Third Party Grievance Mechanism for Pre-Construction Phase

Mekanizmi i Ankesës së Palës së Tretë për Fazën Para-
Ndërtimore
QËLLIMI
Mekanizmi i Ankesës së Palës së Tretë është pjesë e procesit më të gjerë të
përfshirjes së palëve të interesuara dhe të garantimit të cilësisë dhe të
pajtueshmërisë së TAP-it. Mekanizmi siguron rrugët për paraqitjen e një ankese
lidhur me aktivitetin dhe/ose me pasojat e aktiviteteve të kryera nga personeli i TAP-it
ose kontraktorët e tij gjatë fazës para-ndërtimore të projektit TAP. Qëllimet e këtij
mekanizmi janë si më poshtë:
• T'u sigurojë palëve të treta një mënyrë të qartë, të menjëhershme, të
përshtatshme nga ana kulturore dhe lehtësisht të aksesueshme, për
paraqitjen e një ankese ose për zgjidhjen e çdo mosmarrëveshjeje që mund të
dalë gjatë fazës së planifikimit të Gazsjellësit Trans Adriatik ,pa asnjë kosto
dhe pa asnjë ndëshkim ndaj tyre;
• Të garantojë që zbatohen me efektivitet veprimet e duhura korrigjuese për
trajtimin e ankesës;
• Të garantojë që rradha e veprimeve komunikohet tek ankuesi në kohën e
duhur;
• Të minimizojë nevojën për veprime ligjore ose administrative;
• Të garantojë që organi administrues i ankesave në TAP të jetë në
pajtueshmëri të plotë me kërkesat e performancës së BERZH-it dhe me
praktikat më të mira të industrisë.
Mjetet dhe mundësitë e siguruara nga ky mekanizëm do t'u komunikohen rregullisht
të gjitha komuniteteve dhe palëve të treta që preken nga ky proces, gjatë aktiveteve
të përfshirjes së palëve të interesuara. Rezultatet e zbatimit të tij do të raportohen
gjithashtu publikisht.
Kur faza para-ndërtimore të ketë mbaruar dhe të jetë vendosur mbi modelin e
zbatimit të projektit përfundimtar, Mekanizmi i Ankesës së Palës së Tretë do të
shqyrtohet në mënyrë që t'u përshtatet nevojave të fazave të mëtejshme të zhvillimit
të projektit.
E DREJTA PËR ANKESË
Kush mund të paraqesë një ankesë
Një ankesë mund të paraqitet nga një individ, një grup individësh dhe/ose një ose më
shumë organizata, të cilat pretendojnë se aktivitetet e lidhura me projektin e TAP-it,
personelin e tij ose kontraktuesit, të cilët veprojnë në emër të TAP-it, i kanë
shkaktuar dëmtim shëndetit, pronës, jetesës ose mjedisit natyral të ankuesit. Përveç
kësaj, ky mekanizëm zbatohet edhe për grupe të tilla, si OJQ-të kombëtare dhe
ndërkombëtare.
Nëse individët që depozitojnë ankesën kanë përdorur një përfaqësues të autorizuar
(si p.sh. një anëtar të familjes, një OJQ etj.) për t'i ndihmuar ata në dorëzimin e
Data e printimit: 12/08/2011 Faqe 1 - 7

