01 - ballina N53.cdr - knsh.org

Reportazh
Prekazi - Memoria jonë e përhershme
Prekaz…! Të gjithë duan të
shkojnë drejt Drenicës. Të gjithë duan
të shkojnë atje…në Prekaz. Është njëri
nga vendet më të njohura. Të huajt dhe
shqiptarët duan të shohin çdo gjë
atje,... rrugët, malet, fushat, njerëzit,
fëmijët, djemtë, vajzat, pleqtë… Eh!-
atje vjen erë e hershme shqiptare.
Duan të prekin me dorë historinë vetë,
atë që vjen nga përjetësia për të shkuar
në përjetësi.
Valon BEGZADI
Është një meditim që të vjen
ndërmend sa të kujtosh Prekazin. Dhe
sa vjen në Kosovë, pyetja e parë që të
vjen në buzë është ajo:- Nga bie
Prekazi!. Të gjithë për atje i çojnë
këmbët. Atje të presin Jasharët, të cilët
janë bërë FLAMURI i shqiptarëve në
dekadën e fundit, si burrat, gratë,
fëmijët, pleqtë, gjithçka që kanë pasur
dhe kanë Jasharët.
Të gjithë janë pjesa më e gjallë e
historisë së Kosovës. Të presin ata që
ranë nën dhunën, ku njëra nga
perandoritë më barbare dhe më e
prapambetura e Ballkanit,-Sërbia,-
derdhi dhe ushtroi mbi një familje të
Madhe, si Jasharët. Të presin
monumentin dhe të rënët, ato të cilët
radhë-radhë janë në tokën e lirë të
Prekazit dhe të Kosovës. Prekazi të
bën më shumë njeri, të bën më me
peshë dhe më real. Kjo ngjan
gjithmonë me historinë dhe me kohët
që mbartin në gjirin e tyre.
Memoriali.
Ç'mund të bëhej ndryshe me
Prekazin! A mund të harrohet ajo që
bëri dhe ajo që ndodhi atje Në altarin
e lirisë gjithë brezat: një familje, gra
dhe burra, fëmijë dhe të moshuar. Të
gjithë derdhën gjak në rrënjët dhe
kujtesën e lirisë. Të duket se atje u
fijuan të gjithë shqiptarët.
Jasharajt janë themeli i asaj që
ngjau dhe e ardhmja që ëndërrojmë.
Dhe memoriali për ta nuk është në
Prekaz, por kudo që ka tokë shqiptare.
Prekazi është kujtesa jonë për lirinë. E
kemi kërkuar gjithë jetën, sa për të një
shekull kemi flijuar një milion të rënë.
Prekazi është bashkimi ynë rreth
UÇK-së, asaj që ruajti jetën dhe ktheu
shpresën e madhe të të gjithë
shqiptarëve. Prekazi është virtyti ynë i
përjetshëm, se Shaban, Adem e
Hamzë Jashari janë e do të mbeten
modeli i burrit dhe njeriut shqiptar.
Prekazi është memoria jonë e
përjetshme, siç ka qenë lufta dhe
flamuri në të gjithë historinë tonë.
Drejt Prekazit do të ketë njerëz nga e
gjithë Bota, ashtu siç do të ketë edhe
këngë, ashtu siç do të ketë dhe dasma
dhe lindje fëmijësh. Baca Shaban,
Baca Adem e Baca Hamzë në atë
moshë që ranë do të presin dhe do të
përcjellin njerëz.
Drenica
Treva ku lufta dhe paqja, ditët e
mira dhe ditët e këqij të Kombit
shqiptar gjetën strehë, gjetën njerëz,
gjetën gjak dhe gjuhë. S'ka ditë dhe
datë të shënuar të Kombit shqiptar, që
në Drenicë të mos këta gjetur njerëzit e
vet. Pa dyshim është krahina dhe
vendi i njohur për të gjithë shqiptarët,
për të kaluarën dhe të sotmen, që çdo
ditë mbjellin të ardhmen. Aty ku
shqiptarët janë më vëllezër se në çdo
vend tjetër shqiptar.
Qindra vjet e në Drenicë nuk
reshtën kurrë taborret për ta sunduar
këtë vend “rebel”, që s'ka reshtur kurrë
për lirinë e vet. Qindra vjet dhe
pushtuesit e shqiptarëve nuk reshtën
drejt Drenicës, të cilët kudo shkelën
mbollën vdekjen. Drenica qëndroi…
Ec nëpër Drenicë. Vetë relievi
është një dialog intimiteti me atë që ka
aspiruar Drenica, me atë që në të gjithë
16
2 korrik 2012