Das Lob Salomons, in - Mittelhochdeutsches Wörterbuch

1 von 8
Das Lob Salomons, in: Waag/Schröder, Dt. Ged. 1, S. 46-55.
Elektronischer Text hergestellt (und lemmatisiert) in der Trierer Arbeitsstelle für das
Mittelhochdeutsche Wörterbuch. Export aus der MWB-Datenbank am 06.11.2009.
Lemmatisierungsverfahren (A=vollständig, B=mit Stoppwortliste, C=in Auswahl nach Glossar): A
Datierung: Mitte 12. Jh. (?)
Schreibsprache: ? Mitteldeutsche, wohl rheinfränkische Vorlage
Textsorte:
Kodierung:
VL 5 (19), Sp. 875ff
1
1 Inclita lux mundi,
2 du dir habis in dinir kundi
3 erdin undi lufti
4 unde alli himilcrefti,
5 du sendi mir zi mundi,
6 daz ich eddilichin deil muzzi kundin
7 di gebi vili sconi,
8 di du deti Salomoni,
9 di manicfaltin wisheit:
10 ubir dich mendit du cristinheit.
2
11 Salomon Davidis sun was,
12 du richi er sit nach imo bisaz.
13 durh sinis vatir sculdi
14 gond imo got sinir huldi.
15 er sprach, daz er gebiti,
16 swedir so er wolti,
17 richtum odir wisheit.
18 durch di sini vrumicheit
19 er gihohit in so werdi
20 ubir alli, di dir warin an dir erdi.

2 von 8
3
21 Der herro sich bidachti,
22 zi goti er keriti:
23 ‘herro, du weist vil woli,
24 al wi michil lut ich biwarin sol.
25 du machi mich so wisi,
26 daz ich richti so dir gilichi.
27 wil du mir den wistum gebin,
28 so mag ich immir erhafti lebin.
29 daz ist dir allir meisti list,
30 so giwin ich swaz mir lib ist.'
4
31 Du stimmi sprach dannin
32 zi demo kuninclichen manni:
33 ‘nu du virkorn hast den richtum
34 undi griffi an den wistum,
35 nu wil ich dich merin
36 mid michilin erin.
37 ich machi dinin giwalt
38 wit undi manincfalt,
39 daz man dinin gilichin
40 nimag findin in allin disin richin.'
5
41 David ein duirir wigant,
42 der alli sini not ubirwant,
43 der bigondi also werdi
44 allir erist her in erdi
45 goti ein hus zimmiron:
46 des giwanner michilin lon.
47 daz volworhti sit Salomon,
48 er zirit iz mit michilin eron,
49 mit manigir slachti wunnin
50 demo himilischen kunigi zi minnin.
6
51 Ein herro hiz Heronimus
52 (sin scripft zelit uns sus),
53 der heti ein michil wundir
54 uzzir einim buchi vundin,
55 uzzir Archely

3 von 8
56 (daz habint noch di Crichi),
57 wi in Hiersalem giscach
58 michilis wundiris gimach.
59 ein wurm wuchs dar inni,
60 der irdranc alli di brunni,
61 di dir in der burch warin;
62 di cisternin wurdin leri:
63 des chomin di luiti
64 in eini vil starchi noti.
7
65 Salmon der was richi.
66 er ded so wislichi,
67 er hiz daz luit zu gan,
68 vullin eini cisternam
69 meddis undi winis,
70 dis allir bezzistin lidis.
71 do er iz alliz uz gitranc,
72 ich weiz er in slaffinti bant.
73 daz was ein michil gotis craft,
74 daz imo der wurm zu sprach.
75 der vreissami drachi,
76 zi Salmoni sprach er:
77 ‘herro, nu virla mich,
78 so biwisin ich dich
79 einir vili michilin erin
80 zi dinim munsteri:
81 du wurchist in enim jari,
82 wil du mirz giloubin,
83 daz du snidis minu bant,
84 vil manigir claftirin lanc.'
8
85 Salomon sprach do
86 vil wislichin dir zu:
87 ‘nu sagi mirz vil schiri,
88 odir ich heizzi dich virlisin.'
89 der wurm sprach imo zu:
90 ‘ein dir gat in Libano,
91 daz heiz du dir giwinnin,
92 di adirin bringin.
93 ich sagi dir rechti wi du du:

4 von 8
94 dar uz werchi eini snuir,
95 du wirt scarf undi was,
96 du snidit als ein scarsachs
97 uffi den marmilstein.
98 vil ebini muzzer inzwei,
99 swi so dir lib ist.'
100 der kunic vrowit sich des.
9
101 Salomon was richi,
102 er det so wislichi:
103 er hiz imo snidin du bant
104 undi virbot imo du lant.
105 do vur er zi waldi
106 mid allin sinin holdin.
107 er vant daz dir in Lybano,
108 zi steti jagit erz do.
109 do jagit erz alli
110 dri tagi volli.
111 do er daz dir do giwan,
112 do was er ein vro man.
113 er hiz iz imo giwinnin,
114 di adirin bringin.
115 von du wart daz hus zi Hiersalem
116 giworcht ani alliz isin.
10
117 Do was daz hus richi
118 giworcht mid michilin vlizzi.
119 di wenti warin marmilstein vil wiz,
120 daz himiliz undi der estirich.
121 dar inni hangitin sconi
122 di guldinin cronin.
123 da was inni lux undi claritas,
124 suzzi stanc suavitas.
125 daz was also lussam,
126 so iz demo himilischin kunigi woli gizam.
11
127 Du lagil undi du hantvaz,
128 di viole undi du lichtvaz,
129 du rouchvaz undi du cherzistal,

