Heitur matur - Menntaskólinn við Hamrahlíð

Þarfagreining unnin fyrir
stjórn nemendafélags MH
Verkefnið unnu:
Björk Ólafsdóttir
Sigríður Sigurðardóttir
29. apríl 2004

Heitur matur í MH Bls. 1
Efnisyfirlit
Efnisyfirlit .........................................................................................................1
1. Matssamantekt.............................................................................................2
2. Inngangur.....................................................................................................3
2.1 Mikilvægi matsins ...................................................................................3
2.2 Þarfagreining ..........................................................................................4
2.3 Markmið og matsspurningar ...................................................................4
3. Lýsing á aðstæðum......................................................................................5
4. Aðferð ..........................................................................................................7
4.1. Gagnaöflun............................................................................................7
4.1.1 Rýnihópur ........................................................................................7
4.1.2 Vettvangsathugun............................................................................7
4.1.3 Spurningalisti ...................................................................................8
4.1.3.1 Þátttakendur..............................................................................8
4.1.3.2 Mælitæki....................................................................................9
4.1.3.3 Framkvæmd ..............................................................................9
5. Niðurstöður ................................................................................................10
5.1 Helstu niðurstöður ................................................................................10
5.2 Aðrar niðurstöður..................................................................................22
5.3 Samantekt niðurstaðna ........................................................................22
6. Lokaorð og ábendingar ..............................................................................23
Heimildir.........................................................................................................26
Skriflegar heimildir:.....................................................................................26
Munnlegar heimildir: ...................................................................................26
Viðauki 1: Spurningalisti
Viðauki 2: Kíkvaðrat marktektarpróf fyrir spurningu 13
Viðauki 3: Þátta- og dreifigreining fyrir spurningu 6
Viðauki 4: Bréf til kennara
Viðauki 5: Glærur frá kynningu mats á skólastjórnarfundi þann 29.04.2004

Heitur matur í MH Bls. 2
1. Matssamantekt
Þarfagreiningin sem hér fer á eftir var framkvæmd fyrir stjórn nemendafélags
Menntaskólans við Hamrahlíð (MH) að frumkvæði konrektors, Sigurborgar
Matthíasdóttur. Meginmarkmiðið var að skoða hvort grundvöllur væri fyrir því
að bjóða nemendum skólans upp á heitan mat í hádeginu oftar en hefur verið.
Gagnaöflun fólst í því að byrjað var á að halda rýnihópaviðtal með stjórn
nemendafélagsins og í framhaldi af því var matsalan skoðuð. Því næst var
spurningalisti saminn á grundvelli niðurstaðna úr rýnihóp. Spurningalistinn var
borinn undir stjórn nemendafélagsins og stjórnendur skólans áður en að
fyrirlögn kom. Listinn var síðan lagður fyrir 317 nemendur í íslenskuáföngum í
öllum árgöngum og voru það viðkomandi kennarar sem sáu um það. Allir sem
leitað var til svöruðu.
Niðurstöður sýna að meirihluti nemenda er hlynntur því að bjóða eigi upp á
heitan mat í hádeginu fyrir nemendur skólans. Nemendur skiptast nokkuð í
tvo hópa þegar spurt er hversu oft í viku eigi að bjóða upp á heitan mat og
flestir vilja annað hvort að hann sé í boði þrisvar í viku eða þá alla daga.
Flestir segjast mundu kaupa sér heitan mat einu sinni til þrisvar sinnum í viku
væri slíkt í boði en mjög stór hópur er óviss hvað þetta varðar. Meirihluti
nemenda kýs greiðslufyrirkomulag í formi matarmiða. Aðrar helstu niðurstöður
könnunarinnar eru að nemendum er umhugsað um að boðið sé upp á lágt
vöruverð og skjóta afgreiðslu í hádegishléinu.
Niðurstöðurnar sýna að best er að byrja á því að bjóða upp á heitan mat
þrisvar sinnum í viku og síðan gera tilraun með að auka framboðið enn frekar.
Á boðstólum ætti meðal annars að vera pastaréttir, kjötréttir, súpur og salöt en
margir taka fram mikilvægt sé að maturinn sé fjölbreyttur og hollur. Halda á
áfram að bjóða upp á pizzu að minnsta kosti einu sinni í viku. Gefa á
nemendum kost á að greiða fyrir matinn með matarmiðum en jafnframt að
halda möguleika á staðgreiðslu opnum. Verði í matsölu ætti að halda í
lágmarki og hvað heita matinn varðar þá ætti verðið á honum ekki að vera
hærra en 400 krónur fyrir hvern skammt. Mikilvægt er einnig að reyna og
draga úr biðröðum við matsöluna og hraða afgreiðslu.

Heitur matur í MH Bls. 3
2. Inngangur
2.1 Mikilvægi matsins
Á undanförnum árum og áratugum hefur öllum orðið ljóst að mataræði hefur
áhrif á heilsu fólks. Breytingar á lifnaðarháttum hafa á sama tíma orðið til
þess að meiri kröfur eru gerðar til skólanna í landinu til þessa að fullnægja
næringarþörf nemenda sinna með því að bjóða þeim upp á hollan mat í
hádeginu. Í leikskólum landsins hefur lengi verið séð til þess að börnin borði
saman næringarríkan mat daglega og nú er farið að gera sömu kröfur til
grunnskólanna. Þau börn sem nú eru í grunnskólum og venjast því að fá mat
í skólanum koma væntanlega til með að gera kröfur um slíkt hið sama þegar í
framhaldsskóla er komið. Mjög mismunandi er hvort boðið er upp á slíka
þjónustu í framhalsskólum og einnig hvernig henni er háttað sé hún fyrir
hendi.
Þrátt fyrir almenna vitneskju um mikilvægi hollrar næringar og að unnið hafi
verið að úrbótum hvað þessi mál varðar í grunnskólum þá segir í skýrslu
fagráðs landlæknisembættisins um heilsueflingu að enn sé næringu og
aðbúnaði barna í grunn- og framhaldsskólum landsins ábótavant (Þorgerður
Ragnarsdóttir o.fl., 2003). Í sömu skýrslu er fjallað um mikilvægi góðrar
skólamáltíðar fyrir starfsgetu nemenda og gott skólastarf almennt.
Könnun Manneldisráðs á mataræði Íslendinga árið 2002 sýnir að hvað ungt
fólk á aldrinum 15 – 19 ára varðar þá má segja að helstu áhyggjuefnin séu
mjög mikil sykurneysla, sérstaklega hjá strákum, og svo minni neysla á mjólk
og fiski (Manneldisráð, 2002). Samkvæmt manneldismarkmiðum er æskilegt
að sú orka sem fæst úr viðbættum sykri fari ekki yfir 10% af heildarorkunni yfir
daginn (Manneldisráð, e.d.). Könnunin sýndi að strákar á þessum aldri fá að
jafnaði 21% orkunnar úr viðbættum sykri og stúlkur 15% (Manneldisráð,
2002). Um helmingur þessa viðbætta sykurs virðist koma vegna mikillar
neyslu á gosdrykkjum enda kemur í ljós að strákar á aldrinum 15 - 19 ára
drekka um einn lítra af gosi á dag. Vegna minnkandi mjólkurdrykkju ná ungar
stúlkur að meðaltali ekki ráðlögðum dagskammti af kalki og hverfandi lítil
fiskneysla þeirra hefur þau áhrif að þær fá að meðaltali einungis tvo þriðju
hluta af ráðlögðum dagskammti af joði.

