Main_Event_Devotional_Siswati.doc - Church of the Nazarene ...

KUGUBHA 

BUNGCWELE 

LUHLAKA LWETINSHUMAYELO 

LIBANDLA LEMNAZARENE ESIFUNDZAKATINI SEAFRIKHA 

1

Singeniso 

Africa Region Church of the Nazarene 

Kugubha Bungcwele 

Luhlaka Lwetinshumayelo 

Tinshumayelo Letiphakanyisiwe Teliviki Ngeliviki: 

Liviki 1 

Inshumayelo 1: Imibhabhatiso Lemibili – Emanti naMoya nome Umlilo 

Matewu 3:1-12/ Dr Enoch Litswele 

Inshumayelo 2: Kuphakamisa Khristu 

Johane 12:20-32/Dr Enoch Litswele 

Inshumayelo 3: Kwenta Insindziso Yetfu Iphelele 

Makho 1:1-8/ Rev Chanshi Chanda 

Inshumayelo 4: Inhloso Yekufa KwaKhristu 

Thithusi 2;11-15/ Dr Enoch Litswele 

Inshumayelo 5: Kufa Nekuphila NaKhristu 

KubaseRoma 6:1-23/Dr Enoch Litswele 

Liviki 2 

Inshumayelo 6: Bantfukatana Emsebentini Longakavami 

Johane 15:4-5/ Dr Filimao Chambo 

Inshumayelo 7: Simemo Lesivela KuNkulunkulu! 

Genesisi 17:1-2/ Dr Filimao Chambo 

Inshumayelo 8: Umvini Longuwo Sibili Nemagala Langawo Sibili 

Johane 15:5-8/Rev Collin Elliot 

Liviki 3 

Inshumayelo 9: Kugobhota Lokungcwele 

Johane 7:37-39/ Rev Collin Elliot 

Inshumayelo 10: Bakweneti Belivangeli 


Inshumayelo 11: Kuphila Imphilo Yebungcwele- Kubitwa Kwetfu 

Isaya 35:8/ Rev Kenneth Phiri 

Liviki 4 

Inshumayelo 12: Bungcwele Nenkambo Lelungile 

Isaya 6:1-7/ Dr Enoch Litswele 

Inshumayelo 13: Sifanele Kuba Ngcwele Ngobe Kubhaliwe 

1Phetro 1:13 – 2:3/ Dr Enoch Litswele 

Inshumayelo 14: Kukhatimula Kwebuso BaNkulunkulu Etikwetfu 

Sihlabelelo 67, Numeri 6:22-27, Sembulo 1:16/ Dr Enoch Litswele 

Inshumayelo 15: Labahlantekile Enhlitiyweni 

Matewu 5:8/ Rev Cosmos Mutowa 

Liviki 5 

Inshumayelo 16: Kuhlala Ebukhoneni BaNkulunkulu Longcwele 

Sihlabelelo 15/ Rev Paul Mtambo 

Inshumayelo 17: Bungcwele Lobucicimako 

1 Johane 1:5-10/ Rev Paul Mtambo 

Inshumayelo 18: Moya Longcwele Uletsa Bunye 

Kubase-Efesu 4:12-15/ Rev Collin Elliott 

3

Inshumayelo 19: Liciniso Ngekuhlanjululwa 

KubaseRoma 6:19-22/ Dr Stan Toler 

Inshumayelo 20: Bucotfo Lobungeke Buphikwe 

Jobe 1 – 6/ Dr Enoch Litswele 

Inshumayelo 21: Phelelani Njengobe Uyihlo Wasezulwini Aphelele 

Matewu 15:14-48/Rev Chanshi Chanda 

Liviki 7 

Inshumayelo 22: Kubonakalisa Bungcwele BaNkulunkulu 

Eksodusi 3:5-6/ Dr Stan Toler 

Inshumayelo 23: Umyalo Welutsandvo Lokhanyako 

Matewu 22:35-40/ Rev Chanshi Chanda 

Inshumayelo 24: Phumula – Siphetfo Lesilandzelako 

KumaHebheru 3:7-19/ Rev Samantha Chambo 

Inshumayelo 25: Kukhonta Inkhosi Ebuhleni Bebungcwele 

Sihlabelelo 29:1-2 / Dr Enoch Litswele 

Tinshumayelo Tekwengeta – Kuhlantwa NguMoya Longcwele 

Inshumayelo 26: Kuhlantwa Kuze Uyekele Imphilo Yekona 

KubaseRoma 6:1-14/Luhlaka Lwetinshumayelo Lwanga 2008 

Inshumayelo 27: Kuhlantwa Kuze Umelane Nekona 

Matewu 4:1-11/ Luhlaka Lwetinshumayelo Lwanga 2008 

Inshumayelo 28: Kuhlantwa Kuze Uyekele Imphilo Yekona 

Johane 8:1-11/ Luhlaka Lwetinshumayelo Lwanga 2008 

Inshumayelo 29: Kuhlantwa Kuze Ukwati Kubamba Imicabango Yakho 

2 Samuweli 11:2-5; Matewu 5:27-30/ Luhlaka Lwetinshumayelo 

Lwanga 2008 

Inshumayelo 30: Kuhlantwa Kuze Uhlale Wetsembekile 

Danyela 6/ Luhlaka Lwetinshumayelo Lwanga 2008 

Inshumayelo 31: Kuhlantwa Kuze Ucaphele Umona 

Matewu 26:14-16, 27:1-10 Luhlaka Lwetinshumayelo Lwanga 

2008 

Inshumayelo 32: Kuhlantwa Kuze Utsetselele futsi Ukhohlwe 

Genesisi 42; 45:3-7/ Luhlaka Lwetinshumayelo Lwanga 2008 

Inshumayelo 33: Kuhlantwa Kuze Uphile NjengaJesu 

Kubase-Efesu 5:1-10/ Luhlaka Lwetinshumayelo Lwanga 2008 

Tinshumayelo Tekwengeta- Labasandza Kukholwa 

Inshumayelo 34: Kulambela Nekomela Imphilo Yaphakadze 

Makho 10:17-31/ Dr Enoch Litswele 

Inshumayelo 35: Bantfu BaNkulunkulu Baphendvuka Etindleleni Tabo Letimbi 

2 Tikhronike 7:14/ Dr Enoch Litswele 

Inshumayelo 36: Sono, Inkinga Yemuntfu 

2 Emakhosi 5:1-19/ Rev Kenneth Phiri 

4

Singeniso 

1. S’bizelw’ ebungcwelen,’ 

Bandla leNkosi, 

S’thengwe nguJesu 

Ngegazi lakhe: 

Sishiye izwe nezinto zalo; 

Sikhululw’ekuboshwen’ 

Kwesono. 

Chorus: 

Bungcwele kuJehova, 

Kulihubo lethu; 

Bungcwele kuJehova 

Sibheke phambili; 

Bu – meme – zele – njalo, 

Bungcwele kuJehova, 

La naphakadze. 

2. S’bizelw’ebungcwelen’, 

Ekukhanyen’ 

S’hamba noJesu 

Ngokumhlophe qwa. 

Ngezingubo ezihlanzekile 

Umoy’oNgcwele ehlala kithi. 

3. S’bizelw’ebungcwelen’ Aleluya! 

Lesibusiso singokukholwa, 

Hay’ ukulunga okungokwethu; 

Kepha uJesu ephila kithi. 

4. S’bizelw’ebungcwelen’ 

silibandla, 

Simele ukubuya koMyeni! 

Bhekan’usuku selusondele; 

Laph’ eyovela enkazimulweni. 

Bungcwele KuJehova’ buyingoma lebe yingcikitsi yendzaba yeliBandla LemNazarene 

iminyaka ngeminyaka. SiliBandla leBungcwele. Kusukela ekusungulweni kwalelibandla, lubito 

lwetfu lube kushumayela bukhona bekuhlanjululwa ngalokuphelele lokutfolakala ngekukholwa 

kuJesu Khristu nekutimbandzakanya emisebenteni yekuFanana naKhristu yekusindziswa 

kwemiphefumulo kanye nekukhululwa kwalabadzingako. Bekukholakala kutsi emaKhristu 

angulahlukanisiwe abekwe eceleni futsi akafanele kubonakalisa umoya welive, kepha uMoya 

waKhristu. 

Timfundziso telive tinemandla. Kantsi Nkulunkulu usibitile kube siphume eveni: “Ningatsandzi 

live netintfo letiseveni. Nangabe umuntfu atsandza luve, lutsandvo lwaBabe alukho kuye”(1 

Johane 2:15). 

Lamuhla eAfrikha sibona liBandla LemNazarene linebulukhuni ekumelaneni netindlela talelive, 

letiphambene nesiphambano saJesu Khristu. Sibita libandla kube libuyele enshumayelweni 

yebungcwele benhlitiyo kanye nemphilo. Kulamaviki lalandzela lisontfo leKuvuka kwaJesu 

laholela eSontfweni lePhentekhoste, ngulowo nalowo melusi kanye nelibandla bayacelwa kutsi 

bahlanganyele ekugcizeleleni bungcwele: Kugubha Bungcwele 2012. 

5

Luhlaka lwetinshumayelo lolunikwe lapha lwentelwe lesikhatsi lesikhetsekile sekugcizelela 

bungcwele, kugubha Bungcwele 2012, sisabitela liBandla lemNazarene kuso sonkhe 

Sifundzakati seAfrikha esikhatsini sekucabangisisa kabusha nekuvuselelwa kabusha. 

Sigcizelelo seliviki ngeliviki sihambelana neMandla eKuvuka kusukela elusukwini lweKuvuka 

kuye emithantazweni yePhentekhoste leyabhalwa nguDokotela Gary Moore. 

Kukhona tinshumayelo letinyentana longakhetsa kuto liviki ngeliviki. Ngicela kutsi uphindze 

ubuke letinshumayelo bese ukhetsa leyo lotayisebentisa kulelo nalelosontfo kulamasontfo 

lasikhombisa lacala mhlaka 15 April 2012; liSontfo lelilandzela liSontfo leKuvuka. 

Sibonelo, Luhlaka Lwetinshumayelo lweliviki loluphakanyisiwe lungenisa leti letilandzelako: 

Liviki 

Inshumayelo 1: Imibhabhatiso Lemibili – Emanti naMoya nome Umlilo. 

Matewu 3:1-12/Dr Enoch Litswele 

Inshumayelo 2: Kuphakamisa Khristu 

Johane 12:20-32/ Dr Enoch Litswele 

Inshumayelo 3: Kwenta Insindziso Yetfu Iphelele 

Makho 1:1-8/ Rev Chanshi Chanda 

Inshumayelo 4: Inhloso Yekufa KwaKhristu 

Thithu 2:11-15/Dr Enoch Litswele 

Inshumayelo 5: Kufa Nekuphila NaKhristu 


Ungakhetsa kusebentisa Inshumayelo 3, kwenta Insindziso Iphelele, njengenshumayelo 

yekucala kuloluhlu. Ungasebentisa leti letinye tinshumayelo nome ngasiphi sikhatsi kulomnyaka 

emva kwekuphetfwa kwesigcizelelo ngelisontfo lePhentekhoste, 27 May 2012. 

Loluhlaka Lwetinshumanyelo letingu 36 setitonkhe lwentelwe wena kutsi ulusebentise kuwo 

wonkhe lomnyaka wa 2012 sisebhekise tingcondvo tetfu emvuselelweni yebungcwele 

kusosonkhe Sifundzakati seAfrikha. Lesigcizelelo seBungcwele sitawugcwalisa siphindze 

sikhulise umsebenti lokhona wemabandla, tifundza kanye nemafield ekwandziseni kudalwa 

kwemhlalo yakamoya eSifundzakatini seAfrikha lapho Nkulunkulu anika khona inkhululeko 

yekuletsa khona imvuselelo yebungcwele lechubekako, emabandleni etfu kanye nekuvuseleleka 

ngekukamoya kubaholi betfu kanye nemalunga etfu. 

Kwengeta eLuhlakeni Lwetinshumayelo, unikwe imithantazo yemaviki lasikhombisa yemndeni 

wonkhe, kanye netifundvo teliBhayibheli temaviki lasikhombisa. 

Leti tintfo tekucondzisa libandla lakho ekufundzeni kanye nekuholeleni umuntfu ngamunye 

eBungcweleni njengobe kusiwo ngekwelisiko laWeseli belinesifiso semphumela wekuba 

ngulababitelwe kwenta lesiholela ekucondzeni sidzingo, ekubhekiseni tingcondvo tetfu 

emthantazweni nekuzileni kudla, wena ngekwakho nome nisitana nivuma niphindze 

niphendvuke, kutimbandzakanya esivumelwaneni nesibopheni sebudlelwane naNkulunkulu 

kanye neliBandla. 

Ngiyabonga ngekutsi ube yincenye yeKugubha Bungcwele kulo 2012. ngiyakuthantazela kanye 

nelibandla lakho kanye nekutfululwa kwaMoya Longcwele nakulo lonkhe livekati leAfrikha 

ngebukhulu balo! 

Dr Filimao Chambo 

6

Umcondzisi weSifundzakati seAfrikha 

7

Luhlaka Lwetinshumayelo Lwekugubha Bungcwele Liviki 1 

ImiBhalo: Matewu 3:1-12 

ImiBhabhatiso Lemibili – Emanti NaMoya nome Umlilo 

Livesi lelilitekisi: Matewu 3:11 

Singeniso: 

Johane umBhabhatisi utsi kukhona tinhlobo letimbili temBhabhatiso: 

- Emanti kanye na 

- Moya Longcwele nome umBhabhatiso wemlilo 

Pawula utsi munye umBhabhatiso (KubaseFesu 4:5) 

KuBhabhatisa kusho kucwilisa emantini nome ngaphansi kwemanti 

Emagama esiGriki latsi “eis” na “en” asho kutsi “nge” na “ekhatsi” (bona Matewu 3:11; 

Imisebenti Yebaphostoli 19:3, 5, nebaseGalathiya 3:27) 

1. Umbhabhatiso Wemanti 

a. Kwakusetjentiswa umniningwane wenkonzo letsite kususwa licala (Sihlabelelo 

26:6; Matewu 27:24). 

b. Betive babemukelwa enkholweni yebuJuda emva kwekuba sebahlanjululwe 

ngemanti (Qumran). 

c. Kwewela kwaIsrayeli nakawela emanti eLwandle Lolubovu ngaphansi kwelifu 

kwakungumfanekiso wekubhajatiselwa kuMosi ngaphansi kwesivumelwane 

seliThestamente Lelidzala (1 kubaseKhorinte 10:1-3). 

d. Johane umBhabhatisi waletfula lelisiko enkholweni yemaKhristu eLithestamente 

Lelisha (Matewu 3:6). 

e. Jesu wasemukela lesento waBhajatiswa nguJohane waphindze wayala kutsi 

balandzeli bakhe babhajatiswe (Matewu 28:18-19). 

f. Kubhajatiswa ngemanti kulisaKhramente, njengeSidlo lesiNgcwele. 

1) “Kuluphawu nesishicilelo semusa losindzisako. Kungumfanekiso wekutsi 

Nkulunkulu wenta soni sahloba … imfakazo lesebaleni yekutsi umuntfu 

umemukele Khristu njengemsindzisi wakhe” (Sichazamagama seliBhayibheli, 

Al Truesdale naGeorge Lycons). 

2) Kungimitamo yemusa ukhombisa kwemukela inhlengo. 

3) Kuluphawu lwangaphandle nalolubonakalako lwemusa wangekhatsi 

(kuphendvuka, intsetselelo, kuvuma, kwemukelwa emndenini, kutalwa 

kabusha). 

g. Luphawu lwangephandle (kuBhajatiswa ngemanti) kusebenta kuphela 

nakubonakalisa bukhona bemuse wangekhatsi wakamoya. 

Imifanekiso: 

1) Indandatho yemshado ayisiwo umshado, iluphawu lolubonakalako 

lwebudlelwane bemshado emkhatsini wendvodza nemfati; isibonakaliso 

selutsandvo, kwetsembeka kanye nekutinikela lokuyawuhlala sikhatsi lesidze. 

2) Inyufomu iliphawu lolumele intfo letsite. 

3) Lisheke alisiyo imali; lingumyalo wekutsi bebhange bakhiphe imali. 

h. Luphawu lwekuBhajatiswa ngemanti luciniswa ngesitifiketi sekuBhajatiswa. 

i. Johane umBhabhatisi wala kuBhabhatisa labo lababete lomusa wangekhatsi 

(Matewu 3:7). 

j. Soni singaBhajatiswa ngemanti kepha emanti angeke asente sibe ngcwele. 

k. Lizembe libekiwe etinyaweni tetoni letiBhajatisiwe nome letingakabhajatiswa. 

8

Luhlaka Lwetiinshuymayelo Lwekugubha Bungcwele Liviki 1 

2. Kubhajatiswa NgaMoya Longcwele 

a. Moya Longcwele akasilo lisakhramente, futsi akasito taba temusa. Ngumusa 

wakamoya lojulile, wangekhatsi (Matewu 3:11; Imisebenti YebaPhostoli 1:5). 

b. LomBhabhatiso unguNkulunkulu lucobo lwakhe; usibhabhatisela kuye – Nkulunkulu 

uYise, Nkulunkulu iNdvodzana naNkulunkulu Moya Longcwele. 

c. Ngesikhatsi aBhajatiswa ngaye/ Moya Longcwele: 

1) Usuke aBhajatiselwa ekufeni kwaJesu Khristu – sento lesiphambene lapho 

tento letindzala letigcwele kona tifa khona futsi tingcwatjwe naKhristu 

(KubaseRoma 6:3-6). 

2) Ubhajatiselwe ekuvukeni kwaKhristu – sento lesingiso lapho lokholwako 

atihlanganise khona naJesu futsi asaphila imphilo lensha (KubaseRoma 6:3- 

7). 

3) Kubhabhatiselwa kuKhristu kukwembatsiswa Khristu (KubaseGalathiya 3:27). 

4) Mine (umuntfu lomdzala) uyakhulunyulwa nasibhajatiselwa ekufeni 

kwaKhristu futsi singcwatjwe naye (Kubase-Efesu 4:22). 

5) Ngesikhatsi sibhajatiselwa emphilweni yaKhristu nekuvuka kwakhe 

sembatsiswa umuntfu lomusha (Kubase-Efesu 4:24). 

d. NasikuKhristu (ngekubhajatiselwa kuye) siba tidalwa letisha, lokudzala kuyaphela, 

kufike umtsetfo lomusha nalomuhle (2 kubaseKhorinte 5:17). 

e. Ngembhabhatiso siba nebungitsi bakamoya kuNkulunkulu (Imisebenti Yebaphostoli 

17:28). 

3. UmBhabhatiso WaMoya Longcwele NgumBhabhatiso Wemlilo 

a. SiBhajatiselwa kuNkulunkulu, umlilo. 

1) Umlilo locedza sono (Dutheronomi 4:24; KumaHebheru 12:29). 

2) Umlilo lohlambulula inhlitiyo (Imisebenti YebaPhostoli 15:8-9). 

3) Umlilo lonika kukhanya (1 Johane 1:5-9). 

4) Lomlilo wabhabhatisa waphindze wahlambulula lihlatsi lelabonwa 

nguMosi. Tonkhe tilwanyana letatikuleso sihlahla (tinyoka, imigololo, 

tintfutfwane, bomanyovu, nalokunye) ngaphandle kwesihlahla tasha 

(Esodusi 3:2-3). 

5) Lomlilo longcwele lohlambululako usinika emandla ekuba bofakazi 

(Imisebenti YebaPhostoli 1:8). 

b. Umlilo waMoya Longcwele lobhabhatisa bantfu awusidzingi sitifiketi sekuciniseka 

kubhabhatisa kwakhe, yena, ngekwakhe usitifiketi. Imphilolefanana neyaKhristu isiciniseko 

lesiphilako sekutsi wabhabhatiswa ngaMoya Longcwele (Matewu 5:16; KubaseRoma 12:12; 2 

KubaseKhorinte 3:1-3). 

4. UmBhabhatiso WaMoya Longcwele UkuBhabhatiselwa Elutsandvweni 

LwaNkulunkulu 

a. UkuBhajatiselwa kuNkulunkulu, lolutsandvo (1 Johane 4:8). 

9


Siphetfo: 

1) Lutsandvo lwakhe luyatiphakamisa toni ekoneni lapho ticwila khona kube 

tiphindze tivuke luphindze lutibhabhatisele kuye. 

2) EmBhabhatisweni wemanti umuntfu ucwiliswa emantini aphidnze 

akhishwe angakamiti. 

3) Jesu akasicwilisi aphindze asikhiphe elutsandvweni lwakhe; uyasicwilisa 

aphindze asivumele singene ekujuleni ngasosonkhe sikhatsi size sifike 

ekujuleni lokungenamkhawulo kwelwandle lwelutsandvo lwakhe (Johane 

15:9-12). 

4) Lolutsandvo lusinika emandla ekugcina umyalo lomkhulu – kutsandza 

Nkulunkulu, kutitsandza tsine, nekutsandza makhelwane wetfu (Matewu 

22:37-40) kutsandzana lomunye nalomunye (Johane 15:12-17) 

nekutsandza titsa tetfu (Matewu 5:43-48; KubaseRoma 12:14-21). 

b. Umthantazo walokholwako ngengoma yekuchubekela ekujuleni kuya kuJesu: 

1) Ngemnyaka wa 1900 P Jones wathantaza watsi: 

Ngijulise, ngijulise elutsandvweni lwaJesu. 

Ngivumele ngihambe onkhe emalanga; 

Ngijulise, ngijulise Moya Longcwele. Chubeka ungijulise. 

Ize imphilo yami ilahleke ngalokuphelele kuJesu 

2) Nga 1914 Oswald Smith wathantaza watsi: 

Ngijulise futsi ngijulise enhlitiyweni Jesu 

Ngijulise futsi ngijulise entsandvweni yaJesu 

Ngijulise futsi ngijulise enjabulweni yaJesu 

Ngijulise futsi ngijulise elutsandvweni lwaJesu 

Ngijulise futsi ngijulise ungivumele ngihambe. 

3) Umuntfu lomitako usemantini nemanti akuye. 

- UkuJesu naJesu ukuye (Johane 15:4). 

- Ukumoya Longcwele naMoya Longcwele ukuye. 

- Uselwandle lwelutsandvo lwaNkulunkulu nelwandle lwelutsandvo lukuye 

(Johane 15:10). 

4) Banyenti labatsi “Nkhosi, Nkhosi” kuJesu kepha abayenti intsandvo 

yaNkulunkulu. Laba batinhlambi letinhle futsi bayakwati kucwila bahambe 

phansi ebandleni kepha abazange babhajatiselwe kuJesu nome bacwile 

kuJesu; elutsandvweni lwakhe. 

