programi i qeverise per vitet 2013 - 2017
programi i qeverise per vitet 2013 - 2017
programi i qeverise per vitet 2013 - 2017
Create successful ePaper yourself
Turn your PDF publications into a flip-book with our unique Google optimized e-Paper software.
SHTETI I SË DREJTËS DHE DEMOKRATIZIMI I SHOQËRISË<br />
(i) zbatimit të reformës administrativo-territoriale;<br />
(ii) përmirësimit të procesit të decentralizmit të financave<br />
publike;<br />
(iii) rritjes së cilësisë dhe modernizimit të shërbimeve<br />
publike në nivel të qeverisjes vendore, bazuar në standardet<br />
evropiane;<br />
(iii) rritjes së transparences dhe llogaridhënies së qeverisjes<br />
vendore në raport me komunitetin; dhe<br />
(iv) rritjes së përfshirjes së qytetarëve dhe grupeve të interesit<br />
në vendimmarrjen në nivel të qeverisjes vendore. Prioritetet e<br />
qeverisë në këtë fushë janë si më poshtë vijon.<br />
Reforma administrativo-territoriale. Prioriteti<br />
kryesor i qeverisë do të jetë rishikimi i ndarjes<br />
administrativo-territoriale, duke synuar<br />
konsolidimin territorial të njësive vendore të<br />
nivelit të parë dhe nivelit të dytë. Kjo reformë<br />
do të zbatohet nëpërmjet një procesi të hapur<br />
gjithëpërfshirës dhe në bashkëpunim me të gjithë<br />
faktorët politikë në vend, komunitetet vendore,<br />
shoqërinë civile dhe partnerët ndërkombëtarë. Ajo<br />
do të konceptohet dhe zbatohet në përputhje me<br />
praktikat më të mira të reformave të tilla që janë<br />
zbatuar në vende të BE-së.<br />
Reforma do të synojë rritjen e efikasitetit dhe<br />
përmirësimin e cilësisë e të aksesit të qytetarëve<br />
në shërbimet publike vendore; rritjen e burimeve<br />
financiare dhe të mjeteve për qeveritë vendore;<br />
përmirësimin e mekanizmave të demokracisë<br />
përfaqësuese dhe fuqizimin e instrumentave të<br />
demokracisë direkte; rritjen e kapaciteteve të<br />
administratës publike vendore, si dhe forcimin e<br />
strukturave komunitare në nivel njësie vendore,<br />
lagje dhe fshati.<br />
Qeveria do ta vërë në zbatim ndarjen e re<br />
administrativo-territoriale të vendit në prag<br />
të zgjedhjeve vendore të vitit 2015 dhe do ta<br />
shoqërojë atë me një paketë reformash fiskale<br />
dhe ligjesh mbështetëse, si dhe me ngritjen e<br />
mekanizmave konkrete për fuqizimin e njësive të<br />
reja vendore.<br />
Reforma e decentralizimit fiskal. Autonomia financiare<br />
është thelbi i autonomisë vendore. Duke përkrahur<br />
decentralizmin e mëtejshëm të financave publike,<br />
qeveria qendrore do të krijojë mundësi që qeveritë<br />
vendore të kenë më shumë burime financiare,<br />
në mënyrë që ato të kryejnë funksionet dhe<br />
kompetencat e tyre në mënyrë efikase dhe të<br />
qëndrueshme.<br />
Për të arritur këtë synim, qeveria do të<br />
ndërmarrë nisma të rëndësishme ligjore, duke<br />
përfshirë hartimin e ligjit të ri integral për<br />
financat e qeverisjes vendore, të paketës së re të<br />
decentralizimit fiskal, i cili do të përfshijë zbatimin<br />
e konceptit të ndarjes së taksave kombëtare<br />
(tax sharing), si dhe përmirësimin e kritereve<br />
të ndarjes së transfertës së përgjithshme nga<br />
buxheti i shtetit për qeveritë vendore. Ne do të<br />
rishikojmë mekanizmin financiar të transfertave<br />
të kushtëzuara nga buxheti i shtetit, duke synuar<br />
financime të integruara sipas instrumentit të<br />
“Kontratave Rajonale të Zhvillimit”, duke rritur<br />
transparencën dhe efikasitetin në shpërndarje, si<br />
dhe në bashkërendim me objektivat kombëtare.<br />
Rajonalizimi dhe reforma e qarqeve. Qeveria do t’i<br />
japë prioritet zbatimit të një reforme të posaçme<br />
për nivelin e dytë të qeverisjes vendore që do të<br />
synojë krijimin e rajoneve dhe rikonfigurimin e<br />
qarqeve sipas modeleve evropiane të Rajoneve<br />
Vetëqeverisëse. Kjo reformë do t’u japë një<br />
drejtim të ri politikave kombëtare dhe rajonale<br />
të zhvillimit, hartimit dhe zbatimit të strategjive<br />
rajonale të zhvillimit; do t’i hapë rrugë zgjerimit të<br />
funksioneve dhe kompetencave të institucioneve<br />
dhe agjencive qeveritare në nivel rajonal; do të<br />
sjellë rritjen e burimeve financiare dhe aseteve për<br />
rajonet; dhe do të krijojë një model të ri dhe më<br />
efikas organizimi dhe funksionimi të autoriteteve<br />
qëndrore dhe vendore në nivel rajonal. Kjo<br />
reformë bëhet veçanërisht e domosdoshme në<br />
kuadër të përfshirjes së pritshme të Shqipërisë<br />
si vend kandidat në BE dhe do t’u japë rajoneve<br />
mundësinë që të përfitojnë drejtpërsëdrejti ndihmë<br />
teknike dhe financim nga instrumentat e ndihmës<br />
së BE-së.<br />
Përmbyllja e procesit të decentralizimit të kompetencave në<br />
funksionet e përbashkëta dhe të deleguara. Qeveria e re<br />
angazhohet të përmbyllë procesin e përcaktimit<br />
të qartë dhe përfundimtar të përgjegjësive dhe<br />
kompetencave në funksionet e përbashkëta dhe të<br />
deleguara, midis qeverisë qëndrore dhe vendore,<br />
bazuar në parimin e subsidiaritetit. Ne do t’i japim<br />
21