Félagsráðgjöf snýst um fólk

Þekkja sína sterku og veiku hliðar
til að auðvelda okkur að vera
verkfæri í starfi með öðru fólki.
Rannsóknasetur í barna- og fjölskylduvernd
Félagsráðgjafardeild rekur Rannsóknasetur í barna- og fjölskylduvernd (RBF) í samvinnu við
samstarfsaðila á vettvangi. Rannsóknasetrinu er ætlað að vera víðtækur vettvangur rannsókna á sviði
félagsráðgjafar, einkum öllu því er lýtur að stefnumörkun, þróun og þjónustu í barna- og fjölskylduvernd
sem spannar allt lífsskeiðið frá æsku til efri ára. Markmið RBF er jafnframt að miðla vísindalegri þekkingu
um félagsráðgjöf og laða fræðimenn til starfa á þessu sviði. Fjölskyldurannsóknir fjalla um samskipti og
samspil í fjölskyldum og taka til allra aldurshópa og lífsskeiða. Nánari upplýsingar um RBF er að finna á
vefsíðu setursins, www.rbf.is
Alþjóðlegt samstarf
Félagsráðgjafardeild Háskóla Íslands tekur þátt í alþjóðlegu samstarfi, meðal annars vegna skiptináms og
rannsókna. Félagsráðgjafardeild er aðili að norrænum (NSHK) og alþjóðlegum (EASSW, IASSW)
samtökum félagsráðgjafarskóla. Deildin hefur jafnframt gert fjölda samstarfssamninga við erlenda
háskóla og nemendur hafa sótt skiptinám til Evrópu og Bandaríkjanna.
Páll Ólafsson, félagsráðgjafi í Garðabæ
Þorsteinn Sveinsson, félagsráðgjafi hjá Félagsþjónustu Seltjarnarness
„Eftir að hafa verið heimapabbi í fæðingarorlofi að loknu námi hóf ég störf í Miðgarði, fjölskylduþjónustunni í Grafarvogi. Ég var starfsmaður
Hringsins sem var samvinnuverkefni Lögreglunnar í Reykjavík og Miðgarðs. Þetta var nýstárlegt tilraunaverkefni sem gekk út á að vinna með börn,
sem komu fyrir á lögregluskýrslum og veitti þeim tækifæri til að bæta fyrir mistök sín, í samráði við foreldra sína, þolendur og fulltrúa samfélagsins.
Ég lærði félagsráðgjöf eftir að hafa unnið sem húsasmiður í níu ár. Mér fannst það ekki nógu gefandi starf og vildi í staðinn vinna með fólki.
Mér fannst félagsráðgjöfin geta veitt mér það frelsi og þá fjölbreytni sem var kostur smíðavinnunnar en á öðrum og meira ögrandi vettvangi
mannlegra samskipta. Það sem nýtist mér best úr náminu er heildarsýnin og sjálfsskoðunin. Í náminu í Lundi var lögð mikil áhersla á að kryfja sjálfan
sig til mergjar. Þekkja sína sterku og veiku hliðar til að auðvelda okkur að vera verkfæri í starfi með öðru fólki. Einnig var mikið lagt upp úr því að vera
opinn, hugmyndaríkur, hafa mikla yfirsýn og ekki festast í gömlum hefðum. Eins og góðir leiðsögumenn er okkar starf að þekkja aðstæður og finna
eins réttar leiðir og hægt er.”
„Ég er yfirfélagsráðgjafi og unglingaráðgjafi hjá Seltjarnarnesbæ. Ég kem að ýmsum málum sem lúta að lögum um félagsþjónustu sveitarfélaga.
Í barnavernd eru félagsráðgjafar fyrst og fremst að efla fjölskylduna í uppeldishlutverkinu með ráðgjöf um hlutverk og ábyrgð hennar í
uppeldismálum. Félagsráðgjafar leitast við að styrkja fjölskyldur í uppeldishlutverki sínu og tryggja að börn sem búa við óviðunandi
uppeldisaðstæður eða stofna heilsu sinni eða þroska í hættu, fái nauðsynlega aðstoð. Sem félagsráðgjafi er ég einnig að vinna með
einstaklingum. Þar er alltaf markmiðið að vinna að lausn á félagslegum og persónulegum vandamálum. Til að svo megi vera þurfa félagsráðgjafar
að hafa góða yfirsýn yfir velferðar-, mennta- og heilbrigðiskerfið. Námið undirbýr félagsráðgjafa vel til þess að hafa þessa heildarsýn.
Þessi þverfaglega nálgun er líka það sem gerir námið spennandi. Auk námskeiða í félagsráðgjöf fengum við innsýn í önnur fög s.s. félagsfræði,
lögfræði, sálfræði og stjórnmálafræði, þessi margbreytileiki heillaði mig og þess vegna valdi ég að læra félagsráðgjöf.“