Lenshumayelo ngeyetfu sonkhe lamuhla. 

1. Yenu, nine toni, letabhajatiswa ngemabhabhatiso waSathane naletingaphandle kwemusa 

waNkulunkulu, leticwilako naletibhabha esonweni-etidzakamizweni, emikhubeni 

yekonakala, kuAIDS neHIV, ebudzakweni, ebudloveni nato tonkhe tinhlobo tebubi. 

Udzinga kuphendvuka uvume tono takho kuNkulunkulu wemukele intsetselelo yakhe 

uphindze ubhajatiswe ngemanti (1 Johane 1:9). 

2. Yenu, nine labakholwako, lababhajatiswa ngemanti kepha labadzinga kubhajatiswa 

ngaMoya Longcwele nemlilo (Imisebenti YebaPhostoli 19:1-7). 

10


3. Yenu, nini labangcwele, lababhajatiswa ngaMoya Longcwele nangemlilo. Kukhanya 

kwentsatsakusa yakho kufanele kuhlala kukhatimula (Taga 4:18). Elutsandvweni 

lwaJesu ikhona indzawo yakho yekutsi uchubekele ekujuleni kwelutsandvo lwakhe 

lokungenamkhawulo ngasosonkhe sikhatsi. Bonga Nkulunkulu kutsi ukuKhristu. Umbuto 

ukutsi ujule kangakanani elutsandvweni lwakhe? (Kubase-Efesu 3:16-19): 

- ngaye (Matewu 22:37) 

- ngemkakho/indvodza yakho (Kubase-Efesu 5:25) 

- ngamakhelwane wakho ( Matewu 22:39) 

- ngesitsa sakho (Matewu 5:44) 

4. WOTA KUJESU. 

Ngu Dr Enoch Litswele 

Lowake waba lisekela Lemcondzisi weSifundzakati SeAfrikha 

11


ImiBhalo: Johane 12:20-32 

Singeniso: 

Sicelo semaGriki – abefuna kubona Jesu. 

Kuphakamisa Khristu 

Laba kwakubantfu betive, tati, tati tetimfihlo tendzabuko letatifuna liciniso. 

Teta kubalandzeli baJesu; boFiliphu naAndreya. Laba lababili babekwati kakhulu kuzuza 

imiphefumulo (Johane 1:41, 45). 

Jesu watsi kube eve lesicelo sabo, waphendvula ngemphendvulo lengakavami. Kwakungesiyo 

imphendvulo lecondzile (Johane 12:23-33). 

Lemphendvulo yayitsi: EmaGriki kanye nemhlaba wonkhe atambona nakaphakanyiselwa etulu 

esiphambanweni (Johane 12:32). 

1. Kuphakanyiswa kwakhe esiphambanweni kwakubikwe ngaphambili 

a. Ephasikeni leliThestamente Lelidzala ekuphumeni kwabo eGibhithe. 

- Ingati yemvu lehlatjiwe yayifanele kubhocwa emaceleni nangetulu 

kwemafulemu eminyango (Eksodusi 12:7; luphawu lwesiphambano. 

- Labo labawulalela lomyalo basindza ekufeni (Eksodusi 12:13). 

b. Ehlane ngesikhatsi Mosi aphakamisa inyoka yelitfusi (Numeri 21:4-9), luphawu 

lwekubetselwa (Johane 3:14). 

- Labo lababelunywe tinyoka basindza ekufeni ngesikhatsi balalele umyalo 

babuka etulu enyokeni yelitfusi. 

- Jesu watjela Nikhodemu kutsi “Njengobe Mosi aphakamisa 

Inyoka ehlane, kanjalo-ke neNdvodzana yeMuntfu ifanele kuphakanyiswa, 

kuze kutsi wonkhe umuntfu lokholwa ngiyo abe nekuphila lokuphakadze ” 

(Johane 3:14-15). 

c. Siphrofetho safezeka eNtsabeni yeKhalvati eminyakeni letinkhulungwane 

leyengca ngesikhatsi abetselwa esiphambanweni. 

d. Njengobe iKhalvari, imfundziso yesiphambano lapho Jesu afela khona 

yayibalulekile futsi iyawuchubeka ibaluleke enkholweni yemaKhristu. 

2. Kubaluleka nenchazelo lejulile yesiphambano ayikasimi kuleso sakhiwo sesigodvo 

laphakanyiswa kuso. 

a. Siphambano ngekwaso sasisibonakaliso sekuhlupheka nelihlazo, kusho George 

Bennard eculweni lakhe, “Entabeni ekude” (101 Ezokudumisa). 

b. Asati kutsi kwentekani kuleto tigamu tetigodvo. Kube bekungenteka sititfole 

bekungaba kuhle sitilondvolote emsamo wetfu nome sitente ligugu letfu. 

3. Siphambano sibili saJesu nguJesu lucobo lwakhe 

a. Usembulo saNkulunkulu uMsindzisi wemhlaba. 

12

. Singumsebenti waKhristu wensindziso. 

c. Sikutitfulula kwakhe. 

d. Sisigwebo sekufa, angafeli tono takhe, njengaleso semasela lamabili labetselwa 

naye, kepha ngenca yekona kwetfu. 

e. NguJesu, imbuti ya-azazele leyatfwala lihlazo letfu yaya nalo ehlane lekufa 

esiphambanweni. 

f. NguKhristu, lowabeketelela kwehlukana naNkulunkulu ema-awa lamatsatfu 

ngesikhatsi asesiphambanweni ngenca yetono tetfu. Lokwehlukana kwephula 

budlelwane baNkulunkulu lobungapheli labenabo naNkulunkulu kusukela nini 

nanini. 

g. Kufa kwakhe. 

h. Kuhamba kwakhe ayedvwa esigodzini sekufa esiphambanweni ngaphandle 

kwekudvudvutwa nguNkulunkulu. 

i. Kutfotjiswa kwakhe – kuwela phansi kwemphilo yakhe njengenhlavu yakolo 

(Isaya 53; KubaseFiliphi 2:5-8). 

j. Kutinikela kwakhe kunikela ngemphilo yakhe . 

k. Kutinikela kwakhe. 

l. Kuhlupheka kwakhe kwebunceku. 

m. Yimphilo yakhe lehlengako nalehlambululako lesengatini yakhe. 

4. Kukhona lesinye siphambano Khristu laphakanyiswa kuso. Lesi siphambano 

sebalandzeli bakhe. 

a. Wena, njengemlandzeli wakhe, ufanele kutidzela utsatse siphambano sakhe 

umlandzele. 

b. Lesiphambano singuwe – Siyimphilo yakho. Silubito lwaNkulunkulu etikwemphilo 

yakho. Lubito lwakho Jesu laphakanyiswa ngalo. 

c. Ngesikhatsi Jesu asibita aphindze asiyala kube simlandzele, satsatsa siphambano 

setfu (imphilo) samlandzela saya ekubetselweni kwetfu, njengenhlavu yakolo, safa 

etonweni tetfu nemuntfu wetfu lomdzala wabetselwa kanye naye (KubaseRoma 6:1- 

14). 

d. Jesu watfwala siphambano sakhe yedvwa. Ngesikhatsi Simoni waseSirene amsita 

(Matewu 27:32) abetfwele umfanekiso, hhayi siphambano mbamba lesasetfwelwe 

nguJesu. 

Wabetselwa yedvwa esiphambanweni sakhe 

1) Wahlupheka yedvwa. 

2) Washiywa yedvwa esiphambanweni ngesikhatsi Nkulunkulu wakhe amshiya. 

e. Kitsi akunjalo. 

1) Sibetselwa kanye naye (KubaseGalathiya 2:20). 

2) Sihlupheka kanye naye (KubaseFiliphi 3:10). 

3) Sifa kanye naye (KubaseRoma 6:3). 

4) Singcwatjwa kanye naye. Sivuka kanye naye (KubaseRoma 6:4). 

e. Sisalandzela Jesu kuloluhambo lolukhulu lweNsindziso, umuntfu wetfu lomdzala 

lowabetselwa akavuki, kepha umuntfu lomusha uyavuka atihlanganise 

neMsindzisi (KubaseRoma 6:6). 

Siphetfo: 

1. Imphilo lensha lesesiyiphila ayisesiyo imphilo yetfu, senguKhristu lophila kuyo ngatsi 

(KubaseGalathiya 2:20). 

2. Umuntfu lomusha kuKhristu uyakwati kuphakamisela Khristu etulu. 

3. Nasitsatsa siphambano setfu sisuke sihlanganyela naye ekuhluphekeni kwakhe futsi 

senta loko lokushiwo lapha ngenhla. 

4. Ngesikhatsi siphambano losetfwele sesisindza sewativa udziniwe futsi unguSimoni 

wakho lotakusita (Matewu 11:28-30, KubaseFiliphi 4:13). 

Ngu Dr Enoch H Litswele 

Lowake Waba Lisekela Lemcondzisi weSifundzakati SeAfrikha 

13


ImiBhalo: Makho 1:1-8 

Singeniso: 

Kwenta Insindziso Yetfu Iphelele 

Insindziso ngumbuto lovuse kukhatsateka lokunyenti emkhatsini wemaKhristu. Lamanye akati 

kahle nome asindzisiwe nome akasindziswa. Nawubabuta, bakutjela kutsi “angati”. Sibitelwe 

kutsi sisindziswe siselapha emhlabeni futsi sikwente kuphelele. Umbhalo uyakufakazela loku; 

kuyindzaba lenkhulu lekhona. Kubhajatiswa ngaMoya Longcwele kwenta insindziso yetfu 

iphelele. 

1. Wonkhe umuntfu ufuna tindzaba letimnandzi 

a. Tindzaba letimnandzi temandla lavela ngetulu. 

b. Tindzaba letimnandzi taJesu Khristu 

1) Kutsetselelwa kwetono (Umsebenti wekucala wemusa) 

2) Kubhajatiswa ngaMoya Longcwele (Umsebenti wesibili wemusa). 

2. Kubhajatiswa ngemanti (Johane uMbhabhatisi/Umelusi) 

a. Kwemukela intsetselelo kutindzaba letimnandzi. 

b. Intsetselelo nome umbhabhatiso awumguculi umuntfu. 

3. Kusibonakaliso sangaphandle semusa wangekhatsi 

a. Lowo lotsetselelwe kungenteka achubeke nekona 

b. Umfundisi lobhabhatisako akakwati kubona inhlitiyo yalowo lambhabhatisako. 

c. Emakholwa lamanyenti ajabulela kuphela kutsetselelwa angafuni lutfo ngekujula 

4. Kubhajatiswa ngaMoya Longcwele (Jesu Khristu) 

a. Kuyadzingeka ngenca yesono lesisemphilweni yalokholwako. 

b. Akusiwo umsebenti wemuntfu njengekubhajatiswa ngemanti. 

c. Kwentiwa nguJesu Khristu. 

d. Kusinyatselo lesenteka emphilweni yemuntfu lotsetselelwe. 

e. Luphawu lwensindziso yetfu. 

f. Ngaphandle kwalo insindziso yetfu ayikapheleli. 

g. Uhlanta inhlitiyo yalokholwako. 

h. Aketi ngelipuleti lesiliva. 

i. Kulingwa kuyawuhlala kukhona, futsi kube kukhulu. 

j. Unika lokholwako emandla ekuncoba sono 

5. Kulungela kubhajatiswa ngaMoya 

a. Kutisola ngekona lokusemphilweni njengelikholwa 

b. Kufisa kubhajatiswa nguJesu. 

c. Kuzila nekuthantaza njengembhobho lomkhulu wemanti loya ekubhajatisweni 

d. Kwetsembela etitsembisweni teliBhayibheli kuze uhlanjululwe 

e. Kugwema bangani lababi. 

Siphetfo: 

Kusobala emiBhalweni kutsi sibonakaliso sensindziso yetfu sikubhajatiswa ngaMoya Longcwele 

nekutsi nguJesu Khristu lokwentako. Kulunga kubuyiselwa ngalokuphelele kulombhabhatiso 

nekutsi loko kungumgomo wenkholo yebuKhristu. 

15 

Ngu Rev Chanshi Chanda 

Africa Middle Field Strategy Coordinator


ImiBhalo: Thithusi 2:11-15 

Lithekisi: Thithusi 2:14 

1. Watinikela Ngekutsandza Kwakhe 

Inhloso Yekufa KwaKhristu 

a. Watinikela kusukela emaphakadzeni futsi wahlatjwa kusukela endalweni 

yemhlaba (Sembulo 13:8b). 

b. Watinikela futsi ngekutsandza kwakhe washiya inkhatimulo yebuNkulunkulu 

bakhe “sikhatsi” sesifikile ngalokuphelele … watfumela iNdvodzana yakhe 

leyatalwa ngumfati (KubaseGalathiya 4:4, KubaseFiliphi 2:5-8). 

c. Watinikela ngesikhatsi aboshwa ensimini yaseGetsemane. Abengayibita imphi 

lenkhulu yetingilosi kube ite itemvikela kepha akazange (Matewu 26:47-56). 

d. Abenalo lilungelo lekupha nekutsatsa imphilo yakhe (Johane 10:14-18). 

2. Watinikela Kuze Atekwati Kusihlenga Ekoneni Kwetfu 

a. Kuhlenga kusho kubuyisela intfo nome umuntfu endzaweni lemlahlekele. 

b. Ngenca yekona kwetfu salahlekelwa budlelwane naNkulunkulu, kepha inhlengo 

yaKhristu iyasibuyisela kulobo budlelwane. 

c. Ingati yaKhristu, imphilo yakhe ngiyo yodvwa letfolakalako nalelingene futsi 

leyenele kusihlenga (1 Phetro 1:18-21). 

3. Watinikela Kuze Atesihlambulula 

a. Inhlengo yakhe ayisikhiphi ebubini betfu kuphela, kepha iphindze ikhiphe bubi 

lobusetinhlitiyweni tetfu. 

Umfanekiso: Bantfwana bakaIsrayeli bakhishwa eGibhithe kepha liGibhithe 

lalidzinga kukhishwa kubo (Numeri 11:4-6). 

b. Lokuhlantwa – kulungiswa kwentiwa ngengati yaJesu Khristu (1 Johane 1:9). 

c. Lokuhlantwa kusenta sibe bakhe ngesikhatsi siba njengaye (Kufanana 

naKhristu). 

d. Lokuhlantwa – kulungiswa – kusindziswa – kuhlengwa kungumusa waNkulunkulu 

losifundzisa kutsi CHA kuloko lokungesiko kwaNkulunkulu nekutsi YEBO kuloko 

lokubuNkulunkulu (Thithusi 2:11-13). 

4. Watinikela Kuze Asente Sibe Nemdlandla Ekwenteni Imisebenti Lemihle 

a. Imisebenti lemihle yekukhanya kwetfu lokubonakalako nemphilo lengcwele kanye 

nenkambo lelungile (Matewu 5:16). 

b. Imisebenti lemihle yekusakata tiNdzaba letinhle tensindziso. 

c. Siba nemdlandla kanye nekhabunkhabu njengaPawula (KubaseRoma 1:15) 

d Sinenshisekelo ngobe lutsandvo lwaKhristu ngilo lolusibangelako 

(2 kubaseKhorinte 5:14). 


16

Lowake waba lisekela lemcondzisi weSifundzakati seAfrikha. 


UmBhalo: KubaseRoma 6:1-23 

Kuphila Nekufa NaKhristu 

1. Sifanele Kuba Munye NaKhristu Ekufeni Kwakhe 

a. Wafela kona kwetfu kuze kutsi tsine lesasifile ekoneni kwetfu sitekufa ekoneni 

kwetfu. 

b. Sasifile ekoneni kwetfu (Kubase-Efesu 2:1-5). 

c. Khristu wafa esiphambanweni afela tsine. 

d. Siba munye naye ekufeni nasifa ekoneni kwetfu (KubaseRoma 6:2, 6, 11): 

- Umuntfu lofile akasayiphili imphilo yalapha emhlabeni; akasekho kuyo. 

- Umuntfu lofile sewendlulile kulemphilo ngekufa kwemtimba. 

Kantsi: 

- UmKhristu akayiphilo imphilo yekona (KubaseKholose 3:1-10), akasekho 

ekoneni. 

- Sewendlulile ekoneni ngekufa kwakamoya sewuphila imphilo yasezulwini. 

2. Sifanele Kuba Munye Naye Ekungcwatjweni Kwakhe 

a. Singcwatjwe naye ngekubhajatiswa (KubaseRoma 6:3-4). 

b. Lisakhramente lembhabhatiso liluphawu lwesiboniso sesivumelwane lesisha 

semusa. 

c. Singcwatjwe naKhristu kuNkulunkulu (KubaseKholose 3:3). 

Rock of ages cleft for me, 

Let me hide myself in Thee; 

Let the water and the blood, 

From Thy wounded side which flowed, 

Be of sin the double cure; 

Save from wrath and make me pure. 

3. Sifanele Kuhlanganyela Naye Ekuvukeni Kwakhe 

a. Kuvuka kwakhe kwaba kuncoba lokukhulu ngetulu kwesono, kufa nesihogo (1 

kubaseKhorinte 15:54-57). 

b. Nasimunye naye ekuvukeni kwakhe umuntfu wetfu lomdzala (mine) uyesuswa 

(KubaseRoma 6:4, 6). 

c. Nasivuswe naKhristu, tinhlitiyo tetfu netingcondvo tetfu setibheke etintfweni 

tasezulwini (KubaseKholose 3:2-17). 


Lowake waba lisekela lemcondzisi weSifundzakati seAfrikha 

17


UmBhalo: Johane 15:4-5 

Bantfukatana Emsebentini Longakavami 

Singeniso: 

Sibantfu labatfunyiwe, satfunywa emhlabeni “kuchubeka embili uMbuso waNkulunkulu 

ngekulondvolota nekwandzisa bungcwele bemaKhristu njengobe kushiwo emiBhalweni” 

(Incwadzi yemitsetfo yeliBhayibheli LemNazarene yanga 2009-2013). Sitfunywe emhlabeni 

kube sibe baphatseli beMbuso nekunika simo sebuntfu kanye nekuhlanganisa umsebenti 

waNkulunkulu kuye wonkhe umuntfu lophilako, sitfunywe kutsintsa timphilo tebantfu, emasiko 

nemimango ngelivangeli laJesu Khristu. 

1. Lutsintfwano lwetfu lusime ekuhlaleni kwetfu kuKhristu 

a. Jesu watsi, “Hlalani kimi nami kini. Njengobe ligala lingeke likwati kutsela titselo 

ngekwalo, kuphela nalihleti esicwini, kanjalo – nani kuphela nanihlala kimi. Mine 

ngingumvini, nine ningemagala. Lowo lohlala kimi nami kuye, uyawutsela titselo 

letinyenti, ngobe kute leningakwenta ngaphandle kwami”(Johane 15:4-5). 

b. Sifanele kuhlala kuye…sifanele kuhlala ebukhoneni bakhe ngobe nasihlala kuye 

utasicondzisa futsi asihole. Utasinika kuhlakanipha, emandla nemusa. Utasinika 

emandla ekwenta umsebenti wakhe. 

c. Sikhiya sekuhlala kuye sikutsi silalele livi lakhe: “Nanigcina imiyalo yami, 

niyawuhlala elutsandvweni lwami” (Johane 15:10). 

2. Lutsintfwano lwetfu lusime ekutiveleni kwetfu ngemsebenti waMoya Longcwele 

Siphetfo: 

a. “Kodvwa Moya weliciniso nakefika, uyawuniholela kulo lonkhe liciniso…” (Johane 

16:13). 

b. Kulalela imiyalo yaNkulunkulu kuyafuneka kakhulu. Nasenta loku sihlala kuye. 

c. Sifanele kwetsembisa kulalela ngekwetsembeka futsi sihlanganise livi 

laNkulunkulu nabo bonkhe bantfu labaphilako. “Moya weliciniso uyawuniholela 

kulo lonkhe liciniso.” Kepha sifanele kuba ngulabatsambile kuye ngasosonkhe 

sikhatsi. 

Ungatsembisa yini lamuhla kutsi utawuhlala kuye? 

18 

Ngu Dr Filimao Chambo 

Umcondzisi WeSifundzakati SeAfrikha


UmBhalo: Genesisi 17:1-2 

Singeniso: 

Simemo Lesivela KuNkulunkulu! 

Nkulunkulu wabonakala kuAbrama kuphindze acinise sitsembiso sakhe kubo Abrama naSarayi 

(Genesisi 12:15). Lesi kwakungesiso sikhatsi sekucala Nkulunkulu labonakala ngaso kuAbrama. 

Etehlukweni letingembili Nkulunkulu wabonakala wenta sivumelwane naAbrama. Nkulunkulu 

wetsembisa boAbrama naSarayi indvodzana nangabo futsi abetawubusisa umhlaba. Noko, 

iminyaka isengca kwabonakala shangatsi Nkulunkulu angeke asigcwalise sitsembiso sakhe. 

BoAbrama naSarayi baguga solo kute umntfwana njengobe Nkulunkulu abetsembisile. Emva 

kweminyaka yekudideka nekujabha iNkhosi yabonakala kuAbrama yavusetela sivumelwane 

kepha kufezeka kwaso sasidzinga kutsi Abrama achubeke nekwetsembeka endleleni yenkhosi. 

Nkulunkulu umema Abrama kube ahambe ngekulunga. Leligama lelitsi umsulwa linetinchazelo 

letinyentana. Lisho kuhlala usemtsetfweni, bucotfo, liciniso, kuphelela, konkhe, lokungetulu 

kufinyelela kuko, kuba nguko mbamba, kuba nemitsetfo yekulunga, kubate licala lekwenta 

lokubi, kuhamba embili ekuphileni imphilo lemsulwa, kubate licala, kuba sibonelo, kungasoleki 

nalokunye. Nkulunkulu ubita bantfu bakhe kube bahlale basemtsetfweni futsi babe sibonelo 

sekuphila imphilo lengcwele kubantfu labasitungeletile. Bantfu baNkulunkulu bafanele kuhamba 

embili ekuphileni timphilo letimsulwa. KuJohane 13:34 Jesu watsi kutiphatsa kwetfu kufanele 

kuholela labanye ekwatini kutsi sibalandzeli bakhe. 

Umbuto ukutsi loku kusho kutsini ebandleni lamuhla? 

1. NginguNkulunkulu Usomandla (El –Shaddai) 

a. Nkulunkulu uphindza unika Abrama siciniseko sekutsi ungu El-Shaddai 

(Nkulunkulu Somandla). Loku kusho kutsi, unguNkulunkulu lonawo onkhe 

emndla, Nkulunkulu lowondlako, lonakako, lophako nalowenetisako. 

