Alles am Lager... auch an der Fasnacht! men fashion

Schränzer-Lacher
Vou verwächslet!
De Platz esch knapp, mer rötscht chli zäme,
d’Eri setzt sech zonere andere Guuggegroppe äne.
„Hender die ghört vorhär, die Guuggemuusig,
die hei jo gspöut, es esch fascht scho gruusig.“
Ond ehr ahnids scho, wie wets ou andersch si,
alli andere a dem Tesch send us besagter Guuggemuusig gsi.
s’Choller-Meitschi
Gösuabfuhr
De Stoff esch gschnette ond kontrolliert,
i Güsusack iipackt ond deheime ergendwo deponiert.
Doch wie das haut ou z’Gättnou so mues si,
chond am Donnschtig de Göseler verbi.
S’Dorli dänkt nüd anders ond meints nor guet,
wo sie am Morge de Gösusack vor d’Töre duet.
„Soo Chregu, etz mömmer dis Chleid mache,“
aber de Stoff esch fort, das esch ned zom lache.
So heder aber chönne es Signau a d’Kostümkommission sände,
denn i Zuekonft dönd sie blaui Säck verwände.
s‘Ziumes
Rechtig Lozärn oder Bärn?
S’Fäscht esch verbi, de Bus vor drei Stond scho gfahre.
Heiloufe, aber querfeldein, do chamer locker paar Minute spahre.
Die andere loufe fausch, die heige vo Geografie doch alli kei Plan,
de Adi macht kehrt ond marschiert los, voller Öberzügig ond Elan.
Är wössi gnau wos vo Ufhuse rechtig Gättnou goht,
zwe Stond spöter är zHottu a de Tankstöu stoht.
A. Arnet
Geografie-Talänt
Öb Dallewil via Sarne oder Autishofe via Zell,
ohni Navi verfahrtmer sech u huere schnell.
Eine jedoch hed im Verfahre es bsonders Talänt,
es esch de Sili, öise Schränzer-Präsidänt.
Wenn är eleige fahrt, chasch secher sii,
bout är sine obligati Omwäg ii.
S. Roos
25 Johr, ond jetz wotsch e Ballon?!
31