Број 140 - Универзитет „Св. Кирил и Методиј“

умарскиот факултет во Скопје е основан од
Ш Владата на Народна Република Македонија како
составен дел на тогашниот Земјоделско-шумарски
факултет во Скопје, во 1947 година. Тој е еден од првите
факултети формирани на територијата на Македонија
со кои понатаму е формиран и идниот македонски
универзитет - Универзитетот „Св. Кирил и Методиј“ во
Скопје. Формирањето на Факултетот произлегува од
потребата да се образуваат високостручни кадри од
областа на шумарството кои понатаму ќе ја развиваат
шумарската струка и ќе можат практично на терен да
вршат стручни работи. Оваа потреба се наметнала бидејќи
по ослободувањето, во 1945 година, во Македонија
имало само неколкумина висококвалификувани
шумарски стручњаци со кои не било во можност да се
оформи и развие планско стопанисување со шумите и
шумските ресурси.
Денес, Шумарскиот факултет во Скопје работи како
организациска единица при Универзитетот „Св. Кирил
и Методиј“ во Скопје и претставува единствената високообразовна
и научноистражувачка институција во Република
Македонија од областа на шумарството и озеленувањето
и унапредувањето на животната средина.
Наставата се изведува на сите три циклуси и се образуваат
високостручни кадри кои понатаму можат успешно
да се носат со современите предизвици и трендови
во областа на шумарството и озеленувањето и унапредувањето
на животната средина. Покрај наставнообразовната
и апликативната дејност, Шумарскиот факултет
во Скопје има богата издавачка дејност, која се
отсликува преку голем број на издадени публикации,
учебници, учебни помагала,
зборници, монографии
и др.
За изведување на наставата,
Факултетот располага
со два амфитеатра,
10 предавални, 15 лабoратории,
10 наставни
збирки, 53 кабинети, читална
и библиотека. Исто
така, за изведување на теренска
настава се користат
објектите на шумскоопитната
станица, и тоа: во
Скопје, односно околу
Факултетот (арборетум,
дендропарк, стакленик);
објектот Трубарево (арборетум,
семениште, растилка,
ловиште со волиери,
хранилиште и др.),
објектот во Крушево (расадник,
дендропарк,
опитни површини од 40 ha на локалитетите Куличе,
Порта и Станиќ) и објект - огледна површина на Китка
кај Скопје на 1,5 ha.
Од академската 2013/2014 година започнува новата
акредитирана студиска програма екоинженеринг и
екоменаџмент. Се надеваме дека оваа студиска програма
ќе привлече голем број студенти кои својот животен
ангажман сакаат да го посветат на заштитата,
одржливиот развој и унапредувањето на природните
ресурси и животната средина во целина. Постојните
студиски програми за шумарство и озеленување и унапредување
на животната средина, согласно со измените
во Законот за високото образование, се редизајнирани.
Тоа особено се однесува на студиската програма
озеленување и унапредување на животната средина,
која е целосно редизајнирана и е со нов наслов: пејзажно
дизајнирање. Промената е направена со цел да
им се излезе во пресрет на барањата на студентите,
трендовите во оваа област и потребите на субјектите и
институциите во Република Македонија кои се занимаваат
со оваа проблематика и имаат потреби од кадар
со таква специјалност.
Со студирањето на една од студиските програми на
Шумарскиот факултет во Скопје, идните инженери од
оваа област ќе се стекнат со теоретски и практични
знаења и вештини, кои ќе претставуваат солидна основа
за натамошно проширување и продлабочување на
знаењето, вештината, умешноста, одлучноста и искуството
при креирањето и реализацијата на едукативни,
апликативни и научноистражувачки проекти.
26 Универзитетски весник бр. 1 40