You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Mongodi<br />
Sehlopha sa <strong>Amos</strong> tlasa boetapele ba Hennie Viljoen<br />
Ditshwantsho<br />
Landi Roux<br />
Phetolelo<br />
Michael Manchu<br />
Frans Sekhoto<br />
Mohlophisi<br />
Frans Sekhoto<br />
Mohlophisi wa leqephe<br />
Sunette Frylinck<br />
Botaki ba leqephe<br />
Utilisoft CC<br />
ISBN 1-919924-03-5 (stel)<br />
ISBN 1-919924-80-9 (vol.2)<br />
1<br />
(Kgatiso 4 - Mmesa 2008)
THUPELO YA AMOS<br />
MOTHEO WA LENTSWE LA MODIMO<br />
BUKA 1: Modimo ke Morena, mme o o ratile le ha o le moetsadibe.<br />
BUKA 2: Ke Jesu feela ya ka o pholosang.<br />
BUKA 3: Ithute ho tseba Jesu haholwanyane.<br />
BUKA 4: O ka ba le bonnete ba hore o lopollotswe.<br />
BUKA 5: Botho le mosebetsi wa Moya o Halalelang.<br />
BUKA 6: Bala o utlwisise Bibele.<br />
BUKA 7: Thapelo le ho ipolela dibe tsa hao.<br />
BUKA 8: Paka mme o hole le bana ba bang ba Modimo.<br />
BUKA 9: Ho tla ha Jesu Kreste le mosebetsi wa Hae o moholo.<br />
Hammoho le dibuka tsena tse robong tsa thupello o fumana hape BUKANA E<br />
SENANG MANTSWE le TATAISO KA THUTA BODUMEDI POLASING (Utlwisisa,<br />
Amohela mme o Phele).<br />
Sepheo sa dithuto tsena ke hore batho ba rutwe motheo wa tshepiso ya Lentswe<br />
hodima bonngwe le boitlhakiso ka mokgwa wa ho ithuta ka kutlwisiso e<br />
amohelehang le ho fihlela tlotla ya Modimo.<br />
Thapelo ya ka ke hore ka Moya wa Modimo e se eka ho ka thehwa nnete ya<br />
Lentswe le tla sebediswa le dumellana le 2 Thimothea 3:15-17: "... Mangolo a<br />
Halalelang, a nang le matla a ho o hlalefisa, o tle o pholoswe ka ho dumela ho<br />
Jesu Kreste. Mangolo wohle a ngotswe ka tshusumetso ya Moya wa Modimo,<br />
mme a na le thuso ya ho ruta, ya ho nyatsa, ya ho busetsa batho tseleng ya<br />
ho loka le ho ba tsamaisa ho yona, hore motho wa Modimo a tle a phethehe, a<br />
kwetlisetswe mesebetsi yohle e lokileng."<br />
Ntshetsopele ya moleka ka <strong>Amos</strong> tlasa boetapele ba Hennie Viljoen.<br />
Kgatiso © Hlakola 1999 - AMOS AGRIMIN<br />
3
THUTO - BUKA 2<br />
KE JESU FEELA YA KA O<br />
PHOLOSANG!<br />
PULO: Palo ya lengolo, thapelo le ditakaletso tsa<br />
hoba mmoho.<br />
<strong>KAROLO</strong> 1: Boikgopotso ba leqephe la gauta le le ditshila.<br />
LEQEPHE LE LEFUBEDU: JESU<br />
<strong>KAROLO</strong> 2: Modimo o roma Jesu Mora wa Wona.<br />
<strong>KAROLO</strong> 3: Mmoho le Jesu tseleng ya Hae ya mahlomola.<br />
<strong>KAROLO</strong> 4: Mesebetsi ya hlooho: Johanne 3:16.<br />
<strong>KAROLO</strong> 5: Ke Jesu feela ya ka o pholosang, hobane ha<br />
ho motho ya tshwanang le Yena.<br />
<strong>KAROLO</strong> 6: Ho sheba taba ka nngwe ka leihlo le ntjhotjho.<br />
<strong>KAROLO</strong> 7: Jesu feela<br />
-Diketso 4:12<br />
-1 Thimothea 2: 5<br />
<strong>KAROLO</strong> 8 : Modimo o roma Jesu Mora wa wona, ho tla o<br />
pholosa!<br />
<strong>KAROLO</strong> 9 : Teko.<br />
<strong>KAROLO</strong> 10: Mosebetsi o tla etswa hae.<br />
4
<strong>KAROLO</strong> 1 (50 metsotso)<br />
BOIKGOPOTSO BA LEQEPHE LA GAUTA<br />
LE LE DITSHILA<br />
Lekgetlong le fetileng re ile ra ithuta ho tseba Modimo ka dimelo tse itseng tse<br />
makatsang. Re bile ra ithuta hore Modimo o reng Bibeleng ka dibe.<br />
Mosebetsi wa boikgopotso 1: (5 metsotso)<br />
Ke mang ho lona ya ileng a ruta dimelo tsa Modimo ho ba lelapa la hae kapa ho<br />
batho ba bang? Bana ba ile ba ikutlwa jwang?<br />
Ke semelo sefe sa Modimo se ileng sa o ama ka ho fetisisa? Hobaneng o rialo?<br />
TSEBISO HO MORUPELLI: Ho bohlokwa hantle hore baithuti ho tlohela<br />
qalehong tsebo eo ba e sibollotseng dithutong tsa bona tlelaseng, ba e arolelane<br />
le ba bang. Ho bohlokwa hape hore baithuti ba rutwe ho fana ka bopaki bo<br />
bokgutshwane. Ka kakaretso ba tla be ba susumetswa ho bua haholo le ho ba le<br />
takatso eo haholo. Moithuti o lokela ho nahana ka tlase ho metsotso e mmedi<br />
potsong ena.<br />
Mosebetsi wa boikgopotso 2: (5 metsotso)<br />
Dumella moithuti a le mong kapa ba babedi jwale hore ba ke ba hlalose Bukana E<br />
Senang Mantswe ka bokgutshwanyane ho sehlopha sa bona.<br />
TSEBISO HO MORUPELLI: Etsa hore o be le bonnete ba hore ka tatellano<br />
mebala e nepahetse. O seke wa etsa hore kganyetso ya hao e be ngata e le hore<br />
moithuti a fane ka molaetsa ka boyena hore ha a ya o arola ka nepo. Etsa hore<br />
baithuti ba bang e be bona ba tlatselletsang mme o thuse feela moo ho<br />
hlokahalang.<br />
Mosebetsi wa boikgopotso 3: (3 metsotso)<br />
Ke bomang ba seng ba ile ba ruta ba bang ka Bukana e senang Mantswe?<br />
Batho ba ile ba ikutlwa jwang? Na o teng ya ka fanang ka bopaki ka hona?<br />
TSEBISO HO MORUPELLI: Hopola hang hape ka kutlwisiso hore morutwana o<br />
na le fela metsotso e mmedi ho ka fana ka bopaki.<br />
5
Mosebetsi wa boikgopotso 4: (30 metsotso)<br />
Mosebetsi wa 2 qetellong ya Buka 1 e ne e le hore moithuti e mong le e mong a<br />
ithute thuto ya 4, 6, le 7 ya thuto ka tataiso ka bodumedi ba polasi ho itokisetsa<br />
thuto ena. A ko dumelle e mong wa baithuti a bolele e le nngwe ya dithuto tseo<br />
kapela tlelase.<br />
TSEBISO HO MORUPELLI: Le ka ikgethela e le lona hore ke efe ya dithuto eo le<br />
batlang ho nehelana ka yona. Hlokomela hore ya nehelang ka thuto a latele<br />
haholoho ketapele ya ditshwantsho le ho etsa boikwetliso. Etsa hore nnete e<br />
bohareng (re bua feela ka N/B) le ditshwantsho di manehwe ka mokgwa oo di tla<br />
totobala ho baithuti. Baithuti ba tla bala karetjana ya N/B hammoho le mofani wa<br />
thuto.<br />
Nakong ya puisano ka sehlopha baithuti ba ka arolwa dihlotshwana mme wena<br />
jwaleka morupelli le mofani wa thuto o tla potoloha dihlopheng tseo o fane ka<br />
thuso le ho hlokomela hore puisano e ntlheng e nepahetseng.<br />
Mosebetsi wa boikgopotso 5: (7 metsotso)<br />
Na ho na le ntho eo e mabapi le mosebetsi wa Buka1 eo ho wena e sa kang ya<br />
utlwisiseha? Ke nako jwale ya hore o botse. Hopola hore re bua feela ka tsa<br />
mosebetsi wa Buka 1 eo o e rutilweng. Haeba o ena le dipotso tse itseng, o<br />
dumelletswe ho ka tla ho morupelli kapa wa mohato wa hao ka bo wena mme o<br />
bue le yena kahoo.<br />
TSEBISO HO MORUPELLI: Fana ka sebaka ho baithuti ho botsa seo ba sa se<br />
utlwisiseng. O seke wa araba ka bowena potso hang feela. Fana ka monyetla oo<br />
ka ho re baithuti ba bang ba bona taba eo ka ihlo lefe.<br />
6
SEHLOOHO:<br />
<strong>KAROLO</strong> 2<br />
Modimo o roma Jesu Mora wa wona.<br />
MOKOTABA:<br />
Ke Jesu feela ya ka o pholosang!<br />
SEPHEO:<br />
Hore moithuti e mong le e mong a ithute le ho tseba ka Jesu le lerato le<br />
leholo la hae ho batho bohle, e, hape le ho yena. Ho bitsetsa baithuti ho<br />
dumela ho Jesu, hobane ke Jesu feela ya pholosang.<br />
DITABA TSE TLA RUTWA:<br />
* Modimo o roma Jesu Mora wa Wona.<br />
* Jesu ke Modimo le motho.<br />
* Jesu o ile a phela ka kutlo.<br />
* Jesu o thakgisitswe.<br />
* Jesu o epetswe.<br />
* Jesu o tsohile.<br />
* Jesu o nyolohetse lehodimong.<br />
* Moya o Halalelang o romilwe.<br />
7
Selelekela:<br />
<strong>KAROLO</strong> 2 (90 metsotso)<br />
MODIMO O ROMA JESU, MORA WA WONA.<br />
Na o se o kile wa ikutlwa o nyahame? Na o se o kile wa re: "Ha ho tharollo<br />
bakeng sa bothata ba ka! Ha ke tsebe hore nka etsang!"<br />
Haeba o esoka o eba maemong a jwalo, nahana ka maemo a latelang kahara<br />
oona. Ka letsatsi le letsatsi o ikutlwa o ntse o fokola eka o fokollwa ke pono. O<br />
eba sefofu. Dingaka tsohle tseo o yang ho tsona di o bolella hore ha ho seo ba ka<br />
o etsetsang sona. O ikutlwa o tepella hobane o hlokomela hore otlilo lahlehelwa<br />
ke mosebetsi le hore leha o ka fumana moputso wa boqhwala kapa wa penshene,<br />
o ke ke wa lekana ho thusa lelapa la hao, kapa hape o ipona o le ngwana<br />
kholetjheng. Letsatsi le letsatsi o ikutlwa hore ha o sa kgona ho tswelapele<br />
dithutong - ho ya mafelong a kgwedi .......<br />
Jwale hang ho fihle monna ya itseng ho wena mme a o bolelle hore ho na le<br />
ngaka ya horeng e se e ile ya atleha ho phekola mafu a tshwanang le ao a o<br />
tshwereng. Monna eo a o bolelle hore o seke wa tshwenyeha, hobane le ha<br />
'opereshene' e ka ja diketekete tsa diranta, o tla o lefella. O boetse oo intsha<br />
sehlabelo hore nakong eo o tla beng o le siyo o sa sebetse o tla thusa ka ho<br />
hlokomela lelapa la hao.<br />
Mosebetsi: Otla ikutlwa jwang? O tla etsang ha o bona hore o ne o sa hloke<br />
thuso e jwalo hohang?<br />
Na o sa hopola hore ho na le nako e nngwe tlelaseng moo re ileng ra bua ka<br />
mathata ao nna le wena re sa kang ra kgona ho itharollela oona? Re ile ra<br />
fumana hore ha ho letho leo nna le wena re ka iketsetsang lona hore re pheme<br />
kotlo ya dibe tsa rona le ho ka itokolla ho tsona. Haeba Bibele e ne e fella moo e<br />
hlalosang ka kotlo ya dibe tsa kotlo ya dibe tsa ka le tsa hao eo re tlo e<br />
