HALALELANG. - Amosafrica

Mongodi
Sehlopha sa Amos tlasa boetapele ba Hennie Viljoen
Ditshwantsho
Landi Roux
Phetolelo
Michael Manchu
Frans Sekhoto
Mohlophisi
Frans Sekhoto
Mohlophisi wa leqephe
Sunette Frylinck
Botaki ba leqephe
Utilisoft (cc)
ISBN 1-919924-03-5 (stel)
ISBN 1-919924-77-9 (vol.5)
1
(Kgatiso - 4 / Mmesa 2008)

THUPELO YA AMOS
MOTHEO WA LENTSWE LA MODIMO
BUKA 1: Modimo ke Morena, mme o o ratile le ha o le moetsadibe.
BUKA 2: Ke Jesu feela ya ka o pholosang.
BUKA 3: Ithute ho tseba Jesu haholwanyane.
BUKA 4: O ka ba le bonnete ba hore o lopollotswe.
BUKA 5: Botho le mosebetsi wa Moya o Halalelang.
BUKA 6: Bala o utlwisise Bibele.
BUKA 7: Thapelo le ho ipolela dibe tsa hao.
BUKA 8: Paka mme o hole le bana ba bang ba Modimo.
BUKA 9: Ho tla ha Jesu Kreste le mosebetsi wa Hae o moholo.
Hammoho le dibuka tsena tse robong tsa thupello e eba hape BUKANA E SE
NANG MANTSWE le TATAISO KA THUTA BODUMEDI POLASING (Utlwisisa,
Amohela mme o Phele) di tla sebediswa.
Sepheo sa dithuto tsena ke hore batho ba rutwe motheo wa tshepiso ya Lentswe
hodima bonngwe le boitlhakiso ka mokgwa wa ho ithuta ka kutlwisiso e
amohelehang le ho fihlela tlotla ya Modimo.
Thapelo ya ka ke hore ka Moya wa Modimo e se eka ho ka thehwa nnete ya
Lentswe le tla sebediswa le dumellana le 2 Thimothea 3:15-17: "... Mangolo a
Halalelang, a nang le matla a ho o hlalefisa, o tle o pholoswe ka ho dumela ho
Jesu Kreste. Mangolo wohle a ngotswe ka tshusumetso ya Moya wa Modimo,
mme a na le thuso ya ho ruta, ya ho nyatsa, ya ho busetsa batho tseleng ya
ho loka le ho ba tsamaisa ho yona, hore motho wa Modimo a tle a phethehe, a
kwetlisetswe mesebetsi yohle e lokileng."
Ntshetsopele ya moleka ka Amos tlasa boetapele ba Hennie Viljoen.
Kgatiso © Hlakola 1999 - AMOS AGRIMIN
3

BUKA 5
BOTHO LE MOSEBETSI WA
MOYA O HALALELANG.
Pulo: Palo ya Lentswe le thapelo. Kamohelo le ditakalletso tsa hoba
mmoho. (20 metsotso)
KAROLO 1: Boikgopotso ba BUKA 4. (20 metsotso)
KAROLO 2: Sebaka sa Pentakonta sebakeng sa kalendara ya boKreste.
(40 metsotso)
KAROLO 3: Moya o Halalelang ke mang? (40 metsotso)
KAROLO 4: Moya o Halalelang o dula kae? (70 metsotso)
KAROLO 5: Mosebetsi wa Moya o Halalelang. (70 metsotso)
KAROLO 6: Ditholwana tsa Moya o Halalelang. (90 metsotso)
KAROLO 7: Dineo tsa Moya. (70 metsotso)
KAROLO 8: Taba ka nngwe tlasa galase ya sehodisi. (20 metsotso)
8.1 Qaka tse pedi mabapi le dineo.
8.2 Dineo di o thusa ho tseba seo e leng
tshwanelo ho seo Modimo a batlang
o se etse.
KAROLO 9: O ka utlwisa Moya o Halalelang bohloko. (30 metsotso)
KAROLO 10: Mosebetsi o tla etswa hae. (10 metsotso)
4

KAROLO 1 (20 metsotso)
BOIKGOPOTSO BA BUKA 4
TSEBISO HO MORUPELLI: O tlilo hlokomela ka pele pele hore Buka ena e
tenyanyana ho tse ding. Nako ya hao e lekantswe haholo. Ka tsela ena o se
sebedise nako e ngata ho ka tsitlallela boikgopotsong.
Mosebetsi-pheto 1: (6 metsotso)
Na o se o ile wa tshwara tshebeletso ya bodumedi ba lehae le bana ba hao ka
Buka 4, karolo 2 hammoho? Na o ile wa ba ruta mosebetsi wa hlooho (Johanne
1:12)? Na o ile wa ka wa qoqa le bana ba hao ka nnete ya tumelo? Bana ba hao
ba ne ba ikutlwa jwang?
Mosebetsi-pheto 2: (6 metsotso)
Ke bomang ba ileng ba ruta ba bang thuto ya 13 kapa 15 ya tataiso ka
thutabodumedi ya polasi (plaasgodsdiensgids)? Batho ba ne ba ikutlwa jwang?
O ile wa rutang thutong ya hao?
Mosebetsi-pheto 3: (8 metsotso)
A re ke re utlweng ka pelenyana hape ho ba bang ba mmalwa ho lona seo le
ithutileng sona thutong Buka 4. Ke eng se bileng setjha ho wena? O ile wa
ithutang se setjha seo pele o neng o sa se tsebe?
5

TLHALOSO YA BOHLOKWA
TSEBISO HO MORUPELLI: Ke ne nka ruta Botho le mosebetsi wa Moya o
Halalelang dibakeng tse ngata thutong ena. Ho ne ho ka tshwanela hore
hantlentle e be qalong ho isa qetellong di lohakantswe - leqepheng le leng le le
leng, hobane ha ho letho le ka siellwang moo. Empa ha ne nka etsa jwalo,
hamorao ho ne ho tla ba boima ho baithuti ho ka utlwisisa tsohle hantle. Kahoo
ke entse boikgethelo ba ho ruta Botho le mosebetsi wa Moya o Halalelang bukeng
e le nngwe.
Ho nna ho bonahala hore bohlokwa ba tsohle ke ho etsa hona mona leqepheng le
hlwekileng, empa jwalekaha ho se ho boletswe, mosebetsi wa Moya o Halalelang
hase ho fihlela leqepheng le hlwekileng feela ka tshebetso. Moya o Halalelang ke
Modimo mme kahoo ke ne ke tla ba le botiyo ba ho bua ka Wona e sa le pele
leqepheng la gauta. Leqepheng le ditshila ke Wona o seng o ile wa o pakela ka
dibe tsa hao. Leqepheng le lefubedu ke Wona o ikarabelang matleng a tswalo ya
Jesu. O etsa hore o dumele hore tsohle tseo Jesu a ileng a di etsa, o di etseditse
wena. Mosebetsi wa Moya o Halalelang o tswelapele leqepheng le letala le le
bolou. Ke Wona o o bopang ho ka hola semoyeng mme ho tsohle le ho ka phela
jwaleka Jesu ........ ho fihlela Jesu a kgutla hape/labobedi!
Bukeng ena ya 5 ke leka hape ho se bolele tsohle ka Moya o Halalelang seo se
seng se boletswe, hobane Thuto 1 ke thuto eo kahara yona e rutang le motheo
wa nnete wa tumelo ya rona.
Thapelo ya ka maemong ohle ke hore wena jwaleka moithuti o tlo sibolla nnete e
felletseng ntle le moo hore le fumane tlhohonolofatso ka yona.
6

KAROLO 2 (40 metsotso)
SEBAKA SA PENTAKONTA KALENDARENG YA BOKRESTE.
TSEBISO HO MORUPELLI: Maneha tshupa mmala eo o e amohetseng mmoho
le Buka 5, kapela sehlopha sa baithuti hodimo e le hore e tle e totobale ho bohle.
E etse jwalo hore bosehla ba tshupammala bo be hodimo, jwalekaha ho
bontshitswe seralweng. Etsa hona pele tlelase e ka qala.
Tlhaloso ya tshupammala ena ke 1 Januwari e be lephewana le be ka letsohong
le letona ha le suthiswa. Ha lephewana le sothwa lekgetlong le leng le le leng, le
etsa selemo se le seng.
Nakong ya ho fana ka thuto setshwantsho se seng le se seng, o se manehe
hantle ho sedikwe, kahodima tshupammala ka nepo.
TLHALOSO:
Hodima sedikadikwe (se manehilweng ditshupammala tse fapaneng) qala
Januwari feela ka ho suthisetsa letsohong le letona la bosehla bokahodimo. Ka
tsela eo ho feta moo selemo lekgetlo le lekgetlo ha lephewana lekgetlo le leng le
le leng le potoloswa - hape ho fihlela tshupatshehla.
Selelekela:
7

TSEBISO HO MORUPELLI: Bontsha baithuti kalendara. Bopa puisano ka
dipotso tse fapafapaneng tseo o tla di botsa. Etsa hore baithuti bohle ba nke
karolo nako tsohle leha e le ho fana ka dikarabo.
Ke tshwereng mona? Ehlile, ke alemanaka/ kalendara. Re e hlokelang ntho e
tjena? Jwale, hobaneng matsatsi a mang a tshwailwe (takilwe) ho matsatsi a
mang? Ee, ke hobane matsatsi ao e le a phomolo ya batho bohle, eseng feela
bana ba sekolo. Matsatsi a ikgethileng ao a o etsa hore o nahane ka diketsahalo
tse ikgethang tsa bohlokwa. Jwaleka letsatsi la 27 Mmesa (April) selemo le
selemo e le letsatsi la Tokolloho. Eba bohle ba Afrika Borwa ba nahana morao
selemong sa 1994 sa dikgetho tse akaretsang. E ne e le ketsahalo ya bohlokwa
nalaneng (historing) ya naha, hobane e ne e le lekgetlo la pele batho bohle ba
dilemo tse leshome le metso e robedi, ba ka kgethang. Ho bolela hore e mong le
e mong o ne a ka re, ke mang eo a neng a ka re o tshwanela ho busa naha.
Na o a tseba, ha wena o le ngwana wa Modimo, ho teng matsatsi a itseng a
kalendareng a ikgethileng haholo. Ke matsatsi a mekete ya boKreste! Matsatsi a
mokete wa boKreste ha se matsatsi a tshwailweng e le a bohlokwa a phomolo
kapa e se matsatsi a tshwailweng alemanakeng. Ho bana bao e seng ba Morena,
matsatsi a jwalo a ikgethang hase a bohlokwa jwaleka ho nna le wena. Ke bua ka
matsatsi a jwaleka, mohlala; nyolohelo.
Ka letsatsi leo o nahana ka seo Modimo a ileng a o etsetsa sona. Ka kerekeng
moruti kapa moevangedi o na le tokelo ho rera ka hoo. Leha matsatsi a ikgethang
ao e le karolo ya lenane selemo la kereke ya Morena. Ebile hape e bitswa
kalendara ya boKreste. Lebitso le leng ke selemo sa bokereke.
Kalendara ya boKreste/selemo sa bokereke ena hase feela ntho hape e lenaneng
la kereke, tjhe boboo. Kalendara ya boKreste e bolella ka ntho e makatsang O
BOHLOKWA HO MODIMO. Bohlokwa e hlalosa hore: Modimo o a o kgathalla o
bohlokwa haholo ho Modimo mme o bile o o ratile. Kahoo ke thato ya Hae ho o
batlela tse molemo ka ho fetisisa.
Ho ka o hlalosetsa kalendara ya boKreste hantle, re tshwanela ho qala hantlentle
qalong. Ke ntho efe eo e leng ya bohlokwa ya pele e ileng ya o etsahalla?
8

2.1 Keresemese - Tswalo ya Jesu:
Kgalekgale, Modimo o se o ile wa rialo Testamenteng ya Kgale hore Yena o tla
romela e Mong ho tla tlosa dibe tsa ka le tsa hao le tsa lefatshe lohle. Ha ho ya
neng a tseba hore ho tlo etsahala eng. Ke Modimo feela ya ileng a tseba.
TSEBISO HO MORUPELLI: Sotha lephewana ha o ntse o bua. Emisa
lephewana tshupaneng e tshehla.
Yaba hoo ho a etsahala: Jesu Kreste a tswallwa Betlelehema jwaleka motho, Ee
bo, ke seo Modimo o ileng wa se tjho, ya eba nnete! Ke ka moo nnete ya
kalendara ya boKreste e ileng ya qala ka teng - tswalong ya Jesu Kreste. E
bitswang Mokete wa Keresemese. Re o keteka selemo le selemo ka di 25
Tshitwe (Desemba) selemo le selemo ka Mokete wa Keresemese o tshwanela ho
nahana hona ..... Modimo o ratile wena le batho bohle hoo o ileng wa romela Jesu
lefatsheng.
TSEBISO HO MORUPELLI: Maneha setshwantsho moo tswalo e
tshwantshiswang teng (setshwantsho se sehla) kantle ho sedikadikwe, hantle
mabapi le tshupammala e tshehla.
O BOHLOKWA HO MODIMO. O ile a rata lefatshe (hape le wena) hoo a bileng a
roma Mora (Jesu) wa Hae a le mong (Johanne 3:16). Ka baka la ka le wena ka
tsela eo Modimo o ile wa romela Jesu lefatsheng kahoo hore Yena a ka ba ho
rona! Jesu hape ke wa hao, wena ya esoka a eba ngwana wa hae ka tswalo. O
rata hape hore o tsebe - O BOHLOKWA HO MODIMO.
Kalendara ya boKreste ya qala jwalo mohla mokete wa keresemese .........
hobane Jesu o tswalletswe wena. Jesu ha a ka a hlola e le ngwana sejelong sa
diphoofolo. Tjhe, o ile a hola. Ka dilemo tse ka bang mashome a mararo a metso
e meraro Jesu a ntse a phela jwaleka motho lefatsheng. O ile a bua le ho ruta
batho ba Modimo. Ho ne ho se bobebe ka nako tsohle, hobane ho ne ho le teng
batho ba sa Mo kgolweng. Leha ho le jwalo Jesu o ne a utlwa Modimo mme
Yena o entse seo Modimo a bonang e le tshwanelo ya hore a etse seo a se
lebelletseng ka Yena.
TSEBISO HO MORUPELLI: Qala hape o sothe lephewana ha o ntse o bua. Le
sothe makgetlo a mangata ho qaqisa dinako tse ileng tsa feta tse ka bang dilemo
tse 33.
Hang, ka Labohlano le leng ho ile ha etsahala ntho e makatsang. Ha o utlwa seo
o tla tlelwa ke masisa-pelo empa hantlentle ke ditaba tse molemo!
9

2.2 Thakgiso - Jesu o a shwa:
Modimo o ile wa etsa leqheka le tsotehang jwalo hore nna le wena re se lokelwe
ke ho otlwa. O BOHLOKWA HO MODIMO mme kahoo ha a rate ha o ka lokelwa
ke ho ya diheleng. Tjhe, Tjhe, o rata ha letsatsi le leng o ka ba le Yena
lehodimong, kahoo Jesu o ile a shwa sefapanong bakeng sa hao. Lebaka la hore
hobaneng a ile a shwa, ke ho tlosa dibe tsohle tsa hao! Haeba o dumela ho Jesu,
eba o o tshwarela dibe tsohle tsa hao mme a o etse ngwana wa Hae. Na ha ho
thabisi! Thakgiso ya Jesu ka tsela eo e ka diketsahalo tse latelang tsa kalendara
ya boKreste.
TSEBISO HO MORUPELLI: Maneha sefapano kantle ho sedikadikwe, hantle
feela ka hodima tshupammala e kgubedu - jwalekaha ho bontshitswe seralweng.
Thakgiso ya Jesu e o bontsha hore ........... O BOHLOKWA HO MODIMO, hobane
a batla ho o lokolla dibeng tsohle tsa hao. Na seo o se hlokometse? Modimo o o
ratile haholo. Jwaleka ngwana wa Modimo o ke ke wa kgutsa ka sena. Tjhe boo,
o tshwanela ho ya se bolela - feela tjena, ho bohle polasing. Ho sa le teng batho
ba bangata ba eso tsebe le ho hlokomela kamoo ba leng bohlokwa ka teng ho
Modimo.
Ee, Jesu o tswalletswe wena, hore Yena a tle a shwe jwalo sefapanong ka baka
la dibe tsa hao. Moo teng o ne a le mong, too! Esitana le Modimo o ile a mo
tlohela a le mong hore a shwelle sefapanong. Mahlomola le boima tseo Jesu a
ileng a di fumana di ne di se bobebe. Empa o ile a o etsetsa tsona, hobane O
BOHLOKWA HO MODIMO!
Letsatsi leo Jesu a neng a thakgiswa ka lona, la bitswa Labohlano le Molemo,
hobane seo se ile sa etsahala ka lona, ke ditaba tse molemo ho batho bohle. Ke
a tshepa o se o ile wa utlwa ka Labohlano le Molemo kapa ho le bona
kalendareng. Ka tlwaelo le eba ka kgwedi ya Hlakubele (March) kapa Mmesa
(April).
Ha o fumana boima kapa mathata, o seke wa tshaba. Bolella Jesu ka tseo, o tla o
utlwisisa hobane o ile a fumana boima bo jwalo. O o mamela ka tjhesehello
hobane o le ngwana wa Modimo, hobane O BOHLOKWA HO MODIMO. Selemo
le selemo Labohlano le Molemo le o etsa hore o nahane ka sena.
Hoba Jesu a shwe sefapanong, o ile a patwa lebitleng. Empa ntho e
makatsang e ile ya etsahala.
10

