Musiker-Geburtstag - Radio BeO

Leseprobe
Barbara Burren
Ig der Miki
Leseprobe
Säg, kennsch du das o, das ewige Gchäär
um d Finke? S isch wie verhäxet, aber
jedesmau verwütsche si eim, we me nume
i de Socken umehulaneret! Ging, we den
ohni di cheibe Schlarpen ungerwägs bisch,
o nume hurti vom Zimmerli überen uf ds
WC, chiflets hinger der nache: «Wo hesch
dyner Finke?!» Das isch ächt e müesami
Sach un e riisigi Chinder-Plagerei derzue;
han i ömu aube gmeint.
Hütt bin i, der Spezialspezialischt im Ohni-
Finke-desume-Tasne, vo dere Chrankheit
gheilet. Wosch wüsse warum?! Auso:
Äbe… a däm bsungere Tag han i mys Mami
schier zur Verzwyflig tribe. Scho wider
han is gschafft, im ne Paar Socke, won i
ersch grad nöi übercho ha, es Loch dry z
mache. Nid dass i schampar stouz wär gsi
uf die Leischtig, oders sogar mit Absicht
hätt gmacht, nenei, das sicher nid, aber
därewä wiud, wies mys Mami het gfunge,
hets mi säuber nid ddüecht. «Hey, nimms
locker, Mam, das cha schliesslech vorcho,
dass so nes Paar Wulesocke nid ewig läbt»,
han i afa plaraagge. «Die mache doch au
Tag nöji i de Fabrigge! U üses Grosi lismet
därewä gärn, i frages de ds nächscht Mau,
obs mer umen es Paar macht. Isch doch kei
Häxezouber, oder. Auso, Mam, ke Panik,
gäu!» Uf die Art han is eigentlech wölle
beruehige, mys Mami. Das isch aber nid
guet usecho.
Inhalt
Januar: Ds Sockefescht
Februar: D Outorennbahn
März: Der Schiudi isch ab!
April: April, April!
Mai: Der Regapilot
Juni: E schwarze Tag
Juli: Summerferie
Ouguscht: Der Lotzi ghört aune
Septämber: Uf der Connyfarm
Oktober: D Zürifahrt
Novämber: D Gartezwärge
Dezämber: Der Schneedokter
Barbara Burren
erschienen im Zytglogge Verlag
31