Heitur matur í MH Bls. 4
Þegar þessar niðurstöður eru skoðaðar þá er alveg ljóst að það að bjóða upp
á heita máltíð í hádeginu fyrir nemendur í framhaldsskólum landsins getur ekki
verið nema af hinu góða. Ef slík þjónusta er ekki fyrir hendi og nemendur geta
einungis keypt sér mat í sjoppu í skólanum þá eykur það væntanlega líkurnar
á því að nemendur kaupi sér sælgæti í staðinn fyrir mat eða þurfi að leita á
náðir nærliggjandi skyndibitastaða.
2.2 Þarfagreining
Góð þjónusta er skipulögð á grundvelli þarfa þeirra einstaklinga sem hún er
ætluð fyrir (Posavac og Carey, 2003). Samkvæmt McKillip (1998) hefur
þarfagreining tvo meginþætti: að bera kennsl á þörf (need identification) og að
meta þörf (need assessment). Til að bera kennsl á þörf er upplýsingum safnað
hjá þeim sem búa við þörfina, í umhverfi þeirra, í þeim vandamálum sem við
þeim blasa og í lausnum við þessum vandamálum. Við mat á þörf eru
upplýsingar dregnar saman, valkostir skoðaðir og tekin ákvörðun um aðgerð.
Við að meta þörf fyrir heitan mat í hádeginu í MH var sjóninni því beint að
nemendum til að komast að raun um hvernig þeir skynja sínar þarfir. Leitað
var eftir væntingum og hugmyndum þeirra um lausnir. Út frá þeim
niðurstöðum verður síðan tekin ákvörðun um hvaða aðgerðir eru farsælastar
til að mæta þessari þörf.
2.3 Markmið og matsspurningar
Meginmarkmið þessarar þarfagreiningar er:
• Að kanna hvort grundvöllur sé fyrir því að auka framboð á heitum mat í
hádeginu til nemenda í Menntaskólanum við Hamrahlíð og jafnframt að
skoða hvernig best væri staðið að þeirri breytingu

Heitur matur í MH Bls. 5
Út frá þessu markmiði voru eftirfarandi matsspurningar settar fram:
‣ Hversu oft í viku telja nemendur skólans að bjóða ætti upp á heitan mat
í hádeginu?
‣ Hversu oft í viku telja nemendur skólans að þeir muni kaupa sér heitan
mat ef hann væri í boði?
‣ Hvers konar mat ætti helst að bjóða upp á?
‣ Hvað má hann kosta?
‣ Hvernig á greiðslufyrirkomulagið að vera (t. d. áskrift eða matarmiðar)?
Spurningalistinn var saminn á grundvelli þessara matsspurninga og einnig eftir
óskum frá stjórn nemendafélagsins.
3. Lýsing á aðstæðum
Menntaskólinn við Hamrahlíð (MH) hóf starfsemi sína árið 1966. Í skólanum
stunda nemendur bók- og listnám samkvæmt áfangakerfi og í boði eru allar
helstu bóknámsbrautir til stúdentsprófs. Inntak námsins og skipulag miða að
því að nemendur ljúki stúdentsprófi. Meginmarkmið starfsins er að efla
þekkingu og færni nemenda til þess að takast á við frekari verkefni í
framtíðinni eftir áhuga og getu (Menntaskólinn við Hamrahlíð, 2002). Unnið er
að því að búa nemendur undir frekara nám eða störf í atvinnulífinu.
Nemendur í dagskóla hafa síðustu annir verið á milli 900–1000 og í
öldungadeild hafa um 500 – 600 nemendur stundað nám. Kennarar og aðrir
starfsmenn eru í kringum 130. Árlega eru brautskráðir 220-240 stúdentar frá
skólanum.
Nemendafélag er starfrækt við MH og er það opið öllum nemendum skólans.
Hlutverk félagsins er að meðal annars að halda uppi félagsstarfsemi innan
skólans og standa vörð um sameiginlega hagsmuni nemenda.
Nemendafélagið rekur matsölu í skólanum sem nemendur hafa aðgang að
þann tíma sem kennsla stendur yfir í dagskóla. Þar er selt sælgæti, samlokur,
bakarísvörur og einu sinni í viku hefur verið boðið upp á pizzur. Hingað til
hafa starfsmenn matsölunnar verið nemendur sem fengið hafa laun fyrir en
núna nýverið er búið að ráða utanaðkomandi manneskju til starfa þar.

Heitur matur í MH Bls. 6
Matsalan er staðsett í kjallara í austurenda skólans í sal sem kallast
Matgarður. Þar eru langborð sem nemendur geta sest við til þess að borða í
hádeginu eða á öðrum tímum. Einnig er hægt að setjast niður til að borða á
fleiri stöðum í skólanum.
Skólinn og nemendafélagið hafa árlega gert með sér samning um rekstur
matsölunnar. Í honum kemur fram að nemendafélagið, sem ábyrgðaraðili, í
samvinnu við útskriftarárgang á hverju misseri taki að sér rekstur á matsölu
nemenda (Sigurborg Matthíasdóttir munnleg heimild, 4. febrúar 2004). Í
honum er tekið fram að í boði skuli vera hollur matur á sanngjörnu verði og að
fjárhagsgrundvöllur sé jafnframt tryggður og á ábyrgð félagsins. Tilgangurinn
með rekstri matsölunnar er að tryggja að nemendur skólans hafi aðgang að
hollum og ódýrum mat en jafnframt er reksturinn hugsaður sem fjáröflunarleið
fyrir nemendafélagið og útskriftarárgang.
Haustið 2003 ákvað stjórn nemendafélagsins að taka upp þá nýbreytni að
bjóða upp á heitan mat í hádeginu einu sinni í viku, á miðvikudögum
(Rýnihópur munnleg heimild, 6. febrúar 2004). Þetta var gert í ljósi þeirrar
þróunar sem orðið hefur í grunnskólum landsins, þar sem heitur matur í
hádeginu er orðin sjálfsögð krafa. Lárus H. Bjarnason rektor MH hafði
eindregið hvatt nemendur til þess að athuga þennan möguleika.
Utanaðkomandi aðili var fenginn til þess að sjá alfarið um þessa þjónustu.
Tilraunin gekk vel og seldust um 100 matarskammtar í hvert skipti. Kostnaður
við matinn er 350 krónur og þurfa nemendur að borga með peningum í hvert
skipti. Eftir áramótin var ákveðið að bjóða þessa þjónustu tvisvar í viku, á
þriðjudögum og fimmtudögum, á sama verði. Sú breyting var gerð að færa
söluna á heita matnum yfir í matsöluna en áður hafði hún verið á öðrum stað í
matsalnum. Fyrirkomulagið er að öðru leyti óbreytt og enn þurfa nemendur að
borga sérstaklega fyrir heita matinn með peningum. Salan hélst óbreytt eftir
þessa breytingu, eða um 100 skammtar í hvert skipti.
Samkvæmt viðtali við sjórn nemendafélagsins er ljóst að nemendur hafa
ákveðnar skoðanir á því hvernig þessi mál eigi að vera í framtíðinni
(Rýnihópur munnleg heimild, 6. febrúar 2004). Þau vilja gjarnan bjóða upp á
heitan mat daglega og vonast til þess að salan aukist við það að koma upp