2.3 Tsoho - Jesu o a phela:
Ako mamele feela mona! Jesu ha a ka a dula lebitleng la Hae. Tjhe boo! a re ke
re bale ditaba tse molemo tse Bibeleng. Ho Mattheu 28:5 ho ngodilwe: "Lengeloi
la bua, la re ho basadi (lebitleng la Jesu): Ha e le lona, le seke la tshoha, hobane
ke a tseba hoba batla Jesu, ya kileng a thakgiswa. Ha a sa le mona, hobane o
tsohile jwalekaha a ne a boletse." Na o ka hopola hore Jesu o ile a tsoha ka
letsatsi lefe bafung? (Luka 24:1) Na o bona setshwantsho lebitleng le feela -
Jesu o phela ka ho safeleng!
TSEBISO HO MORUPELLI: Sotha lephewana ho fihlela ho mmala o thotofa
"Buff". Maneha setshwantsho sa lebitla le feela bokantleng ba sedikadikwe,
malebana le tshupammala.
Ke yona phapang mahareng a tshebelletso ya bodumedi ba boKreste le
tshebelletso tsa bodumedi tse ding tsohle - bona ba rapela medingwana kapa
badimo (ditshwantsho) tsa batho/baetapele ba e neng e le batho feela ba seng ba
shwele. Jesu ha se modingwana kapa badimo. Ebile ha se motho feela ya
molemo ya bileng a phela kgalekgale. Jesu o sa phela le kajeno, hobane Yena o
ile a tsoha bafung.
Mosebetsi: Na le sa hopola hore tsoho ya hae e bolelang? Bukeng 2 karolo
6.1 re ile ra le ruta ka hoo. Moo o ileng wa ithuta hore tsoho ya
Jesu e bolela hore o se hlole o tshaba. Ho bile teng mabaka a
mahlano. Sheba hore kapa le sa a hopola na.
Jwaleka ngwana wa Modimo ha o shwa ka letsatsi le leng, o tla boela o tsoha,
feela ka Jesu ya ileng a tsoha hape bafung ho ba ka mehla le Modimo
lehodimong. Hape o tla phela kamehla! Ee, boo, ke nnete, hobane O
BOHLOKWA HO MODIMO! Na ha ho thabisi!
Mme e be wena ..... wena ya esoka a neha Morena bophelo ba hao? Kalendara
ya boKreste e o bolella hore: O BOHLOKWA HO MODIMO. Jesu o tswalletswe
wena, ke Yena hape ya shwelletseng dibe tsa hao sefapanong mme o tsohile ka
baka la hao! Ha kajeno o rata ho ba ngwana wa Modimo, ke tla itumela ho o
thusa. Ke tla emela kopano ya ka le wena.
11

Tekanyetso ya nako ena ho tloha ka Labohlano le Molemo ho fihlela ka Sontaha
seo Jesu a ileng a tsoha ka sona, ya eba le lebitso le ikgethang. Na o sa hopola
hore ke lefe? Ke hantle, Mafelong a beke a Paseka. Hobaneng jwale e le
Mafelong a beke a Paseka?
Mosebetsi: Qoqang kapele ka mabitso le ditlhaloso tsa Mafelong a beke a
Paseka. Le ile la ithuta ka hona ho Buka 2, karolo 6.3.
Testamenteng ya Kgale Baiseraele ba ile ba sebetsa jwaleka makgoba Egepeta
a ke re. Modimo wa rata ho ba lopolla mme ba tshwanela hore kaofela ba hlabe
konyana mme ka madi a yona ba tlotse dikosene tsa mamati a matlo a bona.
Yaba Modimo o ba thusa jwalo ho tswa Egepeta, empa a ile a otla Baegepeta ka
Boyena. Kamora moo Baiseraele ba ile ba leboha Modimo ka seo a ileng a ba
etsetsa sona ka ho hlaba konyana ya Paseka. (Ho Phallo/Eksoda 13 o ka ipalla
tseo).
Nakong ya Mokete wa Paseka Jesu o ile a thakgiswa. O jwale feela ka Konyana
ya Paseka bakeng sa sehlabelo sa dibe tsa ka le tsa hao. Bibele e bua hape ha
Jesu e le Konyana (Johanne 1:29). Jwalekaha Modimo o ile wa pholosa
Baiseraele ho Baegepeta, Jesu o o pholositse diheleng jwalo, ka ho shwa
sefapanong bakeng sa dibe tsa hao. Ke ka hoo le kajeno re ntseng re bua ka
Mokete wa Paseka.
Empa jwale ho ile ha etsahalang ka Jesu? O ho kae hona jwale?
12

2.4 Nyolohelo lehodimong:
Kamora hoba Jesu a tsohe bafung, o bile lefatsheng matsatsi a mashome a
mane. Nakong eo o bile le barutuwa ba hae mme a etela batho ba bang ba
bangata e le ho ba bontsha hore Yena o fela a ile a tsoha. (Diketso 1:3) Ba ne
ba lokela ho mmona ka bo bona e le hore ba tle bolella ba bang ka hoo haeba a
se teng. Empa Jesu o ne a tlo ya kae?
TSEBISO HO MORUPELLI: Sotha lephewana ho fihlela ho mmala o 'bolou'.
Maneha hape le setshwantsho sa nyolohelo lehodimong hantle malebana le
tshupammala e bolou. Hopola hore kgafetsa ha o bontsha setho sa kalendara ya
boKreste, hape o bontshe le setshwantsho se malebana le hoo.
Ho Diketso 1:9 ho ngodilwe teng hore, kamora hore Jesu a bue le barutuwa ba
Hae, o ile a suthiswa ke leru hore ba se mmone nako e telele. Ha Jesu a ne a
nyolohela jwalo lehodimong, ho ile ha tla banna ba babedi ba diaparo tse tshweu
ba ema le barutuwa. Ba ile ba bua le barutuwa le ho ba hlalosetsa seo se
etsahetseng ba se bona. Jesu o nyolohile, jwale o lehodimong ho Modimo. Ka
kalendara ya boKreste re ye re bue ka Nyolohelo ya Jesu lehodimong. Selemo le
selemo ka kgwedi ya Motsheanong (Mmeyi), re nahana ka ketsahalo ena ya
bohlokwa.
Na o sa hopola, qalong ke ile ka re ho wena ha se hore matsatsi ohle a
ikgethileng ke a phomolo. Letsatsi la Nyolohelo ke le leng la matsatsi ao.
Hobane ke nepo nyolohelo ya Jesu e bile matsatsi a mashome a mane ka mora
tsoho ya Hae, letsatsi la Nyolohelo le kamehla e le Labone. Kahoo ke tshwanelo
ya hao jwaleka ngwana wa Modimo o tshwaye letsatsi leo kalendareng ya hao.
Hopola, letsatsi la Nyolohelo ke karolo ya kalendara ya boKreste mme le re ho
wena: O BOHLOKWA HO MODIMO, hobane ha o dumela ho Jesu, o tla ba feela
jwaleka Yena ka le leng ho Modimo lehodimong!
Na molaetsa wa kalendara ya boKreste ha o makatse?
Mosebetsi: Emang ka bobedi mme le dikolohe lentswe le reng ho e mong ka
mong "O BOHLOKWA HO MODIMO, hobane Jesu o tswalletswe
wena, o ile a shwa sefapanong ka baka la dibe tsa hao, o ile a tsoha
bakeng sa hao mme o ile a nyolohela lehodimong bakeng sa hao!"
Mohlomong jwale o tla makala ...... hore jwale empa ke mang ya leng ho nna
haeba Jesu a le ho Modimo lehodimong? E be jwale Modimo o o
tlohetse o le mong?
13

2.5 Pentakonta - ho tla ha Moya o Halalelang:
Tjhe, tjhe, tjhe! Ke o tshwaretse ditaba tse makatsang! Jesu pele ho nyolohelo
ya hae o ile a siela bana ba hae tshepiso. O ile a tshepisa hore Yena o tla romela
e mong ho tla ba le wena. A re ke re bale Johanne 14:16. "Ke tla kopa Ntate,
mme o tla le neha Mothusi e mong, hore a be le lona ka hosafeleng, e leng Moya
wa nnete." Bonnete ke hore ke Moya o Halalelang oo Jesu a neng a bua ka
Wona. Jesu o ile a phetha ditshepiso tsa Hae - Moya o Halalelang o ile a tla! Ka
kalendara ya boKreste re e bitsa Pentakonta.
TSEBISO HO MORUPELLI: Sotha lephewana ho fihlela ho tshupammala e
tshweu. Maneha hape le setshwantsho sa leeba kantle ho sedikadikwe, mabapa
le tshupammala e tshweu.
Moya o Halalelang ke Moya wa Modimo le wa Jesu. (Karolong ya 3 o tla ithuta
haholwanyane ka Boraro bo le bong ba Modimo.) Empa hobaneng jwale ke
sebedisa "setshwantsho" (leeba) ho hlalosa Moya o Halalelang? Bibeleng teng
ho ngodilwe hore ha Jesu a ne a kolobetswa, Moya wa Modimo o ile wa theohela
ho Yena ka sebopeho sa leeba. (Mattheu 3:16-17). Ho hlaloswa hore Moya o
Halalelang ha se leeba kapa feela o tshwana le leeba. Tjhe, ha ho mang ya
tsebang hore Moya o Halalelang o jwang, hobane Moya o Halalelang ha o bonwe,
- motho a ke ke a o bona ka mahlo a feela. Re sebedisa leeba le theohileng
empa e le jwaleka pontsho, letshwao.
Moya o Halalelang o rometswe kahoo hore nna le wena hohang re se be bang.
Ha o le ngwana wa Modimo, o ka ba le botiyo ba hore Moya o Halalelang o na le
wena ka nako tsohle, hobane O BOHLOKWA HO MODIMO.
Mosebetsi: Ke neng ebile ke ho kae moo Moya o Halalelang o leng ho wena
jwaleka ngwana wa Modimo? A ko kgutse mme o imamele ka ho
ikutlwa jwaleka ha eka o teng, ho wena ka mona ka tlelaseng.
Selemo le selemo ka nako ya Pentakonta re nahana ka tshepiso ena ya Jesu eo
moo e bileng teng - Moya o Halalelang o ile wa tla. Ha a a tlohela bana ba hae ba
le bang.
14

TSEBISO HO MORUPELLI: Ho tse ding tsa dikereke tshebediso ya matsatsi a
leshome nakong ya Pentakonta mantsiboya a mang le a mang ho tla rapela ba le
mmoho, ke tlwaelo e ntle hakaakang hore baithuti ba be le tsebo ya hoo. O mpe
o ba kgothalletse hore nakong ya Pentakonta ka moso ba hlophise dinako tse
jwalo tsa dithapelo kamora mosebetsi wa letsatsi. Ba ka di tshwarela hona
dipolasing tsa bona. Haeba ho le teng diphutheho tse tshwarang dithapelo tse
jwalo, ba ka ikamanya le bona.
Empa hobaneng dikereke tse ding ka matsatsi a leshome di ena le ho tshwara
dithapelo hoseng ho hong le ho hong le matsiboya a mang le a mang? Kamora
hoba Jesu a bolelle barutuwa hore ha a tlo ba tlohela ba le bang, empa o tla
romela e Mong, ha a ka a ba bolella hore ho tla etsahala neng. Jesu o ile a re
feela ba dule Jerusalema ba lebelletse. Ka matsatsi a leshome ba dutse ba
rapela - ho qala ka Labone ho fihlela Sontaha sa beke e latelang. Yaba jwale ka
Sontaha seo re se bitsa hape Sontaha sa Pentakonta, Moya o Halalelang o ile wa
theoha. Kgele, ke nahana hore ba ile ba nyakalla!
Kahoo, selemo le selemo ka Pentakonta, ka tlwaelo kgweding ya Motsheanong
(Mmeyi), jwaleka kereke ya Morena re latela mohlala wa barutuwa, ke ka tsela eo
e leng karolo ya kalendara ya boKreste letsatsi leo. Ha re sa lebelletse Moya o
Halalelang o se o ile wa tsholoha - O se a tlile. Jwale, selemo le selemo ka
Pentakonta, re rapela haholo mme re kope Morena hore a re thuse ho Mo utlwa
ka Moya o Halalelang.
Modimo o rata ho neha bohle Moya wa Hae. Modimo o rata hore batho bohle ba
mamele Moya o Halalelang ka tshwanelo. A nke ke o botse: Na o hopola jwang,
ka batho bohle e be bana ba Modimo e le hore Moya o Halalelang o ka dula ka ho
bona? Ee, ho tshwanela hore motho e mong a ba bolelle ka Jesu!
Bohle, ho phatlalla le lefatshe lohle ba tshwanela ho utlwa ka kalendara ya
boKreste. Bohle ba tshwanela ho utlwa ka tsohle tseo Modimo a ba etseditseng
tsona. Ha jwalo e mong le e mong o tla tseba: NNA KE BOHLOKWA HO
MODIMO!
TSEBISO HO MORUPELLI: Ha ho hlokahala o ka boela wa hlalosetsa baithuti
hore ha o eba ngwana wa Modimo, o amohela hape le Moya o Halalelang.
(Baroma 8:9 le Baefese 1:13-14)
15

Mosebetsi: A ko sebedise masapo a hlooho hanyenyane - ke ofe eo o mo
tsebang ya esoka a eba ngwana wa Modimo, mme ka tsela eo a
esoka a eba le Moya o Halalelang? Mohlomong ke ........... A ko
kwale mahlo a hao, kopa jwale Moya o Halalelang hore o o sebedise
ho ka bolella bao ka kalendara ya boKreste le hore o ba bolelle
tlhaloso ya yona.
Qetello:
Ngola lebitso la motho eo ka tlase mona.
O se o ile wa utlwa tsohle ka kalendara ya boKreste/selemo sa bokereke.
Sedikadikwe sena se bolela selemo se le seng. A re ke re etse boikgopotso ka
pele. Jwale ke dife hape tse etsahalang selemo sohle kalendareng ya boKreste?
TSEBISO HO MORUPELLI: Sotha lephewana hape ho fihlela ho ketsahalo ya
sehlooho ha o ntse o etsa boikgopotso: keresemese, thakgiso, tsoho, nyolohelo
le pentakonta. Kamora moo o ka le sotha feela hape makgetlo a mmalwa kahara
sedikadikwe ho bontsha selemo kamora se seng. Emisa ka tshohanyetso .......
Kalendara ya boKreste e qala ka keresemese e re ho wena - Jesu o tswalletswe
wena ..... , thakgiso - Jesu o ile a shwa ka baka la dibe tsa hao, ..... tsoho - Jesu o
phela kamehla ....... mme Nyolohelo re keteka pentakonta selemo le selemo .... -
Moya o Halalelang o ile a tla. Lebaka le etsang hore tsohle tseo di bileng tsa
etsahala, ke hobane Modimo o o ratile le hore o bohlokwa ho Yena.
Kahoo kalendara ya boKreste e tla hlola e le teng ...... ho fihlela neng? Ho fihlela
Jesu a etla hape ho tla lata bana ba Hae. E tla ba tsohle di fetile - ebe kalendara
ya boKreste e a kgaotsa! Nna le wena re lokela ho se phetse ho bolella ba bang:
Modimo o o ratile - O BOHLOKWA HO YENA.
Mosebetsi: Qoqang dihlopheng tsa lona tse nyenyane ka potso ena: Nna le
wena re lokela ho phela jwang ha e le moo re le bohlokwa ho
Modimo?
16

Nna
ke
bohlokwa
ho
Modimo
Sontaha sa Pentakonta (tsholoho ya Moya o Halalelang
Nyolohelo (kamehla ka Labone)
Sontaha sa Paseka (tsoho)
Labohlano le Molemo (thakgiso)
17
Keresemese (tswalo)

Modimo
18

Selelekela:
KAROLO 3 (40 metsotso)
MOYA O HALALELANG KE MANG?
Na motho o tswanela ho nahana ka Jesu nakong ya keresemese kapa
ka paseka feela? Tjhe, ho hang. Ke se etsahetseng ka matsatsi ao, ho
bohlokwa hore re seke ra lebala Jesu. Jwale ke batla ho botsa potso,
hape. Na motho o tshwanela ho nahana ka Moya o Halalelang feela ka
pentakonta? Oho tjhe, ho hang! Ho teng batho ba bangata ba etsang
eka Moya o Halalelang ke "ntho" feela eo o tshwanelang ho nahana ka
yona feela hang ka selemo nakong ya pentakonta. Empa hoo ho
fosahetse hohang. Batho ba hopola jwalo hobane ba sa tsebe hore
Moya o Halalelang ke mang kapa tsohle tseo o di etsang ke dife. Ke
seo o tlo ithuta sona Bukeng yohle ya 5.
Moya O Halalelang jwale ke mang?
19

