Main_Event_Devotional_Siswati.doc - Church of the Nazarene ...
Main_Event_Devotional_Siswati.doc - Church of the Nazarene ...
Main_Event_Devotional_Siswati.doc - Church of the Nazarene ...
Create successful ePaper yourself
Turn your PDF publications into a flip-book with our unique Google optimized e-Paper software.
Luhlaka Lwetinshumayelo Lwekugubha Bungcwele Liviki 3<br />
UmBhalo: Isaya 35:8<br />
Singeniso:<br />
Kuphila Imphilo Yebungcwele – Kubitwa Kwetfu<br />
Umtsengisi lodvumile wemoto lebitwa ngekutsi yiNissan abenesiga lesitsi, “Imphilo iluhambo,<br />
tfokotela kugibela.” Lonkhe luhambo lolucalako lunesiphetfo engcondvweni.<br />
Ngulowo nalowo wetfu uneluhambo emphilweni yakhe. Futsi sifanele kuba nesiphetfo<br />
engcondvweni.<br />
Isaya ukhuluma ngendlela labahlengiwe beNkhosi labayihambako njengendlela lephakeme<br />
lebiwta ngekutsi yindlela yebungcwele. Incwadzi yaWesley yekuhlatiya liBhayibheli itsi ‘indlela’<br />
ne ‘ndlela lephakeme’ atikafaneli kutsatfwa njengetindlela letimbili letehlukene, kepha<br />
njengendlela yinye lefananako. Indlela lephakeme ngumhlabatsi lophakanyisiwe, futsi endleleni<br />
yebungcwele, bantfu labahambako balungile; lababutsakatsaka, netimphumphutse, netinyonga<br />
Nkulunkulu utatihola aphindze atisindzise. Lendlela iyakhanya futsi icondzile kangangobe<br />
ngisho netilima tingakwati kuhamba kuyo ngaphandle kwekweduka.<br />
1. Bungcwele sento saNkulunkulu<br />
a. Akusiyo imisebenti yetfu, imisebenti yetfu lemihle, kepha sento saNkulunkulu<br />
b. Levithikhusi 20:8 utsi, “Gcinani imitsetfo yami, niyilandzele, ngobe ngimi<br />
loningcwelisako.”<br />
2. Bungcwele awubukhetsi ngekutsandza kwakho<br />
a. Bungumyalo<br />
b. Levithikhusi 20:26 ufundzeka kanje, “Kufanele nibe ngcwele kimi, ngobe mine,<br />
Simakadze, ngitehlukanisele nine emkhatsini wetive tonkhe kutsi nibe sive sami.”<br />
3. Bungcwele Buyakhanga<br />
a. Njengekukhanya lokukhanga tilwanyakatana, kanjalo nebungcwele emphilweni<br />
yelikholwa; bukhanga labanye kube bangene eMbusweni waNkulunkulu.<br />
b. Johane 12:32 utsi, “Mine nase ngiphakanyisiwe emhlabeni, bonkhe bantfu<br />
ngitabadvonsa bete kimi.”<br />
4. Bungcwele lithikithi lekuya kuNkulunkulu<br />
a. Ngaphandle kwebungcwele kulemphilo, kute longabona Nkulunkulu<br />
(KumaHebheru 12:14).<br />
b. Bungcwele buyafuneka kuze kubekhona budlelwane naNkulunkulu.<br />
c. Davide wabuta eSihlabelelweni 15 watsi, “SIMAKADZE! Ngubani longaba<br />
nemvume yekungenisa ahlale e<strong>the</strong>mpelini lakho, acabe umuti wakhe entsabeni<br />
yakho lengcwele?” Abebuta kutsi “Simakadze ngubani longaba nebudlelwane<br />
nawe?” Imphendvulo layinikako emavesini lamane lalandzelako ingafinyetwa<br />
ngekutsi: “Ngulowo lohola imphilo lengcwele.”<br />
Siphetfo:<br />
Umfanekiso: Kukhona indzaba yemshumayeli labakha tingodvo tekusekela<br />
umvini. Asaphendla indlela, wabona kutsi kukhona umfanyana lomncane<br />
lombukako. Lomfanyana abethulile angasho lutfo, ngako umshumayeli<br />
wachubeka nekusebenta, acabanga kutsi lomfanyana utawuvele ahambe nje<br />
nase afuna kuhamba. Kepha akazange ahambe. Ekugcineni umelusi wabuta<br />
watsi, “Yebo-ke, ndvodzana, wetama kubuka kutsi kwentiwa njani engadzeni?”<br />
“Cha” asho aphendvula, “Ngimele kuva kutsi umshumayeli utawutsini nakashaya<br />
sitfupha sakhe ngesandvo.”<br />
Ngekusho kwaMatewu 7:13-14 kukhona lisango lelincane nelisango lelibanti. Siyini siphetfo<br />
sakho endleleni yemphilo loyingenele?<br />
26