Asgjë më hyjnore se jeta nuk ka - Syri 3

Asgjë më hyjnore se jeta nuk ka
112
Nëse mund të duash pa xhelozi, nëse
mund të duash pa posesivitet, nëse mund ta
duash ndonjë person aq shumë saqë lumturia
e tij me qenë edhe lumturia jote – madje edhe
po qe se ai, i dashuri yt, ta zëmë, do të ishte i
lumtur me ndonjë femër tjetër, kjo edhe ty me
të bërë të lumtur, sepse e do aq shumë. Ti do
të ishe e lumtur shkaku se ai është i lumtur,
dhe ti do t’i ishe falënderuese femrës e cila ka
bërë që personi, të cilin ti e do, të jetë e lumtur
– e nuk do të ishe xheloze. Vetëm në këtë
mënyrë dashuria do të spastrohet.
Dashuria e këtillë nuk mund të krijojë
pranga. Ajo thjesht ua hap zemrën të gjitha
erërave dhe gjithë qiellit.
113
Xhelozia është fenomen tepër i ndërlikuar.
Ajo përmban shumë përbërës në vetvete.
Qyqanllëku është njëri prej tyre; egoizmi i dyti;
mandej aty është edhe dëshira për monopol –
në të cilën nuk ka kurrfarë përvoje të
dashurisë por vetëm të posesivitetit; mandej
tendenca kah rivaliteti, si dhe frika thellë e
rrënjëzuar nga ajo se do të jesh i varur në lidhje.
77