na vakadidiketaki ni vosa vakaviti - Itaukeiaffairs.gov.fj

Lewe ni Vola
Vakadidike….
2
Veiqaravi uasivi/ vuli…... 3
Veiwekani vakacakacaka/
lawa…./ vakasokumuni
tukutuku…..
Veisisivi vosa & itovo/
USP– gade mai i TVTV
Talanoa
Vosa veita
Evereli– Seviteba
VULA VAKAVITI
• EVERELI—Vula i gasau: dau
gauna ni uca kei na cagilaba.
Dau veituvi na
cika.Keli na uvi matua eso
na uto. E wai dau levu sara
na salala kei na tugadra.
• ME– Vulai doi: Dau via oti
mai na draki ca, lailai na
lago kei na namu. Se na
duruka, keli na uvi dreu na
moli. E wai levu na daniva
kei na salala.
• JIUNE– vula i werewere.
Draki batabata,tau vagauna
na uca. E matua na
kawai kei na uvi. E wai dau
gauna ni daniva kei na
matu.
• JIULAI— vula i cukicuki:
Batabata vakalevu na draki.
Tekivu keli na Kumala.
Gauna ni kuita kune na
tovuto.
• OKOSITA —vula i senidrala:
levu na kuita, qolivi na
vaya, se na drala, damanu
kei na kauceuti, vua na tiri
kei na vaivai ni vavalagi.
• SEVITEBA—vula i vavakada:
vakaluveni na kawakawa,
se na maqo, vakadataki na
uvi sa kadre, tekivu na
veitiqa ni sa tei oti na yabaki
4
5
6
7
LIALIACI
TABANA NI VOSA KEI NA ITOVO VAKAVITI
Vakamacala ni vosa.
NA VAKADIDIKETAKI NI VOSA VAKAVITI e dua na tiki bibi ni cakacaka e qaravi e
valenivolavola. E sa taba, sa sevu oti tale ga na ivolavosa vakaviti, a dua na inaki e
tauyavu kina na tabana qo. Sa toso sara tiko na kena kacivaki ka vakatetei na ivolavosa kei na ivolavolai
ni vosa vakaviti e yavutaki kina. Sa kumuni tale tiko ga na veivakalelewa kei na itukutuku e so me
na yavutaki tale kina na ikarua ni tabataba. Ia, me vaka ni levu sara na cakacaka e qaravi tiko me baleta
na vosa, e dua na kena editataki na ivola tabaki vakaviti me muria na ivolavolai vou ni vosa vakaviti
sa vakadonua oti na boseyaco me taurivaki.
Editataki ivola
Edita
Ni sa bula vinaka na turaga kei na marama ni noda vanua o Viti.
Sa da yacova tale qo na vula o Seviteba na ikaciwa ni vula ena loma ni
yabaki, sa siro na yabaki, voleka ni mai cava tale e dua na yabaki vakacakacaka.
Sa vakacagau sara tiko na qaravi itavi ena Tabana ni Vosa kei na iTovo Vakaviti ni
noda matanitu. E dua na cakacaka ni tabana na kena vakararamataki na kawa itaukei
ena maroroi ni vosa kei na itovo, qo na vuna e dau taba tiko yani kina na Lialiaci
ena loma ni veivulatolu, me sagai moni kila na lewei Viti na veika e qarava tiko na
tabana qo.
Na yaca ni vola qo na LiaIiaci e yavutaki mai ena vakasama ni sa vaka e beci a yali
tiko mai na noda itovo kei na vosa. Sa dodonu kina meda liaci keda a vakadeitaki
keda tale ena vakamareqeti ni noda vosa kei na itovo
Na Lialiaci e kena inaki bibi taumada me vakasavuya na irogo ni veiqaravi ni tabana
ni vosa kei na itovo ena loma ni vulatolu sa oti.
