Félagsráðgjöf snýst um fólk

FRAMHALDSNÁM
Félagsráðgjafardeild býður einnig upp á öflugt framhaldsnám fyrir starfandi félagsráðgjafa og
fagfólk á sviðum heilbrigðis- og félagsvísinda.
Doktorsnám (210 ECTS)
Meistaranám:
MA nám til starfsréttinda í félagsráðgjöf (120 ECTS)
MA nám í félagsráðgjöf (120 ECTS)
MSW nám (90 ECTS)
MA nám í öldrunarfræði (120 ECTS)
Norrænt meistaranám í öldrunarfræðum (NordMaG) (120 ECTS)
Diplómanám:
Áfengis- og vímuefnamál (30 ECTS)
Barnavernd (30 ECTS)
Fjölmenningarfélagsráðgjöf (30 ECTS)
Réttarfélagsráðgjöf (30 ECTS)
Skólafélagsráðgjöf (30 ECTS)
Öldrunarfélagsráðgjöf (30 ECTS)
Öldrunarþjónusta (30 ECTS)
Guðrún Jónsdóttir, félagsráðgjafi og talskona Stígamóta
Vinnan mín felst í að berjast gegn
alvarlegum mannréttindabrotum.
Hún getur verið erfið og krefjandi,
en hún er líka þörf og árangursrík
og mér þykir undurvænt um hana.
„Vinnan mín á Stígamótum býður uppá að ástunda þá kristaltæru og feminísku félagsráðgjöf sem ég hef alltaf hrifist af. Við erum staður fyrir
fólk sem beitt hefur verið kynferðisofbeldi og vill ná betri tökum á lífinu. Við bjóðum upp á ókeypis einstaklingsviðtöl og þátttöku í lokuðum
sjálfshjálparhópum. Mér finnst það alltaf jafn heillandi hvað fólki er vel treystandi til þess að hjálpa sér sjálft, séu því skapaðar aðstæður til þess.
Leiðarljós okkar í vinnunni er m.a. að þekkingu fylgi ábyrgð. Við venjumst því aldrei og eigum heldur ekki að venjast því að heyra um
nauðganir á börnum og fullorðnum. Það gerir okkur reiðar og stundum sorgmæddar og getur fyllt okkur vanmáttarkennd. En við leyfum okkur
aldrei að gefast upp eða skæla lengi við eldhúsborðið, heldur lítum við á það sem skyldu okkar að bregðast við.
Sem frjáls félagasamtök getum við leyft okkur það sem félagsráðgjafar á opinberum stofnunum eiga erfiðara með. Við getum hrópað á
torgum, leitast við að komast að hljóðnemum, bankað hiklaust uppá hjá ráðherrum, þingmönnum og bæjarfulltrúum. Við höfum sett á
laggirnar ótal óhefðbundin verkefni og haldið úti öflugri fræðslu. Við erum vel virkar í alþjóðlegu kvennahreyfingunni og berum okkur saman
við það besta í öðrum löndum. Bara hugmyndaflugið takmarkar það sem við getum gert til þess að stoppa strauminn af fólki upp tröppurnar á
Stígamótum. Kúnstin er að matreiða úr reiðinni og vanmáttarkenndinni tillögur um betra samfélag. Þegar það tekst, sem er oft, fyllist ég gleði
og hamingjutilfinningu.
Vinnan mín felst í að berjast gegn alvarlegum mannréttindabrotum. Hún getur verið erfið og krefjandi, en hún er líka þörf og árangursrík og
mér þykir undurvænt um hana.”