fumantshwa, re ne re tla ikutlwa re nyahame. Ho ne ho tla bonahala ho se tshepo<br />
le bokamoso bophelong bona. Na ho ne ho tla feteletsa mahlomola ka hore re<br />
emetswe ke kotlo ya Modimo? Ka lehlohonolo re se re ile ra utlwa lekgetlong le<br />
fetileng hore Modimo o ratile nna le wena hakaalo, hoo a bileng a etsa leqheka le<br />
makatsang. Ha re ke re tadime leqheka leo Modimo o le entseng.<br />
8
Ha ho letho leo o ka iketsetsang lona hore o pheme kotlo ya dibe<br />
tsa hao. Empa hobane Modimo o o ratile, o ile wa etsa leqheka le<br />
makatsang.<br />
9
2.1 Modimo o roma Jesu, Mora wa Wona<br />
Modimo o a halalela, ha a na sebe. O hloile sebe. Hape Modimo o lokile, o ke ke<br />
wa tlohella dibe tsa ka le tsa hao feela tjena. O tshwanetse ho otla sebe. Ka<br />
tsela eo, o teng ya tshwanetseng ho tla jara dibe tsa ka le tsa hao.<br />
Hobane Modimo o re ratile hakaalo, ha o batle ho re otla. Lerato la Hae le<br />
leholohadi hoo a bileng a etsa qeto ya hore ka Bowona o jare dibe tsa rona. Hore<br />
a ka etsa hoo, o ile a tshwanela ho romela Mora wa Wona lefatsheng lena. Lena<br />
ke leqheka le makatsang leo Modimo o ileng wa le etsa: O romela MORA wa<br />
wona, Jesu! KE JESU FEELA YA KA O PHOLOSANG. Ke Jesu feela ya ka<br />
tlosang dibe tsa hao.<br />
Kaha Modimo o ratile batho bohle lefatsheng le wena hape a o ratile, ho ngodilwe<br />
jwalo Bibeleng. Ho Johanne 3:16 re bala:<br />
"Modimo o ratile lefatshe hoo a le nehileng Mora wa hae ya tswetsweng a<br />
inotshi, hore e mong le e mong ya dumelang ho yena, a se ke a timela, a<br />
mpe a be le bophelo bo safeleng."<br />
Ho a makatsa! Modimo o lerato! O ntse o hopola a ke re se seng sa semelo sa<br />
Modimo.<br />
Ha Johanne 3:16 a re Modimo o ratile lefatshe, o tshwanela ho tseba hore<br />
Modimo o ratile Motho e mong le e mong. Ho bolelang hore Modimo o entse<br />
leqheka lena hobane a ratile wena. Ha ho kgathalletsehe hore o mang le hore o<br />
eng. Ha ho kgathalletsehe hore o entse dintho tse tshosang ka bobe ho le hokae<br />
nakong e fetileng. Ha ho kgathalletsehe hore o rutehile kapa ha o a ruteha. Ha<br />
ho kgathalletsehe hore o mohlekefetsi wa bana kapa ha o yena. Ha ho<br />
kgathalletsehe hore o mosweu kapa o mosootho kapa o motsho. Modimo o o<br />
ratile! Ke ka hoo a ileng a roma Mora wa Hae, Jesu.<br />
O romme Jesu jwalo hore a tlo o lokolla dibeng tsohle tsa hao mme a o etse<br />
motho e motjha. KE JESU FEELA YA KA O PHOLOSANG. O lokelwa ke ho<br />
dumela!<br />
Hamorao re tla ithuta temana ena e makatsang ho Johanne 3:16.<br />
10
Hobane Modimo o o ratile hakaalo, o ile wa o romella Mora wa<br />
Wona, Jesu, ka ho ikgetha bakeng sa hao.<br />
Johanne 3:16<br />
Jesu<br />
Ke a kgolwa o a ipotsa hore hantlentle Jesu enwa ke mang?<br />
11
2.2 Jesu ke Modimo le motho<br />
Jesu ha se Mora wa Modimo fela, hape ke Modimo ka boYena. Leha ho le boima<br />
ho wena hore o utlwisise, o lokelwa ke ho kgolwa, hobane kahara Bibele Modimo<br />
o rialo ka boWona. Hape o hopole hore, Modimo ha o leshano! Ho Johanne 1:1-<br />
3 teng ho ngodilwe: "Tshimolohong Lentswe le ne le le teng. Lentswe le ne le le<br />
ho Modimo, Lentswe e ne ele Modimo. Dintho tsohle di entswe ka Yena..."<br />
Lentswe leo ho buuwang ka lona, ke Jesu.<br />
Ho teng dikarolwana tse ngata Bibeleng tse bolelang hore Jesu ke Modimo. Ke<br />
ka hoo Jesu a neng a fapane le batho ba bang. Ke Modimo.<br />
Bala: * Mattheu 1:23<br />
* Johanne 10:30<br />
* Johanne 20:28<br />
* Baheberu 1:3-5<br />
Hobane Jesu hape e le Modimo, KE JESU FEELA YA KA O PHOLOSANG. Ha<br />
ho motho ofe kapa ofe ya ka o pholosang. Ho teng batho ba bangata ba<br />
dumelang hore baruti,baprista,baprofeta kapa badimo ba ka re isa ho Modimo.<br />
Hase nnete. Ke Jesu feela, hobane ke Jesu feela eo e leng Modimo.<br />
Jesu ha se Modimo feela, ebile ke motho. Modimo o entse mosebetsi o<br />
makatsang. Ntle le hore Maria, mma Jesu, a sa ka a kopana hohang le monna,<br />
Modimo wa etsa wa hore a emole. Yaba Jesu o tswalwa e le ngwana e<br />
monyenyane lefatsheng, motseng wa Betlehema. Kahoo Jesu ke Modimo hantle,<br />
hape ke motho ya phethahetseng. Na ha se dimakatso! Karolong ya 5 re tla bala<br />
(Luka 1:26-38) e hlalosang taba tsena ka botlalo, mme re tla ithuta tsona.<br />
Na o bona kamoo Jesu a ratang nna le wena ka teng? O ile a hlophisetswa ho<br />
siya tulo e babatsehang ya lehodimo hore a tle ho batho ba baetsadibe lefatsheng<br />
(Johanne 17:5 /Bafilipi 2:5-8). O ile a tla sebakeng sa e mong le e mong wa rona<br />
- hape le sa hao, ho tla o lokolla dibeng tsa hao.<br />
Hopola, KE JESU FEELA YA KA O PHOLOSANG, hobane ke Yena feela Modimo<br />
wa nnete le motho wa nnete.<br />
12
Ke Jesu feela ya ka o pholosang, hobane Jesu ke<br />
Modimo le motho.<br />
Johanne 1:1-3 le 1 Thimothea 2:5<br />
Jesu ha a ka a dula feela e le lesea.<br />
Jwaleka motho hape o ile a hola le ho phela lefatsheng.<br />
13
2.3 Jesu o phetse ka kutlo:<br />
Jesu o phetse lefatsheng ka ho mamela Modimo. Hohang ha a ka a etsa sebe.<br />
Sebe, o ithutile jwalo lekgetlong la pele le fetileng, hore ke ho hloka kutlo ho<br />
Modimo. Jesu e bile motho wa pele ho etsa sohle seo Modimo o neng o mmolella<br />
sona. Kahoo ke Yena feela ya ka tlosang dibe tsa hao le ho o thusa hore o utlwe<br />
Modimo.<br />
Ha Jesu a sa ntse a phela mona lefatsheng, satane o ile a mo etela ka makgetlo a<br />
mangatanyana. Ho bolela hore satane o ne a batla hore a etse sebe. Jesu ha a<br />
ka a mo mamela le ho etsa sebe. Jesu o ne a tlile kahoo lefatsheng ho tla lokolla<br />
batho dibeng tsa bona. Nakong eo a ntseng a le lefatsheng ka yona, o ile a<br />
tshwarela (tlosa) dibe tsa batho ba bangata. Ke Jesu feela ya ka etsang hoo.<br />
Nakong eo a ntseng a le lefatsheng ka yona, o ile a tshwarela (tlosa) dibe tsa<br />
batho ba bangata. Ke Jesu feela ya ka etsang hoo. E, KE JESU FEELA YA KA<br />
O PHOLOSANG, le ho tlosa dibe tsohle tsa hao.<br />
Ke sebe sefe seo o batlang hore Jesu a se tlose? Mokope e sa le kajeno hore a<br />
tlose dibe tsa hao, mme kannete o tla etsa jwalo.<br />
TSEBISO HO MORUPELLI: A ko re baithuti ka bo bona ba bolele mehlala ya<br />
dintho tse mpe le tse fosahetseng. Leha ba sa ntse ba le ditlhong ba sa<br />
phutholloha , o tshwanela ho ba botsa: Ke mang ho lona ya batlang hore .......<br />
...... Jesu a mo tshwarele leshano lohle leo a ileng a le bua?<br />
...... Jesu a mo tshwarele kaha a ile a seke a hlokomela bana ba hae ka<br />
makgetlo a itseng? jwalojwalo.<br />
A ko fane ka sebaka sa kgutso e le hore baithuti ba tle ba tlise dibe tsa bona<br />
ho Jesu.<br />
Hobane Jesu ka boyena hape e le Modimo, e ile ya re a sa le lefatsheng, a ruta<br />
batho hore Modimo ke mang. Hantle-ntle o ile a dumela hore ke mang (Johanne<br />
1:18 le 14:7-9.) Ba bang ba batho ba ile ba dumela ho Yena, empa ho bile teng<br />
ba bangata ba sa kang ba dumela seo a se bolelang. Wena o lokela ho dumela<br />
seo Jesu a tlileng ho re bolella sona ho tswa ho Modimo. Di ngotswe Bibeleng<br />
mme ke nnete.<br />
Re se re ile ra ithuta hore Modimo o matla ohle, o etsa tsohle tseo a ratang ho di<br />
etsa. Jesu le Yena ke Modimo mme o na le matla ohle. Nakong eo a sa ntse a le<br />
lefatsheng, o ile a etsa mesebetsi e mengata e makatsang. O ile a fodisa ba<br />
kulang mme a tsosa ba shweleng bafung. O bile a leleka le meya e ditshila ka ho<br />
14
e laela hore e tswe bathong. Meya e ditshila e ne e lokela ho etsa seo a e laelang<br />
ho se etsa, e ratang kapa e sa rate. Ka le leng ho kile ha eba le mahobe a<br />
mahlano le tlhatswana tse pedi,mme a rapela tsa eba ngata. Yaba ho eba le dijo<br />
tse ka anelang batho ba dikete tse hlano. Ha ho makatse! Ka mesebetsi e<br />
makatsang ya Hae o bile a bontsha hore ke Jesu Kreste ka sebele, Mora wa<br />
Modimo. Ka tsela e jwalo o tlile ho bontsha ho hong ka hore ho tla ba jwang ka<br />
letsatsi le leng ha Modimo a ne a leleka satane ho mo dihela diheleng le<br />
ditlamorao tsa dibe tsa dibe tseo a ileng a di tlosa.<br />
Hobaneng ha Jesu a ile a etsa tseo tsohle? Hobaneng a ile ba motho le ho utlwa<br />
Modimo bophelong ba hae lefatsheng lena? O entse tseo tsohle hobane a o ratile.<br />
O o utlwisisa jwalo haholo hakaakang hobane Yena ka boYena a ile a dula<br />
lefatsheng. Lebaka le bohlokwahadi la hore hobaneng a ile a qetella a tlile, ke<br />
hore a tle a o pholose dibeng tsa hao. E, KE JESU FEELA YA KA O<br />
PHOLOSANG.<br />
.<br />
Ke Jesu feela ya sa kang a etsa sebe hohang. O ne a utlwa<br />
Modimo ka nako tsohle. Kahoo ke Jesu feela ya ka tlosang dibe<br />
tsa hao le ho o thusa hore o utlwe Modimo.<br />
Johanne 4:34 le Baheberu 4:15<br />
Jesu o tlositse dibe jwang?<br />
15
2.4 Jesu o ile a hlokofatswa le ho thakgiswa<br />
A nke ke o nonye maikuto .... E mong wa batho ba polasi o ne tahilwe haholo<br />
Moqebelong o mong . Ntle le ho kopa tumello, a nka lori e ntjha e turang haholo<br />
