Beinvegni 2019
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
CUORS ROMONTSCH SURSILVAN INTENSIV 2019
PREZIADA LECTURA
PREZIAU LECTUR
Sempel e bien. Las tratgas da pli baul eran per gronda part fetg semplas e s’adattavan
al tschaler, al surcombras, alla combra da carn, alla tgaminada che cuntenevan
la materia prima, pia frina, truffels, latg, ovs, legums, fretgs, jarvas,
carn. Carn deva ei – sche insumma – mo las dumengias e da fiastas. Orda quei
pauc haveva ei num far igl optimum. Dapi lu ein las pusseivladads da cuschinar
e da senutrir semidadas buca pauc. Entginas tratgas tradiziunalas ein denton
restadas, gie, ein schizun daventadas specialitads culinaricas. Ina da quellas ein
ils maluns. Aschi sempels sco els ein, aschi delicius ein els.
Era il Cuors romontsch intensiv dalla FRR (CR) ei daventaus ina specialitad
indigena cun tradiziun. Era sch’el ei buca aschi vegls sco paun e latg, respectivamein
sco maluns, ein 50 onns è buc nuot. Igl onn 1969 ha el priu sia entschatta
el Benefeci Rumein cun 22 participonts, in livel. 1982 ha il CR midau a Laax en
Casa Caltgera, 18 participonts, 2 livels. Igl onn 2015 midau a Glion ella Casa da
Sentupada dallas soras dominicanas, 109 participonts, 10 livels. Il 2016 dumbra
il CR 118 participonts, 11 livels. 2019 porscha il CR 12 livels, e quei per entscheviders,
avanzai, fetg avanzai, ed era per Romontschs, per giuven e vegl, naven
da 6 onns. In cuors gest sco ils maluns: genuins, sempels, buns. E per mintgin.
Fagess grond plascher d’astgar beneventar Vus – preziada lectura, preziau lectur
– al Cuors romontsch sursilvan da giubileum che porscha per la 50avla ga
lungatg, cultura, divertiment, ed aunc dapli.
VIES TEAM CUORS ROMONTSCH INTENSIV FRR
ACHTUNG! | ATTENZIONE! | ATTENTION!
Der obige Text und alle im «Beinvegni» enthaltenen wichtigen Informationen zum CR19 sind in den vier Landessprachen auf unserer
Homepage zu finden. | Le texte ci-dessus et toutes les informations importantes contenues dans «Beinvegni» sont disponibles dans les
quatre langues nationales suisses sur notre site internet. | Il testo qui sopra e tutte le informazioni importanti contenute in «Beinvegni»
sono disponibili nelle quattro lingue nazionali svizzere sul nostro sito internet.
www.cuorsromontsch.ch
081 920 80 71 | cuorsromontsch@frr.ch
DIMORA
Casa da Sentupada, Glion
www.hausderbegegnung.ch
3