3.1 Moya o Halalelang ke Modimo:
Bibele e re ruta hore Moya o Halalelang ha e sa le o le teng tshimolohong. Ho
Tshimoloho/Genese 1:2 ho ngodilwe hore o ne a le teng tlholehong: "Lefatshe le
ne le hloka sebopeho, le le feela, lefifi le ne le le hodima bodiba, mme Moya wa
Modimo o ne o solla hodima metsi." Bibele e re Moya o Halalelang ha se mang
empa hore ke Modimo ka Boyena! Ee, MOYA O HALALELANG KE MODIMO!
Na o ntse o hopola hobaneng Moya o Halalelang o theohile ka sebopeho sa
leeba? Ee, ha Jesu a ne a kolobetswa, Moya o Halalelang o ile wa theohela
hodima Hae o le jwaleka leeba. Empa hoo ha ho bolele hore Moya o Halalelang
ke leeba kapa o tshwana le leeba, ha ho jwalo! Ha ho mang ya tsebang hore o
jwang - ka hoo re mpa re sebedisa leeba jwaleka letshwao feela.
Ee, MOYA O HALALELANG KE MODIMO! Dibakeng tse mmalwa tsa Bibele,
moo Modimo o reng o tla dula kahara setjhaba sa Hae, o supa hore ke Moya wa
Hae o tla dula ho bona! Ha Davida a ne a entse sebe mme a tshoha hore
Modimo ha a sa tla ba le yena, o ile a kopa hore Modimo a se ke a mpa a tlosa
Moya wa Hae o Halalelang ho yena, hobane Davida o ne a tseba hore MOYA O
HALALELANG KE MODIMO!
Bala: * Haggai 2:5 (Phallo/Eksoda 29:45-46)
* Nehemia 9:20
* Pesaleme 51:13
* Pesaleme 139:7
* Esaya 61:1
* Esaya 63:7-14
Hobane Moya o Halalelang e le Modimo, o bile hape o a halalela, feela jwaleka
Modimo. Ee, o a Halalela, hobane o ke ke wa etsa tse sa lokang. Feela jwaleka
Modimo, Moya o Halalelang o matla ohle mme Yena a ka etsa tsohle tse sitang
batho. Moya o Halalelang o hohle - ee, Yena o tseba hantle moo wena o leng
teng! Davida o ile a tseba hore o ke ke wa ipatela Modimo. Na o a tseba,
hantlentle tsohle tseo o di tsebang ka Modimo, hape ke nnete le ka Moya o
Halalelang, hobane MOYA O HALALELANG KE MODIMO.
20

Tshimoloho/Genese 1:2
Moya o
Halalelang ke
Modimo
Empa ho tla jwang hore Moya o Halalelang e be Modimo? Jwale o mamele
hantle!
21

3.2 Moya o Halalelang ke e Mong Borarong-Bolebong ba Modimo:
MOYA O HALALELANG KE E MONG BORARONG-BOLEBONG BA MODIMO.
Ho bolela hore: Ntate ke Modimo .... le Jesu hape ke Modimo, empa feela jwalo
Bibele e a bolela hore Moya o Halalelang ke Moya wa Modimo. (Moya o
Halalelang e fela hape e le Moya wa Jesu Kreste.) Hobane Moya o Halalelang e
le Moya wa Modimo, Jesu e le Modimo le jwalekaha e le Ntate Modimo. Re bua
mona ka Boraro-Bolebong ba Modimo. Ha re bale mmoho kapelenyana: MOYA
O HALALELANG KE E MONG WA BORARO-BOLEBONG BA MODIMO.
Bala: * Baroma 8:9
* 1 Bakorinthe 2:10-16
* 2 Bakorinthe 13:13
* Bagalata 4:6
* Matthewu 28:19
Kgele, ho boima ho ka utlwisisa hore Modimo o Hararo, empa hantlentle a le
Mong. Motho a ke ke a utlwisisa hona hohang, hobane Bibele e re o ke ke wa
utlwisisa Modimo le kgale. Empa leha e le ho utlwisisa tsohle, o tshwanela ho
dumela. O ka dumela, hobane ke nnete e phethahetseng - Modimo o boletse
tsohle tseo Bibeleng mme o ka ba le botiyo hore Modimo ha o bolele leshano (ha
a o thetse) MOYA O HALALELANG KE MODIMO MME KE E MONG WA
BORARO-BOLEBONG BA MODIMO.
22

2 Bakorinthe 13:13
Moya o
Halalelang ke
E Mong wa
Borarobolebong
Mora
Ntate
Batho ba bangata ba mpa ba sa nahane jwalo ka Moya o Halalelang
ba nahana ha e le feela matla ao a tswang ho Modimo. Ha se nnete.
23
Moya o
Halalelang

3.3 Moya o Halalelang ke Motho:
Moya o halalelang ha se feela matla a tswang ho Modimo. MOYA O
HALALELANG KE MODIMO ka boWona. Empa lebitso la Moya o Halalelang le
utlwahala le sa tlwaelehe, ha ho jwalo? Ha Bibele e re Yena ke Moya, ebile
utlwahala ka nepo eka ha se "E Mong" empa ka ho totobala eka ke "Ntho"
eitseng.
Bibele e bua haholo ka Moya o Halalelang jwalekaha eka e bua ka motho. Ee,
MOYA O HALALELANG KE MOTHO. Motho ke e mong ya ka kgonang ho
iketsetsa dintho ka Boyena le ho ka bua le ho nahana. Hantle feela jwaleka
motokara kapa khamera tseo e seng batho, hobane di ke ke tsa etsa ntho ka
botsona. Motho ke motho, hobane a ka iketsetsa ntho e nngwe le e nngwe eo a e
batlang. Motho a ka o fa lerato. Moya o Halalelang hape ke motho, hobane o o
ratile le ho lakatsa ho o etsetsa dintho tse ngata.
Mamela hore Bibele e reng ho Johanne 14:26 ka Moya o Halalelang: "Empa ha
Ntate ...... a romela Moya o Halalelang, o tla le ruta tsohle le ho le hopotsa tsohle
tseo ke le bolelletseng tsona." Na o a utlwa? MOYA O HALALELANG KE
MOTHO, hobane o batla ho o ruta tsohle le ho o hopotsa seo Jesu a ileng a se
bolela. O tshwanela ho kopa Moya o Halalelang ka letsatsi le leng le le leng ho ka
o hopotsa seo o ithutileng sona kahara Bibele le thupellong ena.
Mosebetsi: Moya o Halalelang Ke Motho mme kahoo Yena a ka boela a etsa
ntho tse ngata. O etsang Yena ho tsohle ho ya ka ditemana tse
mona ka tlase?
* Johanne 16:8
* Johanne 16:13
* Baroma 8:26-27
Hobane MOYA O HALALELANG E LE MOTHO, na o ka o thetsa kapa ho o
utlwisa pelo bohloko. O seke wa etsa jwalo.
Bala: * Diketso 5:1
* Baefese 4:30
* Esaya 63:10
MOYA O HALALELANG KE MOTHO eo ya ka etsang dintho tse ngata a di
etsetsa wena. Boholong ba buka ena o tla ithuta hape ka hona.
24

Johanne 14:26
Moya o
Halalelang ke
Moya o Halalelang ke motho mme Yena o etsa dintho tse ngata
bakeng sa hao.
25
O

Qetello:
Ee, Moya o Halalelang o a makatsa, hobane Modimo Ntate le Jesu ba ile ba Mo
roma ho tla ho wena. MOYA O HALALELANG KE MODIMO KA BOTLALO mme
KE E MONG WA BORARO-BOLEBONG BA MODIMO. Ho makatsang ka ho
fetisisa ke hore o tsebe: MOYA O HALALELANG KE MOTHO ya o ratang mme o
lakaditse haholo ho o thusa!
Mosebetsi: Bolellanang dihlopheng tsa lona mmoho seo jwale o ithutileng
sona ka Moya o Halalelang seo o neng o sa se tsebe pele.
O tshwanetse ho dumela tsohle tsa dintho tsena ka Moya o Halalelang, hobane
ke seo Bibele e o rutang sona. Empa ...... ha se ho fela seo Bibele e ratang ho o
ruta sona ka Moya o Halalelang! Bibele e o ruta hape hore Moya o Halalelang o
ho kae hona jwale mme le hore o o etseditseng ho tsohle.
26

Boitshetleho:
KAROLO 4 (70 metsotso)
MOYA O HALALELANG O PHELA HO KAE?
Mmele o bonahala kgafetsa e le bokahare feela. Batho ba bangata ba nahana
hore ke moya feela o bohlokwa kahara bona. Leha e le Magerike ba nkile nako
ba bitsa mmele tjhankana ya moya - sebaka seo moya o dulang o tshwerwe ho
fihlela lefung. Ka mabaka a arohaneng ba bangata ba rona ba nahana jwalo le
kajeno hore mmele hantlentle ha o bohlokwa hakaalo!
Ho ya ka 1Bakorinthe 6:12-20 mmele hohang ha se bokahare bo ikgethang.
Karolong e nngwe eba mmele wa ka le wa hao o eba ntho e le nngwe le Ntate,
Mora le Moya o Halalelang.
Ntate o tla tsosa mmele wa hao lefung, jwalekaha a ile a tsosa Jesu bafung
(temana 14). Mmele wa hao ke karolo ya MORA, wa Kreste (temana 15) mme
mmele wa hao ke tempele ya MOYA O HALALELANG (temana 19). Yena o
phela ka ho wena.
Ee, mmele wa hao ha o matleng a hao. O ke ke wa etsa seo o se ratang ka ona.
Ka lefu la Kreste le tsoho ya Hae o bile a reka mmele wa hao, o lefile ka theko,
kahoo mosebetsi wa bohlokwa ke hore: LE TSHWANELA HO TLOTLISA
MODIMO KA MMELE YA LONA (temana 20).
Mmele wa hae o bohlokwa haholo ho Modimo, kahoo ha o a lokela ho o tshwara
jwaleka ntho ya lefeela. Kahoo ho tla ntho e le nngwe kapa tse pedi temaneng
ena tseo o sa lokelang ho di etsa. Ntho efe kapa efe e senyang mmele wa hao
kapa o e kenyang kotsing, e akareditswe mona. Karolong ena eba ka tsela eo
phapano e e totobetseng.
Le tla ithuta jwale 1Bakorinthe 6:19. Nnete e bohareng ke hore:
Moya o Halalelang o phela kahare ho wena.
27

Selelekela:
A ko tadime setshwantsho leqepheng le latelang. Monna enwa e mong o ya a
ntse a tsuba ho fihlela monyakong wa kereke. O tima sakerete ya hae mme o e
lahlela seratshwaneng se kamora lebotanyana pele a kena ka moahong wa
kereke.
Monna e mong o a mmotsa: "O etsetsang hoo? Hobaneng o sa tsube o be o
kene kahara moaho wa kereke?" Yaba setsubi se a araba: "Ke ntlo ya Morena.
Motho ha a a tshwanela ho tsubela ka tlung ya Morena." Moshanyana a tadima
banna bao ba babedi ka ho makala. Ke a makala hore o ne a nahanang?
Mosebetsi: O nahana hore monna eo e mong o ile a araba setsubi jwang?
Wena o ne o tla araba setsubi seo jwang?
Ho le thusa hore le fihlelle karabo e lokileng, ke sa na le potso eo ke batlang ho le
botsa yona le ho bala temana ya kgaolo eo le tla tshwanela ho e bala.
Mosebetsi: Moya o Halalelang o dula ho kae? Na o dula ka tempeleng e
entsweng ka matsoho a batho?
Bala Diketso 17:24.
Ao, na o a bona jwale hore Moya o Halalelang ha o dule kahara moaho wa
kereke. Jwale o dula kae? Ee, o dula kahara batho. A re ke re bone hore a na o
ka araba potso e latelang?
Mosebetsi: Na Moya o Halalelang o dula kahara batho bohle?
Bala 1 Johanne 4:1-3 le Baroma 8:9b.
28

Moya o Halalelang ha o dule kahara kereke le meahong. Moya o
Halalelang o dula kahara ngwana e mong le e mong wa Modimo.
Ha o le ngwana wa Modimo, Moya o Halalelang hape o dula ka ho
wena. Ee, MOYA O HALALELANG O DULA KA HO WENA.
1Bakorinthe 6:19-20
A re ke re ithute temana.
29

Bala temana:
Mona ho 1Bakorinthe 6:19 ho ngodilwe: "Ana ha le tsebe hore mmele ya lona ke
tempele ya Moya o Halalelang? O leng teng ka ho lona, oo le o filweng ke
Modimo? ...." Re tla ithuta karolwana ena ya pele, empa a ko mamele hore ho
ngodilweng ho fetafeta moo: ....." hape ha le ba lona: Hobane le lopollotswe ka
theko. Tlotlisang Modimo ka hona mmeleng ya lona."
Hlalosa temana:
Ana ha le tsebe: Ho bolela ho re - na lona ha le tsebe? Ho na le seo bana ba
Modimo Bakorinthe ba neng ba sa se utlwisise lentswe. Ha "le" leo ho buwang ka
lona, ke bana ba Modimo.
hore mmele ya lona ke Tempele: Ho bolela hore - Tempele ke moaho oo batho
ba rapelang le ho sebelletsa medimo ya bona. E batlile e tshwana le moaho wa
kereke. Ba ne ba dumela hore medimo ya bona e kamoo tempeleng. Ba ne ba
bile ba behile ditshwantsho tsa medimo eo ya bona moo tempeleng. Bibeleng re
bala hape hore Modimo nakong ya Testamente ya Kgale o bile teng ka mekgwa e
mengata e ikgethileng tempeleng ya morena Salomone, leha batho ba ne ba ke
ke ba mmona. Modimo hape o ile a bua le batho ka tempeleng. A ke re o sa
hopola tsohle tseo o ithutileng tsona ka tempele bukeng 3, karolo 2.2 (ntlheng 1).
Paulose o bolella batho jwale: Hopolang, jwale feela ka Modimo ya bileng
tempeleng ka mekgwa e mengata e ikgethileng, o jwalo ho wena, hobane jwale
mmele wa hao ke tempele ya Modimo. MOYA O HALALELANG O PHELA KA
HO WENA.
ya Moya o Halalelang: Moya o Halalelang ke Moya wa Kreste, empa hape e bile
Moya wa Modimo. Moya o Halalelang ke Modimo ka Bowona.
o leng teng ka ho lona: Moya o Halalelang o dula kahara bana ba Modimo.
oo le o filweng ke Modimo: Modimo o fana ka Moya o Halalelang ho bana ba
Wona. Moya o Halalelang o tswa ho Modimo. Jesu o ile a kopa Modimo Ntate ho
romela Moya o Halalelang wa hae ho bana ba hae (Johanne 14:16)
30

Tebisetso - Temana ena e bolelang ho wena?
O ile wa utlwa jwale, hore ha o le ngwana wa Modimo, Moya o Halalelang o dula
ka ho wena. Empa jwale potso ke ena: Bophelo ba hao bo lokela hoba jwang ha
Moya o Halalelang o se o dutse ka ho wena? O tshwanela ho etsang le ho se
etseng?
Mosebetsi: Ke tlo le fa dipapetlwana tse leshome. Qoqang ka sepapetlwana
ka seng dihlopheng tsa lona tse nyenyane mme le fumane qeto kapa
hore ke nnete kapa phoso. Le lokela le ho hlalosa hore hobaneng
le nahana hore ke nnete kapa phoso. Ka lekgetlo le leng le le leng
le nahane ka temana pele le ka nka qeto. Ka tsela eo le tla iketsetsa
tebisetso ena ka bo lona.
1. Hantle kapa phoso?
Lebaka: ............................
...........................................
...........................................
...........................................
...........................................
...........................................
...........................................
2. Hantle kapa phoso?
Lebaka: ............................
...........................................
...........................................
...........................................
...........................................
...........................................
31

3. Hantle kapa phoso?
Mabaka: .............................
............................................
............................................
............................................
............................................
............................................
............................................
4. Hantle kapa phoso?
Mabaka: ............................
...........................................
...........................................
...........................................
...........................................
...........................................
...........................................
5. Hantle kapa phoso?
Mabaka: .............................
...........................................
...........................................
...........................................
...........................................
...........................................
...........................................
32

6. Hantle kapa phoso?
Mabaka: ............................
...........................................
...........................................
...........................................
...........................................
...........................................
...........................................
7. Hantle kapa phoso?
Mabaka: ............................
...........................................
...........................................
...........................................
...........................................
...........................................
...........................................
8. Hantle kapa phoso?
Mabaka .............................
...........................................
...........................................
...........................................
...........................................
...........................................
...........................................
33

9. Hantle kapa phoso?
Mabaka: ............................
...........................................
...........................................
...........................................
...........................................
...........................................
...........................................
10. Hantle kapa phoso?
Lebaka: .............................
...........................................
...........................................
.........................................
.........................................
.........................................
TSEBISO HO MORUPELLI: E re baithuti ba qete ho qoqa pele mme o ka
hlahloba dikarabo tsa bona. Ke tlhahlobo hantlentle e bohlokwa. A ba di
kgutlisetse sehlopheng hape. Haeba ba sa fana ka mabaka a lekaneng bakeng
sa dikarabo tsa bona, o tshwanela ho ba thusa. Ba bontshe puisano e
kgutshwanyane le tlhaloso ke o fang yona leqepheng le latelang. Hopola hape ho
ka pheta nnete e bohareng ha o se o e etsa le baithuti.
34

