16 қаңтар сенбі

SARYARQA SAMALY
АУЫЛ-АЙМАҚ
16 қаңтар, сенбі, 2021 жыл
9
ЕКІБАСТҰЗ ҚАЛАСЫ
-
ПАВЛОДАР АУДАНЫ
-
АҚҚУЛЫ АУДАНЫ
-
ТЕРЕҢКӨЛ АУДАНЫ
Шет қалмайды
Екібастұз қаласына қарасты
бірқатар елді мекенде ұялы
байланыс пен интернет желісі
оң жолға қойыла бастады.
Талайдан бері байланыстан
тыс жерде болған тұрғындар
енді технологиялардың игілігін
қиындықсыз көре алады.
Екібастұздағы 250 адамнан астам
тұрғыны бар ауылдарда интернетке
қолжетімділікті қамтамасыз ететін
базалық станциялардың құрылысы
басталды. Өткен жылдың соңында дәл
осындай нысан Шиқылдақ ауылында
іске қосылған болатын. Жарты айдан
астам уақыт аралығында байланыстың
сапалы екені байқалды.
Алдағы екі айда Бесқауға, Сарықамыс
және Тай елді мекендерінде ұялы
байланыстың желісі тартылады. Бұл
жобаны «Кар-Тел» ЖШС жүзеге асырмақ.
Яғни, тұрғындар «Beeline» брендімен
танымал байланыс операторын пайдалана
алады.
Өз тілшіміз.
Кәсіпкердің құқығы
қорғалды
Былтыр Павлодар аудандық санитарлық-эпидемиологиялық
бақылау басқармасының мамандары новочернояркалық сатушыны
санитарлық талаптарды бұзғаны үшін жауапқа тартқан
болатын. Бірақ бүгінде бұл жазаның күші жойылды.
Ауылдағы дүкенге мониторингтік топтың
өкілдері келген тұста сауда орнында
сатып алушылар болмапты. Ал сатушы
дезинфекциялық жұмыстарды жүргізіп
жатқандықтан қолғапсыз болған. Аудандық
санитарлық-эпидемиологиялық бақылау
басқармасының қызметкерлері мұны тәртіп
бұзушылық деп таныды.
Бірақ дүкеннің иесі санитарлық сала
өкілдерінің шешімімен келіспей, Өңірлік
кәсіпкерлер палатасынан көмек сұрады.
Кейін белгілі болғандай, сатушы бірден
өз кінәсін мойындапты. Сондықтан оған
айыппұлдың орнына тек ауызша ескерту
берілген.
Соған қарамастан, кәсіпкерлер құқығын
қорғау кеңесінің ұсынысы бойынша бұл
іс Павлодар аудандық прокуратурасының
қарауына берілді. Өз кезегінде прокурорлар
бұған дейін толтырылған хаттаманың күшін
жойды. Осылайша, Павлодар ауданының
кәсіпкері өз құқығын қорғап қалды.
Қ.ТІЛЕКТЕСҚЫЗЫ.
Ауыл тұрғындарымен
жүздесті
Аққулы ауданының әкімі Абзал Балғабаев әр ауылды аралап,
тұрғындарымен жүздесіп, ұсыныс-тілектерін тыңдады.
Әкімнің сөзінше, биылғы жылы 6 ауылды
ауызсумен қамтамасыз ету мәселесі
жоспарланған. Егер облысқа берген
бюджеттік өтінім бекітілсе, Баймолдин,
Тақыр, Қызылқоғам, Мерғалым, Майқарағай,
Төсағаш ауылдарына су құбыры тартылады,
Аққулыдағы бұрынғы құбыр қайта іске
қосылады деп күтілуде. 39 шақырымдық
Қарақала-Қазы бағытындағы тас жолының
жасалуына да қаржылық мүмкіндік беріледі
деген үміт бар.
- Сондай-ақ, 24 пәтерлі үйдің жобасы
әзірленуде жатыр. Ол үй Аққулыда бой
көтеретін болады. Одан бөлек 2-3 ауылға
футбол алаңдары салынады деген жоспарымыз
бар. «Ауыл - ел бесігі» бағдарламасы
бойынша Ямышев ауылында мәдениет үйі
салынады. Аталмыш ауылдың 5 көшесіне
тас жол төселіп, балабақша ғимаратында
жөндеу жұмыстары жүргізіледі. Өткен
жылы Малыбай мен Баймолдин ауылдарына
ұялы байланыс орнатылды.
Жақында соған іргелес Тақыр ауылына
да байланыс жететін болады, - деді
аудан әкімі.
Жас патриоттар
Э.ӘБЕТЖАНОВА.
Аудан орталығындағы Қатша Оспанова атындағы №3 мектепте
«Жас сарбаз» кабинеті ашылды.
Салтанатты жиынға мектеп ұжымы,
аудандық қорғаныс істер жөніндегі бөлімнің
басшысы Ж.Нұрқайдар қатысты. «Жас
сарбаз» кабинетінде білім алушылар
алғашқы әскери дайындық сабағында
өткен теорияны тәжірибемен ұштастыратын
болады. Жасөспірімдер әскери істі жақсы
меңгеріп, төтенше жағдайлардан қорғанудың
тәсілін үйренеді. Қажетті құралдарды дұрыс
пайдалануға машықтанады.