Heitur matur í MH Bls. 7
einhvers konar matarmiða- eða áskriftarkerfi. Þau vilja ennfremur láta á það
reyna að nemendafélagið bjóði sjálft upp á þessa þjónustu til þess að geta
betur ráðið ferðinni hvað verð og framboð snertir.
4. Aðferð
4.1. Gagnaöflun
Gagna í tengslum við þetta verkefni var aflað á eftirfarandi hátt:
4.1.1 Rýnihópur
Þann 6. febrúar 2004 var tekið rýnihópaviðtal við stjórn nemendafélags MH til
að heyra sjónarmið þeirra og hvað það væri sem þau væru að leitast eftir. Í
rýnihópnum voru fimm stjórnarmeðlimir ásamt tveimur matsaðilum. Allur
fundurinn var tekinn upp á segulband og skrifaður niður að fundi loknum.
Áréttað var að um trúnaðarupplýsingar væri að ræða og verður upptaka
eyðilögð að verkefni loknu.
Út frá rýnihópaviðtali var spurningalisti sem lagður var fyrir nemendur í MH
saminn.
4.1.2 Vettvangsathugun
Fyrir rýnihópaviðtal þann 6. febrúar 2002 gekk einn meðlimur í stjórn
nemendafélagsins með matsaðilum um skólann og sýndi þeim matsölu og
matsal nemenda. Hann fræddi þá jafnframt um ýmis atriði sem varðar matsölu
og aðstöðu eins og málum er háttað í dag.

Heitur matur í MH Bls. 8
4.1.3 Spurningalisti
4.1.3.1 Þátttakendur
Spurningalisti var lagður fyrir hentugleikaúrtak 317 nemenda í Menntaskólanum
við Hamrahlíð. Það jafngildir rétt rúmlega 1/3 af öllum nemendum í
dagskóla sem eru alls 943 talsins. Allir sem leitað var til svöruðu.
Í töflu 1 má sjá að hlutfall svarenda eftir fæðingarári samsvarar nokkuð vel
hlutfalli heildarnemendafjölda í dagskóla MH.
Tafla 1. Fjöldi og hlutfall svarenda til samanburðar við fjölda og hlutfall í skólanum í heild.
Árgangur
Fjöldi þeirra
sem svara
Hlutfall (%)
af þeim sem
svara
Fjöldi
nemenda í
dagskóla MH
Hlutfall (%)
nemenda í
dagskóla MH
Eldri en 1981 0 0,0 11 1,2
1981 1 0,3 3 0,3
1982 2 0,6 15 1,6
1983 6 1,9 26 2,8
1984 44 13,9 181 19,2
1985 65 20,5 182 19,3
1986 85 26,8 234 24,8
1987 109 34,4 280 29,7
1988 5 1,6 10 1,0
1989 0 0,0 1 0,1
Alls 317 100% 943 100%
Kynjaskipting í úrtaki endurspeglar vel hlutfall kynja í dagskóla MH sem er
55% stelpur og 45% strákar. Svör bárust frá 172 stelpum (54,3%) og 145
strákum (45,7%).
Skipting svarenda eftir námsbrautumvar eftirfarandi: Af náttúrufræðibraut
svöruðu 151 (47,6%), af félagsfræðibraut 90 (28,4%), af málabraut 38 (12%),
af IB-braut 31 (9,8%) og nemendur í hópi svarenda sem stunda nám á tveimur
brautum voru alls 7 (2,1%).

Heitur matur í MH Bls. 9
4.1.3.2 Mælitæki
Við gerð spurningalista var sem fyrr segir stuðst við niðurstöður
rýnihópaviðtals. Listinn, sem samanstóð af alls 24 spurningum, skiptist í
grunnspurningar (s.s. kyn, fæðingarár og námsbraut) og spurningar sem
mæla áttu þörf nemenda fyrir heitan mat í hádeginu í skólanum og viðhorf
nemenda til þess matar sem boðið hefur verið upp á sem og til aðstöðu í
matsölu (sjá spurningalista í viðauka 1). Ein spurning (spurning 6) var í 18
liðum og hugsuð til að kanna viðhorf nemenda til ýmissa þátta er tengjast
hollustu, hreyfingu og félagslegum þáttum tengdum mat. Um var að ræða
nafnlausan spurningalista.
4.1.3.3 Framkvæmd
Spurningalistinn var saminn í samráði við stjórn nemendafélagsins og
konrektor MH. Einnig voru drög að listanum borin undir rektor MH og Dr.
Sigurlínu Davíðsdóttur, lektor í Háskóla Íslands.
Spurningalistinn var lagður fyrir á tímabilinu 23. febrúar – 1. mars 2004. Það
voru nemendur í íslensku í öllum árgöngum sem svöruðu. Konrektor annaðist
val á íslenskuáföngum og ræddi við viðkomandi kennara sem síðan lögðu
spurningalistann fyrir í sínum hóp. Kennarar skiluðu spurningalistum á
skrifstofu skólans að fyrirlögn lokinni.
Við úrvinnslu gagna var SPSS tölfræðiforritið notað.

Heitur matur í MH Bls. 10
5. Niðurstöður
5.1 Helstu niðurstöður
Niðurstöður könnunarinnar sýna að mikill meirihluti þeirra sem svara, eða
rúmlega 78%, er hlynntur því að boðið sé upp á heitan mat í hádeginu fyrir
nemendur skólans (sjá mynd 1). Lítill munur er á viðhorfum eldri nemenda
(þeir sem eru fæddir 1985 og fyrr) og yngri nemenda (fæddir 1986 og síðar)
hvað þetta varðar.
100
90
Hlutfall (%)
80
70
60
50
40
30
20
42,7
54,3
33,7
27,6
23,1
17,2
Yngri nemendur
Eldri nemendur
10
0
Mjög hlynntur
Frekar hlynntur Hvorki hlynntur
né andvígur
0 0 0,5 0,9
Frekar
andvígur
Mjög andvígur
Mynd 1. Ertu hlynnt(ur) eða andvígur því að boðið sé upp á heitan mat í hádeginu fyrir
nemendur í MH? Greint eftir aldri nemenda.
Rúmlega 62 % þeirra sem tóku þátt í könnunni hafa sjaldan eða aldrei keypt
sér þann heita mat sem hefur verið í boði fyrir nemendur í vetur (sjá mynd 2).
Fáir virðast nýta sér þessa þjónustu að staðaldri. Þarna er sömuleiðis lítill
munur eftir aldri.