3 Mmele wa hao o bohlokwa haholo - Moya o Halalelang o phela ka ho
ona:
Temaneng ena Modimo o o ruta hore mmele wa hao o bohlokwa hakaakang ho
Yena. Mmele wa hao o matleng a Hae. O sa hopola hoo ke a kgolwa: O
bohlokwa ho Modimo. Ha o le ngwana wa Modimo, mmele wa hao o bohlokwa
haholo ho Modimo hoo a entseng hore Moya o Halalelang o phele ka ho wena.
Hopola: MOYA O HALALELANG O DULA KA HO WENA!
Ha o esobe ngwana wa Modimo, Moya o Halalelang ha o eso dule ka ho wena.
Empa o bohlokwa ho Modimo mme o lakatsa hore o be ngwana wa Hae e le hore
a tle a etse hore Moya o Halalelang o dule ka ho wena.
3 Seke wa etsa mmele wa hao lekgoba:
MOYA O HALALELANG O PHELA KA HO WENA, kahoo o seke wa etsa letho le
senyang mmele wa hao. O seka etsa letho le tla o kudisa. Dithetefatsi, ho tsuba,
botswa le ho tsuba 'glue' le senefi, le tsohle tse mpe ho wena. Haeba o sa ntse o
qala ho di sebedisa, hamorao o ka qetella o se o sa kgone ho arohana le tsona.
Ebe o ba lekgoba la hoo hamorao. Morena o re o seke wa etsa mmele wa hao
lekgoba la ntho eitseng (1 Bakorinthe 6:1:12)
3 Boloka mmele wa hao o phetse hantle mme o hlwekile:
Mmele wa hao o bohlokwa ho Modimo, hobane MOYA O HALALELANG O
PHELA KA HO WENA. Kahoo o tshwanela hakaalo ho ja dijo tse kwenneng le ho
nwa metsi a hlwekileng. Ha o sa le motjha haholo, o tshwanela ho matha, ho
qhoma le ho bapala e le hore o tle o fumane boikwetliso bo lekaneng. Haeba o se
o le moholo o tshwanela ho sheba hore o ka fumana boikwetliso bo lekaneng
jwang. O tshwanela le ho hlatswa mmele wa hao kgafetsa.
3 Seke wa etsa dintho tse kotsi e le hore o tle o seke wa lematsa mmele wa
hao:
Ha o a tshwanela ho bapala ka dintho tse kotsi tse jwaleka dithipa le dithunya. Ha
o a tshwanela ho sebetsana le metjhini ya metlakase le diterata/dikgwele tsa ona
ha o sena bonnete ba hore matla a motlakase a kgaotswe. Tlohela mosebetsi oo
bakeng sa batho ba rupelletsweng ka botlalo. Ha o a tshwanela ho tsamaya
dibakeng tse kotsi o le mong. Ha o palame motokara /tekesi kapa bese, o
tshwanela ho tlama mabanta a pholoso. O tshwanela ho sheba mmele wa hao
hantle, o o hlokomele.
Ho bolela hore ha o a tshwanela ho hang ho ka lematsa mmele wa motho e
mong. Haeba o le dipapading, o leke ka matla hore o seke wa hlahisa wa direng
(motho eo o bapalang kgahlanong le yena) kotsi.
35

3 Seke wa sebedisa mmele wa hao hampe. Ha o a tshwanela hape ho ka
sebedisa mmele wa motho e mong hampe:
Ha o ka bala ditemana tse mmalwa pele ho temana ya 19, o tla fumana tsebiso ya
hore Modimo le wona ha o batle ha o sebedisa mmele wa hao hampe ka
thobalano e fosahetseng. MOYA O HALALELANG O PHELA KA HO WENA,
kahoo mmele wa hao o matleng a Hae eseng ho Moikutlwapelo le metswalle ya
hae. Morena o re nehile neo e makatsang mabapi le thobalano, empa e lokelwa
ho sebediswa kamora lenyalo ka boithabiso. O lokela ho robala le mosadi kapa
monna eo le nyalaneng le yena, ka molao. Jwale thobalano e ntle mme e lokile (1
Bakorinthe 6:20 -7:5). Ha o robala le metswalle e mengata e fapaneng, o
tsamaela kotsing ya ho ba le qwasi-ya-bosolla hlapi 'aids' kapa mafu a mang a
thobalano. A ka isang ho mahlaba a bohloko haholo le ho qhwala ho isang ho
shweng.
Ha o a tshwanela ho tshwara dikarolwana tsa botona / botshehadi tsa bana kapa
ho bapala ka tsona. Ho fosahetse hampe mahlong a Morena . Ho robala le bana
e le ho etsa thobalano, ke ntho ya ho tlola molao eo o ka fumantshwang kotlo e
boima. Morena le yena o tla o otla, hobane o entse jwalo, o hlekefeditse bophelo
ba ngwana eo.
Haeba o sa le motjha, ha o a tshwanela ho dumella mang kapa mang ho ka
tshwara ditho tsa hao tsa botona / botshehadi: -
- leha e ka ba moradi kapa mora e mong feela
- leha e ka ba ngwaneno kapa kgaitsedi
- leha e ka ba bomotswalao
- leha e ka ba rangwane/malome kapa mmangwane
- leha e ka ba ntatemoholao kapa bonkgonao
Hape leha ntatao kapa mmao a re ho wena: "Ke lakatsa ho o pholla, empa o
seke wa bolella motho," jwale o tsebe hore ba batla ho etsang, ho fosahetseng.
O seke wa dumella hoo, hobane ha o dumella ho Jesu o tshwanela ho hopola ho
re: MOYA O HALALELANG O PHELA KA HO WENA.
Ha motho e mong a o tshwara kapa a leka ho o tshwara, kapa ha e mong a batla
ho ikamahanya le wena, o seke wa thola feela. Eya bolella motho e mong ka
potlako eo o mo tshepang, mohlomong. batswadi ba hao, titjhere,
moruti/moevangedi kapa leha e le mang polasing.
O ka letsetsa mohala nomorong ena e bobebe: 0800 11 12 13
Ke nomoro ya mapolesa a karolo ya tshirelletso ya bana. Ba ka o thusa le bona.
36

3 Feela jwaleka moo mmele wa hao o leng ka teng, o bohlokwa ho
Modimo:
Kgidi, o theko-thata ho Modimo! Ha o le ngwana wa Modimo, o kaba le bonnete:
MOYA O HALALELANG O DULA KA HO WENA. Leha o sa shebahale kamoo o
o lakatsang hore o shebahale jwalo, leha o sa rate mmala wa moriri wa hao, leha
o ka ba le dipolelo tse telele kapa tse kgutshwane, leha ditsebe tsa hao di ka
qahama kapa nko ya hao e le motsu kapa e le sephara, leha o kaba sefahleho se
nang le ditatamoloko, hoo ha ho etse taba. Kapa letlalo la hao le lesootho kapa
le lesweu kapa le letsho, ha ho etse phapang ya letho. Mmele wa hao o
bohlokwa ho Modimo. Feela kamoo o shebahalang, o theko-thata ho Modimo!
Leha o le sehlotsa, kapa mmele wa hao o qhwadile, o tshwanela ho se
ngongorehe ka hoo. MOYA O HALALELANG O DULA KA HO WENA mme ke
kahoo Modimo a tla etsa mmele wa hao le sehlotsa kapa seqhwala, hore o tsohe
bafung. O tla fetola mmele wa hao jwalekaha a kile a etsa ka Jesu mmeleng wa
Hae ha a ne a tsoha bafung.
Bala: * Baroma 8:11
* 1 Bakorinthe 6:14
Pheta temana:
* Arola baithuti dihlopha tse pedi: Etsa hore ba eme ba bapile.
* Sehlopha sa 1 se botsa sehlopha 2:
"Ana ha le tsebe hore mmele ya lona ke tempele ya Moya o Halalelang? Le
na le Moya o Halalelang, o ka ho lona, oo le o filweng ke Modimo."
* Sehlopha 2 se tla re ho sehlopha 1:
"Ho a makatsa: MOYA O HALALELANG O DULA KA HO NNA!"
* Morupelli o tla tlatselletsa moo jwale:
"Hopola, MOYA O HALALELANG O TLA HO WENA ha o dumela ho Jesu ha
o le ngwana wa Modimo."
* Etsa hore dihlopha tseo tse pedi di fapanyetsane e le hore sehlopha ka seng
se fumane monyetla wa ho ka fana ka nnete e bohareng ka bo bona.
* Kamora hoba temana e phetwe makgetlo a ka bang mane, baithuti ba tla
tshwanela ho kwala mola le mola jwalo jwalo ho ka pheta temana ka bo bona
e le hore ba tle ba be le bokgoni ba ho ka pheta temana ba sa e sheba.
37

1 Bakorinthe 6:19
Kapa na ha le tsebe
hore mmele ya lona
ke tempele ya Moya o Halalelang?
o ka ho lona
oo le o filweng ke Modimo, .....
1 Bakorinthe 6:19
38

KAROLO 5 (70 metsotso)
MOSEBETSI WA MOYA O HALALELANG.
TSEBISO HO MORUPELLI: Lebitso le reng "Moemedi" leo Jesu a buang kalona
ho Johanne 14:26 le hlalosa "ya bitsitsweng ho ema dipakeng" (mohlala
Mmuelli). Ke ntla ya bohlokwa eo ke e ratang ho e ruta karolong ya 5 ho
barutwana hobane ke ditshepiso tseo Jesu a re siileng le tsona.
Ka hoo Moya o Halalelang o bitswa Moemedi.
Jwale o se ile wa ithuta dintho tse mmalwa ka Moya o Halalelang:
3 Na o a hopola hape hore o ne a tle lefatsheng ho tla dula
kahara bana bohle ba Modimo? Ee, ka Pentakonta e nngwe le e nngwe o
hopole hore: O BOHLOKWA HO MODIMO!
3 O ile wa ithuta hape hore ke Mang. MOYA O HALALELANG KE MODIMO.
Ke Motho empa e seng nthwana feela. Re mpile ra bontsha hore Moya o
Halalelang e ka leeba, empa hopola: Hase leeba hape ha a shebahale
jwaleka leeba. O ile wa ithuta hore Moya o Halalelang o ile wa theohela
hodima Jesu o ka leeba - kahoo re mpa re o lekanya eka ke leeba.
3 Empa yena Moya o Halalelang ha a ka wa eba teng pele ho Pentakonta? Ee,
o bile teng le pele ho tlholeho (Phallo/Genese 1:2), empa ka Pentakonta o ile
wa tla ka mokgwa o ikgethileng e le ho tla dula kahara bana ba Modimo. Ha o
le ngwana wa Modimo, o ka ba le botiyo: MOYA O HALALELANG O DULA
KA HO WENA!
O se o kile wa nahana hore hobaneng Moya o Halalelang o dula ka ho wena? O
batla ho etsang ka ho nna? Na o a tseba, pele feela ho hoba Jesu a nyolohele
lehodimong, o ile a re ho barutuwa ba Hae o tla romela Moya o Halalelang hore o
tle o ba thuse.
Ho teng mekgwa e fapafapaneng eo ka yona Moya o Halalelang o o thusang. A
re ke re shebe ke efe mme Yena o ho etsa jwang hoo.
39

5.1 Moya o Halalelang o o pakela ka dibe tsa hao.
Bibeleng re ithuta hore batho bohle ke baetsadibe mme ba hole le Modimo
(Baroma 3:23). Bothata ke hore batho, mmoho le nna le wena, ha re lemohe tse
ding tsa dibe tseo re di etsang. Motho e mong le e mong o dumela hore seo a se
etsang, se lokile (Pesaleme 19:13-15 le Maele/Diprovebia 16:2).
Ebe Moya o Halalelang o ka o thusa jwang ha o tletse dibe jwalo? Na o ne o
tseba, karabo e ngodilwe ho Johanne 16:8. "Ha eo (Moya o Halalelang) a etla,
o tla kgodisa lefatshe ka tsa sebe". Ka tsela eo ke mosebetsi wa Moya o
Halalelang ho o etsa hore o elellwe hore o tletse dibe. MOYA O HALALELANG O
A O THUSA, O O PAKELA KA DIBE TSA HAO, Ho bolela hore o a o thusa hore o
tsebe ha o etsa ntho e fosahetseng le hore o moetsadibe. O ke ke wa ba ngwana
wa Modimo ha o sa lemohe dibe tse ngata tseo o nang le tsona le hore o hloka
Jesu hakaakang. MOYA O HALALELANG O A O THUSA - O O PAKELA KA
DIBE TSA HAO.
Ha ho monate ho ka amohela ha o entse ntho e phoso, ha ho jwalo? Ho teng
batho ba bangata makgotleng a dinyewe ba entseng phoso mme e ka batla e eba
boholo ba bona ba sa amoheleng ba reng ha ba a etsa letho le phoso. Leha e le
wena ngwana wa Modimo, ho boima. O etsang ha ramosebetsi wa hao a re o
tlohetse 'heke' esa kwaleha dikgomo di tletse tsela? Jo, eba o se o hlonama
kapele (o hlabeha/kwata) o etsa manganga o bolela hore ha se wena ya entseng
hoo. Hopola, Moya o Halalelang o tseba ka nako tsohle ha o etsa sebe .... mme
ha e se phoso. MOYA O HALALELANG O YA O THUSA - O O PAKELA KA
DIBE TSA HAO hobane ha a batle hore o boele o se etse hape. O batla hore o
tlohele dibe tsa hao. Ha o etsa ntho e phoso mme o lemoha ka pelepele hore e
fosahetse, hore ke sebe, ke Moya o Halalelang o buang le wena.
Empa Moya o Halalelang ha o thuse bana ba Modimo feela. O batla ho pakela
bohle bao e sokang e eba bana ba Modimo hore ba na le dibe. Ha Moya o
Halalelang o re ho wena o tletse dibe mme o hloka Jesu ho tla o lopolla dibeng
tsa hao, o Mmamele. MOYA O HALALELANG O A O THUSA, empa ha o ntse o
tswelapele ka hore ha o na dibe, kapa ha o na sebe se seholo haholo, mme
kahoo o re ha o hloke Jesu, kahoo o latola hore Moya o Halalelang a o thuse.
Haeba e sa le jwale ha o batle ho elellwa sebe sa hao, e tla re ka le leng, ha Jesu
a boela a etla, o tshwanela ho elellwa hore Moya o Halalelang o ne o nepile hore
o ne o le phoso ..... empa jwale e tla be e se e le morao. Ana ha o batle hore
hona jwale o elellwe hore o lahlehile? Ana ha o batle ho ipolela dibe tsa hao mme
o amohele Jesu?
40

MOYA O HALALELANG O A O THUSA - O O PAKELA HA O ETSA
DIBE, hobane ha a batle hore o nne o di etse kgafetsa. O o pakela
le ka hore o moetsadibe, hobane o ke ke wa ba ngwana wa
Modimo ha o sa lemohe kamoo o nang le dibe tse ngata ka teng le
kamoo o hlokang Jesu haholo ka teng.
Johanne 16:8
Moya o Halalelang ha o pakele ka dibe tsa hao feela mme o o tlohele feela jwalo.
Tjhe boboo, Yena o etsa jwale ntho e makatsang hape!
41

5.2 Moya o Halalelang o o etsa ngwana wa Modimo.
Ho bohlokwa ho Moya o Halalelang a o thusang ka hona, ke ho ba ngwana wa
Modimo. Ho ngodilwe ho Johanne 6:63 "Moya ke wona o phedisang, nama hae
thuse letho." Na o a utlwa? Moya o Halalelang o o etsa hore o "Phele". Bibele e
bua ka hona e le tswalobotjha (Johanne 3:1-8). Ho bolela hore Yena o o etsa
hore o dumele ho Jesu ka tsela eo O O ETSA NGWANA WA MODIMO.
Mosebetsi: Ana le sa hopola seo le ithutileng sona Bukeng ya karolo 6.1 ka
tswalobotjha? Le hopola hore hoo ke mosebetsi wa Moya o
Halalelang?
Ha o esoka o eba ngwana wa Modimo, o tla tseba hore MOYA O HALALELANG
O BATLA HO O THUSA HO KA BA NGWANA WA MODIMO. Ke mosebetsihadi
wa Moya o Halalelang. O batla ho o phedisa, ho o etsa hore ho etsahale hore o
dumele. Haeba jwale o dumela mme o batla ho amohela Jesu, ke tla o thusa
kamora ditlelase tsena haeba o batla thuso.
Wena jwaleka ngwana wa Modimo o lokela ho lemoha hore ha o ngwana wa
Modimo hobane o lokile ebile o babatseha. Pele o ile wa etsa qeto Moya o
Halalelang o ile wa sebetsa ka ho wena. Ke Yena ya entseng hore o dumele ho
Jesu. Ao, o tshwanela ho o tlotlisa le ho o babatsa, hobane YENA O O
THUSITSE.
Mosebetsi: A ko kgutse motsotswana mme o nahane kaha o tla leboha Moya
o Halalelang ka mosebetsi oo o entseng. Mo tlotlise le ho Mo
babatsa e sa le jwale ka thapelo.
42