- Мектеп қабырғасындағы балаларға
әскери-патриоттық тәрбие беруде ұстаздың
алатын орны зор. Өйткені мұғалім болашақ
Отан қорғаушыны дайындайды. Алғашқы
әскери дайындық пәнінің ұстазы С.Әділбаев
осы бағытта еңбек етіп келеді. Жастарымыз
теория мен тәжірибені қатар ұштастырып,
еліміздің нағыз патриотына айналады деген
сенімдеміз, - дейді директордың орынбасары
И.Асылғожина.
Өз тілшіміз.
АҚСУ ҚАЛАСЫ
-
ЖЕЛЕЗИН АУДАНЫ
-
Жұмыспен қамтылады
Былтыр «Еңбек» мемлекеттік бағдарламасы Ақсу өңірінде сәтті
жүзеге асып, жаңа жұмыс орындары ашылды. Кейбір тұрғындар
кәсіпкерлік негіздеріне оқытылды. Бұл бағыттағы жұмыс биыл
да жалғасын табады.
Ақсу қалалық жұмыспен қамту орталығы
директорының міндетін атқарушы Алмагүл
Бейсембаеваның айтуынша, өткен жылы
«Еңбек» бағдарламасының бірінші бағыты
бойынша 52 адам техникалық және кәсіптік
оқу курстарына қатысып, қайта даярлаудан
өтті. Осы жылы 35 адамды оқыту
жоспарланып отыр. Бағдарламаның екінші
бағыты аясында былтыр 252 ақсулық
«Бастау» жобасы бойынша кәсіпкерлік
негіздерін үйренсе, биыл 250 адамға
бизнестің қыр-сырын тегін білу мүмкіндігі
беріледі. Сонымен қатар, 2021 жылы 55
тұрғынға 200 айлық есептік көрсеткіш
көлемінде мемлекеттік грант беру
қарастырылған.
- Бұл ретте Ақсу қаласы мен ауылдық
аймақ тұрғындарын жұмыспен қамтуға
баса мән беріледі. Айталық, биыл «Жастар
Ауданда жастар
арасында спортты
дамыту бағытында
ауқымды іс
атқарылуда. «Арман»
спорт кешенінің
ашылуы жас спортшылар
қатарын
толықтырып, жаңа
секциялардың жұмыс
істеуіне мүмкіндік
берді.
АҚТОҒАЙ АУДАНЫ
тәжірибесі» арқылы 143 жастың қызметке
орналасуына қолдау көрсетеміз. Оған
қоса, 180 адамды әлеуметтік, 337 адамды
қоғамдық жұмыстарға тарту жоспарда
бар, - дейді А.Бейсембаева.
«Еңбек» бағдарламасының тағы бір
бағыты - жұмыс күші көп өңірлердің
азаматтарын біздің аймаққа көшіріп
әкелу. Аталмыш бағыт бойынша былтыр
44 отбасы Ақсуға қоныс аударды. Яғни,
217 адам ақсулық атанды. Олардың
қатарына осы жылы да қоныстанушылар
қосылады деген үміт бар.
Жоғарыда аталған мемлекеттік қолдауларға
ие болу үшін Ақсу қалалық
жұмыспен қамту орталығына барып,
мамандардың кеңесін алған жөн.
Боксқа баулиды
Жуырда спорт кешенінде бокс шаршы
алаңы іске қосылды. Спорттың бұл
түріне қызығушылық танытып отырған
жасөспірімдер көп.
- Қазіргі уақытта секцияға 17 бала
жазылды. Аптасына 3 мәрте жаттығады.
Балалардың жас ерекшелігі әртүрлі. Ең
кішісі 10 жаста болса, үлкені 14-те. Үйірме
тегін жүргізіледі, - дейді жаттықтырушы
Бақытбек Сыздықов.
Секция жұмысын ұйымастыруда
қажетті құрал-жабдықтардың барлығы
сатып алынған. Жаттығу залы кең әрі
Қардан тазартты
Қ.ТІЛЕКТЕСҚЫЗЫ.
жарық. Жуынатын және киім ауыстыратын
бөлмелер бар. Спорт кешеніне
аудан орталығынан бөлек, елді мекендерден
келетін оқушылар бар.
- Тұрақты дене жаттығулары балалардың
денсаулығын нығайтып қана қоймай,
тәртіпке, табандылыққа баулиды. Бокс
арқылы әлемге танылып жүрген қазақ
жастары өте көп. Біздің ауданнан да
мықты спортшы шығатынына сенеміз, -
дейді Б.Сыздықов.
Өз тілшіміз.
Ақтоғайлық еріктілер «Қар десанты» акциясын қолға алды.
Олардың күшімен жалғызбасты зейнеткерлердің, мүмкіндігі
шектеулі жандардың, көпбалалы отбасылардың, тыл
еңбеккерлерінің үй аулалары қардан тазартылуда.
Бұл акция ауданның барлық
ауылдарында жүзеге асуда.
Жалпы, еріктілер қозғалысының
құрамында 150-ге жуық жас бар
екен. Олар 12 отрядқа бөлінген.
Жалаулы ауылдық округінің
жастары жалғызбасты зейнеткер
Вера Шильдің ауласында болып,
мол түскен қарды сыртқа
шығарған. Ақжол ауылының
жастары тыл еңбеккері Зоя
Езеповаға жәрдемдесіпті.
Жолболды ауылының еріктілері
Г.Давальченкоға, Мүткенов
ауылдық округінің жастары
Ф.Сайбельге, Ақтоғай ауылдық
округінің еріктілері Т.Лазареваға
қол ұшын созған.
Аталған акция челленджге
ұласып, ауданның барлық ауылдары
белсенділіктерімен көзге
түсіп жатқанын атап өткен жөн.
О. ҚОЖАНОВ.