UnguNkulunkulu lopha ngalokucicimako futsi unemandla kantsi wetsembekile 

kwenta loko lakwetsembisile nekufeza emapulani nenhloso yakhe. 

b. Nkulunkulu wanika Abrama siciniseko sekutsi unemandla ekubanika indvodzana. 

Akavinjelwa sikhatsi nebudzala. Tonkhe tintfo tiyenteka kuNkulunkulu. 

“Nkulunkulu akehlulwa lutfo” “Ngobe livi leliphuma kuNkulunkulu lingeke 

lehluleke” (Lukha 1:37). 

c., Nkulunkulu abefuna kutsi Abrama akunake kutsi usebukhoneni balowo 

Nkulunkulu lonemandla yedvwa, umdali nalonika imphilo. Kwakubalulekile 

kuAbrama kube abone kutsi ukhuluma nabani. 

2. Simenyelwe Kuhamba: Hamba EmbikwaNkulunkulu 

Simemo saNkulunkulu sebantfu bakhe (lihlelo, libandla lendzawo, umuntfu ngamunye, 

nalokunye) kube bahambe embikwaNkulunkulu ngaphandle kwesono. Leligama lelitsi 

hamba lapha lingaphindze lisho kunamatsela kuNkulunkulu, kufa, kubonakala, 

kuhambisana naye nekuchichima kuye. Lokugcizelelwako elubitweni lwaNkulunkulu 

19


kubantfu bakhe kutsi bahambe naye, banamatsele kuye, bafe esonweni semvelo nekutsi 

bahambe naye ekulungeni. Simemo sekutsi uhlale ebukhoneni bakhe unomphela naye 

ahlale kubantfu bakhe. 

Njengobe kwenteka kuboAbrama naSarayi liBandla lamuhla likhona emhlabeni 

lonemihambo nemasiko langamhloniphi Nkulunkulu. LiBandla alikafaneli kunamatsela 

emikhubeni yalelive kepha lifanele kuguculwa lentiwe libelisha ngaMoya waNkulunkulu 

(Kubase-Roma 12:1-2) kubeka sibonelo semphilo lekuNkulunkulu. 

3. Simenyelwe Ekulungeni: Hamba EmbikwaNkulunkulu Umsulwa! 

Siphetfo: 

Kumenyelwa ekulungeni simemo sekunamatsela ekwesabeni Nkulunkulu (bona 

KubaseRona 12:1-2). Bantfu baNkulunkulu babitelwe kuba ngulabetsembekile phambi 

kwakhe (Sihlabelelo 89:15). Kubalulekile kuhlala phambi kwakhe ngobe kulapho 

umuntfu atfola khona emandla ekuphila ngekulunga. Labo labahamba ngeteluleko 

talababi bayehluleka kuphila imphilo yekulunga ngobe bagcwele bubi, kuloko labalungile 

bayacwayiswa kutsi banganamatseli etelulekweni talababi (Sihlabelelo 1:1). 

Kungaphetfwa ngekutsi labo labahamba ngekulunga: 

a) Abahambi nome abatitsatsi teluleko talababi. Abatilingisi tindlela letenyanyekako 

tebantfu bemmango (bona Sihlabelelo 1:1; KubaseRoma 12:1). 

b) Bayekela lokubi bente lokulungile kulalela Nkulunkulu neliVi lakhe.“Kufanele 

nibemsulwa embikwaSimakadze Nkulunkulu wenu” (Dutheronomi 18:13). 

c. Jabula uphindze uzindle ngeliciniso (liVi laNkulunkulu) imini nebusuku 

(Sihlabelelo 1:2). Livi laNkulunkulu lingemandla aNkulunkulu ensindziso yabo 

bonkhe labakholwako (KubaseRoma 1:16). “Ngiyawulati liciniso (livangeli) 

neliciniso liyawunikhulula” (Johane 8:32). (Bona futsi KubaseRoma 6:22). 

d. Batsembele kuNkulunkulu ngalokuphelele futsi bafisa kwati nekulandzela 

intsandvo yakhe kuto tonkhe tingoni temphilo yabo. Kunamatsela kuNkulunkulu 

ngalokuphelele! “Simakadze ukhashane nebantfu lababi; kodvwa uyayiva 

imithantazo yebantfu labalungile” (Taga 15:29). 

Inkhosi ibita balandzeli bayo kube bahambe ngebungcwele. Ibita libandla layo kube lihambe 

embikayo ngekwetsembeka futsi libe msulwa kuto tonkhe tingoni temphilo. “Babusisiwe labo 

labatindlela tabo timsulwa, labo labahamba ngemitsetfo yaNkulunkulu” (Sihlabelelo 119:1). 

Ubusisiwe lowo “londlela yakhe imsulwa nalowenta lokulungile, lokhuluma liciniso enhlitiyweni 

yakhe (Sihlabelelo 15:1-2). 

Nkulunkulu uyasimema kube sihambe ngekulunga, bucotfo futsi sibe ngetulu kwako konkhe 

kusoleka. Unemandla onkhe futsi unawo emandla ekusinika imphilo lensha. Nasita kuye 

ngekukholwa kutsi utasihlambulula wetsembekile futsi utakwenta. 

20 

Ngu Dr Filimao Chambo 

Umcondzisi WeSifundzakati SeAfrikha



Singeniso: 

Umvini Longiwo Sibili Nemagala Langawo Sibili 

Nkulunkulu ufuna kutsi bantfu bakhe batsele titselo ngobe ufuna sivuno. Kutsela titselo 

kuyinhloso yaNkulunkulu ngatsi. 

Israyeli ubonakala njengemvini lowonakele loshiswe ngumlilo (Hezekeli 19:12), ngesikhatsi 

lengabe “ungumvini lokhetseke” ngaso sekutsela emagilebisi. 

Kuyaphambana nalamavi lasetjentiswa nguJesu latsi “Mine ngingumvini longuwo sibili” (Johane 

15:1). 

1. Kutihlanganisa naKhristu Kunesiciniseko Sekutsela Titselo (Johane 15:5). 

a. “Ngingumvini” – umtfombo wemphilo 

b. “Hlalani kimi” – simo sekuhlanganyela, budlelwane, kutinikela nekukhula. 

c. “Ngaphandle kwami” – imfanelo, imphilo yekutihlanganisa naKhristu 

iyadzingeka kakhulu; ngaphandle kwayo akunalutfo. 

2. Imiphumela Yekufa Nembubhiso Ekwehlukaneni Naye (Johane 15:6) 

a. Umuntfu longahlali kuye, sibonelo, lowo lotikhweshisako emvinini longuwo, 

ukhishelwa ngaphandle. 

b. “Kufa” – akusiwo umphumela wakusasa, njengekwehlulelwa kwekugcina, kepha 

umphumela wekwehlukana longenakuvinjelwa. 

c. “Aphonswe emlilweni kube ashe” – Kulomhlaba lobuswa bubi bawo kanye 

nemtsetfo wemvelo, intfo leyesabekako iyenteka ngesikhatsi umuntfu 

atehlukanisa naKhristu (Bona Johane 13:20; Matewu 27:5). 

3. Kutihlanganisa naKhristu Kusimiso Sekwesutsisa Tifiso (Johane 15:7) 

a. “Nanihlala kimi nemavi ami ahlala kini…” – Kungeke kwenteke kutsi uthantaze 

kahle nawukhashane nekwati kanye nekutikholwa timfundziso taKhristu. 

b. “Celani loko lenikutsandzako nitakwentelwa” intsandvo yetfu ngekuvumelana 

nebunguye. Kufunisisa sifiso sekuba njengaye ngasosonkhe sikhatsi, kusheshe 

utsintseke ngemsebenti wakhe kanye nekuhamba endleleni yakhe. “Intsandvo 

yakho ayentiwe” (Matewu 6:10; Matewu 26:39). Kufisa umbuso wakhe. 

Siphetfo 

Nkulunkulu ufuna titselo. Unesizatfu sekubheka titselo kubantfu bakhe. Nangabe sivuma futsi 

sitingenisile emsebentini waNkulunkulu khona-ke sitawutsela titselo. EmaKhristu latimphilo tawo 

tihleti kuKhristu, latfola emandla kuMoya Longcwele, atawutsela titselo. 

Ngu Rev Collin Elliott 

Africa South Field Strategy Coordinator 

21



Singeniso: 

Kugobhota Lokungcwele 

Jesu akafuni kucedza kona kwetfu kwakamoya kuphela kepha ufuna kusigcwalisa ngamoya 

wakhe kuze kutsi sibe ngumtfombo wekunatsisa emadvodza nebafati labomile emaceleni 

kwetfu. 

1. Luhlobo Lwemanti lagobhota kitsi – Imifula 

Hhayi kuma ndzawonye, kufa, konakala, njengemanti lamnandzi emhlaba, 

a. Lahluphako kuphela 

b. Langakucedzi koma kwemphefumulo 

c. Langushevu nalabulalako 

d. Langayiniki imphilo 

2. Silinganiso Semanti Lagobhota Kitsi 

a. Emanti lacicimako abo bonkhe 

b. Emanti lacicimako ngato tonkhe tikhatsi – ngato tonkhe tikhatsi temnyaka, 

langacini abe litje, langashi futsi nesomiso singeke siwanciphise. 

3. Umtfombo Walamanti – Moya Longcwele Enhlitiyweni Yalokholwako 

Siphetfo 

a. Loku kugcwala kwaMoya Nkulunkulu lakwetsembisa (Joweli 2:28-29). 

b. Umphrofethi Isaya wabona umbono (Isaya 55:1-13). 

c. Kugcwaliswa kuyatfolakala kubo bonkhe labakholwako labetile kuJesu (Kubase- 

Efesu 3:14-21). 

EmaKhristu lagcwaliswe ngaMoya ayacicima futsi ayagobhota ngaMoya waNkulunkulu. Ayati 

futsi aphisheke nemsebenti waNkulunkulu futsi enta balandzeli labafanana naJesu etiveni.” 

22 

Ngu Rev Collin Elliot 

Africa South Field Strategy Coordinator



Singeniso: 

Bakweneti Belivangeli 

Pawula wakhula anesifiso kanye nenshisekelo lenkhulu ngelisiko lemaJuda kanye nenkholo 

yalo. Abhalela baseFiliphi utsi: 

“Nome nami bengingaba nekwetsembela enyameni. Empeleni kube bekungaba khona umuntfu 

lofanele kwetsembela enyameni, ngabe ngimi kakhulu. Ngobe ngasokwa ngelilanga 

lesiphohlongo, futsi ngiweluhlanga lwaka-Israyeli, wesive sakaBhenjamini, umHebheru 

wemaHebheru; ngekwemtsetfo ngingumFarisi. Ngatingela libandla ngekushisekela lokukhulu; 

ngekulunga lokusemtsetfweni bengingasoleki ndzawo.” (KubaseFiliphi 3:4-6). 

Kwaba ngulesifiso lesamenta wazuza imfundvo lephakeme yemaJuda ngaphansi kwebafundzisi 

labancono labanjenga boGamaliyeli (Imisebenti YebaPhostoli 22:3). Emva kwekuba 

asaphotfuliwe ekolishi, sifiso sakhe samenta umvikeli lomkhulu welisiko nenkholo yemaJuda. 

“Ngekusongela nekubulala bafundzi beNkhosi” (Imisebenti YebaPhostoli 9:1) wahlupha libandla. 

Asendleleni leya eDamaseko, achutjwa sifiso sekubulala, iNkhosi yabonakala kuye yagucula 

imphilo yakhe yaphindze yasusa leso sifiso sekubulala. 

Wanikwa sifiso lesisha kanye nenshisekelo –sifiso sekushumayela liVangeli laJesu Khristu. 

Kwakusifiso selutsandvo lwaKhristu belumcindzetela kube akhonte iNkhosi nebetive 

lababetondvwa ngemaJuda (11 kubaseKhorinte 5:14). KubaseFiliphi 3:7-9 uyabhala utsi: 

“Kantsi-ke loko lokwakuyinzuzo kimi, ngakushaya lite ngenca yaKhristu. Yebo, konkhe 

ngikushaya lite ngebukhulu bekumati Khristu Jesu iNkhosi yami, lengilahlekelwe ngiko 

konkhe ngenca yakhe. Ngikushaya tibi, kuze ngizuze Khristu, ngitfolakale kuye ngite 

ngisho nalokuncane kulunga lokukwami, lokutfolakala ngekwenta lokufunwa ngumtsetfo. 

Kepha ngifuna kutfolakala nginekulunga lokuya ngekukholwa nguKhristu, ngisho kulunga 

lokutfolakala kuNkulunkulu ngekukholwa. ” 

Charles Wesley wakuphumisela kahle loko lokweviwa nguPawula ngesikhatsi abona Jesu 

kulowo mbono wasezulwini: 

“Nangibuka siphambano lesimangalisako lapho, indlalifa yelizulu yafela khona 

lokuyinzuzo kimi ngakwenta lite ngakuyekela konkhe kutiphakamisa.” 

Kwakusifiso kutsi ngingayi eRoma kuphela kepha emhlabeni wonkhe kuyawumemetela 

liVangeli. Sifiso sakhe lesinemandla nekulangatelela kwamenta wativela anelicala, 

alangatelela futsi ete emahloni. Lowo kwakungumbono lawatfola uvela ezulwini 

labengeke awale (Imisebenti YebaPhostoli 26;19). 

1. Abenelicala Lekushumayela Livangeli –Abe Kweneta 

a. Lolu lulwimi lwekugcina emabhuku-lokwenetako ngulowo lowemukele inzuzo 

kumuntfu lotsite. Sonkhe sibakweneti ngobe semukele lutsandvo lwaNkulunkulu. 

Luhlaka Lwetinshumayelo Lwekugubha Bungwele Liviki 3 

b. Lowo lesimkwenetako nguNkulunkulu hhayi emaGriki nome beTive, nalabanye. 

23

c. Umsebenti wetfu kuNkulunkulu kusebenta kubo bonkhe bantfu bakhe – 

labahlakaniphile nalabangakahlakaniphi. (Umfanekiso wetimvu netimbuti Matewu 

25:34-46). 

d. Sikweneti sikucindzeteleka lokukhulu kwelutsandvo (11 KubaseKhorinte 5:14). 

e. Kuphotfulwa kwakho ekolishi lemphilo yekucindzeteleka kusicalo nome kufanele 

kuba sicalo sekucindzeteleka kwelutsandvo. 

f. Lutsandvo lwaNkulunkulu kanye nalo lonkhe lipulani lensindziso kusipho 

samahhala selutsandvo. Akabheki kutsi simbhadale – singeke sikwati kubhadala. 

Lutsandvo lwakhe lwadala sifiso etinhlitiyweni tetfu sekutsi SIYABONGA kuye 

ngemsebenti wetfu welutsandvo. 

2. Abe Nenshisekelo Yekushumayela Livangeli –Abe Lungele: 

a. Kushumayela livangeli. 

b. Kwetama kubhadala sikweneti lesikhulu selutsandvo. 

Ngingayisa ‘ntoni kuye efanele ukumbonga 

Anginakho okwanele, ngimnik’ uqobo lwami (zulu) 

Ngingaletsani kuye kuphumisela kubonga kwami, 

Ngite lokwenele; ngimnika imphilo yami. 

c. Nyalo-ke njengobe sewucedzile kufundza ufanele kuba ngulolungele kuchubeka 

nekulwa kulwa lokuhle, kugijima libanga lesibekelwe lona nekugcina kukholwa (2 

Thimothi 4:7-8). 

d. Kuze ulungele awukafaneli kuphotfulwa kulelikolishi kuphela kepha ufanele 

kuphotfulelwa likolishi laJesu. 

Emva kwekucecesha bafundzi bakhe, Jesu watjela bafundzi bakhe kube balindze 

baze bembatsiswe ngemandla lavela ngetulu (Lukha 24:49). 

Ngelilanga lePhentekhoste bembatsiswa baphindze betfweswa sigcoko saMoya 

Longcwele, lowabagcwalisa (Imisebenti YebaPhostoli 2:2). 

e. Bantfu lotawusebenta kubo abatati titifiketi takho kepha tatiwa bothishela bakho, 

nemamaki ekuphasa kahle kwakho asehhovisi lathishela wakho. 

f. Bantfu lotawusebenta kubo abati nome ulungele kepha masinyane nje 

ungaphuma ekolishi batakwati kutsi ulungele nome awukalungeli. 

g. Batakwati nabakubona usebenta kahle futsi kukhanya kwakho kukhanye 

embikwabo nome-ke wehluleka kubonakalisa kukhanya kwakho. 

h. Tifundvo takho bewutifundza tinako loku lokune lokulandzelako 

1) Kukholwa 

2) Emandla 

3) Similo 

4) Umyombo wendzaba 

i. Nawuhamba kulelikolishi bantfu batakukala bakunike sigaba lesikufanele – 

j. batakuphasisa nome bakufeyilise nababona indlela losebenta ngayo. Umdlandla 

wakho nome kubate umdlandla kutawucinisa sigaba sakho (Matewu 5:16). 

k. Ulungele yini kuhlabela: “Ulungele kuhamba…” 

24


3. Abete Emahloni Ngelivangeli 

Siphetfo: 

a. Abete emahloni ngobe Nkulunkulu abewasusile emahloni akhe. 

b. Ngempela, abetichenya, ajabula futsi asha emashushu ngaloko Nkulunkulu 

langakwenta nalatakwenta ngaye ngemandla eliVangeli. 

c. Abejabula ngobe Nkulunkulu abetawuletsa insindziso kulabo labakholwa nguye. 

d. Emandla elivangeli asebenta kitsi futsi ngatsi. 

“Kuye lonemandla ekwenta lokukhulu kakhulu kunako konkhe lesikucelako nome 

lesikucabangako, ngekwemandla lasebenta kitsi, akube ludvumo ebandleni 

nakuKhristu Jesu etitukulwaneni tonkhe, phakadze naphakadze! Amen (Kubase- 

Efesu 3:20-21). 

Lesifiso, kulangatelela, inshisekelo, nelutsandvo kutakwenta uchubeke nekuhamba futsi 

kutakwenta ube ngufakazi lomkhulu kanye nemzuzi wemiphefumulo. Ngaphandle kwako 

utawuphela emandla, wehluleke, futsi ushiye. 

Lenshisekelo itakusita kukunika emandla ekubeketelela tinhlupheko futsi ekugcineni 

kwekusebenta kwakho utawuba nawo emandla ekutsi “Ngikulwile kulwa lokuhle, sengiyicedzile 

indzima yami, ngibambelele ekukholweni” (2 Thimothi 4:7). 


Yashunyayelwa Enkonzweni Yekuphotfulwa Kwebafundzi eNTC 

25


UmBhalo: Isaya 35:8 

Singeniso: 

Kuphila Imphilo Yebungcwele – Kubitwa Kwetfu 

Umtsengisi lodvumile wemoto lebitwa ngekutsi yiNissan abenesiga lesitsi, “Imphilo iluhambo, 

tfokotela kugibela.” Lonkhe luhambo lolucalako lunesiphetfo engcondvweni. 

Ngulowo nalowo wetfu uneluhambo emphilweni yakhe. Futsi sifanele kuba nesiphetfo 

engcondvweni. 

Isaya ukhuluma ngendlela labahlengiwe beNkhosi labayihambako njengendlela lephakeme 

lebiwta ngekutsi yindlela yebungcwele. Incwadzi yaWesley yekuhlatiya liBhayibheli itsi ‘indlela’ 

ne ‘ndlela lephakeme’ atikafaneli kutsatfwa njengetindlela letimbili letehlukene, kepha 

njengendlela yinye lefananako. Indlela lephakeme ngumhlabatsi lophakanyisiwe, futsi endleleni 

yebungcwele, bantfu labahambako balungile; lababutsakatsaka, netimphumphutse, netinyonga 

Nkulunkulu utatihola aphindze atisindzise. Lendlela iyakhanya futsi icondzile kangangobe 

ngisho netilima tingakwati kuhamba kuyo ngaphandle kwekweduka. 

1. Bungcwele sento saNkulunkulu 

a. Akusiyo imisebenti yetfu, imisebenti yetfu lemihle, kepha sento saNkulunkulu 

b. Levithikhusi 20:8 utsi, “Gcinani imitsetfo yami, niyilandzele, ngobe ngimi 

loningcwelisako.” 

2. Bungcwele awubukhetsi ngekutsandza kwakho 

a. Bungumyalo 

b. Levithikhusi 20:26 ufundzeka kanje, “Kufanele nibe ngcwele kimi, ngobe mine, 

Simakadze, ngitehlukanisele nine emkhatsini wetive tonkhe kutsi nibe sive sami.” 

3. Bungcwele Buyakhanga 

a. Njengekukhanya lokukhanga tilwanyakatana, kanjalo nebungcwele emphilweni 

yelikholwa; bukhanga labanye kube bangene eMbusweni waNkulunkulu. 

b. Johane 12:32 utsi, “Mine nase ngiphakanyisiwe emhlabeni, bonkhe bantfu 

ngitabadvonsa bete kimi.” 

4. Bungcwele lithikithi lekuya kuNkulunkulu 

a. Ngaphandle kwebungcwele kulemphilo, kute longabona Nkulunkulu 

(KumaHebheru 12:14). 

b. Bungcwele buyafuneka kuze kubekhona budlelwane naNkulunkulu. 

c. Davide wabuta eSihlabelelweni 15 watsi, “SIMAKADZE! Ngubani longaba 

nemvume yekungenisa ahlale ethempelini lakho, acabe umuti wakhe entsabeni 

yakho lengcwele?” Abebuta kutsi “Simakadze ngubani longaba nebudlelwane 

nawe?” Imphendvulo layinikako emavesini lamane lalandzelako ingafinyetwa 

ngekutsi: “Ngulowo lohola imphilo lengcwele.” 

Siphetfo: 

Umfanekiso: Kukhona indzaba yemshumayeli labakha tingodvo tekusekela 

umvini. Asaphendla indlela, wabona kutsi kukhona umfanyana lomncane 

lombukako. Lomfanyana abethulile angasho lutfo, ngako umshumayeli 

wachubeka nekusebenta, acabanga kutsi lomfanyana utawuvele ahambe nje 

nase afuna kuhamba. Kepha akazange ahambe. Ekugcineni umelusi wabuta 

watsi, “Yebo-ke, ndvodzana, wetama kubuka kutsi kwentiwa njani engadzeni?” 

“Cha” asho aphendvula, “Ngimele kuva kutsi umshumayeli utawutsini nakashaya 

sitfupha sakhe ngesandvo.” 

Ngekusho kwaMatewu 7:13-14 kukhona lisango lelincane nelisango lelibanti. Siyini siphetfo 

sakho endleleni yemphilo loyingenele? 

26

Ngu Rev Kenneth Phiri – Umholi Walabasha Esifundzakatini SeAfrikha 


UmBhalo: Isaya 6:1-7 

Singeniso: 

Bungcwele Nenkambo Lelungile 

Kulamavesi sibona bungcwele bugucula ngalokungakalungi kwaIsaya kuba ngulokulungile. 

