Newyddion-Tymor-yr-Haf

Clwb Ieithoedd
Mae Clwb Ieithoedd Tramor Modern Ysgol Glan Clwyd yn mynd o nerth i nerth gyda disgyblion (ac athrawon!)
o bob oed yn ymddiddori mewn gwneud sesiynau amser cinio Almaeneg gyda Mr Ian Griffiths. Bwriad y
sesiynau yw dysgu ieithoedd mewn ffordd ddiddorol a hwylus megis drwy gemau. Y tymor diwethaf, Sbaeneg
oedd yn cael y sylw ac ar ôl hanner tymor, mi fydd Eidaleg yn cael ei gynnig. Parliamo italiano!
Achosion Dyngarol
Mae’r ysgol yn ymfalchïo’n fawr yn ymdrechion yr ysgol i ymgyrch Diwrnod y Trwynau Coch - casglwyd £3366
gan Fl. 7, 8 a 9.
Rhedodd Kamuran Kaluvuz a Lewis Hughes Jones hanner marathon Lerpwl i godi arian i’r elusen Shine i rai â
Spina Bifida, gan orffen mewn amser da.
Mae Hosbis St Cyndeyrn wedi elwa o stondin gacennau a bore coffi a gynhaliwyd yn yr ysgol; felly hefyd Nyrsys
Macmillan.
Chwaraeon
Daeth tîm pêl-rwyd Bl. 8 yn ail yn nhwrnamaint Sir Ddinbych ddiwedd y tymor - da iawn chi. Hefyd cafodd y
timau athletau lwyddiant ysgubol ym mabolgampau sir Ddinbych. Daeth timau merched Bl. 8 a 9, bechgyn Bl.
8 a 9 a Merched Blwyddyn 10 yn gyntaf, a daeth bechgyn Bl. 10 yn drydydd. Hefyd torrodd Matthew Reece
record Pwysau a Disgen y Sir. Bydd pawb a ddaeth yn 1af ac yn 2il rŵan yn mynd ymlaen i gynrychioli Sir
Ddinbych ym mabolgampau Gogledd-Ddwyrain Cymru.
Cynhadledd 14-19