!january_Layout 1.qxd

More documents

Recommendations

Info

NGA ERODITA ZHANA Fundi i vitit 2009 si çdo fund-viti tjetër është i mbushur me festa dhe siç e dimë këto festa për shqiptaret mbartin vlera të veçante historike, morale fetare etj. Festat e nëntorit u pritën nga shqiptarët e Belgjikës me shumë entuziazëm. Me datën 28 nëntor në orën 20:00 kishte më shume se pesë koncerte shqiptare në Belgjike ku të ftuar për të kënduar ishin këngëtare që vinin nga Shqipëria dhe që pëlqehen shumë nga komuniteti shqiptar këtu. Pothuajse të gjitha sallat e këtyre aktiviteteve kanë qenë të tejmbushura duke servirur qindra tinguj muzikore të larmishëm. Të gjithë ata që kane dale për të festuar nuk janë ndaluar as nga kriza ekonomike, as nga hallet e përditshme të mbushin sallat plot, të kënaqen në shoqërinë e njeri tjetrit dhe të harrojnë për një natë hallet e shumta dhe ti thonë stresit “jo” të përditshëm. Në koncertin që u zhvillua ne Vilvoorde ishin të ftuar këngëtaret Sinan Hoxha dhe Gjyste Vulaj që me sa duket janë mjaft të preferuar nga komuniteti shqiptar këtu dhe kjo vërehej nga pjesëmarrja e madhe e njerëzve në ketë koncert. Për ketë koncert kishte ardhur nga Shqipëria edhe një këngëtare e re Esmeralda që kishte rezervuar vetë biletën e saj dhe merrte përsipër vetë shpenzimet vetëm për të kënduar para publikut shqiptar në Belgjike sigurisht me qëllimin që kjo gjë ta shpjerë drejt ‘famës’. Mbrëmja filloj me DJ Eagle dhe pastaj në skene doli Sinan Hoxha i cili u prit me mjaft entuziazëm nga publiku. Ai këndoi live kënge nga repertori i këngës popullore dhe në play back këngët e tij duke u ankuar që orkestra nuk dinte të bënte muzikën e këngëve të tij. Pas Sinanit në skene u ngjit Gjyste Vulaj e cila e veshur ashtu me stilin e saj provokues bëri që salla të G e z u a r brohorasë fuqishëm, sapo kapi mikrofonin në dorë dhe filloj të këndonte të gjithë e shoqëronin dhe i dinin këngët e saj përmendesh kjo ndoshta nga pjesëmarrja e shpeshtë e saj në të tilla koncerte që organizohen çdo vit në Belgjikë. Mbrëmja vazhdoj e qetë dhe nuk kishte ngatërresa siç ndodh rendomë. Nuk mund të themi të njëjtën gjë për mbrëmjen e organizuar nga turku ne sallën Akdenis e cila kishte pasur disa ngatërresa nga fundi i saj. Të ftuar aty ishin Remzie dhe Nexhat Osmani të cilët janë mjaft të pëlqyer nga një pjesë e madhe e publikut shqiptar, por atë mbrëmje, ngaqë salla ndodhet në Bruksel dhe mundësia e pjesëmarrjes aty është e lartë, pothua- AKTUALITET jse gjithë shqiptaret e Brukselit janë drejtuar andej duke krijuar kështu një pjesëmarrje aq të madhe saqë ishte e pamundur të zbaviteshe aty. Organizatorit turk ishte më se i kënaqur tek shikonte njerëzit që shtoheshin pafund, duke mos pasur mundësi asnjeri të kërcente dhe të dëfrehej, për të mos përmendur pastaj çmimet e pijeve që kishin kaluar çdo limit të mundshëm. Te shesësh një shishe shampanje të blerë 15 euro për 120 euro kjo vetëm me shqiptaret ndodh, e megjithatë historia përsëritet dhe vitin tjetër harrojnë se fare kanë kaluar. Për tu zhvendosur më tej në mbrëmjen e organizuar në Anvers ku të ftuar ishin këngëtaret e mirënjohur Sinan Vllasalihu