Plani i Përgjithshëm Kombëtar "Shqipëria 2030"

• Programi Buxhetor Afatmesëm (PBA), i
cili kërkon nga çdo ministri hartimin e një
plani 3-vjeçar për arritjen e rezultateve të
programit, të qëllimeve dhe objektivave politike
brenda tavanit të shpenzimeve të ministrisë, i
përcaktuar në planin fiskal të qeverisë.
Veç këtyre, janë dhe 4 procese kryesore që
ndikojnë dhe pasqyrohen tërësisht në SKZHI
dhe PBA:
• Integrimi Europian
• Programi i Qeverisë
• Investimet Publike
• Ndihma e Huaj
Shtrirja për një periudhë 15-vjeçare e
kornizave orientuese të PPK-së dëshmon për
rëndësinë e këtij dokumenti në sigurimin e
një zhvillimi afatgjatë dhe cilësor të territorit
përmes harmonizimit të dokumenteve më të
rëndësishme ekonomike dhe politike të vendit.
Shqipëria synon të anëtarësohet në BE dhe
si rrjedhojë, PPK-ja orientohet nga parimet
dhe objektivat e një seti të gjerë dokumentesh
europiane, të cilat edhe pse jo detyruese apo të
hartuara për vendet anëtare, kanë vlerë reale
edhe për vendet kandidate si Shqipëria. Në
Europë, që prej të paktën vitit 1999, objektivat
e Perspektivës Europiane për Zhvillim
Hapësinor (ESDP) udhëheqin mendimin e
ri dhe instrumentet novatore në planifikim,
duke u pasqyruar vazhdimisht në dokumentet
pasuese ligjore ose orientuese (Axhenda
Europiane e Territorit 2020, Strategjia Europa
2020, Vizioni Territorial i Europës 2050 etj.).
Këta objektiva synojnë t`i japin orientim
hapësinor zhvillimit (policentrizmi përkundrejt
pabarazive hapësinore), të garantojnë akses të
njëjtë për rajonet dhe njerëzit në infrastrukturë
e njohuri, të menaxhojnë burimet natyrore
dhe trashëgiminë kulturore në funksion të
ripërtëritjes. Shqipëria përballet me po këto
sfida, sa i përket të ardhmes së zhvillimit të
territorit. Studime të viteve të fundit tregojnë
rritje të theksuar të pabarazive (sociale,
ekonomike e mjedisore) hapësinore dhe
nevojën e pakundërshtueshme të ndërthurjes
mes politikave sektoriale. Kjo duhet jo vetëm
për të shmangur ndikimin negativ të zbatimit
thellësisht sektorial të politikave të ministrive,
por edhe për të fuqizuar rezultatin pozitiv të
qëllimeve të tyre në territor.
Reforma në kuadrin ligjor për planifikimin e
territorit arriti të finalizohej me miratimin e
ligjit nr. 107, datë 31.07.2014 “Për Planifikimin
dhe Zhvillimin e Territorit”, i ndryshuar dhe
rregulloreve në zbatim të tij, vendimi nr. 671,
datë 29.7.2015 i Këshillit të Ministrave “Për
miratimin e rregullores së planifikimit të
territorit” dhe ai nr. 408, datë 13.5.2015,
“Për Miratimin e rregullores së zhvillimit
të territorit”.
Plani i Përgjithshëm Kombëtar (PPK)
"Shqipëria 2030", vjen si detyrim për zbatimin
e kësaj kornize ligjore, i përcaktuar si
dokumenti referues i detyrueshëm për të
gjitha planet që hartohen në Republikën e
Shqipërisë. 7
2015 2018 2020 2025 2030
PPK
SKZHI II SKZHI III SKZHI IV
PBA
Figura 1.1 Shtrirja kohore e instrumenteve të planifikimit politik, ekonomik dhe territorial në Shqipëri
7
Nëni 16, pika 1, Ligji 107/2014, “Për Planifikimin dhe Zhvillimin e Territorit” datë 30.07.2014, i ndryshuar
25