Ena loma ni tabataba qo e tabaki tiko yani kina na veika sa qarava oti na tabana ena
loma ni vulalima sa oti, Evereli i na Seviteba.
Na dikevi ni nodra ivola na dauvolaivola vakaviti, qo na ivola ni talanoa kei na ivola ni vuli me vakaya-
gataki ena veikoronivuli, e dua tale ga na itavi ni tabana, oya me editataka na ivola me muria na ivolavolai
ni vosa vakaviti ena ivolavosa. E levu vei ira na dauvolaivola qo era sa veitalanoataka oti mai kei
na tabacakacaka ni vuli na nodra ivola, sa mau oti mai na nodra veitalanoa ra qai dau mai rai e
valenivolavola. Na vuni kena dau yaco mai ivalenivolavola na nodra ivola, oya nira dau kerea na ilavo
me taba kina mai na Matabose ni iLavo Maroroi ni iTaukei (Fijian Trust Fund). Me vaka ni doka na
Matabose qo na lewa ni matanitu ena volai ni vosa vakaviti, e sa dau veivakasalataki kina me laurai
rawa e liu na ivolavolai ni vosa ni veivola yadua me muria na kena ivakarau ena Tabana ni Vosa keina
itovo Vakaviti (TVTV). Qo na vuni nodra dau kauta mai na nodra ivola na dauvolaivola me mai editataki
e valenivolavola. Na gauna qo e se editataki wale, sega ni saumi, ia e namaki me na veisau na lewa qo
meda vukei raraba kina na dauvolaivola, vaka kina na valenivolavola ni TVTV.
IVolavosa
Se volitaki tiko ga e valenivolavola, ya $15 na waqa malumu, ya $40 na waqa kaukaua. E tauvata vinaka
ga na lewena.

Tabana 2
Ulutaga NI
Vakadidike
Meke Vakaviti
Veiqaravi Vakavanua
iTovo Vakavanua
vakaviti
Vosavosa vakaviti
Noda bula na iTaukei/
Bula Vakavanua
iCavuti Vakavanua/
Yasana
Vakadidike ni Vosa
ITukutuku Makawa
(History)
Wai Vakaviti
Tukutuku ni Veivanua
Cakacakaniliga ni
Turaga kei na Marama
Waivakaviti
Volitaki tiko e valenivolavola
tauya $15.00. Tiko e
loma na ivakamacala ni
wai kei na kau. Rawa ni lai
voli tale ga e ena vanua ni
volitaki ivola e USP tautauvata
vinaka na kena isau.
LIALIACI
Vakatataro e valenivolavola
E dau veivuke na Tabana ena nodra qaravi na lewenivanua dau gole mai mera mai
vakadidike, rogo ivakasala kei na ivakamacala me baleta na veika eda kilai tani kina na
itaukei. E dua na inaki levu ni veiqaravi mera qaravi ena ivakatagedegede vinaka
duadua o ira na dau vakatataro mai ena talevoni, emeli, volavola mai se ra gole
vakadodonu sara ga mai e valenivolavola.
E tu na ulutaga lelevu eda rawa ni mai wilika se dikeva nida mai vakadidike se da
vakatataro mai. E tu tale ga na iyaloyalo e so vakarautaka na tabana me vaka na
veivaguni, somate & me rawa ni oni mai sarava me vukea na nomuni vakadidike.
E tiko na valenivolavola e Draiba,ena lomanibai ni valenibose levu vakaturaga, ena
matai ni tabavale, rau tiko veitikivi ga kei na valenivolavola ni veitarogi vanua.
Veitaba kei na Katotatoni.
E dau gole na tabana me tabaka mai na veisoqo vakavanua dau
vakayacori me vaka na veibuli, somate, kaumatanigone, carasala,
vakamau, qoli vakavanua, kei na solesolevaki. E dau tabaki tale ga na
vuli e qaravi ena dua na vanua. Qo e so na vanua a tabaka, kumuni
rawa tale ga na kena itukutuku mai cava na vula ono sa oti.
