Fëmija jonë – Viti i 3 i jetës - Elternbriefe

Format e familjes
Një fëmijë i dytë?
Është te ju një fëmijë i dytë në plan, është gjatë rrugës ose ndoshta
veç ka ardhur? Lindja e fëmijës së dytë mund të sjellë një ndryshim të
vërtetë në jetën familjare dhe kërkon një organizim të ri. Bisedojeni këtë
së bashku me partneren/partnerin tuaj.
Motër/vëlla
Midis vëllezërve dhe motrave ka një besueshmëri të veçantë. Kjo lidhje
jep siguri, e cila pos të tjerash nevojitet për të ushtruar grindjet dhe
pajtimet. Vëllai dhe motra mund të grinden, pa rrezikuar për këtë që
tjetrin mund ta humbasë si vëlla ose si motër – sikurse që mund të
jetë rasti në mes shokësh. «Të bëhesh vëlla/motër» është një proces
përvoje, që nuk ndodhë nga sot – nesër. Lëruni fëmijëve tuaj kohë për
këtë, që të gjejnë lidhjet e tyre me njëri tjetrin.
Pasiguria dhe xhelozia
Fëmijët e parë, me lindjen e një vëllai/motre mund të jenë shumë të pa
sigurt. Te shumë fëmijë, kjo vërehet indirekt në sjelljen e tyre: Papritmas
përsëri ju nevojitet pelena, thithin gishtin ose e duan qumështin e tyre
ta pinë me biberon (shishe). Disa kanë dhimbje barku, skuqje lëkure
(ekzemë), shohin ëndrra të këqija ose bëhen agresiv. Fëmijët e parë,
në raste të tilla kanë nevojë për mirëkuptim dhe posaçërisht për shumë
vëmendje. Përpiquni që, mundësisht ta përfshini fëmijën e madh kur
ta pastroni fëmijën e vogël, gjatë përkujdesjes dhe kur luani me te, por
gjeni kohë me vetëdije, herë pas here vetëm për fëmijën e «madh».
41