Jahresbericht Schuljahr 2012/13 - KS Musegg Luzern

Sara Giovacchini
Vor 7 Johr hesch Du Dini Lehrerinne-Karriere
gstartet
Mer händ of Dini natürlech, härzlech Art
nome gwartet.
Met vell Elan hesch Du grad 2 Maturaklasse
öbernoh
Ond secher ab ond zue ned gwösst, öb die alli chönd bestoh.
Gwössehaft hesch die erschte Ufsatzpäckli i d‘Skiferie treit,
Ech tänke hött no dra met ganz vell Heiterkeit.
Wie Du in Sölden im Hotelzemmer de Rotsteft hesch lo rönne,
Während ech de Krimi ha gnüsse chönne.
Doch natürlech hett sech Dini Routine ganz schnäll vermehrt,
Ond hött wersch Du au för Dini Effizienz vo eus verehrt.
I Sonderwoche hett me of Dech emmer chönne zelle,
Im Fribourger Museum hesch agrüert met de grosse Motivationschelle.
In Strasbourg gett’s en pfeffige Altstadtrondgang z’gnüsse
Ond in Bellinzona chönnd d’G4 met de italianità Fröndschaft
schlüüsse.
Bim Wander-GÖK im Tessin oder in Basel per Velo
Au bi de Strategiegroppe hesch gseit: Ech be derbii, jo, jo.
Dini Rabauke-Klass hätti mech no früener lo ergraue,
Du hesch Der aber vo ehne Dine Gliichmuet ned lo chlaue.
Met Charme ond Beharrlechkeit hesch si ome Fenger gwecklet
Ond ganz näbebi schwerigi Grammatik pecklet.
Zwöschedore hett Din Perfektionismus met em Ziitmanagement
kämpft
Doch au so en Nachtschecht hett dini guet Luune ned wörklech
dämpft.
36