1. Bungcwele BaNkulunkulu 

a. Bungcwele similo saNkulunkulu lesimenta ehluke ngalokuphelele e 

endalweni yakhe. Ungulowo loNgcwele. 

b. Bungcwele baNkulunkulu bunguloko langiko. Yena futsi yena yedvwa ungcwele. 

“Kute longcwele njengaSimakadze” (1 Samuweli 2:2). 

c. UnguMdali, konkhe kuyindalo yakhe futsi kute kulokwadalwa nguye lokulingana 

naye. 

d. Bungcwele bakhe abusho kona kuphelela kwekulunga kwakhe nje. Akangcwele 

ngobe alunge ngalokuphelele. 

e. Ungcwele ngobe yena yedvwa unguNkulunkulu futsi anguNkulunkulu ngobe yena 

yedvwa angcwele. 

f. Ute bungcwele – Yena ngekwakhe ubuNgcwele – Bungcwele abusibo 

bunye lobehlukile nome intfo leyehlukile lengaphandle kwakhe. 

g. Lapho kute khona Nkulunkulu kute bungcwele nalapho kutekhona bungcwele 

kute Nkulunkulu. 

h. Tinchazelo letehlukene nekuhunyushwa kweligama lelitsi “bungcwele”: 

Singisi – Holiness = Kuphelela/Kwehlukaniswa/ 

Kuhlanteka/ Ludvumo 

SiZulu – Bungcwele = Kugcwala nekuhlanteka 

SiTsonga – Vukwetsimi = Kukhatimula 

Nhluwuleko = Kwehlukaniswa 

Pedi – Bokgetwa = Kwehlukaniswa 

Tswana – Moya oBoitshepo = Moya Lotsembekile 

Sotho – Bohalaleli = Kukhatimula 

Afrikaans – Heilig = Kuhlanteka/kuphelela/ kungabi nacala 

2. Bungcwele BebuKhristu 

a. Bungcwele bebuKhristu benteka kuphela ngekwembulelwa nguNkulunkulu – 

Isaya wayibona iNkhosi (Isaya 6:5). 

b. Bungcwele bebuKhristu bukuhlanjululwa (Kuhlanteka nekwehlukaniswa) 

kwemakholwa nguMoya Longcwele ngaJesu Khristu. 

c. Lo “kuhlanjululwa / kukhatimula / kwetsembeka” kucala ekuphendvukeni 

ngesikhatsi sehlukaniswa netono tetfu sehlukaniselwa Nkulunkulu. 

d. Lo “kuhlanjululwa / kukhatimula/ kwetsembeka” kuyachubeka kukhule emva 

kokuba sesiphendvukile, seloku sisahamba ekukhanyeni ngekwetsembeka, size 

sifike esikhatsini sesibili lapho sehlukaniswa khona nesono setfu, 

“lesikutikhukhumeta kwetfu / umuntfu lomdzala/ kona kwemvelo/ imphandze 

yekona” futsi sehlukaniselwe Nkulunkulu. 

Umfanekiso – kucecesha inja kuyayigucula ibe yinja lensha: 

(KubaseGalathiya 2:20). 

e. Emva kwesikhatsi sesibili sekuhlanjululwa ngalokuphelele, “kuhlanjululwa/ 

kukhatimuliswa/ kwetsembeka” kwetfu kuyachubeka nekukhula kusukela kuleyo 

nkhatimulo kuye kulenye inkhatimulo kusukela emseni kuye emseni onkhe 

emalanga seloku asasihola. 

f. Kuhlanjululwa ngalokuphelele akusenti sibe nguNkulunkulu, Khristu, nome Moya 

Longcwele, kepha kusenta sibe njengaJesu Khristu – sifanane naKhristu. 

27

g. Lenkhulo yenkhatimulo isachubeka nekukhula, sihlabelela lelikhorasi ngenjabulo: 


Every day with Jesus is sweeter than the day before. 

Every day with Jesus, I love Him more and more. 

Jesus saves and keeps me, and He’s the one I’m waiting for. 

Every day with Jesus, is sweeter than the day before. 

h. Lona nguye ‘loloNgcwele waIsrayeli’ lowabonwa nguIsaya kulombuso lomkhulu 

lowagucula indlela yekuphila kwakhe (Isaya 6). 

3. Bungcwele Nenkambo Lelungile Kwekuhlanjululwa ngoba 

a. Bayati, ngemiBhalo leNgcwele, loko lokulungile labafanele kukwenta naloko 

lokubi labangakafaneli kukwenta (Mikha 6:8). 

b. Indlela yekutiphatsa kwabo ayikabhalwa eBhayibhelini kuphela, ibekwe 

netingcondvweni tabo yaphindze yabhalwa netinhlitiyweni tabo (Jeremiya 31:31- 

34). 

Umfanekiso wemuntfu lokwatsi emva kokuba asabe ngumKhristu indlela yakhe 

yekuphila yagucuka 

c. Nembeza wabo wagezwa ngengati yaJesu Khristu waphindze wentiwa kube 

asheshe akuve lokulungile naloko lokungakalungi,. 

d. Indlela yekutiphatsa kwaIsaya kanye nenkambo yakhe emphilweni 

kwakungatfokotisi, nakuba abesemsebentini weNkhosi, waze nembeza wakhe 

wavuswa futsi wahlantwa (Isaya 6:5-6). 

“Nembeza lolungile weliciniso, futsi wenta tincumo ngekwelizinga lelivi 

laNkulunkulu lelingcwele” (H Orton Willey). 

e. Kuhlanjululwa kwakhe kwenteka ngesikhatsi asathantaza elathini akhala: 

“Maye kimi, mine ngiphelile! Ngobe ngingumuntfu lotindzebe temlomo wakhe 

tingcolile, futsi ngihlala emkhatsini webantfu labatindzebe tabo tingcolile. Emehlo 

ami ayibonile iNkhosi, Simakadze longuSomandla.” 

f. Ngelilahle lelivutsako laMoya Longcwele, Nkulunkulu watsintsa imphilo yaIsaya 

waphindze wahlawulela tono takhe. 

g. Lilahle lelivutsako lamgucula waba likholwa lelivutsako lelinemalangabi emlilo 

webungcwele njengensimbi lefakwe emlilweni loshisako. 

Siphetfo: 

Ngabe uyaliva yini lelikwaya lasezulwini lemaserafi lihlabelela? 

“Ungcwele, ungcwele, ungcwele Simakadze longuSomandla; 

Umhlaba wonkhe ugcwele bukhosi bakhe.” 

Asahlabelela, ngabe iNkhosi iyasembula yini sidzingo sakamoya emphilweni yakho? Nangabe 

kunjalo, ngingakukhutsata kube ute elathini lekuthantaza njengobe Isaya enta. Umsindzisi 

ulindzele kuhlangabeta sidzinga sakho. 


KuKhonivenishini Yebungcwele eNTC 

Mhlaka 19 May 1999 

28


UmBhalo: 1 Phetro 1:13-2:3 

Singeniso: 

Sifanele Kuba Ngcwele Ngobe Kubhaliwe 

Kuze sente intfo ibe nesibopho, ibe semtsetfweni nome ibe liciniso ngempela, siyaye sikubhale 

phansi. 

1. Umyalo Wekutsi Sibe Ngcwele Wabhalwa NguNkulunkulu 

a. Ngumyalo wekutsi: 

- Siphelele njengobe Nkulunkulu uphelele. 

- Sibe mhlophe enhlitiyweni 

- Sehlukane nekona sehlukaniselwe Nkulunkulu. 

- Sifanane naKhristu. 

b. Lomyalo usibopho, usemtsetfweni futsi uliciniso. 

c. Bungcwele simo saNkulunkulu lesisakhe yedvwa futsi simenta ehluke endalweni 

yakhe. 

d. Bungcwele abevele anabo kwaphakadze, unguloNgcwele waIsrayeli. 

e. Kubhaliwe endalweni yakhe (Genesisi 1:31, Sihlabelelo 19:1-2) “Umkhulu!” 

f. Kubhaliwe eBhayibhelini Lelingcwele (Levithikhusi 11:44, 19:2, 20:7). 

g. Yonkhe imibhalo iyasiyala kube sibe ngcwele (2 Thimothi 3:15). 

h. Tonkhe tincwadzi temaKhristu tibhalelwe kusitjela kutsi sibe ngcwele. 

2. Wonkhe Lomniningwane Lobhalwe Lapha Ngenhla Muhle Futsi Ulusito Kepha 

Awumuhle Ngalokwenele 

a. Lwati lwenhloko ngaNkulunkulu Longcwele alumguculi umuntfu. 

b. Umlayeto lomuhle lesiwutfola endalweni yaNkulunkulu lengcwele awusiguculi. 

c. Umtsetfo lowawubhaliwe waMosi awuzange uwagucule emaIsrayeli; 

d. 

wawunguthishela wesikolo nje wekubaholela kuKhristu (KubaseGalathiya 3:24). 

Tincwadzi letinhle tebuKhristu titasenta sigcoke kahle, sifundze, futsi sibe nelwati, 

kepha tingeke tisigucule. 

3. Sivumelwane Lesisha (Umbhalo Lomusha ) Watsenjiswa NguNkulunkulu 

a. Sitfolakala kuJeremiya 31:33-34. 

b. Bungcwele abukafaneli kuba setindzebeni tetfu temlomo kepha etinhlitiyweni tetfu 

(Matewu 5:8). 

29

c. Live lidzinga kubona ingucuko lengcwele etimphilweni tetfu hhayi kuva kutsi sati 

kangakanani ngebungcwele. 


d. Bungcwele bugucula incwadzi lendzala lengcolile yetimphilo tetfu, lokukhulunywa 

ngayo KubaseGalathiya 5:19-20, kuze kutsi ifundzeke njengobe kuchazwa 

KubaseGalathiya 5:22-23. 

e. Ingati yaJesu iyintfo yekwesula lenkhulu lesusa emabala esono ( 1 Phetro 1:18- 

19). 

f. Kukhona ingoma letsi: 

“Ngingahlanzwa ngani na? 

Igazi , likaJesu lodwa. 

Ngingasinda ngani na? 

Igazi likaJesu lodwa. 

Igugu lelikimi, 

Lingenta ngibe-mhlophe; 

Umthombo wodwa wami 

Igazi likaJesu lodwa.” 

g. Kutsiwa Jesu akazange asabhale ncwadzi, kepha kuliciniso kutsi wabhala tigidzi 

tetincwadzi tekuphila imphilo lengcwele. 

h. Kukhanya kwebungcwele kufanele kukhanye kahle kuze bantfu bakwati 

kukubona futsi bafundze tento tetfu letinhle (Matewu 5:16). 

i. Emadvodza nebafati labangcwele batincwadzi letincono kwendlula tonkhe 

letiphilako (2 kubaseKhorinte 3:1-3). 

j. LiBhayibheli liyincwadzi letsenjwa kakhulu, kepha likholwa lelifanana naKhristu 

lifunwa kwendlula liBhayibheli. 

Siphetfo: 

Bungcwele bebuKhristu bungumfanekiso waNkulunkulu kitsi. 

- Buyincwadzi yekusichaza. 

- Buluphawu lolukhombisa kufanana kwetfu naNkulunkulu 

- Buyiphasiphothi yekuba takhamiti tasezulwini. 

- Bulithikithi lelisingenisa embikwaNkulunkulu wetfu loNgcwele (KumaHebheru 

12:14). 

Umbhali wengoma abelangatelela incwadzi yekumchaza nakabhala atsi: 

“O to be like Thee, o to be like Thee 

Blessed redeemer, pure as Thou art 

Come in Thy sweetness, come in Thy fullness 

Stamp Thine own image deep on my heart.” 



30


Kukhatimula Kwebuso BaNkulunkulu Etikwetfu 

UmBhalo: Sihlabelelo 67, Numeru 6:22-27, Sembulo 1:16 

1. Kukhatimula Kwebuso baNkulunkulu kufanana nekukhatimula kwelilanga ngetulu 

kwayo yonkhe indalo; lenhle nalembi. 

2. Lona ngumthantazo webantfu labalungile: 

- Shangatsi Nkulunkulu angasibuka ngekulunga kwakhe nekuvuma kwakhe. 

- Shangatsi angasibuka ngebuso lobumamatsekako. 

3. Kukhatimula kwebuso bakhe sibusiso sebuPhristi etikwalabalungile (Numeri 6:24- 

26). 

a. Sibusiso (injabulo nekutfokota). 

b. Emandla lalondvolotako (Juda 24). 

c. Umusa lowenele lodzingekako waso sonkhe sikhatsi semphilo (2 KubaseKhorinte 

12:9). 

4. Kukhatimula kwebuso bakhe ngetulu kwesoni kuletsa kulahlwa licala kukhanya 

kusakhanyisa nembeza kubeka ebaleni sono sakhe (Johane 3:19 – 21; KubaseRoma 

2:14-16). 

5. Emva kokuba boAdamu naEva sebonile, kukhatimula kwebuso baNkulunkulu 

kwabalahla ngelicala (Genesisi 3:8-10; Johane 3:19-21). 

a. Mosi walahlwa licala esihlahleni lesivutsako ngesikhatsi buso baNkulunkulu 

bembula imphilo yakhe legcwele kona (Eksodusi 3:6). 

b. Isaya walahlwa licala ngesikhatsi abona buso baNkulunkulu eThempelini (Isaya 

6:5). 

c. Davide walahlwa licala lesono sakhe ngesikhatsi buso baNkulunkulu 

bumkhanyisa ngemphrofethi Nathani (Isaya 51). 

d. Pawula walahlwa licala ngesikhatsi abona kukhanya lokuvela ezulwini (Imisebenti 

YebaPhostoli 9:3-5). 

6. Bubi besoni bufihla buso baNkulunkulu njengobe tigebengu tibufihla buso bato 

enkantolo (Isaya 59:2). 

7. Ngesikhatsi Jesu afa esiphambanweni, kona kwetfu kwabufihla buso 

baNkulunkulu kuye (Matewu 27:46). Lesi kwaba ngiso sodvwa sikhatsi lapho 

Nkulunkulu amshiya khona Jesu. 

8. Buso baNkulunkulu bucala kukhatimula ngetulu kwesoni lesiphendvukako (2 

Tikhronike 7:14-15). 

a. Ngesikhatsi soni siphendvuka buso belizulu bukhanya ngenjabulo yekuvuma 

(Lukha 15:7). 

b. Ngesikhatsi umuntfu akhishwa ejele akubufihli buso bakhe. 

9. Kukhatimula Kwebuso baNkulunkulu kupheleliswa kutinikela ngalokugcwele 

nemphilo lehlanjululiwe. Imphilo lehlanjululwe ngalokuphelele ifanana: 

a. Nesibuko lesihlobile nalesibonakala kahle lesibonakalisa konkhe kukhanya; 

kukhanya kwelilanga. 

b. Inyanga lebonakalisa kukhanya kwelilanga emhlabeni lomnyama. Inyanga ite 

kukhanya itsatsa kukhanya elangeni ikukhanyise kitsi. Sifanele kuba tinyanga 

letigcwele – hhayi ikota, ihhafu, nome emakota lamatsatfu etinyanga ( ¼,½,¾). 

31


10. Sitfola kukhanya kwebungcwele ebusweni baJesu asakhanya etikwetfu. 

a. Kukhanya lokuvela ebusweni bakhe bubona lokungekhatsi enhlitiyweni njenge xray 

(Sihlabelelo 139:23-24). 

b. Inhlitiyo yaIsaya yahlolwa kukhanya kwaNkulunkulu ngesikhatsi aseThempelini 

athantaza (Isaya 6:1-7). 

c. Jesu utsi ngesikhatsi sinikela umnikelo wetfu elathini bese kukhanya lokuvela 

ebusweni bakhe busikhombisa intfo letsite, sifanele kuma kuthantaza sihambe 

siyolungisa loko lokonakele (Matewu 5:23-24). 

d. Kukhanya kwakhe kuyasigeza kusigcine singcwele sisahamba ebudlelwaneni 

naye (Genesisi 17; 1 Johane 1:7) 

e. Kukhanya kwakhe kusakhanya kitsi tsine sikukhanya emhlabeni logcwele 

bumnyama. 

11. Kukhanya kwebuso baNkulunkulu kitsi kwenta bantfu babone Nkulunkulu kitsi 

(Matewu 5:16). 

a. Buso baNkulunkulu bakhanya kuMosi (Eksodusi 34:29-34). 

b. Buso baNkulunkulu bakhanya kuStefano (Imisebenti YebaPhostoli 6:15, 7:54-56). 

c. Shangatsi buso bakhe bungakhanya etikwetfu lamuhla. 

d. Shangatsi buso bakhe bungakhanya etikwemaNazarene langu 511000 

eSifundzakatini setfu seAfrikha. 

12. Buso baNkulunkulu busakhanya etikwetfu, shangatsi, njengetinkhanyeti 

esibhakabhakeni, singabonakalisa kukhanya kwebuso bakhe ebumnyameni 

bakamoya beSifundzakati setfu. 


Lowake waba Lisekela Lemcondzisi WeSifundzakati SeAfrikha 

33


UmBhalo: Matewu 5:8 

Labahlantekile Enhlitiyweni 

“Babusisiwe labahlantekile enhlitiyweni, ngobe bayawubona Nkulunkulu” (Matewu 5:8). 

Singeniso: 

Inkhulumo mphikiswano ngekulunga kwenhlitiyo ngekwelisiko letfu kudvweba umugca 

ngaphansi kwekubaluleka kwekutiphatsa. Kuze abe cotfo, umuntfu ufanele kutiphatsa kahle. 

Loku kusebaleni. Kepha, kulunga kwenhlitiyo, kimi kubonakala kungetulu kunekutiphatsa kahle 

nje, futsi loku yintfo lokungenteka lisiko letfu liyishiye ngaphandle nasingakacapheli. 

Mhlawumbe sisenawo emandla ekwenta bantfu bakwati kutiphatsa kahle emmangweni wetfu 

ngekusebentisa imitsetfo letsite lecinile, singeke sibe nawo emandla ekugucula ingcondvo 

yekutiphatsa kwemuntfu ngaleyo ndlela. Kunciphisa loko umuntfu langakwenta ngaphandle 

akukuguculi loko umuntfu languko ngekhatsi. Loko ungasho kutsi kuyindzaba yenhlitiyo. 

Ngako-ke, Jesu watsi, “Babusisiwe labahlantekile enhlitiyweni,” abegcizelela kutsi 

lokungukona sikudzinga ngempela kutsi silunge ngekhatsi. 

1. Lubito Lwekuhlanteka Kwenhlitiyo 

a. Etibusisweni, Jesu ukhuluma ngemtsetfo lotsintsa tonkhe tingoni tetimphilo tetfu. 

Lomusho lolula lotsi, “Babusisiwe labahlantekile enhlitiyweni, ngobe 

bayawumbona Nkulunkulu” uba yimephu lenemandla letasiholela 

ekugcwalisekeni kwesitsembiso sekuhlangana kwemuntfu naNkulunkulu. 

Kulubito lwekuphelela kwenhlitiyo. Jesu utsi simo senhlitiyo yetfu 

embikwaNkulunkulu sekucala kwekubaluleka. Nembala, kubonakala shangatsi 

lokuhamba embili kitsi njengalabakholwako kugcina simo senhlitiyo lelungile 

embikwaNkulunkulu. 

1) Kungenteka sikwati kubakhohlisa bantfu ngekutentisa kuba nguloko 

lesingesiko. Singabonakala singulabahamba naNkulunkulu kube 

kungenjalo. Kepha Nkulunkulu akakhohliswa. Ku 1 Samuweli 16:7 

sifundza kutsi, “Kodvwa Simakadze wakhuluma kuSamuweli, watsi: 

‘Ungabheki kubukeka nebudze bakhe, ngobe yena ngimalile. 

Simakadze akabuki tona tintfo letinakwa ngumuntfu. Umuntfu ubuka 

lingaphandle lemuntfu, kodvwa Simakadze ubuka inhlitiyo. ” 

Kuyakhanya kutsi Nkulunkulu ubuka kwendlula kutiphatsa nekwendlula 

kuloko lokubonakalako kuye kuloko lokunguko sibili – simo setinhlitiyo 

tetfu. KuTaga 21:2 sifundza kutsi, “Yonkhe indlela yemuntfu ibonakala 

iyinhle emehlweni akhe; kodvwa Simakadze wehlulela inhlitiyo.” 

b. Jesu abesho kutsini nakakhuluma ngenhlitiyo lehlantekile? Kuhlanteka 

ngempela kusho kutsini? Ngabe kusho kuphelela? Ngabe kusho kubate 

sono? 

1) Inhlitiyo emBhalweni isho ingcondvo, intsandvo neluvelo. Kusho 

kutibamba. Umbhali weTaga wanika sicondziso watsi, “Ngetulu kwako 

34

konkhe londvolota inhlitiyo yakho ngekunakekela konkhe, ngobe 

kuyo kugeleta tiyalu tekuphila.” (Taga 4:23). KuMatewu 15:19, Jesu 

watsi, “Ngobe enhlitiyweni kuvela imicabango lemibi, nekubulala, 

nekuphinga, nebugwadla, nekuba nekucalemanga, nekuhlambalata.” 

Inhlitiyo ikutungeleta kokubili ingcondvo nentsandvo. Inhlitiyo icinisa 

kutiphatsa. 

2) Ngesikhatsi Jesu akhuluma ngalabo labahlantekile enhlitiyweni ukhuluma 

ngenhlitiyo lenetinjongo letihlantekile. Tinhlitiyo tetfu tifanele kuchazwa 

ngumcondvo longakehlukani nekutinikela lokungakehlukani ekhatsi. 

a) Jesu watsi, “Kute umuntfu longakhonta emakhosi lamabili; 

ngobe uyakutondza lenye, atsandze lenye; uyakwetsembeka 

kulenye ayedzelele lenye” (Matewu 6:24). 

b) Jakobe, encwadzini yakhe uyasikhumbuta kutsi “Kutsandzana 

nelive kubutsa kuNkulunkulu” emva kwaloko bese usinika 

likhambi utsi: “Gezani tandla tenu, nine toni, nihlambulule 

tinhlitiyo tenu, nine bantfu labanetinhlitiyo letimbili” (Jakobe 

4:4, 8). 

c. Nasitihlola kulokukhanya, yini lesiyitfolako? Imvama, sitfola kutsi 

sikhashane kakhulu nelizinga lelifanele. Tinjongo tetfu kulivela kancane 

kutsi tingabhicwa nalutfo. Etikhatsini letinyenti tibugovu 

nekutikhukhumeta. Esikhundleni sekuba mcondvo munye nekutinikela 

kuNkulunkulu kanye nesifiso sekushisekela kutfokotisa yena, imvama 

sinaka kakhulu kuphela loko lokutaba yinzuzo kitsi. 

d. Lubito lwaKhristu luyakhanya. Sifanele kuba ngulabangakabhicwa nalutfo 

ekutinikeleni kwetfu kuye. Wena-ke utsini? Inhlitiyo yakho itinikele 

ngalokuphelele yini kuNkulunkulu yena yedvwa? 

