n° 399 du 15

IKINYAMAKURU KIMURIKIRA ABATURARWANDA 

Umwaka IX: No 399, 15- 22 Werurwe 2010, B.P 4353 Kigali-Rwanda. Tel: 0788354880. E-mail: umuseso@yahoo.co.uk. Frw 500, Ush 1500, Fbu 1000, 

Amabanga hanze 

►Ihunga rya Kayumba 

n’umuryago wa 

Rwigema 

►Abandi ba ofisiye 

bazize 

Umuryango wa 

Rwigema 

►Intambara yeruye 

kuri 

‘legacy’ ya Rwigema? 

RDF yongejwe imishahara kubera 

gutinya Gen. Kayumba 

►Buri mujepe yongerewe ho 200.000, 

Private ubu arahembwa 50.000 

►Isesengura: Ni inzira yo gushimisha 

RDF, ntiyoboke Kayumba 

►Icyo Gen. Karake, wasimbuye 

Kayumba muri DMI, avuga ku 

ihunga rye 

►Isesengura: Kayumba, Kagame, 

bombi mu mayirabiri 

Nyuma ya 

Perezida Kagame, 

hazakurikiraho 

akavuyo 

FPR siyo yazamuye 

Gen. Kayumba, 

ahubwo Kayumba 

niwe wayigejeje ku 

ngoma 

Grenade i Kigali: 

Ninde ubyihishe 

inyuma? 

Deo Mushayidi 

yaragambaniwe? 

Ex- Minisitiri 

Bumaya Andre 

nawe yarahafashe 

This is a Rwanda Independent Media Group (RIMEG) Publication. B.P. 4353 Kigali - Rwanda, Telefone. 0788354880, Email: umuseso@yahoo.co.uk. Printed by The New Vision

Urup. 2 UMUSESO No 398, 15-22 Werurwe 2010 

IBIRIMO 

UKO MBYUMVA 

Didas M. Gasana aribaza 

uko ba Gen. Kabarebe, 

Ibingira, bazifata 

nibashinjwa ibyo bashinja 

Kayumba ubu....P.4 

IBIMBABAZA 

Charles B. Kabonero 

ntakozwa ibisobanuro 

bya Ngarambe kuri 

Kayumba....P.14 

Ikiganiro cya Prof. 

Bamenya na Dr 

Hishamunda...... P.13 

Ubukungu bw'u Rwanda 

bwikubise hasi....P.7 

“Harakabaho Afande Kayumba utwongeje 

umushahara.” Aya ni amagambo nabwiwe 

n’umusirikare umwe w’inshuti, umwe mu 

basirikare barinda Perezida Kagame, ntifuje 

gutangaza amazina ye kubera impamvu 

z’umutekano we. 

Gen. Kayumba akiri umugaba w’ingabo, 

bimwe mu byo abasirikare bamwibukiraho, 

byatumaga benshi banamukunda, ni uguharanira 

ko imibereho y’abasirikare yitabwaho, 

n’umushahara wabo ukongezwa, ariko yarinze 

ahirikwa atabigezeho. Nubwo ubu yahirimye 

ariko, nibura ihirima rye ryongereye abasirikare 

umushahara, nkuko tubikesha bamwe mu 

basirikare twavuganye kuri aya makuru. 

Amakuru agera ku kinyamakuru Umuseso 

avuga ko ubu umusirikare wo hasi (Private), 

azajya atahana amafaranga 50.000 ku mpera 

z’ukwezi, mu gihe abarinda Perezida Kagame 

bo bongejweho 200.000. 

Nkuko tubikesha impande zizewe, abajepe 

nibo babanje kongezwa, abandi basirikare nabo 

barararamika, babibona nabi, bituma nabo 

bongezwa. 

Iyi ni imwe mu nzira yo kugura ‘loyality’ 

ya RDF, kugirango Gen. Kayumba atabona 

abamukurikira, mu gihe yaba ashatse gusubira 

iy’ishyamba, ndetse no kurinda umutekano 

w’umukuru w’igihugu, hashakishwa inzira zo 

kuburizamo aba ‘mescontents’ mu ba Jepe. 

Nubwo gusaba kongerera umushahara 

abasirikare biri mu byo Gen. Kayumba yaba 

yarashwaniyeho na Kagame, na nyuma ye, 

bamwe mu bayobozi bakuru ba gisirikare, 

barimo Major Micombero, Col Nzabamwita 

Joseph, ndetse na Minisitiri w’ingabo, Gen. 

Gatsinzi Marcel, nabo bakomeje kugaragaza 

ingaruka mbi z’imibereho mibi y’abasirikare, 

nkuko bigaragazwa n’ibaruwa Min. Gatsinzi 

Marcel yandikiye Perezida wa Repubulika, 

kuwa 15 Ugushyingo 2006, Ref No: 1845/ 

DEF/343/F/031/06 (Umuseso ufitiye kopi). 

Iyo baruwa ivuga ko zimwe muri izo ngaruka 

ari ugutoroka igisirikare, kwikorera shuguri, 

ndetse no kubura abinjira igisirikare, nkuko 

twigeze kubibagezaho muri iki kinyamakuru. 

Mu minsi ishize, twabagejejeho amakuru yuko 

RDF isigaye ijya mu nkambi y’impunzi, ku 

rekirita abinjira mu gisirikare, kubera kubura 

abashaka kwinjira muri RDF 

Twibutse ko igihe imishahara y’abasirikare 

iheruka kuzamurwa ari mu ivugururwa 

ry’imishahara y’abakozi ba Leta, igihe minisiteri 

y’ingabo yongererwagaho 3.500.000.000, ariko 

abongejwe icyo gihe ni abasirikare bato gusa, 

ariko, nkuko ibaruwa ya Gatsinzi ibyerekana, 

nubwo yasaranganyijwe abo basirikare, 

imishahara yabo yakomeje kuba mito cyane. 

Icyo gihe,umushahara wa Private wavuye ku 

bihumbi 6.877, ugera kuri 12.877. 

Nyuma yo kuraramika cyane kw’abasirikare, 

Afande Tom Byabagamba wa 

Camp GP (Photo/ Archive) 

ITOHOZA 

Igihunga: RDF yongejwe imishahara 

kubera gutinya Gen. Kayumba 

►Buri mujepe yongerewe ho 200.000, Private ubu arahembwa 50.000 

►Isesengura: Ni inzira yo gushimisha RDF, ntiyoboke Kayumba 

►Icyo Gen. Karake, wasimbuye Kayumba muri DMI, avuga ku ihunga rye 

►Isesengura: Kayumba, Kagame, bose mu mayirabiri 

Perezida Kagame, asoza amahugurwa ya 411 

Infantry Brigade, kuwa 13 Ukwakira 2006, 

yasabye MINADEF gukora umushinga wo 

kongeza ingabo umushahara, ukaba warakozwe 

mu mpera z’uwo mwaka, ariko imyaka ikaba 

ibaye ine ntacyari cyagakozwe. 

Ikibazo: 

Mu gihe ubu imishahara y’abasirikare 

yongejwe igitaraganya, ikibazo cyibazwa ni 

aho ayo mafaranga azava, cyane ko ntayari mu 

ngengo y’imari y’uyu mwaka ya MINADEF? 

Iki kibazo twashatse kukibaza umuvugizi 

w’ingabo, Major Jill Rutaremara, mbere y’uko 

tujya mu icapiro, ariko telephone ye igendanwa 

ntiyanyuramo. 

Icyo bivuze ni uko hari amafaranga muri bije 

azaba ‘diverted’, akajyanwa muri MINADEF, 

bivuze ko hari za bije z’izindi minisiteri 

zizagira ayo zigomwa, mu nyungu z’umutekano 

w’umukuru w’iguhugu n’uw’abanyarwanda 

bose, ariko izi nyungu zizagira ingaruka ku 

nzego nk’iz’ubuzima, uburezi, ubuhinzi, 

n’ibindi. 

Kayumba, Kagame, mu mahurizo 

Hagati aho ariko, nubwo Leta y’u Rwanda 

yemeza ko nta kibazo cy’umutekano Gen. 

Kayumba ateye, aya makuru aremeza ko Gen. 

Kagame afitiye Kayumba ubwoba. 

Kongeza abasirikare ba RDF ni imwe mu 

nzira zo guhangana na Kayumba, ariko Leta 

ya Kagame iri mu mahurizo y’uburyo yasenya 

Kayumba burundu. 

Imwe muri izo nzira ni ukwigizayo 

abanyepolitiki n’abasirikare bashobora 

gukekwaho kuba bari inshuti za Kayumba, ku 

buryo hari n’abazabigwamo. 

Kuwa 10 Werurwe 2010, hakwirakwijwe 

amakuru y’ifungwa rya Gen. Karenzi Karake, 

wasimbuye Gen. Kayumba ku buyobozi bwa 

DMI, ubu akaba ari umuyobozi w’ishuri rikuru 

rya gisirikare rya Nyakinama. Uwo munsi, 

ikinyamakuru Umuseso cyaramuhamagaye 

kuri telephone ye igendanwa, atubwira ko 

atari byo namba, ariko ntawe bizatangaza ba 

Jenerali bamwe bafunzwe bazira gukekwaho 

kuba bari inyuma ya Kayumba. 

Indi nzira ni manda isaba Leta ya Afurika 

y’epfo gufata Kayumba, ikamushyikiriza 

u Rwanda, ariko nta masezerano yo 

guhanahana abakekwaho ibyaha ari hagati 

y’Afurika y’epfo n’u Rwanda, bivuze ko iyi 

nzira itoroshye namba. 

Ubwoba Kayumba ateye Perezida Kagame 

si uko yamukura ku butegetsi gusa, 

cyangwa se yateza umutekano mucye mu 

Rwanda, ahubwo hari n’impungenge ko 

Gen. Kayumba, mu rwego rwo kwihimura 

kuri system yamugize imbwa, yisanze mu 

maboko y’ubutabera mpuzamahanga kubera 

manda za Fernando, yavuga ibingana iki? 

Nubwo nawe ari mu mahurizo, ashobora no 

guhitamo kwirenza benshi. 

Kimwe na Kagame, na Kayumba ari mu 

mahurizo. Dipolomasi n’ubutekinisiye bwa 

Leta ya Kigali arabuzi, bityo birashoboka 

ko, Leta ya Kigali izikinnye, igateza ubwega 

n’igipindi cyinshi, Kayumba yakwisanga mu 

maboko ya Polisi y’u Rwanda. Byagenda bite 

icyo gihe? Ni ihurizo. 

Gen. Kayumba azitwara ate imbere ya manda 

za Fernando Andreu, cyane cyane nyuma 

yaho Fernando asabiye Interpol kongera 

guha agaciro manda zimufata kubera ibyaha 

uwo mucamanza amurega? 

“Nta Jenerali uhunga” Gen. Karake 

Umuseso wagerageje kuvugana n’aba 

Jenerali batandukanye bagenzi ba Kayumba, 

kumva icyo bavuga ku ihunga rye, ariko, 

usibye Gen. Karake, abandi banze kugira 

icyo badutangariza. 

Mu kiganiro kigufi kuri telephone kuwa 10 

Werurwe 2010, Gen. Karake Karenzi, yagize 

ati: “icyo nakubwira gusa ni uko nta Jenerali 

uhunga igihugu.” Tumubajije icyo we yakora 

aramutse yisanze mu bihe nk’ibyo Kayumba 

yarimo, Karake yasubije ko yahanganira mu 

butabera. 

Gen. Fred Ibingira, umwe mu bashatse 

kubamba Kayumba muri sekeretariya, we 

yanze kugira icyo atangaza, atubwira ko 

RDF ifite umuvugizi, naho Gen. Ceasar 

Kayizari we atubwira ko ntacyo ashobora 

kuvugana natwe, nkuko ntacyo yavugana 

na Mudacumura (komanda wa FDLR). 

Tumubajije niba adushyira mu rwego rumwe 

na FDLR, yagize ati: “Ahubwo mufitanye 

contrat.” Debat twagiranye na Gen. Ceasar 

Kayizari, tuzayigarukaho mu numero itaha. 

Didas M. Gasana

Ihunga rya Lt. Gen. 

Nyamwasa Kayumba 

nkuko byari byiteguwe na 

benshi, ni intandaro yo kujya 

hanze kw’amwe mu mabanga 

atandukanye niba atari yose 

y’ubutegetsi bwa Kagame. 

Mu nomero ebyiri ziherutse 

z’Umuseso, twabagejejeho 

birambuye ibijyanye n’ihunga 

rye, imbarutso, ingaruka 

ndetse n’isesengura ku 

bintu bitandukanye birigize 

nk’ibijyanye n’inzego 

z’umuekano mu Rwanda 

n’ibindi byinshi. Ariko, hari 

byinshi bitaragarukwaho 

nkuko n’amabanga agikomeje 

gusohoka. 

Ihunga rya Kayumba 

n’umuryango wa Rwigema 

Mu kiganiro yagiranye na 

Radiyo Ijwi ry’Amerika 

nyuma y’iminsi mike ahunze 

u Rwanda, Liyetona Jenerali 

Nyamwasa Kayumba yatangaje 

ko kimwe mu byo yahasweho 

ibibazo n’abasirikare 

n’abayobozi ba FPR mbere 

yuko ahunga harimo imibanire 

ye (kubana neza) n’imiryango 

y’abasirikare baguye ku 

rugamba by’umwihariko 

umuryango wa Rwigema. 

Nyuma mu kindi kiganiro, 

abajijwe ku bibazo bye na 

Kagame, Kayumba yagize ati: 

“ariko mwabanje mukareba 

uko bagira umuryango wa 

Rwigema (umufasha we, Janet 

Rwigema). Ikinyamakuru 

Umuseso kenshi cyagiye 

kigaragaza ko Janet Rwigema 

yagiye ajujubywa n’inzego 

z’umutekano, kimwe n’abandi 

akaba yaramaze gushyirwa mu 

banzi banzi b’igihugu ku buryo 

kugenderana nawe ari icyaha 

gikomeye. 

Ibyo byose byari byakomeje 

kugirwa ibanga, ariko nyuma 

y’ihunga rya Kayumba, Kagame 

ntagishoboye guhisha urwango 

ingoma ye yagiriye umufasha 

wa Rwigema n’umuryango 

w’iyo ntwari y’igihugu 

(yemejwe n’igihugu), cyane 

cyane abasirikare akomeje 

kugirana nabo ibibazo benshi 

bafite aho bahuriye n’icyo cyaha 

gikomeye-kubana cyangwa 

ugenderana n’umuryango wa 

Rwigema. Mbere y’uko twibaza 

ku mpamvu y’urwo rwango, 

amabanga abaturage bahishwe 

UMUSESO 

No 399, 15- 22 Werurwe 2010 

ITOHOZA 

Urup. 3 

Amabanga y’ingoma ya Kagame hanze 

►Ihunga rya Kayumba n’umuryago wa Rwigema 

►Abandi ba ofisiye bazize Umuryango wa Rwigema 

►Intambara yeruye kuri ‘legacy’ ya Late Rwigema? 

bakwiye kubanza kumenya 

ni menshi. 

Abandi basirikare bazize 

Umuryango Rwigema 

Icyo umuntu yakwita 

intambara kuri ‘legacy’ ya 

Rwigema, imaze kugira 

‘victim’ benshi. Uretse 

Kayumba na Karegeya 

bo bagize n’ibindi 

batumvikanaho na Kagame, 

hari abandi basirikare 

bakuru bazize iyo ntambara, 

ubutegetsi bwa Kagame 

bwakinguye kuri ‘legacy’ ya 

Fred Rwigema. 

Mu ntangiriro z’umwaka wa 

2009, ubuyobozi bukuru bwa 

RDF bwasohoye itangazo 

ryirukana burundu aba 

ofosiye babiri bakuru mu 

gisirikare. Abo ni Col. Mulisa 

na Col. Kamili. Ibyabo ba 

ofisiye byakomeje kugirwa 

ibanga kugeza ubu, nubwo 

hagiye havugwa amakuru 

atandukanye. Kugeza uyu 

munsi ariko, amakuru yizewe 

agera ku kinyamakuru 

Umuseso yemeza ko abo 

nabo birukanywe nyuma 

yaho bahuriye n’umuhungu 

mukuru wa Rwigema, 

mu Bugesera yagiyeyo 

gusura, icyaha kinini 

babikozemo akaba ari 

ukumuhuza n’abaturage 

bakamugaragariza urukundo. 

Nkuko uwo dukesha aya 

makuru wasabye kudatangazwa 

ariko wizewe ijana ku ijana 

abitangaza, abo ba ofisiye 

bakiriye uwo mwana, mu buryo 

n’impamvu zidateguwe bisanga 

bamwegereje abaturage, maze 

maneko umwe ukorera muri ako 

gace, Rugumya Gacinya aza 

kubatanga. Bamaze kumenya 

ko yabatanze, nkuko Umuseso 

wabitohoje baje no gufata 

icyemezo cyo gufata uwo 

maneko baramukubita. Gusa, 

icyaha cyabo cyari cyuzuye, 

bahise birukanwa. 

Ibyo byose hamwe n’ibindi 

Umuryango wa Rwigema uri mu byo yazize: Gen. Kayumba (Photo/ 

Archive) 

byinshi bizagenda bimenyekana 

mu minsi iri imbere byabaye mu 

gihe, umufasha wa Rwigema, 

Janet Rwigema nawe yari 

akomeje kwirizwa kuri Polisi 

ahatwa ibibazo n’iterabwoba 

ryinshi, kandi atanafite umuntu 

n’umwe umwegera. 

Uko niko ubutegetsi bwa 

Kagame bwahisemo ko 

umuryango w’umugabo 

waje ayoboye urugamba 

rwo kubohora igihugu, Fred 

Rwigema, uyu munsi nyuma 

yaho Kayumba yivugiye ubwe 

ko yahaswe ibibazo ku mibanire 

ye n’uwo muryango kimwe 

n’indi miryango y’abasirikare 

bapfuye, ubutegetsi bwa 

Kagame bufite uko bufata, 

bikaba bituma umuntu yibaza 

impamvu Perezida Kagame 

yaba ahanganye na ‘legacy’ ya 

Rwigema. Kubana n’umuryango 

wa Rwigema mu buryo 

butashimishije Kagame, ni 

bimwe mu byatumye Kayumba 

amenyeshwa na bagenzi be 

ko yananije ubutegetsi bwa 

Kagame igihe kirekire, asabwa 

kwandika abisabira imbabazi. 

Hagati aho, kuri bamwe, 

uburyo umunsi w’intwari 

usigaye wizihizwamo (wataye 

irangi), ni ikindi kimenyetso 

cyuko iyo ntambara kuri 

‘legacy’ ya Rwigema iharini 

icyaha gikomeye kubana 

neza, kugenderana cyangwa 

kugaragaza ‘solidarity’ ku 

muryango wa Rwigema mu 

bibazo umufasha we arimobimwe 

Nyamwasa Kayumba 

yashakaga kuvuga. 

Mu gihe, abanyarwanda bari bazi 

ko ikibazo gikomeye kiri Smu 

Rwanda, gishingiye ku gitugu 

cy’ubutegetsi n’amaturufu 

y’ingengabitekerezo ya 

jenoside, abanyarwanda ubu 

batewe ubwoba cyane no 

kumenya ko mu bushorishori 

bw’ubutegetsi harimo 

intambara zindi ziremereye 

nk’izo zirimo umufasha wa 

Rwigema n’umuryango we 

zimaze guhitana benshi kuva 

mu mirimo abandi bahunga. 

Intambara kuri legacy ya 

Rwigema? Impamvu? 

Iyo ntambara yatewe ni iki? 

Igamije iki ? Ni nyungu 

ubutegetsi bwa Kagame bufite 

mu kujujubya umuryango 

w’umuntu ukunzwe n’abaturage 

bikomeye nka Rwigema mu 

gihe atakinariho? Biragoye 

cyane gusubiza iki kibazo 

cyane cyane ko ubutegetsi bwa 

Kagame butigeze bugaragaza 

icyaha umufasha we (kuko 

ari we ukiriho), yigeze akora 

cyamugize umwanzi w’igihugu. 

Niyo mpamvu, ababisesengura, 

bemeza nkuko nabigarutseho 

haruguru ko ari intambara 

kuri legacy ya Rwigema gusa. 

Uko biri kose, ni irindi banga 

ry’ingoma ya Kagame rikomeye 

rigihe hanze, abanyarwanda 

bashoboye kumenya, n’indi 

mpamvu kandi yo kugira 

ubwoba bw’ejo hazaza h’u 

Rwanda. 

Charles B Kabonero

Urup. 4 UMUSESO No 399, 15- 22 Werurwe 2010 

IKINYAMAKURU KIMURIKIRA ABATURARWANDA 

Managing Director 

Charles B. Kabonero 

Cell: 0788354880 

Managing Editor 

Didas M. Gasana 

Cell: 0788691253 

Design and layout 

Richard M. Kayigamba 

Cell: 0788671930 

Dore Uko Tubibona 

Demukarasi 

nshyashya: gupfukama 

no kwigaragura hasi 

Mu Rwanda muri iyi minsi, abantu b’ingeri zitandukanye bashishikazwa 

na politiki, bakomeje kuba indondogozi. Bamwe barabyinira ku rukoma 

bavuga ko ubwo no muri FPR ishyamba atari ryeru, wenda byaba 

intandaro yo koroshya igitugu. Koko rero wimana ubwisanzure, ukisanga 

nawe wabwiyimye. Kuri FPR, umuseke wa demukarasi uracyari kure 

nk’ukwezi. Kuyima abanyarwanda muri rusange, byo bijya bigira ibisobanuro 

nko kuvuga ko politiki abanyarwanda bigishijwe imyaka myinshi 

ari iy’amoko. Ariko se, no mu nzego nkuru za FPR, ko higanjemo abantu 

batigishijwe iyo demukarasi, kuki igitugu n’iterabwoba ari byo bishyirwa 

imbere? 

