Alles am Lager... auch an der Fasnacht! men fashion

Schränzer-Lacher
Gesangs-Talänt
D‘Schränzer send z‘Marbach a dem Weekend zom Probe,
ond i de Mehrzweckhalle spöut d‘Musig no a dem Obe.
Nochem Probe luege d‘Schränzer ou no schnöu verbi,
ond wosi chöme, esch do haut grad Pouse gsi.
D‘Böni esch frei ond s‘Mikrofon stoht ou no det,
ned lang esch gange, bes das de Choller Markus gset.
Är störmt of d‘Böni ond stemmt es zwöidütigs Liedli a,
d Organisatore, die hei ned wörkli fröid dra gha.
De Kusi werd chorzerhand vo de Böni vertrebe,
aber är esch bestemmt mängem Bsuecher i Erennerig blebe!
Bauer Markus
Güdismontags-Schlaf
Ech mage nöm ond wott jetz hei, pleite beni ou, ha nor die 5 Stei.
Förnes Zogbillet vo Lozärn bis Gättnou länget das ned,
lösi haut bis Mauters ond hoffe dass mi niemmer gseht.
Aber müed escher gseh ond esch prompt iigneckt,
werd dä Armi z’Langethau vom Kondikteur ufgweckt.
Näbem Kondikteur stod e öuteri Frau ond proteschtiert,
„dä hed doch nor verschlofe, ehn zwecke, sed Wolhuse hanis scho probiert.“
Trotz Diskussion heder die Buess för’s Schwarzfahre müesse zahle,
ond sech vom Taxi zrog of Gättnou a Uftrett lo fahre.
Und die Moral von der Geschicht,
an der Fasnacht schlafen lohnt sich nicht.
Mitch Arnold
Wo send ou nor die Bändali dörecho?
Vorem Uftrett z’Ettiswil fendet es Präsi ond TM Apèro statt,
de Nobi ond de Theo, die heis det u huere glatt.
För alli geds Wisswy a discretion,
de Theo profitiert fascht Fläschewiis defo.
Spöter moser merke, es esch gloub doch zuviel des Guten gseh,
hed alli Itrettsbändali verlore, achherjeh!
Es esch jo gar ned schlemm, chond im Theo de i Senn,
„de Nobi ond ech, mer send jo eh scho denn!“
T. Hehl jun.
25 Johr, ond jetz wotsch e Ballon?!
33