ho ya etela feela metswalle ya hae. A hlahelwa ke kotsi ka lori eo mme ha hlaha<br />
tshenyehelo ya diketekete tsa diranta. Hobane a bile a ile a tlola le melawana e<br />
mengata ya polasi le hodima moo a qoswa ka boshodu, ha a tlo fumana kotlo<br />
feela, o bile o tlilo lahlehelwa ke mosebetsi wa hao. Na o ka ikemisetsa ho jara<br />
kotlo ya hae, o be o boele o lefe molato wa hae mme wena o lahlehelwe ke<br />
mosebetsi wa hao bakeng sa hae?<br />
Tjhe, le kgale! O lokela ho jara kotlo ya hae. Leha ho le jwalo, ka baka la dibe tsa<br />
rona, nna le wena re lokelwa ke kotlo. Re lokelwa ke dihele tse sa feleng. Empa<br />
..... ke ho feng hoo Jesu a ileng a ho etsa ho neng ho lokela hore nna le wena ebe<br />
re ikemiseditse ho ho etsa?<br />
Bala: * Baroma 5:6-8 le 1 Petrose 3:18<br />
Mosebetsi: Qoqang ka dipotso tse latelang:<br />
* Na Jesu o ile a re shwela hobane re rateha mme re lokile?<br />
* Na ho na le mokgwa o mong kapa o molemo oo Jesu a neng a ka<br />
bontsha kamoo a ratang nna le wena?<br />
Tlhokofatso ya Jesu ya ho qala ha e a qala pele ka thakgiso. Seriti sa sefapano<br />
se ne se se se ile sa wela sejelong sa diphoofolo. Tlhokofatso ya Jesu ene e se e<br />
ile ya qala kgale ho tlohela tswalong ya hae, empa e ile ya eba e boimahadi<br />
nakong ya qetellong ya bophelo ba Hae. Batho ba ile ba mo hlokofatsa. Ba ile ba<br />
mo shapa, ba mo soma. Ba ile ba batla leshano la ho mo kgannela thajaneng e<br />
kantle haufi le Jerusalema. Ke moo ba ileng ba mo thakgisa! Ba ile ba mo<br />
kgokgothella sefapanong ka dipekere mme ba mo lesela moo hore a leketle ho<br />
fihlela a eshwa. Nakong eo ba ile ba tlisa disinyi tse neng di entse bobe bohle, ho<br />
ba bolaya ka mokgwa o jwalo. Empa hopola hore ha ho letho le lebe leo Jesu a<br />
neng a le entse. Ha a ka a etsa sebe. Ka tsela eo, ha se hore o thakgisitswe<br />
hobane a ile a etsa sebe.<br />
O thakgisitswe bakeng sa hao hore a tle a o pholose dibeng tsa hao. KE JESU<br />
FEELA YA KA O PHOLOSANG. Na o a bona kamoo ho bileng boima kateng ka<br />
Jesu? O ile a leketla dihora tse tsheletseng sefapanong ho fihlela a eshwa. Ha a<br />
ne a rata, o ne a ka theoha sefapanong, empa o ne a mamela Modimo mme ka<br />
hoo o ne a ikemiseditse ho jara dibe tsa batho bohle lefatsheng - hape ho jara, le<br />
tsa hao. Ho 1 Johanne 1:7 ho ngodilwe hore madi a Hae a ileng a tsholoha<br />
sefapanong, a hlatswitse dibe tsohle tsa hao. E, KE JESU FEELA YA KA O<br />
ntshang dibeng le ho ka o PHOLOSA.<br />
16
Hohang Jesu ha a a etsa sebe, o ne a se molato. Hape ho moo o<br />
ne a ikemiseditse ho jara kotlo ya dibe bakeng sa ka le wena.<br />
Kahoo madi a Hae a ile a tsholoha sefapanong le ho shwa bakeng<br />
sa ka le wena.<br />
1 Petrose 3:18 le 1 Johanne 1:7<br />
Hantlentle Jesu o ile a shwa, hobane .......<br />
17
2.5 Jesu o epetswe<br />
Lentswe la ho qetela la Jesu sefapanong e bile le reng: Ntate, matsohong a Hao,<br />
ke nehela moya wa ka (Luka 23:46). Yaba o a shwa. Kamora moo Josefa wa<br />
Arimathia, eo e neng e le molatedi wa Jesu, a fumana tumello ya ho theola setopo<br />
sa Jesu sefapanong mme a mo pata. Ka mokgwa oo Jesu o ne a shwele. Lebitla<br />
leo Josefa a ileng a pata Jesu ho lona, e ne e le mokoti o entsweng lefikeng. O ile<br />
a thethela lejwe le leholo ho kwala lebitla.<br />
Ka mokgwa oo Jesu o ne a shwele!<br />
Bangodi le Bafarisi ba ile ba kopa hore lebitla la Jesu le tshwanetse ho lebelwa.<br />
Bala jwale hore lebaka e ne e le lefe la kopo eo.<br />
Bala: * Mattheu 27:62-67<br />
Ho etsa bonnete ba hore ho se be le a mong ya tla tlo utswa setopo sa Jesu ebe<br />
ho thwe o tsohile, ka tsela eo ba dila lebitla mme ba beha balebedi moo. Ho dila<br />
lebitla ho ne ho bolela hore le kwetswe ka thata hore ho se be le mang ya ka le<br />
bulang feela tjena.<br />
Empa, leha ba ile ba etsa tsohle tseo, ha ba a ka ba thibela mosebetsi o<br />
makatsang! Feela seo ba ileng ba se etsa, ke hore ba reke balebedi ka ditjhelete<br />
tse ngatangata hore ba bue leshano (Mattheu 28:11-15).<br />
18
Hohang Jesu o ne a shwele. A patwa lebitleng le ileng la dilwa.<br />
Ho ne ho le teng balebedi moo ho lebela hore ho se be le a mong<br />
ya ka utswang setopo sa Jesu.<br />
Mattheu 27:59-60 le 66.<br />
Yaba ho etsahala dimakatso tse kgolohadi ho tsohle tse kileng<br />
tsa etsahala!<br />
19
2.6 Jesu o ile a tsoha<br />
A ko inahanele. Eba o fumana molaetsa wa potlako hore o a bitswa, hobane<br />
mora wa hao wa matsibolo o kula hampe - o bile o makgatheng a lefu. Ha o le<br />
tseleng o be o ntse o rapela ka tshepo ya hore o mpe o fihle ka nako, ngwana wa<br />
hao a eso hlokahale. Ha o fihla sepetlelle, o dikadike hanyane pele o ka kena. O<br />
lebelletse tse bohloko. Jwale - ha o ntse o dikadika jwalo ho botsa 'materon 'hore<br />
ngwana wa hao robetse ho kae, ebe o re: "Ha a yo mona. Re mo lokollotse.<br />
Bosiung bo fetileng o ile a boela a phela hantle hape. O ile mosebetsing."<br />
Mosebetsi: O nahana jwang, o tla etsang?<br />
Na o ka utlwisisa hore basadi bale ba ile ba etsang ka Sontaha<br />
hoseng? Ba ile ba mpa ba ya lebitleng le ditsweng, empa jwale, ho<br />
hang ba kopana le seo neng ba sa se lebella e le molaetsa ka<br />
lengeloi: Ha a yo mona, hobane o tsohile bafung, jwaleka ha a<br />
boletse."<br />
Bala mme le qoqe Mattheu 28:1-10<br />
Kamora matsatsi a mararo Modimo o ile wa tsosa Jesu lebitleng. Ee, mesong ya<br />
letsatsi la Sontaha Jesu o ile a tsoha! Lebitla le ile la sala le le feela! Jesu o<br />
tsohile! Jesu o tsohile! O a phela! A re tjong hammoho : Jesu o tsohile! O a<br />
phela! Jesu o ne a le matla ho feta satane mme a le matla ho feta lefu. O hlotse<br />
lefu! A ko ipalle dikgaolo tse latelang o le hae:<br />
* Baroma 1:2-4 * 1 Bakorinthe 15<br />
* Baheberu 2:14-15 * Tshenolo 1:17-18<br />
Tsoho ya Jesu hase tshomo. Ha se feela motho kapa ba babedi ba pakang ka<br />
hoo. Kamora hoba Jesu a tsohe bafung, o ile a iponahatsa ho batho ba<br />
fapafapaneng. Batho ba bangata ba ile ba mmona, ba ile ba ba ba mo ama, ba<br />
bua le Yena le ho ja le Yena.<br />
Bala: * Johanne 20:19-20 * Johanne 20:26-29<br />
* Johanne 21:1 * 1 Bakorinthe 15:3-8<br />
Ee, kannete Jesu o a phela! KE JESU FEELA YA KA O PHOLOSANG, hobane<br />
ke Yena a le mong ya matla ho feta lefu le kajeno o ntse a le matla ho feta lefu.<br />
20
.<br />
Jesu o tsohile! Jesu o a phela! Ke Jesu feela ya ka o pholosang,<br />
hobane ke Yena feela ya bileng matla ho feta lefu esitana le<br />
mehleng ya jwale.<br />
Mattheu 28:6-7<br />
Jwale Jesu o ho kae?<br />
21
2.7 Jesu o nyolohetse lehodimong<br />
Matsatsi a mashome a mane ka mora hoba Jesu a ile a tsoha bafung,o ile a<br />
nyolohela lehodimong. Ho ile ha etsahala nakong eo Jesu a neng a bua le<br />
barutuwa ba Hae. Ke moo Jesu a ileng a nyolosetswa lehodimong mahlong a<br />
barutuwa ba Hae. Leru le ile la mo nka ka pela mahlo a bona hore ba se mo<br />
tadime nako e telele. Hona re ho bitsa Nyolohelo. Hona ho bolela hore Jesu o<br />
tlohile lefatsheng, o kgutletse ho Modimo Ntate lehodimong.<br />
Bala: * Mattheu 28:16-20<br />
* Diketso 1:9-11<br />
Jesu ke Kgosi le Morena ya phelang ka mehla, lehodimong o dutse letsohong le<br />
letona la Modimo Ntate. Moo teng o rapella bana bohle ba Modimo. O a o tseba<br />
mme o a o utlwisisa. A ka o thusa. A ka o tswarela dibe. E, KE JESU FEELA YA<br />
KA O PHOLOSANG.<br />
Hobane Jesu ka mmele oo a neng a ena le wona jwaleka motho oo ka wona a<br />
ileng a tsoha bafung, jwale a le lehodimong, nna le wena re ka ba le bonnete ba<br />
hore rona ba dumelang ho Yena, o tla kgutla ho re nkela lehodimong ho Yena.<br />
22
Jesu o ile a kgutlela ho Modimo Ntate lehodimong. Moo teng o<br />
bua le Modimo ka bohle ba dumelang ho Yena.<br />
Diketso 1:9 le Baheberu 7:25<br />
Na Jesu jwale o re siile re le bang?<br />
23
2.8 Moya o Halalelang o romilwe<br />
Pele hoba Jesu a thakgiswe, o ile a re ho barutuwa ba Hae o tla tloswa ho bona<br />
ha nakwana, empa o tla boela a kgutla kapele. Kahoo Jesu o ne a bolela dintho<br />
tse pedi:<br />
1) Ya pele ke hore ka botho ba Moya o Halalelang, Moya wa Modimo, o tla<br />
boela a etla ho bona. Taba tsena re tla ithuta haholo ka tsona ha re ithuta ka<br />
leqephe le hlwekileng le mabapi le ha re bua ka botho le mesebetsi ya Moya<br />
o Halalelang.<br />
2) Ya bobedi kaha a bontsha ho tla ha Hae labobedi. O ile a tshepisa hore o tla<br />
boela a etla ka boYena. Ha a tlela ho tla shwela dibe tsa batho. O tla hape<br />
ho tla lata bana ba Hae. Taba tsena re tla ithuta haholo ka tsona ha re ithuta<br />
ka leqephe le bolou.<br />
Feela ho bohlokwa hore o tsebe hore kamora hoba Jesu a nyolohele lehodimong<br />
o ile a kopa Ntate, mme Yena le Ntate ba ile ba romela Moya o Halalelang ho<br />
rona. O ile a romela Moya o Halalelang ho tla o thusa.<br />
Bala: Johanne 14:15-17<br />
Moya o Halalelang o o thusa jwang? Ke Moya o Halalelang o etsang hore wena,<br />