Tikinisiga Veiqaravi Koro, Tikina, Yasana
3/04/09 Qaravi na vuli ni turaga ni
koro ena yasayasa vaka
Wainibuka.
24/04/09 Dolavi ni valenibose ni
yasana o Kdavu.
22/05/09 Vakatabui ni
valenivolavola vou ni
Tabacakacaka iTaukei
e Draiba.
27/06/09-30/06/09 Vulagi dokai ena soqo
ni meke kei na
cakacakaniliga e Bua
29/6-1/07/09 Vuli ni vakailesilesi e
PSC
9/07/09 Vuli ni qasenivuli itaukei
ena FTA Hall
14/7/09 Vuli ni tabagone ena
wasa Pasifika
8/08/09 Veitalaci vei ira na
turaga na Peresitedi
Tailevu
Suva
Draiba, Nasese
Nabouwalu, Bua
Nasese, Suva
Knollys Street
USP
Lomanibai ni kovana

LIALIACI
Vakailesilesi veiqaravi uasivi ni Tabana
A mai digitaki o Taoba Ratu me vakailesilesi dau veiqaravi uasivi duadua ena loma ni
tabana e na Jiulai na ika20 ni siga. Qo me baleta na lomani vula tolu sa oti. Na nona
mai digitaki me vakailesilesi veiqaravi uasivi rau a vakatulewa kina na vakailesilesi liu ni
valenivolavola. Tiko na yavu e rau a cakacaka mai kina.
Qo e dua na tiki ni veiqaravi eratou cicivaka tiko na komiti ni veiqaravi uasivi na kena
dikevi na nodra veiqaravi na vakailesilesi ena loma ni vula 3. Dau raici me savasava na
valenivolavola kei na teveli ni cakacaka, vakayacani vakavinaka na vei faile, me kua ni
dua na ka me biu vakaca.
Dau tiko na gauna e dau wavoki mai kina e rua na lewenikomiti me raica na savasava
ni teveli. Dau kabi tale ga kina na pepa damudamu kena ibalebale ni duka na teveli
gadrevi me samaki, pepa dromodromo me vakavinakataki tale na savasava ni teveli ni
cakacaka.
VANUA: Yadrana, Lakeba, Lau
TAOBA RATU:
TABA NI CAKACAKA: Tabana ni vakasokumuni tukutuku ena veikoro (IPR Team 1), TVTV.
VULI: vuli ena koronivuli na Dudley High School, ni bera ni vuli ena USP.
Vuli ni Vakailesilesi
E na ika29 ni siga ni Vula Jiune i na matai ni siga ni Jiulai a vakayacori kina e dua
na vuli ni vakailesilesi vakamatanitu mai Nasese. A vakarautaka na vuli siga tolu
qo na tabana ni PSC, ra tiko kina na vakailesilesi cakacaka vakamatanitu . E
ratou lewe 11 na vakailesilesi ni tabana, ra lai tiko rawa ena vuli vakarautaki qo.
Na vuli qo e vakatabakidua ena nodra vukei na vakailesilesi ena veiqaravi vinaka
e valenivolavola, tabana ni tiko bulabula kei na lawa ni cakacaka vakamatanitu.
E levu sara na veika vinaka e vulici kina, e dua na ka e vakabibitaki
tiko kina na vakayagataki ni gauna. Era vulica tale ga na vakailesilesi na maroroi
ni iyaya ni cakacaka kei na veilawa ni matanitu e vauca e dua na vakailesilesi
vakamatanitu.
A dolava na vuli o Mrs Seini Bolobolo ka dua na ka e cauraka toka ena siga oya
ni vuli e dua na ka bibi veitalia na yabaki ni bula o sa tiko kina . A veituberi ena
vuli o Kelepi Kubunameca. Ni oti na vuli a soli tale ga na sitivikiti.