2. Kuchubeka Kwekuhlantwa Kwenhlitiyo 

a. Tinhlitiyo tetfu singatihlanta kanjani? Nasitfola tingcondvo tetfu tididekile, 

singatibuyisa njani tigcogcekele ekutinikeleni kuNkulunkulu? 

1) Kuze sibe ngulabahlantekile enhlitiyweni, sifanele kusibona sidzingo setfu 

bese siyasilungisa leso sidzingo. Sifanele kuhamba enchubekeleni 

phambili lesiyibonile etibusisweni letine tekucala. Njengalabo 

“labamphofu emoyeni” siyabubona bubi betfu. Njengalabo 

“labakhalako” siphendvuka ngekudzabuka lokukhulu ngenca yetono 

tetfu. Tinhlitiyo tetfu tephukile embikwaNkulunkulu. Kanjalo, natsi siba 

“mnene”sitfobeke embikwaNkulunkulu. Kutfobeka kubabeka luphawu 

labo Nkulunkulu lawentile umsebenti kubo. Nase kwentekile loko sibese 

sifika endzaweni lapho “silambela somele khona kulunga” ngobe 

sisuke sesibonile kutsi kulunga kwaNkulunkulu kuphela lokwesutsisako. 

Lesi sisekelo lesifanele kusibeka nangabe sifuna kuhlanteka 

enhlitiyweni. 

35

2) Loku ngukona kwenteka kuze uhlanjululwe. Nguloko lokwakushiwo 

nguJesu nakasitjela kutsi sifanele kwetfwala tiphambano tetfu onkhe 

emalanga. Kufuna Nkulunkulu ngayo yonkhe inhlitiyo yetfu. Kuta 

kuNkulunkulu njengaDavide nekuthantaza sitsi, “Nkulunkulu, dala kimi 

inhlitiyo lehlantekile, uvuselele kimi umoya wekulunga” (Sihlabelelo 

51:10). Kukufunisisa Nkulunkulu kakhulu kunako konkhe lokunye. 

3. Umphumela Wekuhlanteka Kwenhlitiyo 

Siphetfo: 

a. Sizatfu lesenta kutsi sifanele kuba nenhlitiyo lehlantekile kutsi ngulabo kuphela 

labayawubona Nkulunkulu. 

1) Nkulunkulu uyabulondvolota budlelwane naye balabo tinhlitiyo tabo 

letibheke kuye yedvwa. 

2) Kuhlanteka kwenhlitiyo nguko lokuchumanisa tintsambo tetfu takaMoya 

naNkulunkulu. 

3) Nasichumene naye, sitayitfokotela inhlanhla yekubamba inkhatimulo 

yakhe leshatitako – umbono webukhosi bakhe. 

4) Ufuna kwembula lamanye emandla akhe kitsi. Ufuna kutembula kabanti 

kitsi, kuze siteticondza tindlela takhe futsi sihambe kuto. 

b. Nkulunkulu ufuna kuba nebudlelwane natsi. Nkulunkulu ufisa kutsi sihlonyiselwe 

kumbona. Lesi sitsembiso lesinikwe sona-singumphumela wekuhlanteka 

kwenhlitiyo. 

Labahlantekile enhlitiyweni balivela kancane emangweni wetfu lamuhla. Balivela kancane 

ngisho emabandleni etfu. Kepha ngiyakholwa kutsi Nkulunkulu uyasibita kube sibuyele emuva 

emcondvweni munye, kutinikela kuye yedvwa lokuchaza labo latfululele Moya wakhe kubo. 

Kepha, eMbusweni indlela leya etulu ngasosonkhe sikhatsi iphansi. Sifanele kuguca 

ngemadvolo ngekuphendvuka ngaphambi kokuba sibuke kubamba inkhatimulo yakhe. 

Nkulunkulu, hlambulula tinhlitiyo tetfu kuze sibone Jesu! 

36 

Rev Cosmos Mutowa 

Africa Regional NCM Coordinator


UmBhalo: Sihlabelelo 15 

Singeniso: 

Kuhlala Ebukhoneni BaNkulunkulu Longcwele 

Levithikhusi 19:2 utsi, “Banini-ngcwele, ngobe mine Simakadze, Nkulunkulu wenu, ngingcwele.” 

Lithempeli lalinelikamelo lelisekhatsi lelalibitwa ngekutsi liNgcwele Ngcwele lokwakuyindzawo 

lapho Nkulunkulu abehlala khona emkhatsini webantfu bakhe. Le kwakuyindzawo leyesatjwa 

kakhulu ngobe bukhona baNkulunkulu babulapho. Bukhona baNkulunkullu ngulobunye 

bebungcwele. NgumPhristi Lomkhulu kuphela labengena endzaweni leNgcwele-ngcwele kanye 

ngemnyaka, ngeLilanga leKuhlawulelwa. Abefanele kulungiselela kahle ngekugeza, agcoke 

tingubo letitsite, bese uphatsa imphepho leshako njengeveyili kuze akwati kungena ahlawulele 

tono tebantfu (KumaHebheru 9:7). Nangabe umPhristi angene endzaweni leNgcwele-ngcwele 

nesono nome licala. Umphumela waloko kwakuba kufa masinyane (Eksodusi 28:35-36). 

Ngekwelisiko lemaJuda, kwakuboshelwa intsambo ecakaleni lemPhristi Lomkhulu sihloko sayo 

sisale ngaphandle kwelithabanakeli. Ngesikhatsi tinsimbi letitfungelwe engutjeni yakhe 

tingasevakali tikhenceta asesendzaweni Lengcwele, kwakucabangeka kutsi sewufile bese 

kuhlolwa ngekutsi kudvonswe intsambo kahle ngekunakekela. Njengobe umPhristi Lomkhulu 

abefanele kubate sono kuze akhonte embikwaNkulunkulu, akungabateki kutsi natsi kudzingekile 

kutsi sibete sono, kutsi sibe ngcwele, kuze singene ebukhoneni bakhe. 

1. Sihlabelelo 15 sikhombisa timphawu letisikhombisa tekuhlala ebukhoneni 

baNkulunkulu Longcwele. 

a. Lonetindlela letimsulwa (v2) 

b. Lowenta lokulungile (v2) 

c. Lokhuluma liciniso (v 2) 

d. Lotsandza makhelwane (v 3) 

1) Akahlebi 

2) Akoni 

3) Akabanyembenyi labanye bantfu (tinkhulumo letimbi ngalabanye). 

e. Umgcini wetifungo (gcina titsembiso takho) (v 4) 

f. Labangabamisi kabi labanye kutemnotfo (nawubolekisa ngemali, ungayibiti intalo 

(v 5) 

g. Ungadizelwa (v 5). 

2. Kuya ngani letimphawu tibalulekile kuNkulunkulu? 

a. Ngekubuka ngemehlo letimphawu tingabonakala tilite. 

b. Kepha natedzeleleka, tinemandla lamakhulu ekuyicitsa insindziso yetfu. 

c. Ngako-ke, sifanele kutsi ngasosonkhe sikhatsi sitilindze tinhlitiyo tetfu kulo lonkhe 

luhlobo lwebubi (Taga 4:23). 

d. Sifanele kufuna bukhona baNkulunkulu ngasosonkhe sikhatsi (1 Tikhronike 

16:11; Sihlabelelo 105:4). 

Siphetfo: 

Nkulunkulu uNgcwele, futsi sifiso sakhe kutsi bantfu bakhe babe ngcwele futsi bahlale 

ebukhoneni bakhe onkhe emalanga. Tsatsa sikhatsi sekuhlola imphilo yakho lamuhla ekuseni. 

Isendleleni lefunwa nguNkulunkulu yini? Nawudzinga kuthantaza, ngiyakumema kutsi 

usondzele elathini utewuhlangana neNkhosi. Uyafuna futsi unawo emandla ekukunika inhlitiyo 

lensha kanye nemoya lolungile. 

37 

Ngu Rev Paul Mtambo 

Africa Central Field Strategy Coordinator


UmBhalo: 1 Johane 1: 5-10 

Singeniso: 

Bungcwele Lobucicimako 

Ngaphandle kwekunciphisa tingoti letehlela emaKhristu, budlelwane betfu naNkulunkulu 

kungumkhuba wekuphila longcwele sikhatsi ngesikhatsi. Ngasosonkhe sikhatsi asikafaneli 

kushumayela nome sikhulume ngebungcwele. Kepha, bungcwele abugelete kitsi ngendlela 

lesiphila ngayo! Inchazelo yekucicima itsi: kuchicha nome kuvuta kancane kancane. Indlela yetfu 

yekuphila iyamfimfa kuKhristu nasebungcweleni emhlabeni wetfu. KuMatewu 5:13-14 Khristu 

utsi, “Nine nikukhanya kwelive.” Njengeluswayi lwelive, sifanele ngasosonkhe sikhatsi kugcina 

bungcwele. Njengobe “lidolobha lelakhiwe entsabeni lingeke lisitseke” nekuhamba kwetfu 

naKhristu akubekukhanya kubantfu lesitsintsana nabo. Ngalamanye emagama, indlela yetfu 

yekuphila ifanele kuhambisana naloko lesikushoko. 

1. Nine nikukhanya kwelive 

a. 1 Johane 1:5-6 utsi, “Lona ngumlayeto lesawutsatsa emlonyeni wakhe, 

simemetela wona kini kutsi, Nkulunkulu ukukhanya; bumnyama kute kuye. 

Nasitsi sinebudlelwane naye, kodvwa sibe sihamba ebumnyameni, sinemanga, 

futsi asiphili ngekweliciniso. ” 

1) Nasitsi sitelwe kabusha, kepha solo siphila ebumnyameni ngekuchubeka 

nemphilo lendzala yekona, sinemanga. 

2) Timphilo tetfu ativumelani naloko lesitsi kwenteka kitsi. 

b. Kepha vesi 7 utsi, “Kodvwa nasihamba ekukhanyeni, njengobe yena 

asekukhanyeni, sinebudlelwane lomunye nalomunye, nengati yaJesu, 

iNdvodzana yakhe, iyasihlanta kuko konkhe kona.” 

1) Loku nguloko lesikubita ngekuhlanjululwa 

2) Moya Longcwele ugeza futsi ahlante tinhlitiyo tetfu ekoneni, asiphe 

emandla ekuphila imphilo lencoba sono. 

2. Kuvuma nekugezwa ekoneni kuvela kucala 

a. Umsebenti waNkulunkulu wekuhlanta inhlitiyo awenteki nangabe singativumi tono 

tetfu. “Kodvwa nasitivuma tono tetfu, Nkulunkulu wetsembekile, futsi ulungile 

utasitsetselela tono tetfu abuye asihlambulule kuko konkhe kungalungi.” (1 

Johane 1:9). Sifanele kuvuma sono setfu sisivume futsi sicele Moya Longcwele 

ahlante tinhlitiyo tetfu. 

b. Ngaphambi kwekube sitalwe kabusha, mine abebusa emphilweni yetfu futsi 

besinemkhuba wekona nekungamjabulisi Nkulunkulu. Kepha, ngesikhatsi 

sesihlanjululiwe, Khristu ubasemkhatsini abuse imphilo yetfu. Loku kuvumelana 

nemavi emPhostoli Pawula, “Ngibetselwe kanye naKhristu, ngako-ke mine 

angisaphili, kodvwa nguKhristu lophila kimi. Nalemphilo lengiyiphilako 

kulomtimba, ngiyiphila ngekukholwa yiNdvodzana yaNkulunkulu leyangitsandza 

yatinikela yona matfupha esikhundleni sami. ”(KubaseGalathiya 2:20). 

38

3. Bungcwele bucicima enhlitiyweni lehlobile nalehlantekile 

a. Enhlitiyweni lehlantekile nalehlobile legcwaliswe ngaMoya Longcwele, bungcwele 

buyageleta-nje, njengemjuluko uvuta emtimbeni ngesikhatsi ugijima 

encintiswaneni nome ushukumisa umtimba. 

b. Nangabe siphila imphilo lengcwele itawubonakala ngobe bungcwele bungena 

bugcwale yonkhe indzawo emphilweni yetfu. 

c. Ngesikhatsi Khristu abekwa abayiNkhosi etinhlitiyweni tetfu, ubusa konkhe 

lesingiko nakokonkhe lesikwentako. Nati tintfo letimbalwa kuleto tintfo letinyenti 

langatiphatsa asasihola: 

1) Uphetse emehlo-loko lesikubonako! 

2) Uphetse tindlebe- loko lesikuvako! 

3) Uphetse tindzebe temlomo- loko lesikushoko! 

4) Uphetse umlomo- loko lesikudlako! 

5) Uphetse tandla- loko lesikwentako nome lesingakwenti! 

6) Uphetse tinyawo- lapho siyakhona nome lapho singayikhona! 

4. Imphilo lengcwele iveta titselo tamoya 

Siphetfo: 

a. KubaseGalathiya 5:22-23 Pawula ukhuluma ngetitselo taMoya Longcwele leti 

“lutsandvo, kujabula, kuthula, kubeketela, bubele, kulunga, kwetsembeka, 

kutfobeka nekutibamba.” 

b. Ngalokusobala, letimo letingenhla tiyatfolakala emphilweni legcwaliswe ngaMoya. 

Bungcwele ngekwendalo buyaticitsekela –nje ngobe buba yiDNA yetfu. 

Ingabe imphilo yakho icicima bungcwele yini? Nangabe kungenjalo, yini legeletako kuwe eveni? 

Ulungele yini kuvumela Khristu kube abeyinkhosi enhlitiyweni nasemphilweni yakho futsi 

akunike kuncoba lamuhla? Lilathi livulelwe wena kutsi ute ucele Nkulunkulu ageze futsi ahlante 

inhlitiyo yakho futsi akuphe emandla ngaMoya Longcwele kube uphile imphilo yebungcwele, 

kuze ubeluswayi nekukhanya kwelive. 

39 

Ngu Rev Paul Mtambo 

Africa Central Field Strategy Coordinator


UmBhalo: Kubase-Efesu 4:12-15 

Singeniso: 

Moya Longcwele Uletsa Bunye 

Siphrofetho sekutfululwa kwaMoya Longcwele ebandleni ngelilanga lePhentekhoste, Phetro 

lakhuluma ngako encwadzini yemisebenti yebaPhostoli 2:16-18, kwaphrofethwa nguJoweli 

(Joweli 2:28-32). Kulesiphrofetho, sibona Moya Longcwele ehlela bantfu bemango esikhundleni 

semuntfu munye lapha nalapha. Moya Longcwele angeke ehlele kuphela kubantfu bemango, 

futsi utawenta umango wemakholwa ebandleni. Lomango wemakholwa wawunebunye 

(Imisebenti YebaPhostoli 2:44-47). 

1. Bunye Lobuphelele Buvela NgaMoya Longcwele 

a. Ngekutfola kukholwa kuKhristu (Kubase-Efesu 4:13) 

b. Ekwatini Khristu (Kubase-Efesu 4:13) 

c. Kulalela Khristu ngalokuphelele (Kubase-Efesu 4:15) 

2. Bunye Lobuphelele Buvela Elutsandvweni 

a. KuKhristu (Kubase-Efesu 4:15; KubaseGalathiya 5:24) 

b. Emtimbeni welibandla (Kubase-Efesu 4:16; KubaseGalathiya 6:10, 5:14) 

3. Bunye Lobuphelele Buvela Ekulaleleni Kutigabatisa (KubaseGalathiya 6:14) 

a. Kutibamba (KubaseGalathiya 5:22) 

b. Kuphikelela nome kuhlupheka lokugcilile impela (KubaseGalathiya 6:2) 

4. Bunye Lobuphelele Ekugcineni Buyaphumelela 

a. Buzuza Bantfu 

b. Buzuza Umhlaba 

c. Buyamehlula Sathane 

Siphetfo Kubonakale kutsi bunye baMoya ebandleni buyalimala nangabe kunetimo 

letiphambene nalokwentekako; “inzondo, inkhani, umona, lulaka, kutigabatisa, kungevani, 

kungavumelani, nekuhawukela…” (KubaseGalathiya 5:20-21). Letintfo, inkhani, kuphikisana, 

kungevani, kungavumelani, konkhe kuvela etinkhanukweni tenyama ngasosonkhe sikhatsi 

letiphikisana nekuholwa kwaMoya (KubaseGalathiya 5:18, 5:22-26). Ngekuveta lutsandvo 

etinhlitiyweni tetfu (KubaseRoma 5:5; KubaseGalathiya 5:22; KubaseKholose 3:14), Moya 

Longcwele uhlanganisa konkhe kanyekanye”… ngebunye lobuphelele…” (KubaseKholose 3:14). 

Ngako-ke, singabona kutsi Moya Longcwele uletsa kuvumelana lokuhle ebandleni leligcwele 

lutsandvo kulomunye nalomunye. 

40 

Ngu Rev Collin Elliot 

Africa South Field Strategy Coordinator



Singeniso: 

Liciniso Ngekuhlanjululwa 

“Nangabe Khristu angesiyo inkhosi yabobonkhe, ngalokunjalo angeke abeyinkhosi.”- 

R S Nicholson 

1. Kungcweliswa Sipho SaNkulunkulu Lasikhetsela Wonkhe Lokholwako: 

(1 KubaseThesalonika 4:3) 

Kuyintsandvo yaNkulunkulu kutsi ufanele uhlanjululwe: kutsi ufanele kubalekela 

tinkhanuko tenyama; 

a. Lokuncono kwaNkulunkulu kwemakholwa (Kubase-Efesu 1:4) 

“Wasikhetsa umhlaba ungakasekelwa kube sibengcwele singabinasici emehlweni 

akhe.” 

b. Insayeya yaNkulunkulu kulabakholwako (KumaHebheru 12:14) “Yetamani kuhlala 

ngekuthula nabobonkhe bantfu, futsi ningcweliswe; ngaphandle kwebungcwele 

kute loyawuyibona iNkhosi.” 

c. Intsandvo yaNkulunkulu kulokholwako (KumaHebheru 10:14-15) 

“Ngobe ngamnikelo munye ubahlante bonkhe wabenta baphelela. NaMoya 

Longcwele usinika bufakazi ngaloku.” 

d. Kufisa kwaNkulunkulu ngalokholwako (1 KubaseThesalonika 3:13) 

“Shangatsi angacinisa tinhlitiyo tenu kuze kutsi ningabi nacala nibe ngcwele 

ebukhoneni baNkulunkulu longuBabe wetfu ngesikhatsi iNkhosi yetfu Jesu ifika 

nabo bonkhe labangcwele bakhe. ” 

2. Kungcweliswa bungcwele baNkulunkulu lobunikwa labakholwako 

labatehlukanisele (1 KubaseThesalonika 4:7) 

Kodvwa Nkulunkulu akasibiteli ebugwadleni, kepha kuphila imphilo lengcwele. 

a. Kungenisa kulahla umkhuba wekona (Lukha 14:33) 

“Kunjalo-ke nakini, nome ngubani kini longafuni kudzela konkhe lanako angeke 

abengumfundzi wami.” 

b. Kudzingeka imphatfo lecinile nekutibamba (1 Phetro 1:15-16) 

“Kepha njengobe lowo lonibitile angcwele, nani-ke banini ngcwele kuko konkhe 

kuhamba kwenu,” Kubhaliwe kutsi: Banini ngcwele, ngobe nami ngingcwele.” 

42

c. Kubita inkonzo yekutinikela (Lukha 1:74b-75) 


“… Kusinika emandla ekumkhonta ngaphandle kwekwesaba sibe ngcwele, 

silunge kuye ngawo onkhe emalanga ekuphila kwetfu.” 

d. Kubulala kwetsembeka lokwehlukene (KubaseRoma 5:12-19) 

“Siya tehlukanisela, kepha Nkulunkulu uyangcwelisa.”- F.B.Meyer 

3. Kungcweliswa kutfolakala ngekuphikelela ekukholweni (1 KubaseThesalonika 

5:23-24) 

“Shangatsi Nkulunkulu, Nkulunkulu wekuthula, anganingcwelisa ngalokuphelele, agcine 

umoya wenu, nemphefumulo wenu, nemtimba wenu, kungabi nasici ekubuyeni 

kwenkhosi yetfu Jesu Khristu. Yena lowo lonibitile uyakwenta loko, ngobe 

wetsembekile.” 

a. Kukubona sikhatsi sengoti (Imisebenti YebaPhostoli 4:31) 

“Nabacedza kuthantaza, lendzawo babehlangene kuyo yatanyatanyiswa. 

Bonkhe bagcwaliswa ngaMoya Longcwele bacala bakhuluma livi laNkulunkulu 

ngesibindzi. ” 

b. Itfolakala ngekulalela lokunekukholwa (Johane 14:11) 

“Ngikholweni kutsi ngikuBabe, na”Babe ukimi; nakungenjalo ngikholweni ngenca 

yalemisebenti.” 

c. Ifakazelwa bukhona baMoya Longcwele (KubaseRoma 15:16) 

“… Kuba sikhonti saKhristu Jesu kubetive, ngikhonta njengemphristi 

ngekushumayela livangeli laNkulunkulu, khona kutewutsi umnikelo longibo betive 

wemukeleke ungcwelisisiwe ngaMoya Longcwele.” 

43 

Ngu Dr Stan Toler 

Mengameli Jikelele


UmBhalo: Jobe 1-6 

Singeniso: 

Bucotfo Lobungeke Buphikwe 

Lamanye emagama laseBhayibhelini latiwa kakhulu lesiwasebentisako ekufundziseni 

nasekushumayeleni kwetfu kuphendvuka, kusindziswa, kuhlawulelwa, kubuyisana, kulunga, 

lutsandvo, kuhlanjululwa, nebungcwele. Encwadzini yaJobe asiwatfoli cishe onkhe lamagama, 

kepha kukhona linye leligcamile, liphelele futsi livakala kahle –Bucotfo. Loko kwakutintfo 

taJobe letinelinani lelikhulu. 

1. Imvelo Yebucotfo Bakhe 

a. Bucotfo baJobe babunebuNkulunkulu, bungcwele futsi bunebuKhristu. 

b. Lombhali walencwadzi utsi (Jobe 1:1, 8): 

- abeyindvodza lemsulwa. 

- abeyindvodza lelungile. 

- abeyindvodza leyesaba Nkulunkulu. 