dhe Tuna, që të dy kengetarë që publiku shqiptar i do shumë. Përveç faktit që Anversi është pak larg nga Brukseli dhe në Anvers nuk ka një numër aq të madh shqiptaresh sa ketu, dhe pjesëmarrja nuk kishte përmasat e dy mbrëmjeve të tjera Por gjithçka kishte kaluar mjaft mirë dhe pjesëmarrësit ishin ndarë shumë të kënaqur si nga muzika ashtu dhe nga organizimi i mbrëmjes që ishte diçka ndryshe nga mbrëmjet e përhershme qe zhvillohen këtu. Ndërkohë që e vetmja mbrëmje me hyrje falas, e organizuar nga shoqata Albabel në bashkëpunim me shkollën shqipe Vatra, paradoksalisht nuk kishte ndonjë pjesëmarrje të lakmueshme. Dhe ishte ky ndoshta i 15 DHJETOR 09 FAQE 4 Tregu i festës së flamurit... Redaksia e gazetës “Albania” uron të gjithë shqiptarët vetmi aktivitet që ndiqte disi traditën e aktiviteteve kulturore i hapur me himnin e flamurit, dhe muzika gjatë mbrëmjes është shoqëruar me recitimet e fëmijëve të shkollës shqipe dhe fjale përshëndetëse me rastin e festës. Po ashtu festa është festuar edhe në St Nicolas dhe në Gent. Në Saint Nikolas ishin këngëtarët e mirënjohur Bujar Qamili dhe Valbona Mema, ndërsa në Gent animonte mbrëmjen Naxhie Fejza. Në konkluzion mund të themi se tingujt kuq e zi e kishin rrëmbyer edhe këtë nëntor komunitetin shqipfolës të Belgjikës, megjithëse duket se edhe Festa e Flamurit është komercializuar. 2 0 1 0
NGA EDEN BABANI Nerminin, e kam njohur afro dhjetë vjet të shkuara, në Namyr, në dasmën e djalit të mikut tim lumjan Ramiz Beqa, familja e të cilit është ndër të parat, në mos e para, që emigroi në Belgjikë gjatë viteve ’50. Vajzë e imët me fytyrë paksa fëmijërore, por e hedhur dhe mjaft e zhdërvjelltë, ajo më tërhoqi vëmendjen me të folmen e vet gjysmë shqip, gjysmë frëngjisht, duke u hedhur sa në një grup dasmorësh, në tjetrin. E pyeta të zotin e dasmës dhe ai nuk nguroi të ma paraqiste: Nermin Kumanova, më tha Ramizi, veprimtarja jonë e spikatur këtu, në Namyr. Nerminit i shkoi një purpur i lehtë në fytyrë, kur dëgjoi ta lavdëronte përpara një gazetari, njëri ndër bashkatdhetarët me reputacion të padiskutueshëm në bashkësinë shqiptare të Namyrit e më tej. Asohere Kumanove punonte në Qendrën e Ndihmës Sociale të komunës së Molenbeekut, në Bruksel. Emrin ia kisha dëgjuar prej kohësh, por ishte hera e parë që takohesha me të. Ia kisha dëgjuar qoftë prej valës së emigrantëve që kishin lënë Shqipërinë pas ngjarjeve të dhimbshme të vitit të mbrapshtë ’97, qoftë prej atyre që i përkisnin valës më të re të emigracionit kosovar, të cilët e kishin lënë vendlindjen të kredhur në flakët e luftës, dhe po vërshonin dita-ditës të kërkonin mbrojtjen dhe përkrahjen e Shtetit Belg. Ishin ditë të tensionuara dhe plot pikëpyetje për të ardhurit rishtas në bashkësinë shqiptare të Belgjikës. Asistentja sociale e Molenbeekut me emrin Nermin Kumanova nuk u dorëzua as para tensionit në rritje, as para mbingarkesës me punë, as para vështirësive objektive për t’u ardhur në ndihmë. Gjithë sa u strehuan në Molenbeek asohere, flisnin me dashamirësi për vajzën me prejardhje shqiptare nga Kumanova e Maqedonisë. Gojëmbël, e përkushtuar dhe këmbëngulëse deri në admirim, Nermini