Aho ibihe bigeze, demukarasi, ubwisanzure mu gutanga ibitekerezo, 

byari bikwiye guhabwa intebe, kandi bigatangirira muri FPR. None se ko 

ari yo moteri ya Leta, umuntu azaba yimwe ubwisanzure mu muryango, 

nihagira umusaba kumureka akisanzura niba hari urwego akuriye, azasubiza 

ngo iki? 

Igisubizo Kayumba yaragitanze. Ubwo yitabaga ibikomerezwa bya 

FPR, yasabwe kwemera gusaba imbabazi. Ndetse benshi muri abo ba 

Nyakubahwa, bamubwiye ko bo bazisabye kenshi bapfukamye, byanarimba 

bakigaragura hasi. None se umugabo kwigaragura hasi imbere y’undi 

mugabo niyo demukarasi? Nibwo bwisanzure se? Ahari wasanga ari yo 

miyoborere myiza, abahanzi bashyize mu ndirimbo zidasiba guca ku maradiyo 

na televiziyo bya Leta! 

Ubwanditsi 

Mu mwaka wa 2007 urangira, 

abanyamakuru babiri, Shyaka 

Kanuma na Arthur Asiimwe, bigeze 

kumarana umwanya munini na 

Charles Kabonero, umuyobozi 

mukuru w’Umuseso, i Nyarutarama 

Tennis Club. Mu byo baganiriye 

harimo n’igitekerezo nari maze 

iminsi nanditse muri The Newsline, 

gifite umutwe ugira uti: “Rwanda: 

The two faces of a nation”. Mu 

kinyarwanda, bivuze: “Rwanda: 

Amasura abiri y’igihugu.” 

Ntibaganiraga kuri ‘content’ irimo, 

ahubwo bo bamwemezaga ko tutari 

‘professional’, ko nakabije, aho 

kujya muri debat y’ukuri kw’ibyo 

nanditse. 

●●●●●●●●●●●●● 

Kuwa 11 Werurwe 2010, nagombaga 

gukora interview kuri Hotel 

Serena, yo kujya mu mahugurwa 

y’iminsi 10 mu Bwongereza, mu 

kwezi gutaha. Abandi bari bakoze 

interview ku wa 09 Werurwe, ariko 

njye ntibyanshobokera. 

Mu ijoro ryo ku wa 09, umwe muri 

abo banyamakuru navuze haruguru 

yashoboye kumvisha abongereza 

bakoreshaga interview, ko mfite 

urubanza, bityo ntazemererwa kuva 

mu Rwanda, nabo barabyemera. 

Ibyo nabimenye mu gitondo, kuwa 

10 Werurwe 2010. Uwampamagaye 

kubimbwira yampamagaye mu gihe 

nanjye nari kuri Serena, aho nari 

mfite gahunda n’umwe mu bakozi 

ba East and Horn of Africa Human 

Rights Defenders. Twarabisetse 

cyane. Nari mfite ubushobozi bwo 

kureba abo bongereza, cyane cyane 

ko nari kuri Serena, nkabasobanurira 

ikinyoma babeshywe, ariko 

amahugurwa y’iminsi 10 si ikintu 

cyanshishikaza cyane, ngo kintere 

umwanya. 

●●●●●●●●●●●●● 

Major Jill Rutaremara ni umuvugiz 

wa RDF. Mu nyandiko ndende 

aherutse gusohora mu kinyamakuru 

The New Times, Jill aragaragaza 

ko Kayumba yazize ingeso mbi 

nyinshi, zirimo ikimenyane, gushoza 

amatiku, ivangura, ubusambo, no 

kwigwizaho umutungo mu buryo 

buri ‘primitive’.Akomeza avuga 

ko Perezida Kagame ari umntu 

wihangana kandi wihanganira 

ibitekerezo n’imico y’abandi, ariko 

kandi unasaba byinshi iyo bije 

ku gukunda igihugu, kwitanga, 

disipline, ubutabera n’ibindi nka 

‘accountability, transparency, na 

integrity’. Akomeza agira ati: 

“Kayumba who cherishes nepotism, 

greed, divisionism, intrigues and 

na 

Didas M. 

GASANA 

UKO MBYUMVA 

Gen. Kabarebe, Ibingira, Jill: 

Ibyo mushinja Kayumba, aho 

namwe ntimuzabishinjwa? 

self glorification as evidence shows 

could not meet these demands; 

the fact that he has mastered the 

art of pretence and concealing his 

true character notwithstanding.” 

Ibi bishatse kuvuga ko Kayumba, 

n’ingeso ze yagaragaje hejuru, 

atashoboraga kuzuza ibyo Kagame 

amusaba.Jill akomeza yemeza ko 

inzego z’ubushinjacyaha aribyo 

zendaga kumubaza, agahita atoroka 

igihugu. 

●●●●●●●●●● 

Inzego z’ubushinjacyaha Major Jill 

avuga, ni itsinda twabagejejeho mu 

kinyamakuru Umuseso giherutse, 

ryarimo n’abasirikare bakuru bagenzi 

be, nka Gen. James Kabarebe, Gen. 

Jack Nziza, Gen. Fred Ibingira, 

n’abandi. 

●●●●●●●●●●● 

Singereranya abanyamakuru 

n’abasirikare- ni abantu batandukanye 

cyane, ariko icyo izi ngero zihuriyeho 

n’uburyo Leta ya FPR ikoresha 

abantu mu kurwanya ukuri, mu 

nyungu zayo, mu gusenya, cyangwa 

se kunenga abandi buhumyi, haba 

mu nyungu zikomeye za Kagame na 

FPR, ndetse no mu bintu biri ‘trivial’, 

nko gukoresha abanyamakuru bamwe 

mu kurwanya ukuri umuntu abona- 

keretse udashatse kukubona.Ibi byo 

birazwi. Biramenyerewe kuri Leta 

ya FPR. Kugambanirana, gushinja 

abantu ikinyoma, n’ibindi. Ni na 

tekinike ya kinyeshyamba, ifitiye 

bamwe inyungu, ariko icyo umuntu 

akwiye kwibaza, ni niba abakoreshwa 

mu bugambanyi, bajya bamenya ko 

nabo amaherezo bazashinjwa ibyo 

bategekwa gushinja abandi.Ndahera 

ku ngero ntoya. Nk’umunyamakuru 

Arthur Asimwe, wanshinjaga 

kutaba ‘professional’, nta kibazo pe, 

afite uko abona ‘professionalism’, 

ndanabyubaha mu kuba 

dutandukanye mu mitekerereze, ariko 

umuntu yakwibaza impamvu 'kuba 

professional’ kwe byamwirukanishije 

muri The New Times mu minsi 

ishize. Arthur yabaye ‘Victim’ wa 

system yavugiye neza, yatatse uko 

abishoboye kose. Abantu nka 

Kayumba, Karegeya, bakoreye 

iyi system pe, baricaga bagakiza, 

ariko baza kugirana ibibazo na 

Kagame. Ubu barabarizwa mu 

buhungiro. Dukomeze imbere ariko 

dushishoza: Umuntu nka Ibingira, 

Kabarebe, Nziza, Jill, bajya bibaza 

niba nabo bagiranye ibibazo na 

Kagame, cyangwa se system, ko 

bazashinjwa ibyo ubu bashinja Gen. 

Nyamwasa. Umuntu nka Major 

Jill ndamwumva pe- ibyo avuga kuri 

Kayumba nibyo ahemberwa, ariko, 

no mu gipindi, ngirango n’abatera 

igipindi bajye bakoresha ‘logic’ 

ituma umunyarwanda ‘usanzwe’, 

atabona igipindi vuba. Jill ageze 

aho abeshya abanyarwanda ko Gen. 

Kayumba yigwijeho umutungo mu 

nzira zitari zo- abaye Umuvunyi 

mukuru muri macye. Kuvuga 

ko Kayumba atashoboraga kuzuza 

ibyo Kagame asaba iyo bijemo 

gukunda igihugu- ku muntu wataye 

akazi ke muri Uganda (District 

Administrator), akamara imyaka 

4 ku rugamba, akarurokoka nkuko 

Kagame yarurokotse, akiyahura mu 

mashyamba ya Congo akurikiye 

'umwanzi', si ukwibagirwa vuba gusa, 

ahubwo harimo no kutamenya icyo 

umuntu avuga. Ninde musirikare 

wakwihandagaza akavuga ko 

yakoreye igihugu kurusha Kayumba, 

ari mu kugeza FPR ku butegetsi, 

kwivugana abanzi bayo, ariko ubu 

azize system yagize uruhare rukomeye 

mu kubaka. Ni inyiturano, ariko se 

ubu, Kabarebe, Ibingira, bajya 

bibaza ko nabo byazabagendekera 

gutya?Ndemera ko abo bose baba 

bakorera ku mabwiriza y’abakuru 

babo, kugirango bakomeze babe icyo 

bari cyo, ariko ni byiza kubibutsa 

ko bashobora kuzisanga babaye nka 

Safari Stanley. Mu 1994 APR ifata 

igihugu, Kayumba ntiyatekerezaga 

ko yazisanga mu buhungiro na 

none. Iyi saha, abo ba Afande nabo, 

ntibazi aho bazaba bari mu myaka 

10 iri imbere. 

Cellphone: 0788691253 

E-Mail: diga_mbi@yahoo.fr

Deogratius (abantu benshi 

bakunda kumwita Deo) 

Mushayidi, yabuze abe muri 

jenoside yabaye mu Rwanda mu 

1994, ariko ubu uburyo afunzwemo 

ni nk’ubwo abamwiciye bafunzwemo, 

niba yaragize Imana bagafatwa, 

bagakatirwa.Deo Mushayidi, kugeza 

ubwo twajyaga mu icapiro, yari 

afungiye kuri sitasiyo ya Polisi 

ya Kicukiro, ariko ari mu kato- 

ntiyemerewe kugira uwo bavugana, 

kugeza ku munyamategeko 

umwunganira imbere y’ubutabera. 

Kugeza uyu munsi, niba ntacyahindutse 

ubwo twari mu icapiro, Mushayidi 

amaze iminsi 10 mu maboko y’inzego 

z’umutekano mu Rwanda, zimushinja 

kuba afite uruhare mu bikorwa byo 

guhungabanya umutekano mu Rwanda. 

Yazanywe mu Rwanda kuwa 05 

Werurwe 2010.Mu gihe mbere inzego 

z’umutekano z’u Rwanda, zirinze 

gutangaza aho afungiye, nyuma, Supt. 

Erick Kayiranga yaje gutangariza 

umwe mu miryango mpuzamahanga 

iharanira uburenganzira bwa muntu, 

ko afungiwe kuri brigade ya Kicukiro. 

Nubwo, nkuko Umuseso ubikesha 

itangazo rya Amnesty International, 

Polisi y’u Rwanda yatangarije uwo 

muryango kuwa 09 Werurwe 2010, ko 

Mushayidi afite uburenganzira bwo 

kubonana na Avoka we, akanasurwa, 

UMUSESO 

No 399, 15 -22 Werurwe 2010 

Urup. 5 

AMAKURU 

Deo Mushayidi yaragambaniwe? 

Urukiko rwisumbuye rwa 

Nyarugenge mu Mujyi 

wa Kigali, rwavuze ko 

ubujurire bw’Abanyamakuru 

b’Umuseso Didas Gasana na 

Kabonero Charles nta shingiro 

bufite- kimwe n’Ubujurire 

bw’Umunyemari Rujugiro. Urwo 

rukiko rwemeje ko batsinzwe, ko 

urubanza rwaciwe mu rwego rwa 

mbere rugumana agaciro. Bari 

bakatiwe igihano cy’umwaka 

gisubitswe mu gihe cy’imyaka 

ibiri na miliyoni imwe y’indishyi 

z’akababaro.Urwo rukiko, rwanze 

impamvu zose abo banyamakuru 

bashingiyeho barujuririra. Nko 

kuba batarahawe uburenganzira 

bwo kunganirwa. Kuri iyi 

mpamvu, urukiko rwavuze ko 

inshuro nyinshi abo banyamakuru 

bagiye basubikisha urubanza 

mu rw’ibanze, bitwaje kubura 

ubunganira. Nyuma urukiko 

rusanga rutahora muri ibyo.Ku 

mpamvu y’uko ubushinjacyaha 

bwaruvuyemo, urukiko rwa 

►Mushayidi mu kato nka ba ruharwa bakoze jenoside 

ikinyamakuru Umuseso cyagiye 

kuri iyo sitasiyo inshuro ebyiri zose, 

ariko umugenzacyaha mukuru w’iyo 

sitasiyo (District Judicial Police 

Officer), uzwi ku izina rya Richard 

(ntitwashoboye kumenya irindi), 

atubwira ko nta muntu n’umwe 

yemerewe kubonana nawe.Ku nshuro 

ya mbere kandi, twasanze Avoka 

we, Maitre Mutembe, yabujijwe 

uburenganzira bwo kubonana nawe. 

Sii byo gusa, Mutembe yabwiwe 

ko nta Mushayidi ufungiye kuri iyo 

sitasiyo.Umushinjacyaha mukuru, 

Martin Ngoga, akaba yaratangaje 

nyuma y’ifatwa rye ko Mushayidi 

ari umwe mu gatsiko gashishikajwe 

no guhungabanya umutekano mu 

Rwanda, kari inyuma y’ama grenade 

yaturikiye mu mujyi wa Kigali, 

mu minsi ishize, kimwe na Gen. 

Kayumba Nyamwasa na Col. Patrick 

Karegeya. Mushayidi Deo, akaba 

ari Perezida w’ishyaka ritavuga 

rumwe n’ubutegetsi bwa Kigali, 

ryitwa Pact for People’s Defence 

(PDP), yashingiye mu gihugu cy’u 

Bubiligi. Mushayidi, wabaye Perezida 

w’ishyirahamwe ry’abanyamakuru 

mu Rwanda kuva mu mwaka wa 1996 

kugeza 2000, yaje guhunga igihugu, 

aho atahwemye kunenga Leta ya 

FPR. Twibutse ko ubwo twajyaga mu 

icapiro, Mushayidi yari amaze iminsi 

6 mu buroko, mu gihe amategeko u 

Rwanda rugenderaho ateganya ko 

umuntu ukekwaho icyaha amara muri 

polisi iminsi itatu gusa, agashyikirizwa 

Parike. Kuri Mushayidi ariko, siko 

byagenze. Igihugu kitagendera ku 

mategeko Mushayidi yavugaga atari 

yafatwa, arakibonye. 

Icyo Polisi y’u Burundi ivuga. 

Kugeza ubwo twajyaga mu icapiro, 

ifatwa rye ntiryavugwagaho 

rumwe. Ngoga yatangaje ko 

inzego z’umutekano z’i Burundi 

ari zo zamufatiye mu Burundi, 

zikamwohereza mu Rwanda, ariko 

amakuru aturuka mu Burundi, 

yemeza ko yabanje gufatirwa muri 

Tanzania, we na mugenzi umwe, ariko 

mugenzi we akoherezwa mu Rwanda 

(deportation). Umukuru wa Polisi 

y’u Burundi, yatangarije uhagarariye 

Human Rights Watch mu Burundi, ko 

Mushayidi yafatiwe muri Tanzania, 

we na mugenzi we, ariko kubera 

ko Mushayidi yari afite impapuro 

z’urugendo z’u Burundi, Polisi ya 

Tanzania yiyemeje kumusubiza i 

Burundi. Umukuru wa Polisi y’u 

Burundi yakomeje avuga ko bombi 

bafatiwe kugira inyandiko z’ingendo 

mpimbano, ariko ntiyamenye izina 

ry’uwo bafatanywe.‘Sources’ zacu 

muri Tanzania nabo ntibashoboye 

kutumenyera izina ry’uwo bari 

kumwe, bafatwa. Twanahamagaye 

na Komiseri mukuru wa Polisi ya 

Tanzania kumubaza ukuri kuri aya 

makuru, telephone ye iratunanira. 

Nyuma yo kumara iminsi ibiri 

muri kasho mu Burundi, kuwa 05 

Werurwe 2010, Komiseri wa Polisi 

mu Burundi, ari kumwe n’umwe 

mu bashizwe iperereza mu Burundi 

ndetse n’umujyanama wa mbere muri 

Ambassade y’u Rwanda mu Burundi, 

bamupakiye imodoka, kugera ku 

mupaka, bamuha inzego z’iperereza 

z’u Rwanda. 

Yaragambaniwe? 

Ha ri ariko 

abatemeranya n’iyi 

version ya polisi y’u 

Burundi. Andi makuru ariko agera 

ku kinyamakuru Umuseso yemeza ko 

Mushyayidi yashutswe na bamwe muri 

bagenzi be, kujya i Burundi, gusura no 

kuganira n’abanyamuryango ba PDP 

bari i Burundi, ariko mu by’ukuri ari 

umutego yatezwe na bagenzi be mu 

ishyaka, ariko baratumwe na serivise 

z’iperereza mu Rwanda. Ageze ku 

mupaka w’u Burundi, nkuko aya 

makuru akomeza abivuga, yaguye 

muri ambush yatezwe n’inzego 

z’iperereza ryo hanze z’u Rwanda, 

ziri kumwe na polisi y’u Burundi. 

Ubwo hari kuwa 03 Werurwe 2010, 

zahise zimuzana mu Rwanda, nyuma 

y’amasaha 48. 

Didas M. Gasana 

Sikandali: Urukiko rwanze ubujurire bw’Umuseso 

Ntabyumva: Charles Kabonero 

(Photo/ Archive) 

mbere rukabakatira rushingiye 

ku kirego bwari bwatanze, 

Urukiko rwavuze ko kuva mu 

rubanza kw’ubushinjacyaha 

bitarubuza kurukomeza, kubera 

ko bwavuyemo nyamara 

bwarashyikirije ikirego urukiko. 

Izindi mpamvu abo banyamakuru 

bari batanze nko kuba barahanwe 

kubera ko batashyikirije 

urukiko ibimenyetso mu gihe 

mu bujurire bari babifite, 

Afunzwe nkuko abamwiciye 

abe bafunzwe: Mushayidi (Photo/ 

Archive) 

Akabi gasekwa........: Didas 

Gasana (Photo/ Archive) 

ntacyo urukiko rwayivuzeho. 

Ku bujurire bw’umunyemari 

R u j u g i r o w a s a b a g a k o 

ibirego by’ubushinjacyaha 

byatandukanywa n’icy’indishyi, 

yitwaje ko nta bimenyetso no 

kuba atarishimiye imikirize 

y’urubanza rwa mbere, urukiko 

rwavuze ko nta shingiro nabyo 

bifite. Mu bujurire, urukiko 

rwemeje ko igihano cy’umwaka 

gisubitswe mu gihe cy’imyaka 

Nawe nta shingiro: Rujugiro 

Ayabatwa(Photo/ Archive) 

ibiri n’indishyi ya miliyoni, 

abo banyamakuru bakatiwe mu 

kwezi kwa Gashyantare mu 

mwaka wa 2008, kigumana 

agaciro.Hakurikijwe amategeko 

y’u Rwanda, mu gihe abo 

banyamakuru bakatiwe igihano 

kiri munsi y’imyaka 10, nta rundi 

rukiko bashobora kujuririra. 

Ikinyamakuru Umuseso numero 

283, nicyo cyari cyatumye 

umunyemari Rujugiro arega 

abo banyamakuru b’Umuseso. 

Mu nkuru bari bamwanditseho 

“Umunyemari Rujugiro yatorotse 

ubutabera nyuma yo gufungwa, 

akurikiranyweho ibyaha 57”. 

Nyamara, nyuma y’iyi nkuru, mu 

mwaka wa 2008, umunyemari 

Rujugiro yatawe muri yombi i 

Londre mu Bwongereza bisabwe 

n’ubutabera bw’Afurika y’epfo. 

Aba banyamakuru Gasana 

na Kabonero, mu kwezi kwa 

Gashyantare mu mwaka wa 

2010, kimwe na mugenzi 

wabo Richard Kayigamba, 

mu rwego rwa mbere, bari 

bakatiwe igifungo cy’umwaka 

kuri Kabonero n’amezi 6 kuri 

Gasana na Kayigamba. Ni mu 

rubanza rushya rubahanganishije 

na Minisitiri Musoni Protais. Uru 

rubanza cyakora, batubwiye ko 

bitegura kurujuririra. 

Ijwi ry’Amerika

Urup. 6 

ISESENGURA 

Ku nshuro ya mbere, 

ubwo haterwaga 

ibisasu bya ‘grenade’ 

i Kigali, umuvugizi wa Polisi, 

Eric Kayiranga yatangarije 

itangazamakuru n’uwashakaga 

kumwumva wese ko ibyo bisasu 

byatewe n’interahamwe, aza 

no gutangaza ko umwe mu 

babyihishe inyuma yafashwe 

akaba abyemera. Ubwo, 

abanyarwanda bamenye 

ko ibisasu byahitanye 

abanyarwanda batatu 

bigakomeretsa n’abandi 

benshi, ubyihishe inyuma ari 

interahamwe. 

Hashize iminsi mike, Nyamwasa 

Kayumba yarahunze, Minisitiri 

atangaza ko yahunze yarimo 

gukurikiranwaho ruswa-mu 

itangazo yishyiriye ahagaragara, 

ariko nyuma y’umunsi umwe, 

iyo mvugo irahinduka, Kayumba 

ahuzwa n’ibisasu ndetse 

ubutegetsi bwongeraho n’undi 

musirikare wahunze, Patrick 

Karegeya. Icyo gihe bahinduye 

n’ubitangaza, bitangazwa na 

Ngoga Martin. Ibyo ni nabyo 

byaje gushimangirwa na 

Perezida Kagame. 

