Fëmija jonë – Viti i 3 i jetës - Elternbriefe

Medikamentet dhe mjetet shëruese
Nëse fëmijës tuaj i rekomandohen medikamente, ju duhet të informoheni
mbi ndikimet dhe efektet anësore të tyre. Përmbahuni rreptësisht
udhëzimit për dozim dhe kohëzgjatjes së trajtimit. Kjo vlen edhe për
mjetet alternative, si lule mali ose kokrra Homeopatike.
Ajri i pastër
Lëvizja në ajër të pastër (edhe gjatë temperaturave të ulëta) ndihmon
lëvizshmërinë dhe sigurinë trupore. Ajo e forcon përgjithësisht fëmijën
dhe nuk kushton asgjë! Kushti i vetëm: visheni fëmijën tuaj në përputhshmëri
me motin dhe me stinën përkatëse të vitit, në atë mënyrë
që të mund të lëvizë lehtë dhe të ndotet!
Sëmundja dhe profesioni
Sipas ligjit të punës, nëse prindërit e kanë fëmijën të sëmurë kanë të
drejtë të qëndrojnë larg vendit të punës për tri ditë. Mirëpo, ata duhet të
dëshmojnë me vërtetim mjekësor dhe të lajmërohen në vendin e punës
porsa të kenë organizuar përkujdesje për fëmijën e tyre. Pagesa e të
ardhurave është e rregulluar njësoj sikur të jeni vet të sëmurë.
17