Moya o Halalelang o a o "phodisa" - O o neha tswalobotjha, e le
hore o ka dumela ho Jesu. Ka tsela eo Moya o Halalelang o o etsa
ngwana wa Modimo.
Johanne 6:63
Hore a o etse ngwana wa Modimo, ke qaleho ya mosebetsi wa Moya o Halalelang
ka ho wena.
43

5.3 Moya o Halalelang o o tiisetsa hore o fela o le ngwana wa Modimo.
Kahoo o o thusa hofetsa! Mamela hore ho ngodilweng ho Baroma 8:16: "Ka
sebele sa wona, Moya wa Modimo o pakelana le moya wa rona hore re bana ba
Modimo". Hoo ho bolelang? Moya o Halalelang o o bolella ka nepo hore re bana
ba Modimo. MOYA O HALALELANG O A O THUSA. O O TIISETSA HORE O
MATLENG A MODIMO. Kahoo o ka ba le botiyo mme o bolelle ba bang: "Ke
ngwana wa Modimo. Ke fela ke tiile! Ke a ho tseba hoo!" Hobane Bibeleng ho 1
Johanne 5:12-13 Modimo o re ka Boyena o ka ba le botiyo. MOYA O
HALALELANG O A O THUSA ho ka hopola hoo.
Bala: * Bagalata 4:6-7
* Baefese 1:13-14
Mosebetsi: Na o sa hopola seo o ithutileng sona Bukeng ya 4? Na o ka nna
wa ba le botiyo leha o boetse o entse sebe hape? Qoqang ka
hona. Haeba ho hlokahala, sheba hape karolo 6.7 Bukeng ya 4.
Ao, Moya o Halalelang o etsa mosebetsi o makatsang ka ho nna le wena! A re ke
re akaretse kapelenyana seo re ithutileng sona ho fihlela mona:
Dintho tse tharo tsa pele tseo Moya o Halalelang o o etsetsang tsona, di hlaloswa
jwaleka ho ba ngwana wa Modimo:
1. Moya o Halalelang o o pakela ka dibe tsa hao e le hore o tsebe hore o hloka
Jesu ho le hokae jwaleka Molopolli.
2. Moya o Halalelang o o etsa ngwana wa Modimo. Ka tswalobotjha o o etsa
hore o be maemong a ho dumela ho Jesu mme kahoo o be ngwana wa
Modimo.
3. Moya o Halalelang o o tiisetsa hore o matleng a Modimo mme ka tsela eo o
ngwana wa Hae ka ho phethahala.
44

MOYA O HALALELANG O A O THUSA ho ka ba le bonnete ba hore
o ngwana wa Modimo. O o pakela ka pelong ya hao hore o na le
tokelo ya ho ka bua ka Modimo jwaleka Ntate.
Baroma 8:16
Kamora hoba o be ngwana wa Modimo, Moya o Halalelang o ke ke wa o tlohela o
le mong! Tjhe, O o thusa ho feta moo!
45

5.4 Moya o Halalelang o o ruta ho ka utlwisisa Bibele hantle.
Kamora hoba o be ngwana wa Modimo, Moya o Halalelang ha o tlo o tlohella o le
mong lekgale. Jwale o batla le ho o ruta tsohle tseo Modimo o di bolelang
Bibeleng. A ko shebe hore ho ngodilweng ho Johanne 14:26".... oo Ntate a tla o
romela Lebitsong la ka, yena o tla le ruta tsohle, a le hopotse tsohle, tseo ke le
bolelletseng tsona."
Moya o Halalelang o rata ho o rutang? Ee, Yena o batla ho o ruta tsohle tseo
Jesu a ileng a di bolela. MOYA O HALALELANG O A O THUSA - O O RUTA HO
KA UTLWISISA BIBELE HANTLE - ho ka tseba tsohle hore di bolelang. Ao, a ko
tadime kamoo bana bo ba setshwantshong, ba leng lehlohonolo ka teng, hobane
ba utlwisisa seo ba se balang Bibeleng.
Ana o ye o utlwisise sohle seo o se balang Bibeleng nako tsohle? Ao tjhe, ho ba
le bothata, a ke re? Ho etsahala hangata hore ho be le ntho tse boima tseo nna
le wena re sa di utlwisiseng. Utlwa feela hore ho ngodilweng ho 2 Petrose 1:20
ka hoo: "Empa tseba sena pele: Ha ho ya ka hlalosang boporofeta bo
Mangolong a halalelang ka boyena feela." Bibele e re ha ho letho leo o ka le
utlwisisang ka bowena .... EMPA MOYA O HALALELANG O A O THUSA - O O
THUSA HO UTLWISISA BIBELE HANTLE. Moya o Halalelang a ke re ke
Modimo mme kahoo o a tseba Yena tsohle tse ngodilweng Bibeleng.
Bala: * Johanne 16:12-14
* 2 Petrose 1:20-21
Ke kahoo moruti, kapa moevangedi a rapela pele a ka bala Bibeleng ka kerekeng
le ho rera. Ka baka la hobane nna le wena re sa utlwisise Bibele hantle, re
tshwanela hore hang pele re qala ka dithuto, kapa re ka bala Bibele, re rapele
mme re kopa MOYA O HALALELANG HO TLA RE THUSA mme O RE RUTE HO
KA UTLWISISA BIBELE HANTLE. O tshwanetse ho etsa jwalo pele o tshwara
ditlelase. Ee, nako e nngwe le e nngwe ha o tla ba maphathephathe ka Bibele
kapa ha ho le seo o sa se utlwisiseng, o tshwanela ho rapela. MOYA O
HALALELANG O TLA O THUSA.
46

Johanne 14:26
2 Petrose 1:20
Hobane Moya o Halalelang o dula ka ho wena, o ka o thusa nako efe kapa efe.
Kahoo Yena a ka o thusa ho ka hopola se ngotsweng Bibeleng.
47

5.5 Moya o Halalelang o o hopotsa se ngodilweng Bibeleng.
Hobane Moya o Halalelang o dula ka ho wena, A ka o thusa nako efe le efe.
Johanne 14:26 e hlahisa dintho hape tseo Moya o Halalelang o o thusang ka
tsona kgafetsa - tse ding hape ka Bibele. Moya o Halalelang o a o "hopotsa"
dinthong tsohle tseo Jesu a di boletseng. Ho bolela hore o a o hopotsa. MOYA O
HALALELANG O A O THUSA - O O HOPOTSA SE NGOTSWENG BIBELENG.
Ka ngwanana enwa ya setshwantshong ho ile ha etsahala ntho e sa thabiseng
sekolong. Empa a ko shebe feela, pele a ka bontsha phoso ya hae, Moya o
Halalelang o Mo hopotsa se ngodilweng Bibeleng!
Ha o bua le motho e mong ka hore e ka ba ngwana wa Modimo jwang, eba Moya
o Halalelang o tla o etsa o hopole se ngodilweng Bibeleng. Hape ha o batla ho
nka qeto, MOYA O HALALELANG O O HOPOTSA SE NGODILWENG
BIBELENG. Ha satane a o leka kapa ha motswalle a o mema ho ya etsa
botlokotsebe le yena, Moya o Halalelang o tla o hopotsa ka se ngodilweng
Bibeleng. Empa, jwale ho bohlokwa haholo hore o bala Bibele kgafetsa le ho bala
ditemana tse itseng ka ho ithuta tsona, ho seng jwalo Moya o Halaleng o tla sitwa
ho o thusa ho ka di hopola. Ho molemo hakaakang ho tseba Bibele? O ka
sebetsa ka thata hakaakang ho ka ithuta thupellong ena?
Moya o Halalelang o o hopotsa hore Bibele e re ha o mong, hobane Yena o teng
nako tsohle ho wena. Ha o ba madimabe le hoba pelo bohloko, Yena o etsa hore
o hopole hore Modimo, Ntate, o o rata haholo. MOYA O HALALELANG O A O
THUSA - O O HOPOTSA SE NGODILWENG BIBELENG!
Bala: * Mattheu 4:1-11
* Mattheu 28:20
* Luka 12:8-12
* Johanne 14:26
48

Se ngodilweng Bibeleng.
Johanne 14:26
Mattheu 4:1-11
Ha o bala Bibele, o tla ithuta hore ho na le ntho tse ngata tseo Modimo o batlang
o di etse ka tshwanelo.
49

5.6 Moya o Halalelang o o ruta ho etsa se ngodilweng Bibeleng.
Ha ho a lekana ho ka utlwisisa Bibele hantle le ho hopola ka nako tsohle se
ngodilweng teng. MOYA O HALALELANG O O THUSA HAPE HO KA ETSA
TSOHLE tseo Modimo a o kopang ho di etsa Bibeleng.
Bala: * Baroma 8:4
* Bagalata 5:25
Na o a bona, ha Moya o Halalelang o o laola, jwale o ka etsa se ngodilweng
Bibeleng. O sa hopola a ke re hore re se re ithutile bukeng 2, karolo 6.1 (ntlha ya
3) hore Jesu ha a o pholose feela mme jwale a o tlohele e le ho ka iphelela
jwaleka ngwana wa Modimo. Tjhe, Yena o bona hore o phele jwaleka ngwana wa
Modimo. O ho etsa ka Moya o Halalelang.
Ka tsela eo o tshwanela ho utlwa Modimo. O ka hlola sebe. MOYA O
HALALELANG O A O THUSA - O O RUTA HO ETSA SE NGODILWENG
BIBELENG. Mosebetsi wa bohlokwa Bibeleng ke hore o tshwanela ho rata
Modimo le batho ba bang. O tshwanela ho ba rata jwaleka ha o ithata. Empa o
se re ho bona feela o a ba rata, o tshwanela hape ho ba bontsha hore o a ba rata
ka ho ba thusa. Bona, monna ya setshwantshong o bontshitse lerato la hae ka ho
fa mosadi wa mofutsana dijonyana.
Bala: * Mattheu 7:12
* Luka 10:25-37
* 1 Johanne 3:17-18
A re ke re etseng kapelenyana mmoho. Dintho tsa pele tse tharo tseo Moya o
Halalelang o o etsetsang tsona, di amana le ho ba ngwana wa Modimo. Dintho
tse tharo tseo o sa tswa ithuta tsona, tsena tharo di amana le Bibele:
4. Moya o Halalelang o o ruta ho utlwisisa Bibele hantle.
5. Moya o Halalelang o o hopotsa se ngodilweng Bibeleng.
6. Moya o Halalelang o o ruta ho etsa se ngodilweng Bibeleng.
Empa ho sa le ho teng hong hoo Moya o Halalelang a se etsang.
50

Baroma 8:4
Bagalata 5:25
Na ha o a thabela ho utlwa hore Moya o Halalelang o a o thusa? O
nahana hore Modimo o ka mo leboha jwang ka tsohle tseo Moya o
Halalelang a o etsetsang tsona?
51

5.7 Moya o Halalelang o o etsa paki ya Jesu.
Na o a tseba seo e leng mosebetsi oo Jesu a ileng a o neha barutuwa ba hae
pele a ka nyolohela lehodimong? Mosebetsi ona wa ho qetela ke wa
bohlokwahadi, oo le kajeno Jesu a o nehileng bana ba hae. Hobane e le
mosebetsi o moholo hakaalo le ho ba bohlokwa, re bua kahoo e le "Mosebetsi o
moholo."
Bala: * Mattheu 28:18-20
Mosebetsi ona o moholo wa bohlokwa ha ho motho ya ka o etsang a le mong. O
hloka e mong ya ka o thusang. MOYA O HALALELANG O A O THUSA! O O
NEHA MATLA A HO KA BOLELLA BA BANG KA JESU.
Bala: * Diketso 1:8
O se o tseba jwale ho bolella ba bang ka Jesu. O ka nna wa sebedisa Bukana e
senang Mantswe, empa hopola, ha Moya o Halalelang o sa o thuse, bopaki ba
hao e tla ba lefeela. Le ha ho le jwalo o se ke wa tshaba. Rapela o Mo kope ho o
thusa. O tla o thusa hobane ke mosebetsi wa Hae.
MOYA O HALALELANG O A O THUSA - O O ETSA PAKI YA JESU, e, le ho
batho bao o batshabang. Hape le ho bao e leng dira tsa Jesu, ba hloileng le ho
hlokofatsa bana ba Hae. MOYA O HALALELANG O O FA MATLA A HO PAKELA
BOHLE POLASING KA JESU.
Bala: * Luka 12:11-12
* Diketso 4:13
* Diketso 26:16-18
Mosebetsi: Ke mang eo o tla mmolella ka Jesu pele ditlelase tse tlang di
qala? Tloo re bolelle ka nako e tlang hore o fihlelletseng hore ke
Moya o Halalelang o ileng wa o thusa le ho o neha matla.
52

Diketso 1:8
Luka 12:11-12
Na ha ho makatse ha Modimo a tla sebedisa batho fela ho ka etsa
mosebetsi wa hae mona lefatsheng?
53

Kgutsufatso:
Jwale o se o ithutile tse ngata feela. A nke ke o thuse ho ka bona setshwantsho
sena sohle, ebe jwale o tla hopola tsohle ha bobebe. Empa hopola, Moya o
Halalelang o etsa feela tseo tsohle le tse ding tse ngata.
MOYA O HALALELANG O A O THUSA.
Dintho tsa pele tse tharo tseo Moya o Halalelang o o etsetsang tsona, boraro ba
tsona di amana le bongwana:
1. Moya o Halalelang o o pakela ka dibe tsa hao e le hore o ka tseba hore o
hloka Jesu ho le hokae jwaleka ka Molopolli wa hao.
2. Moya o Halalelang o o etsa ngwana wa Modimo. Ka tswalobotjha o o etsa ho
ba maemong a ho ka dumela ho Jesu mme kahoo o be ngwana wa Modimo.
3. Moya o Halalelang o o tiisetsa ka hore o matleng a Modimo ka tsela eo o
ngwana wa hae kannete.
Dintho tse tharo tse latelang tseo Moya o Halalelang o di etsang, tshwara tse
tharo tsena mabapi le Bibele:
4. Moya o Halalelang o o ruta ho ka utlwisisa Bibele hantle.
5. Moya o Halalelang o o hopotsa se ngotsweng Bibeleng.
6. Moya o Halalelang o o ruta ha etsa se ngodilweng Bibeleng.
Ntho ya ho qetela eo Moya o Halalelang o o etsetsang yona, e mabapi le
mosebetsi oo Jesu a ileng a o fa bana ba Hae: Eya o bolele!
7. Moya o Halalelang o o bolella ka Jesu. Moya o Halalelang ka tsela eo o o
etsa paki ya Jesu.
A ko tadime hantle serallwa se leqepheng le latelang. Ke moo ditshwantso tsohle
di leng mmoho.
54

KAROLO 6 (90 metsotso)
DITHOLWANA TSA MOYA.
Selelekela:
Mohlomong lehlabula o tjhakela motswalle wa hao, mme o fumana tshimong ya
hae ho metse difate tse mmalwa tsa ditholwana - o tla tseba jwang hore ke sefate
sefe seo e leng sa perekisi le seo e leng sa apolekose? O nepile! Ho sa
diperekisi e tla ba diperekisi le ho sa diapolekose e tla ba diapolekose! Sefate
kahoo se a ipontshahatsa hore ke sa mofuta ofe.
Ha o tadima motho, o tla tseba jwang hore Moya o Halalelang o phela ka ho yena
kapa tjhe? Ho batla ho le boimanyana, a ke re! Ha o ka ke wa tseba feela tjena
ka bowena. Mokgwa o mong oo o tla fumana ka oona, ke ha motho eo ka boyena
a o bontsha hore Moya o Halalelang o dutse ka ho yena. Empa jwale o tla o
bontsha jwang hore Moya o Halalelang o phela ka ho yena? O tla leka ka hohle
ho ka phela jwaleka Jesu, Hobane Moya o Halalelang ke Moya wa Jesu mme o
mo thusa ho ka phela ho feta jwaleka Jesu. Batho ba sa kgaotseng ho etsa
dintho tse fosahetseng ba bontsha hore Moya o Halalelang ha o yo ka ho bona.
Bala: * Mattheu 12:33.
* Bagalata 5:24-25
* 1 Johanne 1:6
Mme batho ba bang ba tla tseba jwang hore Moya o Halalelang o dula ka ho
wena? Ee, O TSHWANELA HO BONTSHA HORE MOYA O HALALELANG O
DULA KA HO WENA ka ho etsa hape hore o phele jwaleka Jesu. Bibele e bua ka
hona e le: "ditholwana tsa Moya".
Ditholwana tsa Moya hantlentle empa e le feela sephetho sa tjhebahalo ya ntlha
ya hore Moya o Halalelang o dula ka ho wena le ho laola bophelo ba hao.
Ditholwana di tla ka phatlallo kamora moo, hantlentle ka ho itshupa. Hase hobane
nna le wena jwaleka motho re iketsa ka borona hantle. Ke ditholwana tsa Moya
wena le nna re mpa re le feela difate moo ditholwana di leketlang.
Ka nqenngwe ditholwana tsa Moya hape ke makala, e le mosebetsi le
boikarabelo. Bagalata 5:16-17 e ruta hantle hore o ke ke wa etsa seo o se ratang.
56