Gusa, ku mugoroba w’umunsi 

Kagame yabivugiyeho, 

Kayumba ubwe yitangarije 

ibyo yabajijwe atarava mu 

Rwanda-ibijyanye n’umubano 

we n’imiryango y’abasirikare 

bapfuye, kudatanga raporo muri 

FPR, kunaniza ubutegesti bwa 

Kagame n’ibindi byinshi. Nta 

‘grenade’ zarimo, zaje amaze 

guhunga. 

Ni akazi k’abashinzwe 

umutekano, iperereza 

n’ubugenzacyaha kugaragaza 

uwihishe inyuma ya biriya 

bisasu, ariko hari aho abantu 

bahera bishakira ukuri, buri 

umwe yafata cyane cyane 

birimo na politiki, rimwe na 

rimwe ituma ukuri kutajya 

ahagaragara. 

Nta guca ku ruhande, umuntu 

yahera ku byo nagaragaje 

haruguru; mbere ubutegetsi 

bwemeje ko ibisasu biterwa 

n’interahamwe kandi bavuga 

ko hari n’abafashwe. Ntabwo 

umuvugizi wa polisi cyangwa 

undi mutegetsi yigeze ahuza 

ibyo bintu n’undi muntu uwo ari 

we wese waba waratanzwe n’abo 

bafashwe cyangwa se ngo bavuge 

ko hari abandi babivugwamo. 

Byasabye ko Kayumba abanza 

guhunga kugira ngo ahuzwe 

nabyo-bivuze iki? Kayumba 

ibyo bamubajije yarabyivugiye, 

kandi umunyamabanga wa 

FPR yaje kwiyemerera ko ari 

byo, yemeza ko yahamagawe 

UMUSESO 

No 399, 15-22 Werurwe 2010 

Ibisasu i Kigali: Ninde wihishe inyuma yabyo? 

Interahamwe-Kayumba/Karegeya-Mushayidi/Ingabire…….ubutegetsi? 

na FPR, atahamagawe na 

Ngoga wari umaze kuvuga ko 

bamukurikirana. 

FPR iperereza ibisasu? Oya, 

FPR yabazaga Kayumba ibyo 

Kayumba yatangaje batigeze 

bavuguruza kugeza ubu. Hano 

rero, biroroshye kubona ko 

Kayumba yahujwe n’ibisasu 

kubera guhunga-mu myumvire 

ishingiye kuri ibi bigaragara, 

bitabujije ubushinjacyaha 

gukora akazi kabwo niba 

bufite ibimenyetso-gusa, iyo 

‘chronology’ y’ibintu byabaye 

ifite kinini ivuze. 

Ese koko ku bazi imikorere 

y’ubutegetsi bwa Kagame, 

umuntu ushinjwa gutera ibisasu 

yajya kubazwa na FPR hanyuma 

agataha? Ndakeka ko n’umuswa 

wa nyuma yabona ko iyo Kayumba 

aba koko yarakekwagaho na 

gato iby’ibisasu atari kubazwa 

atarafungwa-ariko yabishinjwe 

amaze kuva mu gihugu, ahunze 

ibyo yiyumviye mu nama 

yahamagajwemo muri FPR, 

agahatwa ibibazo n’abasirikare 

bakuru uwo munsi bari babaye 

abanyamuryango ba FPR 

n’abandi batumiwe kumuhata 

urugero rutari kure 

igihe inkotanyi zateraga 

zikinjirira kagitumba 

zitari zanarenga 

n'ibirometero 50 uva 

kumupaka ikinamico 

ryarakozwe maze 

inzirabwoba si ukumisha 

amasasu mukirere 

muri buri gace ka 

kigali,Habyarimana 

n'abambari be mu 

gitondo bati |inkotanyi 

zari ziwufashe 

ariko twazimariye 

ku icumu habe 

n'umurambo cyangwa 

uwafatiwe kurugamba 

bagaragaje ,ahubwo 

biraye mubaturage 

binzirakarengane 

barafunga barafunga 

abandi barica ngo 

n'ibyitso.ukuri kwaje 

kumenyekana nyuma 

wenda n'ibindi 

tuzashyira tumenye 

ukuri kwabyo 

"Kanyombya naba 

atararimira buri buri" 

Yashyizwe mu majwi: Gen. 

Kayumba (Photo/ Archive) 

ibibazo. 

Hanyuma, hazamo Karegeya, 

umaze hafi imyaka ibiri ahunze. 

Yego, birashoboka, ariko se 

imvugo ya Perezida Kagame 

yuko bari basanzwe babizi ko hari 

ibikorwa arimo, ko yanagendaga 

mu karere abirimo yakwemerwa 

ko u Rwanda rwabimenye 

rugaceceka, ntirugire n’igihugu 

rubimenyesha, kugeza Kayumba 

abanje guhunga, bakabahuza 

n’ibirimo kubera i Kigali? 

Ubutegetsi bwari butegereje iki? 

Byafatwa nk’ukuri? Byaterwa 

n’isesengura umuntu akora, 

ariko biteyemo akabazo kuko 

bigaruka kuri kwa gushinja 

umuntu kuko atakiri mu gihugu 

cyangwa batagikorana naweno 

ku mutekano w’igihugu? 

Kubyumva biragoye. 

Noneho rero, bamaze kubona 

Cadeau ya Deo Mushayidi, bati: 

“Uwa mbere turamufashe.” 

Kuva ku interahamwe, Kayumba 

na Karegeya n’abanyamakuru, 

noneho Mushayidi-ngo 

azavuga n’abandi-ese abo bose 

barakorana? Abo bose Leta 

yari izi ko bakorana ibintu bibi, 

bisaba ko habanza guterwa 

ibisasu, Kayumba agahunga, 

hanyuma bikabona kuvugirwa 

hamwe n’ubutegetsi ko ari aba 

‘terrorist’? Byumvikana bite? 

Ababivuga bumva nta rujijo 

bateza? Ese abanyawranda 

basesengura bavanamo iki? 

Interahamawe, Kayumba wari 

ambasaderi, Karegeya wahuzne 

kera, Mushayidi wiberaga muri 

politiki zo guhangana n’ubutegstsi 

bwa Kigali bose bahuriye kuri 

‘grenade’? Byasesengurwa gute? 

Ku bakomeje kunyandikira 

bambaza ukuri kw’ibisasu, ni 

aho gushakirwa. 

Ku rundi ruhande, Jenerali 

Kayumba we yabihuje 

n’igitugu cya Kagame, avuga 

ko abamushinja ibisasu ari 

bo babitera, anasobanura ko 

ingoma z’ibitugu zikunze gukora 

Cyangwa ni ubutekinisye bwe? 

Col. Ndahiro (Photo/ Archive) 

bene ibyo bintu, zishaka abo 

zarenganya. Ingoma ya Kagame 

yabikora? 

Mbere na mbere, Kagame 

yivugiye ko umutekano mu 

Rwanda uhora uri hejuru cyane, 

nta n’impamvu yo kuwuzamura 

muri iki gihe-uhora uzamutse 

(Always stepped up), bishaka 

kuvuga ko byagora uwo ari 

we wese gukora ibikorwa nka 

biriya-ayo magambo ahuriye he 

n’uko ibisasu byaba biri ‘stage 

managed’ n’inzego z’umutekano 

bashaka koko kugira abo 

babishyiraho muri ‘opposition’? 

Twibuke ko ku nshuro ya 

mbere, ibihe byegereye amatora 

mu Rwanda byaranzwe na 

politiki ishyushye, hakaboneka 

abanyapolitiki bavugira mu 

gihugu hagati, ubutegetsi 

bugomba gukora ku buryo 

buvana mu nzira. Ibisasu ni imwe 

mu nzira zakoreshwa kubavana 

mu rubuga? 

Madamu Ingabire yakomeje 

guhuzwa na FDLR muri 

propaganda ya FPR n’abayivugira 

bose, kandi interahamwe zihuzwa 

na ‘grenade’ mbere y’uko 

byimuriwra kuri Kayumba na 

Karegeya. Birashoboka ko mbere 

byari ibya Ingabire, Kayumba 

yahunga, bagasanga umwiza 

wo kubishyiraho ari Kayumbandavuga 

kubibashyiraho kuko mu 

by’ukuri, nta gihamya ubutegetsi 

bwigeze bugaragza kandi 

bukabahuza nabyo-gihamya 

zazatangwa n’ubutegetsi zatuma 

mpinduka-niziboneka. 

Ubu rero haje Deo Mushayidi 

nawe arabyikorera dore ko 

yajyaga avuga ko akorera 

Kinihira (ikintu na FPR izi neza 

ko kitari ukuri-yari politiki), 

ubwo ni iby’abantu bose 

batavuga rumwe n’ubutegetsimuri 

make, abatavuga rumwe 

na Kagame bose ni ‘terrorists’. 

Ubwo se koko, ibyo byakumvwa 

n’umuntu utekereza? Ko abantu 

bose batavuga rumwe na Kagame 

cyangwa bagiranye ibibazo 

Nawe yashyizwe mu majwi: 

Ingabire Victoire (Photo/ Archive) 

n’ingoma ye ari abazira kuvuga, 

gutekereza bitandukanye nawe 

n’ibindi ari ‘terrorists’? wenda 

birashoboka, ariko sinzi umubare 

w’ababyuma bakabyemera 

cyangwa abajyanama ba Kagame 

babwira Kagame babyemera 

yewe nawe ubwe niba abivuga 

yumva byumvikana? Ni ibibazo 

ntasubiza hano. Ariko, bifasha 

umuntu kumva ukuri kuba 

kwihishe inyuma y’ibyo twumva 

buri munsi, by’umwihariko mu 

bintu byumvikana ko bikomeye 

nk’ibisasu byahitanye abantu. 

Ubutegetsi bwa Kagame nubwo 

ntabushinja ko ari bwo butera 

ziriya ‘grenade’ kuko nta 

bimenyetso mfite byabyo, buri 

butegetsi bwakoresha ayo mayeri 

ukurikije uburyo bategeka, 

urugero rutari kure igihe 

inkotanyi zateraga zikinjirira 

kagitumba zitari zanarenga 

n'ibirometero 100 uva kumupaka 

ikinamico ryarakozwe maze 

inzirabwoba si ukumisha amasasu 

mukirere muri buri gace ka 

kigali,Habyarimana n'abambari 

be mugitondo bati inkotanyizari 

ziwufashe ariko twazimariye 

ku icumu habe numurambo 

cyangwauwafatiwe kurugamba 

bagaragaje ,ahobwo biraye 

mubaturage binzirakarengane 

barafunga barafunga abandi 

barica ngo n'ibyitso hanyuma 

iyo ubihuje n’uko nabo ubwabo 

biyemerera ko umutekano uhora 

uri hejuru, hari impamvu ikomeye 

yo gukeka ko nta ‘mwanzi’ 

w’iriya ngoma ubiri inyuma 

nkuko bivugwa. Amahirwe 

make y’abanyarwanda ni uko 

badafite ubutabera bwigenga 

bwatuma ukuri kumenyekanaari 

ahandi, byakamenyekaniye 

mu nkiko, hari ubucamanza 

bwigenga, ariko ku Rwanda, 

ayo mahirwe ntayahari kubera 

imiyoborere ihari-niyo mpamvu 

ari ngombwa kwisesengurirankuko 

nabigenzaga hano. 

Charles B Kabonero

Ubukungu bw’u Rwanda bwaratikiye 

muri 2009 bugera kuri 5.5% buvuye 

kuri 11.2% mu mwaka wa 2008. 

Ibyo byatewe no kuba mu mwaka 

wa 2008 urangira hari ikibazo 

cy’ihungabana ry’ubukungu bw’isi 

ariko na none u Rwanda rwaje guhura 

n’ikibazo cy’ibura ry’amafaranga 

mu ma mabanki mu mwaka wa 2009 

utangira. 

Iryo bura ry’amafaranga muri 

za banki zo mu Rwanda ariko, 

niryo ryateye ikibazo gikomeye 

cy’imanuka ry’ubukungu kuko 

inguzanyo zabaye ikibazo kugeza 

aho imishinga minini nk’ubwubatsi 

busa naho buhagaze. Iryo bura 

ry’ifaranga kandi ryatumye habaho 

izamuka ry’inyungu abanatu babitse 

muri za banki kuko amabanki 

yatangaga inyungu iri hejuru ya 15% 

ku mafaranga abitswa igihe kirekire. 

Aho rero hari intambara y’amabanki 

ashaskisha amafaranga kugira ngo 

abashe gukomeza gukora. Amwe 

yari agiye kugwa mu gihombo iyo 

Leta itabibona vuba ngo ishyireho 

ingamba zo kuyaha amafaranga 

maze akajya yishyura inyungu 

ntoya. 

Nubwo Guverineri wa Banki nkuru 

y’u Rwanda Bwana Kanimba 

Françios hamwe na Minisitiri 

w’Imari n’igenamigambi John 

Rwangombwa bavuga ko iyi mibare 

y’ubukungu bw’umwaka ushize 

izahinduka, ngo ntabwo biteze 

impinduka nini. 

Ibyo barabiterwa nuko igihembwe 

cya nyuma cy’umwaka wa 2009, 

kikiri kwigaho kandi imibare 

izavamo ikazajya ahagaragara vuba. 

Ni ubwa mbere mu myaka itanu 

ishize, ubukungu bw’u Rwanda 

buguye kugera kuri kimwe cya 

kabiri gisaga kuko mu mwaka wa 

2007 bwari bwazamutseho 8% buza 

kugera kuri 11.2% mu wa 2008 none 

buramanutse! 

Uretse ko umwaka wa 2010 ngo 

UMUSESO No 399, 15 -22 Werurwe 2010 

Urup. 7 

UBUKUNGU 

Ubukungu bwakubise amavi hasi 

buzakura kugera ku gipimo kiri hagati 

ya 7 n’umunani ku ijana(7-8%, ), u 

Rwanda ruzakomeza kubeshwaho 

n’abaterankunga batanga hafi kimwe 

cya kabiri cy’ingengo y’imari 

yarwo. 

Nubwo Kagame ahora avuga ko 

u Rwanda rwigenga, kandi ngo 

rudasabiriza, arebye iyo mibare 

byamutera isoni bikaba ngombwa 

ngo yigarura maze akavuga ko 

u Rwanda ari igihugu gitunzwe 

n’imisoro y’abazungu hamwe 

n’abandi bantu ariko bo mu bihugu 

byateye imbere. 

Kuba rero ubukungu bw’u Rwanda 

bwaraguye cyane muri 2009, ntabwo 

bikanganye kuko naho u Rwanda 

rwarihanganye kubera ibiza bibiri 

rwahuye nabyo. 

Icya mbere ni icyiza cyo kuba 

ibyo rwohereza hanze nk’ikawa, 

amabuye y’agaciro hamwe n’utundi 

ducuruzwa duke, byarataye agaciro 

bityo amadevise abikomokaho 

akagabanuka. Guta agaciro bivuga 

ko byabonye abaguzi bake kandi 

nabo bakagura ku giciro gito ku cyo 

u Rwanda rwateganyaga. 

Ibyo byatewe nuko mu bihugu bigura 

utwo tuntu tw’u Rwanda byari bifite 

ikibazo cy’ubukungu bwabyo bwari 

bumaze kugwa, maze abakozi ari 

nabo baguzi bakabura imirimo maze 

bagahagarika kugura. 

Ikindi, ni uko abatarahagaritswe 

ku kazi bagize impungenge bityo 

bakifata kugira ngo barebe aho 

bigana maze bazagure ibintu 

byagenze neza. Aho harimo amayeri 

kuko ntibari bazi uko ubukungu 

buzahagarara bityo bati reka 

twizigamire wenda bizaba bibi 

inzara ntizatwice. 

Ikindi kintu cyatumye ubukungu 

bw’u Rwanda buzamukaho gato, 

ni igwa ry’ubukerarugendo kuko 

abasura u Rwanda bagabanutseho 9% 

bagera ku 689,952 muri 2009 bavuye 

ku 765,000 muri 2008. 

Bwavuye kuri 11.2% bugera kuri 5.5% 

Inganda, Ubwubatsi, Ikawa hamwe n’amabuye 

y’agaciro ibyo byaratikiye 

Ntabyumva: Guverineri Francois Kanimba (Photo/ Archive) 

Ibyo byatumye n’amafaranga aturuka 

ku bukerarugendo nayo agabanukaho 

6% ava kuri miliyoni 186 z’amadorali 

y’Amerika muri 2008 agera kuri 

miliyoni 174 muri 2009. 

Ibi bivuga ko u Rwanda rwananiwe 

kugera ku ntego y’abakerarugendo 

760,000 hamwe n’amadolari 

y’Amerika miliyoni 190 rwashakaga 

muri 2009. 

Iyi ikaba ari inshuro ya mbere aho 

ubukerarugendo bw’u Rwanda 

bushegeshwe aka kageni mu myaka 

icumi ishize. Bityo kandi, ni ingaruka 

mbi ku bukungu bw’igihugu kuko 

ubukerarugendo ni ubwa mbere mu 

kwinjiriza igihugu amadevize. 

Muri rusange ibyoherezwa mu 

mahanga bikomoka mu Rwanda 

byaguye inshuro zirenga 140 ku 

ijana biva kuri 29.3% yabonetse 

muri 2008, bigera kuri 11.9% muri 

2009. Iyo urebye ibyinjiye mu 

gihugu, ukabigereranya n’ibyo u 

Rwanda rwagurishije hanze, usanga 

icyuho kigera hafi 20% bivuga 

ko u Rwanda ruhaha kurusha uko 

rucuruza hanze. 

Ibi rero bikwiye gutera 

Rwangombwa ubwoba kuko kuba 

u Rwanda rukoresha ifaranga 

ryarwo kugura ifaranga ryo hanze 

kandi rihenze, bitera ikibazo mu 

bukungu bw’imbere aho ifaranga 

rishobora guta agaciro. Ikindi ni 

uko bituma abacuruzi barangura 

bahenzwe bityo nabo bagacuruza 

bahenze kugirango babone inyungu. 

Aho urabyumva ko abaguzi 

aribo bahura n’ingorane z’ibiciro 

bihanitse. U Rwanda na none kuba 

ruri mu miryango y’ubuhahirane 

nka COMESA, uw’ubruasirazuba 

bw’Afurika(EAC) hamwe n’indi, 

ntabwo rukwiye kuba rutunzwe 

n’ibindi bihugu biri muri iyo 

miryango. 

Imibare itangwa na Banki nkuru y’u 

Rwanda, igaragaza ko u Rwanda 

rwagize icyuho mu bucuruzi 

n’ibihugu ruturanye narwo nka 

Uganda, Kenya hamwe n’ibindi kuko 

ibyo rwaguraga muri ibyo bihugu 

byaruruse ibyo rwoherezagayo. 

Ibyo rero bikwiye ibisobanuro kuko 

wasangaga u Rwanda rwaraguraga 

ibiribwa kandi wareba ugasanga 

ubuhinzi bworozi bwarakoze neza 

mu mwaka wa 2009 bitewe n’imyaka 

yeze neza. Iyo myaka yatumye 

ubuhinzi n’ubworozi buzamuka 

buva ku 8.7% muri 2008 bugera ku 

10.4% muri 2009. Ibijyanye n’ibyo 

kurya byarazamutse bigera kuri 

12.6% bivuye ku 9% kubera ikirere 

cyabaye cyiza. 

Mu bindi byatumye ubukungu 

buhungabana, harimo igabanuka rya 

segiteri ya serivise kuko yavuye ku 

11.5% muri 2008 igera kuri 4.3% 

muri 2009 bivuga ko yahanantutse 

cyane. 

Iyo segiteri niyo ibamo amabanki, 

akazi kandi kose ko mu biro, 

itumanaho hamwe n’ubwishingizi. 

Ibijyanye n’ubucuruzi rusange 

harebwa kuranguza no kudandaza 

byaragabanutse cyane bigera kuri 

2.1% bivuye kuri 12% muri 2008. 

Iki ni ikimenyetso gikomeye ko u 

Rwanda rutigeze rugira amafaranga 

menshi mu banyarwanda baguraga 

ibijyanye n’imyambaro, inkweto 

hamwe n’ibindi bicuruzwa byose 

bidandazwa. Aho rero wahita 

wumva ko rya bura ry’amafaranga 

mu mabanki hamwe no mu mifuka 

y’abantu ari yo ntandaro ya byose. 

Ibijyanye na transport, hamwe 

n’itumanaho muri rusange nabyo 

byaraguye kuko byavuye kuri 21.1% 

bigera ku 10% muri 2009. Ibijyanye 

n’amacumbi nabyo byaraguye cyane 

biva kuri 16% bigera kuri 3.9% muri 

2009. 

Mu nganda n’ubundi zisanzwe 

ari ntazo, igwa ryarahageze maze 

rishinga umugani kuko ibikorwa 

byazo byamanutse kuri 16.3% muri 

2008 bigera kuri 1.1% muri 2009. 

Ubwubatsi bwavuye kuri 28.2% 

bwariho muri 2008 bugera kuri 1.2% 

muri 2009. Ibi rero by’inganda 

hamwe n’ubwubatsi bifite ingaruka 

nini ku bantu babikoramo kuko 

usanga bifite ba nyakabyizi benshi. 

Iyo rero biguye bivuga ngo nta kazi 

kaba karimo bityo ibyo bihumbi 

by’abanyarwanda bigahita bigwa 

mu bukene. 