Heitur matur í MH Bls. 11
Hlutfall (%)
100
90
80
70
60
50
40
30
20
10
0
Yngri nemendur
Eldri nemendur
39,7 41,4
27,6
24,1 24,6
18,1
9,5 11,2
2 1,7
Alltaf Mjög oft Stundum Sjaldan Aldrei
Mynd 2. Hefur þú keypt þér heitan mat í MH í vetur?
Þeir sem höfðu keypt sér heita matinn voru beðnir að svara því hvernig þeim
fyndist maturinn hafa verið. Í ljós kom að mikill meirihluti þeirra er ánægður
með matinn eða rúm 65% (sjá mynd 3).
100
90
Hlutfall (%)
80
70
60
50
40
30
20
10
0
65,2
27,4
7,4
Mjög/frekar góður Hvorki góður né vondur Mjög/frekar vondur
Mynd 3. Ef svo er hvernig finnst þér sá heiti matur sem boðið hefur verið upp á?
Tafla 2 sýnir sömuleiðis viðhorfið til matarins en nú eftir því hversu oft
nemendur hafa keypt sér matinn. Þarna eru svörin greind eftir því hvernig
þátttakendur svöruðu spurningunni „Hefur þú keypt þér heitan mat í MH í

Heitur matur í MH Bls. 12
vetur? “. Einungis þeir sem einhvern tíma höfðu keypt sér mat voru beðnir um
að svara og því er hlutfall þeirra sem svara ekki hátt eða rúm 40%.
Þeir sem ánægðastir eru með matinn eru þeir sem kaupa hann mjög oft eða
alltaf. Þeir sem sjaldan kaupa sér mat skiptast nokkurn veginn í tvo hópa í
afstöðu sinni og eru annað hvort ánægðir með hann (um 44%) eða taka ekki
afstöðu (40%).
Tafla 2. Ef svo er hvernig finnst þér sá heiti matur sem boðið hefur verið upp á? Greint eftir
því hversu oft svarendur hafa keypt sér matinn.
Mjög/frekar
góður
(%)
Hvorki
góður né
vondur (%)
Mjög/frekar
vondur
(%)
Svara
ekki
(%)
Fjöldi
Allir sem svara 39,1 16,4 4,4 40,1 315*
Kaupa aldrei mat 2,4 0,8 0,8 96,1 127
Kaupa sjaldan mat 44,3 40,0 11,4 4,3 70
Kaupa stundum mat 72,5 23,8 3,8 - 80
Kaupa mjög oft mat 84,4 9,4 6,3 - 32
Kaupa alltaf mat 83,3 16,7 - - 6
* 315 einstaklingar af 317 svöruðu spurningunni um hve oft þeir keyptu mat
Þeir sem höfðu keypt matinn voru einnig beðnir um að svara því hvort þeim
hefði fundist maturinn fjölbreyttur eða einhæfur. Tæplega 38% fannst hann
mjög eða frekar einhæfur (sjá mynd 4).

Heitur matur í MH Bls. 13
100
90
80
70
Hlutfall (%)
60
50
40
30
27,6
34,7
37,7
20
10
0
Mjög/frekar fjölbreyttur
Hvorki fjölbreyttur né
einhæfur
Mjög/frekar einhæfur
Mynd 4. Hversu fjölbreyttur eða einhæfur finnst þér maturinn vera?
Tafla 3 er sett upp á sama hátt og tafla 2 og hún sýnir viðhorf til þess hversu
fjölbreyttur/einhæfur þeim sem svara spurningunni um hvort þeir hafa keypt
sér heitan mat í vetur finnst maturinn vera.
Flestir þeirra sem hafa keypt sér mat stundum eða sjaldan finnst maturinn
vera frekar eða mjög einhæfur. Þeir sem ánægðastir eru með fjölbreytnina eru
þeir sem mjög oft kaupa sér mat en 50% þeirra finnst maturinn vera
mjög/frekar fjölbreyttur.
Tafla 3. Hversu fjölbreyttur eða einhæfur finnst þér maturinn vera? Greint eftir því hversu oft
svarendur hafa keypt sér matinn.
Mjög/frekar
fjölbreyttur
(%)
Hvorki fjölbreyttur
né
einhæfur
(%)
Mjög/frekar
einhæfur
(%)
Svara
ekki
(%)
Fjöldi
Allir sem svara 17,3 21,8 23,7 37,2 315*
Kaupa aldrei mat 2,4 5,6 4,0 88,1 127
Kaupa sjaldan mat 18,6 34,3 41,4 5,7 70
Kaupa stundum mat 26,3 35,0 38,8 - 80
Kaupa mjög oft mat 50,0 21,9 28,1 - 32
Kaupa alltaf mat 33,3 50,0 16,7 - 6
* 315 einstaklingar af 317 svöruðu spurningunni um hve oft þeir keyptu mat

Heitur matur í MH Bls. 14
Af 311 nemendum sem sögðu álit sitt á framboði á heitum mat í MH fannst
143 nemendum (46%) framboðið vera of lítið (sjá mynd 5).
Hlutfall (%)
100
90
80
70
60
50
40
30
20
10
0
46
38,2
13,5
2,3
Allt of/frekar mikið Passlegt Allt of/frekar lítið Veit ekki
Mynd 5. Hvað finnst þér um framboðið af heitum mat í MH?
Flestum þeim sem svara könnuninni finnst að bjóða ætti upp á heitan mat fyrir
nemendur alla daga eða rúmlega 30% (sjá mynd 6). Hópur þeirra sem vill
hafa heitan mat á boðstólnum þrisvar sinnum í viku er einnig stór eða rúm
28%.
100
90
80
70
Hlutfall (%)
60
50
40
30
20
10
0
1,6
Einu sinni
15
Tvisvar
sinnum
28,3
Þrisvar
sinnum
5,4
Fjórum
sinnum
30,3
Alla daga
19,4
Veit ekki
Mynd 6. Hversu oft í viku ætti að bjóða upp á heitan mat í hádeginu?