5 von 8
130 daz roti golt was iz al.
131 daz bivalch man den ewartin,
132 di dir got vorchtin,
133 di dir dagis undi nachtis
134 phlagin gotis ammichtis.
135 daz wart also gordinot,
136 als iz der wisi Salomon gibot.
12
137 Ein kunigin chom sundir
138 zi Salmoni durch wundir.
139 du brachti michilin scaz,
140 thymiama undi opes,
141 des edilin gistenis
142 grozzis undi cleinis.
143 su was ein vrowi vil rich,
144 iri gebi was vil kuniclich.
13
145 Du buoch zelint uns vili giwis,
146 in sinim hovi worchti man einin disc
147 mid silbirin stollin.
148 den disc trugins alli,
149 in allin virin sin uf hubin,
150 vur den kunic si in trugin;
151 dar obi goumit er sconi.
152 daz holz kom von Lybano.
153 demo der wistum si cleini,
154 der virnemi waz du zali meini.
14
155 In sinim hovi was vil michil zucht,
156 da was inni allis guotis ginucht;
157 sin richtum imo vil woli schein.
158 sin stul was gut helphinbein,
159 woli gidreit undi irgrabin,
160 mid dim goldi was er bislagin.
161 sechs gradi gingin dir zu.
162 zwelf gummin dinotin imo du.
163 dru tusint maniger erin,
164 di giwist er alli mid sinir leri.
15

6 von 8
165 Sin dinist daz was vesti,
166 so min demo kunigi solti gebin sin ezzin.
167 di scuzzilin undi di nepphi,
168 di woli gisteinitin chophi,
169 daz was alliz guldin.
170 si achden sinen huldin.
171 nihenis dinistmannis niwart min
171a ...
171b ... dinotin gizoginliche,
172 also gibot Salomon dir richi.
16
173 Sin dinist daz was vesti:
174 so der kunic solti gan zi resti,
175 sechzic irwelitir gnechti
176 di muosin sin girechti.
177 der helidi igilich
178 druc sin swert umbi sich,
179 di dir in soltin biwachtin
180 zi iglichin nachtin.
181 von similichir ginozschaf
182 vil michil was sin herschaf.
17
183 Do chom du gotis stimmi
184 zi demo kuniclichin manni;
185 der wistum imo zu vloz.
186 er niwissi an dir erdi sinin ginoz,
187 der imo gilich wari
188 in sinir vrambairi.
189 alliz an imo gizirit was,
190 in Hiersalem militaris potestas.
18
191 Do suz rechti virnam,
192 vil harti su sin irchom.
193 su sprach ‘woli dich kunic Salomon,
194 in dimo hovi ist vil schoni.
195 vil sælic sint du kint,
196 du dir in dinimo dinisti sint.
197 dinis wistumis han ich irvundin
198 mer danni mir iman mochti irkundin.

7 von 8
199 kunic, nu wis gisundi,
200 ich wil heim zi landi.'
19
201 Salmon der was heri.
202 er hiz vur tragin gebi vil meiri
203 des edilin gisteinis,
204 grozzis undi cleinis.
205 mid allin erin hizzer si biwarin,
206 er li si vrolichin von imo varin;
207 vil minniclichi su von imo irwant,
208 er vrumit si ubir daz meri in iri lant.
20
209 Der kunic bizeichinot den got,
210 der disi werilt hat gibilidot,
211 in des giwalt alliz daz stat,
212 daz daz gistirni umbi gat.
213 imo dinint vil vro
214 VIIII chori der eingili:
215 di lobint in mid allir macht.
216 in simo hovi niwirt nimmir nacht,
217 da ist inni daz ewigi licht,
218 des niwirt hini vurdir ziganc nicht.
21
219 Du kunigin, so ich iz virnemin kan,
220 bizeihinot ecclesiam.
221 du sol wesin sin brut,
222 di minnit er dougin undi ubirlut.
223 ich wæni, simo gimehilot si
224 in communionem dei.
225 du sol imo gilichin
226 in dugintin richlichi,
227 du sol giberin du kint,
228 du dir got selbi ginennit sint.
22
229 Di dinistmin, so ich iz virnemin kan,
230 bizeichnont bischoflichi man,
231 di dinunt imo in plichti.
232 daz lut soltin si birichtin,
233 si soltin lerin di cristinheit

8 von 8
234 truwi undi warheit,
235 mid werchin irvullin
236 daz si demo luti vori zellin.
237 si sulin vur den vroni disc
238 goti bringin hostiam laudis.
23
239 Bi Salmonis zitin
240 was sulich vridi undir din lutin,
241 swelich enti dir man wolti varin,
242 niheinis urlougis wart man giwari.
243 di heriverti warin stilli,
244 do dagitin di helidi snelli.
245 niheinis urlougis wart man giphacht,
246 man nistillit iz alliz mid sinir craft,
247 als iz got selbi gibot.
248 rex pacificus do richsoti.
24
249 Salomon der was heri,
250 sin richtum was vil meri.
251 der des himilis walti
252 undi daz luit suli bihaltin,
253 der ruchi uns di gnadi zi gebin,
254 daz wir immir insamint imo lebin,
255 daz wir schinin in simo hovi
256 mid vil michilimo lobi,
257 daz wir in muzzin gesehin
258 in der himilischin Hiersalem.