Nubwo Rwangombwa yabwiye 

abanyamakuru ngo nta mibare 

ihari igaragaza ko abo bantu baba 

baragizweho ingaruka n’iryo gwa 

ry’inganda, ubwubatsi n’ubucukuzi 

bw’amabuye y’agaciro, ariko ku 

isi hose niko bimera iyo ikibazo 

kibaye muri izo segiteri, byanze 

bikunze abakozi ba nyakabyizi 

baraharenganira. 

Ariko rero nubwo u Rwanda rwahuye 

n’imanuka ry’ubukungu, rwagize 

amahirwe kuko ibijyanye n’ibiciro 

ku masoko hamwe n’imikorere 

y’ifaranga ry’u Rwanda byagenze 

neza. Ibiciro muri rurange hamwe 

n’itakara ry’agaciro ku ifaranga 

byaragabanutse biva kuri 22.3% 

muri 2008 bigera kuri 5.7% muri 

2009. Ibi ni byiza ku bukungu bw’u 

Rwanda kuko ifaranga riramutse 

ritaye agaciro hamwe n’ibiciro 

bikiyongera cyane ku masoko, 

ubwo wasanga byabaye nk’ibyo 

muri Zimbabwe aho wajya kugura 

ikibiriti ukitwaza ingorofani yuzuye 

amafaranga. 

Muri rusange, ubukungu bw’u 

Rwanda bwaradindiye muri 2009 

kuko n’inguzanyo z’amabanki aha 

abacuruzi zaragabanutse cyane. Ubu 

ariko ngo hari icyizere ko zakongera 

kuzamuka nk’uko Kanimba abivuga. 

Kanimba we asanga umwaka wa 

2010 uzaba umwaka mwiza ku 

bukunngu bw’u Rwanda kuko ngo 

no mu mahanga ubukungu bw’isi 

buzazamukaho akantu gato. 

Ingabire Lydia. 

Ingabire.lydia@gmail.com

Urup. 8 UMUSESO No 399, 15 - 22 Werurwe 2010 

AMAKURU 

Uwahoze ari ari Minisitiri w’ububanyi 

n’amahanga Bumaya Habib nawe yarahafashe 

Mu nimero yacu y’ubushize, 

twabagejejeho inkuru y’iyegura rya 

Bumaya Andereya Habib ku kuba 

umuyoboke w’ishyaka 

ry’intangarugero PDI, riyobowe na 

Mussa Fazil Harelimana. Nyuma 

y’isohoka ry’iyo nkuru, umwe mu 

basomyi b’ikinyamakuru Umuseso, 

yatwoherereje inyandiko itubwira ko 

Bumaya ateguye gusa, ahubwo 

yafashe n’utwangushye, ubwo 

abayobozi bakuru b’igihugu bari 

bahugiye mu mwiherero wabo wa 

buri mwaka, hariya ku Gisenyi. Uyu 

musomyi arakomeza agira ati: Ndi 

umusomyi w’ikinyamakuru Umuseso 

nkaba ndi n’inshuti ya Ambasaderi 

Bumaya A. Habib. Nifuzaga 

kubagezaho inkuru, ifitiwe gihamya, 

yerekeranye no kuva muri 

goverinoma kwa Bumaya A. Habib 

n’ingaruka byamugizeho. Amaze 

kubona ko hari abambari ba FPR 

bayobowe na Dr. Murigande Charles, 

wari SG wa RPF, icyo gihe wari 

waragaragaje kenshi ko yifuza uwo 

mwanya wa Minafet ariko ukaba 

wari warakomeje kumuca mu 

myanya y’intoki kugeza icyo gihe, 

bari barahagurukiye kumurwanya 

bivuye inyuma banashakaga 

kumucisha umutwe. Ahagana muri 

Nyakanga 2002 Ambasaderi Bumaya 

yasabye Paul Kagame kumukura 

muri iyo Ministeri. Impamvu yahaye 

Kagame ni uko ngo yashakaga 

kubona umwanya uhagije wo kwita 

no gutunganya Ishyaka PDI, yari 

abereye umuyobozi, mbere y’amatora 

yari ateganyijwe mu mwaka ukurikira 

wa 2003 cyane cyane ko nyuma ya 

1994 kugeza ubwo, yari yarakoze 

gusa muri diplomasi. Abandi 

bigaragaje cyane muri uwo mugambi 

mubisha n’abanyamabanga bakuru 

Seth Kamanzi na Mutaboba Joseph 

basimburanye kuri uwo mwanya 

muri Minafet hagati ya 2000 na 2002, 

ndetse na Dr. Rudasingwa Theogene 

wari Umuyobozi w’ibiro bya 

Perezida wa Repubulika icyo gihe. 

Umugambi bari bafite, ni uwo 

guhirika Ambasaderi Bumaya ku 

buyobozi bwa Minafet byashoboka 

bakamurigisa. Bakoresheje bamwe 

mu bakozi ba Minafet harimo 

uwahoze ari Chef wa Protocole ya 

Leta (Ambasaderi Sebudandi 

Venentia), yemwe banashatse 

gukoresha umunyamabanga we 

wihariye Bwana Mashimango 

Aboubakar Abelard ndetse 

n’umunyamabanga we usanzwe 

Bwana Bucyana Issa bibaviramo 

guhunga igihugu kuko banze 

kwemera ibyo basabwaga gukora 

bizezwa ibitangaza. Bakoresheje 

bimwe mu bitangazamakuru 

bagamije kumusebya no kumutesha 

agaciro. Iterabwoba kuri we no ku 

bagize umuryango we naryo 

ntiryasizwe inyuma. Ibyo bagerageje 

byose kugeza ubwo byabaye 

imfabusa kuko byahitaga bitahurwa 

bitewe nuko abenshi mu bayobozi 

bakuru b’ingabo batari bashyigikiye 

uwo mugambi, nubwo hari ubwo 

byagarukiraga ku kagozi. Urugero ni 

igihe Ambasaderi Sebudandi 

Venentia yakurwaga ku buyobozi 

bwa protocole ya Leta, ubundi ni 

Ambasaderi Bumaya wari wapangiwe 

guhirikwa nabi, Imana ikinga 

akaboko. Ngo urucira muka so 

rugahitana nyoko abo navuze hejuru 

bose bazi neza uko byagenze. Hari 

n’izindi ngero nyinshi zizwi ntiriwe 

ndondora muri iyi nyandiko.Ikindi 

cyatumye asaba Kagame kuvanwa 

muri Minafet ni uko yari amaze 

gusanga hari ibindi biyihishe inyuma 

y’intambara ya DRC bitari mu 

nyungu z’igihugu cyane cyane 

nyuma y’ubushyamirane bwabaye 

hagati y’ingabo z’u Rwanda n’iza 

Uganda I Kisangani muri DRC. 

Amaze kwimurirwa muri Mifotra mu 

mpera za 2002, agasimburwa na Dr. 

Murigande muri Minafet, 

ntibyagarukiye aho. Nyuma 

y’amatora ya Perezida wa Repubulika 

yo muri 2003, yahise ahabwa dosiye 

y’injyanamuntu y’ivugurura 

ry’imicungire y’abakozi ba Leta. 

Hari hifujwe ko abari basanzwe mu 

kazi ka Leta bose bahagarikwa maze 

hagashakwa abakozi bashya 

babishoboye. Ambasaderi Bumaya 

n’abakozi ba Mifotra bagaragaje ko 

byahungabanya ubutegetsi bwite 

bwa Leta ku buryo bukomeye bituma 

kiriya cyifuzo gisubirwaho hemezwa 

ko abakozi bari basanzwe bujuje 

ibisabwa ku myanya yasigaye 

bayihamishwamo. Byababaje cyane 

ka gatsiko maze gatangira gukwiza 

hose ko Ambasaderi Bumaya 

yabangamiye kiriya cyifuzo agamije 

gukingira ikibaba bene wabo 

b’abahutu. Mu gihe icyo cyiciro cya 

reform cyarimo kurangira muri 2005, 

ibitangazamakuru bimwe byo mu 

Rwanda (The New Times) 

byakoreshejwe n’ubukana bwinshi 

cyane bisa naho bigaragaza ko 

ibyakozwe byose muri ririya 

vugurura byari bibi. Ibyo 

bitangazamakuru byabaga kenshi 

byunganira ibikorwa by’imitwe 

yombi y’inteko yasaga naho 

ikoreshwa na ka gatsiko kari kamaze 

noneho gushyigikirwa na NSS. 

Gusebanya n’iterabwoba nabyo 

byarakomeje. Hashatswe n’uburyo 

yafungurirwa ikirego mu rukiko 

Gacaca rwa Ngoma ya Butare, ako 

gatsiko gasanga bizagorana kuko 

Ambasaderi Bumaya yari mu 

bahizwe igihe cya Jenoside kandi 

bikaba bizwi ko muri icyo gihe 

yahungiye i Bujumbura mu Burundi. 

Erega mu ikusanyamakuru ryabereye 

muri Gacaca ya Ngoma i Butare hari 

ba gatumwa bisararanze 

barihandagaza batinyuka kuvuga ko 

bari bafite amakuru yuko Ambasaderi 

Bumaya yagize uruhare mu itegurwa 

rya Jenoside aho i Butare. Bahise 

Nawe asanze abandi: Bumaya 


bamaganwa n’abandi baturage bose 

bari bitabiriye iyo nteko barangajwe 

imbere na Bwana Rutayisire, wacitse 

ku icumu akaba yaranahoze ari 

umushoferi we muri Electrogaz 

mbere ya Jenoside. Ka gatsiko 

kanashumurije umukecuru wa 

Ambasaderi Bumaya utuye mu mujyi 

wa Kamembe abantu bararaga batera 

amabuye hejuru y’inzu ye mu gihe 

gisaga amezi abiri bukarinda bucya. 

Nta n’umwe wigeze afatwa muri abo 

bagizi ba nabi kandi uwo mukecuru 

aturanye n’umurenge w’uwo mujyi. 

Na none hari igihe umusore wari 

ufite intwaro ihishe yari yinjiranye 

Ambasaderi Bumaya aho yari arimo 

gukorera ku cyicaro gikuru cya PDI 

mu Biryogo i Kigali akumirwa 

n’uwari ushinzwe umutekano we 

nyuma yuko amuketse amababa. 

Uwo musore ukomoka i Rwamagana 

yagejejwe kuri brigade ya 

Nyamirambo aho yahise arekurwa 

atagize icyo abazwa. Ibyo byose 

nibyo byatumye mu 2005 Ambasaderi 

Bumaya afata icyemezo cyo 

kwohereza hanze y’igihugu abagize 

umuryango we kugira ngo asigare 

mu Rwanda ahanganye wenyine 

hatagize undi muri bo ukomeza 

guhubanganywa n’ibyo yakorerwaga. 

Abonye bikabije, kandi bimaze 

kumugaragarira ko umugambi wo 

kumucisha umutwe umaze 

kurangwamo abantu benshi, 

Ambasadeeri Bumaya yambwiye ko 

yafashe icyemezo cyo kwegura ku 

mirimo ye. Twabiganiriyeho igihe 

kirekire ariko yanga kuva ku izima. 

Yanditse ibaruwa yegura ku mirimo 

ye, atigeze ashyikiriza Perezida 

Kagame, kandi yari yabiteganyije, 

mu mubonano bagiranye mu mpera 

za 2005. Cyokora yambwiye ko 

yasabye Kagame mu magambo 

kumuvana muri Leta ye kubera ko 

hari agatsiko k’abambari ba RPF 

bimaze kugaragara ko bashaka 

kumugira urwitwazo kugira ngo 

babone uko bamurwanya. Icyo gihe 

ngo Kagame yabaye nk’ubyakira 

neza ariko siko ibyakurikiyeho 

byabigaragaje. Hashize igihe gito 

gusa nyuma y’uwo mubonano, 

umunyabubasha Musoni James 

yabonanye na Ambasaderi Bumaya 

wari unamaze igihe kitari kinini 

atangarije umuyobozi 

w’ikinyamakuru Umuseso ko atigeze 

aba muri FPR kandi ko adafite 

igitekerezo cyo kuzayijyamo, wasaga 

naho ngo yari atumwe na Shebuja 

Kagame, amubwira ko bafite 

amakuru agaragaza ko agenda asebya 

FPR na Leta yayo. Yanamubwiye ko 

bigaragara ko ashyigikiye ibyo 

Honorable Brigitte, wari umaze igihe 

gito ahunze, yari yavuze ku 

bacikacumu. Ambasaderi Bumaya 

n’undi muyobozi bari kumwe ( 

Honorable Mukama Abbas, tutavuze 

izina kubera umutekano we), kuko 

nawe yashyirwaga mu majwi ariko 

nk’inkundarubyino gusa, bagaragaje 

ko ari ibihimbano bigamije gusa 

gucisha abantu imitwe. Abaregwaga 

batekereje ko birangiriye aho. 

Ambasaderi Bumaya yaje 

gutungurwa anatangazwa no kumva 

Kagame ubwe abisubiyemo mu 

ijambo ryo gutangiza umwiherero 

w’abayobozi bakuru b’igihugu 

wabereye mu Kagera mu ntangiriro 

za 2006. Kagame ngo yaje 

kubisubiramo mu mubonano 

yagiranye na Ambasaderi Bumaya 

warimo na Musoni James mu 

ntangiriro za Werurwe 2006 

wamubwiye ko icyatumye yemera 

ibyo avugwaho ari uko ngo abifitiye 

gihamya y’amajwi. Kagame 

yanavuze ko ibyo bintu bidashobora 

kwihanganirwa nubwo bwose 

Ambasaderi Bumaya yagerageje 

kumugaragariza ko bitigeze bibaho 

no kumwumvisha ko amajwi nayo 

ashobora kwiganwa. Icyo gihe ngo ni 

nabwo Kagame yahishuriye 

Ambasaderi Bumaya ko bisigaye 

bimugora kwizera gukorana n’abantu 

by’umwihariko abari basanzwe mu 

Rwanda. Ko kubana no gukorana 

nabo ari ukwihangana gusa. Ngo 

yaba yaratanze urugero rwa General 

Gatsinzi bakorana kandi azi neza ko 

yagize uruhare mu iyicwa rya 

nyirasenge umugabekazi Gicanda. 

Ngo icyo gihe Ambasaderi Bumaya 

yagize ubwoba ariko agira 

akanyabugabo ko kumubwira ko 

niba ariko bimeze yagiye yiyambaza 

abo afitiye icyizere gihagije mbere 

yo kubaha ishingano zikomeye zo 

kuyobora Ministeri. Ambasaderi 

Bumaya ngo yanabwiye Kagame ko 

ibyo bisaba umuntu kuba afite 

impano idasanzwe kuko abantu 

benshi nawe arimo badashobora 

kwihangana ako kageni. Iminsi mike 

nyuma y’uwo mubonano, Kagame 

yavuguruye guverinoma avanamo 

Ambasaderi Bumaya. Nyuma ya 

pressure nyinshi n’iterabwoba 

rihambaye, amaze no kubona ko 

ishyaka rya PDI ryacengewe cyane 

n’abambari ba FPR bityo rikaba 

ritagishobora kugera ku nshingano 

zaryo, Ambasaderi Bumaya yafashe 

icyemezo cyo kwegura ku buyobozi 

bw’Ishyaka PDI mu mpera za Mata 

2006. Icyo gihe yanatangarije 

Abanyarwanda ko agiye gukomeza 

amashuri ye ku rwego rwa Doctorat/ 

PhD. Kagame yabanje gusa naho 

yemereye Ambasaderi Bumaya ko 

azishyurirwa amashuri aho azayabona 

hose ku isi, yaje kubwirwa ko 

bitagishobotse amaze kwiyandikisha 

muri imwe muri za Kaminuza 

zikomeye zo muri Leta zunze 

ubumwe z’Amerika. Byaje 

kumenyekana ko Kagame n’abambari 

be bitwaje ko ngo umugore wa 

Ambasaderi Bumaya ari mu bantu 

bapinga Leta ye ngo bikaba 

binagaragara ko yaba ari mu bantu 

bakorana n’umwami Kigeli. Ikindi ni 

uko ngo Ambasaderi Bumaya yaba 

yaragiranye ubucuti budasanzwe na 

Janet Rwigema bikaba 

bitarashimishije Bwana Kagame ku 

mpamvu zinyuranye ndetse bikaba 

byarateye bamwe mu bambari be 

impungenge zidasanzwe, ku isonga 

ryabo hakaba hari Brigadier Jack 

Nziza wari ushinzwe iyo dosiye 

by’umwihariko. Hanyuma nuko ngo 

Ambasaderi Bumaya yanuganugwaga 

gukorana n’itsinda rya Karegeya 

Patrick kandi bikaba byaraketswe ko 

yatse ubuhungiro muri Leta zunze 

Ubumwe z’Amerika. Aho 

Ambasaderi Bumaya agarukiye mu 

Rwanda avuye muri Amerika mu 

2009, za Maneko zamugendagaho 

buri munsi ari nako ahozwaho 

iterabwoba. Bamwe mu bayobozi ba 

PDI tutavuze amazina kubera 

impamvu zumvikana bacicikanaga 

bamutangaho raporo za buri gihe ku 

banyabubasha ba Kagame zigamije 

kumucisha umutwe. Nyuma yuko 

yanze icyifuzo cyuko yasubizwa mu 

butegetsi ari uko yemeye gushinja 

muri Gacaca umwe mu bayobozi 

bakuru, twirinze gutanga izina rye 

hano, haje gucurwa umugambi wo 

gufunga ambasaderi Bumaya ku 

maherere hifashishijwe indi mpamvu 

yaboneka yose yaba iyo 

guhungabanya umutekano w’igihugu, 

gufata ku ngufu, gusebya igihugu 

n’ibindi nk’ibyo byarimo 

gutekerezwaho. Ambasaderi Bumaya 

nyuma yo kuburirwa n’inshuti ye 

uwo muganbi mubisha uri hafi 

gushyirwa mu bikorwa, byatumye 

ayabangira ingata igitaraganya mu 

gihe abayobozi bakuru bari bagiye 

gutangira umwiherero w’uyu mwaka 

ku Gisenyi. Ubu akaba abarizwa 

muri Leta zunze ubumwe 

z’Amerika. 

Umusomyi w’Umuseso

ISESENGURA 

UMUSESO No 399, 15-22 Werurwe 2010 

Urup. 9 

Kagame Paul ati : “Kayumba na Karegeya si bagenzi 

banjye (I’m not one of them), nta kibazo nagirana nabo” 

Mbanje kubashimira 

cyane, mwebwe 

m w e s e 

abanyamakuru b’Umuseso, 

umurava n’ubwitange 

mukorana, mu kugerageza 

kugeza ku banyarwanda 

amakuru nyayo, yuzuye 

kandi nta ruhande na rumwe 

mubogamiyeho. 

Mperutse gusoma aho 

mwavugaga, ko Bernard 

Ntanganda, umuyobozi 

w’imberakuri ari uwo 

gushimirwa kubera ko ari we 

wabaye uwa mbere mu gutangiza 

opposition mu Rwanda. Ariko 

njye ku bwanjye mbona ko 

n’ikinyamakuru Umuseso, gifite 

uruhare runini mu guharanira 

Demokarasi mu Rwanda. 

Yego, ntabwo ari ishyaka, 

umutwe cg se umuryango wa 

Politiki, ariko nyine mu rwego 

rwanyu nk’abanyamakuru, 

hari byinshi mwihanganiye 

kunyuramo, muravunika, 

kugeza n’ubu mukivunika, 

ariko ntimwatezuka ku 

murongo wanyu. Benshi muri 

bagenzi banyu mwatangiranye 

umwuga w’ubunyamakuru, 

cyane cyane mu kinyamakuru 

Umuseso, ubu bahunze igihugu, 

nyuma yo gukubitwa, ndetse no 

gufungirwa muri 1930. None 

Charles Kabonero, nabura gute 

kugushimira mu baharanira 

Demokarasi mu Rwanda, 

n’ibibazo byose wanyuzemo, 

unakinyuramo, uyu munsi 

ariko ukabasha kubyihanganira, 

ukemera ukaguma muri cya 

gari ya moshi, njye mbona 

kimaze no gucika feri, ariko 

ukanga kugisimbuka kigenda, 

ukagumya guharanira ko 

abanyarwanda twagezwaho 

amakuru nyayo, atari ayo 

twumva mu bitangazamakuru 

bya Leta. 

Didas Gasana, gute utari 

umugabo w’intwari mu 

guharanira demokarasi, 

ukoresheje ikaramu yawe, 

nyamara ubona iterabwoba ko 

ushobora kwicwa ukaguma 

nawe muri icyo gihugu cya 

Kagame. 

Rwose niyo mwananirwa 

mukaba mwahunga, muzaba 

muri abagabo, kuko na Genéral 

Kayumba, agiye yaragize 

imyanya ikomeye mu gihugu, 

kubarusha, ariko tuzajya twibuka 

ko mwagiye (ntibikabeho) 

nyuma ye. Gute mutari intwari 

muri Demokarasi, mu gihugu 

kimaze imyaka irenze 15, 

hategeka igitugu cya gisirikare, 

ariko mwe mukagumya 

mugahangana n’ìcyo gitugu. 

Erega twe abanyarwanda 

tuzajya duhora twibuka ko 

Umuseso nkìkinyamakuru, ari 

cyo cyafashe iya mbere, mu 

kugaragariza abanyarwanda 

ndetse n’abanyamahanga ko 

Kagame na FPR bategekesha 

igitugu, ngo nawe ngo uti iki? 

Wa mugani wa Gashikazi. 