o dumele jwale seo ke o rutang sona. Moya o Halalelang o o ruta hore o bone<br />
sebe sa hao ka nepo. Ke Moya o Halalelang o o thusang hore o dumele hore<br />
Jesu o ile a shwela dibe tsa hao sefapanong. E, Moya o Halalelang o o thusa<br />
hore o dumele: KE JESU FEELA YA KA O PHOLOSANG.<br />
24
Ka letsatsi la Pentakonta Jesu le Ntate ba ile ba romela Moya o<br />
Halalelang ho rona hore e mong le e mong ya dumelang ho Jesu, o<br />
mo thuse.<br />
Diketso 2:1-4<br />
o<br />
o romilwe<br />
hore o<br />
o<br />
25<br />
s
Qetello:<br />
Jwale o se o utlwile ka leqheka le makatsang leo Modimo o le entseng. O utlwile<br />
tseo tsohle Jesu a o etseditseng tsona. Jwale ke batla ho o botsa: Na o a di<br />
kgolwa tseo? Na o a dumela hore Jesu o o ratile mme o o etseditse tseo tsohle<br />
hore a o pholose dibeng tsa hao? O tshwanetse ho dumela!<br />
?<br />
TSEBISO HO MORUPELLI: Haeba ho hlokeha, o ka etsa memo ya baithuti hore<br />
ba batlang ho amohela Jesu Kreste e le Mopholosi wa bona. O ka etsa jwalo ho<br />
fihlela <strong>KAROLO</strong>NG 3. Mona o se ke wa re baithuti ba thuse ba bang. Hlophisa le<br />
bona hore ba ka o bona moo tlelaseng ka ho toba kapa ka nako ya dijo ba tle ho<br />
wena.<br />
26
<strong>KAROLO</strong> 3 (60 metsotso)<br />
HAMMOHO LE JESU TSELENG YA HAE<br />
YA MAHLOMOLA.<br />
Ke ka makgetlo o utlwa molaetsa wa mahlomola, lefu le tsoho ya Jesu ka<br />
diqonwana-qonwana. Hona ho etsa hore tse kgolohadi le tsebo di o fete. Jwale<br />
re tla sebedisa nako ya rona hore ka lekgetlo karolo yohle jwalekaha Mareka a re<br />
ngolletse yona, re e bale kaofela mme re nahane kahoo. Nakong ena o hopole:<br />
JESU O O ETSEDITSE TSONA!<br />
MOSEBETSI O TLA ETSWA KE MORUPELLI: E re bohle ba batle Mareka 14.<br />
Rapela hore Moya o Halalelang eka o ka thusa moithuti ka mong hore a tle a<br />
phele seo a tla se fumana diketsahalong tseo Mareka a ngotseng ka tsona mona.<br />
Bala jwale Mareka 14 ho fihlela ho 16 kapela baithuti. Ha o ntse o bala o nne o<br />
bue mantswe ana kgafetsa: Hopola, JESU O O ETSEDITSE TSONA!<br />
Ha o se o qetile, o tla tshwanela ho arola baithuti dihlotshwana tse hlano tsa batho<br />
ba 5 sehlopha ka seng. Etsa bonnete ba hore sehlopheng ka seng ho na le<br />
motho ya tsebang ho bala hantle.<br />
Mosebetsi: Balang hape dikgaolo tseo ka dihlopha. Rapela Modimo hore ka<br />
Mosebetsi wa Moya le Lentswe la Wona o bue le wena.<br />
* A ko ipehe maemong a Jesu. Nahana kamoo a neng a<br />
tshwanela ho phela tseo tsohle. O ne o tla ikutlwa jwang haeba e ne e<br />
le wena ya neng a tla tshwarwa jwalo - ke metswalle, baetapele ba<br />
kereke, masole a heno le baetsadibe ba babe?<br />
* A ko nahane hore ha ka nako tsohle a sa ka a etsa sebe le ho se<br />
nahana hohang.<br />
* O ne o tla ikutlwa jwang ha a ne a ka theoha sefapanong, empa o ne a<br />
ke ke a ho etsa ka baka la lerato la Hae ho wena?<br />
* O ne a ikutlwa jwang ho siya Modimo?<br />
* Arolelang tsebo ya lona dihlopheng tsa lona mme le ntse le hopola,<br />
JESU O O ETSEDITSE TSEO TSOHLE!<br />
27
Selelekela:<br />
<strong>KAROLO</strong> 4 (20 Metsotso)<br />
MOSEBETSI WA HLOOHO: JOHANNE 3:16<br />
Ho na le mekgwa e mengata eo ka yona o ka bontshang e mong kamoo o mo<br />
ratang. Ho tea ka mohlala, ha re re o batla ho bontsha lerato ho ngwana wa hao,<br />
monna kapa mosadi wa hao, na o bontsha jwang? (E re baithuti ba bontshe).<br />
Lerato ho mong a hao kapa ho e mong wa basebetsi, teng o tla bontsha jwang?<br />
(E re hape baithuti ba bontshe)<br />
E, ho na le mekgwa e fapaneng eo o ka bontshang e mong hore o a mo rata. O<br />
ka mo phapha-phaphatha, wa mo ngolla lengolo hore o a mo rata. Hape ka ho<br />
thusa motho e mong o bontsha hore o a mo rata. Ka ho etsa mesebetsi e metle<br />
le e makgethe o bontsha ramosebetsi wa hao hore o a mo rata. Le ha bana ba<br />
utlwa batswadi ba bona, ba bontsha hore ba rata batswadi ba bona.<br />
E, ho teng mekgwa e mengata ho bontsha e mong hore o a mo rata. Kajeno re<br />
tla bala Bibeleng ho bontsha hore Modimo o rata nna le wena haholo.<br />
Bala temana ena:<br />
Johanne 3:16 Bibeleng.<br />
TSEBISO HO MORUPELLI: E re baithuti ba e batle Bibeleng mme ba e tshwaye.<br />
Ha temana e ntse e ithutwa, ba ka ithuta yona ka ho sebedisa selelekela<br />
setshwantshong se leqepheng la 33.<br />
Tlhaloso ya temana:<br />
Modimo o ratile lefatshe hakaalo: Lefatshe ke batho bohle ba lefatsheng.<br />
Modimo ha o a rata batho ba itseng feela haholo ho feta ba bang. Batho bohle<br />
lefatsheng o ba ratile haholo - ha ho kgathalletsehe hore ba phela naheng efe, ba<br />
bua puo efe, ke ba mmala ofe.<br />
30
hoo o bileng wa le neha Mora wa wona a inotshi: Hobane Modimo o ratile e<br />
mong le e mong wa rona hore a tle a re lokolle sebeng, o ile a roma Mora wa<br />
Wona, Jesu, lefatsheng, Jesu o ile a itela ho shwa sefapanong bakeng sa hao,<br />
hore o tle o seke wa tshwanelwa ke kotlo ya dibe tsa hao.<br />
hore ba dumelang ho Yena: O lokela ho dumela hore seo Jesu a o etseditseng<br />
sona o se etse sa hao. O lokela ho dumela le ho amohela hore Jesu o se<br />
etseditse wena.<br />
ba mpe ba be le bophelo bo safeleng: Ho makatsang ke hore o tla ba le<br />
Modimo nako tsohle. O tla be o le lehlohonolo!<br />
Tebisetso - Temana ena e bolelang ho wena?<br />
Na o a dumela hore ehlile Jesu o tlile ka baka la hao lefatsheng? O ka ba morui<br />
kapa mofutsana, o rutehile ka ha o tseba ho bala le ho ngola, o monna kapa<br />
mosadi, o rapolasi kapa molaodi (voorman) kapa mosebelletsi fela - Jesu e hlile o<br />
tlile ka baka la hao. Ha o a tshwanela ho iketsisa kapa ho iketsa eka o lokile, pele<br />
Modimo a ka o rata. O o ratile nako yohle, ke ka hoo a rometseng Jesu. Kahoo<br />
Jesu o tletse baetsadibe.<br />
Na o a dumela hore Jesu o shwetse dibe tsa hao sefapanong? Ha eba o eso be<br />
ngwana wa Modimo, bolella Jesu hore o dumela ho Yena mme o inyatsa ka baka<br />
la dibe tsa hao (di bolele) tseo o di etseng, o tla o tshwarela. Ee, o tla tlosa dibe<br />
tsohle tsa hao mme a o etse ngwana wa hae.<br />
Haeba o se o le ngwana wa Modimo, e re ho Jesu o a leboha ka tsohle tseo a o<br />
etseditseng tsona. E re ho Yena o a leboha ka ho dumela ho Yena. Mmolelle<br />
kamoo o mo ratang! Eya o phetele ba bang ka hona!<br />
31
Pheto ya temana:<br />
* Temana ena e ka bontshwa ka ditshupiso; mohl.<br />
Modimo o: Bontsha ka ho lelatsa letsoho le le leng hodimo moyeng.<br />
ratile: Fapanya matsoho a mabedi hodima sefuba.<br />
lefatshe hakaalo: Bontsha ka matsoho a otlollotsweng bakeng sa<br />
lefatshe (ho batho).<br />
hoo o le nehileng Mora wa Wona a inotshi: Bontsha ka monwana o<br />
le mong (wa bosupa) ho ka hlalosa inotshi.<br />
hore ba dumelang ho Yena: Bontsha ka yona menwana ya bosupa o e<br />
bapisitse mmoho.<br />
ba seke ba timela: Sothela matsoho a mabedi kahare mme o a fokele<br />
kantle/pele o ntse o sisinya hlooho.<br />
ba mpe ba be le bophelo bo safeleng: Phahamisa matsoho ho tswa kantle<br />
mme o a otlollele hodimo.<br />
TSEBISO HO MORUPELLI: Jwale kaha baithuti ba fihlelletse temana, ba lokela<br />
hore ba etelletswe hore ba etse ditshwantsho (ka buka feela, rula kapa sekotwana<br />
sa pampiri) mme ba bolela mantswe ka hlooho. Kamora ho pheta habedi kapa<br />
hararo, o ka kope e mong wa baithuti ho bua hakgutshwane hore temana ena e<br />
bolelang ka ho yena. Ha o se o qetela kopa moithuti kapa bababedi ho pheta<br />
temana ena ka bo mong.<br />
32
o bile wa le nea<br />
Mora<br />
wa wona ya<br />
tswetsweng a<br />
innotshi<br />
Johanne 3:16<br />
Hobane Modimo<br />
o ratile<br />
a se ke a<br />
hakalo,<br />
bo sa feleng<br />
33<br />
timela,<br />
a mpe a be<br />
le<br />
bophelo<br />
Johanne 3:16<br />
hore e mong le e mong<br />
ya dumelang ho<br />
YENA
<strong>KAROLO</strong> 5 (50 metsotso)<br />
KE JESU FEELA YA KA O PHOLOSANG,<br />
HOBANE HA HO MOTHO YA TSHWANANG LE YENA.<br />
Kajeno ho na le ditshebelletso tsa bodumedi tse ngata. Batho ba bangata<br />
balatola hore ha ho na phapang pakeng tsa ditshebelletso tseo tsa bodumedi. Ba<br />
re o ka nna wa ba Momosleme, Mohindu, Mokreste, Mobodise, Otodoko wa<br />
Bajode. Ba re hoo ha ho etse letho. O ka ba wa fihlella Tumelo ya Afrika - le moo<br />
ba re ho ntse ho lokile. Ba fuwa tjantjello ke hore, leha o ka rata ho latela tumelo<br />
eitseng. Ba re ditshebelletso tsa bodumedi le tumelo di jwaleka tselana tse pedi<br />
tsehlwang thaba. Ha ho kgathalletsehe hore o tla hlwa ka e lehlakoreng lefe,<br />
hobane kahodimodimo tselana tseo di a kopana.<br />
Mosebetsi: O ikutlwa jwang ka tlhahiso ena? O dumellana le yona? Haeba o<br />
sa dumellane le yona, hlalosa hore hobaneng.<br />
Hore ditshebelelletso tsohle di a tshwana, hoo hase letho ha e se le tswang<br />
diheleng. Ho tobane le kganyetso eo Modimo ka boYena a e bolelang Bibeleng.<br />
Bala: * Johanne 14:6<br />
Hobaneng ha nna le wena re tla pholoswa ke Jesu feela, ka Yena feela re ka<br />