Vakailesilesi ni Tabacakacaka era vuli sigatolu ena PSC TRAINING CENTER [Induction course]
TABANA 3
Taoba Ratu
[Uasivi duadua na nona
veiqaravi ena vula o Evereli—
June
Vakailesilesi vakaitutu tale
ga ena veiqaravi uasivi
ni vula o Epereli — June

Tabana 4
VEIVAKARARAMATAKI
Na kena vakayacori na
veivakararamataki ena
vukudratou na vakailesilesi
dauvakasokomuni
itukutuku, a qarava ga o
Ulaiasi Davuke ena nona
salavata kei ratou na
vakailesilesi ni Yasana o
Tailevu, Tabana ni Teitei kei
na Tabana ni Tuvatuva ni
matanitu. Qo na kena lai
vakadreti o ira na
lewenivanua ena ituvatuva
sa tiko ena matanitu me
qaravi ena nodra veikoro
ka keitou kalougata ni
ratou vakadonua na
valenivolavola ni Yasana
me lewe ni ilakolako o
Ulaiasi me rawa ni lai
vakamacalataki na inaki ni
vakasokomuni itukutuku.
YASANA SA QARAVI OTI.
1. Rewa
2. Serua
3. Namosi
4. Tailevu
5. Ovalau
Rauta ni 271 na koro sa
mai qaravi rawa.
Sa tekivu qaravi sara
tiko yani ena gauna qo
na yanuyanu o Moturiki.
Bose ni Model law
Na vakasokumuni tukutuku mai Lau
LIALIACI
Kilaka iTaukei e DODONU ME Maroroi.
Ena vuku ni veiqaravi ni vakasokumuni itukutuku kei na kena
lawa, ratou a lai bose i Nadi ena ikalima kina ikaono ni vula o
Maji na ivukevuke ni Vunivola Tudei ni tabacakacaka iTaukei, na iliuliu ni Tabana ni
Vosa kei na le rua na vakailesilesi ni Tabana ena iulutaga ni kena maroroi vakalawa
na keda itukutuku makawa.Na bose qo e okati kina na veimatanitu ena wasa
Pasivika na WIPO wili kina o Niusiladi kei Ositerelia , bau lewe tale ga ni bose na
veika sa vakayacori tiko ena matanitu o Viti. Qo na tikina a qai gole mai kina na
kerekere ni matanitu o Papua kei Niu Kini me vakau mai e dua na vakailesilesi me
mai vulici na iwalewale ni kena vakasokomuni na itukutuku ena noda vanua. Ratou
a mani vakauta mai na Tabana ni Veika vakavanua mai Papua kei Niukini e dua na
nodratou vakailesilesi me mai vuli macawa tolu ena noda vanua. Totoka na
ivakarau ni nona mai vuli cakacaka me vaka ni via tautauvata ga na draki ni noda
bula ka rawarawa na nona mai veimaliwai kei ira na vakailesilesi ni Tabana. Na
imatai ni ka na nona mai vakaitaukeitaki ka vakaveikilaitaki kei ira na vakailesilesi e
cake ni Tabacakacaka itaukei wili kina na turaga Vunivola Tudei. Sa qai tarava na
kena tuvai na ituvatuva ni veika me qarava o Ili me vaka na nona kilā na iwalewale
ni vakadidike ena kena kau mai na itukutuku,rogovolai,editataki ka vakacurumi ena
mona livaliva. A bau tomani ratou tale ga na vakailesilesi ena nona a lai veiqaravi
ena koro o Nasautoka ka lai vulica kina na draki ni bula ni tu vakavanua, vakabibi
nida sota tiko kei ira na itaukei ni tukutuku. E rawa sara vakavinaka na veika e
gadreva na matanitu o Papua Niu Kini ena nodratou veilesi vei Ili ka da nuitaka ni
na lai mana sara na veika e mai vulica o Ili ena kena lai vakavotukanataki na
cakacaka qo ena nodra vanua .