Kabonero, Gasana na bagenzi 

banyu, mujye mwibuka ko 

muharanira kumenyesha 

abanyarwanda, amakuru yù 

Rwanda, mu gihe hari benshi 

bananiwe mu myaka 15 

ishize. Uwahoze ari umukuru 

sinshobora 

kugirana ikibazo 

n’aba bagabo 

(Kayumba na 

Karegeya) kuko 

sindi umwe muri 

bo, ntituri no ku 

rwego rumwe. 

Ububasha 

n’inshingano 

zanjye birazwi, 

ntabwo rero 

duhuje akazi 

(they are not 

my colleagues). 

Kunshyira ku 

rwego rwabo 

byaba ari 

igitutsi kuri 

jye…”. Arongera 

ati :`` Rwose 

sinsangira 

nabo, kandi nta 

n’ubwo twigeze 

dusangira``. 

w’igihugu, Pasteur Bizimungu 

yarananijwe, nawe arinaniza, 

none ubu yahisemo kwicecekera, 

cg se gucecekeshwa. Abahoze 

ari ba Ministiri b’intebe, Faustin 

Twagiramungu, Pierre Celestin 

Rwigema, nabo barananiwe, 

bavanamo akabo karenge, 

bajya kwibera ibweramubiri, 

nabo baraceceka. Sebarenzi 

wigeze kuba umuyobozi 

w’inteko ishinga amategeko, 

nawe nyuma yo kurusimbuka, 

aba arahafashe. N’abandi 

benshi bagiye nyamara bari mu 

nzego zifata ibyemezo muri uru 

Rwanda, kugeza kwùheruka, 

wigeze no kuba Chef d’état 

major, nakwita le veritable 

numero deux du regime nyuma 

ya Paul Kagame. None kuba 

mwe mugikanyakanya mu 

gukora akazi kanyu, ntacyo 

mutinya rwose, turabibashimira 

cyane. Niyo mwananirwa nyuma 

y’aba bose navuze haruguru 

bananiwe cg se bananijwe 

bakagenda, tuzajya tubabara 

mu ntwari za demokarasi, igihe 

iyo demokarasi izabonekera 

cyose mu Rwanda. 

Ngaruke ku mutwe w’inyandiko. 

Mu kiganiro n’abanyamakuru, 

Kagame yemeza ko benshi 

muribo bakennye mu mutwe ati 

: “ sinshobora kugirana ikibazo 

n’aba bagabo (Kayumba na 

Karegeya) kuko sindi umwe 

muri bo, ntituri no ku rwego 

rumwe. Ububasha n’inshingano 

zanjye birazwi, ntabwo rero 

duhuje akazi (they are not 

my colleagues). Kunshyira 

ku rwego rwabo byaba ari 

igitutsi kuri jye…”. Arongera 

ati :`` Rwose sinsangira nabo, 

kandi nta n’ubwo twigeze 

dusangira``. 

Njye maze kumva ariya 

magambo ya Paul Kagame 

nibajije ibibazo byinshi 

ariko sinabibonera 

ibisubizo. Byatumye nemeza 

ntashidikanya ko indwara 5, 

umwanditsi mukuru, Bwana 

Didas Gasana, yavuzeho mu 

kinyamakuru Umuseso no. 397, 

cyasohotse iminsi mike cyane 

mbere y’ikiganiro cya President 

n'abanyamakuru, ko ari ukuri. 

Rwose Nyakubahwa Afande 

mukuru w'u Rwanda afite 

uburwayi bwa Superiority 

complex ijyanye no kwiyemera, 

kumva afite umwihariko ku 

bwenge no ku bitekerezo byiza, 

binaherekejwe n'ubwirasi, 

n'agasuzuguro. Iyi ndwara 

rwose yamubayemo nka Cancer, 

ndetse sinzi nimba izapfa gukira. 

Nawe se umuntu uvuga ko Lt. 

Gén. Kayumba Nyamwasa 

na Col. Patrick Karegeya 

atari bagenzi be, n’imyanya 

ikomeye bari bafite muri iki 

gihugu, ubwo twe abaturage 

bo mu rwego rwo hasi cyane, 

turi mu ruhe rwego? Hanyuma 

se nimba abo bararanye mu 

rugano (Kayumba), barara rwa 

ntambi, bakubitwa n’imbeho 

ndetse bajya inama, banarebera 

hamwe uburyo batsimbura 

ubutegetsi bw’igitugu bwa 

Habyarimana, atari bagenzi 

be, abategetsi b’abasivili, bari 

biryamiye i Kigali, mu buriri 

bwiza, cg se bari mu yindi 

mijyi myiza itandukanye ku isi, 

nta sasu cg se umubu ubabuza 

gusinzira, ubwo bo bari mu 

kihe cyiciro? Ndashaka kuvuga 

ba Makuza, Biruta, Bazivamo, 

Mussa Fazil n’abandi. 

Ese Nyakubahwa President, 

aziko iyo avuze ko Kayumba na 

Karegeya atari bagenzi be, aba 

ashatse kuvuga no kumvisha 

abanyarwanda (rubanda 

rugufi), ndetse no kumvisha 

n’abategetsi bamwegereye ko 

nabo atari bagenzi be, kuko 

igihugu kigira umu President 

umwe rukumbi. Paul ubwo niwe 

wenyine mugenzi wa Kagame, 

mu Rwanda hose, ndetse na 

Jeannette rwose si mugenzi wa 

Kagame, kuku ni first lady ariko 

si President w’igihugu. 

Kabarebe, Kayonga, Muhire, 

Nziza, Ndahiro n’abandi... 

namwe ntabwo muri colleagues 

ba Kagame, kuko iyo myanya 

murimo, n’abandi bayishinzwe 

(bayigiyemo mbere yanyu), 

Kagame yabakuriye inzira ku 

murima ko atari bagenzi be, 

ko ndetse batigeze basangira, 

ubwo namwe mwazatubwira 

nimba koko mutajya musangira, 

aca wewe. (Aha njye nkeka ari 

bwa burwayi kuko, gusangira 

byo bagombye kuba byarabaye 

kenshi). 

Mu kurangiza nongere 

mbashimire, mwe mufite akazi 

katoroshye, mwe mukora 

ijoro n’amanywa muharanira 

kugumya kumurikira 

abanyarwanda, mubinyujije mu 

kinyamakuru Umuseso, kandi 

ndabifuriza kuzatsinda imanza 

zose murimo, haba urwa 

Musoni ndetse na Rujugiro. 

Murebwayire Marie Jeanne 

Canada 

Ibiciro byo kwamamaza 

Ku rupapuro rw’umweru n’umukara 

Urupapuro rwose: 400.000 FRW 

½ cy’urupapuro: 250.000 FRW 

¼ cy’urupapuro: 150.000 FRW 

1/8 cy’urupapuro: 80.000 FRW 

Eye-Piece: 50.000 FRW 

Ku rupapuro rw’amabara 

Urupapuro rwose: 700.000 FRW 

½ cy’urupapuro: 500.000 FRW 

¼ cy’urupapuro: 300.000 FRW 

1/8 cy’urupapuro: 150.000 FRW 

Eye-Piece: 100.000 FRW 

Uko ugenda wamamaza inshuro nyinshi, ugabanyirizwa ku buryo bukurikira: 

Inshuro enye (4) 5% 

Inshuro umunani (8) 10% 

Inshuro cumi n’ebyiri (12) 15% 

Inshuro makumyabiri n’enye (24) 20% 

Inshuro mirongo ine n’umunani (48) 25% 

Amafaranga yose yo kwamamaza atangwa mbere. 

Ukeneye ibindi bisobanuro, wahamagara 0788686919 cyangwa 0788570640 

Uri umucuruzi none urifuza ko abakiriya bakugana ku bwinshi, batumeho 

Umuseso maze wirebere; ababikoze nibo bazi ibanga! Wizuyaza, kandi imiryango 

ihora ikinguye!


ISESENGURA 

Rwanda: Nyuma ya Kagame, akavuyo 

Nta mahoro n’iterambere 

bikurikira ihirikwa 

ry’ubutegetsi, icyaba 

kiriteye cyose, n’ikigamijwe cyose. 

Byinshi bisubira inyuma (niba atari 

byose), abantu bagata igihe kinini 

bagana aho bari bari. 

Burya koko “inzozi zigira 

ayazo”; nyamara kandi ngo “ibijya 

gucika bica amarenga”; kandi 

ngo “ugaya ibye, abyibiramo”. 

Naraye ndose inzozi, ndashoberwa. 

Munyumve neza, si ibitekerezo 

byanjye nzanye hano, n’ubwo 

bitari bubure kuzamo; ni 

inzozi narose; kumwe umuntu 

asinzira akarota, akabona ibintu 

bitambuka uruhererekane, 

agakanguka; agasanga yarotaga. 

Iyo izo yarotaga zari mbi kuri 

we, ariruhutsa kuko asanze ari 

inzozi gusa; ariko agasigara 

igitima kidiha, agasenga 

agira ati “birabe iby’inzozi”. 

Iyo izo yarotaga zari izo 

kwifuzwa kuri we, akurura 

cyane igituma muri we ako 

kanyamuneza kamugumanira 

icyizere cy’ejo hazaza; ndetse 

ntashake no kuzibagirwa. 

Jye izo narose, zambereye urujijo; 

nako ni ihurizo rihishe amayobera! 

Narose mbona Kagame ateranyije 

abo bafatanije gutegeka aka kadomo 

kacu twita u Rwanda rwa Gasabo, 

ngo abagezeho uko bigomba kumera 

mu nyuma ze; kuko nabonaga 

asa nk’usezera acyuye igihe. 

Nabonaga hari abakuru b’ingabo 

batandukanye, abayobozi b’ibigo 

na za Minisiteri bitandukanye, 

yewe na rubanda giseseka 

ntiyahabuze iserukiwe najye Nable. 

Nabonaga ikirere gisa nabi, 

hari urwijiji rutera urujijo, 

akayaga kivanze n’ubutonyanga 

bw’imvura gahungabanya 

amahoro macye y’abari aho hantu. 

Maze mbona Kagame ateruye 

ijambo, nta gakoma, bose -nako 

twese- duteze yombi. Akijya 

kuvuga ariko kandi, mbona 

ishusho ye irahindutse, abaye 

Museveni. Maze atangira agira ati: 

“Muribuka yuko umuhungu 

wanjye ari kwiga ibya 

gisilikare muri USA”. Maze 

mbona bose imitima irabasimbutse, 

batangira kurebanaho 

nk’abiteze ikibaremerera 

batiteguye kigiye gukurikiraho. 

Icyatunguranye ariko, Kagame 

ntiyakomeza iby’uwo mwana 

we, ahubwo akomeza agira ati: 

“Nabahamagaye kandi ngo 

mbabwire uko ubutegetsi 

bw’igihugu bugomba 

kuzakomeza gukorwa”. Nk’uko 

byagenze mbere, nabwo mbona 

bose umusatsi ntukibateyeho; 

kuko bakomezaga gutungurwa 

no kuyoberwa n’ibyo Kagame 

ari kuvuga. Nyamara arongera 

arayoberana mu ijambo rye, kuko 

ibyo atagize ikindi abivugaho, 

ahubwo akomeza atangaza amazina 

y’abazayobora za Minisiteri n’indi 

myanya ikomakomeye mu gihugu. 

Aha kandi, icyateye impungenge, 

ni igihirahiro kivanze n’ubwoba 

ku bari aho, nuko yabatunguje 

amazina y’abantu bashya batari 

aho, nabonaga ari inkoramutima 

za Kagame basangiye urugendo 

rurerure rwa politiki yanyuzemo 

ariko kugeza kuri uwo munota batari 

bazwi muri abo bari bahagaze aho. 

Maze, agisoma urwo rutonde 

rwe rutagira izina na rimwe 

ry’abanyabubasha tuzi bo kuri 

iyi ngoma, mbona wa Museveni 

-nako Kagame- ahindutse Mobutu. 

Nibwo mu bitekerezo byanjye 

(nkiri mu nzozi ariko!) nasubijwe 

inyuma kwibutswa ibyavuzwe kuri 

Mobutu mu marembera y’ingoma 

ye, nuko byose byasohoye uko 

byari byaravuzwe. 

Icya mbere nibukijwe, ni uko 

ngo Mobutu yari yaravuze ko na 

nyuma yo gupfa kwe azategeka 

Zaire imyaka .... (sinibutse 

neza. 10? 20? ..... munyibutse). 

Kandi koko; hari undi wari 

wategeka Le Grand Zaire ku buso 

bwayo bwose nyuma ya Mobutu? 

Ni Mobutu rero ugitegeka, kuko 

hataraboneka umusimbura. 

Icya kabiri nibukijwe, ni uko mu 

gihe amahanga n’abanyapolitiki 

b’abazayirwa bamutotaga 

“démocratie plurariste” 

byigaragazaga ko ari inzira 

yo kumuhigika, ngo Mobutu 

yarababwiye ngo “Le Zaire?!?! 

Après moi, c’est le chaos”. 

Ninde ubihakana ko Zaire atari 

icyitegererezo cy’akaduruvayo? 

Kazarangira ryari? Kazarangizwa 

na nde kandi gute? Imana niyo 

ibizi. 

Icya gatatu nibukijwe, ni uko Mobutu 

yari yarahinduye igihugu cya Zaire 

n’ubukungu bwacyo nk’akarima 

ke, byose abyikwizaho we n’abo 

imandwa za ba nyina zabaga 

zereye. Nuko abwira abazayirwa 

bari basigaye amara masa ngo 

«débrouillez-vous»; ndetse kubera 

ko «uwanga amazimwe abandwa 

habona», arerura abishyira no mu 

Itegeko Nshinga ry’Igihugu, mu 

ngingo yaryo ya 15 nk’uko Papa 

Wemba yabiririmbye ngo n’ukiri 

ku ibere abimenye mu bya mbere 

yiga agitozwa kuvuga. Nuko 

abazayirwa barideburuya; n’ubu 

kandi bakideburuya, ndetse noneho 

bigoye kurushaho, kuko ari mu 

maraso no mu miborogo, icyizere 

cy’ejo hazaza cyaragiye nka 

nyomberi nk’amahembe ya nkungu. 

Ndi muri urwo rusobe rwo 

kwibutswa kuri Mobutu na nyuma 

ye, ndakanguka; nsanga narotaga. 

Maze rero, mureke tuganire; 

ariko tunatekereze. Abantu bajya 

barota cyangwa bagatekereza 

iherezo rya Kagame n’ingoma ye 

uko babyifuza kuri we, nyamara 

ntibanatekereze iryo herezo 

rye ingaruka rizagira kuri bo. 

Ndibuka muri za 1992-1993 mu 

nkubiri y’amashyaka ubwo yari 

ashyuhiye kunaniza Kinani no 

kumukura ku ngoma atemeraga 

kurekura, MDR yakoze akazi 

kanini mu gusenya icyitwaga 

ubutegetsi bw’akazu k’abakiga no 

kubuzinukishwa abanyarwanda. 

Hari akaririmbo urubyiruko rwa 

MDR (rwitwaga JDR) rwari 

rwarigishijwe, abana bakagakunda 

bityo bakakageza mu ngo z’ababyeyi 

wakubura amaso ugasanga ari 

umugabo, umugore, inkumi, 

umusore, umukecuru n’umusaza 

mu Rwanda hose barakamenye, 

bakisanga karabinjiye mu 

bwonko batabizi. Kagiraga kati: 

“Turashaka rukokoma; 

turashaka rukokoma niyo 

izabisobanura-a; Ayiwewe, 

ayiwe rukokoma”! 

Kagakomeza kati: 

“Jenerali arabashuka; 

Jenerali arabashuka 

nirukomera azambuka-a; 

Ayiwe-we, ayiwe rukokoma”. 

N’ibindi. Nuko intero iba 

imwe n’inyikirizo: rukokoma. 

Bananije ubutegetsi nkana, 

n’imishyikirano barayikoroga 

bashaka igisubizo biyemeje mbere 

y’imishyikirano yari inteshagihe 

gusa: rukokoma. Kuko babonaga 

aricyo kizabaha ubutegetsi, 

nyamara Kinani nawe yararahiye 

kutazorohereza inzira “abagome 

n’abagambanyi” (mu mvugo ye). 

Ndibuka umukuru wa MDR, 

Bwana Twagiramungu Faustin 

alias Rukokoma! Bivugwa ko 

muri ibyo bihe bigoye bamubajije 

ibyo akora mu mikino yakinaga 

kandi bigaragara ko iraye iri 

butere ikiniga n’intimba kuri 

benshi, agasubiza ngo: “inzira 

zose ziremewe, kabone n’iyo 

zaba zica mu mabyi; zipfa 

kukugeza kucyo ushaka”. 

Nuko inzira zose zirakoreshwa, 

zirimo no kugambanira igihugu kuri 

FPR hagamijwe gusa gushegesha 

ubutegetsi nk’aho nta zindi 

ngaruka bo bizabagiraho. Jenerali 

bamukuye ku butegetsi, ndetse 

abura n’amahirwe twamushungaga 

ko azambuka rwakomeye. Hapfuye 

benshi, hasenywe byinshi; ariko 

bagera ku cyo bashakaga. Nibyo. 

Ariko MDR yo iri he? Abarwanyije 

Kinani bivuye inyuma birengagije 

ibyate yabakebeye bo bari he? 

Harya ya Rukokoma yagombaga 

kubisobanura yarabaye? 

Kwishyira ukizana n’amahoro 

twavugaga dushaka nyuma yo 

kugaya ibyo twari dufite, biri he? 

Niko mbona n’iby’ubu, 

n’ibigiye gukurikiraho. 

Inzira zose ziracyemewe, kandi 

ziri gukoreshwa: Kagame 

bazamukuraho. Ariko gute? Ese 

ubu igihugu niho ari cyiza kurusha 

igihe cya Habyara mbere y’inkubiri 

ya demokarasi n’urugamba rwa 

FPR? Mutekereze ko nyuma ya 

Kagame ariho igihugu kizaba cyiza 

kurusha ubu? Ese mutekereza 

ko abazasimbura Kagame 

bazinjira muri Village Urugwiro 

nk’abitambukira mu isoko? Kuko 

icyo izi nzozi zambwiye ari iki: 

Nyuma ya Kagame, akavuyo 

Imana y’i Rwanda izahabe, wenda 

ako kavuyo ntikazatinde, kandi 

ntikazahitane benshi na byinshi ku 

kigero cy’ibyabaye mu ibisikana 

ry’ingoma ya MRND n’iya FPR. 

Harabaye, ntihakabe; harapfuye, 

ntihagapfe. Naho ubundi ....!!?!! 

Ntihabura abari buvuge ngo 

ndavuga aya Ndongo! Ariko 

imyaka y’uruzerero rwanjye 

irabinyemerera! Kandi benshi 

muri mwe, ejo ntimuzaba 

mukinseka. Kuko mwe muzacika 

ururondogoro rw’ibyo mwabonye, 

mukibona, kandi mugiye kuzabona 

nimudahindura ingendo. Kuko 

“akari imbere aha karahimbye”! 

Kandi “uzi ubwenge yoge magazi, 

kuko amazi atakiri ya yandi”. 

E-mail: n.able71@yahoo.co.uk 

FARG Na ibuka bacukije abo 

bashinzwe kureberera ? 

Bwana Simburudari 

umuyobozi 

wa IBUKA 

Tuzabaho dute tuzatungwa n'iki ko biteye ikibazo! ayo magambo 

kera yakoreshagwa mu kwamamaza bashaka kwerekana ikibazo kireba 

imiryango ibyara abana benshi kandi ntabutaka ifite bwo kuzakuraho 

umusaruro wo kuzatunga abari muri iyo mmiryango ,mbese muri rusange 

bashaka kwigisha abanyarwanda ko bagomba kubyara bakeya 

bazashobora no kurera bagakura kuburyo ntaweuzagira ikibazo mumuryango. 

Ikibabaje muri iki gihe n'uko ayo magambo ubu yahinduriwe banyirayo 

none ubu akaba arimo avugwa n'imfubyi N'abapfakazi bacitse ku icumu 

rya Genocide yakorewe abatutsi ubu bamaze amezi arenga atandatu 

ntacyo Ibuka n'ikigega kibashinzwe kibamarira ari abatishoboye ari 

abanyeshuri bo muri za kaminuza n'abandi gishinzwe ntacyo bamarirwa 

kandi bamwe mubakekwaho kuba bara rigishije inkunga zabo bidegembya 

ntanigikorwa ngo abo bantu bagobokwe 

MKR

Igihe RPF yiyemezaga gufata 

intwaro ngo irwane n’ubutegetsi 

bwa HABYARIMANA, yavugaga 

ko irwanira gucyura impunzi, 

ikarwanya akarengane n’ivangura. 

Nyamara iyo witegereje ibibera mu 

Rwanda ubu usanga akarengane, 

ubuhunzi, akazu bimaze kurenga 

kure ikigero byariho igihe cya 

Habyarimana. Ngira ngo ubu uwazura 

KAYIBANDA, HABYARIMANA 

bakabashyira mu kibuga kimwe na 

KAGAME, basanga bose umukino 

ari umwe ndetse KAGAME abarusha 

kure gukina uwo kuvangura, igitugu, 

akazu, ubuhotozi kandi yaravugaga 

ko RPF ari cyo irwanya dore ko we 

ataranageza imyaka KINANI yari 

agize, azayuzuza bigeze hehe? 