yang ho Ntate? Ho na le mabaka a mmalwa ao o ka fanang ka ona. A re ke re<br />
shebe mabaka ao. O tla fumana ka Tataiso ka thutabodumedi ya Polasi<br />
(Godsdiensgids) leqephe 28. Ka nomoro ya thuto 9.<br />
TSEBISO HO MORUPELLI: Fana ka thuto 9 leqephe 28-29 tsa Tataiso ka<br />
Thutabodumedi ya Polasi ho baithuti. Etsa bonnete ba hore bohle ba nka karolo<br />
puisanong. Haeba sehlopha se le seholo haholo, o ka etsa dihlotswana mme o<br />
botse dipotso ho tsona ka ho qolleha. Wena o lokela ho ithuta e sa le pele<br />
leqephe 6-11 hape ho Tataiso ka Thutabodumedi ya Polasi ka hloko.<br />
Hopola hore, baithuti ba tla o latela ho seo o se etsang jwaleka sebapadi-sadiketso<br />
(rolmodel) kapela bona. Mokgwa oo o tla nehelana thuto ka ona o tla be o<br />
ruta baithuti hore ba etse jwalo le bona. Kahoo o etse boitokisetso ka hloko mme<br />
o ntshe molaetsa ka tjhesehello.<br />
34
<strong>KAROLO</strong> 6 (90 metsotso)<br />
HO SHEBA TABA KA NNGWE KA LEIHLO LE NTJHOTJHO.<br />
6.1 Se bolelwang ke tsoho ya Jesu!<br />
Tsoho ya Jesu ke motheho oo rona Bakreste re hahileng bohle tumelo ho ona.<br />
Mosebetsi: Bala pele 1 Bakorinthe 15:12-19 kaofela. Paulose kgaolong eo o re<br />
haeba Kreste a sa tsoha, ho bolela dintho tse mmalwa. Ke dife?<br />
Temana 14: ......................................................................<br />
Temana 14: ........................................................................<br />
Temana 15: ......................................................................<br />
Temana 17: .......................................................................<br />
Temana 17: .......................................................................<br />
Temana 18: .......................................................................<br />
Na o a bona jwale hore ke ka baka lefe ke re tsoho ya Kreste ke motheho, ke moo<br />
tumelo yohle ya boKreste ahilweng hodima yona? Ha eba Kreste o ne a sa tsoha,<br />
tsohle di ne di ne di tla heleha! Empa jwale , Kreste o tsohile! Ke ka baka leo e<br />
leng potso: Tsoho ya Hae e bolelang ho bohle ba dumelang?<br />
1. Tsoho ya Jesu e bolela hore HAO SA TSHWANELA HO TSHABA - leha e<br />
le satane kapa matla a meya efe kapa efe e ditshila. Ka tsoho ya Hae o<br />
robile matla a satane. Ha o a tshwanela ho ka thothomella meya e ditshila<br />
ka tsela eo, hobane ha ho matla a fetang matla a Kreste (Baefese 1:20-22).<br />
A ka o sirelletsa maemong ohle le kgahlanong le meya e ditshila le matleng<br />
kgatello tsohle.<br />
35
2. Tsoho ya Jesu hape e bolela hore HA O SA TSHWANELA HO KA<br />
TSHABA- kotlo ya Modimo. Modimo ha o sa tla hlola o ka o lahla le ho o<br />
otla, hobane Jesu o tsohile hore nna le wena re be le tokoloho puisanong.<br />
Ka ho tsoha Jesu o re tliseditse poelano e phethahetseng hape ho Modimo.<br />
O tlisa kgotso hape mahareng a Modimo le motho. Bala Baroma 4:25, ho<br />
fihlela ho 5:1. Ha o dumela ho Jesu Kreste, Modimo o a o bona mme ha a<br />
sa bona dibe tsa hao hantle, empa o bona hantle Morena Jesu ya phelang -<br />
Yena eo a seng a ile a shwa e le tefello ya dibe tsa hao. Ka hoo Modimo o<br />
entse qeto hore bohle ba dumelang ho Kreste, E, hape le wena, o lokafatswe.<br />
3. Tsoho ya Jesu e bolela hape hore HA O A TSHWANELA HO TSHABA o ka<br />
iphumana jwang o phela jwaleka ngwana wa Modimo. Batho ba bangata ba<br />
dumela hore o o lokollotse mme wena o se o tla sala o itokisa ho feta moo ka<br />
bowena. Kahoo ba na le tshabo hore ba amohele Jesu jwaleka Mopholosi<br />
wa bona. Ba tshaba hore ba ke ke ba iphumana ba phela jwaleka bana ba<br />
Modimo. Ke hantle, ka hobane Jesu a ile a tsoha, ha O SA TSHWANELA<br />
HO NNA O TSHABA, hobane ha o a tshwanela hore ka matla a hao o leke<br />
ho phela jwaleka ngwana wa Modimo. Ka matla ao Modimo o ileng wa tsosa<br />
Jesu bafung ka oona, o o thusa jwalo hore o phele jwaleka ngwana wa<br />
Modimo. Ka matla a Hae, o o tsosa jwalo hore o phele bophelo bo botjha.<br />
Ka matla a hae a tsoho, Jesu o hlokomela hore ka tsela eo o phele jwaleka<br />
ngwana wa Modimo (Baroma 6:4/Bagalata 2:19-20 le Baefese 1:19-20). Ka<br />
hobane Jesu a ile a tsoha, o ka hlola dibe ka ho di tlohela.<br />
4. HA O A TSHWANELA hape HORE O SE TSHABE lefu (Baheberu 2:14-15).<br />
Hoba Jesu a tsohe bafung, o hlotse lefu (Diketso 2:24). Nna le wena ha re sa<br />
tshwanela ho tshaba lefu, hobane ke ka tumelo e mong le e mong a ka<br />
kenang ho fihlela bophelo bo botjha le Kreste (Bafilipi 1:23).<br />
5. Tsoho ya Jesu hape e bolela hore HA O SA TSHWANELA HO TSHABA<br />
lebitla. Ha ho le a mong wa bana ba Modimo ya tla ya lebitleng ka nako<br />
tsohle. Tsoho ya Jesu ke tiiselletso ya hore ngwana e mong le e mong wa<br />
Modimo o tla tsoha bafung (1 Bakorinte 15:35-58). Ha ho sa tla ba le a<br />
holofetseng kapa ya nang le mahlaba, ho kula le matetetso. Hape le<br />
bofokodi ba boqheku bo tla be bo tlositswe.<br />
36
Ntlo e eme hodima motheho - ntle le ona e ka heleha. Tsoho ya<br />
Jesu ke motheho oo hodima ona tumelo yohle e thehilweng<br />
hodima ona - ntle le moo boKreste ba rona bo ka qhalana ka<br />
bonngwe.<br />
Ha o le ngwana wa Modimo, o ka ba le bonnete: Ha o sa tswanela<br />
ho tshaba mme wa phela matswalong, hobane .........<br />
* Satane le matla a meya e mebe ba hlotswe;<br />
* Modimo o ke ke wa hlola o sa o otla bakeng sa dibe;<br />
* Jesu ka bo Yena o o fa matla a hore o phele jwaleka<br />
ngwana wa Modimo;<br />
* Lefu le hlotswe;<br />
* Mme o tla tsoha bafung.<br />
1 Bakorinthe 15:20<br />
37
6.2 Sontaha ke letsatsi le makatsang la mokete!<br />
Ha ke bolele hore ena ke nyalano e felletseng ya Sabatha le Sontaha. Hantle ntle<br />
ke mpa ke batla hore feela Sontaha se kgethehile jwang. Empa hle, ho a<br />
hlokahala hore nke ke bolele ho hong ka Sabata.<br />
Sabata ya Bajode:<br />
Sabata ya Bajode ke letsatsi la bosupa la beke. Ho bolelang hore ke Moqebelo.<br />
Ho bonahala hore Bajode ba bala nako ho qala ka hora ya botshelela mantsiboya<br />
ho fihlela hora ya botshelela mantsiboya a le hlahlamang, Sabata ya Bajode ho<br />
latela nako ya rona ka tsela eo, ke hantlentle hora ya botshelela ka Labohlano ho<br />
fihlela hora ya botshelela ka Moqebelo mantsiboya. Sabata e kile ya tshwenya<br />
batho ba boholoholo ba Iseraele ka hore ke Modimo ya hlodileng letsatsi leo, hore<br />
ke yena ya tsosang le ho hlokomela mmopo ohle. Setjhaba se ne se tshwanela<br />
ho hopola Sabata kahoo hore Modimo o ba ntshitse Egepeta ka diketso tsa matla,<br />
moo e neng e le makgoba, a ba lokolla. Ka tsela eo Sabata e ne e le letsatsi la ho<br />
keteka, empa ho salang e ne e le hore Modimo o ile wa phomola ka lona letsatsi<br />
leo (Tshimoloho/Genese 2:2-3; Eksoda 20:8-11 le Dipolelo/Deutoronoma 5:15).<br />
Nakong ya Testamente e Ntjha le ya Kgale Bajode ba ne ba batla hore ho tsohle<br />
baetapele ba ditshebelletso tsa bodumedi ba sirelletse tshebelletso ya bodumedi<br />
ba bona kgahlanong le kgahlamelo ya baheteng yaba ba etsa ka nqenngwe<br />
melawana eo boholo ba yona e neng e le tshwanelo le thibelo.<br />
Sontaha:<br />
Batho ba bangata ba nahana hore Sabata ke Sontaha ke letsatsi la pele la beke.<br />
Mosebetsi: Hobaneng re se re sa tshware Sabata, ka Moqebelo empa jwaleka<br />
bakreste re keteka letsatsi la Sontaha?<br />
Batho ba bangata ba re Sontaha se itshwanela le matsatsi a mang a beke.<br />
Kahoo motho kajeno o batla a sa bone phaphang mahareng a Sontaha le<br />
matsatsi a mang. Empa ho rona jwaleka bakreste Sontaha ke letsatsi le<br />
ikgethang la keteko. Ka Sontaha dintho tsohle tsa bohlokwa tsa tumelo ya rona di<br />
a etsahala.<br />
38
1. Jesu o ile a tsoha bafung:<br />
* Mattheu 28:1-6<br />
* Luka 24:1-7<br />
2. Jesu o ile a iponahatsa ho barutuwa:<br />
* Johanne 20:19 le 26 Matsatsi a robedi hamorao e ne e boletse e le<br />
Sontaha sheba hapemosebetsi ho temana ya 21 oo Jesu a ileng a o fa<br />
barutuwa ba Hae Sontaheng seo.<br />
* Luka 24:13-16 Ho latela temana ya 13 e ne e botetse e le Sontaha<br />
(sheba temana 1.)<br />
39
3. Moya o Halalelang o ile wa theoha ka Sontaha:<br />
* Diketso 2:1 Haeba o ena le kgatiso e Ntjha ya Bibele ya Sesotho (1989)<br />
o ka sheba maqepheng a ka moraorao ho Tlhaloso ya Mantswe kapa le<br />
ho Tshupane o shebe ka tlasa lentswe mekete. O ka bala<br />
haholwanyane tlasa sehlooho sena Pentakonta (le mohlomong hape ho<br />
Sabatha.) O ka bona hore Pentakonta ke mokete o neng o etswa<br />
kamora Sabata, ka tsela e jwalo ho bolela Sontaha.<br />
4. Johanne o amohetse "Tshenolo" e le ka Sontaha:<br />
* Tshenolo 1:9-11 Letsatsi la Morena leo ho buuwang ka lona mona, e ne<br />
e le hape Sontaha.<br />
40
5. Bakreste ba pele ba ile ba kopana hammoho e le Sontaha:<br />
* Diketso 20:7<br />
6. Ka<br />
Sontaha dikabelo di ne di behelwa ka thoko:<br />
* 1 Bakorinthe 16:1-2<br />
Ho tswa karolwaneng ena ya Mangolo ka ho qolleha eo ho fannweng ka yona, ho<br />