- abeyindvodza lebalekela lokubi. 

c. Lamagama lamnandzi atsetfwe encwadzini yebufakazi leyabhalwa 

nguNkulunkulu iya kuSathane ikhuluma ngebucotfo baJobe (Jobe 1:8). 

d. Sichaza mavi iWebster ichaza leligama bucotfo ngalendlela lelandzelako: 

- simo sekuphelela 

- kuphila. 

- kunamatsela ebucotfweni nome timphawu tibungcweti 

- kungonakaliswa lutfo. 

- simo nome kuma kwekuphelela nome kungahlukani. 

- kuphelela. 

e. Loku nguloko Nkulunkulu lafuna kube sibe ngiko futsi unemandla ekusenta 

sibemsulwa, silunge, sibe bantfu labesaba Nkulunkulu lababalekela lokubi. 

f. Lobu buhle bebungcwele lesibubona emphilweni yaJobe. 

2. Kuvivinywa Lokukhulu Netilingo Tebucotfo Bakhe 

a. Bucotfo bakhe bahlolwa kepha akabuphikanga (NIV) Kukhweshise (KJV). 

Kususe (NKJV/RSV). Kushiye (NEB). 

b. Umcebo wakhe nekwatiwa kwakhe akuzange kumente alahlekelwe bucotfo 

bakhe (Jobe 1:2-3, 9-11). 

44


c. Khumbula emavi aJesu, “Kuyawuba lukhuni kangakanani kulabo labanjingile 

kungena embusweni welizulu” (Makho 10:23). 

d. Ngesikhatsi alahlekelwa nguko konkhe labenako akazange abulahle bucotfo 

bakhe (1:20-22). 

e. Sifakazelo saNkulunkulu sesibili kuSathane ngebucotfo baJobe sanikwa emva 

kwekwendlula etinhluphekweni (Jobe 2:3). 

f. Ngesikhatsi inyama nematsambo akhe kutsintfwa ngulesifo lesesabekako, 

wabambelela ekupheleleni kwakhe (Jobe 2:4-8). 

g. Ngesikhatsi umkakhe amphika ngobe abesamdzina, akavumanga kulahla 

kuphelela kwakhe (Jobe 2:9-10, Jobe 19:17). 

h. Ngesikhatsi bangani bakhe bamtfwesa licala futsi badvumata inhlitiyo yakhe, 

wabambelela ngekweliciniso kuNkulunkulu. 

i. Ngesikhatsi kubonakala shangatsi Nkulunkulu ukhweshile kuye, akazange 

akulahle kukholwa kwakhe. (Jobe 23:8-12). 

j. Bucotfo bakhe bamsita kubhekana netilingo tekulalana (Jobe 31) 

3. Emandla Ekuphelela Kwakhe 

Siphetfo: 

a. Emandla ekuphelela kwakhe abesepulaneni lenhlawulo lekukhulunywa ngayo 

eThestamenteni leLidzala. 

b. Umhlatjelo wekuhlantwa neminikelo yekushiswa kwakulisiko lelivamile labelenta 

lelalimgcina ahlantekile kanye nemndeni wakhe embikwaNkulunkulu nebantfu. 

c. Loku bekuSidlo lesingcwele saJobe lamuhla lesifanana neSidlo setfu lesingcwele. 

d. Lamuhla asenti imihlatjelo nome iminikelo leshisiwe kepha kalula-nje sikhumbula 

umhlatjelo lesentelwa wona eKhalvari. Ngulapho kuvela khona bungcwele, 

kulunga, nekuphelela. 

e. Ngalesidlo, ngesikhatsi kulukhuni endleleni, Jobe waba nemandla ekutsi: “Ngiyati 

kutsi umhlengi wami uyaphila…” (19:25-27). 

f. Emandla ekuphelela kwetfu nemphilo yebungcwele kuvela ebudlelwaneni 

lobukhulu nekuhlanganyeleni neMhlengi wetfu njengobe sifundza imibhalo 

yaJohannine ( 1 Johane 1:5-7). 

Nkulunkulu ufuna emadvodza nebafati labanekuphelela lokukhulu. Ngenca yelisu lakhe 

lelimangalisako lensindziso nemusa losindzisako angasinika lesimo sebungcwele. Moya 

Longcwele, umdvudvuti, utasisita kugcina futsi singalahli kuphelela kwetfu ngesikhatsi 

sivivinywa. 



45

Luhlaka Lwetinshumayelo Lwekugubha Bungcwele Iviki 6 

Umbhalo: Matewu 5:14-48 

Singeniso: 

Phelelani Njengobe Uyihlo Wasezulwini Aphelele 

Kubitelwa kwemKhristu ekupheleleni kuyachubeka kukhulunyiswana ngako emakholweni 

etindzaweni letehlukene. Kuphelela kwemKhristu kuyatfolakala, kepha akuveli-nje esitjeni 

selisiliva. Kunetintfo letimbalwa emphilweni yalokholwako letidzinga kulungiswa kahle kuze 

alandzele lolubito. Jesu Khristu uveta imishikashika yebantfu lesiphohlongo ledzinga lusito 

lwaNkulunkulu sisaya ekupheleleni. 

1. Kungenteka yini kutsi umuntfu aphelele njengaNkulunkulu? 

a. Kuphelela kungatfolakala, futsi kudzinga kutsi sente lolukhetfo lolulandzelako: 

1) Ungatondzi bantfu ngaphandle kwesisusa 

2) Kuhlanganisa budlelwane lobephukile 

3) Ungayivumeli imicabango legcwele kona 

4) Gcina bungcwele bemshado 

5) Khuluma liciniso 

6) Vimbela bantfu labenta lokubi 

7) Kutsandza titsa tetfu nalabo labasitondzako 

8) Kuthantazela labo labasihluphako 

2. Indlela lecondze ekupheleleni ayimalula 

Siphetfo: 

Jesu Khristu usikhombisa indlela yekuphelela yebuKhristu nome-nje ingahlangani nekucondza 

kwelisiko. Kubhekana naletinsayeya letisiphohlongo nekukhula ekuhambeni kwetfu kwamoya 

nebudlelwane naJesu Khristu kuze kutsi sitincobe kuyindlela yekuba njengaKhristu. 

46 




UmBhalo: Eksodusi 3:5-6 

Singeniso: 

Kubonakalisa Bungcwele BaNkulunkulu 

“Ungasasondzeli, kwasho Nkulunkulu. Khumula tincabule takho, ngobe lendzawo lome 

kuyo ingumhlabatsi longcwele. Wase utsi, NginguNkulunkulu wabokhokho bakho, 

Nkulunkulu wa-Abrahama Nkulunkulu wa-Isaka naNkulunkulu waJakobe! Kuloku, Mosi 

wambonya buso bakhe, ngobe esaba kubukana naNkulunkulu.” 

Kubonakalisa bungcwele baNkulunkulu kusho kubeka eceleni kutati nekutigabatisa, kuze 

labanye basindziswe. 

1. Kungani kufanele sibenendzaba ngebungcwele? (2 KubaseKhorinte 7:1) 

“Bazalwane, njengobe letetsembiso titetfu, asitihlante kuko konkhe lokungcolisa umtimba 

nemoya, siphile imphilo yebungcwele lobuphelele ngekwesaba Nkulunkulu.” 

a. Bungcwele buchaza Nkulunkulu (1 Phetro 1:16) 

“Umbhalo utsi: Banini ngcwele, ngobe nami ngingcwele.” 

b. Bungcwele kuthantaza ngenhlitiyo lenhle kuNkulunkulu (KumaHebheru 12:14) 

“Yetamani kuba nekuthula kubo bonkhe bantfu nifune kungcweliswa; ngobe kute 

loyawuyibona inkhosi angakangcweliswa.” 

Bungcwele abusilo lukhetfo-nje. Budzingeka njengekudla kwemphilo yetfu 

yakamoya” R.S Taylor 

2. Itsini imphendvulo yetfu ebungcweleni baNkulunkulu? (KubaseRoma 1:20) 

Kusukela ekudalweni kwemhlaba nemkhatsi emandla akhe laphakadze nebuNkulunkulu 

bakhe bebufihlakele emehlweni ebantfu; noko bekukhona etingcondvweni kutsi 

bubonakale etintfweni latentile, ngako-ke bate taba. 

a. Kushisekela Nkulunkulu (Matewu 6:24) 

“Kute umuntfu longakhonta emakhosi lamabili, ngobe uyakutondza lenye 

atsandze lenye, nome uyakwetsembeka kulenye ayedzelele lenye. Ungeke 

ukhonte Nkulunkulu nemcebo.” 

b. Kwehlukanisa emhlabeni (Matewu 5:48) 

“Ngako-ke banini ngulabaphelele, njengobe neYihlo losezulwini aphelele.” 

“Bungcwele kwehlukanisa kwemuntfu kuze azuze umgomo losetulu ekusebenteni 

kubo bonkhe bantfu.” –John A Knight 

c. Kushisekela kufanana naKhristu (Matewu 22:37-38) 

47

“Jesu watsi: Üboyitsandza inkhosi Nkulunkulu wakho ngayo yonkhe inhlitiyo 

yakho, nangawo wonkhe umphefumulo wakho nangayo yonkhe ingcondvo 

yakho.”Ngulowo-ke umyalo lomkhulu newekucala.” 

Luhlaka Lwetinshumayelo Lwekugubh Bungcwele Liviki 7 

3. Ngako-ke singabubonakalisa kanjani bungcwele baNkulunkulu? (I KubaseKhorinte 

1:30) 

Siphetfo : 

“Kungenca yakhe kutsi sikuKhristu Jesu, lobeyinhlakanipho yetfu levela kuNkulunkulu- 

lokukulunga kwetfu, bungcwele nensindziso.” 

a. Kutondza sono ngaphandle kwetetsiyo ( 1 Johane 3:6) 

“Wonkhe umuntfu lohlala kuye akoni, lowonako akazange asambone, futsi 

akamati.” 

b. Lutsandvo lwebantfu lolungakhetsi ( 1Johane 3:1a) 

“Ase nibuke lutsandvo lolungaka Babe lasinike lona kutsi sibitwe ngekutsi 

sibantfwana baNkulunkulu… ” 

c. Kutidzela kuze kusitakale labanye (Johane 3:16) 

“Nkulunkulu walitsandza live kakhulu kangangekutsi wadzimate wanikela 

ngeNdvodzana yakhe lekukuphela kwayo, kuze kutsi nome ngubani lokholwa 

ngiyo angabhubhi kodvwa abe nekuphila lokuphakadze.” 

“Bungcwele lobuphelele akusiso siphetfo, kodvwa kuvamise kuba sicalo esikhatsini sonkhe 

semphilo emsebentini lodzeliwe. ”- R.S.Taylor 

Ngu Dr Stan Toler 

Umengameli Jikelele Lowengamele Sifundzakati 

seAfrikha eBandleni LemNazarene 

48


UmBhalo: Matewu 22:35-40 

Singeniso: 

Umyalo Welutsandvo Lokhanyako 

Bukhulu bebungcwele bubanti futsi bujulile. Kunekuhlantwa kwemuntfu ngamunye lokutichaza 

ngendlela lenikhulumisana ngayo. Etimfundzisweni taJesu eThestamenteni Lelisha kulesahluko, 

kuneluhla lwetindlela letehlukene tekutsandza Nkulunkulu namakhelwane wetfu. Lamuhla 

siphila emhlabeni lapho leligama lelitsi lutsandvo lingasho nobe ngayini futsi lisetjentiswa kuko 

konkhe. KumKhristu, inchazelo ye “lutsandvo” ngeke ifanane nenchazelo levamile esitaladini. 

1. Lutsandvo luchaza bungcwele 

2. Lutsandvo Simo SaNkulunkulu 

a. Lutsandvo lwemuntfu luchubeka elutsandvweni lwaNkulunkulu 

b. Kufanele sibonakalise lutsandvo lwaNkulunkulu 

3. Bungcwele bunekuhlangana lokukhulu 

a. Lutsandvo ngumlayeto lomkhulu waMosi nebaphrofethi. 

b. Mosi wafundzisa kutsandza Nkulunkulu namakhelwane 

c. Baphrofethi banika bantfu insayeya yekutsi batsandze Nkulunkulu namakhelwane 

wabo. 

d. Kutsandza Nkulunkulu kuphela akukapheleli 

e. Kutsandza umuntfu kuphela akukapheleli. 

4. Lutsandvo lucabanga imbewu lenhle esonini 

5. Lutsandvo alwenti kulabanye loko lomunye langakufuni kutsi kwenteke kuye 

6. Lutsandvo lukhulu kunesento sangaphandle 

7. Lutsandvo Sibonakaliso Sekuphendvuka 

a. Umusa 

b. Kuhlupheka sikhatsi lesidze. 

c. Kujabula ecinisweni 

d. Lubeketelela tonkhe tintfo 

e. Kukholwa tonkhe tintfo 

f. Kwetsemba tonkhe tintfo 

g. Kucina kuto tonkhe tintfo 

Siphetfo: 

Lutsandvo luyintfo leyodvwa lebaluleke kakhulu ebudlelwaneni betfu, futsi lube ngulolucinisile. 

Sibitelwe kutsi sitsandze, hhayi ngendlela yasemhlabeni, kepha ngendlela yebungcwele 

leliciniso. 

49 




UmBhalo: KumaHebheru 3:7-19 

Singeniso 

Phumula – Siphetfo Lesilandzelako! 

Ngiyabonga futsi ngiyajabula ngaloko lokwentiwa nguNkulunkulu ebandleni letfu. Kulamaviki 

lambalwa lendlulile Nkulunkulu usibusise ngekwehlela kwaMoya Longcwele wakhe longaphikeki 

.Bantfu labanyenti beta elathini batfola kuncoba nekuphiliswa ebukhoneni baNkulunkulu. 

Ngempela Nkulunkulu wenta intfo lensha ebandleni letfu futsi ngilangatelela kuyibona lapho iya 

khona. Kunyenti Nkulunkulu lafuna kusentela kona nalafuna kukwenta kitsi. Ufuna kukwenta 

ngalokungetulu , ngebunyenti ngetulu ngisho kwalesingakucela nome sikucabange. Indzaba 

yami lamuhla ngulena: Siyiphila kanjani imphilo yetfu ngesikhatsi sisuka elathini bese sishiya 

emabandla etfu. Nasisuka lapha siyaphi? 

1. Sitsembiso Sekuphumula 

a. EmaIsrayeli abenaleyonkinga. 

1) Abephila njengetigcila, phansi kwekucindzetelwa lokukhulu nekuhlupheka 

eveni laseGibhithe. 

2) Ngaloko-ke Nkulunkulu wawakhulula ebugcilini baFaro wawayisa eveni 

lesetsembiso. 

3) Aba nekukholwa lokukhulu futsi alalela Nkulunkulu ngesikhatsi akholwa 

Mosi amlandzela nakaphuma eGibhithe. 

4) Kepha, “kukhululeka” kwabo kwangempela kwabonakala ngekushesha 

nabesuka ngesikhatsi babona kutsi Faro bekabalandzela afuna 

kubabuyisela ebugcilini. 

5) Kukhululeka kwabo akuzange kube siphetfo lesihle endzabeni 

yekuhlupheka kwabo, kwaba kucala kwabo kuhamba naNkulunkulu. 

Inhloso bekungasiko-nje kukhululeka ebugcilini, kepha futsi 

kwakukungena eveni lesetsembiso, iKhenani. Nkulunkulu wetsembisa 

bantfu bakhe lokuphumula. 

b. Nalamuhla kunjalo kitsi. 

1) Insindziso yetfu, kwemukela Jesu Khristu njengeNkhosi neMsindzisi 

wetfu, loko kusicalo seluhambo. Sashiya live lesono nebugcila, kepha 

akusiso siphetfo sendzaba; Nkulunkulu unalokunyenti kakhulu lasibekele 

kona kuloluhambo lwekukholwa. 

2) Njengebantfu bakaIsrayeli, ufuna kube singene ekuphumuleni kwakhe. 

Lapha iKhenani ayisho kutsi nangabe sifa futsi siye ezulwini, kepha kusho 

kutsi singangena manje ekuphumuleni kwaNkulunkulu. 

51


2. Tetsiyo Tekuphumula 

a. Kungakholwa kwabo (KumaHebheru 3:19) 

Nkulunkulu watsi abahambe batsatse lelive. Batsi bangeke bakwente loko, 

sinjengetintsetse (Numeri 13:33). Kunekutsi babhekise emehlo kuNkulunkulu wabo 

lomkhulu, babheka etetsiyweni tabo futsi umphumela waloko waba kutsi bazulazula 

ehlane iminyaka lengemashumi lamane kwabate namunye kubo ngaphandle 

kwaboJoshuwa naKhalebi, labangena eveni lesetsembiso nesitukulwane lesisha. 

b. Tinhlitiyo tabo letihlubukile, naletilukhuni (3:8) 

c. Kungalaleli kwabo (3:18) 

3. Imiphumela yemphilo yebuKhristu lenesiyaluyalu 

a. Kuzulazula, sifuna kodvwa singakutfoli kwenetiseka emiphefumulweni yetfu 

b. Kukhonona, kusola lokuholela kulolonkhe luhlobo lwenjwayelo nemikhuba lemibi 

lengakuholela ngisho nasekutfunjweni. 

c. Kuthantaza titfombe, nekuphelelwa ngemandla ekukhumbula (lokwenta kutsi 

bantfu bakhohlwe ngalokwengcile imizuzu lembalwa) 

d. Kwehlukana naNkulunkulu 

4. Kuphumula lokunemandla 

Ngukuphi lokuphumula Khristu lasinika kona? 

a. Setsembiso saNkulunkulu sabobonkhe labakholwako. 

b. Kuphumula ekwetameni kutfola insindziso yetfu nekungcweliswa ngemitamo 

yetfu. Kuphumula ekwetameni futsi ngasosonkhe sikhatsi wehluleke. 

Lomsebenti Khristu lawenta esiphambanweni kwaba ngumsebenti lophelele. 

Akukanciki emitameni yetfu. Lona ngumlayeto lomkhulu wencwadzi 

yemaHebheru: Khristu mkhulu kunemphristi weliThestamente leLidzala 

nemihlatjelo ngobe wangena esihlalweni saNkulunkulu sebukhosi 

wabangumhlatjelo wabo bonkhe kuze sono sabo bonkhe sitsetselelwe. 

c. Kukukhululeka kunembeza lomubi. Etikhatsini letinyenti, sicindzetelwa ngulokubi 

lesikwentile futsi kwebe kuthula kitsi. Lomunye wakhonona ngekutsi abakhoni 

kulala wase lomunye umuntfu ubuta kutsi, “Ngubani lowambulala?” Kuliciniso 

kutsi nembeza lomubi angabayimbangela yekucindzeteleka lokukhulu 

nesiyaluyalu etimphilweni tetfu. Kodvwa, Nkulunkulu wanikela ngaJesu Khristu. 

KumaHebheru 10:22 utsi “asisondzele kuNkulunkulu, tinhlitiyo tetfu tinyenyetiwe 

tahlanjululwa kunembeza lomubi”. 

d. Kukhululeka kutfokotela bukhona baNkulunkulu. Ikhenani itawubayindzawo 

yebakaIsrayeli, indzawo lapho ahlala khona Nkulunkulu futsi lapho batamkhonta 

khona ngekukhululeka. Indzawo lapho batawuva bumnandzi bebukhona 

52

Siphetfo: 

baNkulunkulu. Kitsi akusiyo indzawo yemvelo, kepha kuyintfo leliciniso ngempela 

kutsi singangena ebukhoneni baNkulunkulu ngesibindzi, hhayi ngenca 


yemisebenti yetfu, kodvwa ngenca yebukhulu bemnikelo waKhristu. 

Lesimangaliso lesisibonako nasisebandleni setfu kube siye naso ekhaya; singeva 

bumnandzi bebukhona baNkulunkulu losetikwako konkhe etimphilweni tetfu 

liminithi ngeliminithi. 

e. Kutsela titselo kukukhululeka. Kuhlala etibusisweni taNkulunkulu. Kubona 

kugcwaliseka kwetetsembiso takhe. Loko kwakungu lokukhona kubakaIsrayeli. 

Asikamiselwa kube sime ndzawonye futsi siphile ngekuncotjwa. Simiselwe 

kuncoba. 

f. Kukuthula naNkulunkulu. KubaseRoma 5:1 utsi, “Njengobe, sesentiwe 

semukeleka kuNkulunkulu kutsi silungile ngekukholwa, sesinekuthula 

naNkulunkulu ngenkhosi yetfu Jesu Khristu.” 

Lesimemo sekungena ekuphumuleni kwaNkulunkulu solo sisemile. KumaHebheru 3:7 utsi, 

“Lamuhla, naniliva livi laNkulunkulu ningatenti tibe lukhuni tinhlitiyo tenu njengobe [emaIsrayeli] 

amhlubuka.” KumaHebheru 4:1 utsi lesetsembiso sekungena ekuphumuleni kwakhe sisemile. 

Jesu watsi, “Wotani kimi, nine nonkhe lenikhatsele nalenisindvwa ngimitfwalo, ngitaniphumuta” 

(Matewu 11:28). Ungeta yini lamuhla ungene ekuphumuleni kwaNkulunkulu? 

53 

Ngu Rev Samantha Chambo 

Africa Regional NMI Coordinator


UmBhalo: Tihlabelelo 29:1-2 

Kukhonta Inkhosi Ebuhleni Bebungwele 

1. Inchazelo yekukhonta 

a. Kukwesaba nome kukhombisa inhlonipho kuNkulunkulu. 

b. Kudvumisa, inhlonipho nekubonga Nkulunkulu. 

c. Ngumsebenti nome inkonzo lesiyenta kuNkulunkulu nome siyentele Nkulunkulu. 

d. Ngumsebenti nome inkonzo lesiyenta nome siyentele umuntfu ngaNkulunkulu. 

e. Sento sekukhonta sicala ngesikhatsi sisindziswa sichubeke phakadze 

naphakadze. 

1) Kukhonta akucali ngesikhatsi singena emnyango welisontfo futsi akugcini 

ngesikhatsi kushiwo umthantazo wekuvala (KubaseRoma 12:1-2). 

2) Tihlabelelo nemaculo tingoma letihlatjelwa libandla lamuhla nasidvumisa, 

kepha letingoma taHaleluya lesititfola encwadzini yeSembulo ngemaculo 

lesitawahlabela ezulwini phakadze naphakadze. 

