Fëmija jonë – Viti i 3 i jetës - Elternbriefe

Vështirësi për vënien në gjumë
Edhe tani ka periudha, në të cilat mund të paraqiten vështirësi për
vënien në gjumë. Arsyet për këtë mund të jenë shumë të ndryshme.
Problemet e vënies në gjumë, zakonisht kalojnë pas një kohe. Nëse
zgjasin për një kohë më të gjatë, dhe as ritualet e vënies në gjumë,
kukullat ose ariu nuk ndihmojnë, është e dobishme ta konsultoni një
këshillimore për edukim, ose mjeken/mjekun e fëmijëve. Mos i jepni
fëmijës tuaj medikamente për vënie në gjumë.
Zgjimi natën
Nëse fëmija juaj, ju thërret ju natën, këshillohet që të ndërmerrni vetëm
aq sa të ketë nevojë dhe aq pak sa të jetë e mundur. Lëreni fëmijën
tuaj ta ndjejë që ju jeni aty, mirëpo mos e merrni menjëherë nga shtrati;
ndoshta, mjaftojnë fjalë të qeta. Nëse ju dëshironi që fëmija juaj të
mësohet të flejë në shtratin e vet, bredhjen e tij natën në shtratin tuaj, ju
duhet përsëri ta ktheni ne shtratin e vet. Ai duhet ta gjejë gjumin përsëri
atje, ku edhe është zgjuar më parë.
Trembja natën
E ashtuquajtura «Pavor nocturnus» është një fenomen gjumi, që mund
të vërehet te fëmijët e vegjël dhe që shfaqet vetëm në pjesën e gjysmës
së parë të natës. Kjo vërehet me hapjen e syve, hutimin, djersitjen,
frymëmarrje të rënduar dhe puls të shpejtuar. Fëmija nuk mund të
zgjohet dhe të gjitha përpjekjet për ta qetësuar fëmijën i cili bërtet
ose goditë për rreth vetes, dështojnë. Tentoni të qëndroni të qetë dhe
mbrojeni fëmijën tuaj nga lëndimet e mundshme, p.sh rënia nga shtrati.
Sa shqetësues dukët ky fenomen – nuk është i rrezikshëm dhe zgjatë
kryesisht 10 deri 15 minuta.
13