Gorffennaf - Tafod Elai
Gorffennaf - Tafod Elai
Gorffennaf - Tafod Elai
Create successful ePaper yourself
Turn your PDF publications into a flip-book with our unique Google optimized e-Paper software.
FFYNNON TAF NANTGARW<br />
A GWAELOD Y GARTH<br />
Gohebydd Lleol: Martin Huws<br />
029 20 811413 neu martin@huws1.fsnet.co.uk<br />
DWYLO DROS Y MÔR<br />
Llongyfarchiadau i Scott McKenzie o<br />
Ffynnon Taf sy wedi codi £3,000 ar<br />
gyfer achos arbennig.<br />
Ar Fehefin 25 hedfanodd Scott,<br />
arweinydd criw o Goleg yr Iwerydd, i<br />
Kenya, i Nairobi cyn cyrraedd Kiberia,<br />
un o’r slymiau mwya ar gyrion y ddinas.<br />
Maen nhw wedi bod yn gweithio<br />
mewn cartre plant amddifaid, yn dysgu<br />
drama, cerdd, mathemateg a Saesneg<br />
iddyn nhw a mynd â nhw ar deithiau.<br />
Diodde y mae rhai o’r plant o AIDS.<br />
Dywedodd Scott, arweinydd y project,<br />
y byddai’r arian gafodd ei godi’n talu<br />
nid yn unig gostau llety a bwyd ond<br />
hefyd yn helpu talu am lyfrau, papur<br />
ysgrifennu ac offer chwaraeon.<br />
“Mae’r ymateb wedi bod yn<br />
anhygoel,” meddai. Roedd yn<br />
ddiolchgar, meddai, i unigolion,<br />
ysgolion, capeli a chwmni Asda am<br />
adael i’r criw bacio bagiau siopa.<br />
Y cam nesa, meddai, fyddai teithio i<br />
Dar es Salaam yn Tanzania, i gartre<br />
plant amddifaid arall. Nid dysgu bydd yr<br />
unig her ond helpu codi ysgol ar bwys y<br />
cartre. Pob lwc iddyn nhw.<br />
Y PARATOAD GORAU<br />
Oedd, roedd yr amser wedi dod ar gyfer<br />
y bererindod flynyddol. Y tro hwn i Faes<br />
y Tair Sir yn Nantyci ger Caerfyrddin.<br />
Ar y bore Sadwrn ces i awgrym cynnil<br />
yn fy nghlust fod eisie cyrraedd Maes<br />
Eisteddfod yr Urdd yn gynnar ar gyfer y<br />
rhagbrofion. Rhaid ‘mod i wedi gyrru<br />
ychydig yn glou. Aethon ni heibio<br />
ambiwlans ddwywaith ar yr hewl rhwng<br />
Pont Abraham a Chaerfyrddin.<br />
Ond och a gwae. Doedd y rhagbrofion<br />
ddim yn dechre tan 10.15. Yn Stiwdio 3<br />
wedyn clywon ni’r canlyniad wyth yn<br />
wreiddiol yn cystadlu yn y Ddrama<br />
Gerdd ond dim ond pump wedi cyrraedd<br />
y Maes (sabotage?). Tri’n cyrraedd y<br />
llwyfan, gan gynnwys Plasmawr.<br />
Whare teg, y pafiliwn bron yn llawn<br />
yn y prynhawn. Codes i ‘nghalon pan<br />
weles i’r beirniad, cynactor opera<br />
sebon, gwallt hir a helmed beic modur o<br />
dan ei gesel. Gobeth, y byddai rhywbeth<br />
modern yn apelio.<br />
Dim gobeth caneri. Aelwyd yr Ynys<br />
â’u perfformiad traddodiadol oedd yn<br />
gynta a Plasmawr (Chicago) yn ail.<br />
Coleg y Drindod yn perfformio<br />
Guernica’n drydydd.<br />
I fi, roedd Plasmawr yn fwy aeddfed<br />
14<br />
Rhai o blant Kiberia<br />
nag y byddai rhywun yn ei ddisgwyl a’u<br />
perfformiad yn fwy o gyfanwaith. Ond<br />
wy’n unochrog. Walle bod mwy o<br />
amrywiaeth yng ngwaith yr enillwyr,<br />
comedi a thrasiedi.<br />
Ta beth, mae un cysur. Fel y<br />
dywedodd ffrind, Albanwr oedd ddim yn<br />
deall yr iaith i gyd ond yn deall pwynt<br />
pwysig, mae’r Urdd yn baratoad da ar<br />
gyfer bywyd. Mae’n dysgu’n pobol ifanc<br />
ni shwd i golli’n raslon. Amen.<br />
BABI: DIHANGFA WYRTHIOL<br />
Mae teulu o Waelodygarth yn lwcus<br />
am fod babi 10 mis oed wedi cael<br />
dihangfa wyrthiol.<br />
Un bore cwympodd tanc dŵr drwy’r<br />
nenfwd a phwnio corlan chwarae Amy<br />
Devonish. Yn wyrthiol, doedd hi ddim<br />
yno am fod ei mam Roshan wedi ei<br />
dihuno’n hwyr.<br />
