Chinderfänschter Januar und Februar 2007 - FEG March

Kennst du den Unterschied zwischen Kamel und Dromedar?
Richtig! Das Kamel hat zwei Höcker und das Dromedar nur einen
Wusstest du, dass Kamele in 10 Minuten mehr als 100 Liter Wasser
trinken können und problemlos 2 Wochen ohne zu trinken auskommen?
Da es in Wüstengebieten immer wieder Sandstürme gibt, müssen
sich die Tiere schützen. Sie haben extrem lange Wimpern, die die
Augen überdecken und so den Sand abhalten. Ausserdem sind ihre
Ohren mit langen Haaren bewachsen und sie können die Nasenlöcher
schließen, sodass auch hier kein Sand eindringen kann.
Tja, Kamele sind eben wahre Überlebenskünstler!
Der Kamelwitz
In der Pause streiten sich zwei
Jungs: „Du bist ein Kamel!“
„Du bist ein noch grösseres Kamel!“
Da kommt der Lehrer dazu und sagt:
„Ihr habt wohl vergessen, dass ich
auch noch da bin!“
Ho, ho hoo…
voll kamelig!
Welches Thema hättest du gerne im nächsten Chinderfänschter?
Schreib an:
Alex Mörgeli
Mürtschenblick 27
8863 Buttikon
Email: amoergeli@bluewin.ch
Liebe Kinder
Vor euch habt ihr die 1. Ausgabe des „Chinderfänschter“. Die Zeitschrift
speziell für euch Kinder. - Wir haben nämlich beschlossen, die
Kinderseite in der Gemeindezeitschrift „Marchfänschter“ aufzugeben
und dafür für euch eine eigene Zeitschrift herauszugeben. Na, was
sagt ihr dazu?
Was erwartet dich im Chinderfänschter?
Rätsel / Comics / Witze / Bastelideen / Rezepte und natürlich Geschichten

Suleika
Salem a leikum chlienä Fründ. Ich bin d Suleika, die hübschischt Dromedardame
vom ganze vorderä, mittlerä und hinderä Orient. Ich weiss, ich weiss...
das tönt echli gschwullä. Aber de Titel, de han ich mir nöd sälber usdänkt.
Nei, nei... De Titel händ mir d Mänsche gäh. S letscht Jahr hät mich nämli
min Herr a de orientalische Misswahle vo de schönschte Dromedar agmäldet
gha. Und schtell der vor, ich, d Suleika han gwunnä. Ich bin zur schönschte
Dromedardame, ebä vom ganze Orient gwählt worde.
Sälbverschtändlich chunnt mer a sonerä Misswahl nöd nume en bsunderä
Titel über, sondern au verschiedeni Priesä. Zum Bieschpiel en ganze Chorb
voll vo de feinschte Pflanze und Chrütli, wo d Wüeschti z büte hät. Es nigelnagelnöis
Lädergschirr und e siedigi Satteldecki. Es hät na anderi chlieneri
Priese gha, wie zum Bieschpiel 100 glänzigi Goldschtückli. Aber Gold cha
mer weder ässe na trinke, drum han ich die mim Herr gschänkt. De schtaht
uf so Glitzerzüügs. De Hauptpries isch aber öppis ganz Schpeziells gsi. Ä
Reis! S bsunderä a derä Reis isch gsi, ich han kei Ahnig gha wo sie herä
gaht. S einzig won ich gwüsst ha isch, dass min Herr und ich emä bsundrige
Schtern hinderher reised. - Min Herr isch nämli en ganz gschiedä Maa,
muess mer wüssä. Znacht beobachtet er amigs de Himmel. Und er schriebt
jedä Tag genau uf, wänn und wo welä Schtern am Himmel zgseh isch. Er hät
nämli vor emä Zytli ä ganz interessanti Beobachtig gmacht. Er hät en
Schtern gseh, won er vorher na gar nie am
Himmel gseh hät. Min Herr hät mer gseit, das sei
es Zeiche defür, dass irgendwo en ganz bsunderä
König gebore seig. Und dem Schtern well er
nahreise. Er hät alli nötige Vorbereitige troffe.
Hät Vorrät ipackt, es Zält zum übernachte und es
Truckli voll Wiehrauch als Gschänk für de nöi
König. Und ich ha mi vor de Abreis so richtig
chönne randvoll trinke. Das isch nötig, will mer ja
nöd gwüsst händ wie lang die Reis dured.
Ändli hät min Herr alles guet uf mir verschtaut
gha, und dänn isch s Abentüür losgange.
Kilometer um Kilometer. - Underwägs hämmer na es paar anderii Schternforscher
troffe. Die händ de Schtern au gseh. Mit denä simmer dänn wieter
greist. De Schtern hät öis bis uf Jerusalem gfüehrt. Ä prächtigi Schtadt. Det
händ sich min Herr und sini Forscherkollegä bim König Herodes erkundiged,
öb er öppis vome nöie König wüss wo erscht grad gebore sei. Aber de hät
kei Ahnig gha. De Herodes hät sini Prieschter und Lehrer nach dem nöie
König usgfröged. Die händ em chöne säge, dass de König z Betlehem müess
uf d Wält cho. De Herodes hät dänn mim Herr und sine Kollegä de Befehl
gäh: "sie sölled das Chind sueche, und ihm dänn Bscheid gäh. Er well
dänn de nöi König au bsuechä.“ Aber das isch nume e fuuli Usred gsi, wie
sich schpöter usegschtellt hät. Dänn simmer wieter
uf Betlehem greist. Het is nöd mit mine eigetä
"Miss Orient Auge" gseh, wür is also nöd glaube.
De Schtern bliebt uf eimal schtah. Aber nöd über
emä Königspalascht. Nei über emä eifache Huus.
Min Herr und sini Kollegä sind i das Huus ine. Det
händs es jungs Päärli und es chlieses Chind troffe.
Plötzli händ mir alli ä riesigi Freud im Herz
gschpürt. Für öis isch klar gsi, das Chind isch de nöi König. Mir händ s Chind
abättet und em d Gschänk gäh. Am liebschte wäret mer immer bi dem Chind
bliebä. Aber das isch leider nöd gange. Min Herr und sini Kollegä händ nämli
en Traum gha. Gott sälber hät enä gseit: sie sölled uf kän Fall zrugg zum
Herodes, de heig nämli nüt Guets im Sinn mit dem Königschind. Sie sölled uf
emä anderä Wäg heireisä!" Sälbverschtändli hämmer Gott gfolged und em
Herodes nüt prichtet. Ja, ja das isch scho na es Abentüür gsi. - Aber jetzt
isch es Zyt für min Schönheitsschlaf, ich wett nämli au das Jahr wieder Miss
Orient werdä. - Also Tschüss...
©
Alex Mörgeli
ERF Verlag
Backtipp:
Kamel Karawane
Möchtest du dieses Rezept?
Melde dich bei:
Alex Mörgeli
Mürtschenblick 27
8863 Buttikon
Email: amoergeli@bluewin.ch
Ich sende es dir gerne zu.