Protokoll der außerordentlichen - Lübecker Segler Verein

Erstens kümmt dat anners,
Du denks, een neege Kulbors,
na dat ward doch nix, de oll wär
doch prima! Dat, wat de kunn,
kann so'n Jungkerl nich! Tjä,
un denn steiht dor en neege,
un de kann dat doch...! Aver vun
vörn, un gaaanz langsam!
Nu is also een neeget Johrteint
anbraken – nich blot in'n LSV, ok in
Jochen Kulbors sien Aera! De een, de
LSV, het letzt Johr nu all sien
hunnertfiefuntwintichsten achter sick, de
anner, Jochen Kulbors, steiht ok al hoch
in de Achtiger! (Een, de mit tellt hett,
seggt, dat sünd söbenunachtich! Kann
ick nich mitreden, so old bün ick noch
nich!) Und beid, Kulbors un de LSV,
sünd ganz scheun kregel! Dat kümmt,
wenn baben een in 'Pangschon' geiht,
kümmt ünnen een wedder na! (Wenn't
in'n LSV mol poor mehr as een sünd, de
na kamt, is ok god, dor sünd wi nich
pingelich!)
Nu is de bit tweedusendtein amteerende
Kulbors in Rente gahn un drievt sick
ünner een falschen Nam in uns Vereen
rüm (he nennt sick nu 'Günter Wulf' –
aver dörfst nich wieder vertellen!)
De nee Kulbors hett 'ne Tied as
Vergnögungsminister övt, bit he sick de
Stebel un den Südwester vun Meister
J.K. up den Kopp stülpen kunn. (op den
Kopp nich de Stebel – de kamt an de
Fööt!) He stammt ut de Dynastie vun
Schweder un heet Fabian un kümmt
vun wiet her! Dat is markwördig – een
J.K. käm mal ut Fehmarn, een föfftich
Kilometer vun Norden ut Göhl, de neege
föfftich KM vun Süden, ut Ahrensborg!
Sünd all bannig vörsichtich, de
Kulborsens, möchlichst wiet wech vun
de Lüüd, de se an'n Kulborsavend
kujoneert hebt! Wat stickt dor achter??
Aver nu mal wech vun de Klöneri, de
Leser will opt letzt wat vun den
Kulborsavend 2011 lesen, (wenn he
denn platt lesen kann)...Süst mutt he
sick dat översetten laten...
Los güng dat as jümmers, groot Töven
up den Negen, ov dat nu woll all good
geiht. Denn käm toerst mal de Boss vun
den LSV, Peter Schweder, un sä brav
'Goden Avend' to de LSVer un de Gäst,
de Klackerbuschen wörn umtüdelt, de
Anwiesung käm vun een vun de beiden
neegen Tosnackers Svend Hartog, (de
anner, Jo Schulz, tövte mit sein
Äktschen bit na't Snaps utschenken
[brrr...!], un Pipen un Urkunn verdeelen)
denn käm erstmol dat Isbeen ut Thomas
Scharbows lütt Kombüs, mickrich as
alle Johrn (kanns jümmers noch den
Teller ünner finnen!), na so'n beten Fri-
Övung mit Up un Dahl un Links un
Rechts hett Tosnacker Svend de negen
Gäst verklort, wo dat lang geiht, un wat
op se tokamen wull, wenn se nich brav
un nordig sünd. Twüschendörch bröcht
Horst Saubert sien Jammerkasten öllig
in Schwung, un dat Mannsvolk sung so
goot binah as een veritabeln Opernchor!
(Vun de tweet Stroph an klüng dat mehr
as övten se noch...)
Tjä, un denn käm he, de neege Kulbors.
Beten behäbig, mit een Prachtbort in't
Gesicht, (de Lüüd munkelt, hett em een
sööt lütt Fru anbackt, de Kassandra
Triebel heet!), erstmol dat Terreng