11th october 2002 - ConstitutionNet

mangi marathii magithondekaga maundu, nigetha angikorwo maundu mau no matuteithie tumekire ha. Tariu twakinya gwa
ithurano, he handu ngumuthomera uria turathondekire uhoro wa ithurano na maundu mau ni kurora uria ongorwo ni kundu ta S.
Africa, tukarora uria marathurana na tukona ithurano, ciao ina kihoto makiria gukira ciitu. Riu tukona to muhaka tutinde tukiuga
ati maundu maria twathondeka ni maitu. Ungirora murimi uria muhakanite nake mugunda wone ng’ombe ciake niiragira ri, kwi
hindi ukuaga gwika uria areka. I ndugatuike ati niwakirwo meciria ni mundu ucio. Ndoiga uguo tondu kuri ateti na nimukuigua
ateti aingi makiuga, Constitution niirathondekirwo na maundu mamwe moimite thi cia kuraya. Hatiri mahitia ma kindu kuuma thi
cia kuraya. Kameme gaka ngwiciria gatithondekeirwo haha Nyeri, na nikararia wega, kana ti guo? Ona ngari iria tuoka nacio
kwi hindi igithondekeirwo kuria Nairobi na no iratutuara wega.
Riu he kundu turakinyire turorania, maundu ma Kenya na mitugo ya Kenya turathondeka. Turakinya kungi turoiga niturore uria
thi iria ingi ciikaga, uria miti itaragwo, uria kura ciandikithagio na maundu ma muthemba uriku. Namo turekira haha. Riu undu wa
muthia itanakinya kurora sections iria tukurora. He maundu maingi muno inyui mwaririe na mwamarora haha nimukumaga, na
ndingwenda murie kiuria muge atiriri, niki giatumire tuuge kina na kina na gitiikiritwo ho. Kai murekagira iriku? Kana ningi muge,
naithii tutiogire ino yeherio, niki ireka ho. Ngwenda muririkane maundu maya, meri. Undu wa mbere, Kenya kwi makabira
mirongo ina na meri, na maundu maria inyui murenda na maria marendwo ni andu aria angi, to muhaka ciike atia? Ihanane. Na
tondu Katiba ni ya bururi wothe wa Kenya ri, he maundu mamwe mwaturiire, tukamba kumaiga kando nigetha tuiguthanie na
andu ari ku. Na mangi tuerirwo ni andu angi nakuo uri namo tukarega kumekira tondu na inyui ni mukumarega. Ta riu guku
kwanyu nimuaturire atiriri, njohi cia guku micii-ini ininwo. Tondu niirugirwo muno na niirahitithia andu, andu marakorwo mari
ariu, thaa inya, thaa ithano cia ruciini. Tukiuga njohi icio ininwo niiroga andu. Riria tuathire Mombasa andu moigire, Mombasa
andu metikirio manyue mnazi tondu matuire maunyuaga na matiri hathara mathiite. Riria tuathire Kisumu tukirwo kuu
tutangitikiria changaa irugwo nitukuhitia tondu indo icio nicio ihuthagirwo kuu na matiui uru wacio. Tugithii na kuu Kakamega
nakuo tukirwo kwi njohi yakuo itagwo busaa na tutikamiingirire. Riu undu ta ucio ukuoneka, inyui mwi mwena umwe, aria angi
me mwena ungi, na aria me mwena uria. Naithi undu ucio ndukwenda wetherwo kabara kanini hau gatagatiini nigetha aria
marenda kunyuari irorwo ndigakimorage. Na aria matarenda kunyua, marorwo matikareherwo njohi miciini. Riu niguo Katiba
ihana. Ithondekagwo na kuiguithaniria. Ta riu inyui muatwirire mutikwenda majimbo. Muoigire mutikwenda majimbo na gwi
kundu tuathire tukirwo gutangigia majimbo Kenya o matingwenda. Na riu riria ndamutariria uria twathondekire thirikari, ni
mukuona kumwe ni turathii ta guthondeka jimbo tugacoka tugacokia. Nigetha inyui muikare mukenete nao aria meke atia? Reke
riu twanjie na …..hari o kaundu kangi ka muthia nguriganiirwo.
Constitution ndiandikaga maundu mothe. Constitution ndiandikaga maundu mothe. Constitution ni itugi iria irugamiriire nyumba.
Undu uria muritu biu wa bata biu tutekwenda gukurania hau tuoigite atia ri niguo wikagirwo ha. No he maundu mangi maingi
maingi matiukaga haha, mathii watho wa Kenya uria twitaga ki, laws of Kenya. Kwa muhiano. Twina, nituge o mundu ena
kamugunda gake, na kamugunda kau kena title. Title ya kamugunda kau ri ndiri haha. Ndiri Katiba ini, I watho wa Kenya
witagwo registered Land Act, niho title iri. Niki gi Katiba ini? Katiba ini tuandikite undu uria wa kurugamirira mugunda. Wa
kuuga atiriri, Kenya mundu o wothe wi title ya mugunda wake, kana plot yake. Ndagatunywo ni mundu, na ndagatunywo ni
7