Ingingo ya mbere yi Itegeko 

NSHINGA, igika cya mbere kiragira 

giti“ Leta y’u Rwanda ni Repubulika 

yigenga kandi ubutegetsi bwose ni yo 

buturukaho, ishingiye kuri demokarasi, 

igamije guteza imbere abaturage, kandi 

ntishingiye ku idini. Igika cya kabiri 

kiragira giti: Ishingiro rya Repubulika 

ni: ubutegetsi bwa rubanda, butangwa 

na rubanda kandi bukorera rubanda” 

nyamara siko bimeze, kuko Leta 

y’ u Rwanda ni Leta igengwa 

n’amahanga, ubutegetsi buturuka mu 

banyamahanga, ishingiye ku gitugu, 

igamije guteza imbere abategetsi 

b’inkoramutima za KAGAME, 

UBUTEGETSI Ni ubwa KAGAME, 

butangwa nawe kandi bumukorera. Ibi 

ndabivuga mbizi kuko umunyarwanda 

wese ntawe uyobewe ko amatora y’u 

Rwanda aba ari ukurangiza umuhango 

abantu bararangije kwemezwa 

n’abambari ba KAGAME. Yewe 

njye ndi umusirikare kandi mukuru, 

iyo urebye uko igisirikare kiyoborwa 

ubu usanga ahantu hose hakomeye 

hari umuntu wa KAGAME, ataba we 

akaba icyegera cy’umukuriye kabone 

niyo yaba atabishoboye. ibi byerekana 

ko umukino n’abo yasimbuye arumwe 

bose. 

Kagame kandi ahora yihanukira 

akavuga ko igihe cya KAYIBANDA ko 

u Rwanda rwayoborwaga n’Ababirigi, 

igihe cya HABYARIMANA 

kikayoborwa n’Abafaransa. KO 

KANDI ICYO GIHE CYARANGIYE 

KO UBU u Rwanda rwigenga ko nta 

muzungu urufitemo ijambo nyamara 

akirengagiza ko nawe ayoborwa 

n’abongereza na Amerika. So umukino 

ni umwe kuri bose. 

KAYUMBA NYAMWASA akimara 

kunterefona ko ageze muri Uganda 

ahunga, natunguwe no kubona amaso 

yanjye avuyemo amarira kuko kurira 

ni ibintu bimbaho gake cyane. Ibi 

byatumye nsubiza amaso inyuma 

nibuka ibihe bigoye uyu mugabo 

nanjye n’abandi benshi twabayemo 

mu ishyamba igihe kirekire haba mu 

ntambara yo gushyigikira Président 

MUSEVENI igihe twarwaniraga 

kubohora Uganda, haba no kurugamba 

rwo kubohoza u Rwanda biranshobera. 

UMUSESO 

No 399, 15-22 Werurwe 2010 

Urup. 11 

ISESENGURA 

FPR siyo yazamuye Gen. Kayumba, ahubwo 

Kayumba niwe wayigeje ku butegetsi 

Ariko naramubwiye ngo igendere 

ubutwari bwawe ntituzabwibagirwa 

ko kandi Imana izagufasha ukagaruka 

mu gihugu wagize imyaka n’imyaniko 

urwanira kandi naramubwiye ngo 

nubwo bibabaje ariko kongera 

gusubira kuba impunzi birutira 

Abanyarwanda kumva ko yapfuye 

nk’urwo NGOGA yapfuye azize 

igitugu no kugaragaza ibitekerezo bye. 

Nyamara Nongeye kandi nibuka igihe 

twatangiye urugamba rwo kurwanya 

MOBUTU, u Rwanda rwagizemo 

uruhare rukomeye mu kugeza 

KABILA ku ntebe y’ubutegetsi nibuka 

igihe twatumaga Afande DAN ku 

bayobozi b’abanyamurenge barimo 

Muller RUHIMBIKA, MUSAFIRI 

MUSHAMBARO, DUGU wa 

MULENGE na KAZINDU 

NGENDA(aha hari Bukavu) aho 

DAN yababwiye ko niba bashaka ko 

ababyeyi babo batamarwa n’ingabo za 

MOBUTU babanza bakabakangurira 

kwimukira mu Rwanda kuko ariho hari 

umutekano kugirango intambara ibanze 

irangire. Ibi binaniranye twongeye 

guhurira na none muri HUYE ku bireba 

icyo kibazo. Inama yabereye HUYE 

yahuje icyo gihe Abasirikare bakuru bo 

mu ngabo z’u Rwanda hamwe n’aba 

Leaders baba Nyamurenge barimo 

Azarias RUBERWA na bagenzi be 

ndetse na KAYUMBA NYAMWASA. 

IYI NAMA YARANGIYE 

ABANYAMURENGE badutsembeye 

ko badashobora kwimukira mu 

Rwanda ko niba dushaka kubafasha 

mu kugarura umutekano mu karere 

gatuwemo n’ababyeyi babo, twabikora 

tutabanje kubimura ko kandi niba 

twanze twarorera bazirwanaho. Hari 

umwe wavuze ati: “ni gute wabwira 

umuntu ngo nabanze asenye hanyuma 

uzabone kumufasha kubaka ate 

iby’iwe amatungo ye, amasambu 

y’iwe, amazu, hanyuma ngo ubone 

kumufasha kurwana? Ese icyo gihe 

azaba akirwanira iki ko n’ubundi 

azaba yakuwe mu bye?” Aba bagabo 

ni abahanga cyane ubanza bari bazi 

igitugu cya KAGAME cyangwa bari 

baratahuye amayeri ya FPR kandi koko 

niko byari bimeze. Ibi byanyibukije 

umutekano twabwiraga aba bagabo 

uri mu Rwanda ndawubura. Ndibaza 

ngo ese bawutubajije twabasubiza 

iki? Dore ko abawubizezaga aribo 

bahumga igihugu kubera kukiburamo 

uwo mutekano? Naho KAGAME 

we arihanukira ngo Abanyarwanda 

BARYAME basinzire umutekano 

urahari ko kandi ntawe ushobora 

gukora Coup d’Etat ko kandi ibihe 

bya ba HABYARIMANA byarangiye 

nkaho ari Imana we. None se igihugu 

kirimo umutekano abantu barahunga? 

NYAMWASA KAYUMBA tuvugana 

kuri terefone amaze guhunga 

yantekerereje ukuntu yahamagawe 

kuri SECRETARIAT ya RPF 

n’ibibazo bamuhase, n’ababikoze abo 

ari bo birantangaza, gusa mubwirako 

yari yaratinze GUHUNGA nkurikije 

• 

• 

Kagame, Habyalimana na Kayibanda bakinira mu kibuga kimwe; ese umukino wabo ni umwe? 

Uburyo Kayumba yavuganiye Kagame imbere y’ingabo za APR 

Gregoire Kayibanda (Photo/ 

Archive) 

ukuntu KAGAME N’ABAMBARI 

BE bamuhozaga ku nkenke 

bamugambanira KUMPAMVU 

Z’URWANGO RUDAFITE AHO 

RUSHINGIYE. Mbega abagabo dufite 

muri iki gihugu? Wari wabona aho 

umuntu abazwa impamvu zatumye 

apfusha uwe(UMUBYEYI WE) 

ntatabarwe n’abantu benshi? None 

se umuntu niwe witabara cyangwa 

agakangurira abantu kumutabara 

cyangwa iyo mwumvise uwagize 

ibyago murahurura mukamutabara 

dore ko ari n’umuco w’abanyarwanda? 

Wari wabona aho abantu bagira ubwoba 

bwo gutabara undi ngo ni uko atavuga 

rumwe na KAGAME n’utabaye 

akagenda agiye kuneka? Wari wabona 

aho uwatabaye inshuti n’umuyobozi 

nka Ambassador w’igihugu abizira 

nkaho ari icyaha? Turavahe turajyahe? 

Mugitabo cy’Imigani igice cya 

gatandatu umurongo wa cumi na 

gatandatu kugeza ku wa cumi 

n’icyenda (proverbe 6:16-19) haragira 

hati: hari ibintu bitandatu Uwiteka 

yanga ndetse ni birindwi: 

Les yeux hautains; 

La langue menteuse; 

Les mains qui répendent le sang 

innocent; 

Le coeur qui médité des projets 

uniques; 

Les pieds qui se hâtent de courir au 

mal; 

Le faux témoin qui dit des mensonges 

et 

Celui qui exité des querelles entre 

frères 

Iyo usesenguye aya magambo y’iki 

gitabo usanga nta na kimwe ubu 

butegetsi bwa KAGAME butarakora. 

Igitangaje ni ukubona Abagabo 

nka ba TITO RUTAREMARA na 

NGARAMBE, abantu bagaragara ko 

bakagombye kuba abantu babwiza 

KAGAME ukuri ari bo baba 

abafatanyacyaha bagahagurukira 

gushinja umuntu ibinyoma. Kera mu 

muco nyarwanda iyo abavandimwe 

BAGIRAGA ICYO BAPFA 

hiyambazwaga abagabo basheshe 

Ingoma ni imwe: Habyarimana 


akanguhe twagereranya na Tito 

RUTAREMARA na NGARAMBE 

ariko aba bo bararutwa n’impinja 

z’iki gihe KUKO AHO KUGIRA 

NGO BAKEMURE IBIBAZO 

bahisemo kuba abafatanyacyaha 

n’inkomamanshyi kugira ngo 

bakomeze kwigwizaho amazu meza 

no kugenda mu mamodoka meza 

nkaho atari uburenganzira bwabo 

ari favour ya KAGAME cyangwa 

nkaho imyamya barimo batayikwiriye 

bayikesha KAGAME Doyen wabo. 

Icyiyongereyeho, natanganjwe no 

kubona iteka ba AFANDE IBINGIRA 

na SIZA KAYIZARI (NZIZA we 

na KABAREBE TUBIHORERE 

KUKO NIYO KAGAME yabategeka 

kwishinja amakosa batakoze babikora 

kubera kumutinya kuko batigenga mu 

bitekerezo) bashimishwa no guhora 

birukankira muri SECRETARIAT ya 

FPR gushinja abantu ibinyoma ngo 

bakunde babe inkundwakazi kwa 

KAGAME. Ese bazaba inkundwakazi 

kurusha NYAMWASA? Aba bagabo 

KAREGEYA yakagombye kubabera 

urugero rwiza rwo kwanga gushinja 

umuntu ibinyoma kugeza aho abizira 

kuko nibakomeza ejo inyungu 

babibonamo zizababera igihombo 

kandi cyambaye ikimwaro nk’icyo ba 

BAGOSORA barimo ubu. Ikindi kandi 

kumva NGARAMBE yihanukira 

akavuga ko KAYUMBA ARI CYO 

ARI CYO KUBERA RPF KO KANDI 

ARI YO YABIMUGIZE biratangaje! 

Gusa abantu bose batekereza 

babibonamo ubuswa no kutareba kure, 

mbere yo gutegekwa kuvuga ariya 

magambo yakagombye kumenya ko 

NYAMWASA ari mu bantu batumye 

FPR ibaho, nimba iriho babikesha we 

n’abandi ariko ntabwo we icyo aricyo 

agikesha FPR, kuvuga ayo magambo 

njye nagereranya nk’umwana 

wabwira se ko ariwe watumye ise 

abaho igihe ahubwo umubyeyi ari 

we utuma umwana abaho kuko niwe 

uba waramubyaye akanamurera 

kugeza akuze, so KAYUMBA nawe 

niwe watumye RPF ibaho kuko 

Nawe se? Perezida Kagame 


yarayitangiye imyaka myinshi aba mu 

ishamba kugira ngo ibeho. 

Igihe abagome barashe Martin LUTTER 

KING Umusore w’Umwirabura wari 

ubabajwe n’urupfu rwe yagize at 

i“En tuant le Pasteur KING hier soir, 

l’Amerique blanche nous a déclaré la 

guerre parce que, il était le seul homme 

de notre race à vouloir nous enseigner 

l’amour, la compassion et la pitié pour 

les blancs” mu kinyarwanda umuntu 

agerageje kugenekereza yavuga ko 

kubera urupfu rwa Martin Lutter KING 

ejo nimugoroba, Amerika idushyize 

mu ntambara kuko niwe wenyine 

mwirabura watwigishaga kugirira 

Abazungu urukundo, impuhwe 

n’imbabazi. Ihunga rya KAYUMBA 

naryo rizakururira ubutegetsi bwa 

KAGAME abanzi benshi cyane cyane 

bari mu gisirikare cya RDF kuko 

KAYUMBA na KAREGEYA ari bo 

bagabo bonyine babwizaga KAGAME 

ukuri. Ikindi kandi ni uko umuntu wese 

agiye kubonamo KAGAME umugome 

kandi ni nako bimeze kuko aba bagabo 

bose barazira ubusa. Icyiyongeyeho 

ni uko umuntu utekereza wese 

atabura kwegera uwo ari we wese 

washaka guhirika ubutegetsi bwa 

KAGAME bitewe n’imyitwarire ye 

yo kwigizayo abatavuga rumwe nawe 

kandi biba biturutse ku mafutiye. 

Aha twavuga nka Président Pasteur 

Bizimungu WAHIMBIWE IBYAHA 

BIMUVIRAMO KUBA MU 

BUROKO IGIHE KIREKIRE azira 

ubusa, NTAKIRUTINKA Charles 

uboreye muri gereza azira amaherere, 

KAREGEYA Patrick ba Afande 

SAM KAKA KANYEMERA na 

RUSAGARA, MAZIMPAKA Patrick, 

BIHOZAGARA, RWAMASIRABO 

Emile, urutonde ni rurerure kandi aba 

bose bigijweyo kubera kugaragariza 

KAGAME amakosa akora ariko 

no kugerageza kwigenga mu 

bitekerezo ariko barabizira. Icyaduha 

abanyarwanda bameze nk’aba u 

Rwanda rwakira kandi igitugu 

Komeza 12

Urup. 12 

ISESENGURA 

kikarangira. 

Nyuma y’urufpu rwa Martin Luther 

KING umudamu we yaravuze ngo 

umugabo wanjye yahoraga ambwira 

ko niba umugabo nyamugabo adafite 

impamvu nyayo yatuma ageza aho 

yakwitangira abandi ngo abizire, ni 

ukuvuga ko kubaho ntacyo biba bimaze 

ati kandi kubaho si ukubaho igihe 

kirekire ahubwo ni ukubaho ukagira 

umumaro “ Mon mari disait souvent 

aux enfants que si un homme n’avait 

pas une cause pour laquelle il serait 

prêt à mourrir, alors c’est qu’il n’était 

pas fait pour vivre. Il leur disait aussi 

que l’important n’est pas de vivre 

longtemps, mais de vivre bien” Aya 

magambo n’uru rugero byakagombye 

kuba intwaro ikomeye yo kudahora 

turebera bagenzi bacu barengana ngo 

tube inkoma mashyi gusa ngo abandi 

bategekwe kujya ku maradio no 

guhamagaza ibiganiro n’abanyamakuru 

byo kuvuga ubusa gusa. Biratangaje 

kubona umugabo nka NGOGA ajya 

kuri Radio akihanukira agashinja 

KAYUMBA ibisasu na MUSHAHIDI. 

Ibi usibye kubambura icyubahiro 

abanyarwanda baba babafitiye 

ntibikwiriye kuvuga umugabo 

utekereza kure, ese n’uwategekwa 

kuvuga ibinyoma ntiyareba byibura 

ibitatahurwa n’impinja? Umunsi 

umwe NGOGA amenye ko azaja kuri 

radio agatangariza abanyarwanda ko 

ibyo yavugaga yabitegekwaga gusa 

ntiyakarinze kurindira ibyo bihe kuko 

yakabaye intwari akanga kubeshyera 

umuntu ngo niho aramuka kuko nta 

mugabo, wabikora ahubwo yahitamo 

kubyanga nka KAREGEYA aho 

KAGAME yamutegekaga guhimbira 

NYAMWASA ibyaha akabyanga. 

Erega amamodoka n’imitamenwa izi 

nkomamashyi zigurana ubuzima bwa 

bagenzi babo bakirirwa babahimbira 

ibinyoma bamenye ko ba BAGOSORA 

batari bakungahaye buke, ariko se bari 

hehe? 

Umugabo witwa FALKLAND yagize 

ati “Quant il n’est pas necéssaire de 

changer, il est necéssaire de changer 

undi witwa ESCHYLE NAWE ATI 

Dans la guerre, c’est la vérité qui est 

la principale victime” mu kinyarwanda 

umuntu yavuga ko bivuga ko mu 

ntambara ukuri niko kuba kuhababarira 

ko kandi igihe bitari ngobwa 

guhindura ibintu ari cyo gihe nyacyo 

cyo guhindura. Abanyarwanda twari 

dukwiriye guhaguruka tukamagana 

ikibi kugira ngo icyiza kiganze kuko 

nibitaba ibyo iki gihugu kizasubira kure 

y’aho cyavuye. Ese kutavuga rumwe 

n’umuntu umwe mu gihugu kabone 

niyo yaba ari PEREZIDA bisobanura 

gusubiza abantu mu buhunzi no 

guhezwa mu rwababyaye? Kagame 

utareba kure wibagirwa vuba yibagiwe 

umumaro NYAMWASA yamugiriye 

muri sensibilisation y’ingabo za APR 

kwemera ko bareka KAGAME 

akayobora urugamba igihe Later 

UMUSESO 

RWIGEMA Fred yari amaze kwitaba 

Imana abandi basirikare bamurushaga 

amapeti babyanze ariko kubera 

igipindi n’ubuhanga bwa KAYUMBA 

bakava ku izima. Abanyarwanda 

baravuze ngo uwanze kumva ntiyanze 

no kubona. Ese intwari twibuka buri 

gihe twagerageje kugera ikirenge mu 

cyabo tukareka kuba ibigwari? Niba 

umuntu yemera kuba inkomamashyi 

akanashinja mugenzi we ibyo azi neza 

ko ari ibinyoma, ubugwari butari ubwo 

ni ubuhe? 

Uwahoze ari Pésident wa CONGO 

MOBUTU yigeze kutavuga rumwe 

n’uwari umugaba mukuru w’ingabo 

ze Général MAHELE ARIKO 

NTIBYATUMYE baba abanzi kuko 

MOBUTU yaje gutahura ko ibyo 

abambari be bamubwiraga ko ashaka 

kumuhirika ari ibinyoma byambaye 

ubusa, ( abo bambari ba MOBUTU 

ubu mu Rwanda twabagereranya na 

ba IBINGIRA, KABAREBE, NZIZA, 

SIZA KAYIZARI, RUTAREMARA, 

NGARAMBE, MUSONI James). 

Kubera ubutwari bwa MAHELE 

abakongomani bari bamuziho 

n’ingabo muri rusange, igihe KABILA 

yatangiye intambara yo guhirika 

MOBUTU, abanyagihugu n’ingabo 

basabye Mobutu KO YAGARURA 

Mahele AKABA UMUGABA mukuru 

w’ingabo. Dore uko MOBUTU 

yabwiye MAHELE igihe yari agarutse 

mu gihugu avuye kwivuza muri Suisse 

« Mahele, je n’ai pas beaucoup à te 

dire,Tu es militaire et tu connais mieux 

que quiconque la situation que traverse 

le Pays. Tu vois aussi la situation 

de ma santé, je ne suis plus capable 

de monter au front comme avant. 

NGBANDA m’ a FAIT LE RAPPORT 

à NICE que les troupes et le peuple te 

réclament pour les haut faits passés, 

j’ai eu la confirmation de ce rapport 

dès mon arrivée au pays. Et la première 

décision que j’ai prise te concerne. Je 

ne m’inquiète plus de savoir si tu me 

trahiras ou pas. J’ai tout fait pour vous 

autres, si vous estimer que je suis fini 

et que vous devez vous debarrasser de 

moi sur ordre des occidentaux, vous 

pouvez le faire quand vous voulez car 

je n’ai plus de force maintenant» mu 

kinyarwanda bivuga iki, Mahele nta 

byinshi mfite byo kukubwira kuko uzi 

ingorane Igihugu kirimo, urabona kandi 

amagara aho angeze ko nta mbaraga 

ngifite zo kujya ku rugamba nka kera, 

igihe nari NICE (mu Busuwisi) ni 

NGBANDA(Uyu NGBANDA yari 

umujyanama wa MOBUTU muri byose, 

inshuti ye magara ya hafi) yampaye 

raporo ko abaturage n’Abasirikare 

bashaka ko ari wowe uyobora ingabo 

kubera umumaro wagiriye igihugu 

n’ubutwari bakuziho kandi icyemezo 

nafashe cya mbere ni ukubyemera 

ntitaye ko wangambanira, nakoze 

byinshi kuri mwese, niba muhisemo 

ko mwanyigizayo ku kagambane 

k’abanyaburaya mukore uko mubyumva 

No 399, 15 -22 Werurwe 2010 

FPR siyo yazamuye Gen. Kayumba, ahubwo 

Kayumba niwe wayigeje ku butegetsi 

Bikurikira p11 

nta mbaraga ngifite. Ibi bikwereka neza 

ko kwigizayo umuntu umuziza ubusa 

nta mumaro bigira ko kandi bikugiraho 

ingaruka mbi nyuma. Kagame nawe 

yakagobye kumenya ko akarengane 

ariho akorera ABANYARWANDA 

MURI RUSANGE n’Abasirikare 

by’umwihariko bitazamugwa amahoro 

kuko aba bagabo asuzugura kugeza 

aho avuga ko nta mumaro bafite ko 

ari umwanda kandi ari bo bamushyize 

muri iriya ntebe yicayemo umunsi 

umwe bizamubera nk’igipfunsi 

gipfunyitse amazi. Ese KAGAME 

aragira ngo abantu bose bamwemere 

MUGIHE ni IMANA YAREMYE ISI 

N’IJURU ABANTU BATAYEMERA 

BOSE KANDI IFITE UBUSHOBOZI 

BWO GUKORA ICyO ISHATSE, ESE 

KUTAVUGA RUMWE N’UMUNTU 

NI ICYAHA? Yakagobye kumenya ko 

ibitekerezo bitandukanye ari imbaraga 

atari ukugambanira igihugu. Ese 

u Rwanda n’urwe wenyine? Niwe 

urufiteho uburenganzira kurusha 

abandi, niwe warurwaniye kurusha 

abandi se, yarashe angahe? Agapfa 

kaburiwe ni impongo kandi ikibazo si 

ugupfa kuko ntawe utazapfa ahubwo 

ikibazo ni ugupfa nabi kandi ukazahora 

wibukirwa ku mateka mabi. 

