Sada-Shiva Gangadhara

February 13,
2018
Mabuhay si Śrī Guru at si Śrī Gaurāṅga
Purihin ang Kanilang Kadakilaan
Sinong Śhiva? Dapat Śhiva na Isang Vaiṣṇavā!
ni Śrīla Bhakti Sundar Govinda Dev-Goswāmī Mahārāj
Ayon sa naging paliwanag ni Śrīla Bhakti Sundar
Govinda Dev-Goswāmī Mahārāj, sa lahat ng
Vaiṣṇavas, si Śhiva ang pinakamagaling.
Kahit sino kapag ginusto nang Panginoong
Śhiva ay kaya niyang palayain. Dahil ang
kapangyarihang ito’y tangan niya, at ang
isa pa, siya’y perpektong sugo ng
Panginoong Kṛṣṇa. Ganito ang
sinasabi sa huling kabanata ng
Śrīmad Bhāgavatam (12.13.16):
nimna-gānāṁ yathā gaṅgā
devānām achyuto yathā
vaiṣṇavānāṁ yathā śambhuḥ
purāṇānām idam tathā
1

February 13,
2018
[‚Kung sa lahat ng ilog, ang Gaṅgā ang pinakadakila, at kung sa lahat
ng imahen nang ating poon ang Panginoong Achyuta ang siyang
pinakamaringal at pinakadakila, at sa lahat ng Vaiṣṇavas ang
Panginoong Śhiva naman ang pinakamataas at dakila, kung ganoon,
ganoon din ang Śrīmad Bhāgavatam, dahil sa lahat ng Purāṇas, siya
din ang pinakadakila.‛]
Sa talatang ito, dito pa lamang ay agad na nating mauunawaan
kung ano ang posisyon ng Panginoong Śhiva. Ang ibang diyusdiyosan
ay pinagkalooban nang kapangyarihan ng Panginoong Kṛṣṇa,
subalit sa lahat, ang Panginoong Śhiva ang pinaka-supremo sa kanila.
Noo’y madalas umusal nang panalangin ang Panginoong Śhiva, ano
po ba ang madalas niyang inuusal-usal? Ito po ay ang Pangalan ni
Rāma at wala ng iba pa. At kapag siya’y taimtim na nagmumunimuni,
sino ang nasa loob ng kanyang isipan? Ang kanyang maestro,
ang Panginoong Rāma, si Viṣṇu. Hindi po ba? Bakit po? Bakit
palaging Rāma ang laman ng kanyang isipan at madalas na
sinasambit-sambit ang Kanyang Pangalan? Alam ninyo, kapag ito’y
inyong naunawaan, tiyak mauunawaan din ninyo kung ano ang
kamulatan para sa kamalayan kay Kṛṣṇa.
Minsan, tinanong ni Parvatī Devī ang Panginoong Śhiva,
‚Napakaraming imahen nang ating poon, sa lahat, sino po ba sa
kanila ang dapat na sinasamba?‛ Akala ni Parvatī ang magiging sagot
ng Panginoong Śhiva ay ganito, ‚Ako, syempre. Dahil ako ang
Pinaka-Supremo sa lahat ng Katauhan.‛ Subalit hindi po ganito ang
naging tugon ng Panginoong Śhiva. Ang sabi po niya’y ganito:
ārādhanānāṁ sarveṣāṁ viṣṇor ārādhanaṁ param
2

February 13,
2018
3

February 13,
2018
‚Sa lahat ng Personalidad sa Katauhan ng Diyos, tanging si Viṣhṇu, si
Kṛṣṇa, ang pinakamataas at pinaka-dakila. Kung ganoon, Siya ang
dapat nating sinasamba.‛ Nalungkot si Parvatī sa naging sagot sa
kanya nang Panginoong Śhiva. ‚Papaano ‘yun,‛ ang sabi ni Parvatī
Devī. ‚Ang Panginoong Śhiva ang sinasamba ko at hindi ang
Panginoong Viṣhṇu.‛ Nakangiting muli siyang sinagot nang
Panginoong Śhiva,
tasmāt parataraṁ devi tadīyānāṁ samarchanam
‚Oo nga’t walang-alinlangan, na, sa lahat ng Katuhan nang Diyos, si
Nārāyaṇ ang Pinaka-Supremo. Kaya tama lamang na Siya ang
sinasamba natin, dahil totoo namang, sa lahat, Siya ang pinakamataas
at pinakadakila. Subalit sa lahat ng sumasamba sa Panginoong
Nārāyaṇ, ang pinakamataas ay ang mga tao, na, hindi lamang ang
Panginoong Nārāyaṇ ang sinasamba, kundi maging ang Kanyang
mga deboto, sila talaga ang higit na pinaka-dakila.‛
Matapos marinig ni Parvatī Devī ang naging pahayag ng
Panginoong Śhiva, labi-labis ang naramdaman nitong kaligayahan.
Alam niya sa Panginoong Viṣhṇu nananalangin at naglilingkod si
Śhiva. Alam din niya, na, sa lahat ng Vaiṣhṇavas, si Śhiva ang
Vaiṣṇavānāṁ yathā Śambhuḥ, ang pinakamataas at pinaka-dakila.
Kaya, napagtanto niya, ‚Kay Viṣhṇu nagsisilbi si Śhiva, at siya nama’y
pinagsisilbihan ko, kung ganoon, ano ang dapat kong ipangamba.
Hindi ba’t wala?‛
Alam ninyo, malawak ang naging impluwensya ng kulturang
Vedic sa Katimugang Bahagi ng India, at ang mga panuntunan nito’y
mahigpit na ipinapatupad at sinusunod ng mga tao. Kaya lamang,
ito’y noong unang panahon, subalit ngayo’y hindi na, mali na ang
4