Mewn gwesty mae’r teulu wrth i<br />
arbenigwyr ymchwilio i achos y<br />
ddamwain yn y tŷ lle gynt oedd capel<br />
Salem. “Pan glywais i’r sŵn o’n i’n<br />
gwybod fod rhywbeth mawr yn bod,”<br />
meddai’r fam. “Yr arwydd cynta oedd<br />
llwch yn cwympo o’r nenfwd. Cydiais i<br />
yn Amy a rhedeg mas o’r tŷ.<br />
“’Se Amy wedi bod yn ei lle arferol, fe<br />
fyddai wedi bod yn hunlle.”<br />
Dywedodd y tad, Stan, sy’n rhedeg<br />
cwmni gwerthu gwin, y byddai’r tŷ’n<br />
cael ei atgyweirio o fewn chwe mis.<br />
“Mae pawb yn falch na chafodd neb ei<br />
anafu. Fyddai dim gobaith wedi bod ‘da<br />
hi.”<br />
HWB I GLWB IEUENCTID<br />
Mae clwb ieuenctid ar ei ennill am fod<br />
ymgyrchydd wedi ennill gwobr<br />
Brydeinig.<br />
Cafodd y Cynghorydd Cynthia Dyke<br />
£1,000 am ymgyrchu yn erbyn troseddu<br />
ac am wella’r amgylchedd yn ardal Tŷ<br />
Rhiw. “Gyda’r arian fe fyddwn ni’n<br />
prynu offer ar gyfer y clwb ieuenctid,”<br />
meddai.<br />
Dywedodd Cydlynydd Golwg ar<br />
Droseddau Carl Butler: “Mae’r wobr yn<br />
cydnabod ei gwaith caled hi a’r grŵp ers<br />
18 mlynedd. Er gwaetha popeth, maen<br />
nhw wedi taclo troseddu ac anhrefn yn<br />
yr ardal ...”<br />
Y GAMP O HYBU’R IFANC<br />
Mae cynllun ar droed i feithrin<br />
chwaraewyr rygbi ifanc y cylch. Ers<br />
wythnosau mae swyddogion datblygu<br />
Gleision Caerdydd, Ben Rose ac Adrian<br />
Evans, wedi bod i’r ysgolion cynradd yn<br />
rhoi cyfle i blant ymarfer.<br />
Ar Orffennaf 8 mae sesiwn arbennig o<br />
10am ymlaen ar gyfer plant o dan saith<br />
ac wyth oed yng Nghlwb Rygbi Ffynnon<br />
Taf. Y rheswm am hyn yw penderfyniad<br />
y clwb i ailffurfio tîm plant. Ym Medi y<br />
bydd y tymor yn dechrau a Rob Mota<br />
fydd yn hyfforddi. Pob lwc iddo.<br />
TROI SIOP YN SWYDDFA<br />
Yn rhifyn Ebrill sonion ni am y diwrnod<br />
pan fu raid i Neil o hen siop Spar gau am<br />
y tro ola. Am wythnos roedd arwydd<br />
wedi bod yn ffenest ei siop: “Wy’n<br />
diolch i bawb sy wedi ‘nghefnogi i ers<br />
10 mlynedd.”<br />
Ar y pryd doedd neb yn siŵr beth<br />
fyddai’n digwydd. Mae’r dyfalu ar ben <br />
y cyngor wedi cymeradwyo cais<br />
cynllunio cwmni marchnata Smarter<br />
Splash fydd yn troi’r siop yn swyddfa.<br />
GWREIDDYN Y MATER<br />
Syniad y prifathro Jonathan Davies oedd<br />
gofyn i wyth o blant Ysgol Gynradd<br />
Ffynnon Taf helpu Josie Thomas, David<br />
a Molly Mullins i blannu blodau ar y<br />
lawnt o flaen neuadd y pentre.<br />
Felly diolch i Joshua Phillips, Lewis<br />
Edwards, Kallum Rossiter, Jack Jones,<br />
Jessica Knight, Bethan Hurndall,<br />
Cameron Rennie a Lottie Wigg am<br />
helpu.<br />
DIGWYDDIADAU<br />
CAPEL BETHLEHEM, Gwaelodygarth,<br />
10.30am. <strong>Gorffennaf</strong> 1: Parchedig<br />
Gar eth Re ynolds, C ymundeb ;<br />
<strong>Gorffennaf</strong> 8: Parchedig Jill Hayley<br />
Harris; <strong>Gorffennaf</strong> 15: Gwasanaeth<br />
Ardal: Gorllewin Caerdydd; <strong>Gorffennaf</strong><br />
22: Parchedig Denzil John; <strong>Gorffennaf</strong><br />
29: Parchedig R Alun Evans.<br />
CYLCH MEITHRIN Ffynnon Taf, 9.30<br />
12, ddydd Llun tan ddydd Gwener.<br />
Taliadau: £4.75 y sesiwn. Ti a Fi, 1.15<br />
2.30 bob dydd Mawrth. Taliadau: £1.50<br />
y sesiwn.<br />
CYMDEITHAS ARDDWROL Ffynnon<br />
Taf a’r Cylch: ddydd Mawrth cynta’r<br />
mis, Clwb CynAelodau’r Lluoedd<br />
Arfog, Glanyllyn. Manylion oddi wrth<br />
Mrs Toghill, 029 20 810241.