Ese Kagame yirengagije amateka 

tuvuyemo, yirengagije ko ba 

KANYARENGWE na RIZINDE 

BARI BARAFASHIJE Habyarimana 

KUJYA KU BUTEGETSI ARI BO 

BAFATIKANYIJE nawe (KAGAME) 

kumuhirika bitewe nuko yari amaze 

KUBIGIZAYO akageza aho bamwe 

abagira impunzi abandi akabacumbikira 

muri gereza? Akari umugabo kaba 

akarundi kandi na nyina wundi abyara 

umugabo. Umuhanga umwe yaravuze 

ngo imbaraga z’ukuri zigomba kujya 

hejuru y’iz’ikinyoma, iz’umucyo hejuru 

y’iz’umwijima,i byiza hejuru y’ibibi, 

ubuzima hejuru y’urufpu(La victoire de 

la vérité sur le mensonge, de la lumière 

sur les tenèbres, du bien sur le mal et 

de la vie sur la mort. Kagame niba 

ashaka amahoro nahe Abanyarwanda 

umudendezo kandi abubahe kuko aba 

bose yirirwa atangariza abanyamakuru 

ko ntacyo bari bamaze natareba neza 

umunsi umwe bazabimwumvisha. 

Nubwo twirata ko ingabo zacu zikomeye 

kandi ubu zikaba zihamagarwa 

aho rukomeye kurinda umutekano, 

namenye ko n’iza MOBUTU yatsinze 

zigeze kubungabunga umutekano 

muri za Nigeria, Tchad, Burundi, ko 

kandi MOBUTU MURI ZA 1970- 

1980 yari afite amashuri ya gisirikare 

yaba officiers AKOMEYE KANDI 

Ingabo zo mu bindi bihugu zazaga 

kwihuguriramo. Ese twatsinze ingabo 

za BABYARIMANA kuko tuzirusha 

kurwana cyangwa nuko twarwaniraga 

ukuri? Birababaje ndetse binateye 

isoni kumva aho umukuru w’igihugu 

yihanukira akavuga ko kumugereranya 

na Ambassador w’igihugu wanigeze 

kuba Umugaba w’Ingabo ari 

ukumusuzugura ndetse akita umuntu 

ushinzwe iperereza ko ntacyo amaze. 

Niba Ambassador n’Umusirikare 

nka NYAMWASA NA KAREGEYA 

bataba colleagues ba KAGAME 

azaba uwande ko ari bo baruhanye 

igihe kirekire bakagendana, bakabana 

bakanakorana? Ariya magambo ntiyari 

akwiriye gutangaza abantu kuko 

kuri KAGAME ni ibimenyerewe iyo 

ushaka kumukosora akwita ko ntacyo 

umaze ngirango abo twarikumwe 

mu ihuriro rya RPF mu mwaka wa 

2008 muribuka ukuntu yategetse 

MURIGANDE Charles ko kugirango 

abashe kuba muri iyo nama yabanza 

akajya kuvuguruza ibyo yari yatangaje 

kandi biri mu nshingano ze. Ikintu 

cyababaje abantu benshi babura uko 

bagira, uku gusuzugura abandi bagabo 

akabagira ubusa nibyo NYAMWASA 

yahoraga amubwira ko yareka inzego 

z’ubuyobozi zikigenga. None se ibaze 

nawe aho buri muyobozi mbere yo 

gufata icyemezo ku bijanye n’urwego 

ayobora azajya abanza akabaza 

KAGAME icyo abitekerezaho. Kagame 

yakagombye kumenya ko Igihugu 

kitakubakira ku bitekerezo n’ubushake 

ngo kinakorere mu murongo n’ibyo 

umuntu umwe yifuza. Ntaho biraba ku 

isi, erega niyo waba umukuru w’igihugu 

ariko hari aho ugera ukarekera abandi 

ubushobozi bwo gukora icyo amategeko 

abemerera. Niba ashaka kuyobora buri 

rwego navaneho za minisiteri n’intara 

n’uturere n’izindi nzego abijyane mu 

rugwiro abiyobore byose? Cyangwa 

abihe inkomamashyi ze ba KABAREBE 

na NZIZA, MUSONI, NGARAMBE, 

RUTAREMARA na IBINGIRA. Nihe 

wari wabona umukuru w’igihugu 

abwira Umuminisitiri akaba n’icyegera 

cye muri RPF ngo na bariya ba kanaka 

imbere y’abantu, ni agasuzuguro kenshi? 

ESE UMUNTU AFITE AMAKOSA 

NTIWAMUBWIRIRA KU RUHANDE 

NGO UREKE KUMUSUZUGURA 

IMBERE YA BAGENZI BE N’ABO 

AYOBOYE (IBI YABIVUGIYE mu 

nama y’umushikirano iherutse ubwo 

higwaga ikibazo cyuko inka zatanzwe) 

Abanyarwanda rero cyane cyane 

Abasivire n’Abasirikare bari mu 

buyobozi bakagombye guhaguruka 

bakamagana KAGAME akareka 

gusuzugura abandi bakorana, ikibi 

n’icyiza kikavugwa mu izina ryacyo. 

Ntabwo twifuza ko Umuryango wa 

KAGAME (Umugore n’Abana) 

nk’umuntu uyobora igihugu ko bazaba 

inzererezi cyangwa ngo aho baciye hose 

bahanyurane ikimwaro nk’imiryango 

ya bagenzi be bamubanjirije. Urugero 

KANZIGA HABYARIMANA ngirango 

ingorane arimo ntawe uziyobewe 

kandi ntawazimwifuriza kuko biteye 

isoni ku banyarwanda bose kubona 

abayobozi bacu iteka barangiza nabi 

nkaho twavumwe kandi bibaturutseho. 

Ese kuki abayobozi bacu batarebera 

ku Burundi aho abigeze kuyobora icyo 

gihugu bose bagitanga umusanzu mu 

nzego z’Ubuyobozi kandi icyubahiro 

bakigifite (BAGAZA, BUYOYA, 

NTIBANTUNGANYA, NDAYIZEYE) 

ibi babikorerwa kuko baba bararangije 

neza nubwo amakosa atabura ku 

muyobozi ariko ibibera n’ibikorwa 

n’abaperezida b’iki gihugu bo ni 

agahoma munwa. 

Ikindi kandi kuki MUSEVENI 

atamubera urugero, abatavuga 

rumwe nawe kandi bafatikanyije 

kurwana baravuga akarimurori ariko 

ntacyo bimutwaye kandi ni Président 

tutanagereranya nawe. KAGAME aho 

kubaka inzego z’ubuyobozi arihutira 

kongerera imishahara abashinzwe 

umutekano we ba hafiimishahara, ese 

nicyo kizamuha ububasha n’imbaraga 

cyangwa bikamufasha kuzarangiza 

neza? Ntazi ko ibi nabyo bitera abandi 

basirikare uburakari bikaba byanatuma 

bayoboka ushaka kumurwanya wese? 

Yakwitoje kubana na bagenzi be 

baruhanye neza? Kagame azi neza ko 

afite abanzi benshi haba mu gihugu no 

hanze KUBERA IGITUGU NDETSE 

N’AMAFUTI YE. Yewe ntazi 

ukuntu Abakongomani bamufata nka 

HITLLER kubera ibibazo yatejeyo, 

Uganda aziko umubano we na mugenzi 

we MUSEVENI ushingiye ku buryarya, 

u Burundi ntazi neza ko Abatutsi baho 

bamufata nk’umugambanyi? 

NYAMUNEKA KAGAME NIYIGE 

GUHA ABANDI AGACIRO 

KABAKWIRIYE kandi amenye 

ko aba bagabo akomeje kwibasira 

abaziza ubusa n’amabwire ya ba 

NZIZA, IBINGIRA, KABAREBE, 

NGARAMBE, RUTAREMARA, 

MUSONI azamugeza kure, 

ANAMENYE KO KANDI Kayumba 

na Karegeya ataribo bazamugambanira 

kuko barigendeye ariko aba yagize 

abatoni be nibo bazamukoraho kuko 

nta n’umwe ushobora kwibeshya ko ari 

inkora mutima ya KAGAME KURUTA 

UKO ba KAYUMBA NA KAREGEYA, 

KAKA, NDUGUTE BAZIBAYE, 

ARIKO SE BARI HEHE? 

Ndangize ngira Abanyamakuru inama 

yo kutihutira kuvuga ibyo bumvise 

byose no kwigira abacamanza kuko 

nibatareba neza amateka azabagira nka 

ba HASANI NGEZE na bagenzi be. 

Muhe gihe cya apartheid abanyafirika 

y’epfo bari barakandamijwe bahoraga 

baririmba bati FREEDOM WILL 

BE COMING, Abanyarwanda bose 

by’umwihariko Ingabo zacu zikomeje 

kugambanirwa nizihangane zikomere 

zitahirize umugozi umwe kandi 

zimenye ko bitinde bitebuke ukuri 

kuzatsinda ikibi kandi nta joro ridacya. 

Amahoro arakabaho mu Rwanda 

kandi Imana irwibuke kugirango 

ntiruzongere kumenekamo amaraso 

aterwa n’inyungu z’agatsiko kadashaka 

amahoro. 

Umusonyi w’Umuseso 

yesyesmubyamagane@yahoo.fr

IKIGANIRO 

Prof. Bamenya: Dr., wabaye 

amahoro ko ntaheruka no kumva 

telephone, nizeye ko utahuye na za 

grenade. 

Dr. Hishamunda: Profeseur 

ndaho by’iki gihe; wowe se wabaye 

amahoro si naguterefonnye bitewe 

nuko aho ntuye hegeranye na ha 

hantu baherutse gutera grenade. 

Naratashye nsanga polisi ihagaze 

iwanjye ku muryango banyaka 

telephone kubera impamvu 

z’umutekano, ni akumiro. 

Prof. Bamenya : Dr., sigaho 

kunsetsa urashaka kuvuga ko 

“Black berry” yawe ifitanye isano 

na grenade. 

Dr. Hishamunda: Oya ibyo 

byakorwa igihe gito kubera 

impamvu z’umutekano batekereza 

ga ko hari ushobora kuvugana 

n’abatera za grenade kandi njyewe 

ndabyumva gusa icyo ntari numva 

kugeza uyu munsi ni uko nabahaye 

“blacy berry” bakansubiza 

karasharamye” icyakora bari 

bacanganyikiwe nshobora kubaha 

imbabazi nubwo batazinsabye. Iyo 

karasharamye nayo narayibashubije 

ubu nta telephoni mfite. 

Prof. Bamenya: uracyari umutesi, 

koko nta mbabazi bashobora 

kugusaba, wiyibagije ko kubona 

cash niyo amaraso yaba ari 

kumeneka ari ihame rya mafiya. 

Dr. Hishamunda: Icyakora aho 

nabereye mbonye ikintu gitera 

ubwoba Mafiya ni “grenade nta 

kindi ndibaza umunsi bariya basore 

bazakoresha za mashinigane uko 

bizagenda ni hatari kabisa! 

Prof. Bamenya: Uretse n’ibyo 

by’ubwoba hari ikindi natangiye 

kubona cyantangaje; uzi ko bamwe 

muri bo batangiye kugaragaza 

ibimenyetso by’uburwayi bw’imitsi 

n’umugongo! 

Dr. Hishamunda: Prof., se kandi 

ko wongeye kuzimiza noneho turi 

buhurire he? Ndavuga iby’ubwoba 

nawe ukazana iby’uburwayi 

bw’imitsi n’mugongo. 

Prof. Bamenya: Nyamara 

nubwo useka bifite aho bihuriye. 

Iby’ubwoba turi bubigarukeho 

ariko iby’imitsi n’umugongo 

ndakeka ko byaba biterwa no 

UMUSESO No 399, 15 - 22 Werurwe 2010 

Urup. 13 

Kagame ati “mu Rwanda kudeta ntishoboka” Irashoboka! 

Ntabwo ndi Habyarimana –u Rwanda si Niger 

kubura imyifato mu migendere 

yabo. 

Dr. Hishamunda: Prof., gerageza 

unsobanurire neza ndumva iki 

kiganiro gishobora kuza kugera 

kure. 

Prof. Bamenya: Kubura imyifato 

nshaka kuvuga, ni uko bamwe 

batangiye kuyoberwa niba 

bazakomeza kugenda bemye nkuko 

bari babisanganywe cyangwa se 

niba bagomba kugenda bunamye 

kandi bananyonyomba. Ikigaragara 

ni uko abenshi bahisemo ingendo 

iri hagati y’izo zombi ikaba 

ishobora kuba ariyo nyirabayazana 

yo kubabara imitsi n’umugongo 

benshi batangiye gutaka. Sinigeze 

niga iby’ubuvuzi ariko sinzi niba 

hari uwanyomoza. 

Dr. Hishamunda:Ariko se Prof 

mbabarira tugaruke ku by’ubwoba 

buri han; wowe urabibona ute? 

Prof. Bamenya : Ubwoba buri 

hano ni bwinshi cyane ariko reka 

tugerageze tubucukumbure. Nta 

gushidikanya umunyarwanda wese 

uri hano ndetse n’umunyamahanga 

bose bafite ubwoba kandi 

birumvikana ntabwo grenade 

zahitana abantu cyangwa ngo 

ziturikiye mu gihugu umuntu wese 

yizera ga ko kirimo umutekano 

ngo habure ubwoba kabone niyo 

abantu bahumirizwa na Kagame 

ubwe nkuko yavuze ko abantu 

bagomba kuryama bagasinzira. 

Wasinzira ute abantu barimo 

gushwanyaguzwa na grenade, 

ubwoba buri hano bufite ishingiro. 

Dr. Hishamunda : Ariko rero 

Kagame ni umugabo wo kwizerwa 

uko yahumurije abanyarwanda 

none grenade zacecetse ndetse 

yavuze ko nta kudeta ishobora 

kuba mu Rwanda; Kagame 

yavuzeko atari Habyarimana kandi 

ko u Rwanda atari Niger. 

Prof. Bamenya: Yebaba weee !!!! 

eeee Dr., mbega ibintu biryoshye 

gusobanura! Ahuuu !!! Urakoze 

cyane wabonye ukuntu Kagame 

yarebaga n’amagambo yavuga 

kandi azi ko binyura kuri televiziyo 

y’igihugu? Guhunga kwa General 

Kayumba Nyamwasa byahise 

bigaragaza neza Kagame uwo ari 

we. 

Dr. Hishamunda: Mbere yo 

(Ikiganiro cya Dr Hishamunda na Prof Bamenya (Igice cya 5) 

Icyo numvise ni uko zahinduye 

imiroshyo abasirikare bagafata 

ubutegetsi amakuru atari ay’u 

Rwanda sinjya nyitaho. 

kugaruka kuri Kagame ubwe no 

guhunga kwa General Kayumba 

Nyamwasa banza umbwire 

icyo wavanye mu magambo ya 

Kagame. 

Prof. Bamenya : Ibyo nakuyemo 

ni byinshi cyane ariko icy’ingenzi 

ni uko Kagame afite ubwoba 

buruta ubw’abanyarwanda bose 

bafite ubuteranyije. Ku bantu bafite 

n’akantu gato bazi ku bijyanye 

na “ Psychologie” amagambo 

Kagame yavuze ntabwo ateye 

ubwoba ahubwo yo ubwayo ni 

ubwoba. Reka nisobanure neza; 

kuba Kagame yaravuze ko atari 

Habyarimana kandi Kinani amaze 

imyaka hafi 16 apfuye, ntabwo 

byari mu rwego rwo kumwunamira 

uretse ko Gen. yunamiye mugenzi 

we nabyo ntacyo byaba bitwaye. 

Gusa kuvuga Habyarimana 

kandi atarigeze akorwa Kudeta 

bigaragaza ko Kagame yibutse 

ko babagereranyije nk’impanga, 

yibutse uburyo yapfuye abihujemo 

no guhunga kwa General Kayumba 

Nyamwasa nibyo byatumye 

Kagame areba kwa kundi uko 

yarebaga. Ntibizibagirana ku 

bamubonye kuri televiziyo. 

Dr. Hishamunda : Iby’ubwoba 

bwa Kagame sinabyumvaga ariko 

noneho ndabyumvise, koko uri 

mwarimu. 

Prof. Bamenya: Nari ngikomeza, 

kuvuga ko mu Rwanda hadashobora 

kuba kudeta, burya byatewe 

nuko Kagame yahise abona ko 

bishoboka noneho mu bwonko bwe 

hahita hishushanyamo “ NIGER” 

! Niyo mpamvu yahise avuga ko 

u Rwanda atari Niger! Ubundi se 

nyine u Rwanda ni Niger? Biriya 

Kagame yari abikuye he? Ubwoba 

buragatsindwa yashatse kubuhisha 

maze bumwibutsa kudeta yo 

muri Niger! Ese ubundi waba 

waramenye uko kudeta yo muri 

Niger yagenze n’intandaro yabyo 

ko ari byo byagufasha kubyumva 

neza. 

Dr. Hishamunda: Icyo numvise 

ni uko zahinduye imiroshyo 

abasirikare bagafata ubutegetsi 

amakuru atari ay’u Rwanda sinjya 

nyitaho. 

Prof. Bamenya: Nyamara ukwiye 

kujya ukurikira iby’ahandi, none 

se amabombe yirirwa aripuka i 

“Bagdad” ataniye he na grenade za 

“ Nyabugogo” na “ Kimironko” 

Dr. Hishamunda: Ok Prof. 

ndabikwemereye kuva ubu nzajya 

nkurikirana n’ibibera ahandi ariko 

winyicisha amatsiko mbwira ibya 

kudeta yo muri Niger kuko nayo 

ishobora kuba iri mu byatumye 

Ese ubundi waba waramenye uko kudeta 

yo muri Niger yagenze n’intandaro yabyo 

ko ari byo byagufasha kubyumva neza. 

Kagame areba kwa kundi. 

Prof. Bamenya: Hari ku itariki 18 

Gashyantare 2010 mu gihe cya saa 

ine za mu gitondo ba ofisiye bake 

bo mu gihugu cya Niger bakoreye 

inama muri kimwe mu bigo bya 

gisirikare kibamo bya bibunda 

bya rutura bita ibifaru. Icyo kigo 

kiri mu murwa mukuru cyitwa “ 

compagnie d’appui de Niamey”. 

Kuri uwo munsi saa tanu Perezida 

wa Niger “MAMADOU TANDJA” 

yafunguye inama y’abaminisitiri 

nta kibazo afite, bigeze saa saba 

ibintu biba bibaye ibindi urufayo 

rw’ibisasu binini bitangira 

kumvikana, ngayo amadirishya 

mu kirere, inzugi hasi, ibirahure 

bikwira imishwaro abaminisitiri 

bose nk’abasirikare bakubitira inda 

hasi icyarimwe, ubundi ngo cwe. 

Dr. Hishamunda : Nyamuneka 

ntugarukire aho biraryoshye ubwo 

Perezida byamugendekeye bite? 

Prof. Bamenya: Ubwo nyine 

byamaze kudogera Perezida yiruka 

amasigamana no mubiro bye ngo 

ba! Akubisemo urufunguzo ako 

kanya yahise atelefona umugaba 

w’ingabo General “ MOUMOUNI 

Boureima” ati nyamuneka 

nyamuneka gira vuba uhamagaze

jye 

ya 

ye 

no 

da; 

re 

ru 

ya, 

we 

in 

wa 

go 

ga, 

e, 

ye 

yo. 


IBIMBABAZA 

Ninde wakumva Ngarambe ku 

kibazo cya Kayumba? 

Ku bashoboye gukurikirana 

ikiganiro Kayumba yakoze 

kuri VOA mu cyongereza, 

nyuma yacyo abanyarwanda 

bahawe urubuga kuri interineti, 

kuvuga icyo batekereza. Niba 

abategetsi ba Kigali barabonye 

ibyo abaturage bavuze, ikibazo 

nibaza aho baracyumva 

n’impamvu yacyo. Ubutumwa 

bwose bwazaga buvuga kwifatanya 

na Kayumba mu bibazo arimo, 

kwishimira ko yashoboye gucika 

(benshi bongeraho ko bazi neza 

icyari kumubaho iyo adashobora 

kuhava). 

Kuri urwo rubuga, hariho 

ubutumwa bwinshi cyane harimo 

abasaba Kayumba kwihutira 

kujya mu ishyamba, abibutsaga 

Kagame imvugo ya Habyarimana 

yiyita ikinani cyananiye abagome 

n’abagambanyi mbere y’uko 

ingoma ye ihirima, babigereranya 

na Kagame avuga ko nta ‘Coup 

d’Etat’ ishoboka-Imana idufashe 

amateka atazisubiramo. 

Hariho isesengura ritandukanye 

ariko igikuru cyane ari 

abanyarwanda kugaragaza ko 

bashyigikiye Kayumba kandi 

bemeza nta gushidikanya 

muri bo ko ibyo ashinjwa ari 

ibihimbano. Nabuzemo n’umwe 

uvuga ko ashyigikiye cyangwa 

yemera ibyavuzwe n’ubutegetsi 

n’abategetsi b’i Kigali. Yego, 

ntabwo abanyarwanda bose bagiye 

kuri urwo rubuga ariko bitanga 

ishusho umuntu yagenderaho. 

