ISSUE 4 - Leighton Asia

Компани
Шинэ онлайн дүр төрх
Лейтон Азиа компанийн веб сайт шинэчлэгдэж цоо шинэ дүр төрхтэйгээр 11-р сард ашиглалтанд
оров. Дизайны хувьд илүү сонирхол татахуйц болсны дээр график, дүрслэлийг түлхүү орууллаа.
Веб сайтын ажиллагааг сайжруулах, хэрэглэгчдэд хялбар дөхөм байхад зориулагдсан олон шинэлэг
функцуудыг нэмж орууллаа. Мэдээллийг дэлгэн үзүүлэх горим мөн улам боловсронгуй болсон.
Цаашид вэб сайтыг илүү боловсронгуй болгох тал дээр олон ажил төлөвлөгдөж байна.
Лейтон үйл ажиллагааны үзүүлэлтүүдээ
тайлагнав
2011 оны 11-р сард Лейтон Холдингс груп 2011 оны 9-р сарын 30-ны өдрөөр дуусгавар болсон 3 сарын хугацаанд 137
сая австрали долларын татварын дараахь ашигтай ажиллав. Өмнөх жилийн мөн үеийн татварын дараах ашиг 48 сая
австрали доллар байсан. Үүнд тус группын харъяа, охин компаниудын нэг HWE Mining компанийг худалдсанаас орох
татварын дараахь цэвэр орлого болох 163 сая австрали доллар багтаагүй болно. Орлого өнгөрсөн онд 4.7 тэрбум
австрали доллар байсан бол тайлант хугацаанд 30%-иар өсч, 6.2 тэрбум австрали долларт хүрэв. “Лейтон Группын
хэмжээнд гэрээний дагуу гүйцэтгэж буй ажлын ажлын дүн 45 тэрбум австрали доллар, ирэх таван жилд гүйцэтгэхээр
төлөвлөж буй ажлын хэмжээ 10 орчим тэрбум австрали доллар, мөн түүнчлэн хэрэгжүүлэхээр тооцоолж буй төслүүдийн
нийт өртөг 4-6 тэрбум орчим австрали доллар тус тус байна. Эдгээр нь Лейтон Группын хүчин чадлыг илтгэх тулгуур
үзүүлэлтүүд юм. Ирэх 2-3 сард бид 27 тэрбум австрали долларын үнэ бүхий тендерт өрсөлдөх бөгөөд энэ нь бидний
үйл ажиллагаа явуулж буй эдийн засгийн орчин зогсонги байдалд ороогүй болохыг харуулж байна” хэмээн Лейтон
Холдингсийн Гүйцэтгэх Захирал Хамиш Тирвитт хэлэв. Лейтон Холдинс нь энэ оны санхүүгийн жилээ 2011 оны 12-р сард
дуусгах болсон учир шилжилтийн зургаан сарын санхүүгийн жил нь энэ оны 12 сард дуусч, 2012 оны 1 сард санхүүгийн
шинэ жилийг эхлүүлэхээр болсон.
22