Félagsráðgjöf snýst um fólk

Þannig hefur námið og síðan markviss
handleiðsla nýst vel í margþættu starfi.
NEMENDAFÉLÖG
Mentor
Nemendafélag BA nema í félagsráðgjöf heitir Mentor. Hlutverk félagsins er að gæta hagsmuna
nemenda og stuðla að fræðslustarfi um námið og faggreinina. Mentor stendur fyrir öflugu félagslífi
innan háskólasamfélagsins m.a. í formi vísindaferða, bjórkvölda, árshátíðar og árlegs aðalfundar. Félagið
er opið öllum nemendum í félagsráðgjöf gegn vægu árgjaldi. Óþarft er að tíunda hversu ómetanlegt er
að taka virkan þátt í félagslífinu samfara háskólanámi, en þar skapast jafnan stórt tengslanet milli
nemenda og ævilangur vinskapur myndast. Vefsíða félagsins er http://mentor.hi.is
Haukur Heiðar Leifsson, formaður Mentors.
Ólafía
Ólafía er félag framhaldsnema í félagsráðgjöf. Tilgangur félagsins er að vinna að hagsmunamálum
meistara-, diplóma- og doktorsnema í félagsráðgjöf við Háskóla Íslands og jafnframt að stuðla að
fræðilegri umræðu meðal félagsmanna með fundum, fræðslu- og kynningarstarfsemi. Félagið leggur
einnig áherslu á öflugt félagslíf framhaldsnema í deildinni. Ólafía stendur meðal annars fyrir
samdrykkjum, en þar fá nemendur tækifæri til þess að kynna lokaverkefni sín. Málstofur og málþing
skipa stóran sess í starfsemi Ólafíu og verða viðfangsefni félagsráðgjafa þar í brennidepli. Ólafía stendur
fyrir vísindaferðum og er áhersla lögð á að fara á staði sem tengjast störfum félagsráðgjafa. Félagið er í
góðu samstarfi við Mentor og býðst félagsmönnum Ólafíu að taka þátt í ákveðnum atburðum með
þeim. Auk þess eru ýmsir aðrir áhugaverðir viðburðir á dagskrá félagsins, svo sem októberfest,
jólaglögg, árshátíð og fleira. Vefsíða félagsins er http://olafia-fff.blogspot.com
Margrét Arngrímsdóttir, formaður Ólafíu
Anna Karólína Stefánsdóttir, félagsráðgjafi á Heilsugæslustöð Akureyrar
Magnús Pálsson, forstöðufélagsráðgjafi á Reykjalundi
„Ég hef unnið við klíniska félagsráðgjöf í Noregi og hér heima. Frá 1987 hef ég unnið að því að þróa fjölskyldufélagsráðgjöf við heilsugæsluna á
Akureyri og verið við verkefnisstjórn þróunarverkefnisins Nýja barnið. Þá hef ég unnið að sjálfsstyrkingu kvenna og þróaði ásamt Valgerði H.
Bjarnadóttur, félagsráðgjafa „Lífsvefinn” sem er einn af undirstöðunámsþáttum í Menntasmiðju kvenna á Akureyri. Tel ég að fjölþætt nám
félagsráðgjafa og áhersla á heildarsýn, samhæfðar lausnir og þverfagleg vinnubrögð, samfara virðingu fyrir því sérstaka hjá hverjum einstaklingi,
séu dýrmætir þættir í heilsueflandi starfi og þróun forvarna og einnig góður grunnur fyrir fjölskyldu og meðferðarvinnu. Þannig hefur námið og
síðan markviss handleiðsla nýst vel í margþættu starfi.”
„Ég fékk áhuga á félagsráðgjöf þegar ég starfaði á Grensásdeild Borgarspítalans eftir stúdentspróf. Fyrsta starf mitt við félagsráðgjöf var hjá
Félagsþjónustunni í Reykjavík en frá 1983 hef ég starfað á Reykjalundi, endurhæfingarmiðstöð í Mosfellsbæ. Þar sem ég hef alltaf haft mestan
áhuga á endurhæfingu hef ég starfað þar óslitið síðan. Á Reykjalundi starfa nú fjórir félagsráðgjafar. Verkefnin eru fjölbreytt og byggir starfsemin
á þverfaglegri teymisvinnu á níu sviðum. Hugmyndafræði endurhæfingar og félagsráðgjafar falla vel saman að mínu mati: Að mæta fólki þar
sem það er statt í lífinu og á forsendum þess, taka inn í myndina stöðu einstaklingsins í samfélaginu og fjölskyldunni, leggja áherslu á bjargir
viðkomandi og styðja við sterku hliðarnar jafnframt því að unnið er með vandamálin, líta á samskipti fagmannsins og skjólstæðingsins sem
samstarfsverkefni með sameiginlegt markmið.“