Ho na le ntwa e safeleng ka ho wena e etsahalang. Kahoo o tshwanela ho
ikemisetsa ho bolaya dintho tseo tse methapong ya nama (bapisa ka Bakolose
3:5-25). O tshwanela ho shwa ditakatsong tsa tlhaho ya sebe mme o tlohelle
bophelo ba hao ho laolwa ke Moya. Moya o tshwanela ho lekanyetsa ditakatso
tsa hao (Bagalata 5:25).
Ha Moya o lekanyetsa ditakatso tsa hao, totobalo ya ditholwana tsa Moya o tla ba
teng. Ka hoo batho ba tla bona hore Moya o Halalelang o dula ka ho wena.
Mosebetsi: Bala Bagalata 5:16-25. Tshwaya temana 22-25 Bibeleng ya hao.
Pheta temana 22-23a ka ho e balla mmoho hodimo.
Ha re bala mona "Moya", ho buuwa feela ka wona Moya o Halalelang oo ho
ntseng ho buuwa ka wona mona. Ditholwana tsa Moya ke dintho tseo o ke keng
wa iketsetsa tsona ka bowena, empa seo o ka se batlang le ho tla se etsa,
hobane Moya o Halalelang o ka ho wena mme o o thusa kahoo.
Mosebetsi: Ha o le ngwana wa Modimo o ke ke wa hlola o etsa kamoo o
ratang mme le seo o se lakatsang. O TSHWANELA HO
BONTSHA HORE MOYA O HALALELANG O PHELA KA HO
WENA.
* Na bakreste bao o sebetsang le bona ba a bontsha hore Moya
o Halalelang o phela ka ho bona? Fanang ka mabaka a
dikarabo tsa lona ka ho bolela hore ba etsang kapa ha ba
etseng.
* Na o bontsha hore Moya o Halalelang o phela ka ho wena?
Fana ka mabaka a karabo ya hao.
MOSEBETSI WA MORUPELLI: Ha ho etsahale ho ka ba nqa e lenngwe ka
nakwana ena e kgutshwanyane ka botlalo tholwaneng ka nngwe. Ke tla etsa
tlhaloso kang ka ditholwana e nngwe le e nngwe, eo ka yona moithuti a ka
tshwanelang ho ka bua maemong a mararo.
Hopola, temaneng ena ha ho eso buuwe ka ditholwana tsa Moya, empa
tholwana tsa Moya. Ka tsela eo o ke ke wa kgetha ho tse robong ho re ke efe eo
o batlang ho ka e beha, o tshwanela ho di beha kaofela. Bohle BONTSHANG
HORE MOYA O HALALELANG O DULA KA HO LONA.
57

1. Tholwana tsa Moya ke LERATO:
Ha o a lokela ho rata feela eo o mo batlang. O TSHWANELA HO BONTSHA
HORE MOYA O HALALELANG O PHELA KA HO WENA ka ho rata batho bohle.
Modimo o batla hore o rate le batho bao o sa ba tsebeng. Leha e le batho ba
buang puo eo e seng ya hao le ba leba la la mofuta o mong. O tshwanela ho rata
leha e le dira tsa hao. Batho bohle ba be bohlokwa ho wena ka tsela eo
jwalekaha o ipona jwalo.
Bala: * Meetlo/Levitike 19:33-34
* Mattheu 5:43-48
* Mattheu 7:12
2. Tholwana tsa Moya ke MONYAKA:
Lebaka la bohlokwahadi hobaneng bana ba Modimo ba tshwanela ho thaba, ke
hobane Jesu o ba pholositse matleng a sebe le ho tshwarela dibe tsohle tsa bona.
Kahoo ha o a tshwanela ho thaba feela ha tsohle di o tsamaela hantle. Modimo o
batla hore leha dintho di sa o tsamaele hantle o tshwere boima kapa ha o
hlopheha hobane o tshepa Jesu, o tshwanela ho dula ka hona o thabile. Ha o a
lokela ho thaba feela hobane o ikutlwa jwalo kapa o lakatsa jwalo. O
TSHWANELA HO BONTSHA HORE MOYA O HALALELANG O DULA KA HO
WENA ka ho dula o thabile, ha ho ka ba boima. Bakreste ha ba a tshwanela ba
tsamaye ba tletleba hohle ka tsohle.
Bala: * Baroma 5:3
* Baefese 5:20
* Jakobo 1:2-4
* Juda temana 16 (E bolela ka bakomakomi.)
3. Tholwana tsa Moya ke KGOTSO:
Hobane wena jwaleka ngwana wa Modimo o tshwanela ho rata batho bohle, ha o
a tshwanela ho lwana le bona kapa o be mobe ho bona. Ke a tseba hore ha ho
bonolo kamehla, ntle leha motho a phehelletse ho o hlokofatsa. O TSHWANELA
HO BONTSHA HORE MOYA O HALALELANG O DULA KA HO WENA ka ho
etsa kgotso ka nako tsohle maemong afe kapa afe (a etsahalang ho wena) le
tseo o nang le tsona.
Empa kgotso pakeng tsa batho e tla etsahala ha batho bohle ba rata Modimo.
Kahoo o tshwanela ho rapela hore batho ba sokolohe e le hore hohle ho tle ho be
le kgotso.
Bala: * Baroma 5:1
* Baroma 12:18-21
* Baroma 14:19
58

4. Tholwana tsa Moya ke MAMELLO:
Mamello e bolela ho tiisetsa le ha o sa tswelle ho fihlella ntho, mohl. ha o sokola
ho ntsha peipi ya metsi a tswang 'fentemeleng' mokoting kapa ho ka sotholla
'diboutu' tsa lebidi la lori. Ke ho emela e mong nakwana, le ha o tatile haholo.
Mamello hape ke ho se hloname kapele ha monna/mosadi a sa kgone ho ithuta
mosebetsi kapele hakaalo kamoo wena o leng kateng. Mamello ke ho ipha nako
ya ho thusa e mong. O TSHWANETSE HO BONTSHA HORE MOYA O
HALALELANG O DULA KA HO WENA ka ho ba le mamello le ho se hloname
kapele.
Bala: * Jakobo 5:7-11
5. Tholwana tsa Moya ke SETSWALLE:
O TSHWANELA HO BONTSHA HORE MOYA O HALALELANG O DULA KA HO
WENA ka ho ba le setswalle ka nako tsohle ho batho bohle. Ho a etsahala hore
batho ba be le wena tseleng kapa lepatlelong la dipapadi kapa mosebetsing ba se
o rate. Jwale ha o a tshwanela hore le wena o be mobe jwalo. Modimo o batla
hore o nne o be le setswalle ho bona.
Bala: * Baefese 4:2
* Bafilipi 4:5 (Phetolelong ya kgale)
6. Tholwana tsa Moya ke ho ba MOLEMO:
Ha o le ngwana wa Modimo ha o a tshwanela hore feela ho e mong o a mo rata.
O tshwanela ho bontsha hore o a mo rata. Modimo ha a ka a re feela Yena o a o
rata. O ile a re etsetsa molemo. O ile a romela Jesu.
Ka tsela eo ha o a tshwanela ho bontsha batho feela hore o a ba rata ka ho etsa
setswalle le ho ba le mamello ho bona. O TSHWANELA HO BONTSHA HORE
MOYA O HALALELANG O DULA KA HO WENA ka ho ba molemo ho bona le ho
ba thusa.
Bala: * Bagalata 6:10
* 1 Thimothea 6:17-19
* 1 Johanne 3:17-18
59

7. Tholwana ya Moya ke BOTSHEPEHI:
Ho ba ngwana wa Modimo a tshwanela ho tshepahahala, ho bolela hore "ee ya
hao e be ee". Letsatsing leo o neng o nka qeto ya ho amohela Jesu, o ile wa
motshepisa ho mo rata ha dintho di o tsamaela hantle, empa le ha di sa tsamaye
hantle. Kahoo O TSHWANELA HO BONTSHA HORE MOYA O HALALELANG O
DULA KA HO WENA leha o ikutlwa eka Modimo ha a sa o rata. BaKreste ba
ikutlwa jwalo ha ba kula, ba fumana boima kapa moratuwa wa bona a eshwa ka
tshohenyetso. Empa hopola, Modimo o tshepahala ka nako tsohle. Le ha o sa
ikutlwe jwalo, Moya o Halalelang wa Hae o na le wena ka nako tsohle ho o thusa
ha o fumana boima. Kahoo ke tshwanelo ya hao, jwaleka ngwana wa Modimo,
hape ho Tshepela ho Yena ho tsohle tse etsahalang.
Jwaleka ngwana wa Modimo o tshwanela ho dula o tshepahala mosebetsing wa
hao le ho ramosebetsi wa hao. Boramosebetsi le bona ba tshwanela ho dula ba
tshepahala ho basebelletsi ba bona. O tshwanela ho dula o tshepahala le
lenyalong la hao, batswading ba hao, lelokong la hao le ho metswalle ya hao. O
TSHWANELA HO BONTSHA HORE MOYA O HALALELANG O DULA KA HO
WENA ka ho tshepahala ho bona, le ha ba o "tlohela".
Le ha metswalle ya hao e o utlwisa pelo bohloko, kapa le ha batswadi ba hao ba o
shapa, ha ho bolele hore o ka bua hampe le bona kapa ho ka etsa bobe ka bona.
Tjhe, ha Moya o Halalelang o dutse ka ho wena, o tshwanela ho bontsha ka ho
dula o tshepahala. Hape le ha o ile wa tshepisa e mong ntho, o tshwanela ho
phethisa ditshepiso tsa hao (o etse seo o se tshepisitseng). Botshepehi bo bolela
hore batho ba ka o tshepa. Ba tshwanela hore ka nako tsohle o etsa seo o se
tshepisitseng.
Bala: * 1 Bakorinthe 10:13
* Baefese 6:10-11
* Jakobo 5:12
60

8. Tholwana ya Moya ke BOIKOKOBETSO:
O TSHWANELA HO BONTSHA HORE MOYA O HALALELANG O DUTSE KA
HO WENA ka ho ikokobetsa. Hobane tsohle tseo batho ba nang le tsona, a ke re
di tswa ho Modimo. Boikokobetso bo bolela ho se ipone o le betere ho feta batho
ba bang. Boikokobetso hape bo bolela ho se itemohe o le bohlokwa ho feta batho
ba bang ka ho etsa mesebetsinyana e bohlokwa ho feta ba bang kapa ka ho
sebelletsa batho ba bang ba banyane, ba futsanehileng kapa ba seng bohlokwa
ho feta wena. Batho ba bang ba tshwanela ho ba bohlokwa ho feta wena. O
tshwanela hore wena o be ya monyenyane. Boikokobetso hape bo bolela hore ha
o etse seo o se ratang, empa hore o mamela Modimo.
Bala: * Mareka 10:43-45
* Johanne 13:12-15
* 2 Bakorinthe 10:1
* Bafilipi 2:3-4
9. Tholwana ya Moya ke BOITSHWARO:
Boitshwaro ho bolela ho ka itaola. O seke wa etsa seo o se lakatsang, empa o
mpa o etsa se lokileng, seo Modimo a batlang hore o se etse. Boitshwaro ke ho
re "tjhe" ho ntho efe kapa efe e sa lokang,le ha eka o ka e etsa, mme o re "ee" ho
tsohle tse lokileng.
O TSHWANELA HO BONTSHA HORE MOYA O HALALELANG O DUTSE KA
HO WENA ka ho itshwara. Ha o etsa feela seo o se ratang, eba ha o mamele
Modimo mme o fela o etsa jwaleka batho ba esoka ba amohela Moya o
Halalelang - ba etsa kamoo ba ratang.
Bala: * 1 Bakorinthe 6:12-14
* Bagalata 5:16-21
Hopola, ke ile ka o botsa hore: Ha o tadima motho - o tla tseba jwang hore Moya
o Halalelang o dutse ka ho yena kapa tjhe? Ke mang jwale ya ka nkarabang?
Ee, o tla tseba ka dintho tseo tsohle tseo Bagalata 5:22-23 e rutang ka tsona, o ka
bona ha Moya o Halalelang o dutse ka ho motho kapa tjhe. Hobane ha Moya o
Halalelang o dutse ka ho wena, ha o tlo ba le setswalle feela kapa mamello feela.
Tjhe! Tholwana tsa Moya ke lerato le monyaka le mamello le setswalle le
botshephi le boikokobetso le boitshwaro.
61

Mosebetsi: A ko shebe setshwantsho se leqepheng le latelang. O a bona ho
omelletse jwang polasing eo. Ho dikgomo tse shwang mme
matamo a omelletse. Difate tsa ditholwana di a omella. Bohle
polasing moo ba ngongorehile. Ha o sheba ka thokwano ho
monna eo, o tla nyaroha. Ha o bona bohle ba tsamaya ba
sosobantse difahleho, mme ba komakoma.
Jwaleka Mokreste o tla etsa jwang maemong ana a tjena a
boima ho ka bontsha ditholwana tsa Moya hore di teng ho wena
ka ho etsa jwalo O BONTSHA HORE DITHOLWANA TSA MOYA
DI DUTSE KA HO WENA?
62

Mosebetsi: Sheba setshwantsho se leqepheng le latelang. Bana ba polasi e
leng baahisane ba ile ba bapala ka dithutswana tsa mollo. Yaba
ba hotetsa hlaaha. Ka baka la moya o fokang ka matla ha ba a
kgona ho tima hlaaha. Karolwana ya polasi ya lona le yona e ile
ya etjha mme a mang a matlo a batho bao le sebetsang le bona a
sala a le feela / e le lesupi.
Jwaleka Mokreste o tla etsa jwang maemong ana a tjena a boima
ho ka bontsha ditholwana tsa Moya o Halalelang ho re di teng ka
ho wena ka ho etsa jwalo O BONTSHA HORE DITHOLWANA
TSA MOYA DI DUTSE KA HO WENA?
64

Mosebetsi: Sheba setshwantsho leqepheng le latelang. Dilemo tsohle ho
ntse ho ikela hantle ka bona moo polasing. Polasi ya lona ke yona e
ntle ho feta tsohle tikolohong eo. Bohle ba na le matlo a matle. Ha le
tshwengwe ke diterekere tsa kgale le disebediswa. Tsohle di
maemong a matle. Le sebetsa ka thata le ka makgethe mme le
motlotlo ka lona. Ha le hloke mang kapa mang ho ka le thusa. Haufi
le lona ho teng monna ya sokolang, kahoo le batho ba hae ba sokola.
O tshwanela ho etsang jwaleka mohwebi wa Mokreste ya hlwahlwa (le
basebelletsi polasing ke bahwebi!) ho ka bontsha ditholwana tsa
Moya tseo o nang le tsona ho ka BONTSHA HORE MOYA O
HALALELANG O DUTSE KA HO WENA?
66

KAROLO 7 (70 metsotso)
DINEO TSA MOYA O HALALELANG
TSEBISO HO MORUPELLI: Kgetha baithuti ba bane ho nka karolo. Etsa hore e
sa le pele o fumane dikgwele, masela le lebanta la sekgomaretsi (salotepi) tseo o
tla di hloka.
Moithuti 1: Nka ya bobebe ho feta baithuting bao ba bane. Tlama maoto a hae
mme o tlame le mahlo a hae. (Kahoo moithuti eo a ka bua ka tsela
eo.)
Moithuti 2: Nka moithuti ya tla kgona ho jara moithuti 1. Tlama mahlong a hae
mme o mo kgomaretse molomo ho o kwala. (enwa moithuti a ka
kgona ho tsamaya le ho jara e mong.)
Moithuti 3: Nka e moholo a bile a le boimahadi. Tlama matsoho a hae. Tlamella
le matsoho a hae setulong, e le hore ho se etsahale ho tla jara
moithuti. (Enwa moithuti ka tsela eo o a bona le ho bua.)
E re moithuti wa bone a paqame kae kae moo haufi. Moithuti eo a etse eka o a
kula.
Fana ka mosebetsi ho baithuti bane ba pele ba bararo oo ba tla o etsa. Hobane e
mong a holehilwe ka mokgwa o le mong ka o itseng, a ke ke a etsa mosebetsi
ona a le mong. Mosebetsi o ka ba bobebe ha ba o etsa mmoho ba thusana (Ba
seke ba tlamollana dikgwele.) Mosebetsi ona o tjena: "Kaekae mona haufi ho
robetse motho ya kulang. Eyang ho yena mme le mmolelle hore Modimo o a
morata."
Seke wa bolella baithuti hore ho ka etsahala jwang ho ya teng. Ba tshwanela ho
inahanela hore ba ka etsa jwang ho ya finyella moo. Moithuti e mong a ka ba
nahanela mme a ba fe leqheka.
Tharollo ya hore mosebetsi oo o ka phethwa jwang, o teng kamoraorao bukeng
ena leqepheng la 91. Ha le a tshwanela ho le bala pele le inahanela.
68

