11th october 2002 - ConstitutionNet

thirikari, tiga thirikari ikorirwo iramuitia nigetha yake indo cia muingi. Ta cukuru, ta thibitari, ta bara. Na ona hindi iyo angitio ri,
nonginya arihwo na ndakaigirwo mbeca ciake. Mbeca icio ciake itikaiguo kahinda karaya. Iyo riu niyo yandikagwo Katiba ini.
Twi hamwe? Ni tondu uria ungi wa kuuga atiriri, mundu riria akua atiga indo ciake, indo icio ciake nonginya igayanio na kihoto,
na mutumia wake, na ciana ciake, matigatunywo indo iria imakonie.
Uguo niguo wi Katibaini. No watho uria wandikite mundu akua ugathii igoti ririku nigetha uneo iratathi ririku na indo ikagayanio
atia, na mutumia aneagwo cigana, na ciana cigana na undu uria ungi ri. Icio ciandikitwo laws of Kenya iria tuitaga succession
Act. Na Gikuyu niguo tugaga ni watho wa guthitanga gikuo. Na ithi tutiri hamwe. Kwoguo maundu maria mukuaga haha thiini
wa Constitution, mutikamake muno, twambe tuiyurie kana undu ucio niutuaritwo thiini wa laws of Kenya. Constitution yugaga
atiriri, tondu niyo watho uria munene, nditikiritie watho ungi ukararie uriku…na kuoguo Constitution tuarikia kumihitukia, wira
uria tukuruta munene muno riu, mieri iyo ingi itigarite kana ni itandatu kana ni ikumi na iri, kana itatu ni inyui mugutua. Nikugeria
kurora mawatho mothe ma Kenya na haria he watho urahitiria Constitution, watho ucio uthii wikite atia, weheretio. Kwa
muhiano. Constitution ino riu iroiga ati, mundu ohetwo njira ndangihurwo kiboko. Ndiui kana nimuitikira uguo. Constitution
iroiga ati mundu angiohwo jera ndangihurwo kiboko. Watho wa iboko niurathirire tondu turarorie uria thi yothe guthiaga na
turona wira uyu wa andu agima kuhurwo iboko, gutiri kundu utuire na nduri kindu uteithagia. Na mundu ucio urahurwo iboko,
ahurwo kiboko kiu, kiumia kiu giothe ndangiukira haria a huriirwo. Ndareteithia na ithui tutirateithika. Kaba atorwo mugunda
akarime nigetha irio iria arimire irio nu? Ni andu. Na riu angikorwo Constitution yugite gutiri watho wa iboko, tuguthii tucenjetie
mawatho maria mangi mothe maheanaga wira uyu.
Reke twambiririe riu kurora undu wigie. Chapter ya mbere iria turandikire ni iria ya preamble kana iria tureta kionereria.
Constitution itu ya tene ndirari na undu mundu angigweta oigite ati niguo uronania bururi witu uria tungienda kuwuiga na uria ithui
turekire ni kuuga tuandike preamble, na nigetha preamble iyo iheane itumi iria iratumire twende kuandika Katiba njeru. Na ria
mwinayo nimukuona he maundu meri kana matatu. Undu wa mbere nituroigire Kenya iture I bururi umwe tondu rimwe andu
nimoigaga Kenya noyaturanio ituike mabururi maingi. Turoiga ca.
Andu a Kenya mangienda Kenya iture I bururi umwe. Na Kenya uture wi bururi wa democracy na bururi wa watho, na
nimuaturirie ati tuandike Katiba ini ati gutiri mundu thiini wa Kenya ugakorwo ari iguru ria watho. Kana mundu ucio ni President,
kana ni chifu kana nuu na nimukumikora hau niyo turandikire. Article 2 turoiga watho wa Kenya, Katiba ya Kenya niyo nene
guku gukira andu aria angi othe na gukira mawatho maria mangi mothe na turoiga. Kwoguo gutiri mundu ungiuga ati President e
iguru ria watho. Kana Judge e iguru ria watho kana D.C. eiguru ria watho tondu andu othe magirire kuiganio ni Katiba ino.
Undu uria ungi muratuirire nii ati; nimuratuirire ati nikuagiirie bendera ya Kenya na rwimbo rwa taifa iria ciatutuarire kuuma hindi
ya wiyathi kinya umuthi igatukinyia hayu.
Turoiga tondu nikuiragwo kaingi kaingi ati niiricenjio anga ciongererwo ingi kana irutwo ingi turoiga ca. Riu ciikirwo Katiba ini
nigetha riu icio itikanacenjio. Ruimbo rwa taifa na bendera ya Kenya na ruri ruria runene rwa Kenya rwa miruthi, turoiga
8