Heitur matur í MH Bls. 15
Þegar nemendur hinsvegar voru spurðir hversu oft þeir mundu nýta sér það
að kaupa heitan mat væri hann í boði þá voru flestir sem nefndu tvisvar til
þrisvar sinnum í viku (sjá mynd 7). Stór hluti er óákveðinn, eða um 40%.
Skoðað var hvort einhver munur væri á kynjunum hvað þetta varðar og
reyndist svo vera (sjá mynd 13 í viðauka 2).
100
90
80
70
Hlutfall (%)
60
50
40
30
20
10
12,5
20,1 20,8
3,5 3,2
39,9
0
Einu sinni
Tvisvar
sinnum
Þrisvar
sinnum
Fjórum
sinnum
Alla daga
Veit ekki
Mynd 7. Hversu oft í viku myndir þú kaupa þér heitan mat í hádeginu ef hann væri í boði?
Nemendur voru beðnir um að velja sér þrjár tegundir af mat sem þeir myndu
helst kaupa ef boðið væri upp á heitan mat í skólanum. Vinsælastir reyndust
pastaréttir en rúm 65% merktu við þá og um 56% svarenda merkti við kjötrétti
(sjá tafla 4).

Heitur matur í MH Bls. 16
Tafla 4. Hvaða mat myndir þú helst kaupa ef hann væri í boði?
Fjöldi
Hlutfall af
svörum
Hlutfall
af svarendum*
Súpur og salöt 115 14,4 37,0
Grænmetisrétti 82 10,3 26,4
Pastarétti 204 25,6 65,6
Fiskrétti 40 5,0 12,9
Kjötrétti 175 22,0 56,3
Pizzu 159 20,1 51,1
Annað 21 2,6 6,8
Alls 796 100% 256%
* Þar sem svarendur gátu merkt við fleira en eitt svar er samanlegt hlutfall miðað við svarendur hærra en
100
Rúmlega 85% þeirra sem svöruðu könnuninni vill halda verðinu á heita
matnum undir 400 krónur fyrir hverja máltíð (sjá töflu 5).
Tafla 5. Hvað ert þú tilbúinn til að borga mikið að jafnaði?
Hlutfall
Fjöldi
af svörum
Hlutfall
af þeim sem svara
200-300 kr. 151 47,6 48,6
300-400 kr. 114 36,0 36,7
400-500 kr. 29 9,1 9,3
500-600 kr. 4 1,3 1,3
600-700 kr. 1 0,3 0,3
Annað 12 3,8 3,9
Svara ekki 6 1,9 -
Alls 317 100% 100%

Heitur matur í MH Bls. 17
Um 42% þeirra sem svara álíta að matarmiðar séu ákjósanlegasta
fyrirkomulagið til þess að greiða fyrir matinn (sjá töflu 6). Nokkuð stór hópur,
eða um 30%, vill staðgreiða hverja máltíð. Flestir þeirra nemenda sem merktu
við „annað” nefndu greiðslu með debet- eða kreditkorti.
Tafla 6. Hvernig fyrirkomulag hentar þér best til að greiða fyrir matinn? Merkja má við fleiri en
einn möguleika).
Fjöldi
Hlutfall
af svörum
Hlutfall
af þeim sem svara
Staðgreiðsla 96 30,3 30,6
Matarmiðar 133 42,0 42,4
Mánaðaráskrift 25 7,9 8,0
Staðgreiðsla og
matarmiðar 28 8,8 8,9
Staðgreiðsla og áskrift 5 1,6 1,6
Matarmiðar og áskrift 12 3,8 3,8
Annað 15 4,7 4,8
Svara ekki 3 0,9 -
Alls 317 100% 100%
Tæp 39% nemenda vita ekki hvort þeir muni frekar kaupa sér mat ef hægt
væri að kaupa mánaðaráskrift í stað þess að þurfa að staðgreiða hverja máltíð
(sjá tölflu 7). Um 37% finnst líklegra að þeir myndu kaupa sér mat ef áskrift
væri í boði.
Ef afstaða til þessa er skoðuð eftir því hversu oft nemendur hafa verið að
kaupa sér mat í vetur þá má sjá að um 41% þeirra sem sjaldan kaupa sér mat
telja líklegra að þeir myndu kaupa sér mat ef um mánaðaráskrift væri að
ræða. Af þeim sem oft hafa keypt sér mat telur einnig meirihluti, eða um 56%,
líklegra að þeir myndu nýta sér þessa þjónustu. Meirihluti þeirra sem aldrei
hafa keypt sér mat og einnig þeirra sem kaupa hann stundum er óákveðinn
hvað þetta varðar.

Heitur matur í MH Bls. 18
Tafla 7. Er líklegra eða ólíklegra að þú mundir kaupa þér heitan mat í hádeginu ef þú gætir
keypt mánaðaráskrift frekar en að borga með peningum hverja máltíð? Greint eftir því hversu
oft svarendur hafa keypt sér matinn.
Miklu/frekar
líklegra
(%)
Veit ekki
(%)
Miklu/frekar
ólíklegra
(%)
Svara
ekki
(%)
Fjöldi
Allir sem svara 37,2 38,8 23,3 0,6 315*
Kaupa aldrei mat 28,6 38,9 31,8 0,8 127
Kaupa sjaldan mat 41,4 37,1 21,4 - 70
Kaupa stundum mat 37,5 43,8 18,8 - 80
Kaupa mjög oft mat 56,2 31,3 12,6 - 32
Kaupa alltaf mat 50,0 50,0 - - 6
* 315 einstaklingar af 317 svöruðu spurningunni um hve oft þeir keyptu mat
Afstaðan til matarmiða er mun skýrari en afstaðan til mánaðaráskriftar og telja
rúm 59% nemenda miklu eða frekar líklegra að þeir keyptu sér mat ef þeir
gætu keypt matarmiða í stað þess að staðgreiða (sjá töflu 8).
Ef þeir hópar sem kaupa sér mat sjaldan eða stundum eru skoðaðir kemur í
ljós að meirihlutinn í þessum hópum telur frekar eða miklu líklegra að þeir
myndu kaupa sér mat ef þeir gætu greitt með matarmiðum - eða um 67%
þeirra sem stundum hafa keypt sér mat og um 64% þeirra sem sjaldan hafa
keypt sér mat. Af þeim sem aldrei hafa keypt sér mat telja tæp 47% miklu eða
frekar líklegra að þeir myndu kaupa sér mat ef hægt væri að nota matarmiða.