Mosebetsi: * Etsang tlhakisetso eo e kahodimo le etsetsa morupelli.
* Le ithutileng ka tlhakisetso ena?
* E re e mong wa baithuti a bale1 Bakorinthe 12:14-22 le 27,
hape le Baefese 4:16. Bohle ba latela ba tadimme Bibeleng
tsa bona.
* Le nahana hore dikarolwana tseo di bolelang? Kopanyang
tlhakisetso mmoho le mangolo ao le sa tswa a bala mmoho.
Karolo e nngwe le e nngwe ya mmele e bohlokwa mme mmele o a dihloka hore o
ka sebetsa hantle. Setho se seng le se seng se na le mosebetsi wa sona mme ha
ho se bohlokwa ho feta se seng. Bibeleng re ithuta hore bana ba Modimo ba
tshwana le mmele. Jesu ha a sa le lefatsheng ka Boyena, empa nna le wena re
karolo tsa mmele wa Hae tseo di lokelang ho etsa mosebetsi wa hae mona
lefatshe, e mong le e mong wa bana ba Modimo o jwaleka karolo ya mmele -
mohlala: e mong o jwaleka letsoho, e mong o jwaleka leihlo mme e mong o
jwaleka leoto, jwalojwalo. Ka bowena o ke ke wa sebetsa, empa ho sebetswa
mmoho, ebile ho monate haholo. Setho se seng le se seng sa mmele wa Kreste
ka tsela eo se na le mosebetsi wa sona wa bohlokwa oo se o etsetsang Modimo.
Ditaba tse molemo ke hore Moya o Halalelang o a o thusa ho phetha mosebetsi.
Moya o Halalelang o ho etsa jwang hoo? O neha ngwana e mong le e mong wa
Modimo neo. O FILWE NEO hape. Na o a tseba neo ke eng?
69

7.1 Dineo ke bokgoni boo Moya o Halalelang o fanang ka bona.
Bokgoni ke ho bolela hore o ka kgona ho etsa ntho. Ha o kgona ho palama
baesekele, eba rere o na le bokgoni ba ho palama baesekele - o ka ho etsa. Ha o
bala hantle, re re o na le bokgoni ba ho bala hantle. Ha ke re dineo ke bokgoni
boo Moya o Halalelang o fanang ka bona, ke bolela ka tsela eo hore Moya o
Halalelang o etsa hore o kgone ho ka kgona ho etsa dintho tse itseng hantle.
Jwale feela ka mpho, eo o e fumanang mahala. Ha o e batle. Kahoo Bibele e
bua ka dineo tsa mohau.
O tshwanela ho ithuta kajeno - O ILE WA FUWA NEO.
Bibeleng ho bolelwa ka dineo tsa mohau tse ngata. A re bone hore ke tse kae tsa
dineo tseo le ka di fumanang Bibeleng.
Mosebetsi: * A re ke re etseng dihlopha tse nne mme ebe ke fa
sehlopha ka seng Karolwana ya Lengolo ho e bala.
Sehlopha 1: Baroma 12:6-8
Sehlopha 2: 1 Bakorinthe 12:7-11
Sehlopha 3: Bakorinthe 12:27-30
Sehlopha 4: Baefese 4:11
* Sehlopha ka seng se tshwanela ho bolela dineo tseo tse teng moo
ditemaneng, kahara dibopeho tseo tse leqepheng le latelang ka ho di
ngola. Ngola neo e lenngwe sebopehong ka seng.
* Jwale sehlopha ka seng se fumana sebaka sa ho bolella bohle ba
sehlopheng kaneo eo a e fumaneng karolong tsa bona. Tlelase yohle
jwale e ka tlatsa dineo tseo dibukeng tsa bona dibakeng tsa dibopeho tse
feela. Se ke wa tlatsa neo e le nngwe makgetlo a mabedi, o ke ke wa
hlola o eba le sebaka se lekaneng bakeng sa tse ding.
Na o a bona kamoo dineo tse ngata tse fapaneng di le ka teng? Ee, dineo ha di
tshwane kaofela.
70

Dineo ke bokgoni boo Moya o Halalelang o fanang ka bona. Ke
seo le se tlatsitseng mona kahodimo, hoo ho bontsha hore Moya o
Halalelang o fana ka bokgoni bo fapafapaneng.
1 Bakorinthe 12:7-11 le 27-30
Baroma 12:6-8
Empa na Moya o Halalelang o fa batho bohle dineo?
71

7.2 Ngwana e mong le e mong wa Modimo o na le neo.
Tjhe, hase batho bohle ba fumantshwang dineo. Ke feela bana ba Modimo ba
nang le dineo. Moya o Halalelang ha o di fe feela bana ba itseng ba Modimo.
Tjhe, ngwana e mong le e mong wa Modimo o na le neo. Mona ho Baefese 4:7
ho ngodilwe: "Empa e mong le e mong wa rona o neilwe mohau." Ha ho
ngodilwe "e mong le e mong" , ho bolelwa ngwana e mong le e mong wa Modimo.
E mong le e mong o fumantshwa bonyane neo e le nngwe, empa o ka nna wa
fumantshwa ho feta neo e le nngwe. O ka fumantshwa dineo tse fapafapaneng.
Bala hape: * 1 Bakorinthe 12:7 le 11
Ha o le ngwana wa Modimo, jwale o ka tjho jwaleka batho bana ba
setshwantshong: "Ee, Le nna HAPE KE FUMANTSHITSWE NEO!" Na hase
dimakatso! Haeba le jwale ha o esobe ngwana wa Modimo, ha o eso fumantshwe
neo. Sheba, batho bana ba bararo ba setshwantshong ba sa dumeleng ho Jesu,
ha ba eso fumantshwe dineo.
72

Ngwana e mong le e mong wa Modimo o na le neo e le nngwe kapa
ho feta. LE WENA HAPE O NA LE NEO EO O E FUMANENG. Ba sa
dumelang ha ba a fumana neo.
1 Bakorinthe 12:7 le 11
Baefese 4:7
Na bana bohle ba Modimo ba na le dineo tse tshwanang?
73

7.3 Bohle ha ba na dineo tse tshwanang.
Hase bohle bao re nang le dineo tse tshwanang. A ke re le bone Bibeleng hore
ho teng dineo tse fapafapaneng. Moya o Halalelang o di fa bana ba Modimo,
kamoo a ratang. Ho Baroma 12:6 ho ngodilwe teng: "Jwale re na le dineo tse
fapaneng, ho ya ka mohau oo re o nehilweng." Nna le wena re ke ke ra iketsetsa
qeto ka hore ke neo efe eo re e batlang. Moya o Halalelang o etsa qeto hore ke
neo efe ho e mong le emong ya ka e fuwang ka Boyena. Neo eitseng ha e
bohlokwa ho feta e nngwe. Kahoo o seke wa honohela Mokreste e mong eka o
na le neo e betere ho feta ya hao. Oho tjhe, Moya o Halalelang ha o fe dineo ka
ho tshwana, empa neo e nngwe le e nngwe eo a e fang bana ba hae, e bohlokwa.
Seo o tshwanelang ho se hopola, ke hore e mong le e mong, le wena O
FUMATSHITSWE NEO! E ka nna yaba mohlomong o fumantshitswe ho feta
bonngwe.
Mohlomong o maketse hore ke neho/dineho dife o di fumantshitsweng. Ho
bobebe ho nna ho ka o bolella fela tjena. Mohlomong o sa tswa ipotsa; "nka etsa
eng" kapa "ke sefe se lokileng seo nka se etsang?" Haeba o tseba ho bina
hantle kapa ho bapala katara, jwale Morena o batla ho o sebedisa ho ka ya
bapala sehlopheng sa kereke sa mmino, kapa o le sephokodi sa dipina nakong eo
batjha ba entseng 'kempe' kapa nakong eo e leng tshebelletso ya thapelo
polasing. Haeba o ena le thahasello ya ho etsa mesebetsi e ikgethang bakeng la
ba bang, o na le neo mohlomong ya tshebelletso. Ha motho a boela a phela
hantle kamora hoba o mo rapelle, o na le neo ya ho fodisa.
Ke seo o thahasellang ho se etsa, ho ipontshahatsa hangata hore ke neo/dineo
tseo o nang le tsona. Kopa hape le Moya o Halalelang eo a o nehileng dineo hore
a o bontshe hore ke dineo dife tseo o nang le tsona /yona.
Badumedi ba bang ba bona hangata dineo tsa hao hantle habobebe ho ena le
hore wena o ipone. Kopa feela Bakreste ba ba bang ba o tsebang hantle, hore ba
nahana hore ke dineo dife tseo o nang le tsona.
TSEBISO HO MORUPELLI: Haeba baithuti ba tsebana hantle, o ka nna wa botsa
ba mmalwa ba bona hore ba mpe ba dule ka dihlotshwana ho ka bolellana neo ya
e mong le mong eo a nang le yona. Hona ho tla thusa ba bang hore ba lemohe
ka hoo dineo tsa bona.
74

Neo/dineo ya/tsa hao dika nna tsa fapana ho tseo Bakreste ba
bang ba nang le tsona. Dineo tsa hao di lokela ho se tshwane le
tsa bona. Moya o Halalelang ke Yena ya entseng qeto ka hore ke
neo efe eo a tla o fang yona.
Baroma 12:6
1 Bakorinthe 12:11
O FUMANTSHITSWE NEO, empa hopola, Moya o Halalelang o o neha
dineo ka sepheo se ikgethang. Na o a tseba hore o batla hore o
etseng ka dineo tsa hao?
75

7.4 O tshwanela ho sebelletsa ba bang ka dineo tsa hao.
O tshwanela ho sebelletsa ba bang ka dineo tsa hao. Ha o a nehwa dineo ho ka
ikgohomosa ka tsona kapa ho bontsha batho ba bang hore wena o molemo
hakaakang. Tlhakisetso eo re e entseng qalong, ha ke re o ile wa bona hore
setho se seng le se seng se na le mosebetsi oo se o etsang. Re bile ra iphumana
hore re hlokana hakaakang le hore re tle re thusane. Bohle phuthehong ya lona
ba lokela ho sebedisa dineo tsa bona ho sebelletsa ba bang. Ebe phutheho ya
lona e tlaba e babatsehang hakaakang sebakeng seo! Na ha o nahane jwalo?
Moya o Halalelang o bile o o file mosebetsi jwaleka setho sa mmele wa Kreste
hore batho ba bang bao esoka e eba bana ba hae, ho ba sebelletsa. Kahoo ba
tla hlokomela hore Modimo o a ba rata. Ba tla batla le ho dumela ho Jesu.
Hopola - O ILE WA FUWA NEO ho ka sebelletsa batho ba bang.
Mosebetsi: * Ha o dumela ho Jesu Kreste, O ILE WA FUWA NEO. Na o se
o tsebile hore ke neho efe eo o e amohetseng? Haeba ho le
jwalo, ke eng?
* E re e mong le e mong dihlotshwaneng tse nyenyane a
bolele hore neo ya hae ke efe. Etsang qeto hammoho ho
emong le e mong hore a ka sebedisa neo ya hae jwang ho ka
sebelletsa ba bang e le hore ba tle ba hole boemong ba bona
le Jesu.
76

Ha o a fuwa dineo hore o tlo ikgohomosa ka tsona kapa ho bontsha batho
ba bang kamoo wena o leng betere hakaakang. Ha o a fumantshwa neo ho
ya ka thato ya hao. O ILE WA FUWA NEO HO tla sebelletsa ba bang ka
yona. Neo ya hao e lokela hoba karolelano ho bohle!
1 Bakorinthe 12:7
O ILE WA FUWA NEO ho tla sebelletsa ba bang ka yona e le hore Modimo a tle a
tlotliswe kahoo. Jwale ho tla potso: Na o tla ba le kutlo? Na o tla etsa hoo?
77

7.5 O tshwanela ho sebedisa dineo tsa hao!
Ke tshepa hore o ntse o re feela: Ee, Ee! hobane Modimo o batla hore o
sebedise dineo tsa hao. O tshwanela ho Mo sebelletsa ka tsona! A ko mpolelle,
haeba, mohlala: fumana tshupanako e le mpho ho tswa ho batswadi ba hao,
batswadi ba hao ba batla hore o etseng ka yona? Na ba batla hore o nke
tshupanako eo mme o e boloke? Tjhe, ba batla hore o e sebedise. Kahoo o
tshwanela ho etsa jwaleka bana ba ba setshwantshong. O tshwanela hore o re le
wena: "Ee, re ilo sebedisa dineo tsa rona!" Hopola, ke ka hoo Moya o Halalelang
o fileng dineo hore o ka etsa ntho ka tsona ha o di sebedisa! Ha o sa etse jwalo,
o hloka kutlo ho Modimo. Bibeleng, ho 1 Thimothea 4:14 Paulose o re ho
Thimothea: "Seke wa lebala ho sebedisa neo ya Moya." Ho bolela hore
mohlankana Thimothea ya fumaneng neo ya Moya o Halalelang o ne a tla e
sebedisa ka ho ruta batho le ho ba rerela, a seke a kgaotsa ho etsa hoo. Tjhe, o
lokelwa ke ho tswelapele ho sebedisa dineo tsa hae mme hamorao o ne a tla e
sebedisa haholwanyane. Ha o qalella ho sebedisa dineo tsa hae mme hamorao o
ne a tla e sebedisa haholwanyane. Ha o qalella ho sebedisa dineo tsa hao
kannete, mohlomong qalong ho ka ba boima, empa o seke wa ferekana.
Tswelapele! Kamoo o tla sebedisa dineo tsa hao haholwanyane, ho tla ba
molemo hakaakang ho fumana ntlha ya tsona!
Bala: * 2 Timothea 1:6
Ha o le ngwana wa Modimo, O ILE WA FUMANTSHWA NEO hore o e sebedise.
Kahoo o tshwanela ka mosebetsi le boikarabelo ba hao phuthehong o phethise.
Hopola, ha o kerekeng ya hao ho amohela feela. Oho tjhe, o mpa o le feela moo
ho fana le ho sebelletsa e le hore bohle ba tle ba hole semoya mme ba phele ka
ho fetisisa jwaleka Jesu.
Bala: * Baefese 4:16
Ha ho bolele hore o sebetse feela kerekeng kapa ha e le mesebetsi ya kereke.
Tjhe, o tshwanela ho sebedisa dineo tsa hao ho sebelletsa batho bao o sebetsang
le bona kapa polasing. O ka ba sebelletsa hape sepetlele, kapa sekolong, kapa
teronkong.
Kereke ya Jesu Kreste e na le mosebetsi le yona ho ba sa dumelang. Kahoo o
lokela hore le wena o sebedise dineo tsa hao ho ba sebelletsa, e le hore le bona
ba ka bona le ho utlwa le ho phela hore Jesu o ba ratile - mohlomong ba tla
dumela ho Yena. Ha ba dumela, ba tla tlotlisa le ho rorisa Modimo!
78

Ee, re a ya!
Ha o le ngwana wa Modimo, Moya o Halalelang o o file neo hore o
e sebedise. Kahoo o lokela ho sebedisa dineo tsa hao. Ha o a
tshwanela ho tlohela\ lesa ho sebedisa dineo tsa hao.
1 Timothea 4:14
79

Qetello
Jwale o se o tseba: * Dineo ke bokgoni boo Moya o Halalelang o o fileng.
* Ngwana e mong le e mong wa Modimo o filwe bonyane
neo e le nngwe.
* Ho teng dineo tse fapafapaneng mme batho ha re a fuwa
dineo tse tshwanang.
* Dineo tsa hao di tshwanela ho etsetsa bohle molemo mme
o sebelletse ba bang ka dineo tsa hao.
* O tshwanela ho sebedisa dineho tsa hao.
Mosebetsi: Arola baithuti dihlopha tse pedi tse kgolo. Ha sehlopha se se re
seralwa seo ke nnete, ha se seng se tla re ha se nnete.
Sehlopha ka seng se tla hlalosa hore hobaneng se rialo.
"Moruti o a lefshwa ho etsa tsohle phuthehong, kahoo ha ke a
lokela ho etsa letho kerekeng."
80

KAROLO 8 (20 Metsotso)
HO SHEBA TABA KA NNGWE KA LEIHLO LE NTJHOTJHO
8.1 Qaka tse pedi mabapi le dineo.
Ha motho a bua ka dineo tsa Moya, ho teng mabaka a mabedi a hlahisang qaka.
Ya pele ke e bitsa "qaka ya ditsebe tse ngata."
A ko tadime monnanyana enwa. Mmele wohle wa hae o bopilwe ka ditsebe.
Hantlentle ha ho mmele, ke ditsebe feela. O nahana hore e teng ntho eo a ka e
etsang? Mmele wohle wa hae o a utlwa, empa ha a bone letho, ha a tshware
letho, ha a tsamaye, ha a nahane kapa ho fofonela.
Jwale he, ho teng bana ba bang ba Modimo ba ratang hore badumedi bohle ba be
le dineo tse tshwanang jwalekaha ba batla. Ba nahana hore ke feela dineo tseo
ba nang le tsona tseo e leng tsa bohlokwa mme badumedi ba senang dineo tseo,
ho hang ha ho letho la Moya o Halalelang leo ba le fumaneng. Boholo ho teng
badumedi ba reng dineo tsa Moya o Halalelang ke ho tseba dipuo, ntle le moo ha
ba a pholoswa. Hase nnete. Batho ba jwalo ba ngangisang ka hoo ka menahano
ya bona ba fositse e le ka nnete, hobane o se o ithutile hore ho teng dineo tse
fapafapaneng le hore Moya o Halalelang o neha e mong le emong neo ho ya
kamoo A ratang. Kereke e ke ke ya etsa letho ha batho ba ena le dineo tse
tshwanang. Phapang e bohlokwa haholo.
A ke re o sa hopola mohlala wa mmele oo Paulose a ileng a fana ka wona ho 1
Bakorinthe 12. Mmele o na le dikarolwana tse ngata tse dumellanang hammoho.
Bohle re bohlokwa haholo feela, hobane e mong le e mong o na le mosebetsi wa
hae, tshebetso ya hae.
81

