Asgjë më hyjnore se jeta nuk ka - Syri 3

OSHO
“Ne jemi të krijuar njëri për tjetrin”.
Por nuk ekziston diçka e tillë si – të krijuar
njëri për tjetrin. Ti vazhdon të projektosh edhe
më shumë fantazi në atë njeri – pavetëdijshëm.
Ti krijon aurën e caktuar rreth atij
njeriu, kurse ai atë njësoj e krijon rreth teje.
Çdo gjë duket sikur do të jetë përrallore, sepse
ti e ke bërë atë përrallore, e ke thurur me
ëndrra, pavarësisht realitetit. Dhe të dy përpiqeni,
në të gjitha mënyrat e mundshme, të
mos ia rrezikoni njëri-tjetrit ëndërrimet.
E atëherë gruaja sillet ashtu siç burri i saj
dëshiron, kurse burri sillet ashtu siç gruaja e
tij dëshiron. Por ti nuk mund ta bësh atë më
gjatë se disa minuta apo, megjithatë, disa orë.
Njëherë kur jeni kurorëzuar, ti ke dëshiruar
të jetoni së bashku njëzet e katër orë në ditë.
Por kjo është bërë barrë e padurueshme, sepse
më nuk mund të shtiresh se je ai që nuk je.
Kur shteron imagjinata jote mbi burrin apo
mbi gruan, edhe sa gjatë do të mund të
shtiresh? Herët apo vonë kjo ka me t’u bë
barrë, e pastaj do të fillosh të hakmerresh. Do
ta shkatërrosh gjithë atë imagjinatë të cilën
burri yt e ka thurur rreth teje shkaku se nuk
dëshiron më të jesh e burgosur në të; ti dëshiron
të jesh e lirë dhe të jesh vetëm e vetvetes.
E njëjta situatë është me burrin; ai dëshiron
të jetë i lirë dhe t’i përkasë vetëm vetvetes.
176