Heitur matur í MH Bls. 19
Tafla 8: Er líklegra eða ólíklegra að þú mundir kaupa þér heitan mat í hádeginu ef þú gætir
keypt matarmiða frekar en að borga með peningum hverja máltíð? Greint eftir því hversu oft
svarendur hafa keypt sér matinn.
Miklu/frekar
líklegra
(%)
Veit ekki
(%)
Miklu/frekar
ólíklegra
(%)
Svara
ekki
(%)
Fjöldi
Allir sem svara 59,3 31,5 8,5 0,6 315*
Kaupa aldrei mat 46,9 38,1 14,2 0,8 127
Kaupa sjaldan mat 64,3 30,0 5,7 - 70
Kaupa stundum mat 67,5 28,8 3,8 - 80
Kaupa mjög oft mat 78,2 18,8 3,1 - 32
Kaupa alltaf mat 66,7 33,3 - - 6
* 315 einstaklingar af 317 svöruðu spurningunni um hve oft þeir keyptu mat
Um 40% þeirra sem tóku þátt í könnuninni vilja að einu sinni í viku sé boðið
upp á pizzu í hádeginu (sjá mynd 8).
100
90
80
70
Hlutfall (%)
60
50
40
30
20
10
0
40,1
Einu sinni
28,7
Tvisvar
sinnum
9,9
Þrisvar
sinnum
1,9
Fjórum
sinnum
5,4
Alla daga
14
Veit ekki
Mynd 8: Hversu oft í viku ætti að bjóða upp á pizzu í hádeginu?

Heitur matur í MH Bls. 20
40% svarenda finnst hreinlæti í matsal hvorki vera gott né lélegt og tæpum
42% þeirra finnst það vera frekar eða mjög gott (sjá mynd 9).
100
90
80
70
Hlutfall (%)
60
50
40
30
20
10
6,3
35,6
40,0
14,6
3,5
0
Mjög gott Frekar gott Hvorki gott né
lélegt
Frekar lélegt
Mjög lélegt
Mynd 9: Hvernig finnst þér hreinlæti í matsal?
Flestir eru ánægðir með aðstöðu matsölunnar en tæplega 40% nemenda
finnst hún frekar eða mjög góð (sjá mynd 10). Nokkuð margir eru hlutlausir
hvað þetta varðar.
100
90
80
70
Hlutfall (%)
60
50
40
30
20
10
6
33,3
35,9
19
5,7
0
Mjö góð Frekar góð Hvorki góð né
léleg
Frekar léleg
Mjög léleg
Mynd 10: Hvernig finnst þér aðstaða í matsölunni?

Heitur matur í MH Bls. 21
Fáir eru á móti því að utanaðkomandi starfskraftur vinni í matsölunni eða
einungis rúmlega 13% svarenda (sjá mynd 11). Stærsti hluti þeirra sem svara
er hlutlaus hvað þetta varðar eða tæp 49%.
100
90
80
70
Hlutfall (%)
60
50
40
30
20
10
19,1 19,1
48,4
8
5,4
0
Mjög hlynntur
Frekar hlynntur Hvorki hlynntur
né andvígur
Frekar andvígur
Mjög andvígur
Mynd 11. Ertu hlynntur eða andvígur því að utanaðkomandi starfsmaður vinni í matsölunni?
Ef traust til matsölunnar hvað verðlagningu viðkemur er skoðað þá kemur í
ljós að rúmlega 48% þeirra sem svara taka ekki afstöðu til þess (sjá mynd 12).
Rúm 31% bera frekar lítið eða lítið traust til matsölunnar hvað verðlagningu
varðar.
100
90
80
70
Hlutfall (%)
60
50
40
30
20
10
0
3,2
16,8
48,5
Mikið Frekar mikið Hvorki mikið né
lítið
21
Frekar lítið
10,4
Lítið
Mynd 12. Berð þú mikið eða lítið traust til matsölunnar hvað verðlagningu varðar?

Heitur matur í MH Bls. 22
Í lok könnunarinnar voru þátttakendur beðnir um að koma með tillögur að því
hvernig standa ætti að rekstri matsölunnar í MH. Þarna var um opna
spurningu að ræða og mjög margir notuðu tækifærið og komu fram með
hugmyndir eða athugasemdir. Þær athugasemdir sem mest voru áberandi
voru eftirfarandi:
• Að halda verði í lágmarki
• Að minnka biðraðir
• Að hafa hollari mat á boðstólnum
• Að auka fjölbreytileika
Þó að flestar athugasemdirnar snerust um það sem betur mætti fara,
samanber hér að ofan, voru einnig margir sem tóku það fram að þeir væru
ánægðir með matsöluna eins og hún er.
5.2 Aðrar niðurstöður
Við frekari úrvinnsla á gögnunum kom í ljós munur á milli kynja, að teknu tilliti
til aldurs, hvað viðhorf til hollustu varðar þannig að stelpur hugsa að jafnaði
meira um hollustu heldur en strákar. Sömuleiðis reyndist munur á viðhorfi til
hollustu eftir aldri, að teknu tilliti til kyns, þannig að elstu nemendum er að
jafnaði umhugaðra um hollustu heldur en yngstu nemendum. Nánar er gerð
grein fyrir þessum niðurstöðum í viðauka 3.
5.3 Samantekt niðurstaðna
Minnihluti nemenda í MH hefur að staðaldri keypt sér þann heita mat sem í
boði hefur verið í hádeginu í vetur. Samt sem áður er ljóst að það er
almennur áhugi fyrir því meðal nemenda að boðið sé upp á heitan mat. Þeir
sem hafa verið að kaupa sér matinn virðast vera ánægðir með gæði hans en
eitthvað finnst þeim skorta á að maturinn sé nægilega fjölbreyttur. Stórum
hluta nemenda (46%) finnst framboð af heitum mat vera of lítið en einnig er
stór hluti sem finnst það passlegt (38%). Meira en helmingur nemenda er á
þeirri skoðun að bjóða ætti upp á heitan mat oftar en nú er gert, en þó er ekki
afdráttarlaus sú skoðun að bjóða þurfi upp á heitan mat alla daga vikunnar.

Heitur matur í MH Bls. 23
Flestir segjast mundu kaupa sér heitan mat einu sinni til þrisvar sinnum í viku
væri slíkt í boði en athygli vekur sá stóri hópur sem er óviss (40%).
Pasta- og kjötréttir er það sem nemendur vilja helst sjá á matseðlinum en auk
þess eru margir sem kjósa súpur og grænmetisrétti. Fiskur er það sem síst
þykir spennandi. Pizza nýtur vinsælda og svo virðist sem að nemendum
finnist hæfilegt að hafa pizzu á boðstólnum einu sinni til tvisvar í viku. Flestir
(151 nemendur) kjósa að máltíðin kosti ekki meira en 300 krónur en þó eru
margir (114 nemendur) sem eru tilbúnir til að borga allt að 400 krónum.
Greinilegt er að matarmiðar eru það greiðslufyrirkomulag sem að flestir kjósa
og meirihluti nemenda (59%) telur líklegra að þeir mundu frekar kaupa sér
heitan mat ef hægt væri að greiða með matarmiðum í stað þess að staðgreiða
hverja máltíð. Einhverjir kjósa þó einnig að geta staðgreitt eða um 30%.
Mánaðaráskrift virðist ekki vera það fyrirkomulag sem nemendur kjósa.
Almennt eru nemendur frekar ánægðir með hreinlæti í matsal og aðstöðu í
matsölu þó að margir hafi bent á að afgreiðsla gangi heldur seint fyrir sig.
Hlutfallslega fáir lýsa sig andvíga utanaðkomandi starfsmanni í matsölu.
Dálítið skortir á að nemendur beri traust til verðlagningar í matsölu og voru
ábendingar um of hátt og óstöðugt verðlag.
Ábendingar nemenda í lokin benda ótvírætt til þess að halda skuli verði í
lágmarki, draga úr biðröðum og bjóða upp á hollan og fjölbreyttan mat.
6. Lokaorð og ábendingar
Mikilvægi holls mataræðis er öllum ljós. Í ljósi niðurstaðna á könnun á
mataræði Íslendinga, sem lýst var hér að framan í inngangi, þar sem fram
kom að mataræði ungra Íslendinga á aldrinum 15 – 19 ára einkennist meðal
annars af of mikilli sykurneyslu þá er ljóst að gera þarf ráðstafanir til að sporna
við þessari þróun. Eitt af því sem hægt er að gera er að bjóða nemendum í
framhaldskólum landsins upp á hollan mat í skólunum á viðráðanlegu verði.
Tilgangur þessarar þarfagreiningar var einmitt að skoða hvort grundvöllur sé
fyrir slíku í MH. Niðurstöðurnar segja okkur þó að nemendur þurfa á