Bala: * 1 Bakorinthe 12:12-26
* Baefese 4:16.
Kahoo ha o a tshwanela ho ikutlwa hampe kapa wa belaela ha o sena neo e
tshwanang le ya e mong.
Qaka ya bobedi ke tekanyetso.
Ka bobedi kerese le mollo di na le lelakabe. Ha o lekanya kerese le mollo, o tla
ikutlwa o le monyenyane le ho nahana: "Joo, ha ke na lelakabe le leholo hakaalo
jwalo ka mollo mme ha ke etse motjheso o moholo hakaalo jwaleka mollo. Atjhe,
mollo o molemo haholo ho feta nna, ha ke letho nna." Ha o bapisa mollo le
kerese o ka hola mme wa ba le boikgohomoso. "Atjhe, ke se ke le moholwanyane
le ho tjhesa hofeta kerese. Nka butswisa le dijo. Kerese hase letho! Ke ya
fetisisang ka molemo."
Na o a bona, nakong eo o qalang ho itekanya le badumedi ba bang, o tla ba
monyenyane kapa o be moholo le ho ata. O ka ikutlwa o le monyenyane kapa o
fokola le ho ba lefeela ho ka etsa ntho, kapa o be o nahana hore ha o na motho
eo o mo hlokang hobane o le motle ho feta bao. O tla inahanela haholo ka
bowena le hape o tla bolella ba bang ntho tse mpe.
Ho bohlokwa hore e mong le e mong a tle a bone mesebetsi ya hae hore ke efe.
Kerese e etsa kganya, ka hobane e le nyane, e ka behwa tulong efe kapa efe ya
ntlo. Hase mosebetsi wa kerese ho ka butswisa dijo kapa ho futhumetsa batho.
Mollo o ke ke wa behwa sebakeng se seng le se seng ka hara ntlo. Hase
mosebetsi wa mollo ho etsa kganya ka phaposing ya ho robala.
Ka tsela eo tseba mosebetsi wa hao jwaleka mmele wa Kreste, mme hohang o se
wa itekanya le ba bang.
Bala: * Bagalata 6:3-5
82

8.2 Dineo di o thusa ho ka tseba seo Modimo a ratang hore o se etse.
Jwale e re polasing ya lona ho be le kamponyana e pela lesaka e tletseng
matlakala le lehola. Diterata di le marantha. Ebe ramosebetsi wa hao o o fa tang
mme a o romele kampong moo, o ka nahana hore o ye ho etsang?
Jwale e re a o fe kgarafu mme a o romele ka yona moo kampong, o batla hore o
tle o ye ho etsang? Ho mpa ho itlhalosa hoo. Disebediswa tseo a o fileng tsona
ka letsohong, di a itlhalosa hore di batla hore o etseng. A ke ke a lebella hore o
ye ho hlaola lehola empa a o file tang (letlao). Hape o ke ke wa ya lokisa terata
empa a o file kgarafu.
Jwale he, ho jwalo feela ka dineo tseo Modimo a o fileng tsona e le tlhaloso ya
seo Modimo a lebelletseng hore o se etse. Ha a o file dineo tsa hore o rute batho
le ho ba rupella, ha o a tshwanela ho di sebedisa ho bina khwaereng. Ha a o file
neo ya booki, ha o a tshwanela ho nka boetapele ka yona ba kampo (pokano) ya
batjha. Ha a o file dineo tsa ho ka sebelletsa ba bang, ha a a lebella ho bua dipuo
ka hona.
Mosebetsi le ditshebelletso tseo Morena a nang le tsona phuthehong ka wena, di
ntsweleng le neo kapa dineo tseo ka Boyena a o fileng tsona. O tshwanela ka
tsela eo o batlisise dineo tsa hao mme o di sebedise. Ha o etsa seo, Modimo o
tla kgotsofala haholo, hobane Ha a a lebella ntho eitseng ho wena.
TSEBISO HO MORUPELLI: Ha wena kapa moithuti a batla ho tseba
haholwanyane ka dineo, ho teng ka nqengwe dibuka tse pedi tse bobebe mme tse
ntle ka Afrikaans tseo o ka di fumanang: Ontdek jou gawe - (Sibolla dineho tsa
hao) in SA UITGEGEE deur Reformatoriese uitgewers, Posbus 251,
Vereeniging, 1930. Die Gawes van die Gees - (Dineo tsa Moya) - Bybelkor,
Posbus 5, Wellington, 7655.
83

KAROLO 9 (30 metsotso)
O KA UTLWISA MOYA O HALALELANG BOHLOKO.
O sa hopola a ke re hore Moya o Halalelang ke Motho. Kahoo o ka o swabisa le
ho o utlwisa pelo bohloko jwaleka ha o ka utlwisa batho ba bang pelo bohloko.
Jwale Morena o re ho Baefese 4:30 ho rona:
"Le se ke la swabisa Moya o Halalelang wa Modimo."
Ho ka utlwisisa tlhaloso ya Baefese 4:30, o tshwanetse hantlentle o bale Baefese
4:17 ho fihlela 6:20 ka hloko. E bua ka bophelo bo botjha ketapeleng ya Moya o
Halalelang. A nke ke hlalose. Jesu o lefelletse dibe tsohle tsa rona sefapanong.
Le ha ho le jwalo ha ho bollele hore nna le wena re ka tswellapele ka ho etsa
sebe. Re shwele mmoho le Jesu mme ra boela ra tsoha le yena. O sa hopola
hore o ithutile hoo bukeng ya 4, karolo 6.3 hore bana bohle ba Modimo ba shwele
sebeng. Badumedi ke batho ba batjha mme Jesu o ile a romela Moya o
Halalelang ho tla ba thusa ho phela jwaleka batho ba batjha. Ha re le batho ba
batjha jwaleka nna le wena re ka swabisa Moya o Halalelang, kapa re ka Mo tlotla
le ho Mo thabisa.
O thabisa Moya o Halalelang neng? Mona hodimo Baefese 4:24 o fana ka
karabo. O thabisa Moya o Halalelang ha o phela jwaleka motho e motjha, batho
ba entsweng ka setshwantsho sa Modimo. O thabisa Moya o Halalelang ha o
phela bophelo bo botjha ka botlalo ba thato ya Modimo.
Ke neng ha o swabisa Moya o Halalelang? O swabisa Moya ha wena eo o leng
motho e motjha, o tswellapele ho phela jwaleka motho wa kgale, ba sa dumelang.
O swabisa Moya o Halalelang ha o sa mamele mme o sa phele jwaleka ngwana
wa Modimo. Tshwabiso ena e ngotswe Lentsweng e le ditlwaelo tsa bosawana,
bohale le kgalefo. Ho Baefese 4:17 - 6:20 Paulose o fana ka melao ya bophelo
bo botjha. Kamoo batho ba batjha ba lokelang ho phela ka teng. Ha ba ke ke ba
phela jwalo, ba swabisa Moya o Halalelang (Baefese 4:30). Ha ho etsahale feela
ka tsela eo ha o etsa dintho tse kgolo tse tshosang. Paulose o re leha o rohakana
kapa o sa bue nnete ke tsona diketso tseo. Ho etsahala ha o sa tshwarele ba
bang kapa ha o etsa qeto ya botlokotsebe letsatsing leo. Ho etsahala ha o neha
diabolosi matla. Ho etsahala ha o sa latele mehlala ya Jesu mme o sa phele ka
lerato. Hape "le dibe tsa letsatsi le letsatsi tse nyenyane tseo re sa di elellweng"
ka tsela eo o swabisa Moya o Halalelang.
84

Moya o Halalelang o utlwa bohloko ha o ithuta dintho tse ngata Bibeleng, empa o
sa tlo di etsa. O tshwanetse ho hopola kamehla: Ha o ithuta ntho empa e sa
fetole bophelo ba hao, eba ha o a ithuta letho. Ha thupello ena e sa fetole
bophelo ba hao, ebe o tla fumana 0%, hoba jwale ha o ithuta letho. Hape seo o
ithuta sona jwale ka Moya o Halalelang, se lokela ho fetola bophelo ba hao. O
tshwanela ho beha ditholwana tsa Moya o Halalelang le ho phela ka ho fetisisa
jwaleka Jesu.
O etsa hore Moya o Halalelang o thabe ha o dumela Modimo o mo utlwa
mme o phela ka ho fetisisa jwaleka Jesu. O swabisa Moya o Halalelang
wena jwaleka motho e motjha, o sa phele jwaleka motho e motjha mme o
tswellapele ho etsa sebe. Hape le dibenyana tse nyenyane tse sa bolelwang
di swabisa Moya.
Baefese 4:30
85

Mosebetsi: Qoqang mmoho ka tse latelang dihlotshwaneng tse nyenyane tsa
lona:
* Bophelo ba hao bo swabisa Moya o Halalelang jwang? O tla
etsa jwang ka hoo?
* O tlilo etsang jwale seo o neng o sa se etse ka nako e
fetileng? A ko bolele ntho e ikgethang eo e thabiseng Moya o
Halalelang haholo hobane ke moo o tla be o mamela
Modimo.
* Rapellanang ka taba ena.
86

Mosebetsi 1
KAROLO 10 (10 metsotso)
MOSEBETSI O TLA ETSWA HAE.
Kajeno o ithutile tse ngata haholo. O boele o badise ha o fehla hae. Bolella ba
bang seo o ithutileng sona - kahoo o tla dula o hopotse tsohle. Qalong ya Tataiso
6 ho sa le teng dipotso tse mmalwa.
Mosebetsi 2
Ho tataiso ka thutabodumedi ya polasi (godsdiensgids) ho teng thuto e ikgethang
ka Moya o Halalelang. Ho ka tlatswa ka Moya o Halalelang, ha ho bolele letho ha
e se ho dumella Moya o Halalelang ho laola bophelo ba hao letsatsi le letsatsi le
ho o tsamaisa. Itokisetse kahoo thuto leqepheng la 48-49 haholo pele ho nako e
tlang. E mong a ka nna a kopjwa ho ka ruta ka yona ho sehlopha sohle.
Mosebetsi 3
Tsebiso ke ena bakeng sa baithuti ba batlang ho etsa haholwanyane le ho bala.
Ha re a ka ra ba le nako kajeno ho ka tshwarahana le karolo e ntle ya Diketso 10
le 11. Eya etsa boithuto ka matla ho ya ka tataiso ya mosebetsi eo ke tla o fa
yona mona. Baithuti ba tsebang ho hantle, ba mpe ba thuse ba phelang haufi le
bona, bao ba sa tsebeng ho bala hantle, ka kopo le etse mosebetsi ona mmoho.
Ha le a lokela ho hopola dintlha tsohle kapa ho di tseba. Le tshwanela ho tseba
nnete e bohareng le tlhaloso ya yona hantle. Iketsetseng boikwetliso e le lona.
LEBITSO LA PALE: Petrose o ya baheteneng.
NNETE E BOHARENG: Modimo ha o na kgethollo, Moya o Halalelang ke
wa bohle ba dumelang, ho Jesu!
SELELEKELA: Ke mang ebile ke eng letona? Ee, letona ke motho ya behilweng
kapele. Na o nahana hore Modimo o na le matona? Oo tjhe! Modimo o rata
bohle ka ho lekana mme YENA o rata ho neha bohle Moya o Halalelang wa Hae.
Ho Diketso 10 le 11 o tla ithuta: MODIMO HA O NA KGETHOLLO, MOYA O
HALALELANG KE WA BOHLE BA DUMELANG HO JESU. E baleng mmoho ka
ntlhakgolo e ngwe le engwe.
87

1) PETROSE O TSHWANELA HO NAHANELA BA BANG BAO E LENG
BAHETENE.
Petrose o kgetholla bahetene. Modimo wa roba kgethollo eo mme a ruta
Petrose hore ha ho motho ya mo busang mme ha a etse kgethollo ho batho
ba bang. Kamora moo Modimo o leka kutlo ya Petrose ha batho ba ne ba tla
mmitsa ho ya ho Kornele. (Diketso 10:1-20 le temana 23) Nna le wena ka
kgethollo eo re nang le yona ho batho ba bang e etsa hore evangedi e se
finyelle ho batho bohle. Ipolele sebe seo, mme o tswelepele ka evangedi ho
batho bohle.
2) Petrose o rutwa ho kgathalla ba bang leha ba sa tlwaeleha.
Bajode ba ne ba sa dumellwa ho kena tlung ya e mong e leng moditjhaba.
Bajode ba ne ba sa kopakopane le ditjhaba tse ding kapa le ho ja le bona.
Hobane Petrose a lemohile hore Modimo ha a na kgethollo, a ya tlung ya
Kornele mme a hlola teng matsatsi a mmalwa. (Diketso 10:21-33) Le kajeno
ho sa le boima ho ka isa evangedi setjhabeng se seng. Ha re etelane
habobebe matlung a rona mme le maphelong ho teng dikarohano. O
tshwanela ho qalella ho kgathalla ba bang, hobane Modimo ha o etse
kgethollo.
3) Petrose o tsebisa ka evangedi e tshwanang, yaba ke ntho e nngwe
eitseng.
Petrose o tsebisa ka evangedi ya lefu la Jesu, tsoho, boiponahatso, karohano
le tshwarelo ya dibe. Yaba e ba ho hong ho itseng. Bajode le bahetene ba
mmoho ka boteng ba Modimo mme Petrose o paka hore jwalo o se a fetohile
ka baka la bahetene. O a paka: Jesu ke Morena wa bohle. (Diketso 10:34-
43) Ke ka makgetlo a mangata re leka ho thibela bahetene dikerekeng tsa
rona. Tjhe, re tshwanela ho thaba ha ba eba le rona ho utlwa Lentswe le ho
le mamela, e le hore ba tle ba fihlelle tumelo, ba pholoswe mme ba nehwe
Moya o Halalelang. (Lentswe ke la bohle, Selallo ke sa badumedi feela.)
4) PETROSE A PHELA NTHO E NNGWE HO FAPANA LE EO A NENG A E
LEBELLETSE.
Hobane Petrose a bile le kutlo, mme a ya bolella bahetene evangedi, o ile a
amohela ntho e nngwe neng a esoka a e lebella. O ile a bona kamoo Modimo
a nehang bahetene Moya o Halalelang ka teng hoba ba dumele. (Diketso
10:44-48) Ha o utlwa Modimo mme o sa etse kgethollo ho batho ba bang ha
o bolela evangedi ho bahetene le ho baetsadibe ba thata, o tla fumana matla
a pholoso ho Modimo mme ebe ho hola le tumelo ya hao.
88

5) PETROSE O NAHANA LE HO BUA KA MOKGWA O MONG HO FETA
PELE.
Petrose o hlalosa tsohle phuthehong, hobane ba nahana jwalekaha a ne a
nahana peleng. Hape ba bone hore Modimo ha a na kgethollo, empa a batla
ho fana ka Moya o Halalelang ho badumedi bohle. (Diketso 11:1-17) Ya
ntseng a kgetholla o dutse ka matsoho a tlamilweng mme a nyatsa ho tlola
moedi ho ya ho bahetene le baetsadibe ba babe, o sebetsa kgahlanong le
Modimo, hobane o batla ho neha bohle ba dumelang Moya o Halalelang.
6) DIPHUTHEHO DI NAHANA KA MOKGWA O MONG MME DI RORISA
MODIMO WA TSONA.
Ha phutheho e utlwisisa hore ke Modimo ya ileng hape a sokolla bao e seng
Bajode mme a ba fa Moya o Halalelang oo, ebe ba tla mo rorisa le ho
motlotlisa. (Diketso 11:18) Wena o tshwanela ho elellwa hore Modimo ke wa
bahetene, le baetsa dibe ba thata - ho batlisa tshokollohong. MODIMO HA O
KGETHOLLE, MOYA O HALALELANG KE WA BOHLE BA DUMELANG.
Tlotlisa le ho rorisa Morena!
89

THAROLLO YA TLHAKISETSO E QEPHENG LA 70
Moithuti 3 a ka bona motho ya kulang. Ka tsela eo o bolella moithuti 1 le 2
hore motho ya kulang o hokae moo a paqameng teng. Nako le nako o bolela
hore ba bohole bo bokae moo ba tsamayang le hore ba tsamaya nqa efe.
Moithuti 2 o tshwanela ho jara moithuti wa 1 ho fihlela ho motho ya kulang.
Moithuti 1 jwale ebe o re ho motho ya kulang hore Modimo o mo rata
haholo.
90