tshwaneleha hore Sontaha e ebe hantle letsatsi le kgethehang. Ke letsatsi leo ka<br />
lona le tshwanelang ho thaba ka lona le ho etsa mekete hobane Jesu a ile a tsoha<br />
ka lona le Moya O Halalelang re o filwe ka lona.<br />
41
Mokreste o lokela ho sebedisa letsatsi la Sontaha jwang?<br />
Haeba ka tsela eo o etsa qeto hore Sontaha o tla se sebedisa, o tshwanela hore<br />
sebakeng sa pele o nahane ka tsohle tseo ho latela Lentswe le re bolelletseng tse<br />
ileng tsa etsahala ka Sontaha. O lokela le ho hopola hore Sabata e entswe ke<br />
eng hore e be letsatsi le ikgethileng. O ka etsa jwalo ka Sontaha o tshwanela hore<br />
ho tsohle o nahane hore ke ka lona Modimo o ileng wa o lokolla - kahoo o<br />
tshwanela ho kgaotsa ho etsa dintho tseo e leng dibe ka mefuta ya tsona, ho sa<br />
kgathatsehe hore ke letsatsi lefe la beke. Ka lena la Sontaha Modimo o batla ho<br />
o bolella hore o tshwanela ho phomola mesebetsing yohle e ditshila, ka mantswe<br />
a mang, o tshwanela ho kgaotsa ka yona. Ha ho sa hlokahala hore o latele<br />
melawana yohle ya ho etsa le ho thibela ya Bajode eo ba ileng ba e amahanya le<br />
Sabata, hore o se e phethe ka Sontaha. Ha o a lokela ke ho iketsetsa melawana<br />
le melao e sehlopha bakeng sa Sontaha.<br />
Mosebetsi : * Na nna le wena re ka boela ra etsa Sontaha letsatsi le<br />
ikgethileng jwang - letsatsi la ho keteka le la menyaka?<br />
* Na nna le wena, re ka pakela lefatshe jwang hore Jesu o tsohile<br />
ka Sontaha?<br />
* Na nna le wena, hore ka letsatsi la Sontaha re ka pakela<br />
lefatshe jwang hore Moya o Halalelang o phela ho rona le hore<br />
tokoloho eo e leng mpho ya ba bakreste e a makatsa?<br />
42
6.3 Paseka ke letsatsi leo o tshwanelang ho bolella bana ba hao seo<br />
Modimo o ileng wa se etsa!<br />
TSEBISO HO MORUPELLI: E re baithuti ba qoqe pele ka mokete wa Paseka.<br />
Fumana hore ba tseba ho le hokae ka yona. Hobaneng re bua ka mokete wa<br />
Paseka? Mokete wa Paseka o tswa kae? Re keteka mokete wa paseka jwang,<br />
hobaneng? Hobaneng re bua ka Labohlano le Molemo le Sontaha sa Paseka?<br />
Ho tseba ha bona haholo, e tla ba ba o boloketse nako yaho tshwanela ho etsa<br />
karolo ena. Etsa bonnete bo fetisang hore mokete wa paseka e be seo Modimo o<br />
se etseditseng setjhaba sa Wona ka bo batsi, a ho beha. Mokete wa paseka ha o<br />
a tshwanela ho sala o le meyeng jwaleka ketsahalo e arohileng.<br />
Jwaleka sekapuo sena: "Modimo wa bo ntata rona Abrahama, Isaka le Jakobo."<br />
mona feela ho tla mpe ho sebediswe, hobane ho bohlokwa ho baithuti ba ntseng<br />
ba itshwarelletse boikanong ba bo ntata bona hore le Bibeleng ho buuwa ka<br />
Modimo wa bontata bona, eseng ka bontata bona.<br />
O se o ile wa utlwa le ho bala ka makgetlo moo ho buuwang ka "Modimo wa<br />
Abraham, Isaka le Jakobo." Ho Tshimoloho/Genese 12 re bala kamoo Morena a<br />
ileng a bitsa Abrahama mme wa hloma selekane le yena kateng. O ile a re o tla<br />
ba Modimo wa Abrahama le ho mo hlohonolofatsa. Morena o ile a tshepisa<br />
Abrahama hore o tla mo etsa setjhaba se seholo. Morena o ile a tshepisa<br />
Abrahama hore o tla mo etsa setjhaba se seholo. Morena a tiisa hoo hape ka<br />
hore: "ditjhaba tsohle di tla hlohonolofalla ho wena." Isaka ke mora wa<br />
Abrahama. Jakobo ya eba mora wa Isaka. Lebitso la Jakobo hamorao le ile la<br />
fetolelwa ho Iseraele. Ke ka bara ba leshome le metso e mmedi ba Jakobo<br />
(Iseraele) bao hamorao e bileng meloko e 12 ya Iseraele (O ka ipalla ho<br />
Tshimoloho/Genese 49 le Joshua 13 ho fihlela ho 19.)<br />
Bara ba Jakobo ba ile ba honohela Josefa, e mong wa bana ba bo bona. Ba ile<br />
ba re ntatabona o mmehile kapele. Ba ile ba mo rekisa jwaleka lekgoba mme ba<br />
bolella ntata bona hore sebata se mo harotse. Kahoo ha etsahala hore Josefa a<br />
be a fihle Egepeta. Hobane Modimo a mo hlohonolofatse, hamorao e bile<br />
mmusisi wa Egepeta. O ne a bile a le molaodi wa pokelletso ya mediko ya koro.<br />
Nakong eo ha eba komello e kgolo naheng eo Jakobo le bara ba hae ba phelang<br />
ho yona,Jakobo a roma bara ba hae Egepeta ho ya reka koro. Ka mokgwa oo<br />
bona le ntata bona ba boela ha teana le Josefa mme qetellong ba ba ba dula<br />
Egepeta. Ba ile ba nna ba ata ho fihlela e eba setjhaba se seholo sefelletseng.<br />
Ba ile ba fetoha makgoba a Baegepeta.<br />
43
Mokete wa Paseka:<br />
Setjhaba sa Iseraele se ile sa phela dilemo tse 430 Egepeta. Yaba Morena o<br />
batla ho ba isa naheng ya bona. O ile a kgetha Moshe ho etella setjhaba pele ho<br />
tswa Egepeta. Morena o ile a otla Baegepeta ha boima hobane Faro (morena wa<br />
Egepeta) a ne a sa batle ha Baiseraele ba ka falla. Dintho tse mpe tseo Modimo<br />
o ileng wa etsa hore di etsahale, di bitswa dikotlo (Eksoda 7-10.)<br />
Kamora hoba Morena a otle Baegepeta ka dikotlo tse leshome, o ile a re ho<br />
Moshe hore lapa le leng le le leng Iseraeleng ka letsatsi leo la tlokotsi hore<br />
malapa a bona a tle a totobale ho lokelwa hore ba hlabe konyana e selemo se le<br />
seng mme ba tlotse dikosene tsa mamati ka madi a yona. Setjhaba se boele se<br />
bese nama ya yona mme ba e jelelle ka mahobe a senang ditomoso hammoho le<br />
dinoko tse babang. E bile letsatsi la Paseka kapa mokete wa Paseka. Tsatsing<br />
leo Morena o ile a tlohella matsibolo a Baegepeta ho shwa, empa matlong a<br />
BaIseraele moo ho tlotsitweng madi dikoseneng, a feta feela. Bana ba bona ha<br />
ba a ka ba shwa. Yaba Faro o tlohela setjhaba hore se falle. Setjhaba jwale sa<br />
tshwanela hore selemo le selemo ba keteke mokete wa Paseka e le sehopotso sa<br />
seo Modimo o ba etseditseng sona, kamoo a ileng a ba ntsha Egepeta moo e<br />
neng e le makgoba. Ba ne ba tshwanela ho sebedisa monyetla ona ho bolella<br />
bana ba bona ka seo Modimo o ba etseditseng sona.<br />
O TSHWANELA HORE LE WENA O BOLELLE BANA BA HAO hore Modimo<br />
ha o a ka wa lokolla setjhaba sa Wona sa Iseraele bokgobeng feela, ka matla a<br />
Wona, empa o ntse a ena le matla a ho lokolla wena le bana ba hao sebeng.<br />
Mosebetsi: Bala Eksoda 12:1-3 hape, le temana 24-30 le temana 40-51.<br />
Madi a konyana ya Paseka, eo masapo a yona a sa kang a kgaoha, a ile a tlosa<br />
dibe tsa bona.<br />
44
Jesu o ile a thakgiswa nakong ya Mokete wa Paseka:<br />
Ka dilemo tse ngata Mokete wa Paseka o ntse o tshwarwa Jerusalema. Jesu le<br />
barutuwa ba Hae ba ile ba ya Moketeng wa Paseka Jerusalema le bona.<br />
Nakong eo ba ile ba bala nako e le hora ya botshelela mantsiboya ho isa nakong<br />
ya botshelela mantsiboyeng a le hlahlamang. Jesu le barutuwa ba hae le bona ba<br />
ile ba tshwara mokete wa paseka ka mokgwa o sa tlwaelehang le bona<br />
mantsiboya e le Labone. Nakong eo Jesu o ile a hloma selallo (Luka 22:7-2).<br />
Kamora moo ba ile ba ya serapeng sa Gethesemane moo Jesu a ileng a<br />
tshwarwa teng. O ile a qobokiswa bosiu bohle mme a thakgiswa ka Labohlano<br />
hoseng. Tsohle di ile tsa etsahala ka Mokete wa Paseka, ka ho swabela hona<br />
Baetapele ba Bajode ba etsa hore hona ho se etswe kahara Mokete wa Paseka<br />
(Mareka 14:1-2) Modimo o ile wa etsa qeto ya hore Jesu a shwe ka letsatsi la<br />
Mokete wa Paseka! Johanne o hlalosa hantle ha a re Jesu e bile Konyana ya<br />
Paseka. Ka ho totobala ho Johanne 1:29. Jesu o bitswa Konyana e tlosang dibe<br />
tsa lefatshe. Ho Johanne 19:30-37 ho ngotswe tlhaloso e felletseng e mahareng<br />
a Jesu le konyana ya paseka ka hore masapo a yona ha a ka a robjwa (Johanne<br />
19:33 le 36 hape le Eksoda 12:46).<br />
O TSHWANELA HORE LE WENA O BOLELLE BANA BA HAO Jesu o ile a<br />
thakgiswa Jerusalema nakong ya Mokete wa Paseka hore ke mokgwa oo hore a<br />
ba jarele kotlo ya dibe.<br />
Keteko ya Mokete wa Paseka:<br />
Ka Jesu Kreste, Konyana ya Modimo madi a yona a pholositse bophelo ba ka le<br />
ba hao. Ka madi a Hae o re pholositse, bao re neng re le makgoba a sebe, ra<br />
tswa ka matla a hae. Ha nna le wena re keteka Mokete wa Paseka, ha re sa<br />
nahana ka tokoloho ya Baiseraele bokgobeng Egepeta. Ha ho sa hlokahala hore<br />
re hlabe diphoofolo hore re tle re tlotse matlo a rona ka madi a tsona. Tjhe,<br />
nakong ya Mokete wa Paseka re hopola topollo ya rona dibeng ka madi a Jesu<br />
Kreste. Ke konyana ya rona ya Paseka. Ke Yena eo ka madi a Hae a ileng a<br />
pholosa maphelo a rona le ho re ntsha matleng a sebe. Ha re sa ja dijo tsa<br />
Paseka jwaleka Bajode, re keteka Selallo.<br />
Ha o nka bohobe, o tshwanela ho hopola hore mmele wa Jesu o ile wa "robjwa"<br />
ho fedisa dibe tsa hao ka ho phethahala. O tshwanela hore ka nnete o dumele.<br />
Hape ha o nka veine o enwa, kahoo o lokela ho hopola madi a theko e thata a<br />
ileng a phalla ho fumantshwa tshwarelo ya dibe tsa hao. Le ka hoo kannete o<br />
lokela ho dumela. Ha ho sa na sehlabelo se seng bakeng sa dibe tsa ka le tsa<br />
hao (Baheberu 10:11-18).<br />
45
O TSHWANETSE HO BOLELLA BANA BA HAO hore Jesu o hlomme Selallo<br />