Heitur matur í MH Bls. 24
ákveðinni aðlögun að halda í þessu efni og í ljósi þess eru eftirfarandi
ábendingar settar fram:
• Niðurstöðurnar eru ekki afdráttarlausar hvað það varðar að bjóða upp á
heitan mat alla daga vikunnar. Lagt er til að framboðið verði aukið í
þrisvar sinnum í viku og síðan er hægt að gera tilraun með að auka
framboðið enn frekar. Stór hópur nemenda var óákveðinn þegar spurt
var hversu oft í viku nemendur myndu kaupa sér heitan mat væri hann í
boði og því er trúlega best að auka framboðið í nokkrum skrefum.
• Verðið á heita matnum ætti ekki fara upp fyrir 400 krónur fyrir máltíðina.
• Bjóða skal upp á fjölbreyttan og hollan mat og meðal annars ættu
pastaréttir, kjötréttir, súpur og salöt að vera á boðstólum.
• Af niðurstöðunum sést að nemendur eru ánægðir með það að boðið sé
upp á pizzu einu sinni í viku og því er rétt að halda því áfram.
• Af framangreindum niðurstöðum má líta svo á að nemendum finnist
gott að hafa val um hvort og hvenær þeir kaupa sér mat eða ekki og því
er ekki grundvöllur fyrir að taka upp greiðslufyrirkomulag sem felst í
mánaðaráskrift.
• Lagt er til að fyrirkomulag með matarmiða verði tekið upp, en jafnframt
að nemendum verði gefinn kostur á að staðgreiða máltíðina eða borga
með korti séu þeir ekki með matarmiða við höndina.
• Margir kvörtuðu undan háu verðlagi og greinilegt er að nemendur vilja
að verðið á matnum, bæði þeim heita og öðru sem selt er í matsölu, sé
haldið í lágmarki en þó ekki á kostnað gæða.
• Það er ljóst á svörum nemenda að bæta þarf afgreiðslu í matsölu til
þessa að stytta biðraðir. Margir nemendur komu fram með hugmyndir
að því hvernig hægt væri að bæta ástandið og algengast var að
nemendur nefndu að fjölga ætti afgreiðslukössum.
Eins og áður segir þá er ljóst að gera þarf átak í matarmálum nemenda í
framhaldsskólum landsins. Stjórn nemendafélags MH hefur sýnt það að hún

Heitur matur í MH Bls. 25
hefur mikinn metnað til þessa að bæta úr þessum málum í sínum skóla og á
greinilega í góðu samstarfi við stjórn skólans hvað þetta varðar. Þessi
þarfagreining getur vonandi hjálpað til við að meta næstu skrefin í þessari
þróun.

Heitur matur í MH Bls. 26
Heimildir
Skriflegar heimildir:
Manneldisráð. (2002). Hvað borða Íslendingar. Landskönnun á mataræði
2002. Samantekt. Sótt 29. mars 2004 af heimasíðunni:
http://www.manneldi.is/
Manneldisráð. (e.d.) Ráðleggingar um mataræði og næringarefni.
Ráðleggingar um mataræði fyrir fullorðna og börn frá tveggja
ára aldri. Sótt 29. mars 2004 af heimasíðunni:
http://www.manneldi.is/
Menntaskólinn við Hamrahlíð (2002). Námsvísir. Upplýsingar um nám í
menntaskólanum við Hamrahlíð. 28. útgáfa. Reykjavík:
Menntaskólinn við Hamrahlíð
McKillip, J. (1998). Need Analysis: Process and Techniques. Í L. Bickman
og D. J. Rog (Ritstj.), Handbook of Applied Social Research
Methods (bls. 261-284). London: Sage Publications.
Posavac, E. J. og Carey, R. G. (2003). Program Evaluation: Methods and
Case Studies. Sixth Edition. Upper Saddle River, New Jersey:
Prentice Hall.
Þorbjörg Ragnarsdóttir o.fl.. (2003). Áherslur til heilsueflingar. Sótt 29. mars af
heimasíðunni:
http://www.landlaeknir.is/Uploads/FileGallery/Utgafa/Heilsuefling
_sk%C3%BDrsla_12.03.04.pdf
Munnlegar heimildir:
Sigurborg Matthíasdóttir, konrektor Menntaskólans við Hamrahlíð. (2004, 4.
febrúar). Munnleg heimild.
Rýnihópur. (2004, 6. febrúar). Rýnihópaviðtal sem höfundar tóku við stjórn
nemendafélags Menntaskólans við Hamrahlíð (í vörslu höfunda).

