Alles am Lager... auch an der Fasnacht! men fashion

Wegere-Malör
Das Chleid esch dräckig, das momer botze,
wiso ned grad d’Wegere för dä Zwäck notze.
E Momänt de Gref chli z’locker glo,
scho schwemmt das Chleid bachab devo.
D’Fasnacht heder sech aber ned lo versoue,
esch chorzerhand hei go de Söimantu
zomne Fasnachtschleid omboue.
Franz A.
Schränzer-Lacher
Hey man, wo ist mein Auto?
Metem Fiat Punto as Fäscht, ech fröimi sehr,
heds doch prompt e freie Parkplatz z’Autishofe bi de Feuerwehr.
So nooch am Fäscht parkiere esch doch guet,
ou wenn d’Polizei das blöde Parkverbot do äneduet.
Ned lang esch gange, wo d’Sandra is Outo zrog hed wölle,
„hättis ächt besser amne andere Ort sölle anestölle?“
„Wär hed de do mis Outo gstohle ond wie chomi etz nor hei?“
Debie eschs doch nor abgschleppt worde vo de Polizei.
S. Bucher-Schrag
Wo esch de Wisu?
S’Fäscht das esch fascht fertig, de Car dä fahrt scho gli,
nor de Masi meint: „Etz scho hei? Das cha jo wou ned si.“
Die letschte Schränzer trenke us ond send am go,
„wo esch de Wisu? Dä blibt bestemmt no met mer do!“
Es esch kes Wonder, dass är ne ned hed gfonde,
de Wisu esch scho sed zwe Mönet in Australie onde!
M. Arnet
Susi-Schreck
„Sooo, äntlech hemmer fertig gspöut,“
wöus prässiert werd s’Sousaphon vore Bronne äne gstöut.
„Etz mömmer ab i d’Beiz öbbe eis go schnappe,“
verosse allerdengs hend scho diversi rächt eis a de Chappe.
Ned vöu spöter, woner s’Susi hed wölle go verruume,
esches rapid bärgab gange met sinere guete Luune.
Haub Sorsi hed ghört winer hed gfluechet ond gmotzet,
„do hedmer doch tatsächlech eine i mis Susi ine … erbroche!“
Susi-Hans
25 Johr, ond jetz wotsch e Ballon?!
29