bakeng sa letsatsi la paseka. O tshwanetse ho ba bolella hore bohobe le veine di<br />
re bolella/bontsha mmele le madi a Morena Jesu Kreste.<br />
Kahoo re se re bua ka Mafelobeke a Paseka bakeng sa Mokete wa Paseka oo re<br />
balang ka oona Testamenteng ya Kgale. Labohlano leo Jesu a ileng a<br />
thakgiswa ka lona, re le bitsa Labohlano le Molemo, hobane ka baka la seo<br />
Modimo a ileng a se etsa, ka ho fa nna le wena ditaba tse makatsang. Jesu o<br />
jarile dibe tsa ka le tsa hao. Sontaha sa Paseka, ke Sontaha seo Jesu a ileng a<br />
tsoha ka sona, bafung. Hobaneng ho le bohlokwa hakaalo, o ile wa ithuta pejana<br />
ha re ne re bua ka letsatsi la Sontaha.<br />
Mosebetsi: * Qoqang ka diketsahalo tse latelang: Mokete wa Paseka o ama<br />
bana ba Modimo ha bohlokwa, feela jwaleka bohlokwa ba<br />
letsatsi la Kresemese. O ikutlwa jwang?<br />
* Mafelobeke a Paseka a ile a eba ho batho ba bangata<br />
mafelobeke a malelele a menyaka. Na nna le wena re ka<br />
keteka Mokete wa Paseka jwang hore ba sa dumelang ba tle<br />
ba fumane letho la molaetsa wa topollo ho Kreste ka<br />
kutlwisiso?<br />
* Bajode ba tshwanela nakong tsena ba sebedise monyetla wa<br />
Mokete wa Paseka e le pontsho ho ba ba bona ka ho hlalosa<br />
seo Modimo o ba etseditseng sona. Na o se o ile wa hlalosetsa<br />
bana ba hao ka seo Modimo a se etseditseng wena le bona?<br />
* Dikereke tse ding le dihlopha tsa ditshebelletso tsa bodumedi di<br />
tshwara Mafelobeke a Paseka e le mokete o moholo. Ho ntse<br />
ho tswelwapele ka ho jewa hamonate le hoba mmoho tulong e<br />
ikgethang bakeng sa ho etsa ka molaetsa wa Paseka.<br />
-Kerekeng ya hao, ho bohlokwa ka mefelobeke a paseka ke<br />
eng?<br />
* Le dumellana mmoho ka molaetsa wa Bibele, ka ho qolleha o reng<br />
motho feela o pholositswe ke Jesu?<br />
46
* Hobaneng o sa thibele batho ba kereke ya heno ho hlaba dikgomo,<br />
dipodi le dinku bakeng sa tshebelletso eo nakong eo?<br />
* (O tla ithuta ho thuto 10 ya Tataiso ka Thutabodumedi ya Polasi e<br />
tla o thusa ho fana ka karabo e nepahetseng tsa hona.)<br />
Qalehong ke ile ka o bontsha hore Modimo o ile wa re ho Abrahama ho yena ho<br />
tla tswa ditjhaba tsohle tse tla hlohonolofalla ho yena. Ba leloko la Abrahama ke<br />
Baiseraele. Setjhabeng sena ke moo ho ileng ha tswalwa Jesu Kreste. Ditjhaba<br />
tsohle di hlohonolofalla ho Jesu, hobane ka lefu la hae le tsoho ya hae ho tlile<br />
phethoho e kgolohadi. Jwale ha ho sa le bao ho ka thweng ke moloko wa<br />
Abrahama bao e leng setjhaba sa Modimo. Jwale bohle ba dumelang ho Jesu<br />
Kreste ba bitswa bana ba Abrahama mme jwale ke setjhaba se setjha sa Modimo<br />
(Bagalata 3:7-9 le Tite 2:14).<br />
Ka tsela eo ha o dumela ho Jesu, o na le kabelo lehlohonolong leo Abrahama a<br />
seng a ile a le fuwa. Ebe ha ho etse taba hore o wa setjhaba sefe, morabe ofe,<br />
kapa wa mofuta ofe. Ha ho kgathalletsehe hore o bua puo efe. Ha o dumela, o<br />
nka seabo ho setjhaba se setjha sa Modimo se ileng sa bitswa ho tla bolela ka<br />
diketso tse makatsang tsa Modimo - ho ba dumelang ho se ileng sa etswa ho<br />
Yena. Moketeng wa Paseka wane wa Jerusalema (1 Petrose 2:9). Ha o dumela<br />
o na le tokoloho ya ho sebedisa Selallo le bana ba bang ba Modimo le ho ka<br />
bolela ka mokgwa o pepenene oo Modimo o ileng wa o sebedisa diketsong tsa<br />
tokoloho.<br />
O TSHWANELA HO BOLELLA BANA BA HAO ha ba dumela ho Jesu, le bona<br />
ke karolo ya setjhaba se setjha sa Modimo. Jwale ba tshwanela ho ya bolella ba<br />
bang ka molaetsa ona o makatsang wa Mokete wa Paseka hore Jesu o se a re<br />
lefelletse dibe tsa rona sefapanong.<br />
47
<strong>KAROLO</strong> 7 (40 metsotso)<br />
JESU FEELA<br />
Leqhephe le lefubedu la Bukana e Senang Mantswe le o ruta hore wena o le<br />
mong o pholositswe ke Jesu. Kahoo Johanne 14:6; Diketso 4:12 le<br />
1Thimothea 2:5 e eng bohlokwa hakaalo. Ka tsela e jwalo ho a hlokahala hore o<br />
di tshwaye Bibeleng ya hao le hore o tla di fumana kae ha o di batla. Kahoo re tla<br />
etsa papadinyana ena kapelenyana.<br />
TSEBISO HO MORUPELLI:<br />
* Mmoho ha re batleng le ho tshwaya Johanne 14:6 Bibeleng tsa rona.<br />
- Bala temana habedi kapa hararo mmoho mme le e bale le<br />
phahamisitse mantswe.<br />
-Botsa hore bohle ba utlwisisa temana mme ha ho hlokahala ba sa<br />
utlwisise e hlalose.<br />
- A ko re a le mong a bolele hore temana eo e reng ho yena.<br />
* Etsa jwalo le ka Diketso 4:12 le ho 1 Timothea 2:5.<br />
* Jwale arola sehlopha dihlopha tse pedi mme bohle ba kwetse Bibele tsa<br />
bona. Ha ba a tshwanela ho kenya matshwaong a ditemana tsa bona letho.<br />
Molemo ke hore ba ntshe matshwao a dibuka ka Bibeleng haeba a kentswe.<br />
Ho sebe letho leo ba le kentseng Bibeleng ho tshwaya hore e se kwalehe.<br />
* Jwale ho ka qalwa papadi:<br />
-O bolela temana (mohl. Diketso 4:12). Baithuti jwale ba ka phetla mme<br />
ba e batle ka potlako. Moithuti ya e fumanang pele, o tshwanela ho<br />
ema. Ebe o bala temana eo Bibeleng. Haeba a ile a e batla le ho e bala<br />
ka nepo, sehlopha sa habo se fumana ntlha. Efa ba bang sebaka sa ho<br />
nna ba e batla ba be ba e fumane ba ka boela ba e bala hape haholo.<br />
-Phetapheta ho fihlela temana ka nngwe e batlwa makgetlo a ka bang<br />
mabedi e bile e balwa.<br />
-Bala hape e nngwe ya ditemana Bibeleng, ntle le hore na e ngodilwe<br />
ho kae. Jwale eba baithuti ba tla nka qeto hore e ngodilwe ho kae le ho<br />
e batla. Dintlha di fanwa jwalekaha ho boletswe hodimo mona.<br />
- Hona moo o ka boela wa botsa e mong hore temana eo e bolelang.<br />
Tlhaloso ka mohlala o motle ho tla fuwa ntlha ya tlatsetso (bonus)<br />
-Sehlopha se nang le dintlha tse ngata ke bahlodi, empa ha re bolele ka<br />
hore se hlotse kapa se hlotswe. Empa e be taba ya hore se utlwisitse,<br />
se bapetse karolo, se batlile temana le pheto ya tsona.<br />
48
<strong>KAROLO</strong> 8 (40 metsotso)<br />
MODIMO O ROMA JESU MORA WA WONA,<br />
HO TLA O PHOLOSA.<br />
O se o ithutile dintho tse ngata ka Jesu. Jwale re tla boela re di pheta mmoho<br />
hakgutshwanyane mme re qoqe ka tsona hamonate. Hopola, diphetapheto tsena<br />
di a hlokahala hore o tle o hopole tsohle hantle. Di thusa le baithuti bao e bang<br />
ha ba tsebe ho bala hantle . Ho molemo ka ho fetisisa ha ba ithuta ka tlelaseng.<br />
Kakaretso ka Jesu re tla e fumana thutong ya bo - 8 ya Tataiso ka Thutabodumedi<br />
ya Polasi (leqephe 26-27). Karolo e tshwanang le eo e tla tla leqepheng la 8-9 la<br />
bukaneng eo e leng Bukana E Senang Mantswe e le tlhaloso.<br />
TSEBISO HO MORUPELLI: Fana jwale ka thuto 8 leqepheng la 26-27 la Tataiso<br />
ka Thutabodumedi ya Polasi ho baithuti. Etsa bonnete ba hore bohle ba nka<br />
karolo. Haeba sehlopha se le seholo haholo, o ka ba arola dihlotshwana tse<br />
nyenyane mme o qale ka ho botsa dipotso. E ba le bonnete ba hore o ile wa<br />
ithuta ho leqephe 6-11 la Tataiso ka Thutabodumedi ya Polasi hantle. Haeba o se<br />
o ile wa etsa jwalo lekgetlong le fetileng, ho ka ba molemo hore o ke o le phete<br />
hape. Pheto eo e tla etsa hore thuto ya hao e be e hlwahlwa ka ho fetisisa.<br />
Hopola, baithuti ba tla latela seo o se etsang jwaleka sebapadi-sa-diketso<br />
(rolmodel) kapela bona. Mokgwa oo o tla ruta ka ona, ke ona mokgwa oo ba tla<br />
etsisa ka ona. Etsa boitokisetso ba thuto hantle mme o fetisetse molaetsa wa<br />
thuto hantle e le o phelang ka tjhesehelo, ho baithuti. Hopola, mekgwa ya thuto<br />
ya utlwa, bona bua mme o etse.<br />
49
<strong>KAROLO</strong> 9 (30 metsotso)<br />
PAPADI YA HO FUPUTSA.<br />
Kgopolo yohle ka papadi ena ke hang hape ho hatella nnete e bohareng hore<br />
Jesu a ka o pholosa. Kahoo sefapano se entsweng ka dikarete se na le se<br />
ngodilweng ka nnete e bohareng e leng ka bofubedu, mme nnete e hanyetsang e<br />
ngodilwe ka botsho. Papadi ena e ka 'domino' ho tloha qalong ka ho hlophiswa.<br />
Sefapano seo dikarete di tla bokellwa hodima sona, se mahareng a buka ena ya<br />
thuto. E mong le e mong o tla fumana leqephe le sa kgomaretswang moo ho tla<br />
ntshwa dikarete ho lona. Boloka dikaretjana se sehilweng kahara mokotlana wa<br />
banka (o entsweng ka polasitiki) wa tjhelete.<br />
TSEBISO HO MORUPELLI: Itokisetse mme o etse tse latelang:<br />
* Etsa hore sekere kapa tse pedi di be teng tlelaseng ka kopo hle mme o<br />
hlophise hore baithuti ba hle ba sehe dikaretjana tsa bona pele ho nako.<br />
* Arola baithuti ka dihlotshwana tsa 7 ho isa ho 9 tsa batho sehlopheng ka<br />
seng. Sehlopha ka seng se leka lekane ka palo ya batho, hore sehlopha ka<br />
seng se be le mohlahlobii se tla mo hlahisa pele. Kamora moo ebe sehlopha<br />
se arolwa dihlopha tse pedi - sehlopha 1 le sehlopha 2.<br />
* Sehlopha ka seng jwale se be le dikaretjana tse seng di sehilwe.<br />
Tshwakanya dikaretjana tse sehilweng mme o di etse qubu e le hore<br />