nuk ua kurseu asnjëherë ndihmën bashkatdhetarëve nevojtarë, për aq kohë sa punoi në atë komunë. Më vonë, pata rastin të njihem më për së afërmi me Nerminin, të miqësohem me të, falë takimeve në Namyr dhe në qytete të tjera të Belgjikës, që nga Sint-Niklaasi, në Hyj, që nga Kortrijku, në Bruksel, që nga Luksemburgu, në Mobëzhë të Francës, kudo ku hapej një ekspozitë shqiptare, kudo ku përkujtohej një eveniment shqiptar, kudo ku bisedohej për çështjen shqiptare, për Kosovën a për trojet e tjera etnike. *** Nermin Kumanova u lind në Namyr, më 27 shtator 1980. Prindërit e saj ishin vendosur në Belgjikë qysh në fund të viteve ’60, pasi kishin emigruar paraprakisht në Turqi, si rrjedhojë e politikës jugosllave të pastrimit etnik të trojeve shqiptare. Vajzë e vetme mes dy vëllezërish (njëri më i parë në moshë dhe tjetri më pas), Nermini u rrit me kujdesin e veçantë të prindërve, të cilët, falë dashurisë për punën, kishin shënuan, tashmë, edhe arritje të lavdërueshme ekonomike. Studimet e larta i kreu në Institutin Cardijn të Louvain-la-Neuve, ku u laureua me titullin “Graduat e Ndihmës sociale”. Më pas, fitoi licencën e Shkencave të Punës, po në Louven-la-Neuve, dhe punoi në Qendrën e Ndihmës Sociale të komunës së Molenbeekut, në Bruksel. PORTRET Nermin Kumanova, modeli i suksesit shqiptar Përveç veprimtarive me karakter humanitar si në “Mjedise të Hapura” (A.M.O. 1997 dhe 2000), “Qendra Edukative dhe e Formimit Alternativ“ (1997), “Shtëpia e Kulturës Me presidentin e Kosoves z.Fatmir Sejdiu Redaksia e “ Albania” fton të gjithë ata që dëshirojnë të bëhen pjesë e misionit tonë shumëdimensional. Ju mund të dërgoni shkrimet në adresë të redaksisë dhe kujdesuni që shkrimet tuaja: në Namyr” (Seksioni i të Rinjve, 1998), Nermini ka edhe një përvojë të lavdërueshme sociale dhe sindikaliste. Në këtë kuadër, ajo ka marrë pjesë në kurse formimi disa mujore dhe në konferenca e veprimtari të tjera sindikaliste që Belgjika, në Marok në Turqi e Kanada (Kebek). *** E angazhuar në jetën politike që në vitin 2002, Nermini ka kandiduar dy herë radhazi për t’u zgjedhur në Parlamentin Europian: herën e parë në zgjedhjet e vitit 2004; të dytën në ato të qershorit të kaluar. Që të dy herët, ka qenë e përfaqësuar në listën e partisë Shprehu ECOLO. Siç është shprehur në maj të këtij viti në një intervistë dhënë gazetës “55” në Tiranë, fushatën e vet elektorale e ka mbështeti në idenë e afrimit dhe të bashkëpunimit mes kategorive të ndryshme të popullatës: mes grupmoshave jo të njëjta; mes të lindurve në Belgjikë dhe atyre të lindur jashtë Belgjike; mes njerëzve me besime fetare të ndryshme; mes nxënësve, studentëve dhe të rinjve punëtorë; mes grupeve të sociale të pabarabarta; mes vendbanimit (komunës), njësisë federative dhe Europës. “Motoja interesante, me të cilën zhvilloi fushatë: Nëse ti nuk merresh me politikë, është politika ajo që do të merret me ty, - vëren Flori Sllatina i gazetës “55” - e ka shtyrë Kumanovën gjithnjë drejt angazhimeve për një shoqëri më humane dhe sa më të drejtë.” Kurse vetë Kumanova shprehet: “Kandidimi në nivelin europian, është tepër i rëndësishëm, sepse ka një ndikim të