ankesës, ky përfaqësues duhet ta nënshkruajë ankesën dhe të japë provë me shkrim
të autoritetit për të përfaqësuar dhe vepruar në emër të ankuesit në lidhje me këtë
ankesë. Përfaqësuesi i autorizuar do të jetë pika e kontaktit për të gjitha komunikimet
midis TAP-it dhe ankuesit. Në raste të caktuara TAP-i mund të preferojë që të
komunikojë direkt me ankuesin.
Si të paraqisni një ankesë
Një ankesë mund të paraqitet me shkrim ose me gojë dhe ajo duhet të përfshijë të
paktën informacionin e mëposhtëm:
• Emrin(at) e ankuesit(ve);
• Hollësitë e kontaktit të ankuesit (numri i telefonit, adresa postare dhe adresa e
e-mailit [nëse ka]);
• Hollësitë e ankesës, p.sh. çfarë ka ndodhur? Kur? Ku? Si? Kush ishte i
përfshirë? Cilat janë pasojat?
• Mënyrën e kërkuar nga ankuesi për të zgjidhur ankesën (çfarë veprimi
korrigjues sugjeron ankuesi në lidhje me dëmet e shkaktuara?).
Nëse ndonjë nga të dhënat e mësipërme mungon, ankesa mund të konsiderohet jo e
plotë dhe të mos pranohet. Nëse është e mundur, ankesa duhet të përfshijë
gjithashtu dokumenta mbështetës (certifikatë të pronësisë, delegimin e
kompetencave (kur gjen zbatim), fotografi nga aksidenti etj.), të cilat do të ndihmojnë
në zgjidhjen e ankesës në mënyrën më të efektshme.
Për një demonstrim më të mirë të një ankese të raportuar si duhet, ju do të gjeni një
shembull ankese në shtojcën 1 në fund të këtij dokumenti. Shtojca 2 paraqet një
model ankese, i cili do ta ndihmojë një ankues të sigurohet që janë dhënë të gjitha
detajet e kërkuara para se të paraqitet ankesa. Kopjet e printuara në letër të
formularëve të ankesës do të jenë të disponueshme në zyrat përkatëse të TAP-it në
vendet pritëse.
Gjuha
Gjuha e projektit është anglishtja dhe të gjitha korrespondencat do të bëhen në
anglisht. Megjithatë, ne do të pranojmë gjithashtu ankesa të paraqitura në greqisht,
shqip ose italisht. Të gjitha korrespondencat e TAP-it me ankuesin do të bëhen në
anglisht dhe në gjuhën e ankuesit. Nëse ka ndonjë mospërputhje midis dy
versioneve, versioni në anglisht do të ketë përparësi. Nëse përpunimi i ankesës së
paraqitur jo në anglisht kërkon kohë shtesë për t'u përgjigjur për shkak të përkthimit,
Menaxheri për Palët e Interesuara [Stakeholder Manager] i TAP-it do ta lajmërojë
ankuesin për këtë në kohën e duhur.
Ku ta paraqisni një ankesë
Ankesat me shkrim mund të dërgohen me postë ose me e-mail në zyrat qendrore të
TAP-it në adresën e mëposhtme:
Data e printimit: 12/08/2011
Faqe 2 - 7

Trans Adriatic Pipeline AG
Në vëmendje të: Stakeholder Manager
Lindenstrasse 2, 6340 Baar, Switzerland
Faks: +41 41 747 34 01
E-mail: complaints@tap-ag.com
Nëse është më e përshtatshme për një ankues, ankesa mund të paraqitet gjithashtu
në zyrën përkatëse vendore të TAP-it ose t'i jepet në dorë përfaqësuesit përkatës të
TAP-it.
Ankesa verbale mund t'i paraqitet një përfaqësuesi të TAP-it, i cili do të plotësojë
formularin e ankesës së palës së tretë me të gjitha hollësitë e kërkuara, dhe do t'ia
kalojë atë Menaxherit për Palët e Interesuara në zyrat qendrore të TAP-it.
Fshehtësia [Konfidencialiteti]
Një ankesë që nuk bëhet nga një organizatë mund të kërkojë që identiteti i disa ose i
të gjithë individëve të mbahet i fshehtë. Kërkesa për fshehtësi dhe arsyet për këtë
kërkesë, duhet të përfshihen në ankesë. Do të bëhet çdo përpjekje e arsyeshme për
të ruajtur fshehtësinë e kërkuar. Megjithatë, nëse TAP-i beson në mënyrë të
arsyeshme që ruajtja e fshehtësisë që kërkohet do të thotë që shqyrtimi i ankesës
nuk mund të kryhet, atëherë punonjësit përkatës të TAP-it do të njoftojnë ankuesin
dhe ose do të bien dakord me të për mënyrën se si do të vazhdohet në të ardhmen
ose do ta ndërpresin procesin nëse nuk arrihet një marrëveshje për mënyrën se si do
të vazhdohet.
PËRGJIGJJA NDAJ ANKESAVE
Brenda 7 ditësh kalendarike të marrjes nga TAP-i të ankesës me shkrim ose ankesës
verbale, letra e pranimit do t'i dërgohet ankuesit duke i dhënë atij/asaj numrin
referues të ankesës dhe duke e garantuar që ankesa po shqyrtohet.
Pas vlerësimit fillestar të ankesës, Menaxheri për Palët e Interesuara i TAP-it vendos
ta pranojë, ta pranojë pjesërisht ose të mos e pranojë ankesën. Letra e pranimit ose
e refuzimit do t'i dërgohet ankuesit brenda 21 ditësh kalendarike nga data e lëshimit
të letrës së pranimit.
Letra e pranimit do ta këshillojë ankuesin në lidhje me radhën e veprimeve
korrigjuese dhe periudhën kohore për zgjidhjen e ankesës. Synohet që ankesa të
zgjidhet maksimumi brenda 90 ditësh kalendarike që nga data e lëshimit të letrës së
pranimit. Megjithatë, TAP-i do të përpiqet që ta mbyllë ankesën e pranuar me gjithë
kujdesin e kërkuar në kohën më të shkurtër të mundshme.
Nëse TAP-i vendos që ta hedhë poshtë ankesën si të pajustifikuar ose për ndonjë
arsye tjetër të pranueshme, ankuesi do të marrë një letër refuzimi që shpjegon arsyet
e mospranimit dhe ankesa do të mbyllet në regjistrin e ankesave të TAP-it me
përgjigjen e ankuesit të regjistruar në të.
VEPRIMET KORRIGJUESE
Data e printimit: 12/08/2011
Faqe 3 - 7