Na Lawa ni kilaka ni itaukei.
Sa mai qaravi oti na imatai ni nodratou dabe na komiti ni lawa vakatokai tiko na Model
Law on Traditional Knowledge & Expression of Culture. Sa qaravi tiko na veitalanoa ni
kena vakavotukana taki na lawa ni kena taqomaki na vuku kei na kilaka vakaitaukei. Sa
duri oti e dua na kena komiti me qarava na itavi qo ka ratou lewena na vakailesilesi ni
tabana ni lawa ni matanitu, Tabacakacaka iTaukei kei iratou mai na Tabana ni vuli. Sa
tiko tale ga na ituvatuva ni veivuke mai vei iratou na Forum Secretariat ena kena vakaoti
na lawa qo. Ratou veivuke tale tiko ga mai kina na tabana ni lawa e Vuravura na World
Intellectual property Organisation (WIPO). Na inaki ni lawa qo me maroroa, vakabulabulataka
na itovo kei na ivakarau, taqomaka na kena vakasabusabutaki mai taudaku se vei
Vakasokumuni Itukutuku ena veikoro.
Na veiqaravi ni vakasokumuni tukutuku ena loma ni 3 na vula sa oti a qaravi
rawa kina e 5 na tikina tekivu yani e Wailevu, Naloto, Nayavu, Nasautoka kei
na tikina makawa o Nailega. E dau lai vakasokumuni mai na itukutuku ena
veikoro, qai dau mai maroroi tu e valenivolavola. Na kena tekivutaki e
yavutaki ena kena laurai ni sa tubu sara toka vakatotolo na veivoli, sa
vakayagataki tiko kina na iyau vakamareqeti kei na kilaka noda na itaukei.
Eratou lewe 6 na vakailesilesi ni vakadidike ratou qarava tiko na vakasokumuni
itukutuku ena veikoro.
Sa mai qaravi oti na yasayasa vaka
Wainibuka kei na yasana o Tailevu ena
loma ni vula tolu sa oti, sa qaravi oti tale
ga na yanuyanu o Moturiki, sa
vakanamata tu na timi me lai qaravi na
yanuyanu o Koro.

NA SOQO NI VEISISIVI VOSA KEI NA ITOVO MAI BUA.
E dau sureti tale ga na tabana me dau lai vakaitavi ena veisoqo e so e tiki ni kena porokaramu
na itovo kei na vosa. E na ika7 ni siga ni vula o Evereli a yaco mai e dua na ivola
ni veisureti mai na valenivolavola ni yasana o Bua.A kauwai sara kina na valenivolavola,
mani vakadonui kina e dua na timi lewena yani o Sekove, Simione kei Mereoni me lai
vakaitavi ena kena turaganilewataki na vosa, meke kei na isulusulu.A vakayacori na soqo
siga rua qo ena rara mai Naulumatua, vulagi dokai kina na adi senitoa ni yabaki sa oti
(2008) Adi Filomena Tuivanualevu.A vosa na goneyalewa ni Bua lomanikoro qo, veivakadrukai
na veika e tukuna ni dua na vuni nona lai qaqa, dei nona ivakarau ni bula ni ta vakavinaka
yani ena vosa kei na itovo ni nona vanua dina. A vosa tiko ga vakaBua. Ni oti na
nona vosa a buturara mai na matameke ni Driti.
A vakayacori na veisisivi vosa vakaBua, tolu na kena iwasewase.Vakayacori tale ga na
veisisivi meke, 6 na tikina ratou veisisivi, veisisivi sere ni vanua, kei na vakaraitaki vuaniqele.
Ena siga tarava a qai vakayacori kina na vakaraitaki sulusulu, buiniga kei na
vakaraitaki gone(baby show).
Filomena Tuivanualevu
ena nona dolava na Bua
Show.
1. 2.
1. Sekove B.—vulagi dokai ni veisisivi vosa kei na
meke. 2. Ifiremi– gonevuli ni Bua District.
