Ligjëratat Hyrje në Shkencat Animale. Tetor 2017

Kjo shoqatë tenton që përmes organizimit të ngjarjeve të ndryshme dhe përmes
promovimit të mishit mjaft të shëndetshëm që jep bizoni, të rris interesimin e
fermerëve dhe shteteve për të mbarështuar atë.
Gjithsesi, roli kryesor i bizonëve dhe specieve të tjera të rralla sot, është në rendësinë e
biodiversitetit gjenetik dhe natyror. Ndërmarrjet/fermerët e bizonëve kërkojnë që të
ndërtojnë objekte stallash të forta më rrethoja dhe po ashtu program adekuat të të
ushqyerit që të arrihet riprodhim dhe rritje të kënaqshme. Seleksionimi tenton që të
fokusohet kohët e fundit në problemet e fertilitetit, perforamnces prodhuese (shtimit të
masës trupore në fund të rritjes, shtimi i masës trupore në ndarje nga gjiri,
perforamncen e karkases) dhe në veçoritë materiale.
Figura 2. Mbarështimi i Bizonit
Dreri:
Mbarështimi i drerit është një lloj farimingu fare i ri në shumë vende të botës.
Gjithashtu, shitja e këtyre kafshëve për mbarështim kryesisht qëndron në vlerën e tyre
që kanë për prodhimtari mishi dhe lëkura (kadife) e tyre. Mashkulli 2 vjeçar i drerit
arrin rreth 2.3 kg peshë të lëkurës (kadifes), derisa individët plotësisht të rritur arrijnë
deri 15 – 18 kg peshën e lëkurës së tyre. Shumica e tyre shitet në Azi për arsye të
traditave holistike, çështjeve medicinale, etj.
Dr. Hysen Bytyçi: Ligjerata të autorizuara ‘’Hyrje në shkencat animale’’ 48