Ministria e Arsimit, Shkencës dhe Teknologjisë

Studentore dhe Biblioteka Universitare, kanë mbetur financiarisht të lidhura drejtpërdrejt me buxhetin e
MASHT.
Sa i përket agjencive, vëmendje e posaçme duhet t‟i kushtohet çështjes së inspektimit. Në bazë të Ligjit
për Inspektimin e Arsimit në Kosovë Nr. 2004/37 (ligji për inspektim), inspektimi në rastin e Kosovës
merret me të gjitha nivelet dhe llojet e arsimit. Në disa vende, fjala “inspektim” më shumë ka të bëjë me
arsimin parauniversitar. Lidhur me arsimin e lartë, kontrolli dhe vlerësimi i arsimit realizohen në kuadër të
proceseve të quajtura akreditim dhe vlerësim, dhe kontrolli i përgjithshëm i zbatimit të ligjeve në
institucionet e arsimit të lartë kryhet nga një njësi e ministrisë e dedikuar për kontroll. Në të vërtetë,
gjithashtu edhe në Kosovë kapacitetet dhe përpjekjet kryesore të inspektimit janë përqendruar në arsimin
parauniversitar dhe inspektimi i arsimit të lartë kufizohet në kontrollin e respektimit të ligjeve dhe nuk
merret me vlerësimin e cilësisë së arsimit. Inspektimi shpesh ekzekutohet nga agjencitë e dedikuara (në 6
vendet e BE kjo ndodh Letoni, Slloveni dhe Sllovaki). Rregullimet ligjore në Kosovë në mënyrë eksplicite
nënvizojnë se inspektimi kryhet nga një organ ekzekutiv në kornizën e MASHT dhe se shefi i inspektimit
(Inspektori Kryesor i Arsimit) i raporton SP.
Rekomandimi B.21: Të kryhet një analizë e pavarur e kosto-përfitimeve të delegimit të detyrave, që
aktualisht kryhen nga MASHT, te Agjencia e Akreditimit dhe Qendra për Vlerësimin e Arsimit
Parauniversitar. Të merret vendimi vetëm në bazë të analizës.
Rekomandimi B.22: Të angazhohet Instituti Pedagogjik në zhvillimin e aktiviteteve për arsimin
parauniversitar.
Rekomandimi B.23: Të zhvendosen funksionet e ofrimit të shërbimit për komunitetin
universitar/hulumtues në kuadër të Universitetit të Prishtinës (Qendra e Studentëve, Biblioteka
Universitare).
Rekomandimi B.24: Të mbahet Departamenti i Inspektimit si pjesë e MASHT. Të definohet më
saktësisht roli i inspektimit në arsimin e lartë në ligjin për inspektim. Të shqyrtohet transformimi i
tij në agjenci në periudhën afatgjate.
PJESA C: Përmbledhje e rekomandimeve dhe radhitja
Kjo pjesë përmban përmbledhjen e rekomandimeve të sugjeruara në raport dhe propozimin për radhitjen
e zbatimit të tyre, si edhe një analizë të shkurtër të marrëdhënies së rekomandimeve të raportit me
objektivat e PVPE dhe çështjes gjinore.
C.1 Përmbledhje e rekomandimeve organizative
Raporti përmban rekomandimet organizative dhe të tjera. Në këtë pjesë, ne ofrojmë një përmbledhje të
rekomandimeve organizative.
C.1.1 Rekomandimeve organizative për MASHT
Të dizajnohet dhe zbatohet një strukturë e re organizative për MASHT bazuar në dy nivelet me rregullat
bazike të dhëna në vijim:
njësitë në nivelin e lartë në përgjithësi quhen departamente, njësitë në nivelin e ulët në përgjithësi
quhen divizione; gjithashtu mund të përdoren edhe emra të tjerë;
çdo njësi në nivelin e ulët është pjesë e një njësie në nivelin e lartë;
nuk ka kufizime fillestare në madhësinë dhe strukturën e njësive organizative;
Departamenti mundet ose nuk mundet të ndahet në divizione;
Ndarja e departamentit në divizion nuk ka nevojë të përfshijë të gjithë anëtarët e departamentit.
Në aspektin e organizimit specifik, kjo është një përmbledhje e të gjitha rekomandimeve organizative që
përfshijnë një NDRYSHIM nga gjendja aktuale:
Të themelohen 2 departamente – Departamenti i AP dhe Departamenti i Arsimit të Përgjithshëm
duke zëvendësuar Departamentin aktual të Administratës së Arsimit Parauniversitar dhe
22