USP— LL161 / LL162
LIALIACI
LL161 kei na LL262 e rua na lesoni ni vuli vosa vakaviti ena Univesiti ni Ceva ni Pasifika
e kena qasenivuli o Mrs Mereisi Kamoe kei Paula Qereti. Ena ika21 ni siga ni vula o
Okosita, era saumi taro kina na vakailesilesi ni tabana vei ira na gonevuli (USP) lewe 15,
ena nodra sarasara mai e valenivolavola. E levu sara na taro a tarogi, me vaka na taro ni;
vakasokumuni tukutuku ena veikoro, na lawa (model law), na itavi ni tabana kei na tabacakacaka
ni vuli kei na so tale. E marautaka vakalevu na tabana na nodra sarasara mai
na gonevuli, sa dola tu na valenivolavola vei kemuni na lewenivanua,
gonevuli ke oni via vakatataro mai.
Ira na gonevuli ni USP ena nodra wavoki mai e valenivolavola
Matameke ni Solevu, Bua—vakarau
tiko na meke
Vakailesilesi ni Tabana ni oti
mai na veitalanoa kei ira na
gonevuli ni USP
Tabana 5
Caption describing picture
or graphic.

Tabana 6
Induction course
Dola ni Kadavu House
Bose ni “model law”
LIALIACI
Na italanoa ni Veli mai Namosi
Talanoa
E dua na turaga mai Namosi na yacana o Vuruna, e moce tiko mai Wainikovu na nodra
vanua na veli mai Namosi. Ni moce koto ena dua na bogi, sa cabe mai na vula sa
qai rogoca o Vuruna nira sa maue na veli, era sa veikacivi mera lai meke i na matanivale
e davo koto kina. Nira sa soqoni yani i matanivale oyā sa ra qai lagata toka na
nodra meke.
Ni sa rogoca na meke oyā o Vuruna sa duri cake, sa lomana me lako yani i waitui
mani yawa, lomana tale me lako i Namosi qai mani yawa tale ga. Sa qai duri, vauca e
rua na matani bukawaqa, me qai tatamataki, sa qai liwa mai na caucau ena bogi qai
caudre na ivau matanibuka, era qolouvaki koya na veli. (na vosa qo na tātamataki, qo
me vakaivuataki me dua na icolacola iliu dua e muri).
E dua tale na siga sa qai tobo mai e dua na veli, mai tiko voli e Namosi, sa qai kaya
na turaga mai Namosi me sa lai cuki na nona were mera lako kece sara na tamata i
na were me lala na koro. Oti era sa qai lesia na veli me vakatawai ira tiko na goneturaga
kei ira na gonemarama mai Namosi me vakawelei ira tiko. Ni sa lala na koro era
sa tiko vakai ira sa qai tarogi ira na gone o Ra Veli, se o cei e dua tiko na magimagi
nei tamana? Era qai kaya mai na gone, e levu tu na magimagi eke. Qai kaya na veli
mera lai kaukau mai, era sa qai dui cici i na nodra veivale mera lai kau magimagi mai.
Nira sa yaco mai sa qai kaya vei ira o Ra Veli mera moce, ra sa dui moce kece, sa
qai sorita kece na katuba ena magimagi me qai vō vakalailai ga na vanua me curu
kina, oti sa qai visaga na vale. (na vosa qo na sorita e tautavata tiko na kena talitali
vata e dua na ka me bā) Era qai kama kece o ira na gone a ra tiko e lomanivale, qai
mani bula taudua ga na veli, a mani dro yani i veikau.
Nira sa lesu mai o ira na lai cuki, era sa kama yavu tu o ira na gone, sa qai cudru na
turaga mai Namosi, e qai kaya me sa vakamatei ga na tamata a toboka mai na veli.
