Ausgabe 10.2012 - SSV Jersbek

Ausgabe vom 28.10.2012 Nr. 51
Dieter Möller vertellt!
Leibe Zeitungsläser!
(DM) Wi warrt je all öller. Nu iss ober rutkomen, dat de
Japaner noch öller warrt as wi. Deswegen sünd se uk n
bitten lütter.
Dat hingt wull dormit tausommen, dat de
Knoken, wenn se öller warrt, uk n bitten
kötter warrt. Ober ob man dat allens glöben
kann, dat weit ick nich. Bi dat Öller
kümmt dat uk up de Renten an.
De seggt dat je nich ümmer noh, wenn
einer storben iss. Wenn einer ne hoge
Rente kregen hett, dann wüllt de Kinner
dor geern noch n bitten länger wat vun
hebben.
De Sooken, de man brukt, warrt je uk ümmer dürer. Dat markt
man schon bi de Autos. Dor warrt de Technik ümmer moderner.
Man brukt schon keinen Bifohrer mehr, de Di vertellt, wi und wo
Du föhren muss. Dat giff son Ort Navigator, dor kanns Du seihn,
wo dat langgeiht. Dor kümmt jetzt n Pieper tau, de piept, wenn
dor n Radargerät in Sich iss oder wenn Du inne Föftigerzone tau
schnell föhrs. Bi de ganz modernen kümmt wull noch n Landkort
dortau. Dor tipps Du dien Ziel an, und dat Auto weit, wo dat langgeiht.
Nu fählt bloss noch n Mikrophon. Dormit kanns Du den
Wogen vertelln, wo Du hinwullt und wann Du ankommen wullt.
Du dörfst dat blot nich vertelln, wenn Du noch gornich binnen
büss. Dann föhrt hei ohne Di los und dor, wo hei ankümmt, wunnert
sick de Lüd, dat dor keiner binnen sitt. De einen wunnert
sick, de annern freut sick, de Minschen sünd verschieden. Nu
kümmt je bald wedder n Wohl up uns tau. Und dat iss so, ass dat
freuer uk schon weer. Wenn sick einer up den Regierungsstauhl
setten will, wüllt de annern schon n been vun den Stauhl dörchsogen.
Na, wüllt mol afluern, wi dat bi de nächste Wohl warrt.
Seite 15
Foto RP