2. Umamukeli wendvumiso 

a. Enhlitiyweni yemKhristu lodvumisako kunaNkulunkulu lucobo lwakhe. 

b. Nasidvumisa simnika bukhosi nekubonga. 

c. Nasidvumisa siyatikhohlwa tsine sicabange ngaye. 

d. Kufanele sicaphele kutsi tento tetfu tonkhe nemisebenti yekukhonta kunika 

ligama lakhe ludvumo nebukhosi hhayi kitsi. 

e. Umthantazo wetfu kufanele ungabi sento sekutijabulisa nekutilibatisa 

njengebaFarisi kuMatewu 6:1-5, nome baFarisi kuLukha 18:9-12, kepha 

njengesibonelo semtselisi kuLukha 18:13-14. 

3. Buhle bekukhonta 

a. Siyalwa kutsi sikhonte Simakadze ngetembatfo tebungcwele (Tihlabelelo 28:2; 

96:9). 

- Khonta Simakadze ngetembatfo tebungcwele. (RSV) 

- Wota kuye ugcoke tembatfo tebungcwele (Living Bible) 

b. Tembatfo tebungcwele kunjengetingubo letigcokwa baphristi endzaweni 

lengcwele. 

1) Umkhuba wekugcoka tembatfo tetfu letinhle nasikhonta kuhle futsi 

kufanele kukhutsatwa, kodvwa lomyalo ungetulu kwaloko. 

2) Ingubo yetfu yekukhonta yingubo yensindziso lesiyinikwa nguNkulunkulu 

cobo lwakhe (Isaya 61:10, Sembulo 7:9-41). 

3) Lengubo ingumfanekiso waNkulunkulu kitsi. Kufanana naKhristu. 

c. Ngesikhatsi umPhrofethi Isaya efika kutawukhonta Simakadze eThempelini 

tembatfo temphilo yakhe betingcolile futsi tibovu, kodvwa ngesikhatsi akhala 

acela intsetselelo sono sakhe sahlantwa (Isaya 1:18; 6:7). 

d. Umphostoli Pawula utsi sifanele kukhumula umuntfu lomdzala, sembatse umuntfu 

lomusha. (Kubase-Efesu 4:20-24; KubaseKholose 3:12-14). 



54

Luhlaka Lwetinshumayelo Lwekugubha Bungcwele Inshumayelo-Legcwele: 

Kuhlantwa NgaMoyo LoyiNgcwele 


Singeniso: 

Kuhlantwa Kuze Uyekele Kona 

Kuhle kutsi sikhunjutwe sikhatsi ngesikhatsi kutsi kungani Jesu asifela. Nangabe sivumela kufa 

nekuvuka kwaJesu kutsi kube yintfo yakadzeni futsi kwetayeleke, sitifaka engotini yekukubukela 

phansi. Sifanele kucaphela kutsi singaweli kulolugibe lwekucabanga kutsi njengobe Nkulunkulu 

aphangisa kutsetselela tono tetfu nangabe sivuma, akunandzaba kutsi sentani emphilweni yetfu 

yemalanga onkhe uma “sihlobise sikweneti setfu ” naNkulunkulu busuku ngebusuku ngaphambi 

kokuba silale. Jesu wetela kutasikhulula esonweni, hhayi kukhulula sono. 

1. Sono siholelana ekufeni 

a. Inhlawulo ayigucuki. 

1) Nkulunkulu watjela boAdamu naEva kutsi batakufa nangabe bangalaleli 

imiyalo yakhe. 

2) Kusukela ngalesosikhatsi sekungalaleli kwabo, behlukana naNkulunkulu.. 

3) Lamuhla, sono solo sisehlukanisa naNkulunkulu. 

b. Umtsetfo waNkulunkulu awukagucuki. 

1) Kungalaleli solo kusono – kulalela tinkhanuko tebumnyama kukungalaleli 

Nkulunkulu. 

2) Bubi solo busono – kuhlanganyela emikhubeni lemibi kukhomba 

kunganaki Nkulunkulu nekulunga kwakhe. 

c. Kukhona lokufanele kufe 

1) Nangabe sichubeka nekona, ngaloko sitakufa. 

2) Nangabe sifuna kuphila kuKhristu, ngaloko asife esonweni. 

2. Kufa kwaKhristu kwasikhulula ekoneni 

a. Labo labakuKhristu abasesito tigcila tesono. 

1) Emandla aMoya Longcwele makhulu kunemandla esono. 

2) Kuvuka kwaKhristu kwabulala emandla esono kulabo labakholwa kuJesu. 

b. Asisadzingi kuphindze sitsi “lesilingo besinemandla, angikwati kutisita”. 

3. Imphilo lensha yaKhristu isinika kuphila 

a. Imphilo sibili budlelwane naNkulunkulu 

1) Sadalelwa kuba nebudlelwane naNkulunkulu. 

2) Inhloso yetfu kukhonta nekumdvumisa ekuphileni kwetfu konkhe. 

b. Singemathulusi aNkulunkulu ekulunga 

1) Imphilo yetfu yelilanga ngelilanga ifanele kuba sifakazelo semusa. 

Siphetfo: 

2) Bungitsi bonkhe – imicabango, tento, emagama – kufanele kukhombise 

bungcwele baNkulunkulu. 

Intsetselelo ayikwesuli lokubhaliwe ngetono tetfu kuze sicale kabusha nesono. Kufa nekuvuka 

kwaJesu Khristu kuyasihlanta etonweni tetfu kutsi sikhululeke kuphila imphilo lengcwele 

nalehlantekile phambi kwaNkulunkulu emandleni aMoya Longcwele. Tsine Khristu lasabonakele 

kitsi asingabonakali sinesono. Singamane, sibe tintfo taNkulunkulu siholele labanye kulomusa 

waNkulunkulu nasetindleleni tekulunga. Sifanele kuba titfunywa tensindziso emhlabeni lofako 

nalogcwele sono nebufakazi lobuphilako bemandla nemusa waNkulunkulu. 

55


Kuhlantwa Nga Moyo LoyiNgcwele 

UmBhalo: Matewu 4:1-11 

Kuhlantwa Kuze Umelane Neslingo 

Singeniso: 

Kusono yini kulingwa? Ngempela akusiso! Kuba nguloko lesikwentako ngesikhatsi silingwa 

lokuncumako kutsi siyona yini noma cha. Kuvimbela silingo kufanana nekusebenta kwamoya – 

ngesikhatsi sala, sicinisa imisipha yetfu yakamoya. Ingabe loko kusho kutsi ekugcineni sitawuba 

nemandla ekuba singabe sisalingwa yini? Ngenhlanhla lembi angeke. Lena yingoti lekufanele 

siyicaphele – tilingo tingabanguletisitsekile futsi nangabe sichosha njengekuticabanga singetulu 

kufinyelela ekulingweni, singawa futsi singaboni size sishayise emhlabatsini. 

1. Jesu wavimbela kulingwa ngekulalela nangelwati lwemBhalo 

a. Jesu walingwa kuze enelise tidzingo tebuntfu ngendlela lengesiyo 

1) Sathane wetama kukhohlisa Jesu kutsi kwenetisa sidzingo lesivunyelwe 

ngumtsetfo kulilungelo lakhe. 

2) Jesu waphendvula ngekutsi kulalela kubaluleke kakhulu kune ‘malungelo’ 

b. Jesu walingwa kusebentisa umBhalo kuphocelela Nkulunkulu kube alalele Jesu. 

1) Sathane washo livesi lemBhalo kusho kutsi Jesu angayenta imitsetfo 

Nkulunkulu langayilalela. 

2) Jesu wavimbela lelogibe ngekunaka ingcikitsi yonkhe yeliBhayibheli. 

c. Jesu walingwa kuze atfole lihumusho lelemukelekako ngentsandvo yaNkulunkulu 

ngemphilo yakhe. 

1) Sathane unika lokunye longakwenta kuveta imiphumela lefananako 

ngaphandle kwekubhadala intsengo. 

2) Jesu waphindze waphendvula ngembhalo nangekulalela intsandvo 

yaNkulunkulu njengentfo lencono langayenta. 

2. Natsi futsi singakuvimbela kulingwa ngekulalela nangelwati lwemBhalo 

a. Kuba netidzingo letivunyelwe ngumtsetfo akusibeki licala kube sone. 

1) Nkulunkulu uyatinaka tidzingo tetfu tekudla, kwembatsa, nendzawo 

yekuhlala, nalokunye. 

2) Ufuna kube siletse kuye letotidzingo kuze atesikhombisa indlela lencono. 

b. Singeke sisebentise umBhalo kuphocelela sandla saNkulunkulu. 

1) Tikhulumi letihlakaniphile atilikhulumi liciniso ngasosonkhe sikhatsi, 

ikakhulu nangabe basho loko lesifuna kukuva. 

2) Sifanele kufundzisisa liBhayibheli kuze sihlole emagama abo kubona kutsi 

aphuma kuNkulunkulu. 

c. Asikafaneli kwetama kufeza intsandvo yaNkulunkulu ngendlela yetfu. 

1) Singeke sitikhetsele indlela lelula futsi sigcine lapho Nkulunkulu afuna 

sibe khona. 

2) Kuvumelana nencenye yentsandvo yaNkulunkulu kukulahlekelwa. 

3. ImiBhalo neMoya Longcwele kusinika konkhe lesidzinga kukwati. 

a. Sifanele kufundzisisa kuze singakhohliswa. 

b. Sifanele kwetsemba Moya Longcwele lotasisita kuvimbela tilingo 

lesitawubhekana nato. 

Siphetfo: 

Nkulunkulu ubheke kutsi sifundze kulesikubonile sigucukele kuye kucondziswa nangabe site 

siciniseko kutsi sitsatsa yiphi indlela. Jesu akasiniki-nje kuphela sibonelo lesitasilandzela, kepha 

uphindze atfumele Moya Longcwele wakhe kusinika emandla ekuvimbela emacebo alomubi. 

Kute kulingwa lokunemandla lamakhulu kutsi kungeke kuvinjwe. Asitinikele kufundza livi futsi 

56

silifihle etinhlitiyweni tetfu kuze kutsi singoni kuNkulunkulu. Asibhekise tinhlitiyo netingcondvo 

tetfu kuMoya Longcwele kuze ahole tinyatselo tetfu etindleleni letitfokotisa Nkulunkulu. 



UmBhalo; Johane 8:1-11 

Singeniso: 

Kuhlantwa Kuze Uyekele Imphilo Yekona 

Ngalesinye sikhatsi bantfwana baNkulunkulu banaka kakhulu sono etimphilweni talamanye 

emakholwa kunekutsi umuntfu anake umtsetfo waNkulunkulu. Mhlawumbe sitsandza 

kucabanga kutsi kube Nkulunkulu abenganaka kakhulu lomunye umuntfu “logcwele sono” 

kunatsi, abengeke atinake tindzawo temphilo yetfu letinguloko letingakafaneli kuba nguko. 

Inkinga ngekufinyelela kuloko kutsi ngisho “nesono lesincane” asemukeleki kuNkulunkulu. 

1. Tingoti Tini Tekona Jesu lasecwayisa kuto? 

a. Kwenta loko lokungavunyelwa ngumtsetfo waNkulunkulu. 

1) Kwephula umyalo, njengobe umfati atfweswa licala (lekuphinga) 

2) Kulinga Nkulunkulu, njengobe baholi bebenta ngekwetama kukhohlisa 

Jesu. 

b. Kungenti loko lokushiwo ngumtsetfo waNkulunkulu. 

1) Kuletsa umtsetfo – kube baholi bebanenshisekelo ngemtsetfo lendvodza 

ngabe nayo yabekwa licala. 

2) Kukhombisa umusa – kube bebanenshisekelo ngemphefumulo walomake, 

kumphoca nekumgcoba ngematje bekungeke kumente aphendvuke. 

2. Sibonelo sini Jesu lasinika sona? 

a. usikhumbuta kutsi Nkulunkulu utawusebentisa imitsetfo yetfu yekulunga 

ngesikhatsi asehlulela. 

1) Sifanele kukhumbula kutsi kungemusa waNkulunkulu kuphela, kutsi sono 

setfu sisuswe. 

2) Sifanele kuhlola tinhlitiyo netimphilo tetfu kuze singetiwubuka licashata 

esweni lalomunye kube tsine sinelipulango kuwetfu. 

b. Njengobe sisaphila, sifiso saNkulunkulu ngatsi akusiko kwehlulelwa kepha 

kuphendvuka. 

1) Akusho kutsi Jesu akasinaki sono setfu nome ente shangatsi 

kuvumelekile kona. 

2) Nangabe sivuma sono setfu, Jesu usinika umusa nentsetselelo. 

3. Jesu usinika mlayeto muni? 

a. Hamba ushiye imphilo yekona 

1) Kwekucala, usinika intsetselelo ngaphandle kwekusilahla ngelicala. 

2) Bese, usitjela ngalokusobala kutsi intsetselelo akusiyo “imvume yekona”. 

b. Loko Jesu lasiyalo ngako, ukwenta kwenteke. 

1) Njengobe Jesu asitjele kutsi sishiye imphilo yetfu yekona, siyati kutsi 

kungenteka. 

2) Jesu, ngaMoya Longcwele, usipha emandla ekuphila imphilo lengcwele, 

lete kona. 

Siphetfo: 

Sikhona yini sono longakasivumi emphilweni yakho? Ngabe wetama kulwa nesono lesitsite 

ngasese kepha uchubeke usente? Wake waba neluvalo lwekwehlulela lomunye ngenhloso 

yekumjezisa kunekuphendvuka? Ingabe simo sakho etonini sikhombisa Nkulunkulu lotfukutsele, 

lolungele kunika sigwebo, nome Nkulunkulu lonelutsandvo lolungele kunika sihawu 

nentsetselelo? Cha, asifuni kudzelela sono nome sente shangatsi lesosono asikho nome 

akunandzaba. Kodvwa, sifuna kuphila livangeli lelinika umusa futsi lifune imphilo lengabuswa 

sono. Jesu usiyala kutsi sishiye imphilo yetfu yekona sihambe naye ebungcweleni. Moya 

57

wakhe Longcwele wenta tintfo tenteke emphilweni ngesikhatsi ahlanta tinhlitiyo tetfu 

ngekukholwa. 


Kuhlantwa Nga Moyi LoyiNgcwele 

Kuhlantwa Kuze Ukwati Kubamba Imicabango Yakho 

UmBhalo: 2 Samuweli 11:2-5; Matewu 5:27-30 

Singeniso: 

Ngeke kwenteke kutsi ufundze liBhayibheli ngebucotfo ube ucabanga kutsi sono asinandzaba 

kuNkulunkulu. Singetama kutitjela kutsi seloku sisakwati kuyifeza inkonzo yetfu kuNkulunkulu, 

loko lesikwentako kucondzene natsi, imphilo yangasense ayisho lutfo, kepha sitabe sitiyenganje. 

Nkulunkulu ufuna kube sitinikele kuye ngalokuphelele (100%), kusukela phansi 

kulokuncane kwetimphilo tetfu, lokufaka ekhatsi imicabango yetfu, imicabango lengeke yenteke, 

nemicabango lebunjiwe. Akenetiswa ngulokuncane. 

1. Asoni ‘ngengoti’ 

a. Silingo singativeta ngendlela lekhangako 

1) Silingo sivamise kukhanga ekutiboneleleni kwemvelo netinkhanuko. 

2) Sifuna kugcwalisa leto tinkhanuko ngetindlela letingakafaneli. 

3) Silingo singasiwunga, kepha singeke sisiphocelele kube sone. 

b. Silingo sibasono kitsi ngesikhatsi siya kuso. 

1) Ngesikhatsi kutsi jeti kubakubuka – njengesikhatsi Davide abuka 

Bathsheba. 

2) Nasitsatsa sinyatselo – nasihlala ekulingweni bese sicala kucabanga 

tindlela tekutfola noma yini lesinikwa yona. 

3) nangabe singavumi kubuyela emuva futsi sikhetse kuhlala esimeni 

lesikhangako nome esimeni sekutentisa – kube Davide wabuyela emuva, 

ngabe akonanga. 

2. Asikahlantwa ngengoti 

a. Emakholwa afanele kukhetsa indlela lekahle ngesikhatsi kwentiwa lukhetfo. 

1) Kufanele sikhetse kutibamba nasilingwa kuze senetise tidzingo tetfu 

netinkhanuko ngetindlela tekona. 

2) Ngesikhatsi sititfola sisetimeni letikhangako, sifanele kukhetsa kuhamba. 

3) Kufanele sikhetse bungcwele ngesikhatsi basinika lukhetfo lwekona. 

b. Nkulunkulu akabheki kutsi sibengcwele ngemandla etfu. 

1) Usinika emandla aMoya Longcwele kusihlanta enkhanukweni yetfu 

yekona. 

2) Usinika bukhona baMoya Longcwele lotasinika emandla ekuphila imphilo 

lengcwele. 

3) Nkulunkulu akasiphoceleli kube semukele futsi silalele Moya Longcwele – 

loko futsi kulukhetfo. 

3. Imicabango yetfu ngumnyango losiyisa esonweni nome ebungcweleni 

a. Nasivumela imicabango yetfu ihlale ekulingweni, sikhetse indlela yekona. 

b. Nasingafuni kuhlala emicabangweni yekulingwa, sikhetse indlela yebungcwele. 

c. nasilwa naSathane netilingo takhe, utawubaleka kitsi futsi sitawukhula 

sibenemandla kutakamoya. 

Siphetfo: 

Indlela leyodvwa yekuba netikhwepha takamoya letinemandla kutisebentisa. Sitisebentisa 

ngekulwa nekulingwa futsi sale kona. Futsi sitisebentisa ngekuphila bungcwele. Sinye 

setinyatselo tekuphila bungcwele kuvumela Moya Longcwele kube ahlante tinhlitiyo tetfu futsi 

aphatse nemicabango yetfu. Yini Nkulunkulu lasiyala kube siyente, futsi nalasipha emandla 

58

kube sikwente. Usiyale kutsi siphile timphilo letihlantekile naletingcwele. Moya Longcwele 

wenta lemphilo lengcwele yenteke. 

59



UmBhalo: Danyela 6 

Singeniso: 

Kuhlanjululwa Kuze Uhlale Wetsembekile 

Ngesikhatsi sibona kutsi bungcwele bebukhona ngetikhatsi teliThestamente Lelidzala, 

ngaphambi kokuba Moya Longcwele abekhona kubobonkhe bantfwana baNkulunkulu, sifanele 

kukhumbula kutsi bungcwele ngulokulindzelwe ngempela ngibo bonkhe balandzeli baNkulunkulu 

lamuhla. Danyela wagucukelwa nguko konkhe – watfunjwelwa kulenye inkhosi yalelinye live 

njengesigcili. Abewalesinye sive futsi nenkholo lengesiyo yalelolive latfunjelwa kulo. 

Watondvwa ngulabanyenti. Kepha Danyela abenentfo yinye lenhle emphilweni yakhe leyenta 

tinkinga takhe taba lite kuye – abenebudlelwane lobucotfo naNkulunkulu welizulu nemhlaba. 

Kwetsembeka kwaDanyela kuNkulunkulu kwatibonakalisa ngesimo sakhe sebucotfo futsi 

waphakanyiselwa ebuholini lobusetulu embusweni ngetulu kwekutsi konkhe bekumelene naye. 

1. Bantfu baNkulunkulu bafanele kuba nesimo lesicotfo 

a. Danyela watentela ludvumo waze wabekwa ebuholini lobusetulu kuhulumende 

walelinye live. 

1) Lenkhosi yati kutsi Danyela angetsenjwa kulungiselela kube kwenteke 

kutsi lenkhosi ingalahlekelwa, kungaba kudzelwa noma inkhohlakalo. 

2) Ngisho netitsa takhe tati kutsi indlela leyodvwa yekumbeka licala 

kukwetsembeka kwakhe kuNkulunkulu. 

b. Lamuhla bantfu baNkulunkulu banesimo naludvumo luni? 

1) Ungetsenjwa yini ekwenteni umsebenti lotsite – noma kutawuzuza “titsa” 

takho – ngaphandle kwekunganaki noma inkhohlakalo? 

2) Ngabe wetsembeke kangangekutsi ngisho netitsa takho tiyati kutsi tingeke 

tikubeke licala ngaphandle kwekuhlasela budlelwane bakho naNkulunkulu 

yini? 

2. Bantfu baNkulunkulu bafanele bahlale betsembekile kuye noma bahlupheka 

a. Kukhonta akube sembili ngekunganaki tici etimphilweni tetfu. 

1) Danyela wachubeka wathantaza futsi wadvumisa Nkulunkulu noma 

umtsetfo wacinisa kutsi loko kutambita imphilo yakhe. 

2) Noma lomtsetfo wawusebenta emalanga langemashumi lamatsatfu 

kuphela, Danyela akazange ayekele kudvumisa ngesizatfu sekutsi 

Nkulunkulu “utawubona” 

b. Ligunya lekudvumisa etimphilweni tetfu liphakeme kangakanani 

1) Tizatfu tini letikwenta ungacitsi sikhatsi naNkulunkulu lilanga ngelilanga 

etifundvweni teliBhayibheli nasemthantazweni? 

2) Yini loyivumela kube ikugcine ungahlangani nalabanye labakholwako 

nikhonte nihlangene (ngelisontfo nome emkhatsini weliviki)? 

Siphetfo: 

Kwetsembeka kwaDanyela etimeni letimatima kusibonelo lesikhulu kitsi. Kepha sinenzuzo 

ngetulu kwakhe. Akusiko kuphela kutsi sinaJesuKhristu njengesibonelo setfu, sinebukhona 

baMoya Longcwele lobuchubekako njengemtfombo wemandla. Singenta tintfo letinkhulu 

kunaDanyela – kwetsembeka kwetfu kungaba sisekelo lesicinile nasibhekene nelusizi. 

Ngesikhatsi Moya Longcwele asihlanta, ususa kutati nekutichenya kuze sime sicinile futsi sihlale 

setsembekile kuNkulunkulu ngaphandle kwekukhatsateka ngeludvumo lwetfu nome leminye 

imiphumela. Sihlantelwe kuhlala setsembekile nome ngabe sikutiphi timo nome tinhlupheko. 

60



UmBhalo: Matewu 26:14-16, 27:1-10 

Singeniso: 

Kuhlantelwa Kucaphela Umona 

Ngebunyenti, sonkhe sitaku Jesu Khristu nebugovu – Asifuni kuya esihogweni, sifuna 

intsetselelo, sifuna kususwe kitsi bubi, nalokunye. Letinkhanuko tebugovu kufanele tibuyiselwe 

ngekufuna kumdvumisa nekumkhonta ngenca yaloko langiko. Empeleni labanye bantfu bafuna 

buhlobo naJesu kuphela naloko labangakutfola kubo. Bashumayeli labetsembisa imphilo, 

ingcebo, nemphumelelo bavamise kutfola balandzeli labanyenti ngesikhashane-nje. Naloko 

bekuliciniso nangesikhatsi saJesu – labanyenti kuleticuku labo lababemtungeletile babetfokotela 

iminmngaliso nemfundziso, kepha bebangafuni budlelwane lobugucukile naJesu. Bantfu 

labanyenti, kufaka ekhatsi labanye bebafundzi bakhe labalishumi, nambili, babheka kutsi Jesu 

abuyisele inkhatimulo yembuso waDavide kaIsrayeli. Njengobe kwaba sebaleni kutsi loko 

bekungasiko kulangatelela kwaJesu, labanyenti basanguluka bamphika Jesu. Judas Iscariot 

abengulomunye wabo. 