February 13,
2018
kanilang ginagawa. Kapag nagpunta ka sa Katimugang Bahagi ng
India, doon, mapapansin mo, halos wala na sa ayos ang kanilang
ginagawa, lalu na pagdating sa ginagawa nang mga lahing brāhmaṇ.
Tanging ang mga panlabas na ayos lamang ang kanilang
sinusunod, at hindi na ang nakapaloob na sustansya, ngayon, puro sa
Panginoong Śhiva na sila sumasamba.
Noong panahon ni Rāmānuja Āchārya, ganito din ang kanilang
pinag-awayan. Noo’y sikat na sikat ang Śaiva sampradāya at ang
Rāmānuja sampradāya. At dahil magkasalungat ng paniniwala, di
nila maiwasang magbanggaan. Hanggang sa tinalo nang mga nasa
Rāmānuja sampradāya ang mga taga-Śaiva sampradāya. Sa pagsikat
nang mga taga Rāmānuja sampradāya, bumagsak ang sampradāya ni
Śaṅkar-Āchārya. Ayon sa paniniwala ng mga Śaiva sampradāya, ang
Panginoong Śhiva lamang ang dapat sinasamba at wala nang iba pa.
Subalit mali ang ganitong paniniwala. At hanggang ngayon, ganito
parin ang kalakaran sa Katimugang Bahagi ng India. At hindi lamang
iyon, maging ang isipan nila’y sarado na sa ganitong klaseng
kalakaran, at sila’y masyado nang naging panatiko.
Makaraan ang isandaang taon, ganito din ang nangyari sa
sampradāya ni Rāmānuja, kahit sila’y lumihis na. At dahil nga
matinding magkalaban ang mga taga-Śaiva sampradāya, kung
abusuhin at bastusin nang mga taga Rāmānuja sampradāya ay talaga
namang sobra-sobra:
vyāghreṇa khādamāne ’pi na gachchhet śiva-mandiram
Ang sabi ng mga taga-Rāmānuja sampradāya: halimbawa sa
paglalakad mo, biglang nakasalubong mo ang isang tigre, at ika’y
nasa tapat lamang ng templo nang Panginoong Śhiva, dalawa lamang
5

February 13,
2018
ang dapat mong gawin, ang tumakbo papunta sa loob ng templo, o
magpalapa sa tigre na gutum na gutom. Pero kung sila ang inyong
tatanungin, ayon sa mga taga-Rāmānuja sampradāya, hindi bale na
lang magpalapa sa gutom na tigre kaysa pumasok at magkubli sa
templo ni Śhiva!‛ Madalas, ganito ang maririnig mo sa kanila, lalu na
kung ang usapin ay napunta na sa mga taga-Śaiva sampradāya.
Subalit, ang mga ganitong gawi ay mali, ito po’y hindi ayon sa Vedic
na pamamaraan kapag nangangaral.
Alam ninyo, ang bawat bagay, ang bawat sitwasyon o kalagayan
ay may kaakibat na pamamaraan, kung papaano ang tama at maayos
na pamamaraan. At ang mga ganitong bagay ay nagmumula sa
Goloka Vṛndāvan, pumanaog upang ating maging gabay. Ganito ang
transedental na kaalaman, marunong umayon, at humanap ng paraan
upang matuwid na makapangaral. Alam ninyo, sa loob ng Paravyoma
Dhām, nandoon ang di-mabilang na mundo, iba’t-ibang klaseng
daigdig, nandoon din ang Panginoon, magkakaibang mundo para sa
magkakaibang anyo ng Panginoon, nang Panginoong Viṣhṇu,
naroroon din ang Panginoong Śhiva, at siya’y may posisyon din sa
loob nang mga mundong ito. Ang Panginoong Śhiva ay śuddhasattva,
subalit kapag ang gawain niya’y kailangan niyang pumaloob
sa materyal na mundo, si Śhiva ay nagiging guṇāvatār, nagiging amo
ni Māyā, na ang gawain ay pangasiwaan ang isa sa tatlong materyal
na kalagayan, ang pagiging mangmang ng isang kaluluwang nalagay
sa materyal na kalagayan. Kung tutuusin, ang kalagayan niya’y
palaging nasa alanganin, palaging nakabitin. At ang Śhiva na ito, ang
guṇāvatār Śhiva, na may tangan ng kamang-mangan, ang kanilang
sinasamba. Tayo ay mga Vaiṣṇavas, walang-alinlangang sinasamba
din natin ang Panginoong Śhiva subalit ito’y Sadāśhiva, Śhiva na
taga-Paravyoma Dhām.
6

