Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
Riasunt da l‘on<br />
Bainschi as vaiva dudi i‘l principi dal 2020 cha in China es ruot oura ün<br />
nouv virus cul nom Covid-19, però cha quel dominescha tuot l‘on e tuot il<br />
muond, cun quai nu varà fat quint bod ingün. Pella bieraria ha cumanzà<br />
l‘on 2020 tuot sco planisà. Nouv d‘eira la stretta collavuraziun culla bieraria<br />
Doppelleu Boxer AG da Winterthur, la quala ha tut sün lur portfolio da<br />
prodots in vendita eir nossa biera. Subit ha quista collavuraziun portà früts<br />
e nossa biera es gnüda sporta in diversas nouvas ustarias in differentas regiuns,<br />
saja quai in butiglias ed impustüt eir cun biera averta.<br />
Il cussagl administrativ vaiva güsta üna sezzüda in favrer cur cha dürant<br />
la sezzüda es rivada l‘annunzcha cha‘l maraton Engiadinais saja clomà giò<br />
pervi da Corona. Da quel di davent ha il virus dictà il far dal di a tuots.<br />
Il prüm schoc per no es stat il lockdown mità da marz. No vaivan ils depots<br />
plain biera pronta pella finischun da la stagiun da skis e per Pasqua. Cun<br />
ün‘acziun da vendita directa vaina subit reagi per pudair redüer ils deposits.<br />
Cun üna solidarità uschè gronda nu vessna mai spettà. Infra pacas<br />
uras d‘eiran nossas reservas da plüssas sorts biera vendüdas oura. Davo<br />
cuort temp da lavur cuorta vaina darcheu pudü müdar sün producziun<br />
plaina. Ils prodots regiunals e persistents han guadagnà grond‘acceptanza<br />
dürant quist temp difficil.<br />
Dal mais avrigl davent es la vendita creschüda mincha mais sün cifras da<br />
record. I nu d‘eira adüna simpel a planisar. Dad üna vart d‘eira quia üna<br />
grond‘intschertezza co chi va inavant, da tschella vart üna gronda dumonda<br />
davo biera biologica regiunala. La stagiun‘ota da stà d‘eira grazcha a las<br />
vacanzas in Svizra enormischem ferma. Nos team s‘ha ingaschà ourdvart<br />
ferm, dafatta cun lavur da not, e pisserà chi saja avantman adüna biera<br />
avuoda.<br />
«Nachhaltiger und regionaler als die Bieraria Tschlin kann man<br />
Bier kaum brauen. Manchmal sind sogar Edelweiss-Blumen aus<br />
dem Puschlav mit im Spiel.»<br />
20min online
Change language