1. Caphelani kuhawukela ngemona 

a. Asikafaneli kulandzela Jesu ngekufisa kuzuza lokutsite. 

1) Kuzuza bese kuba ‘bonkulunkulu’ betfu kunekutsi kube nguJesu. 

2) Asikafaneli kuba nalomunye nkulunkulu kepha yena. 

b. Asikafaneli kulandzela Jesu ngekufisa kutfola emandla nome kwatiwa. 

1) Jesu akasilo lithulusi letfu nome sikhali lesisisebentisa ngekufisa kwetfu 

kuncoba labanye. 

2) Jesu akazange asifele kuze asondle nome kwenetisa bungitsi nome 

kufuna kwatiwa. 

c. Nasetama kuphatsa intsandvo yaNkulunkulu kwenetisa imicabango yabo nome 

kufisa, sitawujabha. 

2. Umona uholelana ekutsengiseni 

a. Saze savumela umona wabusa timphilo tetfu, kwetsembeka kwetfu kuJesu 

Khristu kuyaphela. 

1) Kutawuba malula kitsi kusho tizatfu kuvumela umona wetfu. 

2) Kubeka intfo letsite nome umuntfu kube yintfo yekucala kukutsengisa 

Jesu loyinhlawulo yekubuyisela budlelwane betfu naNkulunkulu. 

b. Kwetsembeka kwetfu kuKhristu kwaze kwahlanganiswa, kutinikela kwetfu kuye 

kuphelelwa ngemandla. 

1) Siyatiyenga ngekukholwa kutsi singakhonta kokubili Nkulunkulu nemali 

(bona Matewu 6:24). 

2) Sicala kukhombisa kulunga kwetfu kuNkulunkulu, setama kumvumisa 

kutsi sifanelwe nguloko lesikufisako ngaloko-ke tifiso netento tetfu tinhle 

futsi tiyemukeleka. 

3. Moya Longcwele usihlante ekutatini kwetfu nekulangatelela. 

a. Moya Longcwele usigeza ekutigabatiseni, ngaloko-ke indlela leyodvwa 

lengakhula ngayo enhlitiyweni lehlantiwe kungesikhatsi inhlanyelo yemona 

ivunyelwa kubanetimphandze futsi ikhule. 

b. Moya Longcwele utawuhlaba inhlitiyo ngesikhatsi umona nome kutati kwetama 

kumila kusinika litfuba lekuvikela kukhula kwemona. 

Siphetfo: 

Labo Khristu labakhululile bakhululekile impela. Sikhululekile emoneni nasekutatini. Moya 

Longcwele uhlanta tinhlitiyo tetfu, ngaloko-ke ngasosonkhe sikhatsi singahlola tinjongo tetfu 

kuciniseka kutsi tifiso netento tetfu ngempela takhelwe inkhatimulo yaNkulunkulu nebuhle 

bembuso wakhe. 

61

Luhlaka Lwetinshumayelo Lwekugubha Bungcwele Inshumayelo-Legcwele 


UmBhalo: Genesisi 42; 45:3-7 

Singeniso: 

Uhlantelwe Kutsetselela Nekukhohlwa 

Bantfu baseAfrikha, etindzaweni tonkhe, baphatfwa ngebudlova etandleni talabanye emahlandla 

lamanyenti – nguletinye tive letibomakhelwane nome emave nome letinye tive. Ngalokunjalo, 

emaIsrayeli, bantfu labakhetfwe nguNkulunkulu, bahlushwa iminyaka leminyenti. Lamuhla 

sifundza indzaba yaJosefa, lenye indvodza leyaphatfwa kabi bomnakabo baze bamtsengisa 

kube abesigcili. Tintfo letimbi, tintfo letingenakutsetselelwa, tiyabehlela bantfwana 

baNkulunkulu. Bantfwana baNkulunkulu bafanele baphendvule kanjani? 

1. Asikafaneli kuvumela timo letengca nalesikuto kutsi tisikhweshiwe kuNkulunkulu 

a. Noma abesigcili eveni lelikhashane, Josefa wabugcina budlelwane bakhe 

naNkulunkulu. 

1) Noma timo labekuto betibuhlungu, Josefa wetsemba kunakekelwa 

nguNkulunkulu. 

2) Kwaba ngenca yelwati nenhlakanipho layitfola kuNkulunkulu kutsi Josefa 

abekwekulesimo kuze asetjentiswe nguNkulunkulu. 

b. Ngabe emphilweni yakho ugcilatwe timo letendlula noma lokuto manje yini? 

1) Ngabe utitfole uhleti kulokubi lokwakwehlela noma tintfo bantfu labatishito 

nome labatentile kukulimata? 

2) Ngabe ugcwele lulaka nome buhlungu nome kufisa kutiphindziselela 

losekuvimbe umphefumulo wakho kuva bukhona baNkulunkulu 

emphilweni yakho? 

2. Intsetselelo kulunga lokunebuNkulunkulu, ngako-ke budlelwane betfu naye 

butawubonakala ebudlelwaneni betfu nalabanye. 

a. Sifanele kwetama kuncusa labanye kutsi baphendvuke futsi batfole intsetselelo. 

1) Josefa wahlola bomnakabo, kubona kutsi ingabe sebaphendvukile futsi 

bagucuka yini etindleleni tabo. 

2) Nome ngabe siphetfwe kabi, sono lesikhulu sasikuphambana 

naNkulunkulu. 

b. Nome siyakubona kuphendvuka nome asikuboni, kufanele sichubeke sitsetselele. 

1) Kwala kucolela kuvisa buhlungu kakhulu kunome yini. 

2) Intsetselelo iyasikhulula ekuboshweni kuphatfwa kabi lokwendlula. 

3. Ngesikhatsi Moya Longcwele ahlanta tinhlitiyo tetfu, siba ngulabakhululekile 

kutsetselela 

a. Kubhekisa emehlo etfu kuKhristu kusisita kugcina tintfo time kahle. 

1) Sicondza bukhulu besono setfu nentsetselelo lesiyitfolile. 

2) Sivuma kutsi Nkulunkulu wetsembekile kuletsa kulunga ngesikhatsi sakhe. 

b. Moya Longcwele wente lokungenteki, kwenteka. 

1) Loko lesingeke sikutsetselele ngemandla etfu, angasisita kube 

sitsetselele. 

2) Labo lesingabatsandzi ngemandla etfu, angabatsandza ngatsi. 

Siphetfo: 

Lenye yetintfo leyenta bantfu baNkulunkulu behluke emhlabeni kufanele kube simo 

sekutsetselela. Lutsandvo, umusa, nemandla aMoya Longcwele kukhonela kusiphatsa 

entsetselelweni, kuphela nasikhona. Akungashiwo kutsi bantfu baNkulunkulu bayehluleka 

kutsetselela. Singamane sibe ngemaThestamente laphilako entsetselelweni yaNkulunkulu 

kuKhristu Jesu ngekutsetselela labo labasona. Singeke sikwente ngewetfu emandla, kepha 

63

asiphile njengalabahlantwe nguMoya Longcwele sitsetselele futsi sikhohlwe lokubi lokwentiwe 

kitsi. 



UmBhalo: Kubase-Efesu 5:1-10 

Singeniso: 

Kuhlantelwa Kuphila NjengaJesu 

Bantfwana balingisa batali babo. Loko lebakubona kwentiwa ngunina nome beve lokushiwo 

nguyise, bavamisile kukwenta futsi bakusho. Ngaletinye tikhatsi loku kungakhatsata, ikakhulu 

nasibona bantfwana betfu balingisa tintfo tetfu letimbi kantsi lapho kubonakala “imikhuba lemihle 

ayinakwa” kepha njengebantfwana baNkulunkulu sinemuntfu losibonelo longenti lokubi. 

Sifanele kulingisa Nkulunkulu njengebantfwana bakhe, Jesu usibonelo setfu lesiphelele. Kepha 

asimlingisi – usinike Moya Longcwele kutsi uphile kitsi kuze sibe nesimo sakhe. 

1. Moya Longcwele usinika emandla ekuphila imphilo yelutsandvo (5:1-2) 

a. Lutsandvo lufanele kuba nguloko lokuchaza tsine. 

1) Nkulunkulu ulutsandvo, hhayi lote emandla, kepha ucinile, unemandla 

langapheli. 

2) Sifanele kuvumela lutsandvo lwakhe lwehlele kitsi lucale kuchaza simo 

setfu. 

b. Lutsandvo alube ngulolusikhutsatako 

1) Jesu Khristu waphila futsi wafa ngenca yelutsandvo lwakhe lolukhulu kitsi, 

wabeka sidzingo setfu sensindziso ngetulu kwalokunye. 

2) Lukhetfo lwetfu aluvele elutsandvweni lolungaticabangeli lona. 

2. Moya Longcwele usihlanta kube siphile imphilo yebungcwele (5:3-5) 

a. Akukafaneli kutsi kube nalokungakalungi kubantfwana baNkulunkulu. 

1) Kufanele sigweme ngisho nekubukeka kwemikhuba yekonakala, kungcola 

nome bukhali. 

2) Leti timphawu tekukhonta titfombe futsi tite indzawo emkhatsini 

webantfwana baNkulunkulu. 

b. Bantfwana baNkulunkulu bafanele kugcwaliswa ngekubonga. 

1) Kungcola, kwedzelela, nekuhhalatisa akukafaneli kwenteke. 

2) Letitimphawu tekutsi sesikhohliwe kutsi satsengwa ngentsengo futsi 

semukelwa emndenini waNkulunkulu 

3. Moya Longcwele usihlanta kube siphile imphilo yekukhanya (5:6-10) 

a. Ungamphumphutsekiswa bumnyama. 

1) Ungavumeli emavi langasho lutfo akuyenge. 

2) Hlola konkhe lokumelana nelivi laNkulunkulu kuze ubone liciniso. 

b. Khanyisa kukhanya kwakho ebumnyameni. 

1) Ngesikhatsi senta lokuhle, lokulungile, nalokuliciniso sisuke 

sikhanyisa kukhanya kwelivangeli. 

2) Ngulowo nalowo angawenta umehluko ngobe ngisho kukhanya lokuncane 

kuyabucosha bumnyama. 

Siphetfo: 

Lamuhla asigubhe sipho saNkulunkulu saMoya wakhe Longcwele lophila kitsi, losiguculako 

lilanga ngelilanga kube sifanane neNdvodzana. Sibantfwana baNkulunkulu, semukelwa 

emndenini wakhe ngesikhatsi semukela Jesu Khristu. Nome ngabe yini-ke lenye 

lesetimphilweni tetfu, asemukele lelicala lekuba balingisi baNkulunkulu njengebantfwana bakhe 

labatsandzekako. Utitfobile yini phambi kwaNkulunkulu kube akugucule ufanane naye ngaMoya 

Longcwele? Kute lesinye sikhatsi ngaphandle kwalesi kutsi utahlukanisele wena phambi 

kwaNkulunkulu kuze ungcweliswe ngalokuphelele, uphile imphilo yelutsandvo, bungcwele, 

nekukhanya. Loko singakwenta kuphela nangabe sihlantwe futsi satfola emandla aMoya 

Longcwele. 

64



UmBhalo: Makho 10:17-31 

Singeniso: 

Kulamba Lokukhulu Nekonela Imphilo Yaphakadze 

Leminye imibuto lebalulekile leseBhayibhelini ngule: “Ngingentani kuze ngitfole kuphila 

lokuphakadze?” (Makho 10:17); “Bazalwane singentani kuze sisindziswe?” (Imisebenti 

Yebaphostoli 2:37); “Makhosi, kufanele ngente njani kuze ngisindziswe?” (Imisebenti 

Yebaphostoli 16:30). 

Lemibuto isikhombisa kutsi kunemuntfu lolambile futsi lowomele insindziso. LiBhayibheli litsi: 

“Babusisiwe labalambele bomele kulunga ngobe bayakusutsiswa” (Matewu 5:6). Lapha sibona 

indvodza lenjingile leyayinembuto lomkhulu ifuna imphendvulo. 

1. Kulambela Nekomela Kwayo Imphilo Yaphakadze 

a. Kungenteka kube yayicabanga kutsi ilambele imfundvo. 

b. Yetama kutfola kwenetiseka ngenkholo; yawugcina umyalo (Makho 10:20). 

c. Yetama kucedza koma ngekutfola sikhundla sasemhlabeni – mfundzisi lolungile 

(Lukha 18:18). Mhlawumbe yayingumphatsi welisinagoge, thishela nome lilunga 

lemaSanhedrin (Johane 3:1-2). 

d. Yetama umcebo (Makho 10:22). 

e. Njengathishela lomkhulu weMshumayeli lowetama kucedza koma kwakhe 

ngetintfo temhlaba, wabese uyabona kutsi konkhe kulite (Umshumayeli 1:2). 

2. Kuhlangana kwakhe naJesu, Imphilo Yaphakadze 

a. Ekugcineni wati kutsi lokusidzingo sekucala yimphilo yaphakadze; 

sidzingo lesingatsengwa ngemali. 

b. Wati kutsi nguJesu labengamsita (Johane 14:6). 

c. Abelambe kakhulu futsi omile waze weta kuJesu agijima (Makho 10:17). 

d. Abelambe kakhulu futsi omile waze wakhohlwa sikhundla sakhe watitfoba 

embikwaJesu (Makho 10:17, 2 Tikhronike 7:14). 

e. Weta kumuntfu lolungile wabuta umbuto lomuhle kakhulu. 

- Watjelwa kutsi akagcine umyalo ngobe loko bekuyinkinga lenkhulu. 

- Abephule umyalo wekucala – umcebo wakhe waba nguNkulunkulu kuye. 

- Abephule umyalo wesibili – abengabatsandzi bomakhelwane bakhe 

labaphuyile (Matewu 19:19). 

f. Jesu wamtsandza (Makho 10:21). 

g. Abedzinga intfo yinye nje kuphela – imphilo yaphakadze – hhayi tonkhe letintfo 

temhlaba labenato. 

3. Kwala kwakhe kwemukela Jesu Imphilo Lengunaphakadze 

a. Wala kususa loko lokwakumenta alambe futsi ome. 

b. Wala umcebo wasezulwini wabona kuncono kuba netintfo tasemhlabeni. 

c. Wala kwemukela simemo sekulandzela Jesu. 

d. Wajabha wase uyesuka kuJesu ajabhile, angakajabuli, futsi abuhlungu kakhulu. 

e. Weta kuJesu anenkinga kepha washiya Jesu nenkinga yakhe iphindvwe 

kanyenti. 

f. Wefika emnyango wemcebo wasezulwini kepha wala kungena. 

g. Ngesikhatsi eta kuJesu abecondze ezulwini, kepha nakesuka kuJesu 

abesacondze ekubhujisweni kwaphakadze. 

Siphetfo Emva kwekuba lendvodza seyihambile, Jesu wabuka bafundzi bakhe watsi kubo: 

“Maye, kuyawuba lukhuni kulabo labanjingile kungena embusweni waNkulunkulu ” (Lukha 

10:23). Manje ubuke wena futsi ubuka sidzingo sakho uva nemibuto lemikhulu 

lesemphefumulweni wakho. Njengobe asakubuka, uyakutsandza njengobe abeyitsandza 

lendvodza lebeyidzingile eminyakeni lengu 2000 leyengca. Usemnyango welizulu kepha 

udzinga kungena ngalomnyango njengelikamela nalingena embotjeni yenyalitsi. Ngiyakuncenga 

ungali futsi ungahambi kuJesu nebuso lobunyukubele nalobukhatsatekile. Ungahambi 

ngaphandle kwakhe. 

Ngu Enoch H Litswele – Lowake waba lisekela lemcondzisi wesifundzakati seAfrikha 

65



Bantfu BaNkulunkulu Bayaphendvuka Etindleleni Tabo Letimbi 

UmBhalo: 2 Tikhronike 7:14 

Singeniso: 

Lesihloko salomlayeto asibonakali singulesilungile macondzana nemvelo yebungwcele betfu – 

Bantfu baNkulunkulu bagucuka etindleleni tabo letimbi temonakalo. 

Macondzana nendlela yekucabanga kwetfu, ngulabakhohlakele nemahedeni lafanele kushiya 

sono nebubi. Kepha, kufundvwa kwembhalo kusikhombisa ngalokucacile kutsi bantfu 

baNkulunkulu abekho ngetulu kwesono nekutsi nangabe bona bafanele kutitfoba baphendvuke 

etindleleni tabo letimbi temonakalo. 

1. Bantfu BaNkulunkulu abasibo bantfu labakhohlakele 

a. Basindzisiwe ebubini babo. 

b. Batsetselelwe futsi bayalwa ngobe sebafa behlukana nesono (Johane 8:11). 

c. Abasachubeki nekona ngobe sebafa behlukana nesono (KubaseRoma 6). 

d. Bakhululiwe emtsetfweni wesono newekufa (KubaseRoma 8). 

e. Ngemusa waNkulunkulu bayakhona kutsi cha etinkhanukweni telive (KuThithu 

2:11-12). 

2. Bantfu baNkulunkulu bangakhetsa kona 

a. BoAdamu naEva babantfu baNkulunkulu labadalwa ngemfanekiso waNkulunkulu. 

Bebete tibati tekona kodvwa bawa emuseni. Bawa ekupheleleni kwaAdamu. 

b. Sono sebantfu baNkulunkulu, labo labatibita ngelibito lakhe, silimata kakhulu 

kunesono semhedeni. Loko kuliciniso eThestementeni leLidzala, liThestamente 

leLisha, nasebandleni lamuhla. 

c. Kukhohlakala kwebantfu baNkulunkulu kuvimbela kwehla kwesibusiso 

saNkulunkulu lesiphuma ezulwini. 

3. Bantfu BaNkulunkulu Bayatsetselelwa Nangabe Baphendvuka Bayekele Sono 

Sabo 

a. BoSawula naDavide bebabantfu baNkulunkulu futsi bobabili bona. Sono 

saSawula sabakungalaleli kantsi saDavide saba kubulala nekuphinga. Sawula 

wakhetsa kungaphendvuki kepha Davide waphendvuka. 

b. Isaya abengumphrofethi waNkulunkulu kepha abekhohlakele. Ngesikhatsi 

alahlwa ngelicala lesono sakhe watitfoba waphendvuka.(Isaya 6). 

c. BoPhetro naJudas Iscariot bebabantfu baNkulunkulu futsi bobabili bona. Bobabili 

balahlwa ngelicala ngenca yesono sabo, Juda wala kuphendvuka watikhunga 

(Matewu 27:3-5). Phetro watitfoba waphendvuka (Lukha 22:60-62). 

d. Asikafaneli kutsi sone, kepha uma sona, sinaKhristu, longumnikelo wenhlawulo 

yetono tetfu. 

e. 1 Johane 1:9 webantfwana baNkulunkulu hhayi emahedeni. 



66



UmBhalo: 2 Emakhosi 5:1-19 

Singeniso: 

Sono, Inkinga Yemuntfu 

Tikhatsi letinyenti emphilweni sitfola bantfu labanetifo letehlukene, letinye timatima kunaletinye. 

Namani abenesifo lesilukhuni lesasidzinga kunakwa. Nome-nje wabonakala akahle futsi 

aphumelela kulabanye atsandvwa yinkhosi, abenenkinga. 

1. Sono sinekufa 

a. Bulephelo bekusifo lesibulalanako nangabe ungakaselaphi kanjalo nesono; 

singayibhubhisa imphilo yemuntfu. 

b. Umphefumulo lowonako utakufa (Hezekeli 18:20). 

2. Sono siyatselelwana 

a. Bantfu labanebulephelo njengaNamani bebafanele kubekwa bodvwana futsi 

bagatjiswa insimbi kucwayisa bantfu kutsi sebayeta nangesimo sabo sekungcola. 

Njenge bulephelo, sono sinemandla lamakhulu. 

b. Bantfu lesicitsa sikhatsi nabo banemandla lamakhulu kitsi. “Bangani lababi 

bonakalisa similo lesihle” ( 1 KubaseKhorinte 15:33). 

3. Sono siyelapheka 

a. Umphristi abebuka sikhumba semuntfu lonebulephelo, nome ngubani lonesifo, 

bese uyasho kutsi lomuntfu uhlobile nome ungcolile kuye ngekubona kwakhe. 

Ngako-ke lamuhla, njengobe Khristu asigeza esonweni, wonkhe lokholwako 

njengencenye “yebantfu baNkulunkulu labakhetsiwe, buphristi lobunebukhosi, 

sive lesingcwele (1 Phetro 1:9), kubona sono etimphilweni tabo basibita ngesono 

ngesikhatsi sivela kwekucala. 

b. Namani weva ngemphrofethi loseSamariya entfombataneni lebeyisisebenti, wase 

uyahamba uyawuvakashela Elisha, umuntfu waNkulunkulu. Ngesikhatsi alalela 

imiyalo lanikwe yona nguElisha yekugeza, waphiliswa kulobulephelo bakhe. 

c. KubaseRoma 7:24-25 Pawula utsi, “Maye kimi! Mine sihlupheki! Ngitawukhululwa 

ngubani mine kulomtimba wekufa? Akabongwe Nkulunkulu – ngeNkhosi yetfu 

Jesu Khristu. ” 

d. Sigezwa yingati yaJesu, “Nangabe sihamba ekukhanyeni njengobe yena 

asekukhanyeni, sinebudlelwane lomunye nalomunye, nengati yaJesu indvodzana 

yakhe iyasihlanta kuko konkhe kona,”(1 Johane 1:7). 

Siphetfo: 

Banyenti bantfu emhlabeni labenta lokuhle batfole kutsandzeka kubantfu, kepha etinhlitiyweni 

tabo banenkinga lesono. Lesono siyabulala, siyatsatselwana, kepha singahlantwa ngengati 

yaJesu Khristu liwundlu lelilungile laNkulunkulu. 

“Bheka nalo liwundlu laNkulunkulu lelisusa sono selive ” (Johane 1:29). 

Ugeziwe yini engatini yaJesu? Ungagezwa khona manje futsi ukhululeke kuphila imphilo 

lencobako kuKhristu. 

Ngu Rev Kenneth Phiri 

Umholi walabasha esifundzakatini seAfrikha 

67

Main_Event_Devotional_Siswati.doc - Church of the Nazarene ...

Create successful ePaper yourself

Delete template?

Save as template?