mongolo wa tsona o shebe ka tlase. Nako le nako dihlopha di tla nka karete<br />
ho qala e kahodimo.<br />
* Sehlopha ka seng se tla sebedisa buka ya moithuti a le mong wa sona mme<br />
ba e butse bohareng moo ho takilweng sefapano.<br />
* Sehlopheng se seholo jwale ho se ho ena le dihlotshwana tse tla bapala<br />
kgahlanong le se seng. Leha dihlotshwana di ka bapala ka nako e le nngwe.<br />
* Wena jwaleka morupelli o tla botsa dipotso (tse leqhepheng la 52)<br />
dihlotshwaneng tse fapaneng. Kamora hoba sehlotshwana se arabe potso<br />
ka nepo, jwale moetapele wa sehlopha o fumantshwa monyetla wa ho nka<br />
karetjana (nako le nako ba nke e ka hodimodimo).<br />
50
* Mohlahlobi wa sehlopha ka seng o lokela ho hlahloba dikarabo tsa dihlopha<br />
tsa bona ka ho sheba karabo kamora buka ena ya thuto (leqepheng 54).<br />
Haeba ho hlokahala a ka nna a ba thusa baithuti bao hore ba fumane karabo<br />
e nepahetseng ka botlalo kapa ho ba atametsa e le hore ba mpe ba nke<br />
karolo le bona papading ena.<br />
* Karetjana e tla behwa pele, e tshwanela ho kgubedu ka hlakoreng le leng,<br />
hore e bape le bokgubedu ba sefapano ka tlase ho sona. Sebaka moo<br />
karetjana ya pele moo e tla behwa, se bontshitswe hantle hodima sefapano.<br />
* Leano ke hore bofubedu pela bofubedu, botsho pela botsho mme bohlweki<br />
pela bohlweki ka ho behwa. Haeba karetjana ya pele mohl.<br />
bofubedu/botsho(mohlomong mantswe a mang a fetotswe hore bofubedu<br />
bolebane le bofubedu), hobolelang hore motho ya tla nka karetjana e latelang<br />
e be e ntsho.<br />
* Mahareng a sefapano ho tshwaneleha hore dikaretjana tsohle tse tlang<br />
hammoho moo, ka tsela ya bofubedu, kapa botsho, kapa bohlweki di<br />
nyallane.<br />
* Haeba sehlotswana se nka karetjana eo ba ke keng ba e beha e loketse, o<br />
tshwanela ho tshwara karetjana eo bakeng sa e tla latela ho ka bapala ka<br />
yona. O tshwanela ho dula jwalo a e tshwere hofihlela a ka e beha. Kamora<br />
moo ho tla latela potso sehlotshwaneng se seng.<br />
* Sehlotshwana ha se a tshwanela ho ka beha karetjana ya sona (eo se e<br />
tshwereng) ha feela ho ntse ho ena le dikaretjana qubung e entsweng. Hang<br />
haeba ho se ho se dikaretjana qubung, sehlotshwana se ka qala sa sebedisa<br />
karetjana eo se e tshwereng, ka ho e kgetha ho e beha moo e lokelang<br />
sefapanong.<br />
* Haeba ho se ho se dikaretjana qubung, mme sehlotshwana se se se sena<br />
dikarete tseo di se tshwereng, sehlotshwana se seng se ka ba bapalla ka tsa<br />
sona.<br />
* Kamora potso e nngwe le e ngwe ka tsela eo, ho lokelwa hore ho behwe<br />
karetjana, ka hore sefapano se tle se tlatswe ka dikaretjana ka dipotso tse<br />
robedi.<br />
* Sehlotshwana se tshwereng dikaretjana tse nyenyane kapa se sa di<br />
tshwarang ho hang, ke sona bahlodi. Empa hopola, mahlong a Jesu re<br />
bahlodi kaofela.<br />
51
* Baithuti ba seke ba bala dikarabo kapa dipotso dibukeng tsa bona pele.<br />
Dibuka tsohle di tshwanelwa ho kwalwa, ntle ho eo e butsweng karolong ya<br />
sefapano moo dihlopha di tla bapalla teng. Ha e le mohlahlobil sehlopheng<br />
ka seng yena a bule buka ya hae leqepheng la 54 moo e leng dikarabo.<br />
* Ha potso e botswa ba sehlotswana sa 1, bohle ba dihlotshwana tsa 1 ba<br />
lokela ho sebetsa mmoho ho fana ka karabo. Jwalo feela le ha potso e<br />
lebisitswe sehlotshwaneng sa 2. Sehlotshwana sa 2 sa sehlopha se seng le<br />
se seng se lokela ho sebetsa mmoho ka nako e le nngwe.<br />
POTSO 1 (Sehlopha 1): Modimo o ile a etsa leqheka le makatsang ka ho<br />
romela Jesu lefatsheng. Hobaneng e le Jesu feela ya<br />
ka o pholosang.<br />
POTSO 2 (Sehlopha 2): Jesu o ile a etsang tsohle nakong eo a ntseng a le<br />
lefatsheng a phela?<br />
POTSO 3 (Sehlopha 1): Hobaneng ha Jesu a ile a thakgiswa?<br />
POTSO 4 (Sehlopha 2): Ke mang ya etsang hore o dumele hore Jesu o shwele<br />
bakeng sa hao?<br />
POTSO 5 (Sehlopha 1): Tsoho ya Jesu e bolelang ho wena?<br />
POTSO 6 (Sehlopha 2): Hobaneng o tla tshwanela ho keteka letsatsi la<br />
Sontaha e le le kgethehang?<br />
POTSO 7 (Sehlopha 1): Ke bomang bohle ba lokelwang ke ho amohela Selallo<br />
mme ke bafe ba sa lokelang?<br />
POTSO 8 (Sehlopha 2): A ko bolele temana efe kapa efe e bolelang hore<br />
motho a ka pholoswa ke Jesu feela.<br />
(Dikarabo tsa dipotso tsena di kamorao bukeng ena<br />
leqepheng la 54.)<br />
52
Mosebetsi 1<br />
<strong>KAROLO</strong> 10 (10 metsotso)<br />
MOSEBETSI O TLA ETSWA LAPENG.<br />
Eya ikwetlisa hape hore molaetsa wa Bibele mmoho le Bukana e Senang<br />
Mantswe o ka o fetisa jwang ho bolella ba bang ka bokgutshwane.<br />
Hopola, o ka iphumanela Bukana e Senang Mantswe ho <strong>Amos</strong> ka ho e romella.<br />
Dibukana di tla ka dipuo tse fapaneng mme o ka di reka ka R6 e le nngwe.<br />
Haeba o reka kgatiso tse 100 kapa ho feta, e tla ba R5 kgatiso kang. Le le<br />
sehlopha le ka buisana hore le romelle tse ngata hore le tle le lefe hanyenyane.<br />
Mosebetsi 2<br />
Moithuti e mong le e mong a bale thuto 8, 9 le 10 ya Tataiso ka Thutabodumedi<br />
ya Polasi bakeng sa boitokisetso ba thuto e tla latela. Baithuti ba dulang nqa e le<br />
nngwe, ba ka kopana mmoho mme ba etsa thuto 10. Ho tla ba hantle ha le ka<br />
arolelana le batho ba bang.<br />
Mosebetsi 3<br />
Tsamaya o ye tshwara Thutabodumedi le ba lelapa la hao. Ba bolelle ka leqheka<br />
le makaatsang leo Modimo o ileng wa le etsa (sebedisa ditshwantsho tse ho<br />
<strong>KAROLO</strong> 2). Ba bolelle hore ke ka baka lang Sontaha e le letsatsi le kgethehang<br />
(sebedisa dintlhakgolo tse 6 le setshwantsho se ka leqepheng 39-41). Ruta nako<br />
eitseng leqephe le le leng feela kapa setshwantsho.<br />
Mosebetsi 4<br />
A ko ye o botse batho ba mmalwa hore na ebe letsatsi la Sontaha ba a tseba hore<br />
le kgethehile. A ko shebisise tsohle tseo batho ba di etsang ka Sontaha. Na o ka<br />
tiisa hore letsatsi la Sontaha le kgethehile haholo ho bona?<br />
Sebedisa dipotso e le monyetla wa hore o ye ho paka kgahlanong le batho ba<br />
tikoloho ya heno. Seke wa fana ka tshwanelo le thibelo tse ngata letsatsi la<br />
Sontaha haholo. Paka kase seholo le se makatsang seo Modimo o ileng wa se<br />
etsa ka Sontaha. O tla tla o re bolella hore batho ba ile ba etsang hoba ba utlwe<br />
seo o ba bolellang.<br />
53
DIKARABO TSA DIPOTSO TSE HO PAPADI YA HO FUPUTSA<br />
1. Ke Jesu feela eo e leng motho le Modimo. Ke Jesu feela ya senang sebe<br />
mme ka tsela eo a ka tseba ho (batho ba tletseng dibe) pholosa. Jesu o a<br />
phela, o ile a tsoha bafung.<br />
2. Jesu o ne a utlwa Modimo mme o entse tsohle tseo Modimo o neng o di<br />
batla. O ile a ruta batho hore Modimo ke mang le hobaneng a ile a romela<br />
Mora wa Wona lefatsheng. O bile a etsa mesebetsi e makatsang. O bile a<br />
tshwarela dibe tsa batho jwalojwalo.<br />
3. O ile a jara dibe tsa batho bohle. Jwale ha ho sa hlokahala hore mang kapa<br />
mang a jare dibe tsa hae, hobane Jesu o se a entse.<br />
4. Moya o Halalelang.<br />
5. Jesu o a phela - Ke mohlodi! Ha o sa tshwanela ho tshoha/tshaba.<br />
* Jesu o hlotse satane!<br />
* Jesu o hlotse lefu.<br />
* Ha o dumela ho Jesu, ha o sa lokela ho tshaba hore Modimo o tlo o otla<br />
- o se a o buelletse ka topollo.<br />
* Morena Jesu ya tsohileng o neha nna le wena matla a hore re be bana<br />
ba Modimo ka ho mo phelela.<br />
* Ngwana e mong le e mong wa Modimo o tla tsoha lebitleng ka mmele o<br />
halaleditweng.<br />
(Moithuti a ka bolela tse tharo feela - ba bang ba tla tlatselletsa.)<br />
6. * Jesu o tsohile bafung.<br />
* Jesu o ile a itlhahisa ho barutuwa ba hae.<br />
* Moya o Halalelang o ile wa tsholloha ka Sontaha.<br />
* Johanne o ile a ba a amohela "Tshenolo" e le ka Sontaha.<br />
* Bakreste ba pele ba ile ba tla mmoho e le Sontaha.<br />
* Ka Sontaha dikabelo di ne di behelwa ka nqa e le nngwe.<br />
(Moithuti a ka bolela tse ka bang tharo feela - tse setseng di ka bolelwa<br />
ke ba bang.)<br />
7. Ke feela batho ba dumelang ho Jesu Kreste le bao e leng bana ba Modimo,<br />
ba ka sebedisang Selallo - bao feela ba amohelang hore Yena o shwele ka<br />
baka la bona ebile o tsohile. Ba sa dumelang le batho ba sa kgathalleng ho<br />
tlohela dibe ho di etsa, ba seke ba sebedisa selallo. Ha bana kabelo<br />
mmeleng le mading a Jesu.<br />
8. Johanne 14:6 kapa Diketso 4:12 kapa 1 Timothea 2:5.<br />
54
TSEBISO - YA BOHLOKWA<br />
DIFILIMI TSA JESU<br />
Difilimi tsa Jesu di bopa karolo ya monyetla thupelong e latelang. Haeba ho se<br />
moo le ka fumanang difilimi teng, le ka di kadima ho <strong>Amos</strong>. Ikopanye le rona ka<br />
potlako haeba le batla 'vidio' le difilimi. Mohlomong le ka ithekela 'vidio' ka bolona.<br />
Ke tsena di aterese tse pedi moo o ka botsisisang ho tsona:<br />
* Bybel Media: Kerkstraat 54<br />
Wellington<br />
7655 Tel. (021) 873 3851<br />
* Jesus Projek: Privaatsak x 74<br />
Halfway House<br />
1685 Tel.: (011) 315 2342<br />
55