drejtpërdrejtë mbi politikat kombëtare. Kështu që ekologjia politike është projekti, për të cilin Europa ka nevojë të sigurojë një maksimum të mirëqenies kolektive”. Në këtë kontekst, ajo zhvilloi një fushatë elektorale të frytshme në ndihmë të partisë që përfaqësoi, ndonëse nuk arriti të zgjidhej, për shkak të renditjes. *** Megjithëse e lindur në Belgjikë, Nermini nuk e ka mohuar asnjëherë përkatësinë shqiptare, jo vetëm në atë të traditave apo në praktikën gjuhësore (për hir të së vërtetës, duhet thënë se ajo nuk e njeh gjuhën e të 15 DHJETOR 09 FAQE 5 parëve aq sa duhet), por edhe në këndvështrimin ndaj çështjes shqiptare, çka fundshekulli i kaluar dhe fillimi i shekullit që po përjetojmë e vuri në dukje dhe e ndërkombëtarizoi më shumë se kurrë ndonjëherë. Ja përse Nerminin e kam gjetur kudo mes bashkatdhetarëve: në përvjetorë historikë apo në veprimtari kulturore; në protesta për mbrojtjen e çështjes kosovare apo në ndihmë të bashkatdhetarëve për integrimin e tyre në jetën perëndimore; në tubime ndërkulturore mes komuniteteve të ndryshme që jetojnë në Belgjikë; në dasma e gëzime; në zi e në të pame. Në këtë kontekst, është shumë domethënës pohimi i saj në një intervistë dhënë gazetarit turk Mehmet Koksal: “Sa i takon vendlindjes, jam nga Namyri. Sa i takon emrit tim të familjes, që bart një tingëllim të huaj, jam me prejardhje shqiptare nga Maqedonia.” Nermini e pranon çiltas se e njeh shumë pak vendlindjen e të parëve të saj. Aq më pak, Shqipërinë dhe Kosovën. Ishte kjo arsyeja që ajo, në maj të këtij viti, ndërmori një udhëtim njohjeje - le ta quaj kështu - në Shqipëri, në Kosovë dhe në Maqedoni (Kumanovë). Ajo dëshironte të njihej jo vetëm me vise të ndryshme të trojeve etnike, por edhe me zhvillimet e tyre politike sociale e kulturore. Gjatë vizitës shumë mbresëlënëse - siç e quan ajo - në trojet etnike, përveç shkrimeve të botuara për Nerminin në Tiranë dhe në Prishtinë, përveç intervistave që dha në rrjetet televizive të Tiranës Alsat dhe Mediasat, ajo pati edhe mjaft biseda të frytshme me personalitete të njohur të jetës politike, shoqërore dhe kulturore shqiptare të ditëve të sotme, ku, mbi të gjitha spikat pritja që i rezervoi Presidenti i Kosovës, dr. Fatmir Sejdiu. -të përmbajnë një argument të qëndrueshëm dhe një përfundim logjik, -të përçojnë një perspektive e cila të dëshmojë një lidhje të drejtpërdrejtë a të anasjelltë me interesat dhe vlerat e botës shqiptare dhe më tej, -të jenë të ndërtuara mirë dhe mbështetur në shembuj relevante, -të kenë stil, -të jenë të shkruara duke patur në mendje se masa e lexuesve nuk është në korent me të gjitha ngjarjet, pra me një gjuhe shpjeguese dhe të thjeshte, Për më tepë jeni të lutur të kontaktoni me redaksinë e gazetës journal_albania@hotmail.com
Page 1 and 2: NR.2/1 www.albaniainfo.be; info@alb
Page 3: AKTUALITET 15 DHEJTOR 09 FAQE 3 Int
Page 7 and 8: Kur je i lumtur libri t2 zbukuron k
Page 9 and 10: MARKETING 15 DHJETOR 09 FAQE 9
Page 11: Ankth për të harruar Ti do të th
Page 15 and 16: que mes deux manuscrits avaient ét

!january_Layout 1.qxd

Create successful ePaper yourself

Delete template?

Save as template?