Ia na yaca i koya ka toboka mai na veli o Caviraki. Sa lai kau sara mai sa tarogi sa
qai mani kaya o koya me na tovolea me lai toboka tale mai na veli, ke sega ni rawa
me sa vakamatei. E na mataka, sa qai vakarau o Caviraki, sa lai kelia mai e so na
uvi, e lai qoli tale ga me rawa e so na ura, sa qai lako yani me lai tavuna na uvi i na
vuni dakua, sa qai kulia (kauta tani) vinaka sara me vaka e dua na vulavula ni sulu.
Qai tavuna na ura me boica mai na veli na kena iboi me qai siro sobu mai na tuvukā
ni dakua. Ia o Caviraki sa lai vuni toka, sa lai kania tiko na uvi kei na ura o Ra Veli, oti
sa qai toboka a kauta yani i Namosi.
Sa qai tubu na kena lovo me sa vavi na veli, sa dede sa qai kaya na turaga me lai
kilici mai na lovo. Ni sa lai keli na lovo e sega mada ga ni mate na veli e se bula vinaka
tu ga. Oti sa baci kaya tale na turaga me tubu tale na lovo me vavi tale vakarua,
sa dede vakalailai era sa baci kaya mai me lai keli na lovo. Oti oyā sa qai kaya mai e
dua me kau mai na balabala me mai buka ni lovo. Ni sa rogoca ga na veli sa qai tagi
me bula. Sa lai kau sara mai na balabala me mai kena buka, oti sa qai mai mate yani
na veli.

1.
1. 2.
3.
Sobu
N
U
3.
Q
A
E
2.
4.
1. Mataqali ika ni
waitui vaqalona,
sega na varina se
buina.
2. Vosa ni vakarokoroko
A
M
A
S
7.
I
Vakababa:
O
6.
A
S
8.
A
4.
S
U
9.
A
U
Vosa Veita
1. Ibe malumu, tali vakalevu
mai Vanualevu
3. Tautauvata na ikolo
4. Vosa ni qoroqoro ena so
na vanua.
Qo na isau ni vosa veita a taba ena ikarua ni tabataba
ni Lialiaci
5.
I
V
I
A
LIALIACI
1
2
Tabana 7
[1,2 Soqo ni nodra talaci na Peresitedi]
3,4,5-Na vakatabui ni
valenivolavola e Draiba
6,7-Vuli ni edita ni vola, volavolai
ni vosa vakayacori e
FTA hall.
7
3
4
5
6
‘Youth
Festival’
e USP

Na Tabana ni Vosa kei na iTovo e qarava na veika me baleta na vosa kei na itovo baleti keda na
itaukei. E sega ni qaravi wale ga na vosa, e maroroya tale ga na veitukutuku se ivakamacala tale e
so me vaka na cakacakaniliga, meke, veiqaravi vakavanua, vakamau, veivagunuvi kei na levu
tale. Na veitukutuku kece e dau mai maroroi tu e valenivolavola me na vukei ira na lewenivanua
ena nodra vakadidike. Kevaka tale ga oni vakarau donumaka e dua na oga vakavanua, e rawa
ni lai katoni, a tabaki ena video [yaloyalo]. Qo ena vakatau ena ituvatuva ni valenivolavola kei
na nodra galala na vakailesilesi. Ni qiri mai valenivolavola ena talevoni 33100909 ext 1040
vosa vei Mereoni, se feks [fax] ena 3308761. E rawa tale ga ni oni imeli mai vei Mereoni Dikula,
na neitou daunitukutuku ena mdikula@govnet.gov.fj se ni volavola mai vua na iliuliu ni Tabana
ena:
Na Iliuliu Director
Tabana ni Vosa kei na iTovo Vakaviti Institute of Fijian Language and Culture
Katonimeli 2100 GPO Box 2100
Valenitabacakacaka, Suva. Government Buildings
Suva
© Tabana ni Vosa kei na iTovo Vakaviti, 2009.
Tabacakacaka iTaukei