Број 140 - Универзитет „Св. Кирил и Методиј“

More documents

Recommendations

Info

емјоделскиот институт е ед- од најстарите научноис- Зна тражувачки институции од областа на земјоделството во Република Македонија. Уште во далечната 1927 година во Скопје се формира Агроботаничкиот отсек, поради што оваа година е зацртана како зачеток на идниот Земјоделски институт во Република Македонија. По ослободувањето на Република Македонија, со Решение на Президиумот на АСНОМ бр. 15 од 15. XII 1944 година, формиран е Земјоделско испитателниот институт на НРМ како државна установа, која низ текот на годините и под слични имиња опстојува и до денес. Овој датум се зема како официјален податок за почетокот на постоењето на Земјоделскиот институт како научна установа од областа на земјоделството. Со долгата традиција на постоење и дејствување, Земјоделскиот институт се има етаблирано како врвна научна институција со препознатлив лик. Квалитетот во работата како заштитен знак на Институтот е постојан приоритет. Научниот кадар постојано ги следи најновите достигнувања во областа на современото земјоделство. Работејќи во исклучителни динамични услови, со својот тим обезбедува поддршка за развој на македонското земјоделство. Во текот на долгогодишното постоење, изграден е едуциран научен кадар од сите области на земјоделските науки. Паралелно со едукацијата на кадарот, се создаваат и се развиваат услови за научноистражувачка и апликативна работа која е имплементирана во сите области на земјоделското производство во државата. Во текот на приспособувањето на Институтот кон современите потреби на земјоделството, руралниот развој и заштитата на човековата околина, идентификувани во текот на долгогодишното работење и комуникација со практиката, Земјоделскиот институт реализира втор образовен циклус. Програмата за студирање припаѓа на биотехнолошкото научно подрачје на полето на земјоделските науки. Со својот кадар, како и со кадарот од сродните институциии, се покриваат неколку актуелни области од растителното производство и преработка: енологија, интегрално производство, органско производство, расадничко производство и семепроизводство на поледелски и градинарски култури. Поврзувањето на научните истражувања со современите начини на едукација и трансферот на технологии се клучни предизвици за идниот развој на Република Македонија во делот на земјоделството, образованието и економскиот развој, каде што Институтот зема активно учество. 28 Универзитетски весник бр. 1 40
нститутот за земјотресно инженерство и инженерска сеизмологија - ИЗИИС, Универзитет „Св. Кирил И и Методиј“ во Скопје, е формиран во 1965 година, следејќи ја актуелната потреба од ургентна и ефикасна реконструкција на разрушеното Скопје по катастрофалниот земјотрес од 1963 година, како и современите текови во светската научна мисла во областа на земјотресното инженерство. Во текот на својот 48-годишен развој, Институтот израсна во меѓународно призната и препознатлива институција од областа на земјотресното инженерство и инженерската сеизмологија. Денес, примарна мисија на Институтот е заштита на населението, сопственоста, како и интегралниот социо-економски систем на Република Македонија од дејството на земјотреси и други природни катастрофи. Идентификуван како еден од неколкуте национални центри на извонредност, Институтот бил и е од посебен интерес за државата. Следејќи ја својата стратешка ориентација, активностите на Институтот генерално опфаќаат три области: научноистражувачки активности, применети истражувања - апликација и наставно-образовна активност. Научноистражувачките активности на Институтот се ориентирани базично кон изнаоѓање можности и утврдување основи за намалување на сеизмичкиот ризик и ризикот од други природни катастрофи. Во текот на своето постоење, Институтот реализирал голем број на национални научни проекти со огромен придонес во правец на градење и јакнење на институционалните капацитети за менаџирање на природните ризици. За време на својот 48-годишен растеж, Институтот развива и перменентно одржува интензивна соработка на меѓународен план. Реализирани се голем број на билатерални проекти со САД, Кина, Германија, Бугарија, Албанија, Словенија, Хрватска итн. За истакнување е учеството на Институтот во низата проекти финансирани од НАТО во рамките на програмата „Наука за мир“. ИЗИИС е една од водечките научни институции во државата која партиципира во рамковните програми финансирани од Европската комисија, уште од нивниот почеток. Во рамките на ФП7-програмата, направено е обновување на истражувачката опрема за динамичко тестирање на модели во голем размер. При тоа, постојниот аналоген контролен систем на биаксијалната виброплатформа се замени со современ дигитален контролен систем од најнова генерација, се инсталира нов триаксијален систем за статичко и динамичко тестирање на почвени примероци и се конструира т.