1. Hvort ert þú strákur eða stelpa?
1 Strákur
2 Stelpa
2. Hvaða ár ert þú fædd(ur)? ____________________
3. Hvernig býrðu núna? (Má merkja við fleiri en einn möguleika).
1 Í eigin húsnæði
2 Í leiguhúsnæði
3 Hjá foreldrum/tengdaforeldrum mínum
4 Hjá öðrum ættingjum mínum
5 Annað fyrirkomulag: ________________________________
4. Hvað vinnur þú marga tíma í launaðri vinnu með skólanum á VIKU?
Vinn ekki 1-4 5-9 10-14 15-19 20-24 25 klst.
með skóla klst. klst. klst. klst. klst. eða meira
1 2 3 4 5 6 7
5. Á hvaða braut ertu í MH?
1 Náttúrufræðibraut
2 Félagsfræðibraut
3 Málabraut
4 IB-braut
1

6. Hversu miklu eða litlu máli skipta eftirfarandi atriði þig?
(Merktu í einn reit við hvern lið)
Mjög
miklu
máli
1
Frekar
miklu
máli
2
Hvorki
miklu
né litlu
máli
3
Frekar
litlu
máli
4
Mjög
litlu
máli
5
a) Að maturinn sem þú borðar sé hollur
b) Að þú borðir fjölbreyttan mat
c) Að þú borðir reglulega
d) Að þú borðir áður en þú ferð í skólann
e) Að þú borðir ekki mikla fitu
f) Að þú borðir ekki mikinn sykur
g) Að maturinn sem þú borðar líti vel út
h) Að maturinn sem þú borðar bragðist vel
i) Að þú borðir ekki meira en líkaminn þarfnast
j) Að þú sért fljót(ur) að borða
k) Að þú takir vítamín reglulega
l) Að þú hafir góðan tíma til að borða
m) Að þú stundir líkamsrækt eða hreyfingu
n) Að þú lítir vel út
o) Að þú haldir kjörþyngd
p) Að þú borðir með vinum þínum í hádeginu
r) Að þú borðir kvöldmat með fjölskyldunni
s) Að þú hafir félagskap þegar þú borðar
2

7. Ert þú hlynnt(ur) eða andvíg(ur) því að boðið sé upp á heitan mat í hádeginu
fyrir nemendur í MH? (Merktu aðeins í einn reit)
Mjög
hlynnt(ur)
Frekar
hlynnt(ur)
Hvorki
hlynnt(ur)
né
andvíg(ur)
Frekar
andvíg(ur)
1 2 3 4 5
Mjög
andvíg(ur)
8. Hefur þú keypt þér heitan mat í MH í vetur?
(Merktu aðeins í einn reit)
Alltaf Mjög oft Stundum Sjaldan Aldrei
1 2 3 4 5
9. Ef svo er hvernig finnst þér sá heiti matur sem boðið hefur verið uppá?
(Merktu aðeins í einn reit. Þeir sem ekki hafa keypt sér mat sleppa því að svara)
Mjög
Góður
Frekar
góður
Hvorki
góður né
vondur
Frekar
vondur
1 2 3 4 5
Mjög
Vondur
10. Hversu fjölbreyttur eða einhæfur finnst þér maturinn vera?
(Merktu aðeins í einn reit. Þeir sem ekki hafa keypt sér mat sleppa því að svara)
Mjög
fjölbreyttur
Frekar
fjölbreyttur
Hvorki fjölbreyttur
né
einhæfur
Frekar
einhæfur
1 2 3 4 5
Mjög
einhæfur
11. Hvað finnst þér um framboðið af heitum mat í MH? (Merktu aðeins í einn
reit)
Allt of mikið Frekar Passlegt Frekar Allt of Veit
mikið
lítið lítið ekki
1 2 3 4 5 6
3

12. Hversu oft í viku ætti að bjóða upp á heitan mat í hádeginu í MH?
(Merktu aðeins í einn reit)
Einu sinni
í viku
Tvisvar
sinnum í
viku
Þrisvar
sinnum í
viku
Fjórum
sinnum í
viku
Alla
daga
1 2 3 4 5 6
Veit
ekki
13. Hversu oft myndir þú kaupa þér heitan mat í hádeginu ef hann væri í boði
alla daga í MH? (Merktu aðeins í einn reit)
Einu sinni
í viku
Tvisvar
sinnum í
viku
Þrisvar
sinnum í
viku
Fjórum
sinnum í
viku
Alla
daga
1 2 3 4 5 6
Veit
ekki
14. Hvaða mat mundir þú helst kaupa ef hann væri í boði í MH? (Merktu við
þrennt)
1 Súpur og salöt
2 Grænmetisrétti
3 Pastarétti
4 Fiskrétti
5 Kjötrétti
6 Pizzu
7 Annað:___________________________________
15. Hvað ert þú tilbúin(n) að borga mikið (að jafnaði) fyrir eina heita máltíð í
MH? (Merktu aðeins í einn reit)
1 200 – 300 kr.
2 300 – 400 kr.
3 400 – 500 kr.
4 500 – 600 kr.
5 600 – 700 kr.
6 Annað:___________________________________
16. Hvernig fyrirkomulag hentar þér best til að greiða fyrir heitan mat í MH?
(Má merkja við fleiri en einn reit)
1 Hver máltíð fyrir sig staðgreidd.
2 Kaupa matarmiða þar sem einn miði er andvirði máltíðar.
3 Mánaðaráskrift, þar sem allar máltíðir mánaðarins eru innifaldar.
4 Annað:____________________________________
4

17. Er líklegra eða ólíklegra að þú mundir kaupa þér heitan mat í hádeginu ef
þú gætir keypt mánaðaráskrift frekar en að borga með peningum fyrir
hverja máltíð? (Merktu aðeins í einn reit)
Miklu
Frekar Veit Frekar Miklu
líklegra líklegra ekki ólíklegra ólíklegra
1 2 3 4 5
18. Er líklegra eða ólíklegra að þú mundir kaupa þér heitan mat í hádeginu ef þú
gætir keypt matarmiða frekar en að borga með peningum fyrir hverja
máltíð? (Merktu aðeins í einn reit)
Miklu
Frekar Veit Frekar Miklu
líklegra líklegra ekki ólíklegra ólíklegra
1 2 3 4 5
19. Hversu oft í viku ætti að bjóða upp á pizzu í hádeginu í MH?
(Merktu aðeins í einn reit)
Einu sinni
í viku
Tvisvar
sinnum í
viku
Þrisvar
sinnum í
viku
Fjórum
sinnum í
viku
Alla
daga
1 2 3 4 5 6
Veit
ekki
20. Hvernig finnst þér hreinlæti í matsal? (Merktu aðeins í einn reit)
Mjög
Frekar Hvorki gott Frekar Mjög
gott
gott
né lélegt lélegt lélegt
1 2 3 4 5
21. Hvernig finnst þér aðstaða í matsölunni? (Merktu aðeins í einn reit)
Mjög
Frekar Hvorki góð Frekar Mjög
góð
góð
né léleg léleg léleg
1 2 3 4 5
22. Ert þú hlynnt(ur) eða andvíg(ur) því að utanaðkomandi starfsmaður vinni í
matsölunni? (Merktu aðeins í einn reit)
Mjög
hlynnt(ur)
Frekar
hlynnt(ur)
Hvorki
hlynnt(ur)
né
andvíg(ur)
Frekar
andvíg(ur)
1 2 3 4 5
Mjög
andvíg(ur)
5

23. Berð þú mikið eða lítið traust til matsölunnar hvað verðlagningu varðar?
(Merktu aðeins í einn reit)
Mikið
Frekar
mikið
Hvorki
mikið né
lítið
Frekar
lítið
1 2 3 4 5
Lítið
24. Ef þú réðir hvernig staðið væri að matsölu í MH, hvernig mundir þú hafa
það?
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
6