Ministria e Arsimit, Shkencës dhe Teknologjisë

Ekziston vetëm një numër i vogël i organizatave hulumtuese në Kosovë. Tri prej tyre, Instituti
Pedagogjik, Instituti Albanologjik dhe Instituti i Historisë aktualisht janë organizata të portofolit të
MASHT. Kemi pasur takime në të gjitha këto institute dhe ne kemi gjetur se kushtet për punën e
tyre janë të dobëta, si dhe ato nuk mund të funksionojnë me efikasitet në kushte të tilla. Për më
tepër, ekziston një prioritet i deklaruar strategjik i prezantuar në kohë të fundit nga Ministri Hoxhaj
për të themeluar institucione hulumtuese në universitete ... (shih Pjesën A). Kështu që është e
nevojshme të shqyrtohet seriozisht pozita e ardhshme e këtyre instituteve.
Nuk ka ndonjë mënyrë të lehtë ose të shpejtë për zgjidhjen e këtyre problemeve, por grupi i
rekomandimeve më poshtë ofron hapa praktikë të cilët do të mund të çonin përpara.
Rekomandimi B.5: Të elaborohet strategjia për fushën e H&Zh. Ky është hapi i parë i
vetëkuptueshëm pasi që, pa drejtim të politikave, nuk mund të bëhet shumë. Duke pasur parasysh faktin
që fushat kryesore të tjera të punës së MASHT kane dokumentet e tyre strategjike, ky është dokumenti
më i rëndësishëm i cili mungon.
Derisa nuk ka një strategji për H&Zh, ne nuk propozojmë ndryshimin e strukturës aktuale organizative të
MASHT në fushën e H&Zh. Elaborimi i strategjisë do të dëshmonte prioritetet e Kosovës në H&Zh dhe
masat për mbështetjen e tyre. Bazuar në to, duhet të propozohet rregullimi adekuat i strukturës
organizative, nëse nevojitet. Ngjashëm si me arsimin e lartë, organizmi i departamentit gjithashtu nuk
është një çështje themelore, pasi që ka disa opsione njësoj të vlefshme. Mungesa e kapacitetit është një
problem real.
Rekomandimi B.6: Të mbahet Departamenti i Sh&T në pozitën e tij aktuale përfshi edhe ndarjen e
brendshme. Në rast se nevojitet, eventualisht të rregullohet ndarja e brendshme e departamentit në
pajtim me rezultatet e zhvillimit të strategjisë së re për H&ZH.
Dy rekomandimet në vijim kanë të bëjnë me gjetjen e dytë dhe të tretë më lartë.
Rekomandimi B.7: Të aranzhohen çështjet financiare për mbështetjen e H&Zh; të themelohet
agjencia e granteve për mbështetjen e H&Zh. 6
Rekomandimi B.8: Bazuar në strategjinë e re për H&Zh, të vendoset lidhur me pozitën e
mëtutjeshme të instituteve hulumtuese; në rast se institutet mbeten në rregullimin aktual, atëherë
të përmirësohen kushtet për punën e tyre.
B.2 Njësitë mbështetëse
Njësitë mbështetëse mund të ndahen në dy pjesë kryesore: mbështetja speciale dhe mbështetja e
përgjithshme. Mbështetja e përgjithshme përbëhet nga këto fusha:
auditimi i brendshëm,
buxheti dhe financat,
investimet,
prokurimi,
burimet njerëzore,
çështjet ligjore,
planifikimi dhe analiza,
teknologjia informative,
marrëdhëniet publike,
marrëdhëniet ndërkombëtare dhe çështjet evropiane.
Mbështetja e përgjithshme përfshinë
administrimin e përgjithshëm,
6 Si shembull, mund te shërbejë Agjencia për Hulumtim dhe Zhvillim e Sllovakisë (www.apvv.sk).
16