Mbere yuko tuvuga, kenshi ni byiza 

kubanza kwibaza ku batwumva; 

abumva ibyo tuvuga n’icyo 

batekereza. Ntabwo numvise ibyo 

Ngarambe yavuze kuri Kayumba 

byose kandi nta nubwo nifuzaga 

kubyumva byose kubera impamvu 

maze kuvuga. Icyo nshaka kuvuga 

ni uko ndi mu bantu baba bazi 

uwo ngomba kumva ku kibazo iki 

n’iki. 

Ntabwo ndi mu bantu bakeka ko 

Ngarambe yasobanura ikibazo 

cya Kayumba, oya. Ukuri 

ni ngombwa. Sinzi niba hari 

n’umunyarwanda unakeka ko 

Ngarambe afite icyo azi ku bya 

Kayumba, uretse ibyo yatumwa 

gukora, kuvuga. Ubwo wenda 

ni nako byagenze. Naho, ubundi 

wakumvwa nande? Audience afite 

ku kibazo cya Kayumba irangana 

iki? Nta gukabya, nta kubahuka 

Muzehe Ngarambe, nsanga 

we kuvuga ku bya Kayumba 

bidatandukanye nuko bahamagara 

Muhagarike urwenya: Nta gihugu cyakohereza 

umunyarwanda wagihungiyeho mu Rwanda 

umwana uri mu mwaka 

wa gatatu wisumbuye 

kubivugaho-ntabwo 

bitandukanye pee. 

Ni kimwe no kumva, 

Nyakubahwa Martin 

Ngoga avuga ko bafite 

ibimenyetso bashakaga 

gukurikirana 

Kayumba. Rafiki yangu 

Ngoga ni porokireri 

umaze imyaka yose 

bamubwira abo 

gufata, akabafata, 

bakamubwira abo 

gufunga, akabafunga. 

Urutonde rw’abafite 

ububasha bwo 

kumutuma ni rurerure 

kuva muri Leta, Polisi, 

RDF n’izindi nzego. 

Ndakeka ko rimwe na rimwe 

abantu bakwiye kujya bicara 

bagatekereza ku bintu nk’ibyo. 

Icyo bivuze, ni ingaruka n’ibindi. 

Ariko, turi mu isi, ibyo abantu 

batabitindaho kubera inyungu. 

Naho se Mushiki wanjye, 

Louise, ‘nyirabuja’ wa Kayumba, 

wamwirukanye ku kazi’ 

amaze guhunga? Avugishije 

ukuri yatwereka amaterefoni 

yamuhamagaye ahabwa 

amabwiriza y’icyo gukora, amwe 

ava mu bantu badakwiye kuba 

bamuha amabwiriza-sibyo? Ubu 

nawe aravuga ibya Kayumbaarabisobanura-ni 

igitangaza. 

Na Kayumba ubwe bamwe muri 

abo ntibamuzi-simbishidikanyaho. 

Ngarutse ku magambo ya Kayumba 

yavuze kuri Mushikiwabo agira 

ati: ‘ni umuntu ukigera muri Leta 

wishakira kurwana ku kazi ke”, 

ni iki kindi umuntu yakwibaza ku 

byo yavuga kuri Kayumba. Siwe 

wenyine kandi. Mu bo mvuze 

bose n’abo ntavuze, hari uwarahira 

ahanitse ukuboko akavuga ko ibyo 

kuri Kayumba abyitekerereza, 

atabibwirijwe? Haramutse hari 

uburyo byamenyekana ko ubeshye, 

ntawahanika ukuboko? Ariko, 

igihe kizagera babyivugire, nabo 

bamaze guterwa hejuru-ntabwo 

ari kera rwose. 

Hano, icyo nshaka ko cyumvikana 

ni uko ibi bikomeza kwereka 

abantu ikibazo Leta ya Kagame 

ifite; benshi bavuga ibyo batemera 

wongeyeho n’ibyo batazi kubera 

inyungu; imirimo, imyanya barimo 

na 

Charles B. 

KABONERO 

n’ibindi, kandi ukuri kw’izo 

mvugo kumaze kumenyekana 

bihagije. Ni nayo mpamvu 

nibazaga niba abantu bajya bibaza 

iyo bagiye kuvuga. Abanyarwanda 

benshi barakumva bate? 

Ese abanyarwanda baratekereza 

iki kuri Kayumba bityo ukamenya 

uko bari bufate ibyo uvuga? Bariya 

banyarwanda bandikaga ku rubuga 

rwa VOA, bumva bate Ngarambe, 

Ngoga na Mushikiwabo? Ni 

bangahe mu Rwanda ubu bemera 

ko ibyo ubutegetsi bushinja 

Kayumba ari byo? 

Amahirwe ya Kagame n’abo bakiri 

kumwe, ni uko abanyarwanda 

babateye ubwoba ntawavuga icyo 

atekereza, ariko bibaye, Kagame, 

Ngarambe, Mushikiwabo na 

Ngoga n’abandi bakumirwandabihamya. 

Niyo mpamvu 

nkeka ko Kagame agomba kuba 

yicara akavuga ati: ‘Harakabaho 

igitugu?” 

Nta munyarwanda 

wakoherezwa mu Rwanda aho 

yahungira hose 

Ubutegetsi bwa Kagame bufite 

byinshi byo kwibazaho; Politiki 

yo kuburizamo ubwigenge 

bw’Inkiko n’abacamanza 

yateguwe n’ubutegetsi bugamije 

inyungu z’ubutegetsi, nyamara 

kuri ubu, bifite ingaruka kuri 

ubwo butegetsi kurusha inyungu 

bavanamo. Uretse gutera urwenya 

bashaka gushuka abanyarwanda, 

ubutegetsi bwa Kagame buzi 

neza ko nta gihugu cyatanga 

umunyarwanda wagihungiyemo. 

Uretse na South Africa, nta 

kindi gihugu cyatanga Kayumba 

cyangwa undi munyarwanda 

wahunze Kagame kuko, ntawe 

uyobewe imikorere y’ubutabera 

bwo mu Rwanda. 

Buri munsi birirwa bavuga ko 

barimo gusaba abantu, haje nde? 

Perezida we noneho yanongeyeho 

ko bazakorana n’ibihugu 

bakabuza abantu bamwe kujya 

batemberamo? Urwenya ruragwira, 

cyeretse ibihugu byose biyobowe 

nk’u Rwanda, abaperezida bose 

bayobora nka Kagame, nta nzego 

zibaho nkuko bimeze mu Rwanda, 

kandi Kagame arabizi ko atari ko 

ahandi bimeze. Sibyo? 

Gusa, ikibazo Kagame akwiye 

kwibaza kuri ibyo byose, ni 

impamvu ibihugu bitagirira u 

Rwanda icyizere? Arayizi kandi. 

Uburyo ubutabera bwo mu 

Rwanda babugize igikoresho 

cy’ubutegetsi, bwambuwe 

ubwisanzure. Nta gucisha ku 

ruhande, iyo ni ingaruka y’igitugu, 

Kagame n’abambari be batigeze 

batekerezaho bajya guhitamo ko 

ubutabera buzabaho ari igikoresho 

cy’ubutegetsi. Hari n’ibindi 

byinshi bizagenda bibatenguha 

gutyo. Ni ikibazo cy’igihe gusa. 

Reka ndekere aho, mbe ntegereje 

urundi rwenya kuva kuri ba 

nyakubahwa; ninde ukurikiraho 

ku ‘stage’? Karugarama? Musa 

Fazil? 

Charles Kabonero 

STUDY FOR CAREER SUCCESS 

Invest in your future with professional study & training from 

this accredited British College, respected worldwide. Gain 

the skills and knowledge needed for a new or better job, 

good pay, self-development, security and top qualifications. 

For a FREE Prospectus and information visit the website, or 

write, fax, or email your name and details to: 

The Registrar, Cambridge International College, 

PO Box 1378, Southampton, SO17 3WX, Britain 

Email: info@cambridgetraining.com 

Website: www.cambridgecollege.co.uk 

Whatever your educational level, knowledge or experience, CIC 

has study for you to achieve your potential and earn success: 

Certificate, Diploma, Honours Diploma, 

BA and MBA Programmes 

� Business, Management, Administration, Project Management 

� International Business, Marketing, Sales, Advertising & PR 

� Accounting, Finance, Economics, Commerce, Banking 

� Hotel, Travel, Tourism, Hospitality, Purchasing, Logistics, Transport 

� Leadership, Strategy, Business Development, Organisation 

� Human Resource/Personnel, Employee Development, Insurance 

� English, Secretarial, Communication, Computers & IT, Stores 

Diploma Fees £190 or US$380 - so get ahead of others! 

Fees include Study Materials, Training Guide, Tests & Answers, Exam, 

Assessment, Award. Study at your pace to ensure your success.

IKIGANIRO 

za ntarumikwa zanjye “ Compagnie 

d’appui de Niamey”. Igisekeje rero 

ni uko Perezida atari azi ko izo 

ntore ze ari zo zarimo kumukorera 

kudeta. Uzi icyakurikiyeho, ako 

kanya bamennye urugi basanga 

Perezida Tandja yicaye mu 

ntebe areba kwa kundi bati 

simama juu! Ubwo ba ofisiye 

barongeye baraterana mu mpaka 

nyinshi cyane haza kwemezwa 

ko “Komanda Saloudjibo” ari 

we ubaye Perezida by’agateganyo 

bashyiraho icyo bise inama nkuru 

yo kugarura Demokarasi. 

(CSRD: Conseil Supérieur pou 

la Restauration de Démocratie) 

Nguko uko film yarangiye, mu 

gihe cy’amasaha atatu gusa uwari 

Perezida ahinduka imfungwa, 

ubuzima bwo muri Niger 

burakomeza ngibyo ibya Tandja na 

Niger. 

Dr. Hishamunda : None se 

Prof. ko numva iby’iyo kudeta 

bishobora kuba birimo amasomo 

menshi, mu by’ukuri ni iki cyateye 

abo basirikare gukora kudeta. 

Prof. Bamenya : Impamvu ni 

nyinshi ariko iz’ingenzi harimo 

nko kuba Perezida yarahinduraga 

itegeko nshinga uko yishakiye 

kugeza n’aho asesa urukiko 

rushinzwe kurinda itegeko nshinga 

kugira ngo abone uko agundira 

ubutegetsi, hari no kuba yarirukanye 

ba ofisiye n’abasirikare bagera kuri 

37 bari mu mutwe wari ushinzwe 

kumurinda abitewe n’ubwoba yari 

afite. Na none hari abasirikare 

yahaye amafaranga menshi mu 

rwego rwo kubashimira abandi 

avuga ko ahubwo imishahara 

yabo izagabanuka, ibi byose 

hiyongeraho gusesengura no 

kwigwizaho umutungo ukomoka 

kuri « URANIUM » icyo gihugu 

gikungahayeho. Kuba abaturage 

bari bamaze kumurambirwa no 

mu karere atari shyashya, ibi 

byatumye abasirikare bakora 

kudeta kandi abaturage bayakiriye 

neza cyane bajya mu mihanda 

babyina intsinzi! 

Dr. Hishamunda : Yoooh biteye 

ubwoba koko! Icyakora ndumva 

bariya basirikare bo muri Niger 

bari bafite ukuri. None se Prof., 

mu isesengura ryawe ko numvise 

bavuga muri iyi minsi hano ko 

hari hagiye kuba kudeta wowe 

ubona byashoboka? Ese General 

UMUSESO 

Kayumba yaba ari yo mpamvu 

yahunze? Mbwiza ukuri uko wowe 

ubibona. 

Prof. Bamenya : Kudeta hano 

irashoboka. Ku birebana na General 

Kayumba, icyatumye ahunga 

sinkizi kandi niyo naba nkizi 

sinavuga ibirenze ibyo yatangarije 

amaradiyo mpuzamahanga, aho 

yavuze ko amaze imyaka igera 

kuri 7 afitanye ibibazo na Kagame. 

Ibya kudeta yari igiye kuba hano 

narabyumvise ariko kuko itabaye 

ndumva ntacyo nabivugaho. 

Dr. Hishamunda : Ibyo 

ndabishimye ariko se ko wemeza 

ko hano kudeta ishoboka kandi 

Kagame we akaba yemeza ko 

kudeta mu Rwanda itashoboka 

ko u Rwanda atari Niger wowe 

ubyemeza ushingiye kuki ? 

Prof. Bamenya : Nibyo koko u 

Rwanda ntabwo ari Niger ariko 

igikomeye cyane ni uko ibyatumye 

Tandja avanwa ku butegetsi 

Kagame we amaze igihe kitari gito 

abyujuje . 

Dr. Hishamunda : Reka 

kumpahamura Kagame amaze 

kutugeza ku iterambere rikataje, 

ngaho nawe reba amagorofa 

dufite ariko niba wowe atari ko 

ubibona tanga ingero zibinyemeza 

niba atari urwango umufitiye. 

Ikindi nakwibutsa ni uko Kagame 

akunzwe cyane n’abaturage. 

Prof. Bamenya : Ingero ni nyinshi 

cyane. Reka mpere ku zikwegereye 

kandi zibonwa na buri wese, ari 

abamukunda, ari n’abamwanga 

kuko nabo barahari. Kagame 

yirukana abasirikare na ba ofisiye 

babohoye u Rwanda akiyegereza 

abishe abatutsi ibi bisobanura iki ? 

Dr. Hishamunda : Kuri icyo 

kibazo wampa byibura urugero 

rumwe gusa, ko rumpagije. 

Pr Bamenya : None se Dr., 

kwirukana General Kaka nta 

cyaha aregwa kizwi cyangwa se 

niyo cyaba gihari ko yagihanirwa 

binyuze mu mategeko, warangiza 

ugaha akazi General Rwarakabije 

ubwo se ni ukumugororera ko 

yishe abatutsi bo mu Rwanda. 

Ibi bisobanuye byinshi ariko 

ubwabyo ibi byonyine njyewe ndi 

umusirikare w’inkotanyi, byantera 

gukora kudeta. Harya wigeze 

kumbwira amagorofa? Nagira ngo 

No 399, 15- 22 Werurwe 2010 

nkubwire ko amagorofa ari hejuru 

y’amagufwa ntacyo amaze. Ese 

igorofa bita «Telecom House» 

uzi nyirayo uzankorere iperereza 

kuri iriya nyubako ndende irimo 

kubakwa hariya mu mujyi rwagati 

aho abagenzi bahoze bategera 

imodoka, numenya nyirayo uzaze 

tuganire. Nagira ngo nkwibutse 

ko mu mujyi wa «Naples» hari 

ibikorwa byinshi bigaragara neza 

kandi byinjiza amafaranga menshi 

ariko ibyo byose ntacyo bimarira 

Leta y’u Butariyani n’abaturage 

bayo kuko byose ari umutungo 

wa Mafiya. Na hano niko bimeze ; 

byonyine no kurandura mafiya 

iri hano njyewe ndi umusirikare 

byantera gukora kudeta. Reka 

nanjye nkwibarize akabazo 

k’amatsiko : ko Mamadou Tandja 

yakorewe kudeta n’abasirikare 

yizeraga cyane, buriya byatewe 

n’iki? Ahari nibagiwe kugusubiza 

wigeze kuvuga ngo Kagame 

abaturage baramukunda, yigeze 

kuvuga ngo nta n’intore ziri hano? 

Byari bigenze bite? 

Dr. Hishamunda : Kubyumva 

biroroshye. Abaperezida bo muri 

Afrika bashaka gufata abasirikare 

nk’aho ari abana babo. Umusirikare 

ni uw’igihugu ; kuba Mamadou 

Tandja yarahiritswe n’abasirikare 

yizeraga nta gitangaje kirimo kuko 

batabaraga igihugu yari amaze 

kwangiza. Ntabwo bari abahungu 

be, impamvu niyo kandi hose ni 

kimwe cyane cyane mu bihugu 

bitabamo Demokarasi. 

Prof. Bamenya : Noneho rero 

urumva ko ibyo navugaga bifite 

ishingiro nubwo isesengura rya 

gisirikare njyewe sinari mbizi 

ni ukuvuga ko noneho koko 

Kagame aho kwemeza abantu 

ko kudeta idashoboka akwiye 

kubanza gutekereza ko « RDF » 

atari abahungu be ahubwo ari 

abasirikare b’igihugu bagomba 

kugengwa n’amategeko y’igihugu 

apana aye yihimbiye. 

Dr. Hishamunda : Nibyo koko 

Kagame akwiye kwitonda ntabwo 

abasirikare benshi kandi bakomeye 

RDF ifite ari abahungu be, ni ab’u 

Rwanda. Kagame afite umusirikare 

umwe gusa ukiri umunyeshuri, 

uwo ni uwitwa Yvan Cyomoro 

Kagame uri ahitwa «West 

Point». Ibyo Kagame yavuze ko 

kudeta mu Rwanda idashoboka 

nawe ubwe arabizi ko abeshya. 

Ahubwo iyo avuga ko kugeza ubu 

bitarashoboka, none se ibiri imbere 

arabizi. 

Prof. Bamenya : Ariko se Dogite, 

wowe ukurikije uko ubibona, 

amagrenade amaze iminsi 

aterwa muri uyu mujyi wa Kigali 

uyatekereza ho iki ? 

Dr Hishamunda : Ariya 

magrenade nyatekerezaho byinshi 

kandi arerekana byinshi. Icya 

mbere ni uko byerekanye ko Leta 

ya FPR ijegajega cyane nubwo 

ishaka kubihisha. 

Prof. Bamenya : Kujegajega 

ubivanye he? Ese ku bwawe 

yatewe nande ? 

Dr. Hishamunda: Uwayateye uwo 

ari we wese igisubizo ni cya kindi, 

biragaragaza kujegajega kwa Leta 

ya FPR. 

Prof. Bamenya: Ubushize 

twavugaga ko ashobora guterwa 

n’inzego z’umutekano za Leta 

cyangwa abasirikare barwanya 

iyi Leta bayirimo ndetse 

zishobora no guterwa n’abandi 

twita abatekinisiye bashobora 

guturuka hanze y’u Rwanda byose 

birashoboka ariko ntabwo umpaye 

igisobanuro cyuzuye. 

Dr. Hishamunda: Erega ntabwo 

bigoye kubyumva.Mu mwanya 

wambwiraga ibyo muri Niger ko 

Perezida Tandja hari abasirikare 

yahaye amafaranga menshi, abandi 

Urup. 15 

Kagame ati “mu Rwanda kudeta ntishoboka” Irashoboka! 

Ntabwo ndi Habyarimana –u Rwanda si Niger 

akabihorera, na hano ubu abitwa 

abajepe ubu bamwe bongejwe 

ibihumbi ijana abandi bongejwe 

magana abiri; ubwo se niba abandi 

basirikare batarayabona urumva 

batatera za grenade z’uburakari? 

Yewe koko Kagame afite ubwoba 

biragaragara. Ikigaragara ni uko 

niba grenade zaratewe n’inzego 

z’iperereza birerekana ko FPR 

ifite ubwoba bityo ikaba ishobora 

gukora ubwicanyi yitwaje ko 

hatewe grenade. Ibyo nibaramuka 

babikoze niyo ntangiriro yo 

guhirima kw’ingoma niba kandi 

grenade zaratewe n’abasirikare 

badashaka iyi Leta nabyo 

birashimangira ko na ya kudeta 

twatinzeho ishoboka cyane. Ibyo 

ni ikimenyetso cya Leta irembye. 

Ku rundi ruhande niba grenade 

zaratewe n’abatekenisiye bavuye 

hanze y’u Rwanda, ibyo nabyo 

birerekana ingufu n’ubushobozi 

by’abarwanya Leta ya Kiagali. 

Uburyo ziriya grenade zatewemo ni 

igipimo gikomeye cyane cyane iyo 

wumvise uko abaturage babivuga 

birerekana neza ko Leta ya Kagame 

idashigaje igihe kitari kirekire 

nkuko benshi twabyibazaga. 

Prof. Bamenya: Dogite, mu 

kwanzura twavuga ko aya 

magrenade amaze iminsi aterwa 

no guhunga kwa General Kayumba 

birerekana iki muri rusange? 

Dr. Hishamunda: Muri rusange 

ibi byose birerekana ko Kagame ari 

mu mahurizo atatu akomeye cyane; 

harimo gutaha kw’Umwami Kigeli 

V Ndahindurwa, hari ikibazo cya 

demokarasi n’ikibazo cy’igitugu, 

aho ni ku ruhande rumwe. 

Icyiciro cya kabiri, ibi birerekana 

neza ko FPR nk’ikimenyetso 

cy’imiyoborere mibi na Kagame, 

nk’imenyetso cy’umutegetsi 

mubi. Mu kiganiro gitaha nibyo 

tuzaheraho kuko birakomeye 

ubu byose bimaze kuba urusobe 

umuntu adashobora gutandukanya. 

Ntushobora gukemura kimwe ibindi 

ngo ubireke. Prof ndagushimiye 

cyane reka ntahe tuzongera mu 

cyumweru gitaha Imana ibane 

nawe. 

Prof. Bamenya: Ndagushimiye 

cyane ibyo bintu tazavugaho nanjye 

nari maze iminsi mbitekereza. 

Ngaho ujyane amahoro ya 

Nyagasani ni ah’ubutaha.

Urup. 16 UMUSESO No 399 ,15 - 22 Werurwe 2010 

ROTO FOSSES SEPTIQUES 

Plastic Water Tank 

LoftWater Tank 

Kwamamaza 

Roto Toilets 

Horizonta Water Tank 

ROTO s.a.r.l Kucukiro hateganye na Dalas Petrol Station. B.P. 6472 Kigali - Rwanda. Tel: (+250) 512310, Mob: 0788303966/ 0788530665, email: rotorwandatanks@mtnonline.rw

n° 399 du 15

Create successful ePaper yourself

Delete template?

Save as template?