Pasi një ankesë pranohet plotësisht ose pjesërisht, ajo do të hetohet më tej dhe do të
merret një vendim në lidhje me veprimet korrigjuese të nevojshme. Veprimet
korrigjuese mund të përfshijnë përshtatje ose përmirësim të performancës së TAP-it
ose të kontraktuesve të tij. Në çdo rast, procesi do të koordinohet nga Menaxheri për
Palët e Interesuara i TAP-it, i cili garanton që çështja do të arrijë në një përfundim të
përshtatshëm brenda periudhës kohore të përcaktuar.
Pasi të jenë kryer hetimet e duhura dhe pasi të jenë identifikuar dhe përfunduar
veprimet korrigjuese, ankuesit do t'i dërgohet një letër mbylljeje për ta informuar atë
në lidhje me mbylljen e ankesës. Përveç letrës së mbylljes, mund të jepet gjithashtu
një shpjegim verbal aty ku nevojitet një shpjegim i hollësishëm ose ku shihet e
përshtatshme në lidhje me rrethanat e veçanta. Nëse ankuesi nuk është i kënaqur
me përfundimet, nga TAP-i ose kontraktuesit e saj mund të merren në konsideratë, të
bihet dakord dhe të kryhen veprime të tjera korrigjuese.
Në rast se veprimet korrigjuese kërkojnë më shumë kohë se sa lejohet nga ky
mekanizëm për të mbyllur ankesën, ankuesi do të njoftohet në lidhje me këtë gjë në
letrën e pranimit ose në një korrespondencë të veçantë të dërguar brenda 90 ditësh
kalendarike, e cila jep informacion mbi natyrën e vonesës dhe veprimet vijuese dhe
kohën e kërkuar për t'i përfunduar ato. Pas përfundimit të masave korrigjuese,
ankuesi do të njoftohet me një letër të veçantë mbylljeje.
PROCEDURAT E APELIMIT
Ankesa do të regjistrohet në regjistrin e ankesave të TAP-it si ankesë e mbyllur pasi
të jetë dërguar letra e mbylljes dhe pasi të kenë përfunduar të gjitha veprimet
korrigjuese (nëse kërkohen).
Në rastin kur ankuesi nuk është i kënaqur me përfundimet dhe nuk arrihet një
zgjidhje e kënaqshme, ankuesi mund të kërkojë përfaqësim të përshtatshëm nga
pala e tretë.
Ky mekanizëm i ankesës nuk e ndalon ose e pengon ankuesin nga e drejta për të
përdorur procesin ligjor dhe administrativ të shtetit ose të qeverisë së tij vendore ose
për të përdorur të drejtën ndërkombëtare.
DOKUMENTACIONI
Çdo ankuesi do t'i jepet një numër i veçantë regjistrimi dhe ai do të regjistrohet në
regjistrin e ankesave, i cili do të përdoret për regjistrimin dhe ndjekjen e të gjitha
ankesave. Regjistri i ankesave përmban informacion të hollësishëm në lidhje me
ankuesin, përshkrimin e përmbajtjes së ankesës dhe hollësi për mënyrën se si u
zgjidh ankesa. Menaxheri për Palët e Interesuara ka përgjegjësi për administrimin e
regjistrit dhe do të kryejë shqyrtime të rregullta të ankesave për të siguruar që
ankesat trajtohen në mënyrë të përshtatshme dhe në kohën e duhur.
Data e printimit: 12/08/2011
Faqe 4 - 7

