Create successful ePaper yourself
Turn your PDF publications into a flip-book with our unique Google optimized e-Paper software.
POKYATWI<br />
aitorma 19<br />
Luku Hamjajak Montri Bokhrok<br />
Inadia haktor 1947 A. D bisini<br />
15th August salmario British<br />
haphang yakni yokmung manma<br />
ulo luku raida rwkjak haktor<br />
kaisa wngwi naikoljakna<br />
chengkha. 1952 A. D bisio o<br />
haktoro puila luku chongbari<br />
wngma ulo bisiba pungma thwgwi<br />
montri bokhrok khoroksani<br />
ojamabai tei logio kubunni montri<br />
bodolno twwi India haktor<br />
mungsa naikoljagwi phaina<br />
chengkha.<br />
O haktoro tabuksak jora<br />
kwbangma borokrok montri<br />
bokhrok chakha. Abohai montri<br />
bokhrokrok chalangnairokni<br />
bisingono khoroksa wngkha Atal<br />
Bihari Vajpayee . Montri bokhrok<br />
kwcham Atal Bihari Vajpayee<br />
1924 A. D bisini 25th December<br />
salmario British India molo<br />
Gwalior hasteo (Tabuk Madya<br />
Pradesh hasteo khopjago) omthai<br />
thwi klaikha, buphani mung<br />
Krishna Bihari Vajpayee. Atal<br />
Bihari Vajpayee India haktorni<br />
uaitham montri bokhrok chakha.<br />
Puila 1996 A. D bisio sal<br />
chithamni bagwi, 1998 A.D bisini<br />
simi 1999 A. D bisi joratwi tal<br />
chisani bagwi ulphilnwi montri<br />
bokhrok chaokha aboni yak ulo<br />
1999 A. D bisini simi 2004 A. D<br />
jora bisiba khajak jora pungsugwi<br />
haktor naikolkha. Boh India<br />
haktorni kerong chap nogo molchi<br />
uaibrwi (4 Decades) romwi<br />
adong tongkha. Aboni bisingo lok<br />
sabhao uaichi tei Rajya sabhani<br />
uainwi luku adong chongjakkha.<br />
2009 A. D bisio thwngkrwng<br />
samungbai kagwi haba karma<br />
swkang joratwi boh Uttar<br />
Pradeshni Lucknow achaimani<br />
bagwi luku adong wngwi samung<br />
khlaikha. Vajpayee Bharatiya<br />
Jana Sangh songchanai<br />
mothanibo khoroksa adong<br />
tongmani, 1968 A. D bisini simi<br />
1972 A. D bisi jora boh mothani a<br />
mothani ojama chaui samung<br />
tangkha. India haktoro Moraji<br />
Desai montri bokhrok chamani<br />
molo boh khoroksa cabinet, buiha<br />
naikani bedekni montri wngkha.<br />
O haktoro Janata bodolni<br />
haphang kuak baimani ulo Atal<br />
Bihari Vajpayee 1980 A. D bisio<br />
hainohai Jana Sangh mung norwi<br />
Bharatiya Janata motha<br />
songchaphiokha. Indian National<br />
Congress mothabai kwrwngjakya<br />
kubun bodolni wngwi bono puila<br />
montri bokhrok bisiba pungsugwi<br />
chaui mannai. 2015 A. D bisio<br />
Pranab Mukherjee haktorpha<br />
tongma molo bono o haktorni<br />
jotoni kuchuk borom ‘Bharat<br />
Ratna’ yapharwi borom<br />
rwjakkha.<br />
A. B Vajpayee swkango<br />
tanglangma kothoma kubui :<br />
Arya Samaj mothani bedek Arya<br />
kumar sabhao swkang puila