February 13,
2018
Si Śhiva ay nandoon din sa loob ng Vṛndāvan Dhām, subalit ito’y
iba’t-ibang klaseng Śhiva, tulad nina Rāseśhvar Śhiva, Gopīśvar Śhiva,
at iba pa. Walang-alinlangan, silang lahat ay dinadakila at sinasamba
din natin. Hindi ba’t kapag nagdarasal tayo kay Gopīśvar Śhiva,
ganito pa nga ang ginagamit nating praṇām:
vṛndāvanāvani-pate jaya soma somamaule
sanandana-sanātana-nāradeḍya
gopīśvara vraja-vilāsa-yugāṅghri-padme
prītiṁ niyachchha nitarāṁ nirupādhikam me
(Sri Sankalpa-kalpadruma: 103)
[‚O Śhiva, hindi po ba, totoo naman talagang kayo ang nangangalaga
nitong Vṛndāvan Dhām! Hindi po ba kayo din ang asawa ni Umā, at
ang korona ninyo’y itong buwan! O Śhiva, hindi po ba’t kayo ‘yung
sinasamba nina Sananda, Sanātan, Nārad, at maging nang lahat ng
paham at ermitanyo! Mabuhay po kayo! Purihin ang inyong
kadakilaan! Hindi po ba kayo din ang tagapagtanggol nang mga
gopīs! Kung ganoon, sana po, ako ay inyong kaawaan, ibigay po sana
ninyo sa akin ang pagpapala, na maging matibay, matatag at walang
mga pag-aalinlangan pagdating sa debosyon sa lotus na paanan nang
Banal na Magsing-Irog, na palaging naglalaro sa Vraja.‛]
Pagdating sa Rāsa-līlā ng Panginoong Kṛṣṇa, ang Panginoong Śhiva
ang magsasabi kung sino ang makakapasok at makakalahok. Dahil
siya ang bantay-pinto nitong Rāsa Sthali. Alam ninyo sa totoo lang, si
Śhiva ay hindi talaga lalake. Siya’y isang babae, isang gopī, na bantaypinto
nitong Rāsa Sthali, kung kaya’t kapag nagdarasal tayo, ang
mantra na ito ang ginagamit nating praṇām. Sa ating panalangin,
nakikiusap tayo na sana, para sa gawain ng debosyon kay Kṛṣṇa,
hayaan niya tayong makadalo, makasali sa Rāsa-līlā ni Kṛṣṇa. Dahil
7

February 13,
2018
siya po ang nagbibigay ng visa kung sino ang makapasok sa Rāsa
Sthali.
Sa madaling-salita, dalawa ang posisyon nang Panginoong Śhiva,
ang pagiging guṇāvatār, at Śuddha Śhiva. Lahat ay ating ginagalang
at nirerespeto, at wala tayong sini-sino, kung kaya’t hindi lamang
mga Guṇāvatār, Manvantārāvatār, o kaya mga Līlā-āvatārs ang
nirerespeto at ginagalang natin, kundi lahat. Oo nga’t lahat ng bagay,
anuman sila, ay patuloy nating nirerespeto at iginagalang. Subalit
huwag nating kalilimutan, ang puso natin, ay para lamang sa
Panginoong Kṛṣṇa at sa Kanya na nakatali. Hindi ba’t ito naman talaga
ang layon ng debosyon natin. At ito ang paniniwala at paninindigan
natin.
Śrī Gauḍīya Darśhan Philippines
Is the official electronic-internet magazine published by
Śrī Chaitanya Sāraswat Maṭh Philippines – Śrī Nāma Hāééa Center
U.P. Campus, Diliman, Quezon City 1101
E-mail: scsmathphilippines@yahoo.com
scsnamahatta@gmail.com
You may also visit us on:
https://www.yumpu.com/user/SCSMathPhilippines
or at: https://plus.google.com/u/0/+scsmathphilippinessrinamahatta
For other details, pls. contact us at: (+63)09498332414
8