Shtojca 1
Shembull ankese
Drejtuar: Trans Adriatic Pipeline AG
Në vëmendje të: Stakeholder Manager
Lindenstrasse 2, 6340 Baar, Switzerland
Nga: Zoti Francesco Mancini
Via Republica 15
72100 Brindisi, Italy
Tel.: +39 831 XXXXXXX
E-mail: fmancini75@gmail.com
I nderuar Zotëri/Zonjë,
Unë po ju shkruaj që t'ju informoj në lidhje me atë që ndodhi javën që shkoi gjatë procesit të
vlerësimit të tokës, i cili po kryhet nga përfaqësuesit e kompanisë suaj.
Gjurma e tubacionit tuaj kalon në parcelën e tokës sime (numri i regjistrimit XXXXXX) dhe
ajo u vlerësua nga përfaqësuesit tuaj kontraktues për të llogaritur kompesimin që unë duhet
të marr. Unë u informova që më parë se do të zhvillohej një inventar i tokës sime rreth orës
11 paradite në datën 7 qershor, por unë nuk isha në gjendje që ta ndiqja procesin për shkak
të disa detyrimeve të tjera të rëndësishme. Unë pata mundësi të arrija kur inventari kishte
përfunduar dhe përfaqësuesit e kompanisë suaj (z. A. Rossi dhe z. U. Meier) më dhanë
listën inventarizuese, të cilën unë e nënshkrova pa kontrolluar saktësinë e saj. Gjithashtu,
mua nuk m'u dha një kopje e dokumentit që nënshkrova.
Udhëzuesi i TAP-it për Blerjen dhe Kompensimin e Tokës, i cili iu dha pronarëve të tokës një
muaj më parë, thotë: "pronarët e tokës duhet të jenë të pranishëm gjatë inventarit të
parcelave të tokës së tyre dhe lista përfundimtare inventarizuese duhet të pranohet nga ata
dhe të aprovohet me anë të nënshkrimit të tyre."
Kështu që, unë besoj se të drejtat e mia u shkelën gjatë procesit të përshkruar më sipër. Unë
kërkoj që TAP-i ta anullojë listën e parë inventarizuese dhe ta zhvillojë përsëri inventarin në
praninë time dhe të më japë një kopje të listës. Shpresoj që kërkesa ime të plotësohet.
Sinqerisht,
Francesco Mancini [nënshkrimi]
12 shkurt 2011, Brindizi
Data e printimit: 12/08/2011
Faqe 5 - 7

Shtojca 2
Modeli i ankesës
Drejtuar: Trans Adriatic Pipeline AG
Në vëmendje të: Stakeholder Manager
Lindenstrasse 2, 6340 Baar, Switzerland
Complaints@tap-ag.com
Emri dhe mbiemri juaj:
Numri i parcelës së tokës (nëse gjen
zbatim):
A duhet që TAP-i ta mbajë të fshehtë
emrin tuaj? (shënoni një mundësi)
Nëse po, pse? (ju lutemi shpjegoni)
Po
Jo
Adresa juaj:
Rruga, numri:
Qyteti / fshati:
Kodi postar:
Provinca:
Shteti:
Detajet e kontaktit tuaj:
Numri i telefonit:
Numri i faksit:
Adresa e e-mailit:
Data e incidentit:
Data e printimit: 12/08/2011
Faqe 6 - 7

Hollësitë e incidentit:
Çfarë ndodhi?
Kur?
Si?
Ku?
Kush ishte i përfshirë?
Cilat janë pasojat?
Si doni që ta zgjidhni këtë
çështje?
Dokumentet mbështetëse
(ju lutemi jepni një listë të
dokumenteve që po
bashkëngjitni me ankesën):
Data dhe vendi:
Nënshkrimi juaj:
Data e printimit: 12/08/2011
Faqe 7 - 7