Audit shock for municipality - Letaba Herald

PAGE 6 HOEDSPRUIT HERALD - Friday 15 February 2013 S KO L E N U U S
Polisie besoek Drakies
LAERSKOOL Drakensig was in die bevoorregte
posisie om 'n besoek te kry van die
Hoedspruit Polisie.
Die leerders was ingelig oor veiligheid in die
omgewing en gemeenskap.
Onderwerpe soos diefstal, bakleiery, vreemdelinge
en wapens is aangeraak.
Hulle is kans gegee om vrae te vra en een
leerder het selfs 'n prys gewen.
Drakies bedank die Hoedspruit Polisie vir
die inisiatief wat hul geneem het om die
leerders te leer om veilig te wees.
Riepies skeer koppe vir klasmaat
DIE gr3 seuns van Laerskool Mariepskop het
verlede week 'n gedaanteverwisseling ondergaan
toe almal poenskop geskeer is vir 'n
baie goeie doel.
Hulle het besluit om saam te staan in die
ondersteuning van hul klasmaat, HJ van der
Nest, wat tans chemoterapie ontvang vir
Hodgkin's lymphoma.
HJ is in Desember met hierdie kanker gediagnoseer
en toe sy hare begin uitval, het pa en
ma besluit kaalkop is beter as kolkop.
HJ was maar skrikkerig oor die reaksie op sy
nuwe haarstyl, maar is verras deur 'n hele paar
ander poenskopseuns by die skool.
Die gr3's se juffrou, Rulene het dit tot
reggekry dat meneer Greyling ook sy blonde
boskasie prysgee.
En om te wys dat hulle net so baie omgee,
gaan die gr 3 meisies lemmetjiegroen strikkies
verkoop ten bate van CANSA.
HJ het nog vyf chemo-sessies oor waarna
daar 'n wagperiode van ses weke is voor hy
getoets word of hy kankervry is. HJ se stamina
is nie wat dit voorheen was nie, maar hy neem
steeds gemotiveerd deel aan sport waar hy
kan.
Riepies verbeter rekords
EEN EN TWINTIG Mariepskop-atlete het Saterdag
deelgeneem aan die Interlaer-byeenkoms
by Laerskool Tzaneen.
Die sterre van die dag was Jöhke Liversage,
wat 'n nuwe rekord opgestel het in die verspring
meisies o/ 11 met 'n wensprong van
4.08m, en Erich Ackerman wat 'n rekord
opgestel het in die hoogspring seuns o/10 met
'n hoogte van 1.25m.
Nicolaas, Erich se broer, het die hoogspring
seuns 0/13 gewen met 'n hoogte van 1.40m.
Tweedeplekke is behaal deur Tristan Patrick
vir spiesgooi seuns o/12.
Leonine Gildenhuys in die 1200m meisies
o/11, Danel Bekker in die 80m meisies o/10 en
Jessica Leicester in die spiesgooi meisies
o/12.
Sy het ook 'n derde plek behaal in gewigstoot
meisies o/12.
Donné Oosthuizen het derde gekom in die
75m hekkies meisies o/13.
BESOEKTYD: Konstabel Lucky Makutu en konstabel Livhuwani Mulaudzi van die Hoedspruit Polisie diens besoek die Drakies.
STERRE: Mariepskop se sterre van die dag wat deel geneem het by die Laerskool Tzaneen se
Interlaer-byeenkoms.