programi i qeverise per vitet 2013 - 2017
programi i qeverise per vitet 2013 - 2017
programi i qeverise per vitet 2013 - 2017
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
SHTETI I SË DREJTËS DHE DEMOKRATIZIMI I SHOQËRISË<br />
Siguria e jetës<br />
Rritja drastike e shifrave të kriminalitetit,<br />
veçanërisht e veprave penale të rënda kundër jetës<br />
e pronës së qytetarëve dhe shkelja e vazhdueshme<br />
e të drejtave e lirive themelore të njeriut, dikton<br />
domosdoshmërinë e një reforme themelore<br />
shumëdimensionale për të rikthyer sigurinë dhe<br />
garantimin e rendit publik, të jetës shoqërore<br />
dhe të zhvillimit të sipërmarrjes në Shqipëri, si<br />
dhe përmbushjen e angazhimeve tona rajonale e<br />
ndërkombëtare.<br />
Anashkalimi ose shkelja e ligjit, mungesa e<br />
transparencës dhe e pjesëmarrjes së publikut,<br />
anarkia në kuadrin ligjor e reformat sektoriale,<br />
militantizmi, mungesa e profesionalizmit,<br />
formimi i munguar, demotivimi e në shumë raste,<br />
korrupsioni ose lidhjet me botën e krimit, janë<br />
ndër arsyet e rritjes eksponenciale të shifrave të<br />
krimit dhe nivelit të ulët të efikasitetit të Policisë së<br />
Shtetit, duke cënuar besimin e publikut në forcën<br />
dhe zbatimin e ligjit.<br />
Duke e konsideruar një prioritet absolut,<br />
sigurinë dhe rivendosjen e rendit publik, Qeveria<br />
angazhohet për të rikthyer besimin e publikut në<br />
një Shqipëri më të sigurt, ku forca e ligjit vlen për<br />
të gjithë në mënyrë të barabartë, në përmbushje<br />
dhe respekt të të drejtave dhe lirive themelore<br />
të njeriut. Objektivi ynë absolut është shembja e<br />
murit të pandëshkueshmërisë dhe imuniteteve të<br />
paligjshme.<br />
Ne:<br />
(i) do të rikthejmë Policinë e Shtetit në krye të detyrës, për<br />
të garantuar rendin dhe qetësinë publike;<br />
(ii) do të rikthejmë Policinë e Shtetit në kontroll të<br />
territorit, duke angazhuar të gjitha burimet e nevojshme për<br />
parandalimin e krimit dhe uljen dukshëm të shkallës së<br />
kriminalitetit;<br />
(iii) do të normalizojmë trafikun rrugor, duke marrë masat<br />
e domosdoshme për evitimin e aksidenteve të rënda;<br />
(iv) do të përmirësojmë cilësisht shërbimin e Policisë së<br />
Shtetit në kufi dhe luftën kundër krimit ndërkufitar.<br />
Qeveria do të ndërmarrë masa për parandalimin e<br />
krimit kundër jetës dhe pronës së qytetarëve, duke<br />
i kushtuar vëmendje të veçantë rasteve të krimit<br />
në familje, mbi baza gjinore, kundër të miturve,<br />
të moshuarve e të gjitha shtresave shoqërisht në<br />
nevojë, hakmarrjes dhe gjakmarrjes, si dhe ndaj<br />
konflikteve të hapura me potencial për të sjellë<br />
pasoja kriminale. Duke përfituar edhe nga ndihma<br />
dhe përvoja e partnerëve ndërkombëtarë, do të<br />
shënojmë rritje cilësore në luftën kundër krimit<br />
ekonomik e veçanërisht kundër pastrimit të<br />
parave. Ne do të ridimensionojmë po ashtu, luftën<br />
e Policisë së Shtetit ndaj veprave penale kundër<br />
mjedisit, shkatërrimit të territorit, monumenteve<br />
dhe trashëgimisë kulturore.<br />
Qeveria e re do të zbatojë një program konkret<br />
për reformimin e thellë të Policisë së Shtetit dhe<br />
agjencive të tjera ligjzbatuese:<br />
(i) për të përmbushur standardet më të larta të funksionimit<br />
demokratik, transparent, të kontrollueshëm dhe<br />
llogaridhënës ndaj qytetarëve;<br />
(ii) për të vënë në zbatim një model pune të bazuar<br />
rigorozisht në zbatimin e ligjit, përgjegjësitë, kompetencat,<br />
procedurat e veprimtarisë së Policisë së Shtetit;<br />
si dhe<br />
(iii) për të konsoliduar marrëdhëniet me institucionet<br />
e pavarura dhe bashkëpunimin intensiv me partnerët<br />
ndërkombëtarë e ndërveprimin policor rajonal dhe<br />
ndërkombëtar.<br />
Kjo reformë do të nisë me rikonceptimin<br />
strukturor dhe funksional të Ministrisë së<br />
Brendshme dhe Policisë së Shtetit. Synimi<br />
kryesor është ndërtimi i një sistemi mekanizmash<br />
të përqëndruara që garantojnë efikasitet,<br />
përgjegjshmëri, veprim funksional për mbrojtjen e<br />
plotë të ligjit në të gjithë vendin dhe efekti<strong>vitet</strong> në<br />
kohë. Parimi i reformës “Një Shtet – Një Polici”<br />
do të bëjë të mundur njësimin e funksioneve<br />
policore të disa agjencive ligjzbatuese të ngjashme,<br />
duke eleminuar mbivendosjen e kompetencave,<br />
anarkinë e veprimit ose mosveprimin, si dhe duke<br />
garantuar standardizimin e veprimit në territor dhe<br />
kohë.<br />
15