Create successful ePaper yourself
Turn your PDF publications into a flip-book with our unique Google optimized e-Paper software.
DOPHANI KOK<br />
Songduk dopharogni yaphang tei<br />
yarwng. Sana thangkhe Hukbai<br />
chini Borok dophani borokrog<br />
twrwk twrwk yak kaklaikha.<br />
Tamoni hinmale jora phero<br />
kochogwi tabukni Borokrog<br />
kwtal jorao yapiri baroklaikha.<br />
Phiyaba tabukni o Nwichisa sara<br />
bisi kusungo sokphaibo chwng<br />
Borok dopha hinjaknairog baksa<br />
bahai wngna hwnwi. Phiyaba<br />
tabukbo hachuk hathairogo chini<br />
Borok dophani borokrogbai Hugo<br />
thaijak bwthai, muikwthwng<br />
akorog chaui manwi tongo.<br />
Kukubuino Dongoima-Dongoipha<br />
song saui kwlangma haino Hukni<br />
Mai, thaichumu-Dorompai,<br />
Khum-durupui, Momphol,<br />
Masinga, maswi, Bojra, Sobai,<br />
aitorma 13<br />
Huk khwlaiwi tisaui narakmano<br />
chini songduk eba Borok dophani<br />
borokrog hohom dodomni<br />
bisingtwi nok nukhung khalai<br />
tonglaijao.<br />
Hukni bisingtwino Borok<br />
dopha tei Borok dophani<br />
bisingtwino Hukumu. Tei o<br />
Hukumuni bisingtwino Mukumu<br />
wngwi tongo. Romdi Hukni<br />
baksa tabuk phano ‘’HUK’’ no<br />
karwi eba huk bai chalwi<br />
mansukyakhu tei chalwi bo<br />
mangwlak. Tamoni hinmale Huk<br />
chini thwibai gwdaljak tei chini<br />
langmabai kwrwngjak.<br />
Tabukni O kwtal jorao Chini<br />
dophani Borokrogni bisingo phano<br />
baksa baksa borokrok HUK nuk<br />
khna tei baksa borokrog nukya bo<br />
tongu, Haiphano Dongoima-<br />
Dongoipha songni khuktwi<br />
khwnamabaino mokolo basio<br />
Hukni tongthokmung tei tongkhor<br />
Lubiya, Moso, Mogodam, Mami<br />
mai guriya, Banta, Muimasing,<br />
chakumura, khaklu borok tei hai<br />
jatrepot manwi khwnwirog kubui<br />
kubuino kothok tei motomsai<br />
tongo. Aborokno karwi teibo<br />
Hugo mai kaima logi logi Khul,<br />
Siping tei pat akorogbo kaijago.<br />
Kok wngkha chawi thangwi<br />
tongna bagwi je nangmani<br />
manwi-khwnwi tei chamungnwngmung<br />
jotono tongbaio eba<br />
manthokbaio Huk khwlaikhe.<br />
Abo hai kheno bisi eba bisani bara<br />
bisingtwino Jadu kolija, Tangbiti,<br />
Uaying Khilimung, Mamita ahai<br />
kwbangma rwchapmungmwsamung<br />
akorok achaio. Sana<br />
thangkhe Hukni bisingtwino<br />
Borok dopha hwnwi sinijagwi<br />
tongo. Borok dophani borokrog<br />
Huk khwlaikhe jotono pal pal hou<br />
hou khe Hugo thanglaio<br />
tongthothokkhe. Huk khwlaina<br />
bagwi bolong naimani simi<br />
chengwi mai kwtal chalaima jora<br />
joto jagano pal pal okwrachakwra,<br />
sikla-sikli, cherai khonai
Change language