н. „ламинарен контејнер на смолкнување“, кој овозможува тестирање на геомодели на виброплатформа и е единствен од овој тип на овие простори. Наставно-образовната активност на Институтот датира уште од периодот на неговото формирање. Првите постдипломски студии на Универзитетот „Св. Кирил и Методиј“, Универзитетски весник бр. 1 40 на англиски јазик, од областа на техничките науки се реализирани на ИЗИИС во 1966 година. Од тогаш до денес, овие постдипломски студии континуирано се одржуваат и имаат меѓународен карактер (ТЕМПУС, ДААД итн.). Треба да се истакне дека за првпат на Универзитетот „Св. Кирил и Методиј“, на ИЗИИС се започнати и докторски и постдокторски студии од областа на техничките науки. Вкупната бројка на студенти кои на Институтот се стекнале со степен магистер и доктор на технички науки е повеќе од 450. Во рамките на образовната дејност, Институтот одржува и краткорочни и долгорочни специјалистички курсеви и програми за обука во согласност со неговата стратешка ориентација. Еден од најзначајните е специјалистичкиот курс CADAC, кој е препознатлив во светски рамки и кој цели 26 години беше финансиран од Владата на Кралството Холандија и Владата на Република Македонија. Во рамките на овој курс на ИЗИИС се обучуваа повеќе од 520 кандидати од преку 74 земји во развој од целиот свет. Преку овој курс, Институтот одигра клучна улога во креирањето на високопрофесионални кадри од областа на земјотресното инженерство и придонесе кон намалување на сеизмичкиот ризик и ризикот од други природни катастрофи во земјите во развој. И во својата трета основна дејност, применети истражувања - апликација, Институтот интензивно е ангажиран. Присутен е на полето на проектантски и консултантски услуги во државата, а и на меѓународниот пазар (Канада, Австрија, Германија, Абу Даби итн.). Активно учествува и во низа експертски мисии по случени земјотреси во Мексико, Пакистан, Турција, Бања Лука, Л’ Аквила и др. Денес, во научноистражувачката, во апликативната дејност и во наставно-образовниот процес на Институтот се вклучени повеќе од 40 научни и високостручни работници, од кои 20 се со степен доктор на науки, а 9 со степен магистер на науки. Од нив, 8 се редовни професори, 7 се вонредни професори, 2 се виши научни соработници, 3 се доценти или научни соработници и 9 се асистенти. Од 1981 година, Институтот е сместен во нов институтски комплекс на објекти и лаборатории. Лабораториите на Институтот се опремени со современа опрема за лабораториски и теренски испитувања кои во голема мера ги покриваат потребите за експериментални истражувања во земјотресното инженерство. Еден од големите успеси на Институтот е и фактот што во соработка со МАЕЕ ја организираше 14. Европска конференција за земјотресно инженерство, која се одржи во 2010 година во Охрид. Таа претставуваше научен форум од светски ранг на кој присуствуваа повеќе од 1.000 истакнати професори и истражувачи од областа на земјотресното инженерство. 29
Page 2 and 3: У ниверзитетот „Св
Page 4 and 5: радежниот факултет
Page 6 and 7: о рамките на Универ
Page 8 and 9: едагошкиот факулте
Page 10 and 11: равославниот богос
Page 12 and 13: томатолошкиот факу
Page 14 and 15: акултетот за ветер
Page 16 and 17: акултетот за драмс
Page 18 and 19: акултетот за земјо
Page 20 and 21: акултетот за ликов
Page 22 and 23: акултетот за физич
Page 24 and 25: ајголемиот успех н
Page 26 and 27: умарскиот факултет
Page 30 and 31: ред 48 години, со Одл
Page 32: Универзитет „Св. К

Број 140 - Универзитет „Св. Кирил и Методиј“

You also want an ePaper? Increase the reach of your titles

Delete template?

Save as template?